Gyenesis 24
24
Isaak N’awar
1Na Abraham ayɛ akɔdaa, na oedzi mfe ara yie: na EWURADZE hyiraa Abraham wɔ adze nyinara mu. 2Na Abraham see, ne fie somfo panyin a ɔhwɛ adze a ɔwɔ nyinara do no, dɛ, Meserɛ wo, fa wo nsa to m’aserɛ ase: 3na mebɛma edze EWURADZE, sor Nyankopɔn nye asaase Nyankopɔn no, edzi nsew, dɛ ennkɛgye Keenanfo a metse hɔn mu yi, hɔn mbabaa mu bi yer ama me ba: 4na ebɔkɔ mo kurow mu, na akɛgye yer wɔ m’ebusua mu abrɛ me ba Isaak. 5Na ɔsomfo no see dɛ, Bi a ɔbaa no nnkɛpɛ dɛ ɔbɛka mo do aba asaase yi do: ɔnodze memfa wo ba nsan nkɔ asaase a ifi do bae no do bio a? 6Na Abraham see no dɛ, Hwɛ woho yie mma aammfa me ba annkɔ hɔ bio. 7EWURADZE, ɔsor Nyankopɔn no a ɔfaa me fii m’egya fie, nye asaase a wɔwoo me do no, na ɔkasaa kyerɛɛ me, na odzii nsew kyerɛɛ me, dɛ, W’asefo na medze asaase yi mebɛma hɔn no; ɔbɔsoma no bɔfoe ma oeedzi w’enyim, na akɛgye yer wɔ hɔ abrɛ me ba. 8Na sɛ ɔbaa no ammpɛ dɛ ɔbɛka wo do a, ɔno na wo ho efi me ntam yi mu: me ba no ara na mma mmfa no nnkɔ hɔ bio. 9Na akowaa no dze ne nsa too no wura Abraham ne serɛ ase, na odzii nsew kyerɛɛ no wɔ asɛm yi ho. 10Na akowaa no faa no wura n’efumpɔnkɔ mu du, na no wura ne ndzɛmba papa nyinara awɔ ne nsamu: no bi na osii mu kɔr Mesopotemia, Nahor kurow mu. 11Na ɔmaa efumpɔnkɔ no butubutuuw kurotsia nsubura no ho ewimbibaamu, aber a mbaa pue kɛsaw nsu no. 12Na ɔbɔɔ mpaa dɛ, EWURADZE, mo wura Abraham ne Nyankopɔn, meserɛ wo, ma minhyia yie ndɛ, na yɛ mo wura Abraham ayamuyie. 13Hwɛ, migyina nsubura yi ho; na kurow no mu mba mbabaa rupue abɛsaw nsu: 14na ma ɔmbra dɛ, akataasia a mebɛse no dɛ, Meserɛ wo, soɛ w’ehina, ma monnom bi; na ɔbɛse dɛ, Nom bi, na mebɛma w’efumpɔnkɔ no nsu ma wɔaanom no: ɔnoara na ma ɔnyɛ nyia eyi no ama w’akowaa Isaak; na ɔnam dɛm no do na mubohu dɛ ayɛ mo wura ayamuyie. 15Na ɔbaa dɛ onnyae nnwiee kasa no, hwɛ, Rebeka a wɔwoo no maa Betuel a ɔyɛ Abraham no nua Nahor ne yer Milka ne ba no, puei, na n’ehina si no kɔn ho. 16Na akataasia no no ho yɛ fɛw dodow, na ɔyɛ ɔbaabun, osiandɛ ɔbanyin biara nnhun no pɛn: na osianee kɔr bura no mu, na ɔkɛhyɛɛ n’ehina ma, na ɔbaa sor. 17Na akowaa no tutuu mbirika kehyiaa no kwan, na ɔsee dɛ, Meserɛ wo, ma monnom w’ehina mu nsu kakra. 18Na ɔsee dɛ, Nom bi, mo wura: na ɔyɛɛ ntsɛm soɛɛ ehina no taa ne nsamu, na ɔmaa no nsu ma ɔnomee. 