Bambata Pai 34
34
Pa irabape Dina
1Were Dina nangia wiri Rea, gu ri ri abatika ri fu Yakoba, ri ki ndu ka bi ade gu ringara re. 2Sekeme nangia bazogo gu ringara re, ko angia wiri Amora nangia boro Iva, ki bi ri, ko ki zi ri, ki ra na ri, ki wasi ri. 3Mbisimo Dina nga wiri Yakoba angba ti ko gbe; ko ki nikpi nyemu gu degude re, ki nifura na ri besemene. 4Sekeme ki pe he fu bako nga Amora, ki ya, “Mo di gu degude re fere ni diare.” 5Were, Yakoba ki gi he ya ko ima wasi wiriko nga Dina; ono awiriko adu nvuo yo na gako zogozogo anya, ka Yakoba akaraga nga pai daho i ayega ni ya. 6Amora nangia ba Sekeme ki ndu koyo du Yakoba ni ka fura na ko. 7Awiri Yakoba ki yega nvuo yo ho i agi he ni; si ki gberẽ agberã ti yo i ki zingi azinga gbe bambiko ko amangi wasiwasi pai dagba aYisaraere wa ko ara na wiri Yakoba, nga gu pai ka boro amanga nga ha ya.
8Amora ki ta fura na yo, niya, “Mbisimo wiro ngba ti wire nga Sekeme; mi nazungadi ro mo idi pa ri fu ko ni diako. 9Ani rogo ade dagba rani na oni; oni fú awironi nga ade fu rani; oni ki rogo awirani nga ade. 10Oni ki moi kporo na ani; ringara ki du fu roni; oni súngu rogo ho ka babaga ahe, oni ki nidungura gaoni ahe rogo ho.” 11Sekeme ki ya fu abari na akawiriri a, “Ka mi ngbá bangironi; gu he oni ka sana re tipa ha mi afú he afu fu roni. 12Ka oni vura sána re tipa bakere marãde na gamahe mi afú he fu roni wa oni ka gumba ha; ono oni fú kina gu degude re fere ni diare.”
13Awiri Yakoba ki karaga pai fu aSekeme na bako nga Amora ni kina biriki, bambiko ko awasi Dina nga dawiriyo. 14I ki ya fu yo wẽ, “Ani arengba nga ka fu dawirani fu gu boro nga zangayeratise te, a ka wasi rimorani. 15Ani nikaida fu roni mbiko kina gi pai re nga ka oni kpí nyemu ka du wa ani: i yére akumba dagba roni dunduko. 16Ani ki fu awirani nga ade fu roni, ani ki rogo awironi nga ade, ani ki nira ramukporo na oni, ani ki ye ka du wa ngbatunga aboro sa. 17Ono ka oni aída nga sangbarani ki yere tironi ya, ani adía wirani adia ki ga.”
18Gayo pai ki ngba ti Amora, na Sekeme, nangia wiri Amora a. 19Ka gu paranga re aima nga ka manga ha ya, bambiko wiri Yakoba angba ti ko gbe. Ko adu ni boro irisa ki susi ga bako aborokporo dunduko. 20AAmora na wiriko nga Sekeme, ki ye ku ngbadimo gayo bakporo ki fura na aboro gayo bakporo, ki ya fu yo, 21“Agi aboro re i zezeredi na ani; si du ani ídi he fu yo i ráki rogo gi ringara re, ki nibabagi gayo ahe rogo ho bambiko ringara ni kikii he rengbe na yo. Ani nirógo awiriyo ni adiarani, ani ki nifu awirani nga ade fu yo a. 22Mbiko kina gi pai sa re agi aboro re ka ida ka sunga dagba rani ti ni, ka du wa ngbatunga aboro sa: nga ka i yere akumba dunduko dagba rani a wa i ayere yo tigayo. 23Ati gayo zogozogo anya, na gayo ahe na anya dunduko si nikadu ni gaani te? Ono ani idi gayo pai aida, i ki niraki dagba rani.” 24Aboro gako bakporo dunduko ki dege tuyo ka gia sangba aAmora na Sekeme nangia wiriko; i ki yere agu akumba nadu bakporo yo dunduko.
25Ti biata rame mbata ka agangasi dunduko ata wi nga ya, awiri Yakoba ue nangia Simona na Revi, akawiri Dina, i ki rogo gayo basape ki ye ku rogo bakporo ni gbuko, ki iimi akumba dunduko. 26I ki imi aAmora na Sekeme nga wiriko ni basape, i ki di Dina rogo ga Sekeme bambu yo, ki ga na ri. 27Awiri Yakoba ki ye ku auru akangba, ki gbu ahe bakporo yo dunduko, bambiko i awasi dawiriyo. 28I arogodi gayo rimbasa akandoro, na gayo rimbasa abagara, na gayo adongi na agu ahe nadu rogo bakporo na gu nadu ati yo a; 29na gayo ũkumuko dunduko, na rukutu awiriyo na adiayo, i azi yo ki sa ahe, zavura gu nadu dimo yo dunduko vuru. 30Yakoba ki ya fu aSimona na Revi, “Oni ba rungo ti re ki gbarasi rimore dagba aboro gi ringara re, nga aKanano na aPerezo. Were, wa ange nga ani ya ka i dungura tiyo kuti re ki so vura na mi ki ba tungare kpakaya, ani na gimi aborokporo.” 31I ki ya, “Si arengbe ko mangi fu dawirani wa fu debari?”
