Ai 12
12
Kadhukuwijo
1 #
Law 23:5; Wel 9:1-5; 28:16; Poi 16:1, 2 E Yehova yero ni Musa giku Harun i ng’om Misiri, ewacu kumae, 2Dwi maeni bibedo iwu ni thekri mi dwi: ebibedo dwi ma kwong’a mi rundi iwu. 3Wuyer ni udul ceke mir Israel, wuwac kumae, I ceng’ mir apaje mi dwi maeni gibigamu nyathi rombo igi kubang’gi kubang’gi, calku udi pa kwaru migi, nyathi rombo pi juot acel: 4man tek juot gi nok ni nyathi rombo, e en ku jadhugola pare ma ni ceng’ni ot pare gibigamu acel calku wel mi ng’eyong’ec; calku cemo mi dhanu kubang’gi kubang’gi wubikwanu wel mu pi nyathi rombo. 5Nyathi rombo mu bibedo m’umbe mulima, nyok ma rundine acel: wubigame ku kind rombe, kadi ku kind diegi: 6man wubigwoke cil i ceng’ apar wi ang’wende mi dwije; man cokri ceke mir udul mir Israel binege uthieno. 7E gibigamu kum rimbe, man gibikethe kum ng’et dhugola ario man kum riu ma yo malu, wi udi ma gicame i ie. 8E gibicamu ringe i diewor maeca, ma juvulo ku mac, ku kwen ma thobi mbe i ie; gibicame kud uboko ma kec. 9Kud wucame ma numu, kadi m’ateda ku pi de ngo, ento avula ku mac; wie ku tiende man cindie. 10Man wubiweko kume moko ngo udong’ kugweno; ento kume moko m’udong’ kugweno wubiwang’u ku mac. 11Man wubicame kumeni: ku pierwu m’atwia, ma wara mu ni i tiendwu, man uluth mu i cingwu; e wubicame ku ng’wec: en e kadhukuwijo pa Yehova. 12Kum abikadhu kud i ng’om Misiri ku diewor maeno, man abigoyo kayu ceke m’i ng’om Misiri, dhanu ku lim; man abitimo lembapoka kum mungu ceke mi Misiri: an a Yehova. 13Man rimo bibedo iwu ni giranyutha wi udi ma wuni i ie: e kan aneno rimone, abikadhu kud i wiwu, man masendi moko mbe ma bibedo i wiwu ya unyothwu, kinde m’agoyo ng’om Misiri. 14#Ai 23:15; 34:18; Law 23:6-8; Wel 28:17-25; Poi 16:3-8Man ceng’ maeca bibedo iwu ni poi, man wubikwire ni agba ni Yehova: cil kum dhanum’utuk mu wubikwire ni agba ku lembapoka mi nja.
15Ceng’ abiro wubicamu kwen ma thobi mbe i ie; i ceng’ ma kwong’ane wubiketho thobi cen kud i udi mu: kum ng’atu ma tek ucamu kwen ma ie ju thobi ugambre i ceng’ ma kwong’ane cil i ceng’ mir abirone, ng’eyong’ec maeno jubikabu woko kud i bang’ Israel. 16Man ceng’ ma kwong’ane bibedo iwu ni cokri ma leng’, man ceng’ mir abirone de mi cokri ma leng’; gibitimo tic moko ngo i ceng’ maeca, ndhu giracama kende ma dhanu bicamu kubang’gi kubang’gi, maeno kende ma wubitimo. 17Man wubikwiro ceng agba mi kwen ma thobi mbe i ie; kum awodho udul mu woko kud i ng’om Misiri i ceng’ maeni nini: ka kumeno wubikwiro ceng’ maeni kum dhanum’utuk mu ni lembapoka mi nja. 18I dwi ma kwong’ane, i ceng’ apar wi ang’wende mi dwije uthieno, wubicamu kwen ma thobi mbe i ie, cil kum ceng’ pier ario wi acende mi dwije uthieno. 19Ceng’ abiro jubinwang’u thobi mbe i udi mu: kum ng’atu ma tek ucamu gin ma thobi ni i ie, jubikabu ng’eyong’ec maeno woko i kind udul mir Israel, kadok en e umondo, kadi jang’om m’anyola. 20Wubicamu gin moko ngo ma thobi ni i ie; i kabedo mu ceke wubicamu kwen ma thobi mbe i ie.
