Mwanzo 25
25
Wazao wengine wa Abrahamu
(1 Sik 1.32-33)
1Abrahamu akaoa muke mwingine, jina lake Ketura. 2Ketura alimuzalia Abrahamu: Zimurani, Yokisani, Medani, Midiani, Isibaki na Sua. 3Yokisani alizaa Seba na Dedani. Wazao wa Dedani walikuwa Waashuri, Waletusi na Waleumi. 4Wana wa Midiani walikuwa Efa, Eferi, Hanoki, Abida na Elda. Wote hao walikuwa wazao wa Ketura.
5Abrahamu akamurizisha Isaka mali yake yote. 6Lakini akawapa wana wa habara zake zawadi. Na wakati alipokuwa bado muzima, akawapeleka katika inchi ya upande wa mashariki, mbali na mwana wake Isaka.
Kifo cha Abrahamu
7Abrahamu aliishi miaka mia moja makumi saba na mitano. 8Kisha kuishi maisha marefu na ya fanaka, akakufa na kukutana na wazee wake. 9Isaka na Isimaeli, wana wa Abrahamu, wakamuzika baba yao katika pango la Makipela, upande wa mashariki wa Mamure kwenye shamba lililokuwa la Efuroni mwana wa Sohari Muhiti. 10Abrahamu alikuwa amenunua shamba lile kwa Wahiti. Kule ndiko Abrahamu na muke wake Sara walizikwa. 11Nyuma ya kifo cha Abrahamu, Mungu alimubariki mwana wake Isaka. Naye Isaka akaishi karibu na kisima cha Beri-Lahai-Roi.
Wazao wa Isimaeli
(1 Sik 1.28-31)
12Hawa ndio wazao wa Isimaeli mwana wa Abrahamu ambaye Hagari Mumisri aliyekuwa mujakazi wa Sara alimuzalia Abrahamu. 13Haya ni majina yao kufuatana na kuzaliwa kwao: Nebayoti, muzaliwa wa kwanza, Kedari, Adibeli, Mibusamu, 14Misima, Duma, Masa, 15Hadadi, Tema, Yeturi, Nafisi na Kedema. 16Hao ndio wana wa Isimaeli, waliokuwa shina ya makabila kumi na mawili. Makao na vijiji vyao vilijulikana kwa majina yao. 17Isimaeli alikuwa na umri wa miaka mia moja makumi tatu na saba alipokufa na kukutana na wazee wake. 18Wazao wa Isimaeli walikaa katika eneo lililokuwa kati ya Havila na Shuri, upande wa mashariki wa Misri, kuelekea Ashuri. Walikaa kwa utengano na wazao wengine wa Abrahamu.
Kuzaliwa kwa Esau na Yakobo
19Hawa ndio wazao wa Isaka mwana wa Abrahamu. 20Isaka alipokuwa na umri wa miaka makumi ine akamwoa Rebeka, binti ya Betueli, Musuria wa Padani-Aramu.#25.20 Padani-Aramu: au: Mesopotamia. Rebeka alikuwa dada ya Labani. 21Rebeka alikuwa tasa, kwa hiyo Isaka akamwomba Yawe. Naye Yawe akakubali ombi lake, Rebeka akapata mimba. 22Mimba hiyo ilikuwa ya mapacha. Watoto hao waligongana ndani ya tumbo la Rebeka, naye akasema: “Kama hivi ndivyo mambo yanavyokuwa, kwa nini kuishi?” Basi, akakwenda kumwuliza Yawe.
23Yawe akamwambia:
“Mataifa mawili yako ndani ya tumbo lako;
makabila mawili yatakayozaliwa nawe, yatatengana.
Moja litakuwa lenye nguvu kuliko lingine,
mukubwa atamutumikia mudogo.”
