Bambata Pai 28
28
1Yisakakiyambu Yakoba kifumaku fuko fu ko, ki ta ruga ko niya fu ko, “Ka mo di nga de dagba wiri aboro Kanana yo ya. 2Mo gúari, ki ndu ku Padana-arama yo ku Betuere yo, nga ba namo, Mo ki di de yo dagba awiri Rabana nga kawiri namo. 3Mbori du na tandu apai dũ, ko fú maku foro, ki nizugasi ro, ki ngeesi ro, ya mo dú ni rimbasa ngbatunga aboro. 4Ko fú gu maku foro a nga ga Abarayama, foro na fu ngbatungaro a, ya mo di gu ringara ni gamo du mo rogo ho ni nungunungu boro nga gu Mbori afu fu Abarayama!” 5Yisaka ki asia Yakoba; ko ki ndu ku Padana-arama yo koyo du Rabana ni, nangia wiri Betuere boro Suria, nga kawiri Rebeka. Rebeka angia na aYakoba na Esau.
Pa dia Esau kura de
6Esau abi he ya Yisaka afu maku fu Yakoba, ki kedi ko ku Padana-arama yo ka dia de yo, ko ki ta fu maku fu ko, nirugu ko niya, “Ka mo dí nga de dagba awiri aKanano yo ya.” 7Ko ki bi he ya Yakoba agi sangba abako na nako, ki ga ku Padana-arama yo. 8Ho Esau abi he ni ya awiri aKanano nangia ade angba nga ti Yisaka nga bako te, 9Esau ki ndu koyo du Yisamaere ni, ki di Marata ni diako nangia wiri Yisamaere ku ri agu ade nadu be ko mbata. Ri angia dawiri Nebayota. Yisamaere ki ngia wiri Abarayama.
Pa ga Yakoba musumo Betere yo
10Yakoba ki guari Bera-saba yo, ki ndu ku Arana yo. 11Ko ki da rogo gu rago sa ki ra yo yuru bambiko uru aima ti. Ko ki di mbia sa dagba ambia rogo gu ba re, ki moi he tii riko, ko ki pi ho ka ra. 12Ko ki rari musumo, mo ngére, tanga ki du ni duadua ha ti sende, rihe ki da ku ngbangbaturũ yo. Ga Mbori amaraika ki ta dakpa ti ni ki nizorõ. 13Mo ngére, Yekova ki ru ti rihe, ki ya, “Mi nga Yekova, nga ga Abarayama Mbori, nga bamo, nga ga Yisaka Mbori a. Gu sende pi mo auru he, mi afú he foro na fu ngbatungaro. 14Ngbatungaro adú wa nvutu sende, mo ki gbandaka agbandaka rogo arago ku dioyo, na ku uroyo, na ku nodiyo, na ku sudiyo a. Rogo ro yo na rogo ngbatungaro yo angbatunga aboro zegino dunduko nikadia maku. 15Mo ngére, mi dú na mo, mi abánda ro ho mo ka andu ku ho ni, ki yega na mo berewe ku rogo gi ringara re; bambiko mi ahe nga ro te, daho mi ka manga gu pai ni mi agumba pa ha foro.” 16Yakoba ki zingi be gako rame, ki ya, “Yekova du rogo gi ba re ni rengo; ka mi aina nga ha ya.” 17Ko ki gunde agunde, ki ya, “Na iriwo gi ba re! A nga kura he nga ha te, ono kina ga Mbori bambu nga ha, ngbadimo ngbangbaturũ nga gere.” 18Yakoba ki guari kina ngbatutu wiso, ki di gu mbia ko amoi tii riko ki dua ha ku ari, ki uka nzeme ku auru he. 19Ko ki yambu rimo gu ba re nga Betere; ono rimo gu bakporo re nangia Ruza mbata. 20Yakoba ki zunga he ki ya, “Ka Mbori du na mi, ki nibanda re ngba gu gene mi nikandu ngba ha, ki nifu riahe fere mi niri he, na roko mi nivo ho, 21ya mi karaga tire zezeredi ku rogo ga buba kporo berewe, Yekova nikadu ni gi Mbori kindi, 22gi mbia dua mi he ku ari re, si nikadu ni ga Mbori bambu. Agu ahe dunduko mo ka afu he fere, mi nikafu sa dagba bawe rogo ho foro ni rengo.”