19Na aber a owiee no nsu ma ma ɔnomee no, ɔsee dɛ, Mebɛsesaw bi abrɛ w’efumpɔnkɔ no so, dze ekodu dɛ wobowie nom. 20Na ɔyɛɛ ntsɛm, na ohuee n’ehina mu nsu guu ɔdaasee mu, na otutuu mbirika kɔr bura no mu bio kɛsawee, na ɔsawee maa n’efumpɔnkɔ no nyinara. 21Na banyin no hwɛɛ no haa dɛ obohu kyerɛ EWURADZE ama n’akwantu no ayɛ prɔmprɔm anaa ɔnnyɛe. 22Na ɔbaa dɛ, efumpɔnkɔ no wiee nsu nom no, nna banyin no faa sika mpɛtsea a n’ano tow dwetɛbona fa, nye ne nsakɔnadze ebien a n’ano tow sika dwetɛbona du dze hyɛɛ ne nsa; 23na obisaa no dɛ, Woana babaa nye wo? Meserɛ wo, ka kyerɛ me. Ana ɔkwan wɔ w’egya fie ma hɛn dɛ yɛbɔsoɛ hɔ? 24Na Rebeka see no dɛ, Betuel a ɔyɛ Milka ne babanyin a ɔwoo no maa Nahor no, ne babaa nye me. 25Nkyii so ɔsee no dɛ, Yɛwɔ efuw nye mbowa edziban pii, nye dan a wɔsoɛ mu. 26Na banyin no bɔɔ ne tsir adze, na ɔsɔɔr EWURADZE. 27Na ɔsee dɛ, Nhyira nka EWURADZE, mo wura Abraham ne Nyankopɔn a ɔammpow n’ehumbɔbɔr nye no nokwar no wɔ mo wura ho: emi dze, EWURADZE egya me kwan aba mo wura no nuanom fie. 28Na akataasia no tuu mbirika kɔree, na ɔkɛkaa kyerɛɛ ne na ne fifo dɛ mbrɛ nsɛm yi tse ara. 29Nna Rebeka wɔ nuabanyin bi a ne dzin dze Laban. 30Na ɔbaa dɛ, aber a ohun mpɛtsea nye nsakɔnadze wɔ n’akyerɛbaa Rebeka ne nsa, na ɔtsee n’akyerɛbaa ne nsɛm no, dɛ, Mbrɛ banyin no kaa kyerɛɛ no no, otutuu mbirika baa banyin no nkyɛn; na, hwɛ, ogyina efumpɔnkɔ no nkyɛn wɔ bura no do. 31Na Laban see no dɛ, Bra fie, ɔwo a EWURADZE ehyira wo; ɔyɛ dɛn ntsi na igyina kurotsia yi? Mesiesie dan no, nye kwan ama efumpɔnkɔ no. 32Na banyin no baa fie no mu, na Laban yiyii efumpɔnkɔ no hɔn do ndzɛmba; na ɔmaa hɔn edziban, na ɔmaa nsu dɛ banyin no nye hɔn a wɔka no ho no dze ahohor hɔn anan ho. 33Na wɔdze edziban besii n’enyim dɛ ondzi: na ɔsee dɛ, Minnkedzi, gyedɛ mabɔ m’amandzɛɛ ana. Na ɔsee dɛ, Bɔ ɛ. 34Na ɔsee dɛ, Meyɛ Abraham no somfo. 35Na EWURADZE ehyira mo wura kɛsenara; na ɔayɛ kɛse: na ɔama no nguan nye anantwi, na dwetɛ nye sika, na nkowaa nye mfonabaa, na efumpɔnkɔ nye nsoasopɔnkɔ. 