เกาตีนา 37
37
โยเซบ ราย มเพาะ
1-2เจ็นเน เป็น เลือง กรอก ยาโคบ ทาเน ยาโคบ ตัก ซือ อิซราเอล นัน นำ ก็ อุ ตัก คานาอัน นัน ตอ วัล คานาอัน นัน เป็น นจุง เครม ตี เอา นำ ม็อด อุ กำนา อัห มี อาซีบ เลียง แกะ เลียง แปะ ญาม นัน ควัน นำ ตัก โยเซบ ควะ นุม อุ โยเซบ อาญุ ซิบเจ็ด วาง นำ ก็ เลียง แกะ เลียง แปะ เลิม เคิบ ปึง นไจ ออ ปึง นไจ นำ นัน อัห เป็น ควัน บิลฮา เคิบ ซิลปา ตัก เป็น ยัห นอย เอา นำ นัน ปึง อัห ก็ อุ เลิม ตัก นัน มด โยเซบ เม็จ ปึง นไจ ออ แอง ซะ ไอ มี เลาะ นำ ก็ โตะ เลามุน อน ตัก เอา ออ ปัง
3อิซราเอล ก็ รัก โยเซบ ดก กวา ปึง นไจ นำ มด ตี นำ รัก โยเซบ ดก กวา ปึง นไจ นำ นัน ก็ เป็น ตัก โยเซบ เกิด ญาม นำ มแบร็ห แลว ทาเน นำ ก็ แอง โกบ นซุบ ดัว ลา อน ตัก โยเซบ 4ปึง นไจ โยเซบ เม็จ เอา ออ รัก โยเซบ ดก กวา ออ อัห ก็ เซ็ห อัง โยเซบ อัห ไอ มี จ็อก เลาะ เคิบ โยเซบ เตาะ
5-8มี มี ลบ นัน โยเซบ ก็ ราย มเพาะ นำ ก็ เลามุน อน ตัก ปึง นไจ ออ ปัง นำ ไล อัห ฮุนเน “แจ็ล เคิน เอิญ ราย มเพาะ เม็จ ปึง แอ กำลัง ซวม ซา อุ ตัก แซ ทาเน มัด ซา คอง เอิญ อี ตัง อุ กรัล แต มัด ซา แป อี เลอะ โตะ แกวด ไว มัด ซา เอิญ มด” นำ อัง นำ เลามุน มเพาะ อน อัห ปัง แลว อัห ก็ เฮง อ็อด เฮง เซ็ห อัง นำ อัห ก็ ซ็วน นำ ฮุนเน “โยเซบ มัห กึด เค็ย ออ เป็น พะเจายูฮัว ปกคอง อิห ซีเละ อัง” อัห อัง เค็ย นำ
9เจ็นนัน โยเซบ ก็ ลบ ราย มเพาะ วัล นำ ก็ ลบ เลามุน อน ตัก ปึง นไจ ออ ปัง วัล ฮุนเน “ปัง ดาย แจ็ล เคิน เอิญ ลบ ราย มเพาะ วัล ลบ เน เอิญ มเพาะ เม็จ งิ เม็จ ซวัะ เม็จ ซีเม็ญ ซิบเอ็ด และ อี เลอะ กราบ ไว เอิญ” นำ อัง 10แต แลว โยเซบ เลามุน มเพาะ อน ตัก เอา ตัก ควน นไจ ออ ปัง แลว ยาโคบ ก็ โป โยเซบ ฮุนเน “ก็ มัห มเพาะ ซีวะ จังนะ ตี มัห มเพาะ มอก เน ก็ ซีแล็ม เค็ย ซีวะ บ็อห มัห กึด เค็ย บัดนะ เอา เคิบ เม เคิบ ควน นไจ มัห ต็อง กราบ ไว มัห จำ ซิก อัง” เอา นำ อัง 11ปึง นไจ นัน ก็ เฮง เคิบ คอย โยเซบ แต เอา นำ กึด เลือง เน อุ ใน ใจ ออ ฮัก
อัห เท็จ แอ็ม โยเซบ
12อุ เจ็นนัน วัล ปึง นไจ นำ ก็ มพอล นอย เอิด แกะ เอิด แปะ คอง เอา เริล เลียง นดิ เมือง เซเคม อัห ก็ เลียง แกะ อุ ตัก นัน 13ทาเน เอา โยเซบ ตัก ซือ อิซราเอล นัน นำ ก็ ไล โยเซบ ฮุนเน “มัห เริล ดอม อ็อญ ปึง นไจ ออ วาล ดาย อัห เลียง แปะ เลียง แกะ อุ ตัก เมือง เซเคม” เอา นำ อัง “เออะ ดิห” โยเซบ อัง
