ตัวแทน 12
12
เฮโรด คมเฮง ครำ ตี เจือ เยซู
1ญาม นัน พะเจายูฮัว เฮโรด ก็ เญ็บ ครำ ตี ทือ เยซู แกด ล็อง นำ ดุ ทำลาย อัห ซีเละ 2นำ ก็ ไล อัห เอิด ดาบ ป็อก มเบิล แอ็ม ยากอบ ตัก เป็น นไจ ยอน นัน
3ทาเน ปึง ครำ ยิว เม็จ เฮโรด มเบิล แอ็ม ยากอบ อัห ก็ เลาะใจ เฮโรด เม็จ อัห เลาะใจ ตี นำ มเบิล ยากอบ นัน นำ ก็ ลบ เญ็บ เปโตร เติล ระ ตัก ลุก วัล ญาม นัน ก็ พวม อัห ซะลอง เทซกาน ป็อง คนมปัง ตัก ไอ มี ซิห เจือ ยีด 4ญาม เฮโรด เญ็บ เปโตร เติล ตัก ลุก แลว อัห ก็ ระ ทฮาน ซี มวด จวย นอย เพา นำ มี มวด นเดย ก็ มี ทฮาน เพา อุ ซี ล็อง แลว เทซกาน แลว ซัง เฮโรด อง ตัดซิน นำ เคิบ มัด ปึง พซาซน 5เปโตร ก็ อุ ตัก ลุก นัน แต ปึง ครำ ตี เจือ เยซู อัห ก็ เฮง ครอ วอน เอาซาง จวย นำ ติกๆ อิซราเอล ญาย 12:1-27
เทวาดา จวย เปโตร ทอก เจ็น ลุก
6ทาเน ตัก แจ็ล ตี เฮโรด อง ตัดซิน เปโตร นัน เปโตร ก็ อวย นไท แอ็ม อัห เอิด โซ เล็ก เปียะ เซ็น ท็อก ระ นำ อัห ระ ทฮาน เปียะ ล็อง เพา นำ อุ นัน ตัก ปะตู ลุก ก็ มี ทฮาน ญ็อง เพา อุ วัล 7เจ็นนะ ก็ พด โตะ เทวาดา คอง งกีจ็อง ญ็อง อุ ตัก นัน แลว ก็ พุก ทาง เล็ห ซะ ตัก ควังใน ลุก นัน เทวาดา ก็ พร็อห เปโตร เทวาดา ก็ ทุๆ ซิห เปโตร ลาย งแก็ง “มัห ร็อห เวิดๆ ดาย” เทวาดา อัง ทาเน โซ เล็ก ตี อัห ท็อก ที เปโตร นัน ก็ ฮัก มพุด แอ็ม ออ ฮัก
8ทาเน เทวาดา ก็ ไล เปโตร ท็อก ทาล เครด ซุก แค็บ จึห โกบ เคริบ เทวาดา นัน เริล เปโตร ก็ แอง ฮุน เทวาดา ไล อน 9เปโตร ก็ เคริบ เทวาดา ทอก เริล เจ็น ลุก นำ ไอ มี เม็จจึด กิว เป็น เทวาดา โตะ จวย ออ นังเลาะ นำ เยา นัง ออ ราย มเพาะ ฮัก 10แลว ปาม ปน แอ็ม เจ็น ทฮาน เพา ญาม มี ตี นัน แลว ปาม ก็ นจาง เริล เล็ห ตัก ปึง ทฮาน มี ตี วัล ปน เจ็น ทฮาน ปึง นัน แลว ปาม ก็ โตะ ตัก ปะตู เล็ก ปะตู เล็ก นัน ก็ ฮัก พลาง ออ ฮัก ปาม ก็ ทอก เจ็น ปะตู เล็ก นัน เล็ห ตัก รวง จ็อง กุด ใน เมือง โตะ ตัก รวง จ็อง แลว เทวาดา ก็ ลด พระ แอ็ม เปโตร ตัก นัน ลด เญ็น งาล แอ็ม
