Nkanee 24
24
1Na aber a Balaam hun dɛ asɔ EWURADZE enyi dɛ ohyira Israel no, ɔannkɔ ebisa bio, dɛ nkan no, mbom ɔdze n’enyi kedzii sar no do. 2Na Balaam maa n’enyi do, na ohun Israel dɛ wogu hɔ dɛ mbrɛ hɔn ebusuakuw ebusuakuw tsetsee; na Nyankopɔn sunsum baa no do. 3Na ɔkasae see dɛ,
Beor babanyin Balaam se dɛ,
Ɔbanyin a n’enyi hu adze yie no se dɛ:
4Nyia otsie Nyame ne nsɛm no,
Nyia ohu Twerammpon enyido adze no,
Ɔrohwe ase a, wɔtseew n’enyi do no, ɔse dɛ:
5Ao Jakob, mbrɛ wo tsenabea dua yɛ fɛw a,
Wo ntamadan no, Ao Israel!
6Wɔtserɛw dɛ mbɔnsa,
Dɛ esutsen ho nture,
Dɛ alɔe ndua a EWURADZE atsetsɛw,
Dɛ nsu ho kyindur ndua.
7No mbokitsi mu nsu bobu do,
Na n’asefo bɛtsena nsu pii mu,
Na ne hen bɔkrɔn asen Agag,
Na wɔbɛma n’ahendzi do.
8Nyame eyi no efi Egypt;
Ɔwɔ ahoɔdzen dɛ ɔnantwi bɔyafo:
Ɔbɛmen amanaman a wɔyɛ n’atamfo,
Na woebubu hɔn mbiew esinesin,
Na ɔdze n’egyen menaba ehwirahwira hɔn mu.
9Ɔkotowee, ɔdaa famu dɛ ogyata,
Na dɛ ogyataber; woana na obopusuw no?
Nhyira nka obiara a ohyira wo,
Na mpaa nka obiara a ɔpaa wo.
Balak Gya Balaam Kwan
10Na Balak n’ebufuw dzɛɛw Balaam do, na ɔbɔɔ ne nsamu: na Balak see Balaam dɛ, Mibehyiaa wo dɛ bɛpaa m’atamfo, na, hwɛ, ɔwo ehyira hɔn mpɛn ebiasa nye yi. 11Dɛm ntsi afei guan kɔ mbrɛ ifi: modween dɛ nkyɛ mebɛhyɛ wo enyimnyam kɛse; na, hwɛ, EWURADZE esiw w’enyimnyam ho kwan. 12Na Balaam see Balak dɛ, Ana mannka annkyerɛ w’abɔfoe a esomaa hɔn me nkyɛn no so dɛ, 13#Nka 22.18 Sɛ Balak dze dwetɛ nye sika ne fi ma mpo bɛma me a, murunntum mummbu EWURADZE n’asɛm do mommbɔ me tsir mu nnkɛyɛ papa anaa bɔn: dza EWURADZE bɛka no, ɔno na mebɛka? 14Na afei, hwɛ, morokɔ me man mu: bra, na memma hu dza ɔman yi dze bɛyɛ wo man wɔ nda a odzi ekyir no mu. 15Na obuu no bɛ see dɛ,
Beor babanyin Balaam se dɛ,
Ɔbanyin a n’enyi emua no se dɛ:
16Nyia otsie Nyame ne nsɛm no,
Na onyim Abɔso no ho nyimdzee no,
Nyia ohu Twerammpon enyido adze no,
Ɔrohwe ase a, wɔtseew n’enyi do no ɔse dɛ:
17Muhu no, nnyɛ sesei dze a:
Mohwɛ no, ɔmmbɛn dze:
Nworaba bi fi Jakob mu bopue,
Na ahempoma befi Israel mu asoɛr,
Na wɔabɔ afa Moab nkukuwa mu,
Na wɔadwerew ɔko mba gyigyeegye no nyinara.
18Na Edom bɛyɛ adzenyadze,
Seir so a wɔyɛ n’atamfo bɛyɛ n’adzenyadze;
Na Israel bɛyɛ mbanyindze ara.
19Na obi fi Jakob mu bedzi tum,
Na ɔasɛɛ kurow no mu dza aka no.
20Na ɔhwɛɛ Amalek, na ɔsɔɔw ne kasaa no do see dɛ
Amalek nye amanaman mu odzikamfo;
Na n’ewiei bowie no ɔsɛɛ mu.
21Na ɔhwɛɛ Kennyi, na ɔkasaa bio see dɛ,
Wo tsenabew si hɔ pintsinn,
Na wɔdze wo berɛbuw ahyɛ ɔbotan mu.
22Naaso Kain bɔhwer,
Ekodu dɛ Assur bɛfa wo ndɔmmum.
23Na owiee ne kasaa no obuu no bɛ see dɛ,
Ebei, Nyame reyɛ iyi no woana bɛtsena ase?
24Na ahɛn befi Kittim mbew do aba,
Na wɔabɛhaw Assur, na wɔahaw Eber,
Na ɔnoara so ewie no ɔsɛɛ mu.
25Na Balaam soɛree, na osii mu sanee kɔr ne tsenabew: na Balak so faa no kwan kɔree.
