YUDITƐ 7
7
Osodanɔ 'da Holofɛrnɛ wa linggi le Betuli
1Fala sa olo ki ni, nɛ Holofɛrnɛ ba nu a hã osodanɔ 'da a, mba do ogele sodanɔ kɛ wa mba li ngba wa do wa ni vɛ̃ na, lo ba li wala Betuli, nɛ lo kpe nu walanɔ vɛ̃ kɛ ma nɛ dɛ tɛ ngɔ kalanɔ i ni, hã lo bi Oisraɛlɛ. 2Do ngba soe ni, owi wilinɔ vɛ̃ kɛ tɛ wa a nga ni wa kulu ngɔ, nɛ wa ma ngɔ nɛ nɛ. Osodanɔ ni wa dɛlɛ zi wena: osoda nyanga wi wa koto kama do 'bu wa sambo, nɛ osoda kũ mbalata koto 'bu ngɔ wa bɔa, mba do otolenɔ do Owi kala tolenɔ, kɛ wa do nyanga wa iko ni. Wa mba ngba wa vɛ̃, nɛ wa dɛlɛ la li ngele. 3Wa nɛa, nɛ wa 'dafa fala ɔi 'da wa tɛ ngɔ mbɛ nùi kɛ ma kɔlɔ dɔ̃ do le Betuli, tɛ kɛ zã zu lì di ni ni. Nɛ ombe sodanɔ wa ba nùi kɛ ma yolo tɛ Dotanɛ gbaa we hɔ tɛ Bɛlbaimɛ ni, nɛ ombe nɛ wa ba nùi kɛ ma gɔnɔ sanga Betuli do le Kiamɔnɛ, kɛ ma ka mɔ dɛ tɛ le Yizreɛlɛ ni.
4Hã Oisraɛlɛ wa nɛa we zɔ gba gili osoda Asiri ni, nɛ zu wa vĩ, nɛ wa ma ngɔ tɔ̃ dɛ ngbala ngba wa na: “Owinɔ mɔ ni wa 'danga sɛ mɛnɔ ngɔ nùi 'da lɛ gɛ vɛ̃. Wa dunu sɛ ngɔ kalanɔ, do kɔ gbangɔlɔ̃nɔ do obe kalanɔ 'da lɛ fɛɔɔ.” 5Nɛ be Israɛlɛ kpo kpo kala mɔ bi do bole 'dɛ ɛ dɛ kɔ̃ ɛ. Nɛ do tũi ni wa dã we tɛ ngɔ gba'danɔ, nɛ wa dungu tɛ zɔ mɔ tɛ le gbaa we hɔ sa fala. 6Kɔ fala nɛa we sa nɛ, nɛ Holofɛrnɛ kala osoda kũ mbalatanɔ 'dɛ ɛ vɛ̃, nɛ a hɔ do wa dɛ dati obe Israɛlɛ kɛ wa ɔ tɛ Betuli ni. 7Nɛ a kɛnggɛlɛ mɔ tɛ nu walanɔ vɛ̃ kɛ ma nɛ dɛ tɛ Betuli ni. Nɛ a zɔa o'denɔ kɛ owi Betuli wa so ni, nɛ a kala ma. Nɛ a a osoda tɛ nu walanɔ, do tɛ 'denɔ ni, nɛ a gili tɛ̃ a dɛ fala ɔi 'da osodanɔ 'da a i.