11เจ็นนัน เปโตร ก็ เม็จ นึง ออ เลาะๆ แลว นำ ก็ ลด จ็อก คือเน “ปาโท็ห มานะ เน เอิญ เม็จ แลว ซีเละ งกีจ็อง กิว ระ เทวาดา โตะ จวย เอิญ แลว ซีเละ นำ จวย เอิญ ปน แอ็ม เจ็น อำนาด เฮโรด เคิบ ปึง ยิว นัน” เปโตร อัง 12เปโตร เม็จ นึง ออ เลาะ ฮุนนัน แลว นำ ก็ ลด เริล เจิง มารี ตัก เป็น เม ยอน มาระโก นัน ดก ครำ อัห พซุม นอย อุ นัน อัห ครอ วอน เอาซาง อุ เป็น ปึง ตัก นัน 13เปโตร ก็ งโก็ห ปะตู งเกริก มี อัหเม มี ล็อง เป็น ลูกนอง อัห ซือ นำ ตัก โรดา นำ โตะ ดอม อ็อญ 14นำ เม็จจึด เป็น นเซิง เปโตร นำ ก็ เลาะใจ ซีเละ ไอ มี นำ งเคาะ พลาง ปะตู เตาะ นำ ก็ เล็ง โตะ ไล อัห วาล เค็ย เปโตร ญ็อง อุ ตัก ปะตู แลว 15อัห ก็ ไอ มี เจือ นำ เตาะ อัห เค็ย พีบา นำ วัล แต โรดา ก็ เค็ย กิว เป็น เปโตร นังเลาะ อัห ก็ เยา โรดา เม็จ นัง เทวาดา ตัก เพา เปโตร นัน ฮัก
16แต เปโตร ก็ ควะ งโก็ห ปะตู อุ อัห ก็ พลาง ปะตู เม็จ นำ ญ็อง อุ นัน อัห ก็ ญ็อก งึด มด วัล 17เปโตร ก็ ญ็อก ซิห ที ระ อัห อุ เค็ดๆ นำ ก็ ไล อัห เค็ย งกีจ็อง จวย นำ ปน แอ็ม เจ็น ลุก แลว นำ ก็ ไล อัห เริล ไล ยากอบ เคิบ ปึง ควน นไจ ระ อัห เม็จ มด เจ็นนัน นำ ก็ ลด ทอก เริล ตี ซอ วัล
18ทาเน ปัห ซะ ตัก งกร็อห ปึง ทฮาน ก็ ไอ มี เม็จ เปโตร ตัก ลุก อัห ก็ ญ็อก ซีดุง ตับ ซีดุง แซ็ง มด อัห ไอ มี เม็จจึด เค็ย เปโตร งาล เริล พานเดย พากวา 19เฮโรด ก็ ลด ไล ทฮาน โละ และ นัง เปโตร อัห ก็ ไอ มี เม็จ นัง นำ เตาะ อัห ซ็วน ปึง ทฮาน เพา ญาม ปึง ทฮาน ก็ ไอ มี เม็จ เตาะ เฮโรด ก็ ไล อัห มเบิล แอ็ม ปึง ทฮาน ตี เพา ญาม นัน เจ็นนัน เฮโรด ก็ ทอก เจ็น จังวัด ยูเดีย นำ โตะ พัก อุ ตัก เมือง ซีซารียา นัน วาล
เอาซาง มเบิล เฮโรด
20ทาเน เฮโรด ก็ อ็อด อัง ครำ เมือง ไทระ เคิบ เมือง ไซดอน แต ครำ เมือง นัน ก็ เลอะ มพอล นอย โตะ กอย จ็อก เคิบ เฮโรด อัห ครอ อุ เลาะๆ เคิบ นำ อัห ต็องกาน อุ เลาะ เคิบ เฮโรด ก็ ญอน อัห กุญ ซา เคิบ ซะ ป็อง ตัก ปะเทด คอง เฮโรด นัน แต วาล ไอ ตัน อัห จ็อก เคิบ เฮโรด นัน อัห ก็ โตะ จ็อก เคิบ ลูกนอง นำ มี ล็อง วาล ลูกนอง เฮโรด นัน ซือ ตัก บาลาทัด นำ เป็น ลูกนอง ตี ควบคุม เจิง เฮโรด นัน อัห ครอ ระ บาลาทัด จวย ออ จ็อก เคิบ เฮโรด บาลาทัด ก็ ญอม จวย อัห เจ็นนัน อัห ก็ กุด โตะ จ็อก เคิบ พะเจายูฮัว เฮโรด
