ตัวแทน 14
14
เปาโล เคิบ บานาบัด เริล อีโคนียูม
1ทาเน ญาม เปาโล เคิบ บานาบัด เล็ห ตัก เมือง อีโคนียูม แลว ปาม ก็ กุด ฮ็อง พซุม ครำ ยิว ฮุน จู ลบ นัน ปาม ก็ ลด ไล แญง เอาซาง อน ตัก อัห ปาม จ็อก แบบ มี เฮดพน จำปอ มี ครำ เจือ ดก ซีเละ ครำ ตี เจือ ปาม นัน ก็ มี ครำ ยิว แด มี ครำ กรอก ซอ แด 2แต ก็ มี ครำ ยิว แกด ล็อง ตี ไอ มี ญอม เจือ ปาม อัห ก็ ซุย ครำ กรอก ซอ ระ อัห เซ็ห อัง ปึง ควน นไจ ตี เจือ เยซู 3แต ปาม ก็ ไล แญง เอาซาง อุ ตัก นัน อิงๆ ปาม ก็ ฮาน จ็อก เคิบ อัห เลือง เยซู ซีเละ เอาซาง ก็ จวย ระ ปาม แอง ซะ แปลก ดก มบลึ ระ พซาซน เม็จจึด เค็ย เลือง ตี ปาม ไล อัห นัน กิว เป็น เลือง นังเลาะ เอาซาง จวย ระ อัห เม็จจึด เค็ย นำ กิว แอง เลาะ ซิห แอ ซีเละ มอก ปาม เค็ย นัน 4แต ปึง พซาซน อัห แตก นอย เป็น เปียะ ปึง มี มบรัห ก็ เจือ ปึง ตัวแทน เยซู มี มบรัห ก็ เจือ ครำ ยิว 5แต ปึง ครำ ยิว เน เคิบ ครำ กรอก ซอ แด เคิบ ปึง เจานาย คอง อัห นัน อัห ก็ กุญ ใจ นอย เลิมๆ อง มเบิล แอ็ม ปา เปาโล อัห อง เอิด เกียง นดืม แอ็ม ปาม 6ปาม เม็จ ฮุนนัน แลว ปาม ก็ ลด ปัด เริล จังวัด ลีคาโอเนีย โตะ ตัก นัน แลว ปาม ก็ โละ แอว เมือง ลิดตา เมือง เดอบี เคิบ งวัล ติๆ พานัน 7ปาม ก็ ไล คาว เลาะ นัน อน ตัก ปึง พซาซน ปัง ติกๆ
อัห นดืม เปาโล ตัก เมือง ลิดตา
8-9ทาเน ตัก เมือง ลิดตา นัน ก็ มี ครำ แว็ล มี ล็อง นำ แว็ล เจ็น เกิด ไอ มี เกย นำ นจาง ซัก มี ลบ นำ ก็ คุด ปัง แญง เปาโล อุ เปาโล ก็ ที ดอม นำ เปาโล เม็จ นำ เจือ จำปอ งาล แว็ล กุญ 10เปาโล ก็ จ็อก แร็ง นเซิง มี ติด ซิห เอา นัน “ร็อห ญ็อง ดาย” เปาโล อัง เอา นัน ก็ ซีนุก ร็อห ลด นจาง เริล เปลๆ นัน 11ปึง อัห ตี โตะ ปัง เปาโล อัห เม็จ เปาโล แอง คือนัน อัห ก็ นซาก โป แญง ลีคาโอเนีย อัห เค็ย “เทวาดา จูล โตะ เจ็น ทึห แอง เป็น นัง ครำ โตะ และ แอ แลว” อัห อัง 12อัห เค็ย บานาบัด เป็น พญาซุด อัห เค็ย เปาโล เป็น พญาเฮอเมด#ค 12 อัห เค็ย เปาโล เป็น พญาเฮอเมด เพาะวา อัห ทือ เค็ย พญาเฮอเมด เป็น ลาม คอง ปึง เทวาดา เป็น ตัก เปาโล จ็อก ไล ดก