8Kɔ Holofɛrnɛ nɛa we hɔ fala ɔi i, nɛ onwa ngɔ Oedɔmɛ, do wanɔ 'da Omoabɛ, do onwa ngɔ sodanɔ kɛ wa yula nu gba lì i ni wa tɛa, nɛ wa tɔ̃ hã a na: 9“Nwa, fala kɛ mɔ zele wenɔ lɛ nɛ tɔ̃ hã mɔ gɛ, nɛ nde wele kpo sanga osodanɔ 'da mɔ fé sɛ gɔ. 10Oisraɛlɛ kɔ le gɛ wa gbíní zã wa do omɔ bi do bolonɔ 'da wa gɔ, nɛ nde wa gbini zã wa do fala ɔi 'da wa kɛ ma do ngɔ kalanɔ i ni. Fala kũ kalanɔ gɛ we hɔ zu nɛ i nganda wena. 11Ni a nwa, mɔ tɛ gbã̀ osodanɔ 'da mɔ gbã, sɛ nɛ mɔ bi do wa de gɔ. Mɔ dɛ nɛ́ kɛ lɛ tɔ̃a gɛ, nɛ nde wi mɔ́ mɔ kpo iko fé sɛ gɔ. 12Mɔ 'báná do osodanɔ dɛ fala ɔi 'da mɔ nga, nɛ mɔ kpo dɛ́ sɛ wa gɔ. Mɔ tɔ̃́ hã wa, kɔ wa ba zu lì kɛ ti nyanga kala gɛ, 13tua kɛ owi Betuli wa so lì nɔ nɔa 'da wa di ni. Mɔ dɛ ní, nɛ wɔ lì ma ala sɛ wa, nɛ wa da sɛ kɔ wa tɛ le 'da wa hã lɛ iko. Nɛ lɛ do osodanɔ, lɛ kũ sɛ dɛ zu kalanɔ kɛ zã le Betuli gɛ, nɛ lɛ a osoda dɛ di ni na, wa ka mɔ tɛ le, dɔ wele kpo hɔ nza, hã a yú gɔ. 14Nɛ owinɔ vɛ̃ kɔ le Betuli gɛ, owi wilinɔ, owukonɔ do obenɔ wa fe sɛ wɔ. Nɛ dati kɛ na lɛ bi wa ni, nɛ wɔlɔ wa ma ɔ sɛ do li walanɔ kɔ le Betuli ni kululu iko. 15Na mɛ ni, nɛ wa kpa sɛ si olo nga zu 'da wa, do olo kɛ wa bɛ̃a we hã tɛ wa hã mɔ ni, nɛ ma dunu kɔ wa.”
16Nɛ Holofɛrnɛ do onwa ngɔ sodanɔ 'da a wa kɔ̃a gɛnɛ wenɔ ni, nɛ a ba nu a hã wa na, wa dɛ ɔ nɛ mɛ wa tɔ́a ni. 17Nɛ osoda Amoni, wa mba do osoda Asiri koto mɔlɔ, nɛ wa nɛa, nɛ wa 'dafa fala ɔi 'da wa tɛ kɔ gbangɔlɛ̃ ti nyanga kalanɔ ni, nɛ wa kala o'denɔ kɛ obe Israɛlɛ wa so ma ni. 18Nɛ osoda Edɔmɛ do Amoni wa nɛa, nɛ wa ba fala ngɔ kalanɔ kɛ ma dati le Dotanɛ ni. Nɛ wa tombo 'bɔ ombe sodanɔ tɛ si gɔtɔ, do si 'biti gba wese, tɛ dati le Egrɛbɛlɛ, kɛ ma dɛ kɛ zã le Susi, tɛ nu lì Mɔkmurɛ ni. Nɛ tala osoda Asiri wa kɛ̃a sanga tɛ ngba wa dɛ ngɔ mbɛ nùi, nɛ wa kpa ngɔ nɛ vɛ̃. Wa 'dafa otɔa tandenɔ 'da wa do otolenɔ 'da wa vɛ̃, nɛ ma hɔa gã fala ɔi we ogba dɔa wele.
19Obe Israɛlɛ wa nɛa we zɔ ni, nɛ gbãlã tɛ wa gbini vɛ̃, nɛ wa ma ngɔ ala nu wa hã NWA Gale 'da wa na, a gala lo. Mba gɔ, Owi sɛnɛ wa wa linggi wa takpa, nɛ fo wala na wa hɔ nza, hã wa kpasa ni bina. 20Osoda Asiri vɛ̃, osoda nyanga winɔ, do ongilingilinɔ, do osoda kũ mbalatanɔ, wa linggi le Betuli gbaa 'do tũ 'bu nɛ talɛ ngɔ nɛ mɔlɔ.
