ԾՆՈՒՆԴՔ Գլուխ ԻԵ
Գլուխ ԻԵ
1 Եւ յաւել Աբրահամ առնուլ կին որում անուն էր Քետուրա։ 2Եւ ծնաւ նմա զԶեմրան եւ զՅեկսան, եւ զՄադան եւ զՄադիան եւ զՅեսբոկ եւ զՍովիւէ։ 3Եւ Յեկսան ծնաւ զՍաբա #25։3 ՅԵբր. պակասէեւ զԹեման՝՝ եւ զԴադան. եւ եղեն որդիք Դադանայ՝ #25։3 ՅԵբր. պակասէՌագուէլ եւ Նաբդեէլ եւ՝՝ Ասուրիիմ եւ Լատուսիիմ եւ Լովովմիմ։ 4Եւ որդիք Մադիամու՝ Գեփար եւ Ափեր եւ Ենոք եւ Աբիդա եւ Եղդագա. ամենեքեան սոքա էին որդիք Քետուրայ։
5Եւ ետ Աբրահամ զամենայն ինչս իւր Իսահակայ #25։5 ՅԵբր. պակասէորդւոյ իւրում՝՝։ 6Եւ որդւոց հարճիցն իւրոց որ էին Աբրահամու՝ ետ Աբրահամ պարգեւս, եւ արձակեաց զնոսա յԻսահակայ որդւոյ իւրոյ, մինչդեռ ինքն կենդանի էր, ընդ արեւելս՝ յերկիրն արեւելից։
7Եւ այս են ամք աւուրց կենացն Աբրահամու զորս եկեաց, հարիւր եւթանասուն եւ հինգ ամ։ 8Եւ պակասեալ Աբրահամու մեռաւ ի բարւոք ծերութեան, ալեւորեալ եւ լի աւուրբք. եւ յաւելաւ առ ժողովուրդ իւր։ 9Եւ թաղեցին զնա Իսահակ եւ Իսմայէլ որդիք նորա՝ յայրի անդ #25։9 Եբր. Մաքփեղայի կրկնում յագարակին Եփրոնի որդւոյ Սահառայ Քետացւոյ, որ է յանդիման Մամբրէի։ 10Ագարակն եւ այրն զոր ստացաւ Աբրահամ յորդւոցն Քետայ. անդ թաղեցին զԱբրահամ եւ զՍառա կին նորա։
11Եւ եղեւ յետ մահուանն Աբրահամու օրհնեաց Աստուած զԻսահակ զորդի նորա. եւ բնակեցաւ Իսահակ առ Ջրհորի տեսլեանն։
12Եւ այս են ծնունդք Իսմայելի որդւոյ Աբրահամու, զոր ծնաւ Ագար Եգիպտացի Աբրահամու, աղախինն Սառայի։ 13Եւ այս են անուանք որդւոցն Իսմայելի ըստ անուանց ազգացն նորա. անդրանիկ Իսմայելի Նաբեովթ եւ Կեդար եւ Աբդեէլ եւ Մաբսամ 14եւ Մասմա եւ Իդումա եւ Մասէ, 15եւ Քողդադ եւ Թեմա եւ Յետուր եւ Նափէս եւ Կեդմա։ 16Սոքա են որդիք Իսմայելի, եւ այս անուանք են նոցա ի հանգրուանս իւրեանց եւ ի խորանս իւրեանց, երկոտասան իշխանք նոցա ըստ ազգաց իւրեանց։ 17Եւ այս են ամք կենաց Իսմայելի, հարեւր երեսուն եւ եւթն ամ. եւ պակասեալ մեռաւ, եւ յաւելաւ յազգ իւր։ 18Եւ բնակեցաւ յԵւիլայ մինչեւ ցՍուր որ է յանդիման Եգիպտոսի, մինչեւ ի գալ յԱսորեստանեայս. յանդիման ամենայն եղբարց իւրոց բնակեցաւ։
