ԱՒԵՏԱՐԱՆ ԸՍՏ ՂՈՒԿԱՍՈՒ Գլուխ Դ
Գլուխ Դ
1 Եւ Յիսուս լի Հոգւով Սրբով դարձաւ ի Յորդանանէ, եւ վարէր Հոգւովն յանապատ, 2աւուրս քառասուն փորձեալ ի Սատանայէ. եւ ոչ եկեր եւ ոչ արբ յաւուրսն յայնոսիկ. եւ ի կատարելն նոցա քաղցեաւ։
3Եւ ասէ ցնա Սատանայ. Եթէ Որդի ես Աստուծոյ, ասա քարիդ այդմիկ զի հաց լիցի։ 4Պատասխանի ետ նմա Յիսուս եւ ասէ. Գրեալ է եթէ՝ Ոչ հացիւ միայն կեցցէ մարդ, այլ ամենայն բանիւ Աստուծոյ։
5Եւ հանեալ #4։5 Ոմանք. զնա Սատանայզնա ի լեառն մի բարձր՝ եցոյց նմա զամենայն թագաւորութիւնս աշխարհի ի վայրկեան ժամանակի։ 6Եւ ասէ ցնա Սատանայ. Քեզ տաց զայս ամենայն իշխանութիւն եւ զփառս սոցա, զի ինձ տուեալ է, եւ ում կամիմ՝ տամ զսա։ 7Արդ դու եթէ անկեալ երկիր պագանիցես առաջի իմ, քեզ եղիցի ամենայն։ 8Պատասխանի ետ նմա Յիսուս եւ #4։8 Ոմանք. ասէ. Երթ յետս իմ, Սատանայ, զիասէ. Գրեալ է. Երկիր պագցես Տեառն Աստուծոյ քում, եւ զնա միայն պաշտեսցես։
9Եւ ած զնա յԵրուսաղէմ, եւ կացոյց ի վերայ աշտարակի տաճարին, եւ ասէ ցնա. Եթէ Որդի ես Աստուծոյ, արկ զքեզ աստի ի վայր. 10զի գրեալ է եթէ՝ Հրեշտակաց իւրոց պատուիրեալ է վասն քո պահել զքեզ. 11զի ի վերայ ձեռաց բարձցեն զքեզ, մի՛ երբեք հարցես զքարի զոտն քո։ 12Պատասխանի ետ նմա Յիսուս եւ ասէ. Ասացեալ է թէ՝ Ոչ փորձեսցես զՏէր Աստուած քո։ 13Եւ կատարեալ զամենայն փորձութիւնս Սատանայի՝ ի բաց եկաց ի նմանէ առ ժամանակ մի։
ԲԿ.
14Եւ դարձաւ Յիսուս զօրութեամբ Հոգւոյն ի Գալիլեա. եւ ել համբաւ զնմանէ ընդ ամենայն կողմանս գաւառին։ 15Եւ նա ուսուցանէր ի ժղովուրդս նոցա փառաւորեալ յամենեցունց։
16Եւ եկն ի Նազարէթ ուր սնեալն էր. եւ եմուտ ըստ սովորութեան իւրում յաւուր շաբաթու #4։16 Յոյնն. ի ժողովուրդն, եւ յարեաւ ընթեռնուլ. (17) եւ ետուն նմա գիրս զԵսայեայ մարգարէի, եւ իբրեւ եբացի ժողովուրդն։ 17Եւ ետուն նմա գիրս զԵսայեայ մարգարէի. եւ յարեաւ ընթեռնուլ, եւ իբրեւ եբաց զգիրսն՝՝, եգիտ զայն տեղի յորում գրեալն էր. 18Հոգի Տեառն ի վերայ իմ, վասն որոյ եւ օծ իսկ զիս, աւետարանել աղքատաց առաքեաց զիս, բժշկել զբեկեալս սրտիւ, 19քարոզել գերեաց զթողութիւն եւ կուրաց տեսանել, արձակել զվիրաւորս ի թողութիւն, քարոզել զտարեկան Տեառն ընդունելի։ 20Եւ խփեալ զգիրսն՝ ետ ցպաշտօնեայն, եւ նստաւ. եւ ամենեցուն որ ի ժողովրդեանն էին աչք ի նա հայէին։ 21Եւ սկսաւ ասել ցնոսա. Այսօր լցան գիրքս այս յականջս ձեր։ 22Եւ ամենեքին վկայէին նմա, եւ զարմանային ընդ բանս շնորհացն որ ելանէին ի բերանոյ նորա, եւ ասէին. Ո՞չ սա է որդին Յովսեփայ։ 23Եւ ասէ ցնոսա. Ապաքէն ասիցէք առ իս զառակս զայս. Բժիշկ, բժշկեա