Yowanane 10
10
Lusumuinu lua mulami wa mikoku
1— Ndi nnujadikila bulelela ne: muntu udi kayi ubuelela ku tshiibi tshia lupangu lua mikoku,#10.1 Butuku, bavua balama bimuna mu lupangu lua mabue. kadi usambukila muaba mukuabu pa tshimana, mmuivi kabidi mmuena mutshima. 2Kadi udi ubuelela ku tshiibi, mmulami wa mikoku. 3Mulami wa ku tshiibi udi umunzuluila tshiibi, mikoku idi iteleja diyi diende. Udi ubikila mikoku yende, mukoku onsu mu dina diawu, uyipatula pambelu. 4Yeye mumane kuyipatula yonsu, udi wenda kumpala kuayi. Yoyi idi imulonda munyima, bualu idi mimanye diyi diende. 5Kadi kayena mua kulonda muntu udiyi kayiyi mimanye. Neyimunyeme kule, bualu kayena mimanye diyi diende.
6Yezu uvua mubele lusumuinu elu, kadi bobu kabavua bajingulula tshivuaye musue kubambila.
Yezu udi mulami muimpe wa mikoku
7Yezu kuamba kabidi ne:
— Ndi nnujadikila ne: meme ndi tshiibi tshia lupangu lua mikoku. 8Bonsu bavua badianjidile kumpala kuanyi mbivi, kabidi mbena mutshima.#10.8 Tangila Yirm 23.1-2; Yez 34.2-3. Kadi mikoku kayivua mibateleje. 9Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.#10.9 Tshiakudia tshiende: nansha: mpata ya kudila. 10Muivi udi ufika amu bua kuiba, kushipa ne kubutula. Meme ndi mulue bua bantu bapete muoyi, baupete wa bungi.
11Ndi mulami muimpe wa mikoku.#10.11 Fuanyikija ne Mis 23.1; Yesh 40.11; Yez 34.15; 37.24. Mulami muimpe wa mikoku udi ufuila mikoku yende. 12Muntu udi ukuata mudimu amu bua kupeta difutu, kayi mulami wa mikoku, kabidi kayi muena mikoku, padiye umona nyama wa lonji ufika, udi ulekela mikoku, unyema. Nanku nyama wa lonji udi uyikuata, uyitangalaja. 13Udi unyema, bualu mmuena mudimu udi ukeba difutu. Kena bualu ne mikoku to. 14-15Ndi mulami muimpe wa mikoku. Mudi Tatu mummanye, kabidi mundi mumanye Tatu,#10.14-15 Tangila Mat 11.27; Luk 10.22. ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi. 16Ndi kabidi ne mikoku mikuabu idi kayiyi mu lupangu elu. Ndi ne bua kuyilombola kabidi. Neyiteleje diyi dianyi. Neyenze tshisumbu amu tshimue,#10.16 neyenze tshisumbu amu tshimue: mu imue mikanda mbafunde ne: nekuikale tshisumbu amu tshimue. tshikale ne mulami amu umue.
17Tatu mmunnange, bualu ndi mfila muoyi wanyi bua meme kuwangata tshiakabidi. 18Kakuena muntu udi unnyenga muoyi wanyi, kadi ndi ngufila mundi musue. Ndi ne bumfumu bua kuufila, kabidi ne bumfumu bua kuwangata tshiakabidi. Ke mukenji udi Tatu mungelele bua meme kuenza.
19Bena Yuda kutapulukangana tshiakabidi ku meyi aa. 20Ba bungi ba munkatshi muabu bavua bamba ne:
— Udi ne mukishi mubi munda! Mmupale! Nudi numuteleja bua tshinyi?
21Kadi bakuabu bavua bamba ne:
— Muntu ne mukishi mubi munda kena mua kuakula nenku to. Mukishi mubi udi mua kutabaja bampofu mesu anyi?