19Եւ այս են ծնունդք Իսահակայ որդւոյ Աբրահամու. Աբրահամ ծնաւ զԻսահակ. 20Եւ էր Իսահակ ամաց քառասնից յորժամ առ զՌեբեկա զդուստր Բաթուելի Ասորւոյ, որ էր ի Միջագետաց Ասորւոց, զքոյր Լաբանու Ասորւոյ իւր ի կնութեան։ 21Եւ աղաչէր Իսահակ զՏէր վասն Ռեբեկայ կնոջ իւրոյ զի ամուլ էր։ Եւ լուաւ նմա #25։21 Եբր. ՏէրԱստուած, եւ յղացաւ Ռեբեկա կին նորա։ 22Եւ խաղային մանկունքն ի նմա. եւ ասէ. Եթէ այսպէս լինիցի ինձ, ընդէ՞ր իցէ ինձ այս։ Եւ գնաց հարցանել ի Տեառնէ։ 23Եւ ասէ ցնա Տէր. Երկու ազգ են յարգանդի քում, եւ երկու ժողովուրդք յորովայնէ քումմէ զատցին. եւ ժողովուրդ զժողովրդեամբ ելեւել առնիցէ, եւ երէցն կրտսերոյն ծառայեսցէ։ 24Եւ իբրեւ լցան նորա աւուրք ծնանելոյ, եւ էին երկու որդիք յորովայնի նորա։ 25Եւ եկն ել որդին անդրանիկ շառագոյն ամենեւին՝ իբրեւ զմորթ թաւ, եւ անուանեաց զանուն զորա #25։25 Այսինքն՝ թաւԵսաւ. եւ ապա ել եղբայր նորա, եւ ձեռն նորա ունէր զգարշապարէ Եսաւայ. եւ կոչեաց զանուն նորա #25։25 Այսինքն՝ որ ունի զգարշապարէ, եւ, խաբողՅակոբ։ 26Եւ Իսահակ էր ամաց վաթսնից, յորժամ ծնաւ զնոսա Ռեբեկա։ 27Եւ աճեցին մանկունքն. եւ էր Եսաւ այր հմուտ որսոյ՝ վայրագ, եւ Յակոբ՝ այր #25։27 Եբր. հանդարտ, կամ, լաւառանց պաճուճանաց՝՝ ընտասուն։ 28Եւ սիրեաց Իսահակ զԵսաւ, զի որս նորա կերակուր էր նմա. եւ Ռեբեկա սիրէր զՅակոբ։
29Եւ էր եփեալ Յակոբայ թան. եւ եկն Եսաւ ի դաշտէ նքթեալ։ 30Եւ ասէ Եսաւ ցՅակոբ. Տուր ինձ ճաշակել ի շիկաթանէդ յայդմանէ, զի նքթեալ եմ։ Վասն այնորիկ կոչեցաւ անուն նորա #25։30 Այսինքն՝ շէկԵդովմ։ 31Եւ ասէ Յակոբ ցԵսաւ. Վաճառեա ինձ այսօր #25։31 Եբր. զանդրանկութիւն.զանդրանկութիւնս քո։ 32Եւ ասէ Եսաւ. Ահաւասիկ ես երթամ ի վախճանել, եւ առ իմէ՞ իցեն ինձ այն #25։32 Եբր. անդրանկութիւնանդրանկութիւնք։ 33Եւ ասէ ցնա Յակոբ. Երդուիր ինձ այսօր։ Եւ երդուաւ նմա, եւ վաճառեաց Եսաւ #25։33 Եբր. զանդրանկութիւնզանդրանկութիւնս իւր Յակոբայ։ 34Եւ Յակոբ ետ Եսաւայ հաց եւ թան ոսպնեայ. կերաւ եւ արբ, եւ յարեաւ գնաց. եւ անարգեաց Եսաւ զանդրանկութիւնսն#25։34 Եբր. զանդրանկութիւնն։
Currently Selected:
ԾՆՈՒՆԴՔ Գլուխ ԻԵ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
