Ai 14
14
Kadhu Nam Makwar
1Man Yehova yero ni Musa, ewacu a kumae, 2Wac ni nyithindho mir Israel nia gidok cen man gigonj i wang’ Pi-hahiroth, i kind Migdol ku nam, i wang’ Bal-zefon: wubigonjo yor i kume dhu nam. 3Man Farao biwacu pi nyithindho mir Israel kumae, Ginwengri i ng’om, langa ciko bang’gi. 4E abidwoko adunde Farao nwang’ man ebilubo tokgi; man abinwang’u yung ni kum Farao, man kum udul pare ceke; e Jumisiri bing’eyo nia an a Yehova. E gitimo kumeca. 5Man juyero ni ubimo mi Misiri nia dhanune giringo: e adunde Farao ku mi jutic pare lokre kum dhanune, man giwacu kumae, Maeni ang’o ma watimo, ma waweko ko Israel ucidho ma nwang’u gitimo iwa? 6Man eyiko magali pare, man egamu dhanu pare karacelo kude: 7e egamu magali ma jukoyo dak abusiel, ku magali ceke mi Misiri, ku jego m’i wigi ceke. 8E Yehova dwoko adunde Farao m’ubimo mi Misiri nwang’, man elubo tok nyithindho mir Israel: kum nyithindho mir Israel giwok woko ku cing’ ma tek. 9Man Jumisiri gilubo tokgi, riuni ku magali ceke pa Farao, man weg riuni pare, ku njuru asikari pare, e girubogi ma gigonjo dhu nam, i ng’et Pi-hahiroth, i wang’ Bal-zefon.
10Man kinde ma Farao eoro ceng’ni, nyithindho mir Israel uting’o wang’gi malu, man, nen, Jumisiri ubino i tokgi; e lworo negogi dit: man nyithindho mir Israel giywak ba Yehova. 11E giwacu ni Musa kumae, Kum liel umbe i Misiri, ketho ikabuwa woko kara watho i langa? pirang’o itimo kumeni i kumwa, m’iwodho kowa woko ku i Misiri? 12Maeni lembe ma wayero iri i Misiri ngo, wawacu kumae, Wekwa wa kendwa, kara watim ni Jumisiri? Kum e ber iwa y a watim ni Jumisiri, sagu ma tek watho i langa. 13E Musa wacu ni dhanune kumae, Lworo kud unegwu, wucung ki, man wunen both pa Yehova, m’ebitimo iwu tin: kum Jumisiri ma wuneno tin, wubinenogi kendo nge mi nja. 14Yehova bikiedo piwu, e wubiling’.
15E Yehova wacu ni Musa kumae, Pirang’o ilwong’a? wac ni nyithindho mir Israel, nia gicidhi. 16Man iting’ uluth peri, man iriei cingi wi nam, man ipoke: e nyithindho mir Israel bimondo i die nam ku wi ng’om m’uthwo. 17Man an, nen, abidwoko adunde Jumisiri nwang’, man gibimondo i tokgi: man abinwang’u yung ni kum Farao, man ni kum udul pare ceke, man kum magali pare, man kum weg riuni pare. 18Man Jumisiri bing’eyo nia an a Yehova, kinde ma juyunga ni kum Farao, man ni kum magali pare, man ni kum weg riuni pare. 19Man malaika pa Mungu, m’ucidho i wang’ Israel, elokre edok yor i ng’eigi; man mbegi mir afuru ai kud i wang’gi, man ecungo i ng’eigi: 20man ebino i kind gonjo mi Misiri ku gonjo mir Israel; e afuru ku mudho nuti, ento emio der ku diewor: man acel tundo kum wadi ngo diewor soro.
