Luke 19
19
Yezu kua Zakayi
1Yezu kubuela mu Yeriko, kukosolola tshimenga. 2Muaba awu muvua muntu, dina diende Zakayi. Uvua mfumu wa balambuishi ba bitadi, muena biuma bia bungi. 3Uvua musue kumona Yezu bua kumanya ne: nnganyi. Kadi bu muvuaye muntu wa tshitupa, kavua mua kumumona bimpe bua bungi bua bantu. 4Ke kudianjilaye kumpala lubilu, kubanda ku mutshi wa sikomore, bua kumona Yezu uvua ne bua kupitshila muaba awu. 5Yezu ufika muaba awu, kutangilaye kulu, wambila Zakayi ne:
— Zakayi, tuluka lukasa, bualu lelu ndi muebe.
6Zakayi kutuluka lukasa, kuakidila Yezu ne disanka. 7Bantu bonsu bavua bamone nanku, kufikabu munda, bamba ne:
— Muntu ewu mmuye kutula kua muenji wa malu mabi.
8Kadi Zakayi kujuka, kuambila Mfumu ne:
— Mfumu, ndi nkujadikila ne: nempeshe bapele tshia bibidi tshia bintu bianyi. Pangikala mushime muntu, muangate makuta ende, nemmupingajile bungi abu misangu inayi.#19.8 Fuanyikija ne Tshim 21.37; 2 Sam 12.6; Nsum 6.31.
9Ke Yezu kumuambila ne#19.9 kumuambila ne: badi mua kuandamuna kabidi ne: kuamba bualu buende ne.:
— Lelu wewe ne bena diebe bonsu nudi bapete lupandu. Bualu wewe kabidi udi muntu wa ku ndelanganyi ya Abrahame. 10Muana wa muntu mmufike bua kukeba ne kusungidila bantu bavua bajimine.
Lusumuinu lua nkanu ya mpawungi
(Mat 25.14-30)
11Yezu uvua welela kabidi bantu bavua bumvua bionsu abi lusumuinu lukuabu. Bu muvua Yezu pabuipi ne Yerushalayime, bantu bavua bela meji ne: Bukalenga bua Mvidi Mukulu bukadi pa kumueneka amu mpindiewu. 12Ke Yezu kuambila bantu ne:
— Muntu kampanda wa mu diku dia bantu baneme uvua uya ku ditunga dia kulekule bua kupetaku bukalenga, kupingana nabu kuabu. 13Kayi muanji kuya, kubikilaye bena mudimu bende dikumi, bua kubapesha muntu yonsu lukanu lua mpawungi. Kubambilaye ne: “Nuenduluke ne lukanu luenu too ne panga-pingana.” 14Kadi bena ditunga diabu bavua bamukina. Ke kutumabu bantu kuvuaye uya ne mukenji ne: “Katuena basue bua muntu ewu ikale mukalenga wetu to.”
15“Kadi muntu awu kupeta amu bukalenga. Ke kupinganaye mu ditunga diende. Kubikidishaye bena mudimu ba-vuaye mupeshe nkanu, bua kumanya tshiyuabu bapete. 16Wa kumpala kufika, wamba ne: ‘Mukalenga, uvua mumpeshe lukanu lumue. Meme kuenduluka kupeta mikuabu dikumi.’ ” 17Mukalenga kumuamba ne: “Uvua muenze bimpe. Udi muena mudimu wa nsongu. Bu muuvua mukumbaje mudimu bimpe ne bintu bikese bindi mukushile, nenkuteke mulombodi wa bimenga dikumi.” 18Muena mudimu muibidi kufika, wamba ne: “Mukalenga, uvua mumpeshe lukanu lumue. Meme kuenduluka, kupeta mikuabu itanu.” 19Mukalenga kumuandamuna ne: “Ndi nkuteka mulombodi wa bimenga bitanu.” 20Muena mudimu muisatu kufika, wamba ne: “Mukalenga, ke lukanu luebe lua mpawungi elu. Mvua mululame mu tshitambala. 21Mvua nkutshina, bualu udi muena tshikisu. Udi wangatabintu bidi kabiyi biebe, unowa biudi kuyi mukune.” 22Mukalenga kumuandamuna ne: “Udi muena mudimu mubi. Nenkose tshilumbu tshiebe bilondeshile miaku yebe. Uvua mumanye mundi muntu wa tshikisu, ngangata bintu bidi kabiyi bianyi, nnowa bindi tshiyi mukune. 23Nanku kuena muteke nkanu yanyi mu tshibutshilu tshivuayi mua kumpetesha makasa bua tshinyi? Bu wewe muenze nanku, mu dipingana dianyi, mvua mua kupeta nkanu yanyi, ne kasombela kabidi!” 24Ke mukalenga kuambila bantu bavua muaba awu ne: “Munyengayi lukanu lua mpawungi alu. Nulufile kudi udi ne nkanu dikumi.” 25Kumuambilabu ne: “Mukalenga, se ukadi nayi dikumi!” 26Mukalenga kuandamuna ne: “Ndi nnujadikila ne: muntu yonsu udi ne tshintu, nebamupeshe bipite. Kadi udi kayi ne tshintu, nebamunyenge ne tshikese tshidiye natshi. 27Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”