Bena Yuda badi babenga Yezu
22Diba adi, bena mu Yerushalayime bavua benza tshibilu tshia mufikilu wa Dijidila dia nzubu wa Mvidi Mukulu.#10.22 Tshibilu tshia mufikilu wa Dijidila dia nzubu wa Mvidi Mukulu: bavua batshienza mu Yerushalayime ku ndekelu wa ngondu wa dikumi ne muibidi. (Bavua bavuluka Dijidila dia kumpala kudi Yudase Makabe mu 165 anyi 164 bgbg ne Y.K.). Tshikondu atshi tshiena tshia mashika. 23Yezu uvua utambakana mu lutanda lua nzubu wa Mvidi Mukulu, luvuabu binyika ne: ndua Shelomu. 24Ke bena Yuda kumunguila, bamukonka ne:
— Neutupampakaje too ne ku diba kaayi? Paudi Meshiya, utuambile patoke.
25Yezu kubandamuna ne:
— Nkadi mumane kunuambila bualu ebu, kadi kanuena nungitaba to. Midimu indi nkuata ne bumfumu bua Tatu wanyi, idi injadikila bulelela. 26Kadi kanuena nuitaba, bualu kanuena ba mu mikoku yanyi. 27Mikoku yanyi idi iteleja diyi dianyi. Ndi muyimanye. Idi indonda. 28Ndi nyipesha muoyi wa tshiendelele. Katshia kayakufua nansha. Muntu nansha umue kena mua kuyinyenga ku tshianza tshianyi. 29Tshidi Tatu mumpeshe ntshipite bionsu.#10.29 Tshidi…ntshipite bionsu: mu imue mikanda ya kale mbafunde ne: Tatu uvua muyimpeshe mmupite bionsu. Muntu nansha umue kena mua kunyenga Tatu tshintu mu tshianza tshiende. 30Tatu ne meme tudi tshintu tshimue.
31Bena Yuda kuambula tshiakabidi mabue bua kumuasa. 32Ke Yezu kubambila ne:
— Ndi mukuate midimu mivule mimpe ku mesu enu ne bumfumu buvua Tatu mumpeshe. Ku midimu eyi, mbua mudimu kaayi bunudi basue kunshipela ne mabue?
33Bena Yuda kuandamuna ne:
— Katuena basue kukushipa ne mabue bua mudimu muimpe uudi ukuata, kadi bualu udi usendeka Mvidi Mukulu. Wewe udi amu muntu, kadi udi musue kudienza Mvidi Mukulu.#10.33 Tangila Lev 24.16.
34Yezu kubandamuna ne:
— Mu mukanda wenu wa Mikenji mbafunde ne: Mvidi Mukulu uvua muambe ne: “Nudi nwidie.#10.34 Mis 82.6.” 35Tudi bamanye ne: kabena mua kushipa tshidi Mukanda wa tshijila ujadika. Bavuaye umanyisha miaku yende, Mvidi Mukulu uvua mubinyike ne: mmvidie. 36Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu? 37Pandi tshiyi nkuata midimu ya Tatu wanyi, kanuena ne bua kungitaba to. 38Kadi pandi nyikuata, nansha kanuyi nungitaba meme, itabilayi nansha bua midimu, bua mimanye amu ne: Tatu udi munda muanyi, meme kabidi ndi munda muende.
39Bavua bakeba kabidi kumukuata, kadi yeye kongoloka.
40Yezu kuya tshiakabidi dishiya dia musulu wa Yardene, muaba uvua Yowanane mudianjidile kutua bantu mu mayi.#10.40 Tangila 1.28. Kusombayemu. 41Bantu ba bungi bavua baya kudiye, bamba ne:
— Yowanane kavua muenze tshishima nansha tshimue. Kadi bionsu bivuaye muambe bua muntu ewu mbilelela.
42Muaba awu bantu ba bungi kuitaba Yezu.
