Tic Mi Jukwenda 4
4
Petro ku Yohana i Wang’ Dilo
1E ka gibeyero ni dhanu, julam man jadit mi hekalu ku Jusadukayo gibino i bang’gi, 2ma cwinygi ng’abre dit kum joca ponjo dhanu, man giyero ni kum Yesu pi cer ku kind ju m’utho. 3E giketho cing’gi i kumgi, man gikethogi i odkol tundu mir urwone: kum nwang’u piny udoko uthieno. 4Ento dupa m’i kindgi m’uwinjo lembene giyio; e wel jumaco doko ve rubanga abic.
5E urwone lembe timbre kumae, ya jubim migi ku judongo man jugorcik de gicoko dhoggi i Yerusalem; 6e Ana ma jalam ma dit de nuti, ku Kayafa, man Yohana, man Iskander, ku dhanu ceke ma gi jupagi jalam ma dit de. 7E ka giketho joca i diere, gipenjo kumae, Wutimo maeni ku tego ang’o, kadi ku nying’ ng’a? 8E Petro, ma Tipo Maleng’ urome, elund ewacu igi kumae, Wu jubim mi dhanu, ku judongo de, 9tinuni tek wubepenjowa pi tic ma ber m’utimbre kum ng’atu ma ng’ic, ya girang’o m’udwoko ng’atuni dho; 10kewu ceke dong’wung’ei, ku dhanu pa Israel ceke bende, nia ku nying’ Yesu Kristu ma Nazareti, ma wugure, ma Mungu ketho ecer ku kind ju m’utho, e ng’atuni cungo dho i vutwu kakeni ni kume. 11#Zab 118:22En e kidi ma wun wu jugomot wudwoke ni gin mananu, ma judwoke ni wie mi gui. 12Man ni kum ng’atu mange both umbe; kum nying’ mange mbe the polo, ma jumio i kind dhanu, ma wakowaboth be ni kume.
13Nie ka gineno tegocwiny pa Petro giku Yohana, ging’eyo de ya gi dhanu ma sang’na ma cobo de, igi wang’ lii; e ging’eyo pigi, ya naka gibedo giku Yesugi. 14E ka gineno ng’atu ma kume kei cungo i bang’gi gicopo yero gin moko ngo pire. 15Ento ka ging’olo ya giai cen kud i dilo, gipido lembe i kindgi gigi, 16giwacu kumae, Wabitimo ang’o kum joni? kum musana ma pire dwong’ utimbre ni kumgi andha, unyuthre ni dhanu ceke ma gibedo i Yerusalem; wan de piembe loyowa. 17Ento kara kud eyik apila i kind dhanu, dong’ wacimugi, kara ku giyer nying’ maeni kendo ni ng’atu moko. 18E gilwong’ogi, man gipoko igi ya ku giyer ku nying Yesu ki man ku giponj i nying Yesu. 19Ento Petro giku Yohana gidwoko lembe giwacu igi kumae, Tek en e atira i wang’ Mungu ya wawinj i beng’wu ma sagu ma ba Mungu, wupok wun: 20kum wacopo weko yero pi gin ma waneno ku ma wawinjo de ngo. 21E gin, ka gicimogi kendo, gigonyogi ma ginwang’u gin moko ngo ma gisendgi i kume ni kum dhanu; kum dhanu ceke giyungo Mungu kum gin m’utimbre. 22Kum ng’atu ma musana mi kum acanga timbre i kume, nwang’u rundi pare sagu pier ang’wen.
Juyic Ukwayu Tegocwiny ba Mungu
23E ka jugonyogi, gibino ba juwagi, man gigonyo lembe ceke ma julam ma dongo ku judongo de giyero igi. 24#Ai 20:11; Neh 9:6; Zab 146:6Gin de, ka giwinjo maeni, giting’o dwandgi malu ba Mungu ku cwinygi m’uripo acel, man giwacu kumae, E Rwoth, in m’icwio polo ku ng’om ngi ku nam de, ku gin ceke ma ni i igi bende: 25#Zab 2:1, 2In ma yang’ iwacu ku Tipo Maleng’, ku dhu wegwa ma Daudi ma jatic peri kumae,
Thekdhanumange timo ng’ecwiny apila nedi,
Kodhi dhanu de bepido pi gin ma kite mbe nedi?
