Ai 3
3
Mungu Lwong’o Musa
1Nwang’u Musa bekwayu udul rombe pa Yethro ma jalkwaru mire, ma jalam mi Midian: man etelo wi udul rombe yo ng’ei langa, man ewok kum got pa Mungu, kum Horeb. 2#Tic 7:30-34Man malaika pa Yehova wok i bang’e kud i lebmac ma ni i kind yen m’udinyo: man eneno, man, nen, yen m’udinyo wang’ ku mac, man yen m’udinyo rungre ngo. 3E Musa wacu kumae, Abilokra cen kawono, man abineno giranena ma dit maeni, nedi yen m’udinyo wang’ ungo. 4Man ka Yehova neno nia elokre ya enen, Mungu lwong’e ku kind yen m’udinyo, man ewacu kumae, Musa, Musa. Man ewacu kumae, Anuti. 5Man ewacu kumae, Kud icor ceng’ni keni: wodh wara peri kud i tiendi, kum ka m’icungo i ie en e ng’om ma leng’. 6Man ke ewacu kumae, An a Mungu pa wuru, Mungu pa Ibrahim, Mungu pa Isak, man Mungu pa Yakobo. E Musa panu wang’e; kum lworo neno Mungu nege. 7Man Yehova wacu kumae, Andha aneno masendi mi dhanu para ma ni i Misiri, man awinjo ywak migi kum juwitic ma ni wigi; kum ang’eyo can migi; 8man aloro piny kara alargi kud i cing’ Jumisiri, man kara awodhgi woko kud i ng’om maeno atergi i ng’om ma ber ma lac de, ba ng’om ma molo cak ku kic; i ka Jakanani, man Jahiti, man Jaamori, man Japerizi, man Jahivi, ku Jayebusi. 9Man kawono, nen, ywak mi nyithindho mir Israel utundo i bang’a: mange ke aneno masendi ma Jumisiri sendo kogi. 10Ka kumeno kawono bin, man abiori ba Farao, kara iwodh dhanu para ma nyithindho mir Israel kud i Misiri. 11Man Musa wacu ni Mungu kumae, An a ng’a, ma nia acidh ba Farao, man nia awodh nyithindho mir Israel kud i Misiri? 12Man ewacu kumae, Wabibedo wakudi andha; man maeni bibedo giranyutha iri, nia aori: kinde m’iwodho dhanu woko kud i Misiri, wubitimo ni Mungu wi got maeni.
13 #
Ai 6:2, 3 Man Musa wacu ni Mungu kumae, Nen, kinde m’abiwok ba nyithindho mir Israel, man abiwacu igi kumae, Mungu pa kwaruwu ora i beng’wu; man gibiwacu ira kumae, Nyinge ng’a? abiwacu ang’o igi? 14#Nyu 1:4, 8E Mungu wacu ni Musa kumae, ANUTI KUM ANUTI: man ewacu kumae, Ibiwacu kumeni ni nyithindho mir Israel, ANUTI ora i beng’wu. 15Man Mungu wacu ni Musa kendo kumae, Ibiwacu kumae ni nyithindho mir Israel, Yehova, Mungu pa kwaruwu, Mungu pa Ibrahim, Mungu pa Isak, man Mungu pa Yakobo, uora i beng’wu: maeni nyinga mi nja, man maeni en e lem poi para cil kum dhanum’utuk ceke. 16Cidhi, cok judongo mir Israel karacelo, man iwac igi kumae, Yehova, Mungu pa kwaruwu, Mungu pa Ibrahim, pa Isak, man pa Yakobo, uwok i bang’a, uwacu kumae, Aliewowu andha, man aneno lembe m’utimbre i kumwu i Misiri: 17man awacu kumae, Abiwodhowu woko kud i masendi mi Misiri man abiterowu i ng’om pa Jakanani, man Jahiti, ku Jaamori, ku Japerizi, man Jahivi, ku Jayebusi, i ng’om ma molo cak ku kic. 18Man gibiwinjo dwendi: man ibicidho, in ku judongo mir Israel, bang’ ubimo mi Misiri, man wubiwacu ire kumae, Yehova, Mungu mi Juebrania, urombo kudwa: man kawono, wakwei, wek wacidh mi woth mi ceng’ adek i langa, kara walam ni Yehova Mungurnwa. 19Man ang’eyo nia ubimo mi Misiri bimio iwu woth ungo, ungo, ku cing’ ma tek de ngo. 20E abirieyo cinga, man abigoyo Misiri ku musana para ceke m’abitimo i kinde: man yo ng’ei maeno ebiweko wucidho. 21#Ai 12:35, 36Man abimio bero ni dhanu maeni i wang’ Jumisiri: man ebitimbre, nia, ka wucidho, wubicidho mananu ngo: 22ento ku ba mon ceke ng’atuman bikwayu jadhugola pare, ku ng’atu ma en e umondo i ot pare, ku jamb mola ma tar, man jamb mola ma kwar, ku kendi: man wubironyo ko wotwu, ku nyigwu; man wubicoko piny mi Jumisiri.
