Thangambere 26
26
Isak i Gerar man Ber-ceba
1Man ndru nuti i ng’ombe, umedo ndru ma kwong’a ma nuti i ceng’ pa Ibrahim. Man Isak ucidho bang’ Abimelek m’ubimo mi Jufilisti, ba Gerar. 2E Yehova nyuthre ire, man ewacu kumae, Kud ilor piny i Misiri; bed i ng’om m’abiyero pire iri: 3#Tha 22:16-18bed ni umondo i ng’om maeni, man wabibedo wakudi, man abimio mugisa iri; kum abimio iri ng’om maeni ceke, man ni nyikwei, man abiketho kwong’ m’akwong’o ni Ibrahim ma wuru ucungi; 4man abimedo kodhini calu cero m’i polo, man abimio ng’om maeni ceke ni kodhini; man thek ceke m’i ng’om binwang’u mugisa ni kum kodhini; 5kum Ibrahim uworo dwanda, man egwoko kur para, ku lembang’ola para, man lembapoka para, ku cik para. 6E Isak ubedo i Gerar: 7#Tha 12:13; 20:2man dhanu mi ka maeno gipenje pi dhaku pare; man ewacu kumae, En e nyamira: kum lworo nege niwacu kumae, En e dhaku para; dhanu mi ka maeno, ewacu, umaru nega pi Rebeka; kum wang’e leng’ mir anena. 8Man etimbre, nwang’u ebedo keca hai, nia Abimelek m’ubimo mi Jufilisti uneno yo woko kud i wang’ot, man eneno, man, nen, Isak ubetuko ku Rebeka ma cege. 9Man Abimelek ulwong’o Isak, ewacu de kumae, Nen, andha en e dhaku peri: iwacu nedi kumae, En e nyamira? E Isak uwacu ire kumae, Kum awacu kumae, Amaru tho pire. 10Man Abimelek uwacu kumae, Maeni ang’o m’itimo i bang’wa? nwang’u ng’atu moko ma kind dhanu kuno uvuto ku dhaku peri ya lembe moko mbe pire, man kuno di ikelo dubo i wiwa. 11E Abimelek ung’olo ni dhanu ceke, ewacu kumae, Ng’atu m’umulo kum ng’atu maeni kadi dhaku pare jubinege andha.
12E Isak ucoyo kodhi i ng’om maeno, man enwang’u i rundi nica cam acel bang’ dak: e Yehova mio mugisa ire. 13E ng’atuca doko dit, man ecikusagre maram edoko ko dwong’ hai: 14man ebedo ku piny mir udul rombe, ku piny mir udul lim, man juode dupa: e kumira nego Jufilisti i kume. 15Nie pi m’atong’a ceke ma jutic pa won utong’o i kum Ibrahim ma won, Jufilisti giculo, man gidhuro ng’om i wang’e. 16Man Abimelek uwacu ni Isak kumae, Ai kud i bang’wa woko; kum in i tek dit ma sagu wan. 17Man Isak uai ku keca, man egonjo i poga mi Gerar, e ebedo keca.
18Man Isak ugolo wang’ pi m’atong’a kendo, ma gitong’o i kum Ibrahim ma won; kum Jufilisti giculogi yo ng’ei tho pa Ibrahim: man elwong’o nyinge calku nying’ ma won ulwong’o kogi. 19E jutic pa Isak gitong’o i poga, man ginwang’u pi m’atong’a mi pi ma dhenyni keca. 20Man jukwac mi Gerar gipiemo ku jukwac pa Isak, giwacu kumae. Pige en e mwa: man elwong’o nying’ pi m’atong’ane Esek kum gipiemo gikugi. 21E gitong’o kulo m’atong’a mange, man gipiemo pi maeca bende: man elwong’o nyinge Sitna. 22Man eai ku keca, e etong’o kulo m’atong’a mange; e gipiemo ngo pi maeca: man elwong’o nyinge Rehoboth; man ewacu kumae, Kum kawono Yehova timo kabedo iwa, e wabicego nyingwa i ng’om.