21ทาเน ก็ เล็ห งิ ตี อัห นัด นอย พซุม เคิบ เฮโรด นัน เฮโรด ก็ จึห โกบ กซัด เป็น โกบ พิเซด นำ ก็ โตะ คุด อุ ตัก ตี คุด ครึ คอง ออ นัน นำ ก็ จ็อก เคิบ อัห 22ครำ ตี ปัง นำ อุ นัน ก็ งกรอ ซิห เฮโรด คือเน “บัห เน ไอ แมน แญง จ็อก คอง ครำ เตาะ เป็น แญง จ็อก คอง เอาซาง ฮัก” อัห อัง 23เจ็นนะ ก็ พด โตะ เทวาดา คอง เอาซาง มี ล็อง แอง ระ นำ แร็ง โซะ เท็ม ซีเละ เป็น ตัก นำ ไอ มี อน เกียด ตัก เอาซาง เจ็นนัน แซด ก็ รูบ โตะ ป็อง แอ็ม นัง นำ เฮโรด ก็ ลด เปิล แอ็ม 24แต เลือง งกีจ็อง ก็ เฮง เคริบ แปร เริล ติกๆ
25ทาเน บานาบัด เคิบ เซาโล นัน ก็ เอิด เงิน ตัก คริซจัก อันทิโอก ซับ อน ตัก อัหแกะ ตี ซับรวง คริซจัก เยรูซาเล็ม แลว ปาม อน ตัก อัห แลว ปาม ก็ ทอก เจ็น เมือง เยรูซาเล็ม นัน ปาม วัล ออ ตัก อันทิโอก ปาม ก็ ซับ ยอน ตี อัห เค็ย มาระโก นัน เริล เลิม
Currently Selected:
ตัวแทน 12: Prai
Highlight
Share
Copy
Want to have your highlights saved across all your devices? Sign up or sign in
Global Partners
ตัวแทน 12
12
เฮโรด คมเฮง ครำ ตี เจือ เยซู
1ญาม นัน พะเจายูฮัว เฮโรด ก็ เญ็บ ครำ ตี ทือ เยซู แกด ล็อง นำ ดุ ทำลาย อัห ซีเละ 2นำ ก็ ไล อัห เอิด ดาบ ป็อก มเบิล แอ็ม ยากอบ ตัก เป็น นไจ ยอน นัน
3ทาเน ปึง ครำ ยิว เม็จ เฮโรด มเบิล แอ็ม ยากอบ อัห ก็ เลาะใจ เฮโรด เม็จ อัห เลาะใจ ตี นำ มเบิล ยากอบ นัน นำ ก็ ลบ เญ็บ เปโตร เติล ระ ตัก ลุก วัล ญาม นัน ก็ พวม อัห ซะลอง เทซกาน ป็อง คนมปัง ตัก ไอ มี ซิห เจือ ยีด 4ญาม เฮโรด เญ็บ เปโตร เติล ตัก ลุก แลว อัห ก็ ระ ทฮาน ซี มวด จวย นอย เพา นำ มี มวด นเดย ก็ มี ทฮาน เพา อุ ซี ล็อง แลว เทซกาน แลว ซัง เฮโรด อง ตัดซิน นำ เคิบ มัด ปึง พซาซน 5เปโตร ก็ อุ ตัก ลุก นัน แต ปึง ครำ ตี เจือ เยซู อัห ก็ เฮง ครอ วอน เอาซาง จวย นำ ติกๆ อิซราเอล ญาย 12:1-27
เทวาดา จวย เปโตร ทอก เจ็น ลุก
