Marko 14
14
Jutelwic Uporo Lembe kum Yesu
(Mt 26:1-5; Lk 22:1-2; Yoh 11:45-53)
1 #
Ai 12:1-27
Nie yo ng’ei ceng’ ario agba mi kadhukuwijo man kwen ma thobi mbe i ie wok: e julam ma dongo ku jugorcik giyenyo maram gimake ko ku rieko, ginege de: 2kum giwacu kumae, I ceng’ mir agba ngo, rop umaru nyai i kind dhanu.
Dhaku Moko Ukonjo Mo wi Yesu i Bethania
(Mt 26:6-13; Yoh 12:1-8)
3 #
Lk 7:37, 38 E kan eni i Bethania i ot pa Simon ma won joi, kinde m’ebedo dhu cam, dhaku moko bino ma won cupa ma ber ma ie ju mo ma ng’wice ng’ar ma ng’ieune tek dit; enego cupane, ekonjo moje de i wie. 4Ento jumoko nuti ma ging’ur i kindgi gigi, giwacu kumae, Junyotho mo maeni nedi? 5Kum mo maeni jucopo loko ku denarii ma sagu dakadek, jumio de ni jucan. E ging’ur i kume. 6Ento Yesu wacu kumae, Wuweke; wunyayu can i ie nedi? etimo tic ma dre i kuma. 7#Poi 15:11Kum wubedo ku jucan thiri thiri i beng’wu, man ka wuyenyo wucopo timo ber i bang’gi: ento an wabedo wakudu thiri thiri ngo. 8Etimo gin m’ecopo: elar ewiro mo i kuma mi kuny. 9Andha awacu iwu kumae, Ka ceke ma tek jubiyero ie lembanyong’a ma juboth ko i ng’om ngung’, maeno bende ma dhaku maeni timo biyere ni poi pare.
Yuda Yio Nicibo Yesu
(Mt 26:14-16; Lk 22:3-6)
10Yuda Iskariote, en e ng’atu acel ma kind juapar wi ario, ecidho ba julam ma dongo, kara ecibe igi. 11E ka giwinjo maeni, anyong’a negogi, man ging’olo ya gibimio ire sente. Man eyenyo maram ecopo cibe ko igi lwe.
Yesu Camu Kadhukuwijo ku Julubne
(Mt 26:17-25; Lk 22:7-14, 21-23; Yoh 13:21-30)
12I ceng’ ma kwong’ane mi kwen ma thobi mbe i ie, kinde ma gilamu kadhukuwijo, julubne giwacu ire kumae, Iyenyo waci wayik ka m’ibicamu ie kadhukuwijo kani? 13Man eoro julubne ario, ewacu igi kumae, Wuci i adhura, e wubirombo ku ng’atu acel m’uyeyo agulu pi: wulub ng’eye; 14ka ma tek ebimondo i ie, wuyer ni won ode kumae, Japonji wacu kumae, Kusika mi welo ma ira, m’abicamu ie kadhukuwijo ku julubna, nikani? 15E en ebinyutho iwu kusika ma malu m’ulwar m’ubedo ku gin ceke i ie, ayika de: wuyik iwa kakeca. 16E julubne gicidho, giwok i adhurane, e ginwang’u calu ewacu igi: man giyiko kadhukuwijo.
17E ka piny udoko uthieno ebino ku juapar wi ario. 18#Zab 41:9E kinde ma gibedo gibecamu, Yesu wacu kumae, Ayero iwu andha, Acel m’i kindwu biciba, cil ng’atu ma wacamu wakude. 19E can umaku negogi, man giwacu ire acel acel, En e ani? 20Ewacu igi kumae. En e ng’atu acel m’i kind juapar wi ario, ma wagwio bwa wakude i tabu. 21Kum Wod dhanu bicidho, cil calu ma pire gore: ento can ni ng’atu maeno ma Wod dhanu cibre ni kume! ber ni ng’atuca tek jukunyole ngo.