Currently Selected:
Ai 3: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
Ai 3
3
Mungu Lwong’o Musa
1Nwang’u Musa bekwayu udul rombe pa Yethro ma jalkwaru mire, ma jalam mi Midian: man etelo wi udul rombe yo ng’ei langa, man ewok kum got pa Mungu, kum Horeb. 2#Tic 7:30-34Man malaika pa Yehova wok i bang’e kud i lebmac ma ni i kind yen m’udinyo: man eneno, man, nen, yen m’udinyo wang’ ku mac, man yen m’udinyo rungre ngo. 3E Musa wacu kumae, Abilokra cen kawono, man abineno giranena ma dit maeni, nedi yen m’udinyo wang’ ungo. 4Man ka Yehova neno nia elokre ya enen, Mungu lwong’e ku kind yen m’udinyo, man ewacu kumae, Musa, Musa. Man ewacu kumae, Anuti. 5Man ewacu kumae, Kud icor ceng’ni keni: wodh wara peri kud i tiendi, kum ka m’icungo i ie en e ng’om ma leng’. 6Man ke ewacu kumae, An a Mungu pa wuru, Mungu pa Ibrahim, Mungu pa Isak, man Mungu pa Yakobo. E Musa panu wang’e; kum lworo neno Mungu nege. 7Man Yehova wacu kumae, Andha aneno masendi mi dhanu para ma ni i Misiri, man awinjo ywak migi kum juwitic ma ni wigi; kum ang’eyo can migi; 8man aloro piny kara alargi kud i cing’ Jumisiri, man kara awodhgi woko kud i ng’om maeno atergi i ng’om ma ber ma lac de, ba ng’om ma molo cak ku kic; i ka Jakanani, man Jahiti, man Jaamori, man Japerizi, man Jahivi, ku Jayebusi. 9Man kawono, nen, ywak mi nyithindho mir Israel utundo i bang’a: mange ke aneno masendi ma Jumisiri sendo kogi. 10Ka kumeno kawono bin, man abiori ba Farao, kara iwodh dhanu para ma nyithindho mir Israel kud i Misiri. 11Man Musa wacu ni Mungu kumae, An a ng’a, ma nia acidh ba Farao, man nia awodh nyithindho mir Israel kud i Misiri? 12Man ewacu kumae, Wabibedo wakudi andha; man maeni bibedo giranyutha iri, nia aori: kinde m’iwodho dhanu woko kud i Misiri, wubitimo ni Mungu wi got maeni.
13 #
Ai 6:2, 3 Man Musa wacu ni Mungu kumae, Nen, kinde m’abiwok ba nyithindho mir Israel, man abiwacu igi kumae, Mungu pa kwaruwu ora i beng’wu; man gibiwacu ira kumae, Nyinge ng’a? abiwacu ang’o igi? 14#Nyu 1:4, 8E Mungu wacu ni Musa kumae, ANUTI KUM ANUTI: man ewacu kumae, Ibiwacu kumeni ni nyithindho mir Israel, ANUTI ora i beng’wu. 15Man Mungu wacu ni Musa kendo kumae, Ibiwacu kumae ni nyithindho mir Israel, Yehova, Mungu pa kwaruwu, Mungu pa Ibrahim, Mungu pa Isak, man Mungu pa Yakobo, uora i beng’wu: maeni nyinga mi nja, man maeni en e lem poi para cil kum dhanum’utuk ceke. 16Cidhi, cok judongo mir Israel karacelo, man iwac igi kumae, Yehova, Mungu pa kwaruwu, Mungu pa Ibrahim, pa Isak, man pa Yakobo, uwok i bang’a, uwacu kumae, Aliewowu andha, man aneno lembe m’utimbre i kumwu i Misiri: 17man awacu kumae, Abiwodhowu woko kud i masendi mi Misiri man abiterowu i ng’om pa Jakanani, man Jahiti, ku Jaamori, ku Japerizi, man Jahivi, ku Jayebusi, i ng’om ma molo cak ku kic. 18Man gibiwinjo dwendi: man ibicidho, in ku judongo mir Israel, bang’ ubimo mi Misiri, man wubiwacu ire kumae, Yehova, Mungu mi Juebrania, urombo kudwa: man kawono, wakwei, wek wacidh mi woth mi ceng’ adek i langa, kara walam ni Yehova Mungurnwa. 19Man ang’eyo nia ubimo mi Misiri bimio iwu woth ungo, ungo, ku cing’ ma tek de ngo. 20E abirieyo cinga, man abigoyo Misiri ku musana para ceke m’abitimo i kinde: man yo ng’ei maeno ebiweko wucidho. 21#Ai 12:35, 36Man abimio bero ni dhanu maeni i wang’ Jumisiri: man ebitimbre, nia, ka wucidho, wubicidho mananu ngo: 22ento ku ba mon ceke ng’atuman bikwayu jadhugola pare, ku ng’atu ma en e umondo i ot pare, ku jamb mola ma tar, man jamb mola ma kwar, ku kendi: man wubironyo ko wotwu, ku nyigwu; man wubicoko piny mi Jumisiri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.