Luka 10
10
Yesu Oro Dhanu Pier Abiro
1Nie yo ng’ei gin maeni Rwoth uketho jumange pier abiro, eorogi ario ario i wang’e kubang’ adhura kubang’ adhura ceke, ka ma en gire eyenyo etund i ie. 2#Mt 9:37, 38Man ewacu igi kumae, Mwoka bedo dit andha, ento jutic e ma gi nok: ka kumeno wukwai Rwoth mi mwoka, nia eor jutic i mwoka pare. 3#Mt 10:16Wucidhi; nen, aorowu calu nyithi rombe i kind urudi. 4Kud wuting’ gbethe, ku mangala, ku wara, kud wumoth ng’atu moko i yo. 5I ot de ma tek wumondo i ie, wular wuwac kumae, Kwiocwiny ubed ba ot maeni. 6Man tek wod kwiocwiny ni i ie, kwiocwiny mu bibedo i kume: ento tek umbe i ie, ebidwogo i kumwu kendo. 7#1 Kor 9:14; 1 Tim 5:18Man wudong’ i ot maeno, ku camu ku madhu gin ma gimio: kum jatic romo ku sukulia pare. Kud wuci ku ba ot ku ba ot. 8Man adhura ceke ma tek wumondo i ie, gijolowu de, wucam gin ma juketho i weng’wu: 9wukei kum ju ma kumgi lith ma gini i ie, wuwac igi kumae, Ker pa Mungu bino ceng’ni i vutwu. 10#Tic 13:51Ento adhura ceke ma tek wumondo i ie, gijolowu de ngo, wuwok woko i gengine wuwac kumae, 11#Mt 10:7-14; Mk 6:8-11; Lk 9:3-5Cil utur m’uai i adhura mu, m’umoko kum tiendwa, wayweyo woko i kumwu: ento wung’ei maeni, nia ker pa Mungu bino ceng’ni. 12#Tha 19:24-28; Mt 11:24; Mt 10:15Awacu iwu kumae, I ceng’ maeno Sodom bibedo ber ma sagu adhura maeno.
Can wi Adhura ma Gilokri Ngo
(Mt 11:20-24)
13 #
Isa 23:1-18; Eze 26:1-28:26; Yoe 3:4-8; Amo 1:9, 10; Zek 9:2-4 Can i wii, Korazin! can i wii, Bethsaida! kum tek tic ma tek m’utimbre i iwu utimbre i Turo ku Sidon, kuno di gilokri con, ku bedo i usuba man vuru. 14Ento lembe mi Turo ku Sidon bibedo ber ma sagu mu, i ceng’ pokolembe. 15#Isa 14:13-15In de, Kapernaum, jubidodi malu i polo? jubijwigi piny i Hadeya. 16#Mt 10:40; Mk 9:37; Lk 9:48; Yoh 13:20Ng’atu m’uwinjowu nwang’u ewinjo an; ng’atu m’ukwerowu nwang’u ekwero an; man ng’atu m’ukwero an nwang’u ekwero ng’atu m’uora.
Dwogo mi Dhanu Pier Abiro
17Ju ma pier abiro gidwogo ku mutoro, giwacu kumae, Rwoth, cil pajogi gibedo wor iwa ni kum nyingi. 18Man ewacu igi kumae, Aneno Jok upodho kud i polo calu lukoth. 19#Zab 91:13Nen, amio iwu ng’ol ma wunyon ko thwol man ith, man wi tego ceke pa jakwor: gin moko de mbe ma bitimowu rac. 20Ento anyong’a kud unegwu kum maeni, nia tipo gibedo wor iwu; ento anyong’a negwu kum nyingwu gore i polo.