6ทาเน ตัก แจ็ล ตี เฮโรด อง ตัดซิน เปโตร นัน เปโตร ก็ อวย นไท แอ็ม อัห เอิด โซ เล็ก เปียะ เซ็น ท็อก ระ นำ อัห ระ ทฮาน เปียะ ล็อง เพา นำ อุ นัน ตัก ปะตู ลุก ก็ มี ทฮาน ญ็อง เพา อุ วัล 7เจ็นนะ ก็ พด โตะ เทวาดา คอง งกีจ็อง ญ็อง อุ ตัก นัน แลว ก็ พุก ทาง เล็ห ซะ ตัก ควังใน ลุก นัน เทวาดา ก็ พร็อห เปโตร เทวาดา ก็ ทุๆ ซิห เปโตร ลาย งแก็ง “มัห ร็อห เวิดๆ ดาย” เทวาดา อัง ทาเน โซ เล็ก ตี อัห ท็อก ที เปโตร นัน ก็ ฮัก มพุด แอ็ม ออ ฮัก
8ทาเน เทวาดา ก็ ไล เปโตร ท็อก ทาล เครด ซุก แค็บ จึห โกบ เคริบ เทวาดา นัน เริล เปโตร ก็ แอง ฮุน เทวาดา ไล อน 9เปโตร ก็ เคริบ เทวาดา ทอก เริล เจ็น ลุก นำ ไอ มี เม็จจึด กิว เป็น เทวาดา โตะ จวย ออ นังเลาะ นำ เยา นัง ออ ราย มเพาะ ฮัก 10แลว ปาม ปน แอ็ม เจ็น ทฮาน เพา ญาม มี ตี นัน แลว ปาม ก็ นจาง เริล เล็ห ตัก ปึง ทฮาน มี ตี วัล ปน เจ็น ทฮาน ปึง นัน แลว ปาม ก็ โตะ ตัก ปะตู เล็ก ปะตู เล็ก นัน ก็ ฮัก พลาง ออ ฮัก ปาม ก็ ทอก เจ็น ปะตู เล็ก นัน เล็ห ตัก รวง จ็อง กุด ใน เมือง โตะ ตัก รวง จ็อง แลว เทวาดา ก็ ลด พระ แอ็ม เปโตร ตัก นัน ลด เญ็น งาล แอ็ม
11เจ็นนัน เปโตร ก็ เม็จ นึง ออ เลาะๆ แลว นำ ก็ ลด จ็อก คือเน “ปาโท็ห มานะ เน เอิญ เม็จ แลว ซีเละ งกีจ็อง กิว ระ เทวาดา โตะ จวย เอิญ แลว ซีเละ นำ จวย เอิญ ปน แอ็ม เจ็น อำนาด เฮโรด เคิบ ปึง ยิว นัน” เปโตร อัง 12เปโตร เม็จ นึง ออ เลาะ ฮุนนัน แลว นำ ก็ ลด เริล เจิง มารี ตัก เป็น เม ยอน มาระโก นัน ดก ครำ อัห พซุม นอย อุ นัน อัห ครอ วอน เอาซาง อุ เป็น ปึง ตัก นัน 13เปโตร ก็ งโก็ห ปะตู งเกริก มี อัหเม มี ล็อง เป็น ลูกนอง อัห ซือ นำ ตัก โรดา นำ โตะ ดอม อ็อญ 14นำ เม็จจึด เป็น นเซิง เปโตร นำ ก็ เลาะใจ ซีเละ ไอ มี นำ งเคาะ พลาง ปะตู เตาะ นำ ก็ เล็ง โตะ ไล อัห วาล เค็ย เปโตร ญ็อง อุ ตัก ปะตู แลว 15อัห ก็ ไอ มี เจือ นำ เตาะ อัห เค็ย พีบา นำ วัล แต โรดา ก็ เค็ย กิว เป็น เปโตร นังเลาะ อัห ก็ เยา โรดา เม็จ นัง เทวาดา ตัก เพา เปโตร นัน ฮัก
16แต เปโตร ก็ ควะ งโก็ห ปะตู อุ อัห ก็ พลาง ปะตู เม็จ นำ ญ็อง อุ นัน อัห ก็ ญ็อก งึด มด วัล 17เปโตร ก็ ญ็อก ซิห ที ระ อัห อุ เค็ดๆ นำ ก็ ไล อัห เค็ย งกีจ็อง จวย นำ ปน แอ็ม เจ็น ลุก แลว นำ ก็ ไล อัห เริล ไล ยากอบ เคิบ ปึง ควน นไจ ระ อัห เม็จ มด เจ็นนัน นำ ก็ ลด ทอก เริล ตี ซอ วัล