23Man eidho malu ku keca i Ber-ceba. 24Man Yehova nyuthre ire i diewor nica, man ewacu kumae, An a Mungu pa Ibrahim ma wuru: lworo kud unegi, kum wanuti wakudi, man abimio mugisa iri, man abimedo kodhini ni kum Ibrahim ma jatic para. 25Man eguro pemblam keca, e elwong’o nying’ Yehova, man eguro hema pare keca: e jutic pa Isak gitong’o kulo m’atong’a keca.
Lembariba i kind Isak gikud Abimelek
26 #
Tha 21:22
Abimelek ulund ucidho i bang’e m’eai i Gerar, gikud Ahuzath ma jarimbe, man Fikol ma jego mir udul pare. 27E Isak uwacu igi kumae, Wubino i bang’a nedi, kum wudaga, man wuriema kud i beng’wu? 28Man giwacu kumae, Waneno andha nia Yehova ni kudi: e wawacu kumae, Kawono wek kwong’ ubed i kindwa, cil i kindwa wakudi, man wek watim lembariba wakudi, 29nia ibitimowa rac ungo, calu wamulo kumi ngo, man calu watimo gin moko i beng’i ngo ento ma ber, man waori cen ku kwiocwiny: kawono in i jamugisa pa Yehova. 30E etimo igi agba, man gicamu gimadhu de. 31Man giai malu pir kugweno, man gikwong’o man ni wadi man ni wadi: Isak ucikogi de, man giai i bang’e ku kwiocwiny. 32Man etimbre cing’ nica, nia jutic pa Isak gibino, man giyero ire pi pi m’atong’a ma gitong’o, man giwacu ire kumae, Wanwang’u pi. 33Man elwong’e Ceba: ka kumeno nying adhurane en e Ber-ceba cil i ceng’ ma tin. 34Man kinde ma Esau rundi pare pier ang’wen egamu dhaku ma nyinge Yudith ma nya Beri ma Jahiti, man Basemath ma nyar Elon ma Jahiti: 35e gibedo ni can mi pidoic ni Isak man ni Rebeka.
Currently Selected:
Thangambere 26: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
Thangambere 26
26
Isak i Gerar man Ber-ceba
1Man ndru nuti i ng’ombe, umedo ndru ma kwong’a ma nuti i ceng’ pa Ibrahim. Man Isak ucidho bang’ Abimelek m’ubimo mi Jufilisti, ba Gerar. 2E Yehova nyuthre ire, man ewacu kumae, Kud ilor piny i Misiri; bed i ng’om m’abiyero pire iri: 3#Tha 22:16-18bed ni umondo i ng’om maeni, man wabibedo wakudi, man abimio mugisa iri; kum abimio iri ng’om maeni ceke, man ni nyikwei, man abiketho kwong’ m’akwong’o ni Ibrahim ma wuru ucungi; 4man abimedo kodhini calu cero m’i polo, man abimio ng’om maeni ceke ni kodhini; man thek ceke m’i ng’om binwang’u mugisa ni kum kodhini; 5kum Ibrahim uworo dwanda, man egwoko kur para, ku lembang’ola para, man lembapoka para, ku cik para. 6E Isak ubedo i Gerar: 7#Tha 12:13; 20:2man dhanu mi ka maeno gipenje pi dhaku pare; man ewacu kumae, En e nyamira: kum lworo nege niwacu kumae, En e dhaku para; dhanu mi ka maeno, ewacu, umaru nega pi Rebeka; kum wang’e leng’ mir anena. 8Man etimbre, nwang’u ebedo keca hai, nia Abimelek m’ubimo mi Jufilisti uneno yo woko kud i wang’ot, man eneno, man, nen, Isak ubetuko ku Rebeka ma cege. 9Man Abimelek ulwong’o Isak, ewacu de kumae, Nen, andha en e dhaku peri: iwacu nedi kumae, En e nyamira? E Isak uwacu ire kumae, Kum awacu kumae, Amaru tho pire. 10Man Abimelek uwacu kumae, Maeni ang’o m’itimo i bang’wa? nwang’u ng’atu moko ma kind dhanu kuno uvuto ku dhaku peri ya lembe moko mbe pire, man kuno di ikelo dubo i wiwa. 11E Abimelek ung’olo ni dhanu ceke, ewacu kumae, Ng’atu m’umulo kum ng’atu maeni kadi dhaku pare jubinege andha.
