Luka 1
1
Lembagora ni Theofilo
1Kum dhanu dupa giketho cing’gi nigoro lembe pi gin maeno m’utimbre kakare i kindwa, 2cil calu gimiogi iwa, ma kwong’a wa jumulembe ma ku wang’ man jutim mi lembe de, 3e ebedo ber ira bende, kum abedo ku ng’eyong’ec mi gin ceke cu ugambre ku kwong’a, nia agor iri kubang’e kubang’e, Theofilo ma jabero; 4kara ing’ei lemandha mi gin ma juponji kudo.
Junyutho pi Nyol pa Yohana ma Jabaputisi
5 #
1 Kei 24:10
I nindo pa Herode, ubimo mi Yahudi, nwang’u jalam ma nyinge Zakaria nuti, i maka pa Abia: man ebedo ku dhaku ma kind nyir pa Harun, nyinge de Elisabeth 6Gin ario de gibedo pwe i wang’ Mungu, ma gibewotho i cik ku lembapoka ceke pa Rwoth umbe gin ma rac. 7Man nyathin umbe kugi, kum Elisabeti mugumba, gin ario de rundi migi kadhu.
8Nie etimbre, kinde m’etimo tic pa jalam maka pare kubang’e kubang’e i wang’ Mungu, 9calu kura mi tic pa jalam, tic pare en e mondo i hekalu niwang’u udok ma ng’wice ng’ar. 10Udul ceke mi dhanu berwo woko i saa mir udok ma ng’wice ng’ar. 11Malaika pa Rwoth uwok i bang’e ecungo yor acwic ba pemblam mir udok ma ng’wice ng’ar. 12Zakaria de cwinye ng’abre kan enene, lworo de make. 13Ento malaika wacu ire kumae, Lworo kud unegi, Zakaria: kum kwac peri winjre, cegi Elisabeti binyolo iri nyathin ma nico, man ibilwong’o nyinge Yohana. 14Man mutoro kud anyong’a binegi; dhanu dupa de anyong’a binegogi i munyuru pare. 15#Wel 6:3Kum ebibedo dwong’ i wang’ Rwoth, man ebimadhu pigulok kadi giramadha ma mero jo de ngo; man Tipo Maleng’ birome, ugambre kud i min. 16Man dhanu dupa mi nyithindho pa Israel ebiloko ni Rwoth Mungu migi. 17#Mal 4:5, 6Man ebicidho i wang’e i tipo ku tego pa Elia, niloko adunde wego ni nyithindho, juco de niwotho i rieko mi weg bedopwe; niyau dhanu m’ubedo ayika ni Rwoth. 18Zakaria wacu ni malaika kumae, Abing’eyo maeni nenedi? kum an a ng’atu m’uti, dhaku para de rundi pare kadhu. 19#Dan 8:16; 9:21Malaika dwoko lembe ewacu ire kumae, An a Gabriel, ma cungo i wang’ Mungu; man juora niyero iri, nikelo iri rwonglembe maeni de. 20Nen, ibibedo ajuba ibicopo weco de ngo, cil i ceng’ ma gin maeni bitimbre i ie, kum iyio lem para ngo, ma bitimbre kakare i nindone. 21Dhanu de gibekuro Zakaria, igi wang’ lii de kum egalu i hekalu. 22Kan ewok woko de, ecopo weco i bang’gi ngo: e ging’eyo nia eneno ginmawokiwang’ i hekalu: man enyutho igi anyutha asu, ebedo ling’ de. 23Etimbre ka ceng’ mi timotim pare timbre kakare, edok i ot pare.
24E yo ng’ei ceng’ maeni Elisabeti ma dhaku pare gamu ie; epale de dwi abic, ewacu kumae, 25Rwoth utimo kumeno ira i ceng’ m’enena i ie, nikabu lewic para woko i kind dhanu.
