เกาตีนา 15
15
เอาซาง ซันญา เคิบ อับราม
1อุ ไอ มี ปอ อิง เจ็นนัน วัล เยโฮวา ก็ ระ อับราม เม็จ ออ นำ ก็ ไล อับราม ฮุนเน “อับราม เฮย อำ มัห นเจิก เตาะ ดาย เอิญ ดอม มัห เอิญ รักซา มัห เลาะๆ ไอ มี ระ ซีวะ อัง มัห ดาย เอิญ ก็ อวยพอน มัห เอิญ อน รางวัน เลาะๆ ตัก มัห ดาย” เอาซาง อัง
2อับราม ก็ ซวัล จังเน “เยโฮวา งกี เฮย มัห อน รางวัน ซีวะ ตัก เอิญ ก็ ตึก ไอ มี ปะโยด ซัง เอิญ ไอ มี ควัน ซืบ เอิด บัดนะ ดุห เอลีเอเซอ ครำ เมือง ดามากัด นัน นำ ซืบ กากุน เอิญ บัดนะ ฮัก ดาย 3มัห ไอ มี อน ควัน ตัก เอิญ เอิญ ก็ ไอ มี ควัน ซืบ เอิด กากุน ออ ต็อง เป็น ลูกนอง คอง เอิญ ฮัก ซืบ เอิด กากุน เอิญ บัดนะ” อับราม อัง
4ทาเน เยโฮวา ก็ ไล อับราม ฮุนเน วัล “เอลีเอเซอ ลูกนอง มัห นัน นำ ซืบ เอิด กากุน มัห ไอ มี กุญ ดาย ต็อง เป็น ควัน มัห ฮัก นัน ซืบ เอิด กากุน มัห ฮัก” เอาซาง อัง 5เจ็นนัน เอาซาง ก็ มพอล อับราม ทอก เริล ซะร็อห อับราม ก็ ทอก เจ็น พาเต็น เอาซาง ก็ ไล นำ ดอม วาง “มัห ดอม วาง นทึห นัน ดาย มัห ดอม ซีเม็ญ นัน กัน มัห นับ กุญ ก็ มัห นับ นทึห เตาะ บัดนะ ควัน งา มัห ก็ ดก มอก ซีเม็ญ นัน” เอาซาง อัง
6อับราม ก็ เจือ เอาซาง เอาซาง ก็ ปอใจ เคิบ นำ ญอน นำ เจือ เอาซาง นัน เอาซาง ก็ ลด เค็ย นำ เป็น ครำ เลาะ ครำ ซือ#ค 6 เอาซาง เค็ย ปอใจ เคิบ อับราฮัม ญอน นำ เจือ แญง เอาซาง เน เป็น ลบ แรก ตี แอ เม็จ เค็ย ครำ แอ เน ปน แอ็ม เจ็น ลุห ญอน แอ เจือ เอาซาง 7เอาซาง ก็ ไล นำ คือเน วัล “เอิญ เป็น เยโฮวา งกี มัห ดาย กำนา เอิญ ซับรวง มัห ทอก เจ็น เมือง เออ ตัก เป็น ครำ เคเดีย นัน เอิญ ซับรวง มัห โตะ ตัก เน แลว ตี ซิก เน เอิญ ก็ อน ตัก มัห ระ เป็น กากุน คอง มัห ฮัก” เอาซาง อัง
8อับราม ก็ ซ็วน เอาซาง คือเน “เยโฮวา งกีจ็อง เฮย เอิญ เม็จจึด จังนัก มัห กิว อน ตี ซิก เน ตัก เอิญ” อับราม อัง 9เอาซาง ก็ ไล นำ ฮุนเน “กัน จังนะ มัห ก็ ต็อง แอง ฮุนเน ซัง มัห เม็จจึด เค็ย เอิญ กิว อน ตี ซิก เน ตัก มัห มัห เอิด งัว นัง เม็ย มี นัง อาญุ แพะ วาง แปะ นัง เม็ย มี นัง อาญุ แพะ วาง แกะ นัง เอา มี นัง อาญุ แพะ วาง เจ็นนัน ก็ เอิด เซ็ม พิราบ มี นัง เอิด งกรุก มี นัง ซับ อน ตัก เอิญ มัห โพ็ห ระ เป็น เปียะ เพียห ดาย” เอาซาง อัง