Currently Selected:
Yowanane 10: TSH96
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996
Yowanane 10
10
Lusumuinu lua mulami wa mikoku
1— Ndi nnujadikila bulelela ne: muntu udi kayi ubuelela ku tshiibi tshia lupangu lua mikoku,#10.1 Butuku, bavua balama bimuna mu lupangu lua mabue. kadi usambukila muaba mukuabu pa tshimana, mmuivi kabidi mmuena mutshima. 2Kadi udi ubuelela ku tshiibi, mmulami wa mikoku. 3Mulami wa ku tshiibi udi umunzuluila tshiibi, mikoku idi iteleja diyi diende. Udi ubikila mikoku yende, mukoku onsu mu dina diawu, uyipatula pambelu. 4Yeye mumane kuyipatula yonsu, udi wenda kumpala kuayi. Yoyi idi imulonda munyima, bualu idi mimanye diyi diende. 5Kadi kayena mua kulonda muntu udiyi kayiyi mimanye. Neyimunyeme kule, bualu kayena mimanye diyi diende.
6Yezu uvua mubele lusumuinu elu, kadi bobu kabavua bajingulula tshivuaye musue kubambila.
Yezu udi mulami muimpe wa mikoku
7Yezu kuamba kabidi ne:
— Ndi nnujadikila ne: meme ndi tshiibi tshia lupangu lua mikoku. 8Bonsu bavua badianjidile kumpala kuanyi mbivi, kabidi mbena mutshima.#10.8 Tangila Yirm 23.1-2; Yez 34.2-3. Kadi mikoku kayivua mibateleje. 9Ndi tshiibi. Muntu udi ubuelela kundi neapande. Neabuele, neapatuke, neapete kabidi tshiakudia tshiende.#10.9 Tshiakudia tshiende: nansha: mpata ya kudila. 10Muivi udi ufika amu bua kuiba, kushipa ne kubutula. Meme ndi mulue bua bantu bapete muoyi, baupete wa bungi.
11Ndi mulami muimpe wa mikoku.#10.11 Fuanyikija ne Mis 23.1; Yesh 40.11; Yez 34.15; 37.24. Mulami muimpe wa mikoku udi ufuila mikoku yende. 12Muntu udi ukuata mudimu amu bua kupeta difutu, kayi mulami wa mikoku, kabidi kayi muena mikoku, padiye umona nyama wa lonji ufika, udi ulekela mikoku, unyema. Nanku nyama wa lonji udi uyikuata, uyitangalaja. 13Udi unyema, bualu mmuena mudimu udi ukeba difutu. Kena bualu ne mikoku to. 14-15Ndi mulami muimpe wa mikoku. Mudi Tatu mummanye, kabidi mundi mumanye Tatu,#10.14-15 Tangila Mat 11.27; Luk 10.22. ke mundi mumanye mikoku yanyi, mikoku yanyi kabidi idi mimmanye. Ndi mfila kabidi muoyi wanyi bua mikoku yanyi. 16Ndi kabidi ne mikoku mikuabu idi kayiyi mu lupangu elu. Ndi ne bua kuyilombola kabidi. Neyiteleje diyi dianyi. Neyenze tshisumbu amu tshimue,#10.16 neyenze tshisumbu amu tshimue: mu imue mikanda mbafunde ne: nekuikale tshisumbu amu tshimue. tshikale ne mulami amu umue.
17Tatu mmunnange, bualu ndi mfila muoyi wanyi bua meme kuwangata tshiakabidi. 18Kakuena muntu udi unnyenga muoyi wanyi, kadi ndi ngufila mundi musue. Ndi ne bumfumu bua kuufila, kabidi ne bumfumu bua kuwangata tshiakabidi. Ke mukenji udi Tatu mungelele bua meme kuenza.
19Bena Yuda kutapulukangana tshiakabidi ku meyi aa. 20Ba bungi ba munkatshi muabu bavua bamba ne:
— Udi ne mukishi mubi munda! Mmupale! Nudi numuteleja bua tshinyi?
21Kadi bakuabu bavua bamba ne:
— Muntu ne mukishi mubi munda kena mua kuakula nenku to. Mukishi mubi udi mua kutabaja bampofu mesu anyi?