24Siku zake za kuzaa zilipotimia, Rebeka akazaa mapacha. 25Wa kwanza alikuwa mwekundu, mwenye nywele mwili wote; hivyo wakamwita Esau#25.25 Esau: Seiri, eneo ambalo nyuma lilikaliwa na wazao wa Esau, ni kama neno la Kiebrania lenye maana “mwenye nywele nyingi”.. 26Wa pili alizaliwa akiwa amemushika Esau kisigino, hivyo wakamupa jina Yakobo.#25.26 Yakobo: Kiebrania maana yake “kisigino”. Isaka alikuwa na umri wa miaka makumi sita wakati Esau na Yakobo walipozaliwa.
Esau anauzisha haki yake
27Watoto hao wakakomaa. Esau alikuwa mwindaji hodari. Alipenda maisha ya pori. Yakobo alikuwa mutu mutulivu. Alipenda maisha ya nyumba. 28Basi, Isaka akamupenda Esau kwa sababu alipenda kula nyama wa mawindo yake, lakini Rebeka akamupenda Yakobo.
29Siku moja, Yakobo alipokuwa anapika muchuzi, Esau akarudi kwa nyumba kutoka katika mawindo akiwa na njaa sana. 30Kwa hiyo Esau akamwambia Yakobo: “Ninasikia njaa. Tafazali, unigawanyie muchuzi huo mwekundu nikule.” Ndiyo maana walimupanga jina Edomu, maana yake “mwekundu”.
31Yakobo akajibu: “Kwanza uniuzishie haki yako ya muzaliwa wa kwanza.”
32Esau akasema: “Sawa! Niko karibu kufa. Haki yangu ya muzaliwa wa kwanza itanifaa nini?”
33Yakobo akamwambia: “Uniapie kwanza.”
Basi, Esau akamwapia na kumwuzishia Yakobo haki yake ya muzaliwa wa kwanza. 34Halafu Yakobo akamupa Esau mukate na muchuzi wa manjegere. Esau akakula, akakunywa, kisha akaondoka, akajiendea. Hivi ndivyo Esau alivyoizarau haki yake ya muzaliwa wa kwanza.
Currently Selected:
Mwanzo 25: SWC02
Highlight
Share
Copy
Want to have your highlights saved across all your devices? Sign up or sign in
Bible in Swahili Congo © Bible Society of the Democratic Republic of Congo (DRC), 2002.
Mwanzo 25
25
Wazao wengine wa Abrahamu
(1 Sik 1.32-33)
1Abrahamu akaoa muke mwingine, jina lake Ketura. 2Ketura alimuzalia Abrahamu: Zimurani, Yokisani, Medani, Midiani, Isibaki na Sua. 3Yokisani alizaa Seba na Dedani. Wazao wa Dedani walikuwa Waashuri, Waletusi na Waleumi. 4Wana wa Midiani walikuwa Efa, Eferi, Hanoki, Abida na Elda. Wote hao walikuwa wazao wa Ketura.
5Abrahamu akamurizisha Isaka mali yake yote. 6Lakini akawapa wana wa habara zake zawadi. Na wakati alipokuwa bado muzima, akawapeleka katika inchi ya upande wa mashariki, mbali na mwana wake Isaka.
Kifo cha Abrahamu
7Abrahamu aliishi miaka mia moja makumi saba na mitano. 8Kisha kuishi maisha marefu na ya fanaka, akakufa na kukutana na wazee wake. 9Isaka na Isimaeli, wana wa Abrahamu, wakamuzika baba yao katika pango la Makipela, upande wa mashariki wa Mamure kwenye shamba lililokuwa la Efuroni mwana wa Sohari Muhiti. 10Abrahamu alikuwa amenunua shamba lile kwa Wahiti. Kule ndiko Abrahamu na muke wake Sara walizikwa. 11Nyuma ya kifo cha Abrahamu, Mungu alimubariki mwana wake Isaka. Naye Isaka akaishi karibu na kisima cha Beri-Lahai-Roi.
