ԾՆՈՒՆԴՔ Գլուխ ԻԳ
Գլուխ ԻԳ
1 Եւ եղեն կեանք Սառայի հարեւր եւ քսան եւ եւթն #23։1 Եբր. ամ. ամք կենաց Սառայիամ։ 2Եւ մեռաւ Սառա ի քաղաքի Արբոկայ #23։2 ՅԵբր. պակասէի ձորն, այն ինքն է Քեբրոն յերկրին Քանանացւոց. եւ եկն Աբրահամ կոծել զՍառա եւ սուգ առնուլ։ 3Եւ յարեաւ Աբրահամ ի մեռելոյ անտի իւրմէ, եւ խօսեցաւ ընդ որդիսն Քետայ եւ ասէ. 4Պանդուխտ եւ նժդեհ եմ ես ի միջի ձերում. արդ տուք ինձ ստացուած գերեզմանի ընդ ձեզ եւ թաղեցից զմեռեալս իմ#23։4 Եբրայեցին յաւելու՝ յերեսաց իմոց։ 5Պատասխանի ետուն որդիքն Քետայ Աբրահամու եւ ասեն. 6Ունկն դիր մեզ, Տէր. #23։6 Եբր. իշխանթագաւոր յԱստուծոյ ես ի միջի մերում. յընտիր շիրմաց մերոց թաղեա զմեռեալդ քո. զի ոչ ոք ի մէնջ արգելու ի քէն զշիրիմս։ 7Յարեաւ Աբրահամ եւ երկիր եպագ ժողովրդեան երկրին, որդւոցն Քետայ։ 8Եւ խօսեցաւ ընդ նոսա Աբրահամ եւ ասէ. Եթէ յօժարիցէք ի մտի ձերում թաղել զմեռեալդ իմ յերեսաց իմոց, ունկն դիք ինձ, եւ խօսեցարուք վասն իմ ընդ Եփրոնի որդւոյ Սահառայ, 9եւ տացէ ինձ #23։9 Եբր. զայրն Մաքփեղայզայրն կրկին՝՝, որ է ի վիճակի ագարակին իւրոյ, արծաթոյ՝ որչափ եւ արժան իցէ. տացէ զնա ինձ ի միջի ձերում ի ստացուած #23։9 Եբր. շիրմիբնակաց։ 10Եւ Եփրոն նստէր ի մէջ որդւոցն Քետայ։ Պատասխանի ետ Եփրոն Քետացի Աբրահամու եւ ասէ լու ի լու որդւոցն Քետայ եւ ամենեցուն որ մտանէին ընդ դուռն քաղաքին նորա։ 11Եւ ասէ. Յիս դարձ, Տէր, եւ ունկն դիր ինձ. զագարակն ետու քեզ, եւ զայրն որ ի նմա՝ տաց քեզ. առաջի ամենայն քաղաքակցաց իմոց ետու քեզ. թաղեա զմեռեալն քո։ 12Եւ երկիր եպագ Աբրահամ առաջի ժողովրդեան երկրին։ 13Եւ խօսեցաւ ընդ Եփրոնի յականջս ժողովրդեան երկրին եւ ասէ. Որովհետեւ անսացեր ինձ, ունկն դիր ինձ. տաց քեզ արծաթ ընդ ագարակին, ա՛ռ յինէն եւ թաղեցից անդ զմեռեալս։ 14Պատասխանի ետ Եփրոն Աբրահամու եւ ասէ ցնա. 15#23։15 Եբր. Տէր իմ, ունկն դիր ինձՈչ տէր իմ. լուայ թէ՝՝ գետինն չորեքհարեւր սատեր արծաթոյ է. ընդ իս եւ ընդ քեզ զի՞նչ է այն. բայց դու թաղեա զմեռեալն քո։ 16Եւ իբրեւ լուաւ Աբրահամ յԵփրոնէ, կշռեաց զարծաթն Եփրոնի, զոր խօսեցաւ յականջս որդւոցն Քետայ, չորեքհարեւր սատեր արծաթոյ ընտրոյ վաճառականաց։ 17Եւ հաստատեցաւ ագարակն Եփրոնի, որ է #23։17 Եբր. ի Մաքփեղաառ կրկնով այրիւն՝՝ յանդիման Մամբրէի, ագարակն եւ այրն որ է ի նմա, եւ ամենայն ծառատունկ որ էր յագարակի անդ շուրջ յամենայն սահմանս նորա, 18ի ստացուածս Աբրահամու առաջի որդւոցն Քետայ, որ մտանէին ընդ դուռն քաղաքին նորա։ 19Եւ յետ այնորիկ թաղեաց Աբրահամ զՍառա զկին իւր #23։19 Եբր. յայրին որ յագարակին Մաքփեղայի կրկնում այրի ագարակին, որ է՝՝ յանդիման Մամբրէի, այն է Քեբրոն՝ յերկրին Քանանացւոց։ 20Եւ հաստատեցաւ ագարակն եւ այրն որ է ի նմա՝ Աբրահամու, ի ստացուածս շիրմաց յորդւոցն Քետայ։
Currently Selected:
ԾՆՈՒՆԴՔ Գլուխ ԻԳ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