Thekri mi Cemo pa Rwoth
(Mt 26:26-30; Lk 22:15-20; 1 Kor 11:23-26)
22Man kinde ma gibecamu, eting’o kwen, e kan emio mugisa, eng’weko ie, emio igi de, ewacu kumae, Wugam: maeni kuma. 23Man eting’o kikombe, e kan emio foc, emio igi: kagi ceke gimadhu kume moko. 24#Ai 24:8; Yer 31:31-34Man ewacu igi kumae, Maeni rimba mi lembariba, m’uthwogre pi dhanu dupa. 25Andha ayero iwu kumae, Abimadhu kum pigulok kendo ngo, cil i ceng’ m’abimadhe ie nyen i ker pa Mungu. 26E ka giwero wer, gicidho ba got Zeituni.
Yesu Nyutho Maram Petro Bikwere Ko
(Mt 26:31-35; Lk 22:31-34; Yoh 13:36-38)
27 #
Zek 13:7
E Yesu wacu igi kumae, Kewu ceke wubikier: kum egore kumae, Abigoyo jakwac, rombe de bilal mba. 28#Mt 28:16Ento, yo ng’ei cer para, abicidho i weng’wu i Galilaya. 29Ento Petro wacu ire kumae, Kadok ceke bikier, an re abikier ungo. 30Yesu wacu ire kumae, Andha awacu iri, nia in tinuni, i diewor maeni, ka fodi kulok kukok wang’ ario ngo, ibikwera wang’ adek. 31Ento eyero ma tek apila kumae, Kadok akotho be wakudi ngi, abikweri ngo. Kagi ceke de giwacu kumeno.
Yesu Rwo i Gethsemane
(Mt 26:36-46; Lk 22:39-46)
32E gibino i ka ma nyinge Gethsemane: ewacu de ni julubne kumae, Wubed keni, ma fodi acirwo. 33E ecoko Petro giku Yakobo man Yohana gicidho de gikugi, e ie maku wang’ lii, cwinye de ng’abre mumbe. 34Man ewacu igi kumae, Can ubenego ng’eyong’ec para dit apila ceng’ni tho: wudong’ keni, wuki. 35Man ecidho nyangba yor i wang’gi, epodho de i ng’om, man erwo nia, tek ecopre, saa maeni kabre woko ire. 36Ewacu kumae, Abba, Vwa, gin ceke copre iri; kab kikombe maeni woko i bang’a: ento yeny ma ia yenyo re ngo, endre yeny ma ii yenyo. 37Man ebino, enwang’u ginindo, man ewacu ni Petro kumae, Simon, inindo? icopo kio ngo saa aceli? 38Wuki wurwo de, kara kud wumond i abidhe: cwiny uyenyo andha, ento kum ubedo ng’ic. 39E ecidho kendo, man erwo, eyero lembe ma cal acel. 40Man ebino kendo, enwang’u ginindo, kum wang’gi bedo pek; e ging’eyo ngo maram gilok ko lembe ire. 41Man ebino kendo mir adege, ewacu igi kumae, Kawono dong’ wunindi, wuyom de: eromo; saa tundo; nen, Wod dhanu jucibe i cing’ judubo. 42Wuai, wacidhu: nen, ng’atu m’uciba eni ceng’ni.
Jucibo Yesu man Jumake
(Mt 26:47-56; Lk 22:47-53; Yoh 18:2-11)
43E ndhu ndhu nica, kinde m’ebeyero, Yuda bino, en e ng’atu acel ma kind juapar wi ario, kud udul dhanu ma weg palamularu ku dul, ma giai ba julam ma dongo ku jugorcik ku judongo de. 44Nwang’u ng’atu m’ucibe emio igi riekolembe, ewacu kumae, Ng’atu ma tek abicwio limbe, nwang’u en e en; wumake, wuci kude rut. 45E kan ewok, ndhu ndhu nica ebino i bang’e, ewacu kumae, Japonji; man ecwio limbe. 46E giketho cing’gi i kume, gimake ko. 47Ento ng’atu acel ma kind ju m’ucungo keca ewodho palamularu pare, egoyo jamiru pa jalam ma dit, man etong’o ithe woko. 48Man Yesu loko lembe ewacu igi kumae, Wubino, calu wubino kum jayek, ku palamularu ku dul de kara wumaka? 49#Lk 19:47; 21:37Abedaponjo ma wabedo wakudu i hekalu ku ba rupiny ku ba rupiny, wumaka de ngo: ento maeni timbre kara lembagora pa Mungu timbre kakare. 50E kagi ceke giweke, giringo.
