Thangambere 46
46
Yakobo ku Juot Pare Giloro i Misiri
1E Israel utugo woth ku gin ceke m’ebedo ko, man ebino Ber-ceba, man ethiero lam ni Mungu pa Isak ma won. 2Man Mungu yero ni Israel ku ginmawokiwang’ mi diewor, man ewacu kumae, Yakobo, Yakobo. Man ewacu kumae, Anuti. 3Man ewacu kumae, An a Mungu, Mungu pa wuru: kud ilwor niloro piny i Misiri; kum abidwoki ni thek ma dit kuca: 4wabiloro wakudi i Misiri; man abidwoki malu bende kendo andha: man Yusuf biketho cinge i weng’i. 5Man Yakobo ai malu kud i Ber-ceba: e wot Israel giyeyo Yakobo ma weggi, ku nyithindho migi ma thindho, ku mon migi, i magali ma Farao oro uyeye. 6#Tic 7:15E gigamu lim migi, ku jamni migi, ma gilimo i ng’om Kanan, man gibino i Misiri, Yakobo, ku kodhine ceke gikugi: 7wote, man wot wote gikugi, nyige, ku nyig wote, ku kodhine ceke ekelo karacelo kude i Misiri.
8Man maeni gi nying’ nyithindho pa Israel, m’ubino i Misiri, Yakobo ku wote: Ruben, ma kayu pa Yakobo. 9Man wot Ruben gi eni: Hanok, man Palu, man Hezron, man Karmi. 10Man wot Simeon gi eni: Yemuel, man Yamin, man Ohad, man Yakin, man Zohar, man Caul ma wod Nyakanani. 11Man wot Lawi gi eni: Gercon, Kohath, man Merari. 12Man wot Yuda gi eni: Er, man Onan, man Cela, man Perez, man Zera; ento Er ku Onan githo i ng’om Kanan. Man wot Perez gi Hezron man Hamul. 13Man wot Isakar gi eni: Tola, man Puva, man Yob, man Cimron. 14Man wot Zebulun gi eni: Sered, man Elon, man Yalel. 15Maeni gi wot Leya, m’enyolo ni Yakobo i Padan-aram, man nyare ma Dina: ng’eyong’ec ceke mi wote ku nyige gi pier adek wi adek. 16Man wot Gad gi eni: Zifion, man Hagi, ku Cuni, man Ezbon, man Eri, man Arodi, man Areli. 17Man wot Acer gi eni: Imna, man Icva, man Icvi, man Beria, man Sera ma nyameggi; man wot Beria gi eni: Heber, man Malkiel. 18Maeni gi wot Zilpa, ma Laban umio ni Leya ma nyare; man maeni enyolo ni Yakobo; en e ng’eyong’ec apar wi abusiel. 19Man wot Rahel ma dhaku pa Yakobo gi eni: Yusuf man Benyamin. 20#Tha 41:50-52Man junyolo Manase giku Efraim ni Yusuf i ng’om Misiri, ma Asenath ma nyar Potifera ma jalam mi On, unyolo ire. 21Man wot Benyamin gi eni: Bela man Beker, man Acbel, man Gera, man Naman, man Ehi, man Roc, man Mupim, man Hupim, man Ard. 22Maeni gi wot Rahel, ma junyolo ni Yakobo: ng’eyong’ec ceke gin apar wi ang’wen. 23Man wot Dan gi eni: Hucim. 24Man wot Naftali gi eni: Yazrel, man Guni, man Yazer, man Cilem. 25Maeni gi wot Bilha, ma Laban umio ni Rahel ma nyare, man enyolo maeni ni Yakobo: ng’eyong’ec ceke gin abiro. 26Ng’eyong’ec ceke ma gibino giku Yakobogi i Misiri, m’uai i kume, ma jukwanu mond wot Yakobo ngo, ng’eyong’ec ceke gi pier abusiel wi abusiel; 27#Tic 7:14man wot Yusuf, ma junyolo ire i Misiri, gi ng’eyong’ec ario: ng’eyong’ec ceke mi ot pa Yakobo m’ubino i Misiri gi pier abiro.
Yakobo ku Juot Pare i Misiri
28Man eoro Yuda i wang’e ba Yusuf, kara enyuth yo i wang’e i Gocen; e gibino i ng’om Gocen. 29E Yusuf uyiko magali pare, man eidho malu kara eromb kud Israel ma won, i Gocen; e enyuthre gire ire, man epodho i ng’ute, eywak de wi ng’ute hai. 30Man Israel uwacu ni Yusuf kumae, Kawono wek atho, kum aneno weng’i, nia fodi ibedo kwo. 31Man Yusuf uwacu ni utumin mire kumae, man ni ot pa won kumae, Abiidho malu, e abiyero ni Farao, man abiwacu ire kumae, Utumira, man ot pa vwa, ma naka gini i ng’om Kanan, gibino i bang’a; 32man dhanune gi jukwac, kum naka gibedo jugwok lim; e gikelo udul rombe migi, man dhok migi, ku gin ceke ma gibedo ko. 33Man ebitimbre, ka Farao bilwong’owu, man ebipenjowu kumae, Tic mu ang’o? 34nia wubiwacu kumae, Jutic peri naka gi jugwok lim ugambre i aradu mwa cil ku kawono de, wan, ku wegwa de: kara wubed i ng’om Gocen; kum jukwac kubang’gi kubang’gi gin gi ginmajudagu ni Jumisiri.