21E Musa rieyo cinge wi nam; man Yehova ketho nam udok cen ni kum yamu ma tek ma yo nyangu diewor soro, man edwoko nam ni ng’om m’uthwo, e pi pokre. 22#1 Kor 10:1, 2; Ebr 11:29E nyithindho mir Israel umondo i die nam ku wi ng’om m’uthwo: e pi bedo ni gang’ igi yo ku cing’gi ma yor acwic, man yo ku cing’gi ma yor acam. 23Man Jumisiri gilubo tokgi, e gimondo i die nam i tokgi, riuni pa Farao ceke, ku magali pare, ku weg riuni pare. 24Man etimbre i kur mi kugweno, nia Yehova neno wi udul Misiri ku wi mbegi mi mac man mir afuru, man esendo udul mi Jumisiri. 25Man ewodho ukobre mi magali migi ketho wothne bedo pek; ketho nia Jumisiri giwacu kumae, Wek waringu i wang’ Israel; kum Yehova kiedo pigi kum Jumisiri.
26E Yehova wacu ni Musa kumae, Riei cingi wi nam, kara pi dwog kendo wi Jumisiri, f wi magali migi, man wi weg riuni migi. 27E Musa rieyo cinge wi nam, man nam udwogo ba tegone ma kakare kinde ma piny uru; e Jumisiri giringo i kume; man Yehova ng’ielo Jumisiri i die nam. 28E pi dwogo, man eumo magali, ku weg riuni, en e udul ceke pa Farao m’umondo i tokgi i nam; acel de mbe m’i kindgi m’udong’. 29Ento nyithindho mir Israel uwotho ku wi ng’om m’uthwo i die nam; e pi bedo ni gang’ igi yo ku cing’gi ma yor acwic, man yo ku cing’gi ma yor acam. 30E Yehova bodho Israel i ceng’ maeca kumeni kud i cing’ Jumisiri; man Israel uneno Jumisiri ni avu dhu wath. 31Man Israel uneno tic ma dit ma Yehova timo kum Jumisiri, e dhanune lworo Yehova: man giyio Yehova, ku jatic pare ma Musa.
Currently Selected:
Ai 14: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
Ai 14
14
Kadhu Nam Makwar
1Man Yehova yero ni Musa, ewacu a kumae, 2Wac ni nyithindho mir Israel nia gidok cen man gigonj i wang’ Pi-hahiroth, i kind Migdol ku nam, i wang’ Bal-zefon: wubigonjo yor i kume dhu nam. 3Man Farao biwacu pi nyithindho mir Israel kumae, Ginwengri i ng’om, langa ciko bang’gi. 4E abidwoko adunde Farao nwang’ man ebilubo tokgi; man abinwang’u yung ni kum Farao, man kum udul pare ceke; e Jumisiri bing’eyo nia an a Yehova. E gitimo kumeca. 5Man juyero ni ubimo mi Misiri nia dhanune giringo: e adunde Farao ku mi jutic pare lokre kum dhanune, man giwacu kumae, Maeni ang’o ma watimo, ma waweko ko Israel ucidho ma nwang’u gitimo iwa? 6Man eyiko magali pare, man egamu dhanu pare karacelo kude: 7e egamu magali ma jukoyo dak abusiel, ku magali ceke mi Misiri, ku jego m’i wigi ceke. 8E Yehova dwoko adunde Farao m’ubimo mi Misiri nwang’, man elubo tok nyithindho mir Israel: kum nyithindho mir Israel giwok woko ku cing’ ma tek. 9Man Jumisiri gilubo tokgi, riuni ku magali ceke pa Farao, man weg riuni pare, ku njuru asikari pare, e girubogi ma gigonjo dhu nam, i ng’et Pi-hahiroth, i wang’ Bal-zefon.