36Na aber a mo wura ne yer yɛɛ aberwa no, nna ɔwoo babanyin maa mo wura: na ɔno na ɔdze dza ɔwɔ nyinara ama no. 37Na mo wura maa midzii nsew dɛ, Mma nngye yer wɔ Kanaanfo a metse hɔn asaase do yi hɔn mbabaa mu mma me ba. 38Kɔ m’egya fie, nye m’ebusua mu, na kɛgye yer ma me ba. 39Na mesee mo wura dɛ, Bi a ɔbaa no nnkɛka mo do. 40Na ɔsee me dɛ, EWURADZE a menam n’enyim no, ɔbɔsoma no bɔfoe ma ɔaabɛka wo ho, na ɔama wo kwan do ayɛ dwudwoodwo; na ebɛgye yer wɔ m’ebusua mu, nye m’egya fie ama me ba. 41Sɛ ekɔ m’ebusua mu na sɛ wɔammfa no amma wo a, ɔnodze na wo ho efi me ntam mu. 42Na mebaa bura no do ndɛ, na mesee dɛ, EWURADZE, mo wura Abraham ne Nyankopɔn, sɛ afei erema mo kwan a morokɔ yi ayɛ dwudwoodwo a: 43hwɛ migyina nsubura yi ho; na ma ɔmbra dɛ akataasia a obopue abɛsaw bi a mebɛse no dɛ, Meserɛ wo, ma me w’ehina mu nsu kakra ma monnom; 44na ɔbɛse me dɛ, ɔwoara nom bi, na mebɛsaw bi ama w’efumpɔnkɔ so no: ɔnoara na ma ɔnyɛ ɔbaa a EWURADZE eyi no ama mo wura ne ba. 45Na ansaana murubowie kasa wɔ m’akoma mu no, hwɛ, Rebeka puei na n’ehina si no kɔn ho; na osianee kɔr bura no mu, na ɔkɛsawee: na mesee no dɛ, Meserɛ wo, ma monnom bi. 46Na ɔyɛɛ ntsɛm soɛɛ n’ehina fii no kɔn ho, na ɔsee dɛ, Nom bi, na mebɛma w’efumpɔnkɔ so bi ma wɔaanom: nna monomee, na ɔmaa efumpɔnkɔ no so bi ma wɔnomee. 47Na mibisaa no dɛ, Woana babaa nye wo? Na ɔsee dɛ, Nahor ba Betuel a Milka woo no maa no no, ne babaa nye me: na medze mpɛtsea no hyɛɛ no hwen, na medze nsakɔnadze no hyehyɛɛ ne nsa. 48Na mobɔɔ me tsir adze, na mosɔɔr EWURADZE, na mihyiraa EWURADZE, mo wura Abraham ne Nyankopɔn no a ogyaa me wɔ ɔkwan pa mu dɛ membɛfa mo wura no nua ne babaa nkɛma ne ba no. 49Na afei sɛ hom bɛnye mo wura edzi no ayamuyie mu nye nokwar mu a, ɔno wɔnka nkyerɛ me: oho so a, wɔnka nkyerɛ me; ama maadan mafa enyimfa anaa abankum. 50Nna Laban nye Betuel buae na wɔsee dɛ, Asɛm no fi EWURADZE hɔ: yennkotum aka bɔn anaa papa akyerɛ wo. 51Hwɛ, Rebeka na ɔwɔ w’enyim yi, fa no kɔ, ma ɔnkɛyɛ wo wura ne ba ne yer, dɛ mbrɛ EWURADZE aka no ara. 52Na ɔbaa dɛ, aber a Abraham no somfo no tsee hɔn nsɛm no, ɔbɔɔ no mu adze wɔ famu maa EWURADZE. 53Na oyii dwetɛ egudze, nye sika egudze, nye atar, na ɔdze maa Rebeka: ɔmaa no nua nye ne na so ndzɛmba a ɔsom bo. 54Na wodzidzii na wɔnomee, ɔno nye mbanyin a wɔka no ho no, na wotsintsiim hɔ anafua no nyinara. Na wɔsoɛɛr anapa no, ɔsee dɛ, Hom ngya me kwan ma monkɔ mo wura hɔ. 55Na Rebeka no nua nye ne na see dɛ, Ma akataasia no nye hɛn ntsena nda kakra, bɛyɛ dɛ dadu; na n’ekyir no ɔaakɔ. 56Na ɔsee hɔn dɛ, Mma wonnsiw me kwan, osiandɛ EWURADZE ama mo kwan ayɛ prɔmprɔm; hom ngya me kwan ma monkɔ mo wura hɔ. 57Na wɔsee dɛ, Yɛbɛfrɛ akataasia no, na yeebisa n’anomu. 