Currently Selected:
Thangambere 46: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
Thangambere 46
46
Yakobo ku Juot Pare Giloro i Misiri
1E Israel utugo woth ku gin ceke m’ebedo ko, man ebino Ber-ceba, man ethiero lam ni Mungu pa Isak ma won. 2Man Mungu yero ni Israel ku ginmawokiwang’ mi diewor, man ewacu kumae, Yakobo, Yakobo. Man ewacu kumae, Anuti. 3Man ewacu kumae, An a Mungu, Mungu pa wuru: kud ilwor niloro piny i Misiri; kum abidwoki ni thek ma dit kuca: 4wabiloro wakudi i Misiri; man abidwoki malu bende kendo andha: man Yusuf biketho cinge i weng’i. 5Man Yakobo ai malu kud i Ber-ceba: e wot Israel giyeyo Yakobo ma weggi, ku nyithindho migi ma thindho, ku mon migi, i magali ma Farao oro uyeye. 6#Tic 7:15E gigamu lim migi, ku jamni migi, ma gilimo i ng’om Kanan, man gibino i Misiri, Yakobo, ku kodhine ceke gikugi: 7wote, man wot wote gikugi, nyige, ku nyig wote, ku kodhine ceke ekelo karacelo kude i Misiri.
8Man maeni gi nying’ nyithindho pa Israel, m’ubino i Misiri, Yakobo ku wote: Ruben, ma kayu pa Yakobo. 9Man wot Ruben gi eni: Hanok, man Palu, man Hezron, man Karmi. 10Man wot Simeon gi eni: Yemuel, man Yamin, man Ohad, man Yakin, man Zohar, man Caul ma wod Nyakanani. 11Man wot Lawi gi eni: Gercon, Kohath, man Merari. 12Man wot Yuda gi eni: Er, man Onan, man Cela, man Perez, man Zera; ento Er ku Onan githo i ng’om Kanan. Man wot Perez gi Hezron man Hamul. 13Man wot Isakar gi eni: Tola, man Puva, man Yob, man Cimron. 14Man wot Zebulun gi eni: Sered, man Elon, man Yalel. 15Maeni gi wot Leya, m’enyolo ni Yakobo i Padan-aram, man nyare ma Dina: ng’eyong’ec ceke mi wote ku nyige gi pier adek wi adek. 16Man wot Gad gi eni: Zifion, man Hagi, ku Cuni, man Ezbon, man Eri, man Arodi, man Areli. 17Man wot Acer gi eni: Imna, man Icva, man Icvi, man Beria, man Sera ma nyameggi; man wot Beria gi eni: Heber, man Malkiel. 18Maeni gi wot Zilpa, ma Laban umio ni Leya ma nyare; man maeni enyolo ni Yakobo; en e ng’eyong’ec apar wi abusiel. 19Man wot Rahel ma dhaku pa Yakobo gi eni: Yusuf man Benyamin. 20#Tha 41:50-52Man junyolo Manase giku Efraim ni Yusuf i ng’om Misiri, ma Asenath ma nyar Potifera ma jalam mi On, unyolo ire. 21Man wot Benyamin gi eni: Bela man Beker, man Acbel, man Gera, man Naman, man Ehi, man Roc, man Mupim, man Hupim, man Ard. 22Maeni gi wot Rahel, ma junyolo ni Yakobo: ng’eyong’ec ceke gin apar wi ang’wen. 23Man wot Dan gi eni: Hucim. 24Man wot Naftali gi eni: Yazrel, man Guni, man Yazer, man Cilem. 25Maeni gi wot Bilha, ma Laban umio ni Rahel ma nyare, man enyolo maeni ni Yakobo: ng’eyong’ec ceke gin abiro. 26Ng’eyong’ec ceke ma gibino giku Yakobogi i Misiri, m’uai i kume, ma jukwanu mond wot Yakobo ngo, ng’eyong’ec ceke gi pier abusiel wi abusiel; 27#Tic 7:14man wot Yusuf, ma junyolo ire i Misiri, gi ng’eyong’ec ario: ng’eyong’ec ceke mi ot pa Yakobo m’ubino i Misiri gi pier abiro.
Yakobo ku Juot Pare i Misiri
28Man eoro Yuda i wang’e ba Yusuf, kara enyuth yo i wang’e i Gocen; e gibino i ng’om Gocen. 29E Yusuf uyiko magali pare, man eidho malu kara eromb kud Israel ma won, i Gocen; e enyuthre gire ire, man epodho i ng’ute, eywak de wi ng’ute hai. 30Man Israel uwacu ni Yusuf kumae, Kawono wek atho, kum aneno weng’i, nia fodi ibedo kwo. 31Man Yusuf uwacu ni utumin mire kumae, man ni ot pa won kumae, Abiidho malu, e abiyero ni Farao, man abiwacu ire kumae, Utumira, man ot pa vwa, ma naka gini i ng’om Kanan, gibino i bang’a; 32man dhanune gi jukwac, kum naka gibedo jugwok lim; e gikelo udul rombe migi, man dhok migi, ku gin ceke ma gibedo ko. 33Man ebitimbre, ka Farao bilwong’owu, man ebipenjowu kumae, Tic mu ang’o? 34nia wubiwacu kumae, Jutic peri naka gi jugwok lim ugambre i aradu mwa cil ku kawono de, wan, ku wegwa de: kara wubed i ng’om Gocen; kum jukwac kubang’gi kubang’gi gin gi ginmajudagu ni Jumisiri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.