Currently Selected:
Nkanee 24: MFANBRP
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Nkanee 24
24
1Na aber a Balaam hun dɛ asɔ EWURADZE enyi dɛ ohyira Israel no, ɔannkɔ ebisa bio, dɛ nkan no, mbom ɔdze n’enyi kedzii sar no do. 2Na Balaam maa n’enyi do, na ohun Israel dɛ wogu hɔ dɛ mbrɛ hɔn ebusuakuw ebusuakuw tsetsee; na Nyankopɔn sunsum baa no do. 3Na ɔkasae see dɛ,
Beor babanyin Balaam se dɛ,
Ɔbanyin a n’enyi hu adze yie no se dɛ:
4Nyia otsie Nyame ne nsɛm no,
Nyia ohu Twerammpon enyido adze no,
Ɔrohwe ase a, wɔtseew n’enyi do no, ɔse dɛ:
5Ao Jakob, mbrɛ wo tsenabea dua yɛ fɛw a,
Wo ntamadan no, Ao Israel!
6Wɔtserɛw dɛ mbɔnsa,
Dɛ esutsen ho nture,
Dɛ alɔe ndua a EWURADZE atsetsɛw,
Dɛ nsu ho kyindur ndua.
7No mbokitsi mu nsu bobu do,
Na n’asefo bɛtsena nsu pii mu,
Na ne hen bɔkrɔn asen Agag,
Na wɔbɛma n’ahendzi do.
8Nyame eyi no efi Egypt;
Ɔwɔ ahoɔdzen dɛ ɔnantwi bɔyafo:
Ɔbɛmen amanaman a wɔyɛ n’atamfo,
Na woebubu hɔn mbiew esinesin,
Na ɔdze n’egyen menaba ehwirahwira hɔn mu.
9Ɔkotowee, ɔdaa famu dɛ ogyata,
Na dɛ ogyataber; woana na obopusuw no?
Nhyira nka obiara a ohyira wo,
Na mpaa nka obiara a ɔpaa wo.
Balak Gya Balaam Kwan
10Na Balak n’ebufuw dzɛɛw Balaam do, na ɔbɔɔ ne nsamu: na Balak see Balaam dɛ, Mibehyiaa wo dɛ bɛpaa m’atamfo, na, hwɛ, ɔwo ehyira hɔn mpɛn ebiasa nye yi. 11Dɛm ntsi afei guan kɔ mbrɛ ifi: modween dɛ nkyɛ mebɛhyɛ wo enyimnyam kɛse; na, hwɛ, EWURADZE esiw w’enyimnyam ho kwan. 12Na Balaam see Balak dɛ, Ana mannka annkyerɛ w’abɔfoe a esomaa hɔn me nkyɛn no so dɛ, 13#Nka 22.18 Sɛ Balak dze dwetɛ nye sika ne fi ma mpo bɛma me a, murunntum mummbu EWURADZE n’asɛm do mommbɔ me tsir mu nnkɛyɛ papa anaa bɔn: dza EWURADZE bɛka no, ɔno na mebɛka? 14Na afei, hwɛ, morokɔ me man mu: bra, na memma hu dza ɔman yi dze bɛyɛ wo man wɔ nda a odzi ekyir no mu. 15Na obuu no bɛ see dɛ,
Beor babanyin Balaam se dɛ,
Ɔbanyin a n’enyi emua no se dɛ:
16Nyia otsie Nyame ne nsɛm no,
Na onyim Abɔso no ho nyimdzee no,
Nyia ohu Twerammpon enyido adze no,
Ɔrohwe ase a, wɔtseew n’enyi do no ɔse dɛ:
17Muhu no, nnyɛ sesei dze a:
Mohwɛ no, ɔmmbɛn dze:
Nworaba bi fi Jakob mu bopue,
Na ahempoma befi Israel mu asoɛr,
Na wɔabɔ afa Moab nkukuwa mu,
Na wɔadwerew ɔko mba gyigyeegye no nyinara.
18Na Edom bɛyɛ adzenyadze,
Seir so a wɔyɛ n’atamfo bɛyɛ n’adzenyadze;
Na Israel bɛyɛ mbanyindze ara.
19Na obi fi Jakob mu bedzi tum,
Na ɔasɛɛ kurow no mu dza aka no.
20Na ɔhwɛɛ Amalek, na ɔsɔɔw ne kasaa no do see dɛ
Amalek nye amanaman mu odzikamfo;
Na n’ewiei bowie no ɔsɛɛ mu.
21Na ɔhwɛɛ Kennyi, na ɔkasaa bio see dɛ,
Wo tsenabew si hɔ pintsinn,
Na wɔdze wo berɛbuw ahyɛ ɔbotan mu.
22Naaso Kain bɔhwer,
Ekodu dɛ Assur bɛfa wo ndɔmmum.
23Na owiee ne kasaa no obuu no bɛ see dɛ,
Ebei, Nyame reyɛ iyi no woana bɛtsena ase?
24Na ahɛn befi Kittim mbew do aba,
Na wɔabɛhaw Assur, na wɔahaw Eber,
Na ɔnoara so ewie no ɔsɛɛ mu.
25Na Balaam soɛree, na osii mu sanee kɔr ne tsenabew: na Balak so faa no kwan kɔree.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.