13ทาเน ก็ มี วัด พญาซุด อุ ลัห นเดะ เมือง ติๆ นัน เอามอ พญาซุด ก็ ซวร ซับ งัว เคิบ พวง มาไล เคิง ปะตู เมือง เอามอ เคิบ ปึง พซาซน บัก และ มเบิล งัว ลัง แอง ซะ อน ปาม 14ปาม เม็จ อัห แอง คือนัน ปาม ก็ ไอ มี เลาะใจ เตาะ ปาม ก็ ซาก แร็ห โกบ ลด เล็ง กุด เคิง ล็อง อัห ปาม ก็ ไล อัห คือเน 15“ฮี เอิห แป แอง ซีวะ จังเน เต็ห ดอม กา เยอะ ก็ เป็น ครำ ทำมาดา มอก แป เน ดุห เยอะ ไอ แมน เทวาดา ซัง เยอะ โตะ ตัก เน ก็ เยอะ โตะ ไล คาว เลาะ อน ตัก แป ฮัก ระ แป พระ แอ็ม ซะ ตี ไอ มี คิ เน แป ทือ เอาซาง ตี รีด อุ ตลอด นัน ซัง เลาะ นำ แอง วาง แอง ซิก แอง นอก เคิบ ซะ จู มบลึ ตัก มี อุ ใน โลก แพนซิก เน มด 16เอาซาง ก็ ญอม ระ แอ เน จู กรอก แอง ตาม ใจ ออ เจ็น ตัก อิง แลว 17แต นำ ไอ มี พระ แอ เตาะ นำ ระ แอ เม็จจึด เค็ย นำ กิว มี ซีเละ นำ ระ แอ เคาใจ เค็ย นำ กิว เป็น งกีจ็อง คอง แอ ซีเละ เจ็นนัน นำ ก็ มี พญาน พญาน นัน ก็ เป็น เมียะ ตี นำ ระ เล็ห เจ็น วาง ทึห แอ ก็ กุญ ซิห ซา เล็ห นวจ แพละ แลว เอาซาง ก็ ระ เล็ห แพละ ระ แอ มี ป็อง อิมๆ วัล ระ แอ เลาะใจ เลาะคอ นำ แอง เลาะ จู มบลึ เน ระ แอ เม็จจึด เค็ย นำ กิว เป็น งกี แอ ซีเละ” ปาม อัง
18ปาม ไล อัห คือนัน แลว ก็ แมะ บัก ไอ แป มบราง อัห ตี อัห บัก และ เอิด งัว มเบิล แอง ซะ อน ปาม นัน
19แต มี ครำ ยิว แกด ล็อง อัห โตะ เจ็น เมือง อันทิโอก เคิบ เมือง อีโคนียูม ตัก อุ จังวัด ปีซีเดีย นัน อัห โตะ มพอล ปึง พซาซน ระ อัห มเบิล แอ็ม เปาโล แลว อัห มพอล ปึง พซาซน แลว อัห ก็ เอิด เกียง รูบ กวาง เปาโล อัห เยา เปิล นำ แลว อัห ก็ ปรูด ลาก เอิด นำ ทอก เจ็น เมือง พระ ระ นำ ตัก ซะร็อห เมือง 20แต ปึง ครำ ตี เจือ เยซู อัห เลอะ โตะ แกวด นัง นำ เจ็นนัน นำ ก็ ร็อห เริล ใน เมือง วัล คือ งิ กรัก วัล เปาโล เคิบ บานาบัด ก็ เริล เมือง เดอบี 21ปาม โตะ ตัก เดอบี แลว ปาม ก็ ไล คาว เลาะ คาว แลม นัน อน อัห ปัง ดก ครำ เจือ ดก ครำ เป็น ลูกนอง งกีจ็อง
เจ็นนัน วัล เปาโล เคิบ บานาบัด ก็ ลบ วัล โตะ ตัก เมือง ลิดตา เมือง อีโคนียูม เมือง อันทิโอก มี ลบ วัล 22ปาม จวย ระ ครำ ตี เจือ เยซู มี กำลัง ใจ ปาม จวย ระ อัห เฮง แก็นใจ เจือ เยซู ติกๆ ปาม ก็ เพีย ไล อน เค็ย “กัน แอ ญอม ระ เอาซาง ปกคอง ออ แอ ก็ ต็อง ลำบาก ดก มบลึ แอ ก็ ต็อง อด เอิด” ปาม อัง 23เจ็นนัน ปาม ก็ ลด เลือก เอิด ครำ ตี ซับรวง คริซจัก มด จู ตี ระ อัห เป็น ครำ ตี ซับรวง คริซจัก ออ ฮัก ปาม ก็ อด จะ ครอ วอน เอาซาง ปาม ครอ วอน เอาซาง เพือ อัหแกะ ตี ซับรวง คริซจัก นัน ปาม ก็ ลด มอบ ปึง อัห นัน อน ตัก งกีจ็อง ตี อัห ทือ นัน