Jalawobi M’upiei
51Jalawobi moko lubo toke, m’ebedo ku bongu ma nwang’ ma jubolo i kume, wi kume m’ubedo muneru: e gimake; 52ento eweko bongu ma nwang’, man epiei muneru.
Yesu i Wang’ Dilo
(Mt 26:57-68; Lk 22:54-55; Lk 22:63-71; Yoh 18:12-14; Yoh 18:19-24)
53E gipeyo Yesu ba jalam ma dit: e julam ma dongo ku judongo ku jugorcik ceke gibino gikugi. 54Nwang’u Petro lubo ng’eye ku bor cen, cil die pondot pa jalam ma dit; gibedo gikud asikari de, man emuro kume i der mac. 55Nie julam ma dongo ku dilo ceke giyenyo mulembe kum Yesu ma giketh etho ko; e ginwang’u ngo. 56Kum dhanu dupa gibale, lembabali migi de ribre acel ungo. 57E jumoko gicungo, gibale, giwacu kumae, 58#Yoh 2:19Wawinjo ewacu kumae, Abinyotho hekalu maeni ma jugomo ku cing’, man i ceng’ adek abigomo mange ma jutimo ku cing’ ungo. 59Kadok ku maeni de abali migi ribre acel ungo. 60E jalam ma dit ucungo i kindgi, epenjo Yesu, ewacu kumae, Idwoko lembe moko ngo? en e ang’o ma joni benyutho i kumi? 61Ento ebedo ling’, eloko lembe moko ngo. Jalam ma dit upenje kendo, ewacu ire kumae, In i Kristu, Wod Jamugisa? 62#Dan 7:13E Yesu wacu kumae, An a en: man wubineno Wod dhanu jany yo ku cing’ ma yor acwic mi Tego, m’ebebino de ku i afuru mi polo. 63Man jalam ma dit uyeco kendi pare, ewacu kumae, Can jumulembe benegowa ke mir ang’o? 64#Law 24:16Wuwinjo lembacidi ma kum Mungu: wuwacu ang’o? E kagi ceke gigonje ya eromo ku tho. 65E jumoko maku ng’ulo lau i kume, giumo wang’e de, gipade, giwach ire kumae, Cu: asikari de gijole ku cwany mi cing’gi.
Petro Kwero Yesu
(Mt 26:69-75; Lk 22:56-62; Yoh 18:15-18, 25-27)
66E ka Petro bedo piny i pondot, jatic ma nyaku pa jalam ma dit ubino; 67e kan eneno Petro m’ebeoyo mac, enene, ewacu kumae, In bende wubedo wuku Janazareti, ma Yesu. 68Ento ekwero, ewacu kumae, Ang’eyo ngo, kadi lembe m’iyero de ang’eyo ngo: e ecidho woko pondot; e kulok ukok. 69Jatic ma nyaku nene, e emaku yero ni ju m’ucungo i vutgi kendo kumae, Maeni en e ng’atu acel m’i kindgi. 70Ento ekwero kendo. Man yo ku ng’eye nyangba ju m’ucungo i vute giwacu ni Petro kumae, Andha in i ng’atu acel m’i kindgi; kum in i Jagalilaya. 71Ento emaku yanyu ayany, ku kwong’o kwong’ de, ewacu kumae, Ang’eyo ng’atuni ngo ma wuyero pire. 72E ndhu ndhu nica kulok ukok mir arionde. Nie Petro poi kum lembe ma Yesu wacu ire kumae, Ka fodi kulok kukok wang’ ario ngo, ibikwera wang’ adek. E ka ie pido pire, eywak.