18ทาเน ปัห ซะ ตัก งกร็อห ปึง ทฮาน ก็ ไอ มี เม็จ เปโตร ตัก ลุก อัห ก็ ญ็อก ซีดุง ตับ ซีดุง แซ็ง มด อัห ไอ มี เม็จจึด เค็ย เปโตร งาล เริล พานเดย พากวา 19เฮโรด ก็ ลด ไล ทฮาน โละ และ นัง เปโตร อัห ก็ ไอ มี เม็จ นัง นำ เตาะ อัห ซ็วน ปึง ทฮาน เพา ญาม ปึง ทฮาน ก็ ไอ มี เม็จ เตาะ เฮโรด ก็ ไล อัห มเบิล แอ็ม ปึง ทฮาน ตี เพา ญาม นัน เจ็นนัน เฮโรด ก็ ทอก เจ็น จังวัด ยูเดีย นำ โตะ พัก อุ ตัก เมือง ซีซารียา นัน วาล
เอาซาง มเบิล เฮโรด
20ทาเน เฮโรด ก็ อ็อด อัง ครำ เมือง ไทระ เคิบ เมือง ไซดอน แต ครำ เมือง นัน ก็ เลอะ มพอล นอย โตะ กอย จ็อก เคิบ เฮโรด อัห ครอ อุ เลาะๆ เคิบ นำ อัห ต็องกาน อุ เลาะ เคิบ เฮโรด ก็ ญอน อัห กุญ ซา เคิบ ซะ ป็อง ตัก ปะเทด คอง เฮโรด นัน แต วาล ไอ ตัน อัห จ็อก เคิบ เฮโรด นัน อัห ก็ โตะ จ็อก เคิบ ลูกนอง นำ มี ล็อง วาล ลูกนอง เฮโรด นัน ซือ ตัก บาลาทัด นำ เป็น ลูกนอง ตี ควบคุม เจิง เฮโรด นัน อัห ครอ ระ บาลาทัด จวย ออ จ็อก เคิบ เฮโรด บาลาทัด ก็ ญอม จวย อัห เจ็นนัน อัห ก็ กุด โตะ จ็อก เคิบ พะเจายูฮัว เฮโรด
21ทาเน ก็ เล็ห งิ ตี อัห นัด นอย พซุม เคิบ เฮโรด นัน เฮโรด ก็ จึห โกบ กซัด เป็น โกบ พิเซด นำ ก็ โตะ คุด อุ ตัก ตี คุด ครึ คอง ออ นัน นำ ก็ จ็อก เคิบ อัห 22ครำ ตี ปัง นำ อุ นัน ก็ งกรอ ซิห เฮโรด คือเน “บัห เน ไอ แมน แญง จ็อก คอง ครำ เตาะ เป็น แญง จ็อก คอง เอาซาง ฮัก” อัห อัง 23เจ็นนะ ก็ พด โตะ เทวาดา คอง เอาซาง มี ล็อง แอง ระ นำ แร็ง โซะ เท็ม ซีเละ เป็น ตัก นำ ไอ มี อน เกียด ตัก เอาซาง เจ็นนัน แซด ก็ รูบ โตะ ป็อง แอ็ม นัง นำ เฮโรด ก็ ลด เปิล แอ็ม 24แต เลือง งกีจ็อง ก็ เฮง เคริบ แปร เริล ติกๆ
25ทาเน บานาบัด เคิบ เซาโล นัน ก็ เอิด เงิน ตัก คริซจัก อันทิโอก ซับ อน ตัก อัหแกะ ตี ซับรวง คริซจัก เยรูซาเล็ม แลว ปาม อน ตัก อัห แลว ปาม ก็ ทอก เจ็น เมือง เยรูซาเล็ม นัน ปาม วัล ออ ตัก อันทิโอก ปาม ก็ ซับ ยอน ตี อัห เค็ย มาระโก นัน เริล เลิม
Currently Selected:
:
Highlight
Share
Copy
Want to have your highlights saved across all your devices? Sign up or sign in
Global Partners