Currently Selected:
Bambata Pai 28: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Bambata Pai 28
28
1Yisakakiyambu Yakoba kifumaku fuko fu ko, ki ta ruga ko niya fu ko, “Ka mo di nga de dagba wiri aboro Kanana yo ya. 2Mo gúari, ki ndu ku Padana-arama yo ku Betuere yo, nga ba namo, Mo ki di de yo dagba awiri Rabana nga kawiri namo. 3Mbori du na tandu apai dũ, ko fú maku foro, ki nizugasi ro, ki ngeesi ro, ya mo dú ni rimbasa ngbatunga aboro. 4Ko fú gu maku foro a nga ga Abarayama, foro na fu ngbatungaro a, ya mo di gu ringara ni gamo du mo rogo ho ni nungunungu boro nga gu Mbori afu fu Abarayama!” 5Yisaka ki asia Yakoba; ko ki ndu ku Padana-arama yo koyo du Rabana ni, nangia wiri Betuere boro Suria, nga kawiri Rebeka. Rebeka angia na aYakoba na Esau.
Pa dia Esau kura de
6Esau abi he ya Yisaka afu maku fu Yakoba, ki kedi ko ku Padana-arama yo ka dia de yo, ko ki ta fu maku fu ko, nirugu ko niya, “Ka mo dí nga de dagba awiri aKanano yo ya.” 7Ko ki bi he ya Yakoba agi sangba abako na nako, ki ga ku Padana-arama yo. 8Ho Esau abi he ni ya awiri aKanano nangia ade angba nga ti Yisaka nga bako te, 9Esau ki ndu koyo du Yisamaere ni, ki di Marata ni diako nangia wiri Yisamaere ku ri agu ade nadu be ko mbata. Ri angia dawiri Nebayota. Yisamaere ki ngia wiri Abarayama.
Pa ga Yakoba musumo Betere yo
10Yakoba ki guari Bera-saba yo, ki ndu ku Arana yo. 11Ko ki da rogo gu rago sa ki ra yo yuru bambiko uru aima ti. Ko ki di mbia sa dagba ambia rogo gu ba re, ki moi he tii riko, ko ki pi ho ka ra. 12Ko ki rari musumo, mo ngére, tanga ki du ni duadua ha ti sende, rihe ki da ku ngbangbaturũ yo. Ga Mbori amaraika ki ta dakpa ti ni ki nizorõ. 13Mo ngére, Yekova ki ru ti rihe, ki ya, “Mi nga Yekova, nga ga Abarayama Mbori, nga bamo, nga ga Yisaka Mbori a. Gu sende pi mo auru he, mi afú he foro na fu ngbatungaro. 14Ngbatungaro adú wa nvutu sende, mo ki gbandaka agbandaka rogo arago ku dioyo, na ku uroyo, na ku nodiyo, na ku sudiyo a. Rogo ro yo na rogo ngbatungaro yo angbatunga aboro zegino dunduko nikadia maku. 15Mo ngére, mi dú na mo, mi abánda ro ho mo ka andu ku ho ni, ki yega na mo berewe ku rogo gi ringara re; bambiko mi ahe nga ro te, daho mi ka manga gu pai ni mi agumba pa ha foro.” 16Yakoba ki zingi be gako rame, ki ya, “Yekova du rogo gi ba re ni rengo; ka mi aina nga ha ya.” 17Ko ki gunde agunde, ki ya, “Na iriwo gi ba re! A nga kura he nga ha te, ono kina ga Mbori bambu nga ha, ngbadimo ngbangbaturũ nga gere.” 18Yakoba ki guari kina ngbatutu wiso, ki di gu mbia ko amoi tii riko ki dua ha ku ari, ki uka nzeme ku auru he. 19Ko ki yambu rimo gu ba re nga Betere; ono rimo gu bakporo re nangia Ruza mbata. 20Yakoba ki zunga he ki ya, “Ka Mbori du na mi, ki nibanda re ngba gu gene mi nikandu ngba ha, ki nifu riahe fere mi niri he, na roko mi nivo ho, 21ya mi karaga tire zezeredi ku rogo ga buba kporo berewe, Yekova nikadu ni gi Mbori kindi, 22gi mbia dua mi he ku ari re, si nikadu ni ga Mbori bambu. Agu ahe dunduko mo ka afu he fere, mi nikafu sa dagba bawe rogo ho foro ni rengo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.