21Musa lund ulwong’o judongo mir Israel ceke, man ewacu igi kumae, Wucidhi, wugam iwu nyithi rombe, calku juudi mu, man wuthum kadhukuwijo. 22Man wubigamu jang alagi, man wubilutho i rimo ma ni i tabu, man wubikiro kum riu ma malu ku ng’et dhugola ario ku rimo ma ni i tabu; man ng’atu moko mbe m’i kindwu ma biwok woko ku i dhugola mi ot pare cil kugweno. 23#Ebr 11:28Kum Yehova bikadhu kugoyo Jumisiri; man kan eneno rimo wi riu ma malu, man kum ng’et dhugola ario, Yehova bikadhu wi dhugolane, man ebiyio ngo nia janyoth umond i udi mu nigoyowu. 24Man wubikwiro gin maeni ni lembapoka iri man ni woti mi nja. 25Man ebitimbre, kinde ma wutundo i ng’om ma Yehova bimio iwu, calu eng’olo, nia wubiworo timotim maeni. 26Man ebitimbre, kinde ma nyithindho mu biwacu iwu kumae, Thelembe mi giratima maeni ang’o? 27Pa wubiwacu, En e lam mi kadhukuwijo pa Yehova, m’ukadhu ku wi udi mi nyithindho mir Israel i Misiri, kinde m’egoyo Jumisiri, man ebodho udi mwa. E dhanu gikulo wigi man girwo. 28E nyithindho mir Israel gicidho man gitimo kumeca; calu Yehova ng’olo ni Musa giku Harun, e gitimo kumeca.
Masendi ma Tok Cen: Tho mi Kayu
29 #
Ai 4:22, 23 Man etimbre i diewor ma ling’, nia Yehova goyo kayu ceke m’i ng’om Misiri, ugambre kum kayu pa Farao ma jany wi komker pare cil kum kayu pa ng’eca ma ni i ng’ei odkol; man kayu ceke mi lim. 30E Farao ai malu ku diewor, en, ku jutic pare ceke, ku Jumisiri ceke; e ywak ma dit ni i Misiri; kum ot moko mbe ma ng’atu acel utho i ie ngo. 31Man elwong’o Musa giku Harun ku diewor, man ewacu kumae, Wuai, wuwodhru woko ku kind dhanu para, wuku nyithindho mir Israel bende; man wucidh, wutim ni Yehova, calu wuwacu. 32Wugam udul rombe mu ku dhok mu, calu wuwacu, man wucidhi; man wumi mugisa ira bende. 33E Jumisiri gidhulo dhanu, kara giketh giai i ng’ombe pio; kum giwacu kumae, Wan ceke wan avu. 34E dhanune gigamu kwen migi ma fodi thobi mbe i ie, nwang’u jamb ng’ino cam migi bedo atwia i kendi migi wi gokgi. 35#Ai 3:21, 22E nyithindho mir Israel gitimo calku lembe pa Musa; man gikwayu Jumisiri ku jamb mola ma tar, man jamb mola ma kwar, ku kendi: 36man Yehova mio bero ni dhanune i wang’ Jumisiri, ketho giweko gibedo ku gin ma gikwayu. E giyaku Jumisiri.
Juisraeli Uweko Ng’om mi Misiri
37E nyithindho mir Israel giwotho ugambre ba Ramases cil kum Sukoth, dhanu ma co ma ku tielo rubanga dak abusiel, karacelo ku nyithindho. 38Man udul ma tung’ tung’ bende idho malu kugi; man udul rombe ku dhok, en e lim ma dit apila. 39E gitedo kwen m’ang’ina ma thobi mbe i ie kum kwen ma giai ko i Misiri; kum fodi thobi mbe i ie, kum jucwalugi ku i Misiri, man gicopo galu ngo, kadok cemo de giyiko ngo igi gigi. 40#Tha 15:13; Gal 3:17Nwang’u nindo ma nyithindho mir Israel bedo i ie i Misiri en e rundi dak ang’wen ku pier adek. 41Man etimbre ka rundi dak ang’wen ku pier adek uthum, cil ceng’ maeni nini etimbre, nia udul pa Yehova ceke ai woko kud i ng’om Misiri. 42En e diewor ma juneno ie ba Yehova dit kum wodhogi woko kud i ng’om Misiri: maeni diewor maeno pa Yehova, ma nyithindho mir Israel ceke gineno ie dit cil kum dhanum’utuk migi.