26Ju m’ubimo m’i ng’om girieri gigi, Jubim de coko dhoggi karacelo,
Kum Rwoth, man kum Kristu pare:
27 #
Lk 23:7-11;
Mt 27:1, 2; Mk 15:1; Lk 23:1; Yoh 18:28, 29 kum andha i adhura nini Herode giku Pontio Pilato, karacelo ku Thekdhanumange ku kodhi dhanu pa Israel de, gicoko dhoggi kum Yesu ma Jatic peri maleng’, m’iwiro mo i wie, 28ya gitim gin ma yang’ cingi ku lembapora peri gilar giketho ya bitimbre. 29Kawono, Rwoth, nen cim migi: man dong’ imi ni jumiru peri ya giyer lembe peri ku tegocwiny kwa, 30kan irieyo cingi m’ikeyo ko tho; man kara giranyutha ku musana de timbre ni kum nying’ Jatic peri maleng’ Yesu. 31E ka gidaru rwo ka ma gicoko ie dhoggi karacelo yengre; e kagi ceke Tipo Maleng’ uromogi, man giyero lem pa Mungu ku tegocwiny.
Adundegi ku Ng’eyong’ec Migi Ripo Acel
32 #
Tic 2:44, 45 Man udul mi ju m’uyio adundegi ripo acel ku ng’eyong’ec de: ng’atu acel de mbe m’uwacu ya ng’et kum gin m’ebedo ko ya pare gire; ento giribo gin ceke karacelo. 33E jukwenda ginyutho pi cer pa Rwoth Yesu ku tego ma dit: e bero ma dit ubedo i wigi ceke. 34Kum moko mbe m’i kindgi ma canpiny unegogi: kum ceke ma gi weg pothi kadi udi de giloko, man gikelo wel piny mi gin ma gilokone, 35gikethogi de the tiend jukwenda: e jupoko pokne ku ba dhanu nzu, ma can pinje ni i kumgi.
36Man Yusuf, ma jukwenda gilwong’e Barnaba (ma, ka juloke, en e Wodjuk), e Jalawi, dhanu ma thugi ni Kupro, 37e won podho, eloke, ekelo sentene de eketho the tiend jukwenda.
Currently Selected:
Tic Mi Jukwenda 4: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
Tic Mi Jukwenda 4
4
Petro ku Yohana i Wang’ Dilo
1E ka gibeyero ni dhanu, julam man jadit mi hekalu ku Jusadukayo gibino i bang’gi, 2ma cwinygi ng’abre dit kum joca ponjo dhanu, man giyero ni kum Yesu pi cer ku kind ju m’utho. 3E giketho cing’gi i kumgi, man gikethogi i odkol tundu mir urwone: kum nwang’u piny udoko uthieno. 4Ento dupa m’i kindgi m’uwinjo lembene giyio; e wel jumaco doko ve rubanga abic.
5E urwone lembe timbre kumae, ya jubim migi ku judongo man jugorcik de gicoko dhoggi i Yerusalem; 6e Ana ma jalam ma dit de nuti, ku Kayafa, man Yohana, man Iskander, ku dhanu ceke ma gi jupagi jalam ma dit de. 7E ka giketho joca i diere, gipenjo kumae, Wutimo maeni ku tego ang’o, kadi ku nying’ ng’a? 8E Petro, ma Tipo Maleng’ urome, elund ewacu igi kumae, Wu jubim mi dhanu, ku judongo de, 9tinuni tek wubepenjowa pi tic ma ber m’utimbre kum ng’atu ma ng’ic, ya girang’o m’udwoko ng’atuni dho; 10kewu ceke dong’wung’ei, ku dhanu pa Israel ceke bende, nia ku nying’ Yesu Kristu ma Nazareti, ma wugure, ma Mungu ketho ecer ku kind ju m’utho, e ng’atuni cungo dho i vutwu kakeni ni kume. 11#Zab 118:22En e kidi ma wun wu jugomot wudwoke ni gin mananu, ma judwoke ni wie mi gui. 12Man ni kum ng’atu mange both umbe; kum nying’ mange mbe the polo, ma jumio i kind dhanu, ma wakowaboth be ni kume.
