Ndwuma 11
11
Peter Bɔ Amandzɛɛ Kyerɛ Jerusalɛm Asɔr no
1Na asomafo nye enuanom a wɔwɔ Judea no tsee dɛ amanamamfo so agye Nyankopɔn asɛm no. 2Na Peter baa Jerusalɛm no, hɔn a wofi etwatsiafo mu no nye no akasakasa dɛ, 3Ɔwo akɔ mbarimba a wɔnnyɛ etwatsiafo mu, na nye hɔn ekedzidzi. 4Na Peter hyɛɛ asɛm no ase kaa no esiado kyerɛɛ hɔn dɛ, 5Mowɔ Jopa kurow mu rosɔr, na m’enyiwa wiaa me ma mokɔr tsebea fofor mu na muhun m’enyido adze, adze bi a orisian a ɔtse dɛ abradaa kɛse a wɔakyekyer no etwaanan rigyaa mu fi sor, na ɔbaa me nkyɛn; 6na megyeen m’enyi hwɛɛ mu no, muhun asaase mbowa a wotsia ntwɛrnan nye hambowa nye hɔn a wɔweawea nye wimu ntumbowa nyina wɔ mu. 7Na metsee ndze bi a ɔsee me dɛ, Peter, soɛr: ku na dzi. 8Na mesee dɛ, Dabida, Ewuradze: osiandɛ biribiara a ɔyɛ ekyiwadze anaadɛ no ho nntsew nnkɔr m’anomu da. 9Na ndze no fi sor buaa ne mprɛnu dɛ, Dza Nyankopɔn asan ho no, mma mmfrɛ no ekyiwadze. 10Na wɔyɛɛ iyi mprɛnsa, na afei wɔtwetwee ne nyina kɔr sor bio. 11Na hwɛ, amonmu hɔ ara na mbarimba baasa baa ofi a yɛwɔ mu no ano a wɔsomaa hɔn fii Kaesarea baa me nkyɛn. 12Na Sunsum no see me dɛ menye hɔn nkɔ, na mma mennyɛ nyiyimu. Na enuanom beesia yi kegyaa me, na yɛkɛhɛɛn ɔbarimba no ne fie; 13na ɔkaa mbrɛ ohun ɔbɔfo no wɔ ne fie, dɛ ogyina hɔ rese no dɛ, Soma nyimpa kɔ Jopa kehyia Simon a wɔfrɛ no Peter so kyerɛɛ hɛn: 14ɔno na ɔbɛka wo nsɛm a ɔwo nye wo fiemba nyina nam do benya nkwa. 15Na mehyɛɛ ase rekasa no, Sunsum Krɔnkrɔn no boguu hɔn do dɛ mbrɛ ahyɛse no oguu hɛn so do no. 16#Ndwu 1.5 Na mekaa Ewuradze asɛm a ɔkaa dɛ, John dze, ɔdze nsu numae; na hom dze, wɔdze Sunsum Krɔnkrɔn bonuma hom. 17Dɛm ntsi, sɛ Nyankopɔn akyɛ hɔn akyɛdze kor no ara dɛ hɛn so a yɛgyee Ewuradze Jesus Kraest dzii no a, emi nye woana na mubotum esiw Nyankopɔn kwan? 18Na wɔtsee yinom no, wɔyɛɛ komm, na wɔhyɛɛ Nyankopɔn enyimnyam see dɛ, Nna kyerɛ dɛ Nyankopɔn ama amanamamba so nnuho a ɔdze kɔ nkwa mu.