Currently Selected:
Marko 14: AB1970
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
Marko 14
14
Jutelwic Uporo Lembe kum Yesu
(Mt 26:1-5; Lk 22:1-2; Yoh 11:45-53)
1 #
Ai 12:1-27
Nie yo ng’ei ceng’ ario agba mi kadhukuwijo man kwen ma thobi mbe i ie wok: e julam ma dongo ku jugorcik giyenyo maram gimake ko ku rieko, ginege de: 2kum giwacu kumae, I ceng’ mir agba ngo, rop umaru nyai i kind dhanu.
Dhaku Moko Ukonjo Mo wi Yesu i Bethania
(Mt 26:6-13; Yoh 12:1-8)
3 #
Lk 7:37, 38 E kan eni i Bethania i ot pa Simon ma won joi, kinde m’ebedo dhu cam, dhaku moko bino ma won cupa ma ber ma ie ju mo ma ng’wice ng’ar ma ng’ieune tek dit; enego cupane, ekonjo moje de i wie. 4Ento jumoko nuti ma ging’ur i kindgi gigi, giwacu kumae, Junyotho mo maeni nedi? 5Kum mo maeni jucopo loko ku denarii ma sagu dakadek, jumio de ni jucan. E ging’ur i kume. 6Ento Yesu wacu kumae, Wuweke; wunyayu can i ie nedi? etimo tic ma dre i kuma. 7#Poi 15:11Kum wubedo ku jucan thiri thiri i beng’wu, man ka wuyenyo wucopo timo ber i bang’gi: ento an wabedo wakudu thiri thiri ngo. 8Etimo gin m’ecopo: elar ewiro mo i kuma mi kuny. 9Andha awacu iwu kumae, Ka ceke ma tek jubiyero ie lembanyong’a ma juboth ko i ng’om ngung’, maeno bende ma dhaku maeni timo biyere ni poi pare.
Yuda Yio Nicibo Yesu
(Mt 26:14-16; Lk 22:3-6)
10Yuda Iskariote, en e ng’atu acel ma kind juapar wi ario, ecidho ba julam ma dongo, kara ecibe igi. 11E ka giwinjo maeni, anyong’a negogi, man ging’olo ya gibimio ire sente. Man eyenyo maram ecopo cibe ko igi lwe.
Yesu Camu Kadhukuwijo ku Julubne
(Mt 26:17-25; Lk 22:7-14, 21-23; Yoh 13:21-30)
12I ceng’ ma kwong’ane mi kwen ma thobi mbe i ie, kinde ma gilamu kadhukuwijo, julubne giwacu ire kumae, Iyenyo waci wayik ka m’ibicamu ie kadhukuwijo kani? 13Man eoro julubne ario, ewacu igi kumae, Wuci i adhura, e wubirombo ku ng’atu acel m’uyeyo agulu pi: wulub ng’eye; 14ka ma tek ebimondo i ie, wuyer ni won ode kumae, Japonji wacu kumae, Kusika mi welo ma ira, m’abicamu ie kadhukuwijo ku julubna, nikani? 15E en ebinyutho iwu kusika ma malu m’ulwar m’ubedo ku gin ceke i ie, ayika de: wuyik iwa kakeca. 16E julubne gicidho, giwok i adhurane, e ginwang’u calu ewacu igi: man giyiko kadhukuwijo.
17E ka piny udoko uthieno ebino ku juapar wi ario. 18#Zab 41:9E kinde ma gibedo gibecamu, Yesu wacu kumae, Ayero iwu andha, Acel m’i kindwu biciba, cil ng’atu ma wacamu wakude. 19E can umaku negogi, man giwacu ire acel acel, En e ani? 20Ewacu igi kumae. En e ng’atu acel m’i kind juapar wi ario, ma wagwio bwa wakude i tabu. 21Kum Wod dhanu bicidho, cil calu ma pire gore: ento can ni ng’atu maeno ma Wod dhanu cibre ni kume! ber ni ng’atuca tek jukunyole ngo.