Yezu udi uya ku Yerushalayime
(Mat 21.1-11; Mar 11.1-11; Yow 12.12-19)
28Yezu mumane kuamba nanku, kupitaye kumpala kua bantu bua kuya ku Yerushalayime. 29Ufika pabuipi ne musoku wa Betfaje ne wa Betanya, pepi ne mukuna wa mitshi ya Olive,#19.29 Tangila Mar 11.1 ne diumvuija. kudianjilaye kutuma balongi babidi, ubambila ne:
30— Nuye mu musoku udi kumpala wawa. Panuabuelamu, nenusangane muana wa nyama wa mpunde musuika, udi muntu nansha umue kayi muanji kubandapu. Numusulule, nufike nende apa. 31Pikala muntu unuebeja ne: “Nudi numusulula bua tshinyi?” numuandamune ne: “Mfumu#19.31 Mfumu: badi mua kuandamuna kabidi ne: Mulongeshi, nansha ne: muena nyama. udi nende dijinga.”
32Balongi kuya, kusangana bionsu muvua Yezu mubambile.
33Pavuabu basulula muana wa nyama wa mpunde, bena nyama awu kubakonka ne:
— Nudi numusulula bua tshinyi?
34Bobu kuandamuna ne:
— Mfumu udi nende dijinga.
35Nanku kuyabu ne muana wa nyama wa mpunde kudi Yezu. Kutekabu bilamba biabu pa nyama. Yezu kubandapu.#19.35 Fuanyikija ne Zek 9.9. 36Pavua Yezu wenda uya, bantu bavua badija bivualu biabu mu njila.#19.36 Fuanyikija ne 2 Bak 9.13. 37Yezu uvua usemena pabuipi ne Yerushalayime mu njila udi upueka ku mukuna wa mitshi ya Olive. Balongi bende bonsu tshisumbu tshinene bavua ne disanka, batumbisha Mvidi Mukulu ne diyi dikole, bua malu a kukema onsu avuabu bamone. 38Bavua bamba ne: “Mukalenga udi ufika mu dina dia Maweja-Nangila, Mvidi Mukulu amuele lupemba! Bupole budi mu diulu, butumbi budi kudi Mvidi Mukulu!#19.38 Fuanyikija ne Mis 118.26; Luk 2.14.”
39Baparushe bakuabu bavua munkatshi mua bantu, kuambilabu Yezu ne:
— Mulongeshi, tandisha balongi bebe, bapuwe!
40Yezu kuandamuna ne:
— Ndi nnujadikila ne: nansha bobu bapuwe, mabue neele mbila!
Yezu udi wasa muadi
41Yezu ufika pabuipi ne tshimenga, utshimona, kuasaye muadi bualu buatshi, 42wamba ne:
— Bu wewe mua kujingulula bidi mua kukupetesha ditalala! Kadi mpindiewu malu onsu aa mbakusokokewu. Kuena mua kuamona! 43Matuku neafike adi bena lukuna bebe bakuela munkatshi ne biamu binene bia mvita, bakuluisha, bakufimpakaja nseke yonsu. 44Wewe ne bantu bebe nebanubutule muebe butubutu. Kabakukushila dibue ditentekaja pa dikuabu. Bualu wewe kuena mujingulule tshikondu tshivua Mvidi Mukulu mufike bua kukusamba!
Yezu mu nzubu wa Mvidi Mukulu
(Mat 21.12-17; Mar 11.15-19; Yow 2.13-22)
45Yezu kubuela mu nzubu wa Mvidi Mukulu, kuipata bangenda mushinga, 46ubambila ne:
— Mikanda ya tshijila idi yamba ne: “Nzubu wanyi mmuaba udibu batendelela.” Kadi nuenu nukadi bamuandamune muaba wa bivi.#19.46 Fuanyikija ne Yesh 56.7; Yirm 7.11. 47Matuku onsu Yezu uvua ulongesha mu nzubu wa Mvidi Mukulu. Bamfumu ba batuangaji, balongeshi ba mikenji, ne bakulu ba mu tshisamba, bavua bakeba muvuabu mua kumushipesha. 48Kadi kabavua bamanye tshia kuenza, bualu bantu bonsu bavua pabuipi nende, bamuteleja ne ntema mivule.