Junyutho pi Nyol pa Yesu
26Nie i dwi mir abusiende juoro malaika Gabriel uai ba Mungu ucidho i adhura mi Galilaya, ma nyinge Nazareti, 27#Mt 1:18ba nyaku ma sumba ma ng’atu ma nyinge Yusuf ubenyome, ma en e mi ot pa Daudi; nyaku ma sumbane nyinge Mariamu. 28Emondo i bang’e, man ewacu kumae, Moth iri, in ma mugisa kwenyi, Rwoth ni kudi. 29Ento ie pido dit kum lembe maeni, ie de bepido ya moth maeni manedi. 30Malaika de wacu ire kumae, Lworo kud unegi, Mariamu: kum inwang’u bero ba Mungu. 31#Mt 1:21Man nen, ibigamu ii, ibinyolo nyathin ma nico, man ibilwong’o nyinge Yesu. 32#2 Sam 7:12, 13, 16; Isa 9:7Ebibedo dwong’, man jubilwong’e Wod Ng’atu ma Malu Ngbir: man Rwoth Mungu bimio ire komker pa kwarumire Daudi. 33Man ebicamu ker wi ot pa Yakobo mi nja; kajik mi ker pare de bibedo umbe. 34Mariamu wacu ni malaika kumae, Maeni bitimbre nenedi, ma k’ang’eyo co ngo e? 35Malaika dwoko lembe ewacu ire kumae, Tipo Maleng’ bibino i wii, man tego pa Ng’atu ma Malu Ngbir tipone biumi: kum kumeno bende gin maleng’ m’ibinyolo jubilwong’o Wod Mungu. 36Man nen, wat peri, Elisabeti bende gamu ie mi wode kan eti; maeni de dwi mir abusiende pa ng’atu ma julwong’o mugumba. 37#Tha 18:14Kum lembe moko mbe ma ai ba Mungu ma bibedo umbe tego. 38E Mariamu wacu kumae, Nen, an a bong’ pa Rwoth; dong’ ebed ira calu lembe peri. E malaika weke.
Mariamu Liewo Elisabeti
39E Mariamu ai i ceng’ maeno ecidho pio pio i ng’om gudi, i adhura mi Yahudi; 40man emondo i ot pa Zakaria emotho Elisabeti de. 41Etimbre de, nia kan Elisabeti winjo moth pa Mariamu, mukere por malu i ie; Elisabeti de pong’ ku Tipo Maleng’; 42man eting’o dwande malu ku ba dwal ma dit, ewacu kumae, Mugisa kwenyi kind mon, man mugisa ni nyodo m’i ii de. 43Man lembe m’unwang’a maeni ai kani, nia min Rwoth para bino i bang’a? 44Kum nen, ka dwand moth peri mondo i itha, mukere por malu i ia ni mutoro. 45Mugisa ni ng’atu m’uyio de; kum lembe m’uai ba Rwoth uyere ire bitimbre kakare.
Mariamu Yungo Rwoth
46Mariamu de wacu kumae, Ng’eyong’ec para beyungo Rwoth,
47Man anyong’a nego cwinya kum Mungu Jalarna.
48 #
1 Sam 1:11
Kum eneno wi nok pa bong’ pare:
Kum nen, ugambre kawono dhanum’utuk ceke gibilwong’a jamugisa.
49Kum ng’atu ma tek utimo ira gin ma dit;
Nyinge de leng’.
50Kisa pare de bedo ni dhanum’utuk ku dhanum’utuk
Wi ju m’ulwore.
51Enyutho tego ku bote;
Elalu jukuhaya ku lembe ma igi pido ku i adundegi.
52 #
Yob 5:11; 12:19 Ejwigo juker kud i komker migi,
Eting’o dhanu ma kitgi mbe malu.
53Eyeng’o ju ma kec unegogi ku gin ma ber;
Man eketho julonyo gidok mananu.
54Ekonyo jatic pare Israel,
Kara epoi kum kisa
55 #
Tha 17:7
#
1 Sam 2:1-10
(Calu yang’ eyero ni kwaruwa)
Ni Ibrahim ku nyikwaye rondo ku rondo.
56Man Mariamu gibedo gikude ma yenyo romo dwi adek, kan edok i ot pare.
Nyol pa Yohana ma Jabaputisi
57Nie nindo ma Elisabeti binyol i ie utimbre kakare: e enyolo nyathin ma nico. 58Man judhugola pare ku wat pare giwinjo nia Rwoth uketho kisa pare dit i bang’e; e anyong’a negogi dit gikugi. 59#Law 12:3Etimbre i ceng’ mir aborane, nia gibino nitimo yaa kum nyathin; giyenyo gilwong’e Zakaria, calu nying won. 60Man min uloko lembe ewacu kumae, Kumeno ngo; ento jubilwong’e Yohana. 61E giwacu ire kumae, Nying’ maeni mbe i kind wat peri. 62E gitimo ku giranyutha ni won, maram eyenyo julwong’ ko nyinge. 63Man elwong’o waraga, egoro de kumae, Nyinge Yohana. E igi kpo wang’ lii. 64Ndhu ndhu nica dhoge yabre, lebe de gonjre, man eyero, ku mio mugisa ni Mungu de. 65E lworo maku dhanu ceke m’ubedo i vutgi: man lembe maeni ceke yik tir i ng’om gudi ceke mi Yahudi. 66Dhanu ceke m’uwinjogi gikanu lembene i adundegi, giwacu kumae, Ka kumeno nyathin mae bibedo ni ang’o? Kum cing Rwoth ni i bang’e.