Thekri mi Cemo pa Rwoth
(Mt 26:26-30; Lk 22:15-20; 1 Kor 11:23-26)
22Man kinde ma gibecamu, eting’o kwen, e kan emio mugisa, eng’weko ie, emio igi de, ewacu kumae, Wugam: maeni kuma. 23Man eting’o kikombe, e kan emio foc, emio igi: kagi ceke gimadhu kume moko. 24#Ai 24:8; Yer 31:31-34Man ewacu igi kumae, Maeni rimba mi lembariba, m’uthwogre pi dhanu dupa. 25Andha ayero iwu kumae, Abimadhu kum pigulok kendo ngo, cil i ceng’ m’abimadhe ie nyen i ker pa Mungu. 26E ka giwero wer, gicidho ba got Zeituni.
Yesu Nyutho Maram Petro Bikwere Ko
(Mt 26:31-35; Lk 22:31-34; Yoh 13:36-38)
27 #
Zek 13:7
E Yesu wacu igi kumae, Kewu ceke wubikier: kum egore kumae, Abigoyo jakwac, rombe de bilal mba. 28#Mt 28:16Ento, yo ng’ei cer para, abicidho i weng’wu i Galilaya. 29Ento Petro wacu ire kumae, Kadok ceke bikier, an re abikier ungo. 30Yesu wacu ire kumae, Andha awacu iri, nia in tinuni, i diewor maeni, ka fodi kulok kukok wang’ ario ngo, ibikwera wang’ adek. 31Ento eyero ma tek apila kumae, Kadok akotho be wakudi ngi, abikweri ngo. Kagi ceke de giwacu kumeno.
Yesu Rwo i Gethsemane
(Mt 26:36-46; Lk 22:39-46)
32E gibino i ka ma nyinge Gethsemane: ewacu de ni julubne kumae, Wubed keni, ma fodi acirwo. 33E ecoko Petro giku Yakobo man Yohana gicidho de gikugi, e ie maku wang’ lii, cwinye de ng’abre mumbe. 34Man ewacu igi kumae, Can ubenego ng’eyong’ec para dit apila ceng’ni tho: wudong’ keni, wuki. 35Man ecidho nyangba yor i wang’gi, epodho de i ng’om, man erwo nia, tek ecopre, saa maeni kabre woko ire. 36Ewacu kumae, Abba, Vwa, gin ceke copre iri; kab kikombe maeni woko i bang’a: ento yeny ma ia yenyo re ngo, endre yeny ma ii yenyo. 37Man ebino, enwang’u ginindo, man ewacu ni Petro kumae, Simon, inindo? icopo kio ngo saa aceli? 38Wuki wurwo de, kara kud wumond i abidhe: cwiny uyenyo andha, ento kum ubedo ng’ic. 39E ecidho kendo, man erwo, eyero lembe ma cal acel. 40Man ebino kendo, enwang’u ginindo, kum wang’gi bedo pek; e ging’eyo ngo maram gilok ko lembe ire. 41Man ebino kendo mir adege, ewacu igi kumae, Kawono dong’ wunindi, wuyom de: eromo; saa tundo; nen, Wod dhanu jucibe i cing’ judubo. 42Wuai, wacidhu: nen, ng’atu m’uciba eni ceng’ni.
Jucibo Yesu man Jumake
(Mt 26:47-56; Lk 22:47-53; Yoh 18:2-11)
43E ndhu ndhu nica, kinde m’ebeyero, Yuda bino, en e ng’atu acel ma kind juapar wi ario, kud udul dhanu ma weg palamularu ku dul, ma giai ba julam ma dongo ku jugorcik ku judongo de. 44Nwang’u ng’atu m’ucibe emio igi riekolembe, ewacu kumae, Ng’atu ma tek abicwio limbe, nwang’u en e en; wumake, wuci kude rut. 45E kan ewok, ndhu ndhu nica ebino i bang’e, ewacu kumae, Japonji; man ecwio limbe. 46E giketho cing’gi i kume, gimake ko. 47Ento ng’atu acel ma kind ju m’ucungo keca ewodho palamularu pare, egoyo jamiru pa jalam ma dit, man etong’o ithe woko. 48Man Yesu loko lembe ewacu igi kumae, Wubino, calu wubino kum jayek, ku palamularu ku dul de kara wumaka? 49#Lk 19:47; 21:37Abedaponjo ma wabedo wakudu i hekalu ku ba rupiny ku ba rupiny, wumaka de ngo: ento maeni timbre kara lembagora pa Mungu timbre kakare. 50E kagi ceke giweke, giringo.