Currently Selected:
Luke 19: TSH96
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996
Luke 19
19
Yezu kua Zakayi
1Yezu kubuela mu Yeriko, kukosolola tshimenga. 2Muaba awu muvua muntu, dina diende Zakayi. Uvua mfumu wa balambuishi ba bitadi, muena biuma bia bungi. 3Uvua musue kumona Yezu bua kumanya ne: nnganyi. Kadi bu muvuaye muntu wa tshitupa, kavua mua kumumona bimpe bua bungi bua bantu. 4Ke kudianjilaye kumpala lubilu, kubanda ku mutshi wa sikomore, bua kumona Yezu uvua ne bua kupitshila muaba awu. 5Yezu ufika muaba awu, kutangilaye kulu, wambila Zakayi ne:
— Zakayi, tuluka lukasa, bualu lelu ndi muebe.
6Zakayi kutuluka lukasa, kuakidila Yezu ne disanka. 7Bantu bonsu bavua bamone nanku, kufikabu munda, bamba ne:
— Muntu ewu mmuye kutula kua muenji wa malu mabi.
8Kadi Zakayi kujuka, kuambila Mfumu ne:
— Mfumu, ndi nkujadikila ne: nempeshe bapele tshia bibidi tshia bintu bianyi. Pangikala mushime muntu, muangate makuta ende, nemmupingajile bungi abu misangu inayi.#19.8 Fuanyikija ne Tshim 21.37; 2 Sam 12.6; Nsum 6.31.
9Ke Yezu kumuambila ne#19.9 kumuambila ne: badi mua kuandamuna kabidi ne: kuamba bualu buende ne.:
— Lelu wewe ne bena diebe bonsu nudi bapete lupandu. Bualu wewe kabidi udi muntu wa ku ndelanganyi ya Abrahame. 10Muana wa muntu mmufike bua kukeba ne kusungidila bantu bavua bajimine.
Lusumuinu lua nkanu ya mpawungi
(Mat 25.14-30)
11Yezu uvua welela kabidi bantu bavua bumvua bionsu abi lusumuinu lukuabu. Bu muvua Yezu pabuipi ne Yerushalayime, bantu bavua bela meji ne: Bukalenga bua Mvidi Mukulu bukadi pa kumueneka amu mpindiewu. 12Ke Yezu kuambila bantu ne:
— Muntu kampanda wa mu diku dia bantu baneme uvua uya ku ditunga dia kulekule bua kupetaku bukalenga, kupingana nabu kuabu. 13Kayi muanji kuya, kubikilaye bena mudimu bende dikumi, bua kubapesha muntu yonsu lukanu lua mpawungi. Kubambilaye ne: “Nuenduluke ne lukanu luenu too ne panga-pingana.” 14Kadi bena ditunga diabu bavua bamukina. Ke kutumabu bantu kuvuaye uya ne mukenji ne: “Katuena basue bua muntu ewu ikale mukalenga wetu to.”
15“Kadi muntu awu kupeta amu bukalenga. Ke kupinganaye mu ditunga diende. Kubikidishaye bena mudimu ba-vuaye mupeshe nkanu, bua kumanya tshiyuabu bapete. 16Wa kumpala kufika, wamba ne: ‘Mukalenga, uvua mumpeshe lukanu lumue. Meme kuenduluka kupeta mikuabu dikumi.’ ” 17Mukalenga kumuamba ne: “Uvua muenze bimpe. Udi muena mudimu wa nsongu. Bu muuvua mukumbaje mudimu bimpe ne bintu bikese bindi mukushile, nenkuteke mulombodi wa bimenga dikumi.” 18Muena mudimu muibidi kufika, wamba ne: “Mukalenga, uvua mumpeshe lukanu lumue. Meme kuenduluka, kupeta mikuabu itanu.” 19Mukalenga kumuandamuna ne: “Ndi nkuteka mulombodi wa bimenga bitanu.” 20Muena mudimu muisatu kufika, wamba ne: “Mukalenga, ke lukanu luebe lua mpawungi elu. Mvua mululame mu tshitambala. 21Mvua nkutshina, bualu udi muena tshikisu. Udi wangatabintu bidi kabiyi biebe, unowa biudi kuyi mukune.” 22Mukalenga kumuandamuna ne: “Udi muena mudimu mubi. Nenkose tshilumbu tshiebe bilondeshile miaku yebe. Uvua mumanye mundi muntu wa tshikisu, ngangata bintu bidi kabiyi bianyi, nnowa bindi tshiyi mukune. 23Nanku kuena muteke nkanu yanyi mu tshibutshilu tshivuayi mua kumpetesha makasa bua tshinyi? Bu wewe muenze nanku, mu dipingana dianyi, mvua mua kupeta nkanu yanyi, ne kasombela kabidi!” 24Ke mukalenga kuambila bantu bavua muaba awu ne: “Munyengayi lukanu lua mpawungi alu. Nulufile kudi udi ne nkanu dikumi.” 25Kumuambilabu ne: “Mukalenga, se ukadi nayi dikumi!” 26Mukalenga kuandamuna ne: “Ndi nnujadikila ne: muntu yonsu udi ne tshintu, nebamupeshe bipite. Kadi udi kayi ne tshintu, nebamunyenge ne tshikese tshidiye natshi. 27Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”
Yezu udi uya ku Yerushalayime
(Mat 21.1-11; Mar 11.1-11; Yow 12.12-19)
28Yezu mumane kuamba nanku, kupitaye kumpala kua bantu bua kuya ku Yerushalayime. 29Ufika pabuipi ne musoku wa Betfaje ne wa Betanya, pepi ne mukuna wa mitshi ya Olive,#19.29 Tangila Mar 11.1 ne diumvuija. kudianjilaye kutuma balongi babidi, ubambila ne:
30— Nuye mu musoku udi kumpala wawa. Panuabuelamu, nenusangane muana wa nyama wa mpunde musuika, udi muntu nansha umue kayi muanji kubandapu. Numusulule, nufike nende apa. 31Pikala muntu unuebeja ne: “Nudi numusulula bua tshinyi?” numuandamune ne: “Mfumu#19.31 Mfumu: badi mua kuandamuna kabidi ne: Mulongeshi, nansha ne: muena nyama. udi nende dijinga.”