Currently Selected:
Bambata Pai 34: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Bambata Pai 34
34
Pa irabape Dina
1Were Dina nangia wiri Rea, gu ri ri abatika ri fu Yakoba, ri ki ndu ka bi ade gu ringara re. 2Sekeme nangia bazogo gu ringara re, ko angia wiri Amora nangia boro Iva, ki bi ri, ko ki zi ri, ki ra na ri, ki wasi ri. 3Mbisimo Dina nga wiri Yakoba angba ti ko gbe; ko ki nikpi nyemu gu degude re, ki nifura na ri besemene. 4Sekeme ki pe he fu bako nga Amora, ki ya, “Mo di gu degude re fere ni diare.” 5Were, Yakoba ki gi he ya ko ima wasi wiriko nga Dina; ono awiriko adu nvuo yo na gako zogozogo anya, ka Yakoba akaraga nga pai daho i ayega ni ya. 6Amora nangia ba Sekeme ki ndu koyo du Yakoba ni ka fura na ko. 7Awiri Yakoba ki yega nvuo yo ho i agi he ni; si ki gberẽ agberã ti yo i ki zingi azinga gbe bambiko ko amangi wasiwasi pai dagba aYisaraere wa ko ara na wiri Yakoba, nga gu pai ka boro amanga nga ha ya.
8Amora ki ta fura na yo, niya, “Mbisimo wiro ngba ti wire nga Sekeme; mi nazungadi ro mo idi pa ri fu ko ni diako. 9Ani rogo ade dagba rani na oni; oni fú awironi nga ade fu rani; oni ki rogo awirani nga ade. 10Oni ki moi kporo na ani; ringara ki du fu roni; oni súngu rogo ho ka babaga ahe, oni ki nidungura gaoni ahe rogo ho.” 11Sekeme ki ya fu abari na akawiriri a, “Ka mi ngbá bangironi; gu he oni ka sana re tipa ha mi afú he afu fu roni. 12Ka oni vura sána re tipa bakere marãde na gamahe mi afú he fu roni wa oni ka gumba ha; ono oni fú kina gu degude re fere ni diare.”
13Awiri Yakoba ki karaga pai fu aSekeme na bako nga Amora ni kina biriki, bambiko ko awasi Dina nga dawiriyo. 14I ki ya fu yo wẽ, “Ani arengba nga ka fu dawirani fu gu boro nga zangayeratise te, a ka wasi rimorani. 15Ani nikaida fu roni mbiko kina gi pai re nga ka oni kpí nyemu ka du wa ani: i yére akumba dagba roni dunduko. 16Ani ki fu awirani nga ade fu roni, ani ki rogo awironi nga ade, ani ki nira ramukporo na oni, ani ki ye ka du wa ngbatunga aboro sa. 17Ono ka oni aída nga sangbarani ki yere tironi ya, ani adía wirani adia ki ga.”
18Gayo pai ki ngba ti Amora, na Sekeme, nangia wiri Amora a. 19Ka gu paranga re aima nga ka manga ha ya, bambiko wiri Yakoba angba ti ko gbe. Ko adu ni boro irisa ki susi ga bako aborokporo dunduko. 20AAmora na wiriko nga Sekeme, ki ye ku ngbadimo gayo bakporo ki fura na aboro gayo bakporo, ki ya fu yo, 21“Agi aboro re i zezeredi na ani; si du ani ídi he fu yo i ráki rogo gi ringara re, ki nibabagi gayo ahe rogo ho bambiko ringara ni kikii he rengbe na yo. Ani nirógo awiriyo ni adiarani, ani ki nifu awirani nga ade fu yo a. 22Mbiko kina gi pai sa re agi aboro re ka ida ka sunga dagba rani ti ni, ka du wa ngbatunga aboro sa: nga ka i yere akumba dunduko dagba rani a wa i ayere yo tigayo. 23Ati gayo zogozogo anya, na gayo ahe na anya dunduko si nikadu ni gaani te? Ono ani idi gayo pai aida, i ki niraki dagba rani.” 24Aboro gako bakporo dunduko ki dege tuyo ka gia sangba aAmora na Sekeme nangia wiriko; i ki yere agu akumba nadu bakporo yo dunduko.
25Ti biata rame mbata ka agangasi dunduko ata wi nga ya, awiri Yakoba ue nangia Simona na Revi, akawiri Dina, i ki rogo gayo basape ki ye ku rogo bakporo ni gbuko, ki iimi akumba dunduko. 26I ki imi aAmora na Sekeme nga wiriko ni basape, i ki di Dina rogo ga Sekeme bambu yo, ki ga na ri. 27Awiri Yakoba ki ye ku auru akangba, ki gbu ahe bakporo yo dunduko, bambiko i awasi dawiriyo. 28I arogodi gayo rimbasa akandoro, na gayo rimbasa abagara, na gayo adongi na agu ahe nadu rogo bakporo na gu nadu ati yo a; 29na gayo ũkumuko dunduko, na rukutu awiriyo na adiayo, i azi yo ki sa ahe, zavura gu nadu dimo yo dunduko vuru. 30Yakoba ki ya fu aSimona na Revi, “Oni ba rungo ti re ki gbarasi rimore dagba aboro gi ringara re, nga aKanano na aPerezo. Were, wa ange nga ani ya ka i dungura tiyo kuti re ki so vura na mi ki ba tungare kpakaya, ani na gimi aborokporo.” 31I ki ya, “Si arengbe ko mangi fu dawirani wa fu debari?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.