Anyong’a Nego Yesu
(Mt 11:25-27; 13:16-17)
21I saa maeni anyong’a nege i Tipo Maleng’, ewacu kumae, Afoii, E Vwa, Rwoth m’i polo ku ng’om, kum imung’o gin maeni ni jurieko ku weg ng’eyong’ec, man inyuthogi ni mukere: eyo, Vwa; kum ebedo ni mutoro i weng’i kumeno. 22#Yoh 3:35; Yoh 10:15Vwa mio ira gin ceke: ng’atu moko mbe de m’ung’eyo nia Wod en e ng’a, ndhu Wego kende; kadi m’ung’eyo nia Wego de en e ng’a, ndhu Wod kende, ku ng’atu ma Wod uyenyo enyuthe ire. 23Elokre ba julubne, ewacu mung’ mung’ kumae, Mugisa ni wang’ m’uneno gin ma wuneno: 24kum awacu iwu, nia jubila dupa ku ju m’ubimo bim giyenyo ginen gin ma wuneno, ere ginenogi ngo; man giyenyo giwinj gin ma wuwinjo, ere giwinjogi ngo.
Jasamaria ma Pire Ber
25 #
Mt 22:35-40; Mk 12:28-34 Man nen, jaeuthecik acel ucungo malu emulo ie, epenje kumae, Japonji, atim ang’o kara acam pacu mi kwo ma rondo ku rondo? 26E ewacu ire kumae, Ang’o m’ugore i ciki? isomo nenedi? 27#Poi 6:5; Law 19:18Eloko lembe ewacu kumae, Ibimaru Rwoth Mungu peri kud adundeni ceke, ku ng’eyong’ec peri ceke, man ku tegoni ceke, ku pidoii ceke de; man wedu calu in giri. 28#Law 18:5Man ewacu ire kumae, Idwoko lembe cu: tim maeni, e ibibedo kwo. 29Ento en, m’eyenyo enyuthre nia e pwe, ewacu ni Yesu kumae, Wada en e ng’a? 30Yesu dwoko lembe kumae, Ng’atu acel uai Yerusalem uloro piny Yeriko; epodho i kind jukwo, m’uwodho bongu pare man gifode, e gicidho, giweke ceng’ni tho. 31Etimbre nia jalam acel ubeloro piny kud i yojuno: e kan enene, ekadhu ku ng’et yo kucel. 32Jalawi bende kumeca, kan ewok kakeca, enene de, e ekadhu ku ng’et yo kucel. 33#2 Kei 28:15Ento Jasamaria acel, i woth pare, ewok ka ma eni i ie: kan enene de, ngisi nege i kume, 34ebino de i bang’e, ekonjo mo ku pigulok i wang’ rem pare, etwio de; man ekethe wi kana pare gire, etere de i odwelo, man egwoke. 35Urwone ewodho denarii ario, emio ni won ot, ewacu kumae, Gwoke; piny peri m’uoi ma sagu, kan adwogo, abiculo wang’e iri. 36I kind juadek maeni, iwacu nyo, makani m’unyuthre nia en e wadi ng’atu m’upodho kind jukwo? 37Ewacu ire kumae, Ng’atu ma kisa nege i kume. E Yesu wacu ire kumae, Cidhi, itim kumeno.
Yesu Liewo Mar sa ku Mariamu
38 #
Yoh 11:1
Nie ka gicidho i yo migi, emondo i pacu acel: e dhaku acel ma nyinge Marsa jole i ot pare. 39Nyamin mire nyinge Mariamu, m’ubedo the tiend Rwoth man ewinjo lem pare. 40Ento Marsa besendre ku giratima dupa; e ebino i bang’e, ewacu kumae, Rwoth, lembe pido ii ngo nia nyamira weka atim tic akenda? ka kumeno wac ire nia ekonya. 41Ento Rwoth udwoko lembe ewacu ire kumae, Marsa, Marsa, cwinyi pido edieng’ de kum giki dupa: 42ento can lembe acel nuti: kum Mariamu foyo maka pare ma ber, ma jubimayu woko kud i bang’e ngo.