58Na wɔfrɛɛ Rebeka, na wɔsee no dɛ, Ana enye ɔbarimba yi bɔkɔ? Na ɔsee dɛ, Mobɔkɔ. 59Na wogyaa hɔn akyerɛbaa Rebeka, nye no somfo, nye Abraham somfo no, nye no nkorɔfo no kwan. 60Na wohyiraa Rebeka, na wɔsee no dɛ, Hɛn akyerɛbaa, yɛ na ma ɔpedu horow mpempem, na w’asefo nnya hɔn a wokyir hɔn hɔn mbobow mfa. 61Na Rebeka nye ne mbabaawa soɛree, na wɔtsenatsenaa efumpɔnkɔ no do, na wɔkaa banyin no do: na wosii mu kɔr hɔn kwan. 62Na Isaak fi Beer-lahai-roi kwan do aba; osiandɛ nna ɔtse Pomu Afamu Asaase no do. 63Nna Isaak puee ewimbir kɔr haban mu kɔdwendwenee: na ɔmaa n’enyiwa do, na ɔhwɛe, na hwɛ, efumpɔnkɔ reba. 64Na Rebeka maa n’enyiwa do, na aber a ohun Isaak no, ofii efumpɔnkɔ no do dwirii. 65Na obisaa Abraham no somfo no dɛ, Ebɛn banyin na ɔnam haban mu ribehyia hɛn yi? Na akowaa no see dɛ, Mo wura a: na basia no faa ne nkataenyim dze kataa noho. 66Na ɔsomfo no kaa adze a ɔyɛe nyinara kyerɛɛ Isaak. 67Na Isaak dze Rebeka baa asese a nna ne na Sara tse mu no; na ɔfaa Rebeka yɛɛ no ne yer; na ɔdɔɔ no: na Isaak no werɛ kyekyeree wɔ ne na no wu no ekyir.
Currently Selected:
Gyenesis 24: MFANBRPC
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Gyenesis 24
24
Isaak N’awar
1Na Abraham ayɛ akɔdaa, na oedzi mfe ara yie: na EWURADZE hyiraa Abraham wɔ adze nyinara mu. 2Na Abraham see, ne fie somfo panyin a ɔhwɛ adze a ɔwɔ nyinara do no, dɛ, Meserɛ wo, fa wo nsa to m’aserɛ ase: 3na mebɛma edze EWURADZE, sor Nyankopɔn nye asaase Nyankopɔn no, edzi nsew, dɛ ennkɛgye Keenanfo a metse hɔn mu yi, hɔn mbabaa mu bi yer ama me ba: 4na ebɔkɔ mo kurow mu, na akɛgye yer wɔ m’ebusua mu abrɛ me ba Isaak. 5Na ɔsomfo no see dɛ, Bi a ɔbaa no nnkɛpɛ dɛ ɔbɛka mo do aba asaase yi do: ɔnodze memfa wo ba nsan nkɔ asaase a ifi do bae no do bio a? 6Na Abraham see no dɛ, Hwɛ woho yie mma aammfa me ba annkɔ hɔ bio. 7EWURADZE, ɔsor Nyankopɔn no a ɔfaa me fii m’egya fie, nye asaase a wɔwoo me do no, na ɔkasaa kyerɛɛ me, na odzii nsew kyerɛɛ me, dɛ, W’asefo na medze asaase yi mebɛma hɔn no; ɔbɔsoma no bɔfoe ma oeedzi w’enyim, na akɛgye yer wɔ hɔ abrɛ me ba. 8Na sɛ ɔbaa no ammpɛ dɛ ɔbɛka wo do a, ɔno na wo ho efi me ntam yi mu: me ba no ara na mma mmfa no nnkɔ hɔ bio. 9Na akowaa no dze ne nsa too no wura Abraham ne serɛ ase, na odzii nsew kyerɛɛ no wɔ asɛm yi ho. 10Na akowaa no faa no wura n’efumpɔnkɔ mu du, na no wura ne ndzɛmba papa nyinara awɔ ne nsamu: no bi na osii mu kɔr Mesopotemia, Nahor kurow mu. 11Na ɔmaa efumpɔnkɔ no butubutuuw kurotsia nsubura no ho ewimbibaamu, aber a mbaa pue kɛsaw nsu no. 12Na ɔbɔɔ mpaa dɛ, EWURADZE, mo wura Abraham ne Nyankopɔn, meserɛ wo, ma minhyia yie ndɛ, na yɛ mo wura Abraham ayamuyie. 