Antiok Asɔr no
19 #
Ndwu 8.1-4
Na hɔn a ahohia a ɔbaa Stefen do no ntsi wɔpetsee no, wokyinii kodur Fonisia nye Siprus nye Antiok, na wɔannka asɛm no annkyerɛ obiara dɛ Jewfo nko. 20Na hɔn mu binom yɛ Siprusfo nye Sirenefo; hɔn na wɔbaa Antiok no, wɔkasaa kyerɛɛ Helenefo#11.20 Tsetse akyerɛwfo no binom ka dɛ: Griikfo. no so kaa Ewuradze Jesus ho asɛmpa no. 21Na Ewuradze ne nsa nye hɔn nam, na nyimpa pii a wɔgyee dzii no wɔdanee baa Ewuradze hɔ. 22Na yinom ho nsɛm dur asɔr a ɔwɔ Jerusalɛm asomu, na wɔsomaa Barnabas dɛ onkekyin nkodu Antiok; 23ɔno na ɔbae, na obohun Nyankopɔn adom no, n’enyi gyee, na otuu hɔn nyina fo dɛ wonsi hɔn adwen pi ntakyer Ewuradze ho: 24osiandɛ Barnabas yɛ nyimpa papa, na Sunsum Krɔnkrɔn nye gyedzi so ahyɛ no ma; na nyimpadodow pii baa Ewuradze hɔ. 25Na ofii hɔ kɔr Tarsus kɔhwehwɛɛ Saul, 26na ohun no no, ɔdze no baa Antiok, na wɔnye asɔrmba no dzii ehyia araa afrenhyia, na wɔkyerɛkyerɛɛ nyimpadodow pii. Antiok hɔ na wodzii kan too esuafo no Kristianfo.
27Na nda no mu no nkɔnhyɛfo fii Jerusalɛm baa Antiok. 28#Ndwu 21.10 Na hɔn mu kor a ne dzin dze Agabus gyinae nam Sunsum no do kyerɛɛ dɛ ɔkɔm kɛse bi rebɛba asaase nyina do: ɔno na ɔbae wɔ Klaudius ber do no. 29Na esuafo no, dɛ mbrɛ hɔn mu biara botum no, bɔɔ hɔn tsirmu dɛ wɔdze biribi bɔmona enuanom a wɔtse Judea dze akɔhwɛ hɔn: 30ɔno na wɔyɛe, na wɔdze somaa Barnabas nye Saul dze kɛmaa mpanyimfo no.
Currently Selected:
Ndwuma 11: MFANBRPC
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Ndwuma 11
11
Peter Bɔ Amandzɛɛ Kyerɛ Jerusalɛm Asɔr no
1Na asomafo nye enuanom a wɔwɔ Judea no tsee dɛ amanamamfo so agye Nyankopɔn asɛm no. 2Na Peter baa Jerusalɛm no, hɔn a wofi etwatsiafo mu no nye no akasakasa dɛ, 3Ɔwo akɔ mbarimba a wɔnnyɛ etwatsiafo mu, na nye hɔn ekedzidzi. 4Na Peter hyɛɛ asɛm no ase kaa no esiado kyerɛɛ hɔn dɛ, 5Mowɔ Jopa kurow mu rosɔr, na m’enyiwa wiaa me ma mokɔr tsebea fofor mu na muhun m’enyido adze, adze bi a orisian a ɔtse dɛ abradaa kɛse a wɔakyekyer no etwaanan rigyaa mu fi sor, na ɔbaa me nkyɛn; 6na megyeen m’enyi hwɛɛ mu no, muhun asaase mbowa a wotsia ntwɛrnan nye hambowa nye hɔn a wɔweawea nye wimu ntumbowa nyina wɔ mu. 7Na metsee ndze bi a ɔsee me dɛ, Peter, soɛr: ku na dzi. 8Na mesee dɛ, Dabida, Ewuradze: osiandɛ biribiara a ɔyɛ ekyiwadze anaadɛ no ho nntsew nnkɔr m’anomu da. 9Na ndze no fi sor buaa ne mprɛnu dɛ, Dza Nyankopɔn asan ho no, mma mmfrɛ no ekyiwadze. 