Currently Selected:
Luka 10: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
Luka 10
10
Yesu Oro Dhanu Pier Abiro
1Nie yo ng’ei gin maeni Rwoth uketho jumange pier abiro, eorogi ario ario i wang’e kubang’ adhura kubang’ adhura ceke, ka ma en gire eyenyo etund i ie. 2#Mt 9:37, 38Man ewacu igi kumae, Mwoka bedo dit andha, ento jutic e ma gi nok: ka kumeno wukwai Rwoth mi mwoka, nia eor jutic i mwoka pare. 3#Mt 10:16Wucidhi; nen, aorowu calu nyithi rombe i kind urudi. 4Kud wuting’ gbethe, ku mangala, ku wara, kud wumoth ng’atu moko i yo. 5I ot de ma tek wumondo i ie, wular wuwac kumae, Kwiocwiny ubed ba ot maeni. 6Man tek wod kwiocwiny ni i ie, kwiocwiny mu bibedo i kume: ento tek umbe i ie, ebidwogo i kumwu kendo. 7#1 Kor 9:14; 1 Tim 5:18Man wudong’ i ot maeno, ku camu ku madhu gin ma gimio: kum jatic romo ku sukulia pare. Kud wuci ku ba ot ku ba ot. 8Man adhura ceke ma tek wumondo i ie, gijolowu de, wucam gin ma juketho i weng’wu: 9wukei kum ju ma kumgi lith ma gini i ie, wuwac igi kumae, Ker pa Mungu bino ceng’ni i vutwu. 10#Tic 13:51Ento adhura ceke ma tek wumondo i ie, gijolowu de ngo, wuwok woko i gengine wuwac kumae, 11#Mt 10:7-14; Mk 6:8-11; Lk 9:3-5Cil utur m’uai i adhura mu, m’umoko kum tiendwa, wayweyo woko i kumwu: ento wung’ei maeni, nia ker pa Mungu bino ceng’ni. 12#Tha 19:24-28; Mt 11:24; Mt 10:15Awacu iwu kumae, I ceng’ maeno Sodom bibedo ber ma sagu adhura maeno.
Can wi Adhura ma Gilokri Ngo
(Mt 11:20-24)
13 #
Isa 23:1-18; Eze 26:1-28:26; Yoe 3:4-8; Amo 1:9, 10; Zek 9:2-4 Can i wii, Korazin! can i wii, Bethsaida! kum tek tic ma tek m’utimbre i iwu utimbre i Turo ku Sidon, kuno di gilokri con, ku bedo i usuba man vuru. 14Ento lembe mi Turo ku Sidon bibedo ber ma sagu mu, i ceng’ pokolembe. 15#Isa 14:13-15In de, Kapernaum, jubidodi malu i polo? jubijwigi piny i Hadeya. 16#Mt 10:40; Mk 9:37; Lk 9:48; Yoh 13:20Ng’atu m’uwinjowu nwang’u ewinjo an; ng’atu m’ukwerowu nwang’u ekwero an; man ng’atu m’ukwero an nwang’u ekwero ng’atu m’uora.
Dwogo mi Dhanu Pier Abiro
17Ju ma pier abiro gidwogo ku mutoro, giwacu kumae, Rwoth, cil pajogi gibedo wor iwa ni kum nyingi. 18Man ewacu igi kumae, Aneno Jok upodho kud i polo calu lukoth. 19#Zab 91:13Nen, amio iwu ng’ol ma wunyon ko thwol man ith, man wi tego ceke pa jakwor: gin moko de mbe ma bitimowu rac. 20Ento anyong’a kud unegwu kum maeni, nia tipo gibedo wor iwu; ento anyong’a negwu kum nyingwu gore i polo.