Oziasi kpãlã sila Oisraɛlɛ
Nɛ Owi Betuli wa zi 'bɔ do mbé lì nɔ nɔa bina. 21Lì kɔ kɔ̃ lìnɔ kɔlɔ fala e nɛ, nɛ be lì kɛ ma 'bana ni, wa nɔ be sĩ sĩ, nɛ fo wi nɔ lì nɛ ma ba li wɔ nɛ bina. 22Obenɔ wa ma ngɔ mbɔkɔ nɛ, nɛ owukonɔ mba do ogã benɔ wa ala wɔ lì, nɛ wa te dɛ li walanɔ do nu ngba le, tua kɛ ngawi 'da wa ia vɛ̃.
23Nɛ owi kɔ le Betuli vɛ̃, obe zagbãlãnɔ, do obe zɔnganɔ, do owukonɔ do obenɔ wa ngɛmɛ li ngba wa, nɛ wa nɛ 'da Oziasi do ogele nwanɔ kɔ le Betuli ni, nɛ wa ma ngɔ dɛ nɔ̃lɔ̃ zã dɛ tɛ wa. Nɛ wa he mɔ na: 24“E kɔ Gale 'bili we sanga tɛ ngba lɛ do nɛ. Nɛ ĩ́ na, nɛ dɛ̃ de gɔ, tua kɛ nɛ bɛ̃a we 'dafa dɛa na do Oasiri. 25Hã nɛ zɔ di ngangga ni, fo mbé wi kɛ lɛ wia we gbini zã lɛ do a na, a gala sɛ lɛ ni bina. Gale la lɛ dɛ kɔ̃ owi sɛnɛ lɛ na, lɛ kpa 'bako, nɛ lɛ fe wɔ lì dɛ gbali wa gɛ. 26Hã nɛ sa mɔ hã Holofɛrnɛ do osodanɔ 'da a na, wa tɛ hã wa ba le, nɛ wa 'danga omɔ kɔ nɛ vɛ̃. 27Ma dia fɛ̃ na, wa kala lɛ do bɔlɔkɔ, nɛ lɛ hɔ ongbánɔ 'da wa, nɛ lɛ nyɔngɔ sɛ mɔ do dia nɛ, nɛ obenɔ do owukonɔ 'da lɛ wa fé sɛ dɛ li lɛ gɔ. 28Lɛ ala nu lɛ hã nɛ do zu li nùi kɛ lɛ ɔ ngɔ nɛ gɛ, do li nza, do Gale 'da lɛ, NWA kɛ oyaa lɛ wa dɔnggɔ zi a ni, kɛ a hã etumbu hã lɛ we do 'dã mɛ kɛ lɛ do oyaa lɛ, lɛ dɛa ni na, nɛ dɛ́ nɛ́ kɛ lɛ tɔ̃a ni, kɔ lɛ kpasa kɔ ngamɛnɔ lɛ do ma gɛ sɔɛ gɛ do'do.”
29Sila owinɔ vɛ̃ 'bɔa, nɛ wa ma ngɔ he mɔ tɛ ala nu wa hã Gale do nga gɛlɛ. 30Nɛ Oziasi kulu ngɔ, nɛ a tɔ̃ hã wa na: “Onyae, nɛ kpã́lã́ sila nɛ! Lɛ 'bɔ́ 'do tũ mɔlɔ, hã lɛ zɔ, tabi Gale dɛ́ sɛ 'bako hã lɛ gɔ nde. Ta zu a élé sɛ ngɔ lɛ fai gɔ. 31Kɔ fala kɛ tũi mɔlɛ ni e, hã a gàlà lɛ gɔ, nɛ mi dɛ sɛ mɛ nɛ aka na mi dɛ ni.”
32Oziasi wila we ni do'do, nɛ a tɔ̃ hã Oisraɛlɛ na, wa si dɛ nu tɔanɔ 'da wa. Nɛ Owi wilinɔ wa gili tɛ wa dɛ zu gba ngbonɔ i, nɛ owukonɔ do obenɔ wa si dɛ nu tɔanɔ 'da wa. Nɛ nde owinɔ wa zi 'bɔ do ngawi bina.
Currently Selected:
YUDITƐ 7: NGB
Highlight
Share
Copy
Want to have your highlights saved across all your devices? Sign up or sign in
Ngbaka DC Bible (We Nu Gale) Version © Bible Society of the Democratic Republic of Congo, 1995.