10Na wɔyɛɛ iyi mprɛnsa, na afei wɔtwetwee ne nyina kɔr sor bio. 11Na hwɛ, amonmu hɔ ara na mbarimba baasa baa ofi a yɛwɔ mu no ano a wɔsomaa hɔn fii Kaesarea baa me nkyɛn. 12Na Sunsum no see me dɛ menye hɔn nkɔ, na mma mennyɛ nyiyimu. Na enuanom beesia yi kegyaa me, na yɛkɛhɛɛn ɔbarimba no ne fie; 13na ɔkaa mbrɛ ohun ɔbɔfo no wɔ ne fie, dɛ ogyina hɔ rese no dɛ, Soma nyimpa kɔ Jopa kehyia Simon a wɔfrɛ no Peter so kyerɛɛ hɛn: 14ɔno na ɔbɛka wo nsɛm a ɔwo nye wo fiemba nyina nam do benya nkwa. 15Na mehyɛɛ ase rekasa no, Sunsum Krɔnkrɔn no boguu hɔn do dɛ mbrɛ ahyɛse no oguu hɛn so do no. 16#Ndwu 1.5 Na mekaa Ewuradze asɛm a ɔkaa dɛ, John dze, ɔdze nsu numae; na hom dze, wɔdze Sunsum Krɔnkrɔn bonuma hom. 17Dɛm ntsi, sɛ Nyankopɔn akyɛ hɔn akyɛdze kor no ara dɛ hɛn so a yɛgyee Ewuradze Jesus Kraest dzii no a, emi nye woana na mubotum esiw Nyankopɔn kwan? 18Na wɔtsee yinom no, wɔyɛɛ komm, na wɔhyɛɛ Nyankopɔn enyimnyam see dɛ, Nna kyerɛ dɛ Nyankopɔn ama amanamamba so nnuho a ɔdze kɔ nkwa mu.
Antiok Asɔr no
19 #
Ndwu 8.1-4
Na hɔn a ahohia a ɔbaa Stefen do no ntsi wɔpetsee no, wokyinii kodur Fonisia nye Siprus nye Antiok, na wɔannka asɛm no annkyerɛ obiara dɛ Jewfo nko. 20Na hɔn mu binom yɛ Siprusfo nye Sirenefo; hɔn na wɔbaa Antiok no, wɔkasaa kyerɛɛ Helenefo#11.20 Tsetse akyerɛwfo no binom ka dɛ: Griikfo. no so kaa Ewuradze Jesus ho asɛmpa no. 21Na Ewuradze ne nsa nye hɔn nam, na nyimpa pii a wɔgyee dzii no wɔdanee baa Ewuradze hɔ. 22Na yinom ho nsɛm dur asɔr a ɔwɔ Jerusalɛm asomu, na wɔsomaa Barnabas dɛ onkekyin nkodu Antiok; 23ɔno na ɔbae, na obohun Nyankopɔn adom no, n’enyi gyee, na otuu hɔn nyina fo dɛ wonsi hɔn adwen pi ntakyer Ewuradze ho: 24osiandɛ Barnabas yɛ nyimpa papa, na Sunsum Krɔnkrɔn nye gyedzi so ahyɛ no ma; na nyimpadodow pii baa Ewuradze hɔ. 25Na ofii hɔ kɔr Tarsus kɔhwehwɛɛ Saul, 26na ohun no no, ɔdze no baa Antiok, na wɔnye asɔrmba no dzii ehyia araa afrenhyia, na wɔkyerɛkyerɛɛ nyimpadodow pii. Antiok hɔ na wodzii kan too esuafo no Kristianfo.
27Na nda no mu no nkɔnhyɛfo fii Jerusalɛm baa Antiok. 28#Ndwu 21.10 Na hɔn mu kor a ne dzin dze Agabus gyinae nam Sunsum no do kyerɛɛ dɛ ɔkɔm kɛse bi rebɛba asaase nyina do: ɔno na ɔbae wɔ Klaudius ber do no. 29Na esuafo no, dɛ mbrɛ hɔn mu biara botum no, bɔɔ hɔn tsirmu dɛ wɔdze biribi bɔmona enuanom a wɔtse Judea dze akɔhwɛ hɔn: 30ɔno na wɔyɛe, na wɔdze somaa Barnabas nye Saul dze kɛmaa mpanyimfo no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.