10อับราม ก็ เอิด งัว แปะ แกะ เซ็ม นัน ซับ ทวาย อน ตัก เอาซาง นำ ก็ มาง โพ็ห ล็อง ระ เพียห โตน มี แท็ว เพียห แต็ห มี แท็ว ระ มบลึ นเดย มบลึ นัน ซือ นอย ฮัก แต นัง เซ็ม นัน นำ ไอ มี โพ็ห เตาะ นำ พระ ระ เลิม นัน 11แลว นำ พระ เซ็จ นัน แลว ก็ โตะ ปึง ฮุง อี พาล โตะ อี และ ป็อง เซ็จ นัน อับราม ก็ มบรึห แอ็ม
12ทาเน ก็ บัก และ เทิ๊บ งิ อับราม ก็ อวย ญึด นไท แอ็ม นำ ก็ แร็ง นเจิก ซีเละ 13นำ ก็ เม็จ เอาซาง ไล ออ ฮุนเน วัล “บัดนะ นโดน ควัน งา มัห ก็ ต็อง เริล อุ ปะเทด ซอ แป ต็อง เป็น คีคา ครำ ปะเทด ซอ นัน อิง ครำ ปะเทด นัน อัห ก็ คมเฮง แป 400 ปี วัล#ค 13 อิซราเอล ญาย 1:1-14 ตัวแทน เยซู 7:6 14-16ปน 400 ปี แลว เอิญ ก็ ลงโทด ซิห ปะเทด นัน จำปอ อัห พระ แป เริล ออ ญาม แป ทอก เริล ออ นัน แป ก็ กุญ คัว กุญ ซะ ดก ตัก อัห ดาย#ค 14 อิซราเอล ญาย 12:40-41 ตัวแทน เยซู 7:7 ควัน นจะ ควัน ลาน มัห ก็ ลบ วัล โตะ อุ ตัก เน วัล บัดนะ อัห ก็ ต็อง มบรึห แอ็ม ครำ อาโมไร ตัก อุ พาเน แต มานะ เน เอิญ ไอ มี งเคาะ มบรึห อัห เตาะ อัห แอง ไอ มี เลาะ มานะ ก็ ตาม แต อัห เตาะ ปลอย ระ อัห แอง ดุ แอง ราย อุ เต็ม ที ซัง เอิญ กอย มเบิล อัห เลือง ควัน งา มัห นัน ก็ ต็อง เป็น มอก นัน บัดนะ แต ซำรับ มัห ไอ มี ซีวะ อัง มัห เตาะ มัห อุ เลาะ อุ ซะบาย จำปอ มัห เปิล มัห ต็อง เปิล มแบร็ห ฮัก แลว มัห เปิล แลว อัห ก็ เอิด ซบ มัห เทิ๊บ ระ เลาะๆ ฮัก” เอาซาง อัง
17เจ็นนัน ก็ เทิ๊บ งิ ม็อญ ซะ ทาเน ก็ มี ซีอ็อล ปิ โอด ลอย โตะ ดก นเทาะ อี ทอก แลว ก็ มี กรวะ ลอย โตะ เลิม เคิบ ซีอ็อล นัน อี ลอย เริล เคิง ล็อง เซ็จ นัน เจ็น โตน จำ แต็ห 18งิ นัน เยโฮวา ก็ ซันญา เคิบ อับราม ฮุนเน “ตี ซิก เน เอิญ อน ตัก ควัน งา มัห มด#ค 18 ตัวแทน เยซู 7:5 เจ็น นอก อียิบ จำปอ โตะ ตัก นอก ยูเฟติด 19มด ตึง ตี ซิก เคไน เคนาซี คัดโมไน 20ตี ซิก ครำ ฮิดไท ครำ เปรีซี ครำ เรฟาอิม 21ตี ซิก ครำ อาโมไร ครำ คานาอัน ครำ เกอกาซี ครำ เยบุด มด เน เอิญ อน ตัก ควัน งา มัห มด บัดนะ ดาย” เอาซาง อัง
Currently Selected:
เกาตีนา 15: Prai
Highlight
Share
Copy
Want to have your highlights saved across all your devices? Sign up or sign in
Global Partners