Cik Mange pi Kadhukuwijo
43E Yehova wacu ni Musa giku Harun kumae, Maeni lembapoka mi kadhukuwijo: jawirok umbe ma bicamu kume moko; 44ento jutic mi dhanu ceke kubang’gi kubang’gi ma ging’iewo ku sente, kinde m’itimo yaa i kume, e ebicamu kume moko. 45Umondo ku jatic mi sukulia bicamu kume ngo. 46#Wel 9:12; Yoh 19:36Jubicame i ot acel; ibitero ring’o moko woko ngo kud i ot; kadok cogone de wubituro ngo. 47Udul ceke mir Israel bikwire. 48Man ka jawirok bibedo ni umondo kudi, man eyenyo ekwif kadhukuwijo ni Yehova, wek jutim yaa kum jumaco pare ceke, ka juwek ebin ceng’ni man ekwire; e ebibedo calu ng’atu ma junyolo i ng’ombe: ento ng’atu moko mbe ma jutimo yaa ngo i kume ma bicamu kume moko. 49Cik acel bibedo ni ng’atu m’anyola, man ni jawirok m’ubedo ni umondo i kindwu. 50Nyithindho mir Israel ceke gitimo kumeca; calu Yehova ng’olo ni Musa giku Harun, e gitimo kumeca. 51E etimbre i ceng’ maeni nini, nia Yehova kelo nyithindho mir Israel kud i ng’om Misiri kud udulgi.
Currently Selected:
Ai 12: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
Ai 12
12
Kadhukuwijo
1 #
Law 23:5; Wel 9:1-5; 28:16; Poi 16:1, 2 E Yehova yero ni Musa giku Harun i ng’om Misiri, ewacu kumae, 2Dwi maeni bibedo iwu ni thekri mi dwi: ebibedo dwi ma kwong’a mi rundi iwu. 3Wuyer ni udul ceke mir Israel, wuwac kumae, I ceng’ mir apaje mi dwi maeni gibigamu nyathi rombo igi kubang’gi kubang’gi, calku udi pa kwaru migi, nyathi rombo pi juot acel: 4man tek juot gi nok ni nyathi rombo, e en ku jadhugola pare ma ni ceng’ni ot pare gibigamu acel calku wel mi ng’eyong’ec; calku cemo mi dhanu kubang’gi kubang’gi wubikwanu wel mu pi nyathi rombo. 5Nyathi rombo mu bibedo m’umbe mulima, nyok ma rundine acel: wubigame ku kind rombe, kadi ku kind diegi: 6man wubigwoke cil i ceng’ apar wi ang’wende mi dwije; man cokri ceke mir udul mir Israel binege uthieno. 7E gibigamu kum rimbe, man gibikethe kum ng’et dhugola ario man kum riu ma yo malu, wi udi ma gicame i ie. 8E gibicamu ringe i diewor maeca, ma juvulo ku mac, ku kwen ma thobi mbe i ie; gibicame kud uboko ma kec. 9Kud wucame ma numu, kadi m’ateda ku pi de ngo, ento avula ku mac; wie ku tiende man cindie. 10Man wubiweko kume moko ngo udong’ kugweno; ento kume moko m’udong’ kugweno wubiwang’u ku mac. 11Man wubicame kumeni: ku pierwu m’atwia, ma wara mu ni i tiendwu, man uluth mu i cingwu; e wubicame ku ng’wec: en e kadhukuwijo pa Yehova. 12Kum abikadhu kud i ng’om Misiri ku diewor maeno, man abigoyo kayu ceke m’i ng’om Misiri, dhanu ku lim; man abitimo lembapoka kum mungu ceke mi Misiri: an a Yehova. 13Man rimo bibedo iwu ni giranyutha wi udi ma wuni i ie: e kan aneno rimone, abikadhu kud i wiwu, man masendi moko mbe ma bibedo i wiwu ya unyothwu, kinde m’agoyo ng’om Misiri. 14#Ai 23:15; 34:18; Law 23:6-8; Wel 28:17-25; Poi 16:3-8Man ceng’ maeca bibedo iwu ni poi, man wubikwire ni agba ni Yehova: cil kum dhanum’utuk mu wubikwire ni agba ku lembapoka mi nja.