զանձն քո. որչափ լուաք զոր արարեր ի Կափառնայում՝ արա եւ աստ ի քում գաւառի։ 24Եւ ասէ. Ամէն ասեմ ձեզ թէ՝ Չէ մարգարէ ընդունելի ի քաղաքի իւրում։ 25Արդարեւ ասեմ ձեզ. զի բազում այրիք էին յաւուրս Եղիայի ի մէջ Իսրայելի, յորժամ փակեցանն երկինք զերիս ամս եւ զվեց ամիս, եւ եղեւ սով մեծ ընդ ամենայն երկիր։ 26Եւ ոչ առ մի ի նոցանէ առաքեցաւ Եղիա, բայց միայն ի Սարեփթա Սիդովնացւոց առ կին մի այրի։ 27Եւ բազում բորոտք էին յԻսրայելի առ Եղիսէիւ մարգարէիւ. եւ ոչ ոք ի նոցանէ սրբեցաւ, բայց միայն Նէեման Ասորի։ 28Եւ լցան ամենեքին բարկութեամբ ի ժողովրդեանն, իբրեւ լսէին զայս. 29եւ յարուցեալ հանին զնա արտաքոյ քաղաքին, եւ ածին զնա մինչեւ յարտեւան լերինն յորոյ վերայ քաղաքն նոցա շինեալ էր՝ գահավէժ առնել զնա։ 30Եւ նա անցեալ ընդ մէջ նոցա՝ գնայր։
ԲԲ.
31Եւ էջ ի Կափառնայում ի քաղաքն Գալիլեացւոց, եւ ուսուցանէր զնոսա ի շաբաթսն։ 32Եւ զարմանային ընդ վարդապետութիւն նորա, զի իշխանութեամբ էր բան նորա։ 33Եւ էր ի ժողովրդեանն այր մի զոր ունէր այս դիւի պղծոյ, եւ աղաղակեաց ի ձայն մեծ, 34ասէ. Թուլացո, զի՞ կայ մեր եւ քո, Յիսուս Նազովրեցի, եկիր կորուսանե՞լ զմեզ. գիտեմք զքեզ ով ես, Սուրբդ Աստուծոյ։ 35Սաստեաց ի նա Յիսուս եւ ասէ. Պապանձեաց եւ ել ի դմանէ։ Զգետնեաց զնա դեւն ի միջի անդ, եւ ել ի նմանէ, եւ ոչինչ վնասեաց նմա։ 36Եւ եղեն զարմանալիք ի վերայ ամենեցուն, խօսէին ընդ միմեանս եւ ասէին. Զի՞նչ է բանս այս, զի իշխանութեամբ եւ զօրութեամբ սաստէ այսոց պղծոց, եւ ելանեն։ 37Եւ երթայր հռչակ զնմանէ ընդ ամենայն տեղիս շուրջ զգաւառաւն։
38Եւ յարուցեալ ի ժողովրդենէ անտի՝ եմուտ ի տուն Սիմովնի։ 39Զոքանչ Սիմովնի տագնապէր ջերմամբ մեծաւ. եւ աղաչեցին զնա վասն նորա։ 40Եկաց առ նմա, սաստեաց ջերմանն, եւ եթող զնա. եւ վաղվաղակի յարեաւ եւ պաշտէր զնոսա։
41Եւ ընդ արեւուն մտանել, ամենեքին որոց էին հիւանդք ի պէսպէս ցաւս՝ բերէին զնոսա առ նա. եւ նա իւրաքանչիւր ումեք ի նոցանէ դնէր ձեռս եւ բժշկէր զնոսա։ 42Ելանէին եւ դեւք ի բազմաց, աղաղակէին եւ ասէին եթէ՝ Դու ես Որդի Աստուծոյ։ Եւ նա սաստէր եւ ոչ տայր նոցա թոյլ խօսել, զի գիտէին զնա թէ Քրիստոսն է։
ԲԳ.
43Եւ իբրեւ տիւ եղեւ, ել գնաց յանապատ տեղի, եւ ժողովուրդքն խնդրէին զնա. եկին մինչեւ առ նա եւ արգելուին զնա, զի մի՛ գնասցէ ի նոցանէ։ 44Եւ նա ասէ ցնոսա. Եւ այլոց քաղաքաց պարտ է ինձ աւետարանել զարքայութիւնն Աստուծոյ, զի յայն իսկ առաքեցայ։ 45Եւ քարոզէր ի ժողովուրդսն Գալիլեացւոց։
Currently Selected:
ԱՒԵՏԱՐԱՆ ԸՍՏ ՂՈՒԿԱՍՈՒ Գլուխ Դ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