Ewolembe pa Zakaria
67Zakaria ma won de Tipo Maleng’ urome ndhu, man eewo, ewacu kumae,
68Mugisa ni Rwoth, Mungu pa Israel;
Kum eliewo dhanu pare etimo war de igi,
69Man eting’o tung mi both iwa I ot pa jatic pare Daudi
70(Calu eyero ku dhu jubila pare ma leng’ m’ugambre por con),
71Ebodhowa ni judegiwa, kud i cing’ dhanu ceke m’udaguwa de;
72Mi nyutho kisa ni kwaruwa,
Man mi poi kum lembariba pare ma leng’;
73Kwong’ m’ekwong’o ni kwaruwa Ibrahim,
74Nia edwok iwa, wan ma waboth kud i cing’ judegiwa Ya watim ire ma lworo mbe,
75I leng’cwiny man bedopwe i wang’e i ceng’ mwa ceke.
76 #
Mal 3:1
Eyo in de, nyathin, jubilwong’i jabila pa Ng’atu ma Malu Ngbir:
Kum ibicidho i nyim wang’ Rwoth niyiko yo pare;
77Nimio ng’eyong’ec mi both ni dhanu pare
I wek mi dubo migi,
78Kum kisa ma ng’ic pa Mungu mwa,
Ni kum maeni rupiny m’uai malu biliewowa,
79 #
Isa 9:2
Nirieny wi ju m’ubedo i mudho ku tipo mi tho;
Niketho tiendwa woth i yo mi kwiocwiny.
80Nyathin udongo, cwinye de doko tek, ebedo i yamba de cil i ceng’ m’enyuthre ie ni Israel.
Currently Selected:
Luka 1: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
Luka 1
1
Lembagora ni Theofilo
1Kum dhanu dupa giketho cing’gi nigoro lembe pi gin maeno m’utimbre kakare i kindwa, 2cil calu gimiogi iwa, ma kwong’a wa jumulembe ma ku wang’ man jutim mi lembe de, 3e ebedo ber ira bende, kum abedo ku ng’eyong’ec mi gin ceke cu ugambre ku kwong’a, nia agor iri kubang’e kubang’e, Theofilo ma jabero; 4kara ing’ei lemandha mi gin ma juponji kudo.
Junyutho pi Nyol pa Yohana ma Jabaputisi
5 #
1 Kei 24:10
I nindo pa Herode, ubimo mi Yahudi, nwang’u jalam ma nyinge Zakaria nuti, i maka pa Abia: man ebedo ku dhaku ma kind nyir pa Harun, nyinge de Elisabeth 6Gin ario de gibedo pwe i wang’ Mungu, ma gibewotho i cik ku lembapoka ceke pa Rwoth umbe gin ma rac. 7Man nyathin umbe kugi, kum Elisabeti mugumba, gin ario de rundi migi kadhu.