YUDITƐ 7
7
Osodanɔ 'da Holofɛrnɛ wa linggi le Betuli
1Fala sa olo ki ni, nɛ Holofɛrnɛ ba nu a hã osodanɔ 'da a, mba do ogele sodanɔ kɛ wa mba li ngba wa do wa ni vɛ̃ na, lo ba li wala Betuli, nɛ lo kpe nu walanɔ vɛ̃ kɛ ma nɛ dɛ tɛ ngɔ kalanɔ i ni, hã lo bi Oisraɛlɛ. 2Do ngba soe ni, owi wilinɔ vɛ̃ kɛ tɛ wa a nga ni wa kulu ngɔ, nɛ wa ma ngɔ nɛ nɛ. Osodanɔ ni wa dɛlɛ zi wena: osoda nyanga wi wa koto kama do 'bu wa sambo, nɛ osoda kũ mbalata koto 'bu ngɔ wa bɔa, mba do otolenɔ do Owi kala tolenɔ, kɛ wa do nyanga wa iko ni. Wa mba ngba wa vɛ̃, nɛ wa dɛlɛ la li ngele. 3Wa nɛa, nɛ wa 'dafa fala ɔi 'da wa tɛ ngɔ mbɛ nùi kɛ ma kɔlɔ dɔ̃ do le Betuli, tɛ kɛ zã zu lì di ni ni. Nɛ ombe sodanɔ wa ba nùi kɛ ma yolo tɛ Dotanɛ gbaa we hɔ tɛ Bɛlbaimɛ ni, nɛ ombe nɛ wa ba nùi kɛ ma gɔnɔ sanga Betuli do le Kiamɔnɛ, kɛ ma ka mɔ dɛ tɛ le Yizreɛlɛ ni.
4Hã Oisraɛlɛ wa nɛa we zɔ gba gili osoda Asiri ni, nɛ zu wa vĩ, nɛ wa ma ngɔ tɔ̃ dɛ ngbala ngba wa na: “Owinɔ mɔ ni wa 'danga sɛ mɛnɔ ngɔ nùi 'da lɛ gɛ vɛ̃. Wa dunu sɛ ngɔ kalanɔ, do kɔ gbangɔlɔ̃nɔ do obe kalanɔ 'da lɛ fɛɔɔ.” 5Nɛ be Israɛlɛ kpo kpo kala mɔ bi do bole 'dɛ ɛ dɛ kɔ̃ ɛ. Nɛ do tũi ni wa dã we tɛ ngɔ gba'danɔ, nɛ wa dungu tɛ zɔ mɔ tɛ le gbaa we hɔ sa fala. 6Kɔ fala nɛa we sa nɛ, nɛ Holofɛrnɛ kala osoda kũ mbalatanɔ 'dɛ ɛ vɛ̃, nɛ a hɔ do wa dɛ dati obe Israɛlɛ kɛ wa ɔ tɛ Betuli ni. 7Nɛ a kɛnggɛlɛ mɔ tɛ nu walanɔ vɛ̃ kɛ ma nɛ dɛ tɛ Betuli ni. Nɛ a zɔa o'denɔ kɛ owi Betuli wa so ni, nɛ a kala ma. Nɛ a a osoda tɛ nu walanɔ, do tɛ 'denɔ ni, nɛ a gili tɛ̃ a dɛ fala ɔi 'da osodanɔ 'da a i.
