Urtia 4
4
Vesi dhe virtyti
1Më mirë pa fëmijë e me virtyt,
se kujtimi i virtytit është pavdekësi,
është i njohur prej Perëndisë e prej njerëzve.
2Kur është pranë, bëjnë si ai,
kur s'është pranë, e dëshirojnë;
marshon përjetësisht i kurorëzuar,
fton përplasjet në betejat e panjolla.
3Pjelloria e të paudhit nuk ka vlerë,
filizat e paligjshëm s'i shtrijnë rrënjët thellë,
nuk i kanë themelet të sigurta.
4Edhe sikur ndonjë bisk të bulojë për pak,
do të jetë i luhatshëm e i lëkundur nga era.
Prej forcës së erës do të shkulet.
5Do të epohen bisqet që s'kanë lidhur mirë,
fryti i tyre do të jetë i pavlerë, i papjekur për t'u ngrënë,
i papërshtatshëm për këdo.
6Bijtë e lindur nga shtrati i paligjshëm,
dëshmi paudhësie në gjyqin e prindërve të tyre.
7Por i drejti, edhe në vdektë i ri, gjen prehje,
8se pleqëria nuk nderohet prej jetës së gjatë,
as matet me numrin e viteve.
9Thinjat për njeriun janë mençuri,
jeta e panjollë është pleqëri.
10Kush i pëlqen Perëndisë, bëhet i dashur,
hiqet nga jeta mes mëkatarëve.
11Hiqet, që e liga të mos ia ndryshojë arsyen,
që mashtrimi të mos ia zërë shpirtin në kurth.
12Joshja e së ligës i errëson të mirat,
rrëmbimi i epshit e shtrembëron pafajësinë.
13U përsos shpejt
e jetoi gjatë.
14Shpirti i tij i pëlqen Zotit,
prandaj e heq nga mesi i ligësisë.
Popujt shohin e nuk kuptojnë,
as marrin me mend ç'ndodh,
15se hiri dhe mëshira janë me të zgjedhurit e tij,
ai i mbron besnikët e vet.
16I drejti i vdekur i gjykon të gjallët e pafe,
i riu që u përsos shpejt
e dënon të padrejtin e plakur.
17Do ta shohin fundin e të urtit
pa kuptuar ç'u caktua për të,
apo çfarë i caktoi Zoti.
18Do ta shohin dhe do ta përçmojnë,
e Zoti do t'i përqeshë,
19se pas kësaj do të bëhen kufomë e përçmuar,
të turpëruar mes të vdekurve përjetë,
se do t'i plandosë pa i lënë të bëzajnë
dhe do t'i trondisë nga themelet,
deri në palcë do të thahen,
do të kenë veç dhimbje
e do t'u zhduket kujtimi.
20Kur t'u shqyrtojnë mëkatet, do t'i zërë frika,
fajet e veta do të jenë padia kundër tyre.
Currently Selected:
Urtia 4: AL1
Highlight
Share
Copy
Want to have your highlights saved across all your devices? Sign up or sign in
© Shoqëria Biblike Ndërkonfesionale e Shqipërisë 2020
© Interconfessional Bible Society of Albania 2020
Urtia 4
4
Vesi dhe virtyti
1Më mirë pa fëmijë e me virtyt,
se kujtimi i virtytit është pavdekësi,
është i njohur prej Perëndisë e prej njerëzve.
2Kur është pranë, bëjnë si ai,
kur s'është pranë, e dëshirojnë;
marshon përjetësisht i kurorëzuar,
fton përplasjet në betejat e panjolla.
3Pjelloria e të paudhit nuk ka vlerë,
filizat e paligjshëm s'i shtrijnë rrënjët thellë,
nuk i kanë themelet të sigurta.
4Edhe sikur ndonjë bisk të bulojë për pak,
do të jetë i luhatshëm e i lëkundur nga era.
Prej forcës së erës do të shkulet.
5Do të epohen bisqet që s'kanë lidhur mirë,
fryti i tyre do të jetë i pavlerë, i papjekur për t'u ngrënë,
i papërshtatshëm për këdo.
6Bijtë e lindur nga shtrati i paligjshëm,
dëshmi paudhësie në gjyqin e prindërve të tyre.
7Por i drejti, edhe në vdektë i ri, gjen prehje,
8se pleqëria nuk nderohet prej jetës së gjatë,
as matet me numrin e viteve.
9Thinjat për njeriun janë mençuri,
jeta e panjollë është pleqëri.
10Kush i pëlqen Perëndisë, bëhet i dashur,
hiqet nga jeta mes mëkatarëve.
11Hiqet, që e liga të mos ia ndryshojë arsyen,
që mashtrimi të mos ia zërë shpirtin në kurth.
12Joshja e së ligës i errëson të mirat,
rrëmbimi i epshit e shtrembëron pafajësinë.
13U përsos shpejt
e jetoi gjatë.
14Shpirti i tij i pëlqen Zotit,
prandaj e heq nga mesi i ligësisë.
Popujt shohin e nuk kuptojnë,
as marrin me mend ç'ndodh,
15se hiri dhe mëshira janë me të zgjedhurit e tij,
ai i mbron besnikët e vet.
16I drejti i vdekur i gjykon të gjallët e pafe,
i riu që u përsos shpejt
e dënon të padrejtin e plakur.
17Do ta shohin fundin e të urtit
pa kuptuar ç'u caktua për të,
apo çfarë i caktoi Zoti.
18Do ta shohin dhe do ta përçmojnë,
e Zoti do t'i përqeshë,
19se pas kësaj do të bëhen kufomë e përçmuar,
të turpëruar mes të vdekurve përjetë,
se do t'i plandosë pa i lënë të bëzajnë
dhe do t'i trondisë nga themelet,
deri në palcë do të thahen,
do të kenë veç dhimbje
e do t'u zhduket kujtimi.
20Kur t'u shqyrtojnë mëkatet, do t'i zërë frika,
fajet e veta do të jenë padia kundër tyre.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Shoqëria Biblike Ndërkonfesionale e Shqipërisë 2020
© Interconfessional Bible Society of Albania 2020