Anyong’a Nego Yesu
(Mt 11:25-27; 13:16-17)
21I saa maeni anyong’a nege i Tipo Maleng’, ewacu kumae, Afoii, E Vwa, Rwoth m’i polo ku ng’om, kum imung’o gin maeni ni jurieko ku weg ng’eyong’ec, man inyuthogi ni mukere: eyo, Vwa; kum ebedo ni mutoro i weng’i kumeno. 22#Yoh 3:35; Yoh 10:15Vwa mio ira gin ceke: ng’atu moko mbe de m’ung’eyo nia Wod en e ng’a, ndhu Wego kende; kadi m’ung’eyo nia Wego de en e ng’a, ndhu Wod kende, ku ng’atu ma Wod uyenyo enyuthe ire. 23Elokre ba julubne, ewacu mung’ mung’ kumae, Mugisa ni wang’ m’uneno gin ma wuneno: 24kum awacu iwu, nia jubila dupa ku ju m’ubimo bim giyenyo ginen gin ma wuneno, ere ginenogi ngo; man giyenyo giwinj gin ma wuwinjo, ere giwinjogi ngo.
Jasamaria ma Pire Ber
25 #
Mt 22:35-40; Mk 12:28-34 Man nen, jaeuthecik acel ucungo malu emulo ie, epenje kumae, Japonji, atim ang’o kara acam pacu mi kwo ma rondo ku rondo? 26E ewacu ire kumae, Ang’o m’ugore i ciki? isomo nenedi? 27#Poi 6:5; Law 19:18Eloko lembe ewacu kumae, Ibimaru Rwoth Mungu peri kud adundeni ceke, ku ng’eyong’ec peri ceke, man ku tegoni ceke, ku pidoii ceke de; man wedu calu in giri. 28#Law 18:5Man ewacu ire kumae, Idwoko lembe cu: tim maeni, e ibibedo kwo. 29Ento en, m’eyenyo enyuthre nia e pwe, ewacu ni Yesu kumae, Wada en e ng’a? 30Yesu dwoko lembe kumae, Ng’atu acel uai Yerusalem uloro piny Yeriko; epodho i kind jukwo, m’uwodho bongu pare man gifode, e gicidho, giweke ceng’ni tho. 31Etimbre nia jalam acel ubeloro piny kud i yojuno: e kan enene, ekadhu ku ng’et yo kucel. 32Jalawi bende kumeca, kan ewok kakeca, enene de, e ekadhu ku ng’et yo kucel. 33#2 Kei 28:15Ento Jasamaria acel, i woth pare, ewok ka ma eni i ie: kan enene de, ngisi nege i kume, 34ebino de i bang’e, ekonjo mo ku pigulok i wang’ rem pare, etwio de; man ekethe wi kana pare gire, etere de i odwelo, man egwoke. 35Urwone ewodho denarii ario, emio ni won ot, ewacu kumae, Gwoke; piny peri m’uoi ma sagu, kan adwogo, abiculo wang’e iri. 36I kind juadek maeni, iwacu nyo, makani m’unyuthre nia en e wadi ng’atu m’upodho kind jukwo? 37Ewacu ire kumae, Ng’atu ma kisa nege i kume. E Yesu wacu ire kumae, Cidhi, itim kumeno.
Yesu Liewo Mar sa ku Mariamu
38 #
Yoh 11:1
Nie ka gicidho i yo migi, emondo i pacu acel: e dhaku acel ma nyinge Marsa jole i ot pare. 39Nyamin mire nyinge Mariamu, m’ubedo the tiend Rwoth man ewinjo lem pare. 40Ento Marsa besendre ku giratima dupa; e ebino i bang’e, ewacu kumae, Rwoth, lembe pido ii ngo nia nyamira weka atim tic akenda? ka kumeno wac ire nia ekonya. 41Ento Rwoth udwoko lembe ewacu ire kumae, Marsa, Marsa, cwinyi pido edieng’ de kum giki dupa: 42ento can lembe acel nuti: kum Mariamu foyo maka pare ma ber, ma jubimayu woko kud i bang’e ngo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.