8Kɔ Holofɛrnɛ nɛa we hɔ fala ɔi i, nɛ onwa ngɔ Oedɔmɛ, do wanɔ 'da Omoabɛ, do onwa ngɔ sodanɔ kɛ wa yula nu gba lì i ni wa tɛa, nɛ wa tɔ̃ hã a na: 9“Nwa, fala kɛ mɔ zele wenɔ lɛ nɛ tɔ̃ hã mɔ gɛ, nɛ nde wele kpo sanga osodanɔ 'da mɔ fé sɛ gɔ. 10Oisraɛlɛ kɔ le gɛ wa gbíní zã wa do omɔ bi do bolonɔ 'da wa gɔ, nɛ nde wa gbini zã wa do fala ɔi 'da wa kɛ ma do ngɔ kalanɔ i ni. Fala kũ kalanɔ gɛ we hɔ zu nɛ i nganda wena. 11Ni a nwa, mɔ tɛ gbã̀ osodanɔ 'da mɔ gbã, sɛ nɛ mɔ bi do wa de gɔ. Mɔ dɛ nɛ́ kɛ lɛ tɔ̃a gɛ, nɛ nde wi mɔ́ mɔ kpo iko fé sɛ gɔ. 12Mɔ 'báná do osodanɔ dɛ fala ɔi 'da mɔ nga, nɛ mɔ kpo dɛ́ sɛ wa gɔ. Mɔ tɔ̃́ hã wa, kɔ wa ba zu lì kɛ ti nyanga kala gɛ, 13tua kɛ owi Betuli wa so lì nɔ nɔa 'da wa di ni. Mɔ dɛ ní, nɛ wɔ lì ma ala sɛ wa, nɛ wa da sɛ kɔ wa tɛ le 'da wa hã lɛ iko. Nɛ lɛ do osodanɔ, lɛ kũ sɛ dɛ zu kalanɔ kɛ zã le Betuli gɛ, nɛ lɛ a osoda dɛ di ni na, wa ka mɔ tɛ le, dɔ wele kpo hɔ nza, hã a yú gɔ. 14Nɛ owinɔ vɛ̃ kɔ le Betuli gɛ, owi wilinɔ, owukonɔ do obenɔ wa fe sɛ wɔ. Nɛ dati kɛ na lɛ bi wa ni, nɛ wɔlɔ wa ma ɔ sɛ do li walanɔ kɔ le Betuli ni kululu iko. 15Na mɛ ni, nɛ wa kpa sɛ si olo nga zu 'da wa, do olo kɛ wa bɛ̃a we hã tɛ wa hã mɔ ni, nɛ ma dunu kɔ wa.”
16Nɛ Holofɛrnɛ do onwa ngɔ sodanɔ 'da a wa kɔ̃a gɛnɛ wenɔ ni, nɛ a ba nu a hã wa na, wa dɛ ɔ nɛ mɛ wa tɔ́a ni. 17Nɛ osoda Amoni, wa mba do osoda Asiri koto mɔlɔ, nɛ wa nɛa, nɛ wa 'dafa fala ɔi 'da wa tɛ kɔ gbangɔlɛ̃ ti nyanga kalanɔ ni, nɛ wa kala o'denɔ kɛ obe Israɛlɛ wa so ma ni. 18Nɛ osoda Edɔmɛ do Amoni wa nɛa, nɛ wa ba fala ngɔ kalanɔ kɛ ma dati le Dotanɛ ni. Nɛ wa tombo 'bɔ ombe sodanɔ tɛ si gɔtɔ, do si 'biti gba wese, tɛ dati le Egrɛbɛlɛ, kɛ ma dɛ kɛ zã le Susi, tɛ nu lì Mɔkmurɛ ni. Nɛ tala osoda Asiri wa kɛ̃a sanga tɛ ngba wa dɛ ngɔ mbɛ nùi, nɛ wa kpa ngɔ nɛ vɛ̃. Wa 'dafa otɔa tandenɔ 'da wa do otolenɔ 'da wa vɛ̃, nɛ ma hɔa gã fala ɔi we ogba dɔa wele.
19Obe Israɛlɛ wa nɛa we zɔ ni, nɛ gbãlã tɛ wa gbini vɛ̃, nɛ wa ma ngɔ ala nu wa hã NWA Gale 'da wa na, a gala lo. Mba gɔ, Owi sɛnɛ wa wa linggi wa takpa, nɛ fo wala na wa hɔ nza, hã wa kpasa ni bina. 20Osoda Asiri vɛ̃, osoda nyanga winɔ, do ongilingilinɔ, do osoda kũ mbalatanɔ, wa linggi le Betuli gbaa 'do tũ 'bu nɛ talɛ ngɔ nɛ mɔlɔ.