13Hwɛ, migyina nsubura yi ho; na kurow no mu mba mbabaa rupue abɛsaw nsu: 14na ma ɔmbra dɛ, akataasia a mebɛse no dɛ, Meserɛ wo, soɛ w’ehina, ma monnom bi; na ɔbɛse dɛ, Nom bi, na mebɛma w’efumpɔnkɔ no nsu ma wɔaanom no: ɔnoara na ma ɔnyɛ nyia eyi no ama w’akowaa Isaak; na ɔnam dɛm no do na mubohu dɛ ayɛ mo wura ayamuyie. 15Na ɔbaa dɛ onnyae nnwiee kasa no, hwɛ, Rebeka a wɔwoo no maa Betuel a ɔyɛ Abraham no nua Nahor ne yer Milka ne ba no, puei, na n’ehina si no kɔn ho. 16Na akataasia no no ho yɛ fɛw dodow, na ɔyɛ ɔbaabun, osiandɛ ɔbanyin biara nnhun no pɛn: na osianee kɔr bura no mu, na ɔkɛhyɛɛ n’ehina ma, na ɔbaa sor. 17Na akowaa no tutuu mbirika kehyiaa no kwan, na ɔsee dɛ, Meserɛ wo, ma monnom w’ehina mu nsu kakra. 18Na ɔsee dɛ, Nom bi, mo wura: na ɔyɛɛ ntsɛm soɛɛ ehina no taa ne nsamu, na ɔmaa no nsu ma ɔnomee. 19Na aber a owiee no nsu ma ma ɔnomee no, ɔsee dɛ, Mebɛsesaw bi abrɛ w’efumpɔnkɔ no so, dze ekodu dɛ wobowie nom. 20Na ɔyɛɛ ntsɛm, na ohuee n’ehina mu nsu guu ɔdaasee mu, na otutuu mbirika kɔr bura no mu bio kɛsawee, na ɔsawee maa n’efumpɔnkɔ no nyinara. 21Na banyin no hwɛɛ no haa dɛ obohu kyerɛ EWURADZE ama n’akwantu no ayɛ prɔmprɔm anaa ɔnnyɛe. 22Na ɔbaa dɛ, efumpɔnkɔ no wiee nsu nom no, nna banyin no faa sika mpɛtsea a n’ano tow dwetɛbona fa, nye ne nsakɔnadze ebien a n’ano tow sika dwetɛbona du dze hyɛɛ ne nsa; 23na obisaa no dɛ, Woana babaa nye wo? Meserɛ wo, ka kyerɛ me. Ana ɔkwan wɔ w’egya fie ma hɛn dɛ yɛbɔsoɛ hɔ? 24Na Rebeka see no dɛ, Betuel a ɔyɛ Milka ne babanyin a ɔwoo no maa Nahor no, ne babaa nye me. 25Nkyii so ɔsee no dɛ, Yɛwɔ efuw nye mbowa edziban pii, nye dan a wɔsoɛ mu. 26Na banyin no bɔɔ ne tsir adze, na ɔsɔɔr EWURADZE. 27Na ɔsee dɛ, Nhyira nka EWURADZE, mo wura Abraham ne Nyankopɔn a ɔammpow n’ehumbɔbɔr nye no nokwar no wɔ mo wura ho: emi dze, EWURADZE egya me kwan aba mo wura no nuanom fie. 28Na akataasia no tuu mbirika kɔree, na ɔkɛkaa kyerɛɛ ne na ne fifo dɛ mbrɛ nsɛm yi tse ara. 29Nna Rebeka wɔ nuabanyin bi a ne dzin dze Laban. 