Nkanee 30
30
Anohoba Ho Mbra
1Na Moses kasaa kyerɛɛ Israelmba ebusuakuw ebusuakuw mu etsitsir no dɛ, Iyi nye adze a EWURADZE ahyɛ. 2Sɛ nyimpa bi bɔ EWURADZE anohoba, anaa ɔka ntam dze nkyehoma kyekyer ne kra a, mma ommbu n’asɛm do; ɔnyɛ dɛ mbrɛ dza ofi n’anomu nyinara tse. 3Eso sɛ ɔbaa bi bɔ anohoba ma EWURADZE, na ɔdze nkyehoma kyekyer noho wɔ n’egya fie, ne nkataasiaber mu; 4na n’egya tse n’anohoba, nye ne nkyehoma a ɔdze akyekyer ne kra, na n’egya ennsiw no kwam a: ɔno n’anohoba nyinara ntsim hɔ, na nkyehoma biara a ɔdze akyekyer ne kra no ntsim hɔ. 5Sɛ da a n’egya bɛtse no osiw no kwan dze a; ɔno n’anohoba, anaa ne nkyehoma a ɔdze akyekyer ne kra no mu biara rinntsim hɔ: na EWURADZE dze bɛkyɛ no, osiandɛ n’egya siiw no kwan. 6Na sɛ ɔwɔ kun, wɔ aber a n’anohoba, anaa n’anosɛm hurutuhurutu a ɔdze akyekyer ne kra no, wɔ no do no; 7na no kun tse, na da a ɔtsee no oennsiw no kwan a: ɔno n’anohoba no ntsim hɔ na ne nkyehoma a ɔdze akyekyer ne kra no ntsim hɔ. 8Sɛ no kun siw no kwan da a ɔtsee no dze a; ɔno ɔmma n’anohoba a ɔwɔ no do, nye n’anosɛm hurutuhurutu a ɔdze akyekyer ne kra no nyɛ kwa: na EWURADZE dze bɛkyɛr no. 9Na okunafo, anaa nyia woegyaa no awar no n’anohoba dze, mekyerɛ adze biara a ɔdze kyekyer ne kra no, otsim no do. 10Na sɛ ɔwɔ no kun fie na ɔbɔɔ anohoba, anaa ɔdze ntam dze nkyehoma kyekyeer ne kra, 11na no kun tsee, na ɔyɛɛ no komm, na oennsiw no kwan a; ɔno n’anohoba nyinara tsim hɔ, na nkyehoma biara a ɔdze akyekyer ne kra no tsim hɔ. 12Sɛ no kun no ma ɔyɛ kwa wɔ da a ɔtsee no dze a; ɔno biribiara a ofii n’anomu do wɔ n’anohoba ho, anaa ne kra nkyehoma ho no, rinntsim hɔ: no kun no ama ayɛ kwa; na EWURADZE dze bɛkyɛ no. 13Anohoba biara, nye ntam biara a wɔdze brɛ ɔkra adze no, no kun na ɔma otsintsim, anaa no kun na ɔma ɔyɛ kwa. 14Na sɛ no kun yɛ no komm koraa fi da to da a; ɔno otsintsim n’anohoba nyinara, anaa ne nkyehoma nyinara a ɔwɔ no do no: oetsintsim no, osiandɛ ɔyɛɛ no komm wɔ da a ɔtsee no. 15Sɛ ɔatse no ɔkyɛr ana ekyir no ɔama ayɛ kwa dze a; ɔno kun no nsoa yer no n’emumuyɛ. 16Iyinom nye ahyɛdze a EWURADZE hyɛɛ Moses dɛ ɔnda banyin nye ne yer ntamu, ɔnda egya nye ne babaa a ɔwɔ ne nkataasiaber mu, wɔ n’egya fie ntamu.
Currently Selected:
Nkanee 30: MFANBRP
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Nkanee 30
30
Anohoba Ho Mbra
1Na Moses kasaa kyerɛɛ Israelmba ebusuakuw ebusuakuw mu etsitsir no dɛ, Iyi nye adze a EWURADZE ahyɛ. 2Sɛ nyimpa bi bɔ EWURADZE anohoba, anaa ɔka ntam dze nkyehoma kyekyer ne kra a, mma ommbu n’asɛm do; ɔnyɛ dɛ mbrɛ dza ofi n’anomu nyinara tse. 3Eso sɛ ɔbaa bi bɔ anohoba ma EWURADZE, na ɔdze nkyehoma kyekyer noho wɔ n’egya fie, ne nkataasiaber mu; 4na n’egya tse n’anohoba, nye ne nkyehoma a ɔdze akyekyer ne kra, na n’egya ennsiw no kwam a: ɔno n’anohoba nyinara ntsim hɔ, na nkyehoma biara a ɔdze akyekyer ne kra no ntsim hɔ. 5Sɛ da a n’egya bɛtse no osiw no kwan dze a; ɔno n’anohoba, anaa ne nkyehoma a ɔdze akyekyer ne kra no mu biara rinntsim hɔ: na EWURADZE dze bɛkyɛ no, osiandɛ n’egya siiw no kwan. 6Na sɛ ɔwɔ kun, wɔ aber a n’anohoba, anaa n’anosɛm hurutuhurutu a ɔdze akyekyer ne kra no, wɔ no do no; 7na no kun tse, na da a ɔtsee no oennsiw no kwan a: ɔno n’anohoba no ntsim hɔ na ne nkyehoma a ɔdze akyekyer ne kra no ntsim hɔ. 8Sɛ no kun siw no kwan da a ɔtsee no dze a; ɔno ɔmma n’anohoba a ɔwɔ no do, nye n’anosɛm hurutuhurutu a ɔdze akyekyer ne kra no nyɛ kwa: na EWURADZE dze bɛkyɛr no. 9Na okunafo, anaa nyia woegyaa no awar no n’anohoba dze, mekyerɛ adze biara a ɔdze kyekyer ne kra no, otsim no do. 10Na sɛ ɔwɔ no kun fie na ɔbɔɔ anohoba, anaa ɔdze ntam dze nkyehoma kyekyeer ne kra, 11na no kun tsee, na ɔyɛɛ no komm, na oennsiw no kwan a; ɔno n’anohoba nyinara tsim hɔ, na nkyehoma biara a ɔdze akyekyer ne kra no tsim hɔ. 12Sɛ no kun no ma ɔyɛ kwa wɔ da a ɔtsee no dze a; ɔno biribiara a ofii n’anomu do wɔ n’anohoba ho, anaa ne kra nkyehoma ho no, rinntsim hɔ: no kun no ama ayɛ kwa; na EWURADZE dze bɛkyɛ no. 13Anohoba biara, nye ntam biara a wɔdze brɛ ɔkra adze no, no kun na ɔma otsintsim, anaa no kun na ɔma ɔyɛ kwa. 14Na sɛ no kun yɛ no komm koraa fi da to da a; ɔno otsintsim n’anohoba nyinara, anaa ne nkyehoma nyinara a ɔwɔ no do no: oetsintsim no, osiandɛ ɔyɛɛ no komm wɔ da a ɔtsee no. 15Sɛ ɔatse no ɔkyɛr ana ekyir no ɔama ayɛ kwa dze a; ɔno kun no nsoa yer no n’emumuyɛ. 16Iyinom nye ahyɛdze a EWURADZE hyɛɛ Moses dɛ ɔnda banyin nye ne yer ntamu, ɔnda egya nye ne babaa a ɔwɔ ne nkataasiaber mu, wɔ n’egya fie ntamu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.