24เจ็นนัน ปาม ก็ เริล ออ ติกๆ ปาม มเพ็จ คาม จังวัด ปีซีเดีย พด โตะ จังวัด ปำฟีเลีย 25ปาม ก็ ไล แญง เอาซาง อน ตัก ครำ เมือง เปอกา#ค 25 “เปอกา” เปอกา เป็น เมือง ลวง จังวัด ปำฟีเลีย เจ็นนัน ปาม ก็ เริล ตัก เมือง อัดทาลิยา นเซ็บ วัล 26เจ็นนัน ปาม ก็ ต็อก เฮือ เริล เจ็น เมือง เปอกา นัน ลวด เริล เมือง อันทิโอก กำนา นัน ก็ เป็น คริซจัก อันทิโอก เน ตี ไล ปาม ทอก เริล ตี ซอ นัน ญาม นัน อัห เกย ครอ วอน ระ เอาซาง แอง เลาะ ซิห ปาม ทาเน งาน ตี อัห มอบ อน ตัก ปาม แอง นัน ปาม ก็ แอง แลวๆ ปาม ก็ โตะ เลามุน เลือง นัน อน ตัก ครำ อันทิโอก ปัง วัล
27โตะ ปาม แลว ปาม ก็ มพอล ครำ ตี เจือ เยซู โตะ พซุม นอย เป็น ปึง ปาม ก็ เลามุน จู มบลึ ตี เอาซาง อุ เคิบ ปาม จวย ปาม แอง นัน ปาม ก็ ไล อัห เค็ย เอาซาง ระ ครำ กรอก ซอ เจือ เยซู กุญ มด 28ปาม ลด พัก อุ เคิบ ครำ ตี เจือ เยซู ตัก นัน อิง แดๆ
Currently Selected:
ตัวแทน 14: Prai
Highlight
Share
Copy
Want to have your highlights saved across all your devices? Sign up or sign in
Global Partners
ตัวแทน 14
14
เปาโล เคิบ บานาบัด เริล อีโคนียูม
1ทาเน ญาม เปาโล เคิบ บานาบัด เล็ห ตัก เมือง อีโคนียูม แลว ปาม ก็ กุด ฮ็อง พซุม ครำ ยิว ฮุน จู ลบ นัน ปาม ก็ ลด ไล แญง เอาซาง อน ตัก อัห ปาม จ็อก แบบ มี เฮดพน จำปอ มี ครำ เจือ ดก ซีเละ ครำ ตี เจือ ปาม นัน ก็ มี ครำ ยิว แด มี ครำ กรอก ซอ แด 2แต ก็ มี ครำ ยิว แกด ล็อง ตี ไอ มี ญอม เจือ ปาม อัห ก็ ซุย ครำ กรอก ซอ ระ อัห เซ็ห อัง ปึง ควน นไจ ตี เจือ เยซู 3แต ปาม ก็ ไล แญง เอาซาง อุ ตัก นัน อิงๆ ปาม ก็ ฮาน จ็อก เคิบ อัห เลือง เยซู ซีเละ เอาซาง ก็ จวย ระ ปาม แอง ซะ แปลก ดก มบลึ ระ พซาซน เม็จจึด เค็ย เลือง ตี ปาม ไล อัห นัน กิว เป็น เลือง นังเลาะ เอาซาง จวย ระ อัห เม็จจึด เค็ย นำ กิว แอง เลาะ ซิห แอ ซีเละ มอก ปาม เค็ย นัน 4แต ปึง พซาซน อัห แตก นอย เป็น เปียะ ปึง มี มบรัห ก็ เจือ ปึง ตัวแทน เยซู มี มบรัห ก็ เจือ ครำ ยิว 5แต ปึง ครำ ยิว เน เคิบ ครำ กรอก ซอ แด เคิบ ปึง เจานาย คอง อัห นัน อัห ก็ กุญ ใจ นอย เลิมๆ อง มเบิล แอ็ม ปา เปาโล อัห อง เอิด เกียง นดืม แอ็ม ปาม 6ปาม เม็จ ฮุนนัน แลว ปาม ก็ ลด ปัด เริล จังวัด ลีคาโอเนีย โตะ ตัก นัน แลว ปาม ก็ โละ แอว เมือง ลิดตา เมือง เดอบี เคิบ งวัล ติๆ พานัน 7ปาม ก็ ไล คาว เลาะ นัน อน ตัก ปึง พซาซน ปัง ติกๆ