12E Isak ucoyo kodhi i ng’om maeno, man enwang’u i rundi nica cam acel bang’ dak: e Yehova mio mugisa ire. 13E ng’atuca doko dit, man ecikusagre maram edoko ko dwong’ hai: 14man ebedo ku piny mir udul rombe, ku piny mir udul lim, man juode dupa: e kumira nego Jufilisti i kume. 15Nie pi m’atong’a ceke ma jutic pa won utong’o i kum Ibrahim ma won, Jufilisti giculo, man gidhuro ng’om i wang’e. 16Man Abimelek uwacu ni Isak kumae, Ai kud i bang’wa woko; kum in i tek dit ma sagu wan. 17Man Isak uai ku keca, man egonjo i poga mi Gerar, e ebedo keca.
18Man Isak ugolo wang’ pi m’atong’a kendo, ma gitong’o i kum Ibrahim ma won; kum Jufilisti giculogi yo ng’ei tho pa Ibrahim: man elwong’o nyinge calku nying’ ma won ulwong’o kogi. 19E jutic pa Isak gitong’o i poga, man ginwang’u pi m’atong’a mi pi ma dhenyni keca. 20Man jukwac mi Gerar gipiemo ku jukwac pa Isak, giwacu kumae. Pige en e mwa: man elwong’o nying’ pi m’atong’ane Esek kum gipiemo gikugi. 21E gitong’o kulo m’atong’a mange, man gipiemo pi maeca bende: man elwong’o nyinge Sitna. 22Man eai ku keca, e etong’o kulo m’atong’a mange; e gipiemo ngo pi maeca: man elwong’o nyinge Rehoboth; man ewacu kumae, Kum kawono Yehova timo kabedo iwa, e wabicego nyingwa i ng’om.
23Man eidho malu ku keca i Ber-ceba. 24Man Yehova nyuthre ire i diewor nica, man ewacu kumae, An a Mungu pa Ibrahim ma wuru: lworo kud unegi, kum wanuti wakudi, man abimio mugisa iri, man abimedo kodhini ni kum Ibrahim ma jatic para. 25Man eguro pemblam keca, e elwong’o nying’ Yehova, man eguro hema pare keca: e jutic pa Isak gitong’o kulo m’atong’a keca.
Lembariba i kind Isak gikud Abimelek
26 #
Tha 21:22
Abimelek ulund ucidho i bang’e m’eai i Gerar, gikud Ahuzath ma jarimbe, man Fikol ma jego mir udul pare. 27E Isak uwacu igi kumae, Wubino i bang’a nedi, kum wudaga, man wuriema kud i beng’wu? 28Man giwacu kumae, Waneno andha nia Yehova ni kudi: e wawacu kumae, Kawono wek kwong’ ubed i kindwa, cil i kindwa wakudi, man wek watim lembariba wakudi, 29nia ibitimowa rac ungo, calu wamulo kumi ngo, man calu watimo gin moko i beng’i ngo ento ma ber, man waori cen ku kwiocwiny: kawono in i jamugisa pa Yehova. 30E etimo igi agba, man gicamu gimadhu de. 31Man giai malu pir kugweno, man gikwong’o man ni wadi man ni wadi: Isak ucikogi de, man giai i bang’e ku kwiocwiny. 32Man etimbre cing’ nica, nia jutic pa Isak gibino, man giyero ire pi pi m’atong’a ma gitong’o, man giwacu ire kumae, Wanwang’u pi. 33Man elwong’e Ceba: ka kumeno nying adhurane en e Ber-ceba cil i ceng’ ma tin. 34Man kinde ma Esau rundi pare pier ang’wen egamu dhaku ma nyinge Yudith ma nya Beri ma Jahiti, man Basemath ma nyar Elon ma Jahiti: 35e gibedo ni can mi pidoic ni Isak man ni Rebeka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.