32Balongi kuya, kusangana bionsu muvua Yezu mubambile.
33Pavuabu basulula muana wa nyama wa mpunde, bena nyama awu kubakonka ne:
— Nudi numusulula bua tshinyi?
34Bobu kuandamuna ne:
— Mfumu udi nende dijinga.
35Nanku kuyabu ne muana wa nyama wa mpunde kudi Yezu. Kutekabu bilamba biabu pa nyama. Yezu kubandapu.#19.35 Fuanyikija ne Zek 9.9. 36Pavua Yezu wenda uya, bantu bavua badija bivualu biabu mu njila.#19.36 Fuanyikija ne 2 Bak 9.13. 37Yezu uvua usemena pabuipi ne Yerushalayime mu njila udi upueka ku mukuna wa mitshi ya Olive. Balongi bende bonsu tshisumbu tshinene bavua ne disanka, batumbisha Mvidi Mukulu ne diyi dikole, bua malu a kukema onsu avuabu bamone. 38Bavua bamba ne: “Mukalenga udi ufika mu dina dia Maweja-Nangila, Mvidi Mukulu amuele lupemba! Bupole budi mu diulu, butumbi budi kudi Mvidi Mukulu!#19.38 Fuanyikija ne Mis 118.26; Luk 2.14.”
39Baparushe bakuabu bavua munkatshi mua bantu, kuambilabu Yezu ne:
— Mulongeshi, tandisha balongi bebe, bapuwe!
40Yezu kuandamuna ne:
— Ndi nnujadikila ne: nansha bobu bapuwe, mabue neele mbila!
Yezu udi wasa muadi
41Yezu ufika pabuipi ne tshimenga, utshimona, kuasaye muadi bualu buatshi, 42wamba ne:
— Bu wewe mua kujingulula bidi mua kukupetesha ditalala! Kadi mpindiewu malu onsu aa mbakusokokewu. Kuena mua kuamona! 43Matuku neafike adi bena lukuna bebe bakuela munkatshi ne biamu binene bia mvita, bakuluisha, bakufimpakaja nseke yonsu. 44Wewe ne bantu bebe nebanubutule muebe butubutu. Kabakukushila dibue ditentekaja pa dikuabu. Bualu wewe kuena mujingulule tshikondu tshivua Mvidi Mukulu mufike bua kukusamba!
Yezu mu nzubu wa Mvidi Mukulu
(Mat 21.12-17; Mar 11.15-19; Yow 2.13-22)
45Yezu kubuela mu nzubu wa Mvidi Mukulu, kuipata bangenda mushinga, 46ubambila ne:
— Mikanda ya tshijila idi yamba ne: “Nzubu wanyi mmuaba udibu batendelela.” Kadi nuenu nukadi bamuandamune muaba wa bivi.#19.46 Fuanyikija ne Yesh 56.7; Yirm 7.11. 47Matuku onsu Yezu uvua ulongesha mu nzubu wa Mvidi Mukulu. Bamfumu ba batuangaji, balongeshi ba mikenji, ne bakulu ba mu tshisamba, bavua bakeba muvuabu mua kumushipesha. 48Kadi kabavua bamanye tshia kuenza, bualu bantu bonsu bavua pabuipi nende, bamuteleja ne ntema mivule.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible avec Livres Deutérocanoniques en Tshiluba © Société Biblique de la R. D. Congo, 1996