8Nie etimbre, kinde m’etimo tic pa jalam maka pare kubang’e kubang’e i wang’ Mungu, 9calu kura mi tic pa jalam, tic pare en e mondo i hekalu niwang’u udok ma ng’wice ng’ar. 10Udul ceke mi dhanu berwo woko i saa mir udok ma ng’wice ng’ar. 11Malaika pa Rwoth uwok i bang’e ecungo yor acwic ba pemblam mir udok ma ng’wice ng’ar. 12Zakaria de cwinye ng’abre kan enene, lworo de make. 13Ento malaika wacu ire kumae, Lworo kud unegi, Zakaria: kum kwac peri winjre, cegi Elisabeti binyolo iri nyathin ma nico, man ibilwong’o nyinge Yohana. 14Man mutoro kud anyong’a binegi; dhanu dupa de anyong’a binegogi i munyuru pare. 15#Wel 6:3Kum ebibedo dwong’ i wang’ Rwoth, man ebimadhu pigulok kadi giramadha ma mero jo de ngo; man Tipo Maleng’ birome, ugambre kud i min. 16Man dhanu dupa mi nyithindho pa Israel ebiloko ni Rwoth Mungu migi. 17#Mal 4:5, 6Man ebicidho i wang’e i tipo ku tego pa Elia, niloko adunde wego ni nyithindho, juco de niwotho i rieko mi weg bedopwe; niyau dhanu m’ubedo ayika ni Rwoth. 18Zakaria wacu ni malaika kumae, Abing’eyo maeni nenedi? kum an a ng’atu m’uti, dhaku para de rundi pare kadhu. 19#Dan 8:16; 9:21Malaika dwoko lembe ewacu ire kumae, An a Gabriel, ma cungo i wang’ Mungu; man juora niyero iri, nikelo iri rwonglembe maeni de. 20Nen, ibibedo ajuba ibicopo weco de ngo, cil i ceng’ ma gin maeni bitimbre i ie, kum iyio lem para ngo, ma bitimbre kakare i nindone. 21Dhanu de gibekuro Zakaria, igi wang’ lii de kum egalu i hekalu. 22Kan ewok woko de, ecopo weco i bang’gi ngo: e ging’eyo nia eneno ginmawokiwang’ i hekalu: man enyutho igi anyutha asu, ebedo ling’ de. 23Etimbre ka ceng’ mi timotim pare timbre kakare, edok i ot pare.
24E yo ng’ei ceng’ maeni Elisabeti ma dhaku pare gamu ie; epale de dwi abic, ewacu kumae, 25Rwoth utimo kumeno ira i ceng’ m’enena i ie, nikabu lewic para woko i kind dhanu.
Junyutho pi Nyol pa Yesu
26Nie i dwi mir abusiende juoro malaika Gabriel uai ba Mungu ucidho i adhura mi Galilaya, ma nyinge Nazareti, 27#Mt 1:18ba nyaku ma sumba ma ng’atu ma nyinge Yusuf ubenyome, ma en e mi ot pa Daudi; nyaku ma sumbane nyinge Mariamu. 28Emondo i bang’e, man ewacu kumae, Moth iri, in ma mugisa kwenyi, Rwoth ni kudi. 29Ento ie pido dit kum lembe maeni, ie de bepido ya moth maeni manedi. 30Malaika de wacu ire kumae, Lworo kud unegi, Mariamu: kum inwang’u bero ba Mungu. 31#Mt 1:21Man nen, ibigamu ii, ibinyolo nyathin ma nico, man ibilwong’o nyinge Yesu. 32#2 Sam 7:12, 13, 16; Isa 9:7Ebibedo dwong’, man jubilwong’e Wod Ng’atu ma Malu Ngbir: man Rwoth Mungu bimio ire komker pa kwarumire Daudi. 33Man ebicamu ker wi ot pa Yakobo mi nja; kajik mi ker pare de bibedo umbe. 34Mariamu wacu ni malaika kumae, Maeni bitimbre nenedi, ma k’ang’eyo co ngo e? 35Malaika dwoko lembe ewacu ire kumae, Tipo Maleng’ bibino i wii, man tego pa Ng’atu ma Malu Ngbir tipone biumi: kum kumeno bende gin maleng’ m’ibinyolo jubilwong’o Wod Mungu. 36Man nen, wat peri, Elisabeti bende gamu ie mi wode kan eti; maeni de dwi mir abusiende pa ng’atu ma julwong’o mugumba. 37#Tha 18:14Kum lembe moko mbe ma ai ba Mungu ma bibedo umbe tego. 38E Mariamu wacu kumae, Nen, an a bong’ pa Rwoth; dong’ ebed ira calu lembe peri. E malaika weke.
Mariamu Liewo Elisabeti
39E Mariamu ai i ceng’ maeno ecidho pio pio i ng’om gudi, i adhura mi Yahudi; 40man emondo i ot pa Zakaria emotho Elisabeti de. 41Etimbre de, nia kan Elisabeti winjo moth pa Mariamu, mukere por malu i ie; Elisabeti de pong’ ku Tipo Maleng’; 42man eting’o dwande malu ku ba dwal ma dit, ewacu kumae, Mugisa kwenyi kind mon, man mugisa ni nyodo m’i ii de. 43Man lembe m’unwang’a maeni ai kani, nia min Rwoth para bino i bang’a? 44Kum nen, ka dwand moth peri mondo i itha, mukere por malu i ia ni mutoro. 45Mugisa ni ng’atu m’uyio de; kum lembe m’uai ba Rwoth uyere ire bitimbre kakare.