15Ceng’ abiro wubicamu kwen ma thobi mbe i ie; i ceng’ ma kwong’ane wubiketho thobi cen kud i udi mu: kum ng’atu ma tek ucamu kwen ma ie ju thobi ugambre i ceng’ ma kwong’ane cil i ceng’ mir abirone, ng’eyong’ec maeno jubikabu woko kud i bang’ Israel. 16Man ceng’ ma kwong’ane bibedo iwu ni cokri ma leng’, man ceng’ mir abirone de mi cokri ma leng’; gibitimo tic moko ngo i ceng’ maeca, ndhu giracama kende ma dhanu bicamu kubang’gi kubang’gi, maeno kende ma wubitimo. 17Man wubikwiro ceng agba mi kwen ma thobi mbe i ie; kum awodho udul mu woko kud i ng’om Misiri i ceng’ maeni nini: ka kumeno wubikwiro ceng’ maeni kum dhanum’utuk mu ni lembapoka mi nja. 18I dwi ma kwong’ane, i ceng’ apar wi ang’wende mi dwije uthieno, wubicamu kwen ma thobi mbe i ie, cil kum ceng’ pier ario wi acende mi dwije uthieno. 19Ceng’ abiro jubinwang’u thobi mbe i udi mu: kum ng’atu ma tek ucamu gin ma thobi ni i ie, jubikabu ng’eyong’ec maeno woko i kind udul mir Israel, kadok en e umondo, kadi jang’om m’anyola. 20Wubicamu gin moko ngo ma thobi ni i ie; i kabedo mu ceke wubicamu kwen ma thobi mbe i ie.
21Musa lund ulwong’o judongo mir Israel ceke, man ewacu igi kumae, Wucidhi, wugam iwu nyithi rombe, calku juudi mu, man wuthum kadhukuwijo. 22Man wubigamu jang alagi, man wubilutho i rimo ma ni i tabu, man wubikiro kum riu ma malu ku ng’et dhugola ario ku rimo ma ni i tabu; man ng’atu moko mbe m’i kindwu ma biwok woko ku i dhugola mi ot pare cil kugweno. 23#Ebr 11:28Kum Yehova bikadhu kugoyo Jumisiri; man kan eneno rimo wi riu ma malu, man kum ng’et dhugola ario, Yehova bikadhu wi dhugolane, man ebiyio ngo nia janyoth umond i udi mu nigoyowu. 24Man wubikwiro gin maeni ni lembapoka iri man ni woti mi nja. 25Man ebitimbre, kinde ma wutundo i ng’om ma Yehova bimio iwu, calu eng’olo, nia wubiworo timotim maeni. 26Man ebitimbre, kinde ma nyithindho mu biwacu iwu kumae, Thelembe mi giratima maeni ang’o? 27Pa wubiwacu, En e lam mi kadhukuwijo pa Yehova, m’ukadhu ku wi udi mi nyithindho mir Israel i Misiri, kinde m’egoyo Jumisiri, man ebodho udi mwa. E dhanu gikulo wigi man girwo. 28E nyithindho mir Israel gicidho man gitimo kumeca; calu Yehova ng’olo ni Musa giku Harun, e gitimo kumeca.
