Thangambere 34
34
Juculo Kwor pir Acidi pa Dina
1Man Dina ma nyar Leya, m’enyolo ni Yakobo, ecidho woko nineno nyir m’i ng’ombe. 2Man Cekem ma wod Hamor ma Jahivi, ma jaditmawijo mi ng’ombe, enene; man egame, e evuto kude, man ejwige. 3Man ng’eyong’ec pare moko kum Dina ma nya Yakobo, e emaru nyakune, man eweco ber ba nyakune. 4E Cekem uyero ni won ma Hamor, ewacu kumae, Gam nyaku maeni ira ni dhaku. 5Nie Yakobo winjo nia ecido Dina ma nyare; man wote gini karacelo ku lim pare i thim: e Yakobo bedo yo ma fodi gikutundo ngo. 6Man Hamor ma won Cekem ucidho woko ba Yakobo kara giwec gikude. 7Man wot Yakobo giai kud i thim kinde ma giwinjo: e can umaku dhanune, man kwinyo ma dit umakugi, kum etimo kasegu i Israel i vuto m’evuto ko ku nya Yakobo; ma ginduni maku kud etimbre. 8Man Hamor giweco gikugi ewacu kumae, Ava nyaku mu benego ng’eyong’ec pa woda ma Cekem: akwayuwu, wumie ire ni dhaku. 9Man watim ambadha wakudu; wumi nyigwu iwa, e wugam nyigwa iwu. 10E wabibedo wakudu: man ng’om maeni bibedo i weng’wu; wubed man wutim kuloka i ie, man wugam piny iwu i ie. 11E Cekem uwacu ni won nyaku man ni utumin mire kumae, Wek anwang’ bero i weng’wu, man gin ma wuwacu ira abimio. 12Wulwong’ keny m’ulwar man giramia i bang’a, e abimio calu ma wulwong’o i bang’a: ento wumi ira nyakune ni dhaku. 13E wot Yakobo giloko lembe ni Cekem ku Hamor ma won kud abombi, man giwacu, kum ecido Dina ma nyameggi, 14man giwacu igi kumae, Wacopo timo gin maeni ngo, ma nia wami nyamegwa ni ng’atu ma fodi jukutimo yaa i kume ngo; kum maeni en e cac iwa. 15Wabiyio iwu ni kum lembe maeni kende: tek wubibedo calu wan, nia jutim yaa i kum co m’i kindwu kubang’gi kubang’gi; 16e wabilund mio nyigwa i beng’wu, man wabigamu nyigwu iwa, e wabibedo karacelo kudu man wabidoko dhanu acel. 17Ento tek wubiwinjowa ngo, nia jutim yaa i kumwu; wabilund gamu nyaku mwa, e wabicidho.
18Man lembe migi nyayu mutoro i Hamor, man i Cekem ma wod Hamor. 19Man jalawobi maeno galu ngo kutimo gin maeni, kum nya Yakobo nyayu mutoro i ie: man jumio yung ire ma sagu juot pa won ceke. 20Man Hamor giku Cekem ma wode gibino ba dhugang’ mir adhura migi, e giweco ku dhanu mir adhura migi, giwacu kumae, 21Wabedo ku kwiocwiny ku dhanu maeni; ka kumeno wek gibed i ng’om maeni, man gilok kuloka i ie; kum, nen ng’om ulwar m’uromogi; wek wagam nyiggi iwa ni mon, man wek wami igi nyigwa. 22Dhanu maeni giyio iwa nia wabed wakugi, ni kum lembe maeni, kara wadok dhanu acel, tek co m’i kindwa kubang’wa kubang’wa jutimo yaa i kumgi, calu gitimo yaa i kumgi. 23Lim migi ku piny migi ku lim migi ma mi ter gibibedo mwa ngo? ndhu wayiyu igi kende, e wabibedo wakugi. 24Man dhanu ceke m’uai i dhugang’ mir adhura pare giwinjo Hamor man Cekem ma wode; e ku ba co ceke jutimo yaa i kumgi, dhanu ceke m’uai dhugang’ mir adhura pare. 25Man etimbre i ceng’ mir adege, kinde ma fodi rem ni i kumgi, nia juario ma kind wot Yakobo, Simeon man Lawi, utumin Dina, giting’o palamularu, man pare man pare, man gibino kum adhura ling’, e ginego dhanu ma co ceke. 26Man ginego Hamor ku wode ku lak palamularu, e giwodho Dina woko kud i ot pa Cekem, man gicidho. 27Wot Yakobo giwok wi ju ma junego, man giyaku adhurane, kum gicido nyameggi. 28Giyaku udul rombe migi man dhok migi man kana migi, ku piny ma ni i adhurane, ku ma ni i podho de; 29man lonyo migi ceke, ku nyithindho migi ceke man mon migi, gimaku ni ayeki man gitimo amaci, cil gin ceke ma ni i ot. 30E Yakobo wacu ni Simeon ku Lawi kumae, Wung’abu cwinya, kara wudwoka ni gin ma judagu ni ju m’ubedo i ng’ombuni, i kind Jukanani man Juperizi: man, kum welna nok, gibicokri gigi karacelo i kuma e gibigoya; man abinyothra, an ku juot para. 31E giwacu kumae, Maku etim kum nyamegwa calu kum won asara?