Mariamu Yungo Rwoth
46Mariamu de wacu kumae, Ng’eyong’ec para beyungo Rwoth,
47Man anyong’a nego cwinya kum Mungu Jalarna.
48 #
1 Sam 1:11
Kum eneno wi nok pa bong’ pare:
Kum nen, ugambre kawono dhanum’utuk ceke gibilwong’a jamugisa.
49Kum ng’atu ma tek utimo ira gin ma dit;
Nyinge de leng’.
50Kisa pare de bedo ni dhanum’utuk ku dhanum’utuk
Wi ju m’ulwore.
51Enyutho tego ku bote;
Elalu jukuhaya ku lembe ma igi pido ku i adundegi.
52 #
Yob 5:11; 12:19 Ejwigo juker kud i komker migi,
Eting’o dhanu ma kitgi mbe malu.
53Eyeng’o ju ma kec unegogi ku gin ma ber;
Man eketho julonyo gidok mananu.
54Ekonyo jatic pare Israel,
Kara epoi kum kisa
55 #
Tha 17:7
#
1 Sam 2:1-10
(Calu yang’ eyero ni kwaruwa)
Ni Ibrahim ku nyikwaye rondo ku rondo.
56Man Mariamu gibedo gikude ma yenyo romo dwi adek, kan edok i ot pare.
Nyol pa Yohana ma Jabaputisi
57Nie nindo ma Elisabeti binyol i ie utimbre kakare: e enyolo nyathin ma nico. 58Man judhugola pare ku wat pare giwinjo nia Rwoth uketho kisa pare dit i bang’e; e anyong’a negogi dit gikugi. 59#Law 12:3Etimbre i ceng’ mir aborane, nia gibino nitimo yaa kum nyathin; giyenyo gilwong’e Zakaria, calu nying won. 60Man min uloko lembe ewacu kumae, Kumeno ngo; ento jubilwong’e Yohana. 61E giwacu ire kumae, Nying’ maeni mbe i kind wat peri. 62E gitimo ku giranyutha ni won, maram eyenyo julwong’ ko nyinge. 63Man elwong’o waraga, egoro de kumae, Nyinge Yohana. E igi kpo wang’ lii. 64Ndhu ndhu nica dhoge yabre, lebe de gonjre, man eyero, ku mio mugisa ni Mungu de. 65E lworo maku dhanu ceke m’ubedo i vutgi: man lembe maeni ceke yik tir i ng’om gudi ceke mi Yahudi. 66Dhanu ceke m’uwinjogi gikanu lembene i adundegi, giwacu kumae, Ka kumeno nyathin mae bibedo ni ang’o? Kum cing Rwoth ni i bang’e.
Ewolembe pa Zakaria
67Zakaria ma won de Tipo Maleng’ urome ndhu, man eewo, ewacu kumae,
68Mugisa ni Rwoth, Mungu pa Israel;
Kum eliewo dhanu pare etimo war de igi,
69Man eting’o tung mi both iwa I ot pa jatic pare Daudi
70(Calu eyero ku dhu jubila pare ma leng’ m’ugambre por con),
71Ebodhowa ni judegiwa, kud i cing’ dhanu ceke m’udaguwa de;
72Mi nyutho kisa ni kwaruwa,
Man mi poi kum lembariba pare ma leng’;
73Kwong’ m’ekwong’o ni kwaruwa Ibrahim,
74Nia edwok iwa, wan ma waboth kud i cing’ judegiwa Ya watim ire ma lworo mbe,
75I leng’cwiny man bedopwe i wang’e i ceng’ mwa ceke.
76 #
Mal 3:1
Eyo in de, nyathin, jubilwong’i jabila pa Ng’atu ma Malu Ngbir:
Kum ibicidho i nyim wang’ Rwoth niyiko yo pare;
77Nimio ng’eyong’ec mi both ni dhanu pare
I wek mi dubo migi,
78Kum kisa ma ng’ic pa Mungu mwa,
Ni kum maeni rupiny m’uai malu biliewowa,
79 #
Isa 9:2
Nirieny wi ju m’ubedo i mudho ku tipo mi tho;
Niketho tiendwa woth i yo mi kwiocwiny.
80Nyathin udongo, cwinye de doko tek, ebedo i yamba de cil i ceng’ m’enyuthre ie ni Israel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.