อัห นดืม เปาโล ตัก เมือง ลิดตา
8-9ทาเน ตัก เมือง ลิดตา นัน ก็ มี ครำ แว็ล มี ล็อง นำ แว็ล เจ็น เกิด ไอ มี เกย นำ นจาง ซัก มี ลบ นำ ก็ คุด ปัง แญง เปาโล อุ เปาโล ก็ ที ดอม นำ เปาโล เม็จ นำ เจือ จำปอ งาล แว็ล กุญ 10เปาโล ก็ จ็อก แร็ง นเซิง มี ติด ซิห เอา นัน “ร็อห ญ็อง ดาย” เปาโล อัง เอา นัน ก็ ซีนุก ร็อห ลด นจาง เริล เปลๆ นัน 11ปึง อัห ตี โตะ ปัง เปาโล อัห เม็จ เปาโล แอง คือนัน อัห ก็ นซาก โป แญง ลีคาโอเนีย อัห เค็ย “เทวาดา จูล โตะ เจ็น ทึห แอง เป็น นัง ครำ โตะ และ แอ แลว” อัห อัง 12อัห เค็ย บานาบัด เป็น พญาซุด อัห เค็ย เปาโล เป็น พญาเฮอเมด#ค 12 อัห เค็ย เปาโล เป็น พญาเฮอเมด เพาะวา อัห ทือ เค็ย พญาเฮอเมด เป็น ลาม คอง ปึง เทวาดา เป็น ตัก เปาโล จ็อก ไล ดก
13ทาเน ก็ มี วัด พญาซุด อุ ลัห นเดะ เมือง ติๆ นัน เอามอ พญาซุด ก็ ซวร ซับ งัว เคิบ พวง มาไล เคิง ปะตู เมือง เอามอ เคิบ ปึง พซาซน บัก และ มเบิล งัว ลัง แอง ซะ อน ปาม 14ปาม เม็จ อัห แอง คือนัน ปาม ก็ ไอ มี เลาะใจ เตาะ ปาม ก็ ซาก แร็ห โกบ ลด เล็ง กุด เคิง ล็อง อัห ปาม ก็ ไล อัห คือเน 15“ฮี เอิห แป แอง ซีวะ จังเน เต็ห ดอม กา เยอะ ก็ เป็น ครำ ทำมาดา มอก แป เน ดุห เยอะ ไอ แมน เทวาดา ซัง เยอะ โตะ ตัก เน ก็ เยอะ โตะ ไล คาว เลาะ อน ตัก แป ฮัก ระ แป พระ แอ็ม ซะ ตี ไอ มี คิ เน แป ทือ เอาซาง ตี รีด อุ ตลอด นัน ซัง เลาะ นำ แอง วาง แอง ซิก แอง นอก เคิบ ซะ จู มบลึ ตัก มี อุ ใน โลก แพนซิก เน มด 16เอาซาง ก็ ญอม ระ แอ เน จู กรอก แอง ตาม ใจ ออ เจ็น ตัก อิง แลว 17แต นำ ไอ มี พระ แอ เตาะ นำ ระ แอ เม็จจึด เค็ย นำ กิว มี ซีเละ นำ ระ แอ เคาใจ เค็ย นำ กิว เป็น งกีจ็อง คอง แอ ซีเละ เจ็นนัน นำ ก็ มี พญาน พญาน นัน ก็ เป็น เมียะ ตี นำ ระ เล็ห เจ็น วาง ทึห แอ ก็ กุญ ซิห ซา เล็ห นวจ แพละ แลว เอาซาง ก็ ระ เล็ห แพละ ระ แอ มี ป็อง อิมๆ วัล ระ แอ เลาะใจ เลาะคอ นำ แอง เลาะ จู มบลึ เน ระ แอ เม็จจึด เค็ย นำ กิว เป็น งกี แอ ซีเละ” ปาม อัง
18ปาม ไล อัห คือนัน แลว ก็ แมะ บัก ไอ แป มบราง อัห ตี อัห บัก และ เอิด งัว มเบิล แอง ซะ อน ปาม นัน