30Na ɔbaa dɛ, aber a ohun mpɛtsea nye nsakɔnadze wɔ n’akyerɛbaa Rebeka ne nsa, na ɔtsee n’akyerɛbaa ne nsɛm no, dɛ, Mbrɛ banyin no kaa kyerɛɛ no no, otutuu mbirika baa banyin no nkyɛn; na, hwɛ, ogyina efumpɔnkɔ no nkyɛn wɔ bura no do. 31Na Laban see no dɛ, Bra fie, ɔwo a EWURADZE ehyira wo; ɔyɛ dɛn ntsi na igyina kurotsia yi? Mesiesie dan no, nye kwan ama efumpɔnkɔ no. 32Na banyin no baa fie no mu, na Laban yiyii efumpɔnkɔ no hɔn do ndzɛmba; na ɔmaa hɔn edziban, na ɔmaa nsu dɛ banyin no nye hɔn a wɔka no ho no dze ahohor hɔn anan ho. 33Na wɔdze edziban besii n’enyim dɛ ondzi: na ɔsee dɛ, Minnkedzi, gyedɛ mabɔ m’amandzɛɛ ana. Na ɔsee dɛ, Bɔ ɛ. 34Na ɔsee dɛ, Meyɛ Abraham no somfo. 35Na EWURADZE ehyira mo wura kɛsenara; na ɔayɛ kɛse: na ɔama no nguan nye anantwi, na dwetɛ nye sika, na nkowaa nye mfonabaa, na efumpɔnkɔ nye nsoasopɔnkɔ. 36Na aber a mo wura ne yer yɛɛ aberwa no, nna ɔwoo babanyin maa mo wura: na ɔno na ɔdze dza ɔwɔ nyinara ama no. 37Na mo wura maa midzii nsew dɛ, Mma nngye yer wɔ Kanaanfo a metse hɔn asaase do yi hɔn mbabaa mu mma me ba. 38Kɔ m’egya fie, nye m’ebusua mu, na kɛgye yer ma me ba. 39Na mesee mo wura dɛ, Bi a ɔbaa no nnkɛka mo do. 40Na ɔsee me dɛ, EWURADZE a menam n’enyim no, ɔbɔsoma no bɔfoe ma ɔaabɛka wo ho, na ɔama wo kwan do ayɛ dwudwoodwo; na ebɛgye yer wɔ m’ebusua mu, nye m’egya fie ama me ba. 41Sɛ ekɔ m’ebusua mu na sɛ wɔammfa no amma wo a, ɔnodze na wo ho efi me ntam mu. 42Na mebaa bura no do ndɛ, na mesee dɛ, EWURADZE, mo wura Abraham ne Nyankopɔn, sɛ afei erema mo kwan a morokɔ yi ayɛ dwudwoodwo a: 43hwɛ migyina nsubura yi ho; na ma ɔmbra dɛ akataasia a obopue abɛsaw bi a mebɛse no dɛ, Meserɛ wo, ma me w’ehina mu nsu kakra ma monnom; 44na ɔbɛse me dɛ, ɔwoara nom bi, na mebɛsaw bi ama w’efumpɔnkɔ so no: ɔnoara na ma ɔnyɛ ɔbaa a EWURADZE eyi no ama mo wura ne ba. 45Na ansaana murubowie kasa wɔ m’akoma mu no, hwɛ, Rebeka puei na n’ehina si no kɔn ho; na osianee kɔr bura no mu, na ɔkɛsawee: na mesee no dɛ, Meserɛ wo, ma monnom bi. 46Na ɔyɛɛ ntsɛm soɛɛ n’ehina fii no kɔn ho, na ɔsee dɛ, Nom bi, na mebɛma w’efumpɔnkɔ so bi ma wɔaanom: nna monomee, na ɔmaa efumpɔnkɔ no so bi ma wɔnomee. 