Masendi ma Tok Cen: Tho mi Kayu
29 #
Ai 4:22, 23 Man etimbre i diewor ma ling’, nia Yehova goyo kayu ceke m’i ng’om Misiri, ugambre kum kayu pa Farao ma jany wi komker pare cil kum kayu pa ng’eca ma ni i ng’ei odkol; man kayu ceke mi lim. 30E Farao ai malu ku diewor, en, ku jutic pare ceke, ku Jumisiri ceke; e ywak ma dit ni i Misiri; kum ot moko mbe ma ng’atu acel utho i ie ngo. 31Man elwong’o Musa giku Harun ku diewor, man ewacu kumae, Wuai, wuwodhru woko ku kind dhanu para, wuku nyithindho mir Israel bende; man wucidh, wutim ni Yehova, calu wuwacu. 32Wugam udul rombe mu ku dhok mu, calu wuwacu, man wucidhi; man wumi mugisa ira bende. 33E Jumisiri gidhulo dhanu, kara giketh giai i ng’ombe pio; kum giwacu kumae, Wan ceke wan avu. 34E dhanune gigamu kwen migi ma fodi thobi mbe i ie, nwang’u jamb ng’ino cam migi bedo atwia i kendi migi wi gokgi. 35#Ai 3:21, 22E nyithindho mir Israel gitimo calku lembe pa Musa; man gikwayu Jumisiri ku jamb mola ma tar, man jamb mola ma kwar, ku kendi: 36man Yehova mio bero ni dhanune i wang’ Jumisiri, ketho giweko gibedo ku gin ma gikwayu. E giyaku Jumisiri.
Juisraeli Uweko Ng’om mi Misiri
37E nyithindho mir Israel giwotho ugambre ba Ramases cil kum Sukoth, dhanu ma co ma ku tielo rubanga dak abusiel, karacelo ku nyithindho. 38Man udul ma tung’ tung’ bende idho malu kugi; man udul rombe ku dhok, en e lim ma dit apila. 39E gitedo kwen m’ang’ina ma thobi mbe i ie kum kwen ma giai ko i Misiri; kum fodi thobi mbe i ie, kum jucwalugi ku i Misiri, man gicopo galu ngo, kadok cemo de giyiko ngo igi gigi. 40#Tha 15:13; Gal 3:17Nwang’u nindo ma nyithindho mir Israel bedo i ie i Misiri en e rundi dak ang’wen ku pier adek. 41Man etimbre ka rundi dak ang’wen ku pier adek uthum, cil ceng’ maeni nini etimbre, nia udul pa Yehova ceke ai woko kud i ng’om Misiri. 42En e diewor ma juneno ie ba Yehova dit kum wodhogi woko kud i ng’om Misiri: maeni diewor maeno pa Yehova, ma nyithindho mir Israel ceke gineno ie dit cil kum dhanum’utuk migi.
Cik Mange pi Kadhukuwijo
43E Yehova wacu ni Musa giku Harun kumae, Maeni lembapoka mi kadhukuwijo: jawirok umbe ma bicamu kume moko; 44ento jutic mi dhanu ceke kubang’gi kubang’gi ma ging’iewo ku sente, kinde m’itimo yaa i kume, e ebicamu kume moko. 45Umondo ku jatic mi sukulia bicamu kume ngo. 46#Wel 9:12; Yoh 19:36Jubicame i ot acel; ibitero ring’o moko woko ngo kud i ot; kadok cogone de wubituro ngo. 47Udul ceke mir Israel bikwire. 48Man ka jawirok bibedo ni umondo kudi, man eyenyo ekwif kadhukuwijo ni Yehova, wek jutim yaa kum jumaco pare ceke, ka juwek ebin ceng’ni man ekwire; e ebibedo calu ng’atu ma junyolo i ng’ombe: ento ng’atu moko mbe ma jutimo yaa ngo i kume ma bicamu kume moko. 49Cik acel bibedo ni ng’atu m’anyola, man ni jawirok m’ubedo ni umondo i kindwu. 50Nyithindho mir Israel ceke gitimo kumeca; calu Yehova ng’olo ni Musa giku Harun, e gitimo kumeca. 51E etimbre i ceng’ maeni nini, nia Yehova kelo nyithindho mir Israel kud i ng’om Misiri kud udulgi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.