Oziasi kpãlã sila Oisraɛlɛ
Nɛ Owi Betuli wa zi 'bɔ do mbé lì nɔ nɔa bina. 21Lì kɔ kɔ̃ lìnɔ kɔlɔ fala e nɛ, nɛ be lì kɛ ma 'bana ni, wa nɔ be sĩ sĩ, nɛ fo wi nɔ lì nɛ ma ba li wɔ nɛ bina. 22Obenɔ wa ma ngɔ mbɔkɔ nɛ, nɛ owukonɔ mba do ogã benɔ wa ala wɔ lì, nɛ wa te dɛ li walanɔ do nu ngba le, tua kɛ ngawi 'da wa ia vɛ̃.
23Nɛ owi kɔ le Betuli vɛ̃, obe zagbãlãnɔ, do obe zɔnganɔ, do owukonɔ do obenɔ wa ngɛmɛ li ngba wa, nɛ wa nɛ 'da Oziasi do ogele nwanɔ kɔ le Betuli ni, nɛ wa ma ngɔ dɛ nɔ̃lɔ̃ zã dɛ tɛ wa. Nɛ wa he mɔ na: 24“E kɔ Gale 'bili we sanga tɛ ngba lɛ do nɛ. Nɛ ĩ́ na, nɛ dɛ̃ de gɔ, tua kɛ nɛ bɛ̃a we 'dafa dɛa na do Oasiri. 25Hã nɛ zɔ di ngangga ni, fo mbé wi kɛ lɛ wia we gbini zã lɛ do a na, a gala sɛ lɛ ni bina. Gale la lɛ dɛ kɔ̃ owi sɛnɛ lɛ na, lɛ kpa 'bako, nɛ lɛ fe wɔ lì dɛ gbali wa gɛ. 26Hã nɛ sa mɔ hã Holofɛrnɛ do osodanɔ 'da a na, wa tɛ hã wa ba le, nɛ wa 'danga omɔ kɔ nɛ vɛ̃. 27Ma dia fɛ̃ na, wa kala lɛ do bɔlɔkɔ, nɛ lɛ hɔ ongbánɔ 'da wa, nɛ lɛ nyɔngɔ sɛ mɔ do dia nɛ, nɛ obenɔ do owukonɔ 'da lɛ wa fé sɛ dɛ li lɛ gɔ. 28Lɛ ala nu lɛ hã nɛ do zu li nùi kɛ lɛ ɔ ngɔ nɛ gɛ, do li nza, do Gale 'da lɛ, NWA kɛ oyaa lɛ wa dɔnggɔ zi a ni, kɛ a hã etumbu hã lɛ we do 'dã mɛ kɛ lɛ do oyaa lɛ, lɛ dɛa ni na, nɛ dɛ́ nɛ́ kɛ lɛ tɔ̃a ni, kɔ lɛ kpasa kɔ ngamɛnɔ lɛ do ma gɛ sɔɛ gɛ do'do.”
29Sila owinɔ vɛ̃ 'bɔa, nɛ wa ma ngɔ he mɔ tɛ ala nu wa hã Gale do nga gɛlɛ. 30Nɛ Oziasi kulu ngɔ, nɛ a tɔ̃ hã wa na: “Onyae, nɛ kpã́lã́ sila nɛ! Lɛ 'bɔ́ 'do tũ mɔlɔ, hã lɛ zɔ, tabi Gale dɛ́ sɛ 'bako hã lɛ gɔ nde. Ta zu a élé sɛ ngɔ lɛ fai gɔ. 31Kɔ fala kɛ tũi mɔlɛ ni e, hã a gàlà lɛ gɔ, nɛ mi dɛ sɛ mɛ nɛ aka na mi dɛ ni.”
32Oziasi wila we ni do'do, nɛ a tɔ̃ hã Oisraɛlɛ na, wa si dɛ nu tɔanɔ 'da wa. Nɛ Owi wilinɔ wa gili tɛ wa dɛ zu gba ngbonɔ i, nɛ owukonɔ do obenɔ wa si dɛ nu tɔanɔ 'da wa. Nɛ nde owinɔ wa zi 'bɔ do ngawi bina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngbaka DC Bible (We Nu Gale) Version © Bible Society of the Democratic Republic of Congo, 1995.