47Na mibisaa no dɛ, Woana babaa nye wo? Na ɔsee dɛ, Nahor ba Betuel a Milka woo no maa no no, ne babaa nye me: na medze mpɛtsea no hyɛɛ no hwen, na medze nsakɔnadze no hyehyɛɛ ne nsa. 48Na mobɔɔ me tsir adze, na mosɔɔr EWURADZE, na mihyiraa EWURADZE, mo wura Abraham ne Nyankopɔn no a ogyaa me wɔ ɔkwan pa mu dɛ membɛfa mo wura no nua ne babaa nkɛma ne ba no. 49Na afei sɛ hom bɛnye mo wura edzi no ayamuyie mu nye nokwar mu a, ɔno wɔnka nkyerɛ me: oho so a, wɔnka nkyerɛ me; ama maadan mafa enyimfa anaa abankum. 50Nna Laban nye Betuel buae na wɔsee dɛ, Asɛm no fi EWURADZE hɔ: yennkotum aka bɔn anaa papa akyerɛ wo. 51Hwɛ, Rebeka na ɔwɔ w’enyim yi, fa no kɔ, ma ɔnkɛyɛ wo wura ne ba ne yer, dɛ mbrɛ EWURADZE aka no ara. 52Na ɔbaa dɛ, aber a Abraham no somfo no tsee hɔn nsɛm no, ɔbɔɔ no mu adze wɔ famu maa EWURADZE. 53Na oyii dwetɛ egudze, nye sika egudze, nye atar, na ɔdze maa Rebeka: ɔmaa no nua nye ne na so ndzɛmba a ɔsom bo. 54Na wodzidzii na wɔnomee, ɔno nye mbanyin a wɔka no ho no, na wotsintsiim hɔ anafua no nyinara. Na wɔsoɛɛr anapa no, ɔsee dɛ, Hom ngya me kwan ma monkɔ mo wura hɔ. 55Na Rebeka no nua nye ne na see dɛ, Ma akataasia no nye hɛn ntsena nda kakra, bɛyɛ dɛ dadu; na n’ekyir no ɔaakɔ. 56Na ɔsee hɔn dɛ, Mma wonnsiw me kwan, osiandɛ EWURADZE ama mo kwan ayɛ prɔmprɔm; hom ngya me kwan ma monkɔ mo wura hɔ. 57Na wɔsee dɛ, Yɛbɛfrɛ akataasia no, na yeebisa n’anomu. 58Na wɔfrɛɛ Rebeka, na wɔsee no dɛ, Ana enye ɔbarimba yi bɔkɔ? Na ɔsee dɛ, Mobɔkɔ. 59Na wogyaa hɔn akyerɛbaa Rebeka, nye no somfo, nye Abraham somfo no, nye no nkorɔfo no kwan. 60Na wohyiraa Rebeka, na wɔsee no dɛ, Hɛn akyerɛbaa, yɛ na ma ɔpedu horow mpempem, na w’asefo nnya hɔn a wokyir hɔn hɔn mbobow mfa. 61Na Rebeka nye ne mbabaawa soɛree, na wɔtsenatsenaa efumpɔnkɔ no do, na wɔkaa banyin no do: na wosii mu kɔr hɔn kwan. 62Na Isaak fi Beer-lahai-roi kwan do aba; osiandɛ nna ɔtse Pomu Afamu Asaase no do. 63Nna Isaak puee ewimbir kɔr haban mu kɔdwendwenee: na ɔmaa n’enyiwa do, na ɔhwɛe, na hwɛ, efumpɔnkɔ reba. 64Na Rebeka maa n’enyiwa do, na aber a ohun Isaak no, ofii efumpɔnkɔ no do dwirii. 65Na obisaa Abraham no somfo no dɛ, Ebɛn banyin na ɔnam haban mu ribehyia hɛn yi? Na akowaa no see dɛ, Mo wura a: na basia no faa ne nkataenyim dze kataa noho. 66Na ɔsomfo no kaa adze a ɔyɛe nyinara kyerɛɛ Isaak. 67Na Isaak dze Rebeka baa asese a nna ne na Sara tse mu no; na ɔfaa Rebeka yɛɛ no ne yer; na ɔdɔɔ no: na Isaak no werɛ kyekyeree wɔ ne na no wu no ekyir.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.