Jalawobi M’upiei
51Jalawobi moko lubo toke, m’ebedo ku bongu ma nwang’ ma jubolo i kume, wi kume m’ubedo muneru: e gimake; 52ento eweko bongu ma nwang’, man epiei muneru.
Yesu i Wang’ Dilo
(Mt 26:57-68; Lk 22:54-55; Lk 22:63-71; Yoh 18:12-14; Yoh 18:19-24)
53E gipeyo Yesu ba jalam ma dit: e julam ma dongo ku judongo ku jugorcik ceke gibino gikugi. 54Nwang’u Petro lubo ng’eye ku bor cen, cil die pondot pa jalam ma dit; gibedo gikud asikari de, man emuro kume i der mac. 55Nie julam ma dongo ku dilo ceke giyenyo mulembe kum Yesu ma giketh etho ko; e ginwang’u ngo. 56Kum dhanu dupa gibale, lembabali migi de ribre acel ungo. 57E jumoko gicungo, gibale, giwacu kumae, 58#Yoh 2:19Wawinjo ewacu kumae, Abinyotho hekalu maeni ma jugomo ku cing’, man i ceng’ adek abigomo mange ma jutimo ku cing’ ungo. 59Kadok ku maeni de abali migi ribre acel ungo. 60E jalam ma dit ucungo i kindgi, epenjo Yesu, ewacu kumae, Idwoko lembe moko ngo? en e ang’o ma joni benyutho i kumi? 61Ento ebedo ling’, eloko lembe moko ngo. Jalam ma dit upenje kendo, ewacu ire kumae, In i Kristu, Wod Jamugisa? 62#Dan 7:13E Yesu wacu kumae, An a en: man wubineno Wod dhanu jany yo ku cing’ ma yor acwic mi Tego, m’ebebino de ku i afuru mi polo. 63Man jalam ma dit uyeco kendi pare, ewacu kumae, Can jumulembe benegowa ke mir ang’o? 64#Law 24:16Wuwinjo lembacidi ma kum Mungu: wuwacu ang’o? E kagi ceke gigonje ya eromo ku tho. 65E jumoko maku ng’ulo lau i kume, giumo wang’e de, gipade, giwach ire kumae, Cu: asikari de gijole ku cwany mi cing’gi.
Petro Kwero Yesu
(Mt 26:69-75; Lk 22:56-62; Yoh 18:15-18, 25-27)
66E ka Petro bedo piny i pondot, jatic ma nyaku pa jalam ma dit ubino; 67e kan eneno Petro m’ebeoyo mac, enene, ewacu kumae, In bende wubedo wuku Janazareti, ma Yesu. 68Ento ekwero, ewacu kumae, Ang’eyo ngo, kadi lembe m’iyero de ang’eyo ngo: e ecidho woko pondot; e kulok ukok. 69Jatic ma nyaku nene, e emaku yero ni ju m’ucungo i vutgi kendo kumae, Maeni en e ng’atu acel m’i kindgi. 70Ento ekwero kendo. Man yo ku ng’eye nyangba ju m’ucungo i vute giwacu ni Petro kumae, Andha in i ng’atu acel m’i kindgi; kum in i Jagalilaya. 71Ento emaku yanyu ayany, ku kwong’o kwong’ de, ewacu kumae, Ang’eyo ng’atuni ngo ma wuyero pire. 72E ndhu ndhu nica kulok ukok mir arionde. Nie Petro poi kum lembe ma Yesu wacu ire kumae, Ka fodi kulok kukok wang’ ario ngo, ibikwera wang’ adek. E ka ie pido pire, eywak.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.