Currently Selected:
Thangambere 34: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
Thangambere 34
34
Juculo Kwor pir Acidi pa Dina
1Man Dina ma nyar Leya, m’enyolo ni Yakobo, ecidho woko nineno nyir m’i ng’ombe. 2Man Cekem ma wod Hamor ma Jahivi, ma jaditmawijo mi ng’ombe, enene; man egame, e evuto kude, man ejwige. 3Man ng’eyong’ec pare moko kum Dina ma nya Yakobo, e emaru nyakune, man eweco ber ba nyakune. 4E Cekem uyero ni won ma Hamor, ewacu kumae, Gam nyaku maeni ira ni dhaku. 5Nie Yakobo winjo nia ecido Dina ma nyare; man wote gini karacelo ku lim pare i thim: e Yakobo bedo yo ma fodi gikutundo ngo. 6Man Hamor ma won Cekem ucidho woko ba Yakobo kara giwec gikude. 7Man wot Yakobo giai kud i thim kinde ma giwinjo: e can umaku dhanune, man kwinyo ma dit umakugi, kum etimo kasegu i Israel i vuto m’evuto ko ku nya Yakobo; ma ginduni maku kud etimbre. 8Man Hamor giweco gikugi ewacu kumae, Ava nyaku mu benego ng’eyong’ec pa woda ma Cekem: akwayuwu, wumie ire ni dhaku. 9Man watim ambadha wakudu; wumi nyigwu iwa, e wugam nyigwa iwu. 10E wabibedo wakudu: man ng’om maeni bibedo i weng’wu; wubed man wutim kuloka i ie, man wugam piny iwu i ie. 11E Cekem uwacu ni won nyaku man ni utumin mire kumae, Wek anwang’ bero i weng’wu, man gin ma wuwacu ira abimio. 12Wulwong’ keny m’ulwar man giramia i bang’a, e abimio calu ma wulwong’o i bang’a: ento wumi ira nyakune ni dhaku. 13E wot Yakobo giloko lembe ni Cekem ku Hamor ma won kud abombi, man giwacu, kum ecido Dina ma nyameggi, 14man giwacu igi kumae, Wacopo timo gin maeni ngo, ma nia wami nyamegwa ni ng’atu ma fodi jukutimo yaa i kume ngo; kum maeni en e cac iwa. 15Wabiyio iwu ni kum lembe maeni kende: tek wubibedo calu wan, nia jutim yaa i kum co m’i kindwu kubang’gi kubang’gi; 16e wabilund mio nyigwa i beng’wu, man wabigamu nyigwu iwa, e wabibedo karacelo kudu man wabidoko dhanu acel. 17Ento tek wubiwinjowa ngo, nia jutim yaa i kumwu; wabilund gamu nyaku mwa, e wabicidho.
18Man lembe migi nyayu mutoro i Hamor, man i Cekem ma wod Hamor. 19Man jalawobi maeno galu ngo kutimo gin maeni, kum nya Yakobo nyayu mutoro i ie: man jumio yung ire ma sagu juot pa won ceke. 20Man Hamor giku Cekem ma wode gibino ba dhugang’ mir adhura migi, e giweco ku dhanu mir adhura migi, giwacu kumae, 21Wabedo ku kwiocwiny ku dhanu maeni; ka kumeno wek gibed i ng’om maeni, man gilok kuloka i ie; kum, nen ng’om ulwar m’uromogi; wek wagam nyiggi iwa ni mon, man wek wami igi nyigwa. 22Dhanu maeni giyio iwa nia wabed wakugi, ni kum lembe maeni, kara wadok dhanu acel, tek co m’i kindwa kubang’wa kubang’wa jutimo yaa i kumgi, calu gitimo yaa i kumgi. 23Lim migi ku piny migi ku lim migi ma mi ter gibibedo mwa ngo? ndhu wayiyu igi kende, e wabibedo wakugi. 24Man dhanu ceke m’uai i dhugang’ mir adhura pare giwinjo Hamor man Cekem ma wode; e ku ba co ceke jutimo yaa i kumgi, dhanu ceke m’uai dhugang’ mir adhura pare. 25Man etimbre i ceng’ mir adege, kinde ma fodi rem ni i kumgi, nia juario ma kind wot Yakobo, Simeon man Lawi, utumin Dina, giting’o palamularu, man pare man pare, man gibino kum adhura ling’, e ginego dhanu ma co ceke. 26Man ginego Hamor ku wode ku lak palamularu, e giwodho Dina woko kud i ot pa Cekem, man gicidho. 27Wot Yakobo giwok wi ju ma junego, man giyaku adhurane, kum gicido nyameggi. 28Giyaku udul rombe migi man dhok migi man kana migi, ku piny ma ni i adhurane, ku ma ni i podho de; 29man lonyo migi ceke, ku nyithindho migi ceke man mon migi, gimaku ni ayeki man gitimo amaci, cil gin ceke ma ni i ot. 30E Yakobo wacu ni Simeon ku Lawi kumae, Wung’abu cwinya, kara wudwoka ni gin ma judagu ni ju m’ubedo i ng’ombuni, i kind Jukanani man Juperizi: man, kum welna nok, gibicokri gigi karacelo i kuma e gibigoya; man abinyothra, an ku juot para. 31E giwacu kumae, Maku etim kum nyamegwa calu kum won asara?
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.