Bena Yuda badi babenga Yezu
22Diba adi, bena mu Yerushalayime bavua benza tshibilu tshia mufikilu wa Dijidila dia nzubu wa Mvidi Mukulu.#10.22 Tshibilu tshia mufikilu wa Dijidila dia nzubu wa Mvidi Mukulu: bavua batshienza mu Yerushalayime ku ndekelu wa ngondu wa dikumi ne muibidi. (Bavua bavuluka Dijidila dia kumpala kudi Yudase Makabe mu 165 anyi 164 bgbg ne Y.K.). Tshikondu atshi tshiena tshia mashika. 23Yezu uvua utambakana mu lutanda lua nzubu wa Mvidi Mukulu, luvuabu binyika ne: ndua Shelomu. 24Ke bena Yuda kumunguila, bamukonka ne:
— Neutupampakaje too ne ku diba kaayi? Paudi Meshiya, utuambile patoke.
25Yezu kubandamuna ne:
— Nkadi mumane kunuambila bualu ebu, kadi kanuena nungitaba to. Midimu indi nkuata ne bumfumu bua Tatu wanyi, idi injadikila bulelela. 26Kadi kanuena nuitaba, bualu kanuena ba mu mikoku yanyi. 27Mikoku yanyi idi iteleja diyi dianyi. Ndi muyimanye. Idi indonda. 28Ndi nyipesha muoyi wa tshiendelele. Katshia kayakufua nansha. Muntu nansha umue kena mua kuyinyenga ku tshianza tshianyi. 29Tshidi Tatu mumpeshe ntshipite bionsu.#10.29 Tshidi…ntshipite bionsu: mu imue mikanda ya kale mbafunde ne: Tatu uvua muyimpeshe mmupite bionsu. Muntu nansha umue kena mua kunyenga Tatu tshintu mu tshianza tshiende. 30Tatu ne meme tudi tshintu tshimue.
31Bena Yuda kuambula tshiakabidi mabue bua kumuasa. 32Ke Yezu kubambila ne:
— Ndi mukuate midimu mivule mimpe ku mesu enu ne bumfumu buvua Tatu mumpeshe. Ku midimu eyi, mbua mudimu kaayi bunudi basue kunshipela ne mabue?
33Bena Yuda kuandamuna ne:
— Katuena basue kukushipa ne mabue bua mudimu muimpe uudi ukuata, kadi bualu udi usendeka Mvidi Mukulu. Wewe udi amu muntu, kadi udi musue kudienza Mvidi Mukulu.#10.33 Tangila Lev 24.16.
34Yezu kubandamuna ne:
— Mu mukanda wenu wa Mikenji mbafunde ne: Mvidi Mukulu uvua muambe ne: “Nudi nwidie.#10.34 Mis 82.6.” 35Tudi bamanye ne: kabena mua kushipa tshidi Mukanda wa tshijila ujadika. Bavuaye umanyisha miaku yende, Mvidi Mukulu uvua mubinyike ne: mmvidie. 36Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu? 37Pandi tshiyi nkuata midimu ya Tatu wanyi, kanuena ne bua kungitaba to. 38Kadi pandi nyikuata, nansha kanuyi nungitaba meme, itabilayi nansha bua midimu, bua mimanye amu ne: Tatu udi munda muanyi, meme kabidi ndi munda muende.
39Bavua bakeba kabidi kumukuata, kadi yeye kongoloka.
40Yezu kuya tshiakabidi dishiya dia musulu wa Yardene, muaba uvua Yowanane mudianjidile kutua bantu mu mayi.#10.40 Tangila 1.28. Kusombayemu. 41Bantu ba bungi bavua baya kudiye, bamba ne:
— Yowanane kavua muenze tshishima nansha tshimue. Kadi bionsu bivuaye muambe bua muntu ewu mbilelela.
42Muaba awu bantu ba bungi kuitaba Yezu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996