10Man kinde ma Farao eoro ceng’ni, nyithindho mir Israel uting’o wang’gi malu, man, nen, Jumisiri ubino i tokgi; e lworo negogi dit: man nyithindho mir Israel giywak ba Yehova. 11E giwacu ni Musa kumae, Kum liel umbe i Misiri, ketho ikabuwa woko kara watho i langa? pirang’o itimo kumeni i kumwa, m’iwodho kowa woko ku i Misiri? 12Maeni lembe ma wayero iri i Misiri ngo, wawacu kumae, Wekwa wa kendwa, kara watim ni Jumisiri? Kum e ber iwa y a watim ni Jumisiri, sagu ma tek watho i langa. 13E Musa wacu ni dhanune kumae, Lworo kud unegwu, wucung ki, man wunen both pa Yehova, m’ebitimo iwu tin: kum Jumisiri ma wuneno tin, wubinenogi kendo nge mi nja. 14Yehova bikiedo piwu, e wubiling’.
15E Yehova wacu ni Musa kumae, Pirang’o ilwong’a? wac ni nyithindho mir Israel, nia gicidhi. 16Man iting’ uluth peri, man iriei cingi wi nam, man ipoke: e nyithindho mir Israel bimondo i die nam ku wi ng’om m’uthwo. 17Man an, nen, abidwoko adunde Jumisiri nwang’, man gibimondo i tokgi: man abinwang’u yung ni kum Farao, man ni kum udul pare ceke, man kum magali pare, man kum weg riuni pare. 18Man Jumisiri bing’eyo nia an a Yehova, kinde ma juyunga ni kum Farao, man ni kum magali pare, man ni kum weg riuni pare. 19Man malaika pa Mungu, m’ucidho i wang’ Israel, elokre edok yor i ng’eigi; man mbegi mir afuru ai kud i wang’gi, man ecungo i ng’eigi: 20man ebino i kind gonjo mi Misiri ku gonjo mir Israel; e afuru ku mudho nuti, ento emio der ku diewor: man acel tundo kum wadi ngo diewor soro.
21E Musa rieyo cinge wi nam; man Yehova ketho nam udok cen ni kum yamu ma tek ma yo nyangu diewor soro, man edwoko nam ni ng’om m’uthwo, e pi pokre. 22#1 Kor 10:1, 2; Ebr 11:29E nyithindho mir Israel umondo i die nam ku wi ng’om m’uthwo: e pi bedo ni gang’ igi yo ku cing’gi ma yor acwic, man yo ku cing’gi ma yor acam. 23Man Jumisiri gilubo tokgi, e gimondo i die nam i tokgi, riuni pa Farao ceke, ku magali pare, ku weg riuni pare. 24Man etimbre i kur mi kugweno, nia Yehova neno wi udul Misiri ku wi mbegi mi mac man mir afuru, man esendo udul mi Jumisiri. 25Man ewodho ukobre mi magali migi ketho wothne bedo pek; ketho nia Jumisiri giwacu kumae, Wek waringu i wang’ Israel; kum Yehova kiedo pigi kum Jumisiri.
26E Yehova wacu ni Musa kumae, Riei cingi wi nam, kara pi dwog kendo wi Jumisiri, f wi magali migi, man wi weg riuni migi. 27E Musa rieyo cinge wi nam, man nam udwogo ba tegone ma kakare kinde ma piny uru; e Jumisiri giringo i kume; man Yehova ng’ielo Jumisiri i die nam. 28E pi dwogo, man eumo magali, ku weg riuni, en e udul ceke pa Farao m’umondo i tokgi i nam; acel de mbe m’i kindgi m’udong’. 29Ento nyithindho mir Israel uwotho ku wi ng’om m’uthwo i die nam; e pi bedo ni gang’ igi yo ku cing’gi ma yor acwic, man yo ku cing’gi ma yor acam. 30E Yehova bodho Israel i ceng’ maeca kumeni kud i cing’ Jumisiri; man Israel uneno Jumisiri ni avu dhu wath. 31Man Israel uneno tic ma dit ma Yehova timo kum Jumisiri, e dhanune lworo Yehova: man giyio Yehova, ku jatic pare ma Musa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.