Wazao wa Isimaeli
(1 Sik 1.28-31)
12Hawa ndio wazao wa Isimaeli mwana wa Abrahamu ambaye Hagari Mumisri aliyekuwa mujakazi wa Sara alimuzalia Abrahamu. 13Haya ni majina yao kufuatana na kuzaliwa kwao: Nebayoti, muzaliwa wa kwanza, Kedari, Adibeli, Mibusamu, 14Misima, Duma, Masa, 15Hadadi, Tema, Yeturi, Nafisi na Kedema. 16Hao ndio wana wa Isimaeli, waliokuwa shina ya makabila kumi na mawili. Makao na vijiji vyao vilijulikana kwa majina yao. 17Isimaeli alikuwa na umri wa miaka mia moja makumi tatu na saba alipokufa na kukutana na wazee wake. 18Wazao wa Isimaeli walikaa katika eneo lililokuwa kati ya Havila na Shuri, upande wa mashariki wa Misri, kuelekea Ashuri. Walikaa kwa utengano na wazao wengine wa Abrahamu.
Kuzaliwa kwa Esau na Yakobo
19Hawa ndio wazao wa Isaka mwana wa Abrahamu. 20Isaka alipokuwa na umri wa miaka makumi ine akamwoa Rebeka, binti ya Betueli, Musuria wa Padani-Aramu.#25.20 Padani-Aramu: au: Mesopotamia. Rebeka alikuwa dada ya Labani. 21Rebeka alikuwa tasa, kwa hiyo Isaka akamwomba Yawe. Naye Yawe akakubali ombi lake, Rebeka akapata mimba. 22Mimba hiyo ilikuwa ya mapacha. Watoto hao waligongana ndani ya tumbo la Rebeka, naye akasema: “Kama hivi ndivyo mambo yanavyokuwa, kwa nini kuishi?” Basi, akakwenda kumwuliza Yawe.
23Yawe akamwambia:
“Mataifa mawili yako ndani ya tumbo lako;
makabila mawili yatakayozaliwa nawe, yatatengana.
Moja litakuwa lenye nguvu kuliko lingine,
mukubwa atamutumikia mudogo.”
24Siku zake za kuzaa zilipotimia, Rebeka akazaa mapacha. 25Wa kwanza alikuwa mwekundu, mwenye nywele mwili wote; hivyo wakamwita Esau#25.25 Esau: Seiri, eneo ambalo nyuma lilikaliwa na wazao wa Esau, ni kama neno la Kiebrania lenye maana “mwenye nywele nyingi”.. 26Wa pili alizaliwa akiwa amemushika Esau kisigino, hivyo wakamupa jina Yakobo.#25.26 Yakobo: Kiebrania maana yake “kisigino”. Isaka alikuwa na umri wa miaka makumi sita wakati Esau na Yakobo walipozaliwa.
Esau anauzisha haki yake
27Watoto hao wakakomaa. Esau alikuwa mwindaji hodari. Alipenda maisha ya pori. Yakobo alikuwa mutu mutulivu. Alipenda maisha ya nyumba. 28Basi, Isaka akamupenda Esau kwa sababu alipenda kula nyama wa mawindo yake, lakini Rebeka akamupenda Yakobo.
29Siku moja, Yakobo alipokuwa anapika muchuzi, Esau akarudi kwa nyumba kutoka katika mawindo akiwa na njaa sana. 30Kwa hiyo Esau akamwambia Yakobo: “Ninasikia njaa. Tafazali, unigawanyie muchuzi huo mwekundu nikule.” Ndiyo maana walimupanga jina Edomu, maana yake “mwekundu”.
31Yakobo akajibu: “Kwanza uniuzishie haki yako ya muzaliwa wa kwanza.”
32Esau akasema: “Sawa! Niko karibu kufa. Haki yangu ya muzaliwa wa kwanza itanifaa nini?”
33Yakobo akamwambia: “Uniapie kwanza.”
Basi, Esau akamwapia na kumwuzishia Yakobo haki yake ya muzaliwa wa kwanza. 34Halafu Yakobo akamupa Esau mukate na muchuzi wa manjegere. Esau akakula, akakunywa, kisha akaondoka, akajiendea. Hivi ndivyo Esau alivyoizarau haki yake ya muzaliwa wa kwanza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Swahili Congo © Bible Society of the Democratic Republic of Congo (DRC), 2002.