19แต มี ครำ ยิว แกด ล็อง อัห โตะ เจ็น เมือง อันทิโอก เคิบ เมือง อีโคนียูม ตัก อุ จังวัด ปีซีเดีย นัน อัห โตะ มพอล ปึง พซาซน ระ อัห มเบิล แอ็ม เปาโล แลว อัห มพอล ปึง พซาซน แลว อัห ก็ เอิด เกียง รูบ กวาง เปาโล อัห เยา เปิล นำ แลว อัห ก็ ปรูด ลาก เอิด นำ ทอก เจ็น เมือง พระ ระ นำ ตัก ซะร็อห เมือง 20แต ปึง ครำ ตี เจือ เยซู อัห เลอะ โตะ แกวด นัง นำ เจ็นนัน นำ ก็ ร็อห เริล ใน เมือง วัล คือ งิ กรัก วัล เปาโล เคิบ บานาบัด ก็ เริล เมือง เดอบี 21ปาม โตะ ตัก เดอบี แลว ปาม ก็ ไล คาว เลาะ คาว แลม นัน อน อัห ปัง ดก ครำ เจือ ดก ครำ เป็น ลูกนอง งกีจ็อง
เจ็นนัน วัล เปาโล เคิบ บานาบัด ก็ ลบ วัล โตะ ตัก เมือง ลิดตา เมือง อีโคนียูม เมือง อันทิโอก มี ลบ วัล 22ปาม จวย ระ ครำ ตี เจือ เยซู มี กำลัง ใจ ปาม จวย ระ อัห เฮง แก็นใจ เจือ เยซู ติกๆ ปาม ก็ เพีย ไล อน เค็ย “กัน แอ ญอม ระ เอาซาง ปกคอง ออ แอ ก็ ต็อง ลำบาก ดก มบลึ แอ ก็ ต็อง อด เอิด” ปาม อัง 23เจ็นนัน ปาม ก็ ลด เลือก เอิด ครำ ตี ซับรวง คริซจัก มด จู ตี ระ อัห เป็น ครำ ตี ซับรวง คริซจัก ออ ฮัก ปาม ก็ อด จะ ครอ วอน เอาซาง ปาม ครอ วอน เอาซาง เพือ อัหแกะ ตี ซับรวง คริซจัก นัน ปาม ก็ ลด มอบ ปึง อัห นัน อน ตัก งกีจ็อง ตี อัห ทือ นัน
24เจ็นนัน ปาม ก็ เริล ออ ติกๆ ปาม มเพ็จ คาม จังวัด ปีซีเดีย พด โตะ จังวัด ปำฟีเลีย 25ปาม ก็ ไล แญง เอาซาง อน ตัก ครำ เมือง เปอกา#ค 25 “เปอกา” เปอกา เป็น เมือง ลวง จังวัด ปำฟีเลีย เจ็นนัน ปาม ก็ เริล ตัก เมือง อัดทาลิยา นเซ็บ วัล 26เจ็นนัน ปาม ก็ ต็อก เฮือ เริล เจ็น เมือง เปอกา นัน ลวด เริล เมือง อันทิโอก กำนา นัน ก็ เป็น คริซจัก อันทิโอก เน ตี ไล ปาม ทอก เริล ตี ซอ นัน ญาม นัน อัห เกย ครอ วอน ระ เอาซาง แอง เลาะ ซิห ปาม ทาเน งาน ตี อัห มอบ อน ตัก ปาม แอง นัน ปาม ก็ แอง แลวๆ ปาม ก็ โตะ เลามุน เลือง นัน อน ตัก ครำ อันทิโอก ปัง วัล
27โตะ ปาม แลว ปาม ก็ มพอล ครำ ตี เจือ เยซู โตะ พซุม นอย เป็น ปึง ปาม ก็ เลามุน จู มบลึ ตี เอาซาง อุ เคิบ ปาม จวย ปาม แอง นัน ปาม ก็ ไล อัห เค็ย เอาซาง ระ ครำ กรอก ซอ เจือ เยซู กุญ มด 28ปาม ลด พัก อุ เคิบ ครำ ตี เจือ เยซู ตัก นัน อิง แดๆ
Currently Selected:
:
Highlight
Share
Copy
Want to have your highlights saved across all your devices? Sign up or sign in
Global Partners