13Nie ka gineno tegocwiny pa Petro giku Yohana, ging’eyo de ya gi dhanu ma sang’na ma cobo de, igi wang’ lii; e ging’eyo pigi, ya naka gibedo giku Yesugi. 14E ka gineno ng’atu ma kume kei cungo i bang’gi gicopo yero gin moko ngo pire. 15Ento ka ging’olo ya giai cen kud i dilo, gipido lembe i kindgi gigi, 16giwacu kumae, Wabitimo ang’o kum joni? kum musana ma pire dwong’ utimbre ni kumgi andha, unyuthre ni dhanu ceke ma gibedo i Yerusalem; wan de piembe loyowa. 17Ento kara kud eyik apila i kind dhanu, dong’ wacimugi, kara ku giyer nying’ maeni kendo ni ng’atu moko. 18E gilwong’ogi, man gipoko igi ya ku giyer ku nying Yesu ki man ku giponj i nying Yesu. 19Ento Petro giku Yohana gidwoko lembe giwacu igi kumae, Tek en e atira i wang’ Mungu ya wawinj i beng’wu ma sagu ma ba Mungu, wupok wun: 20kum wacopo weko yero pi gin ma waneno ku ma wawinjo de ngo. 21E gin, ka gicimogi kendo, gigonyogi ma ginwang’u gin moko ngo ma gisendgi i kume ni kum dhanu; kum dhanu ceke giyungo Mungu kum gin m’utimbre. 22Kum ng’atu ma musana mi kum acanga timbre i kume, nwang’u rundi pare sagu pier ang’wen.
Juyic Ukwayu Tegocwiny ba Mungu
23E ka jugonyogi, gibino ba juwagi, man gigonyo lembe ceke ma julam ma dongo ku judongo de giyero igi. 24#Ai 20:11; Neh 9:6; Zab 146:6Gin de, ka giwinjo maeni, giting’o dwandgi malu ba Mungu ku cwinygi m’uripo acel, man giwacu kumae, E Rwoth, in m’icwio polo ku ng’om ngi ku nam de, ku gin ceke ma ni i igi bende: 25#Zab 2:1, 2In ma yang’ iwacu ku Tipo Maleng’, ku dhu wegwa ma Daudi ma jatic peri kumae,
Thekdhanumange timo ng’ecwiny apila nedi,
Kodhi dhanu de bepido pi gin ma kite mbe nedi?
26Ju m’ubimo m’i ng’om girieri gigi, Jubim de coko dhoggi karacelo,
Kum Rwoth, man kum Kristu pare:
27 #
Lk 23:7-11;
Mt 27:1, 2; Mk 15:1; Lk 23:1; Yoh 18:28, 29 kum andha i adhura nini Herode giku Pontio Pilato, karacelo ku Thekdhanumange ku kodhi dhanu pa Israel de, gicoko dhoggi kum Yesu ma Jatic peri maleng’, m’iwiro mo i wie, 28ya gitim gin ma yang’ cingi ku lembapora peri gilar giketho ya bitimbre. 29Kawono, Rwoth, nen cim migi: man dong’ imi ni jumiru peri ya giyer lembe peri ku tegocwiny kwa, 30kan irieyo cingi m’ikeyo ko tho; man kara giranyutha ku musana de timbre ni kum nying’ Jatic peri maleng’ Yesu. 31E ka gidaru rwo ka ma gicoko ie dhoggi karacelo yengre; e kagi ceke Tipo Maleng’ uromogi, man giyero lem pa Mungu ku tegocwiny.
Adundegi ku Ng’eyong’ec Migi Ripo Acel
32 #
Tic 2:44, 45 Man udul mi ju m’uyio adundegi ripo acel ku ng’eyong’ec de: ng’atu acel de mbe m’uwacu ya ng’et kum gin m’ebedo ko ya pare gire; ento giribo gin ceke karacelo. 33E jukwenda ginyutho pi cer pa Rwoth Yesu ku tego ma dit: e bero ma dit ubedo i wigi ceke. 34Kum moko mbe m’i kindgi ma canpiny unegogi: kum ceke ma gi weg pothi kadi udi de giloko, man gikelo wel piny mi gin ma gilokone, 35gikethogi de the tiend jukwenda: e jupoko pokne ku ba dhanu nzu, ma can pinje ni i kumgi.
36Man Yusuf, ma jukwenda gilwong’e Barnaba (ma, ka juloke, en e Wodjuk), e Jalawi, dhanu ma thugi ni Kupro, 37e won podho, eloke, ekelo sentene de eketho the tiend jukwenda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.