14นำ ไล โยเซบ ฮุนเน วัล “มัห เริล ดอม อ็อญ ปึง นไจ ออ วาล ดาย มัห เริล ดอม ปึง แปะ ปึง แกะ ดอม อ็อญ เป็น จังนัก แด มัห ก็ ลบ วัล โตะ ไล เอิญ ดาย” เอา นำ อัง ยาโคบ ไล โยเซบ เริล เจ็น ลงลุก เฮโบรน พด เล็ห ตัก เมือง เซเคม 15โยเซบ ก็ เริล โตะ เคิด ลงลุก เซเคม นำ ก็ กวา โละ และ นไจ ออ ตาม แซ ตาม นโจ พานัน ก็ ไอ มี เม็จ ทาเน ก็ มี อัหคล็อง มี ล็อง ปัก เม็จ นำ โละ นโดน โละ นแด็ห อุ เอา นัน ก็ ซ็วน โยเซบ ฮุนเน “มัห โละ ซีวะ เออะ” เอา นัน อัง 16โยเซบ ก็ ซวัล นำ เค็ย “เอิญ โละ และ นไจ ออ อัห เริล เลียง แปะ เลียง แกะ อุ พานเดย บ็อห ครอ เคิบ มัห ไล เอิญ ดาย” โยเซบ อัง
17เอา นัน ก็ เค็ย “ปน อัห แลว เอิญ เม็จ อัห อู นอย อง เริล งวัล โดทาน” เอา นัน อัง โยเซบ ก็ เคริบ และ นไจ ออ ตัก โดทาน นำ ก็ เม็จ อัห ควะ อุ นดิ งวัล โดทาน นังเลาะ
18ทาเน ปึง นไจ นำ เม็จ โตะ โยเซบ ญาม นำ ควะ อุ เยอะ ซะ นัน ไอ มี ตัน นำ ติ โตะ ตัก อัห ตัน อัห ก็ มพอล นอย มเบิล แอ็ม นำ 19“บอซะนัน ตัก มัน ราย มเพาะ โตะ แลว” อัห อัง เค็ย นอย 20“แอ็ห แอ มเบิล กวาง แอ็ม นำ ตัก งกุก พาเน#ค 20 งกุก เป็น งกุก ตี อัห เพิก ระ นอก เมียะ ญวล เล็ห อุ ตัก นัน แอ ก็ เค็ย อูล พ็อก ป็อง แอ็ม นำ แลว แอ ดอม อ็อญ เจือ มเพาะ นัน กิว เป็น จังนัก” อัห อัง
21ทาเน รูเบน เม็จ อัห อู นอย จังนะ นำ ก็ ซีรอก จวย โยเซบ นำ ไอ มี ซีรอก ระ อัห มเบิล ควน ออ นำ ก็ ไล อัห ฮุนเน “แอ อำ มเบิล นำ ดาย 22อำ มเบิล ควน ออ เตาะ แอ มพลิห ระ นำ ตัก งกุก จุ พาเน ก็ ปอ นอ อำ มเบิล นำ เตาะ” รูเบน อัง แต รูเบน ซีรอก จวย ควน ออ นำ ซีรอก ซับ ควน ออ วัล โตะ และ เอา
23-24ทาเน โตะ โยเซบ ตัก อัห แลว อัห ก็ เล็ว เญ็บ เอิด โยเซบ อัห ก็ เล็ว โปลก แอ็ม โกบ นซุบ นำ นัน อัห มพลิห ระ นำ ตัก งกุก ทังๆ ตัก ไอ มี ออก นัน 25อัห มพลิห นำ ตัก งกุก แลว อัห ก็ คุด ป็อง จะ ญาม อัห คุด ป็อง จะ อุ นัน ก็ พวม โตะ ปอกา อิซมาเอล อัห เป็น ปอกา โตะ เจ็น ปะเทด กีเลอาด อัห และ เริล กา ตัก ปะเทด อียิบ อัห เอิด ยา ซียุม เอิด กวาง ตี มี กา มี ญิม อัห ตาง ตัก อูด โตะ
26ทาเน ยูดา ก็ ไล ควน ไล นไจ ฮุนเน “แป เฮย กัน แอ ลอด มเบิล ควน ออ ไอ มี ระ เอา เม็จ ก็ ไอ มี คิ ซีวะ ซัง 27แอ เท็จ นำ อน ตัก ปอกา อิซมาเอล เน ก็ เลาะ แอ อำ มเบิล นำ เตาะ นำ เป็น ควน แอ เคิบ ตับ เคิบ แซ็ง อำ มเบิล นำ เตาะ” ยูดา อัง อัห ก็ ปัง แญง ยูดา ญาม อัห เท็จ โยเซบ นัน รูเบน ไอ มี ควะ อุ เคิบ อัห 28ทาเน ก็ ติ โตะ ปอกา ครำ มีเดียน#ค 28 ครำ อิซมาเอล แกด ลบ อัห เค็ย ครำ มีเดียน เป็น ตัก อัห เป็น ควันงา อับราฮัม เมือนนอย อัห พาน เริล ติ ซะ นัน ปึง นไจ นัน ก็ เด็ง เอิด โยเซบ เจ็น งกุก เท็จ อน ตัก ปอกา อัห กุญ เงิน มี ซาว เซเคล#ค 28 เงิน มี ซาว เซเคล นัน เป็น ญิม อัห เท็จ อัหคล็อง นุม ญาม นัน ปอกา อิซมาเอล นัน ก็ เอิด โยเซบ เริล ปะเทด อียิบ
29ทาเน รูเบน ก็ วัล โตะ ดอม และ โยเซบ ตัก งกุก ก็ ไอ มี เม็จ ควะ โยเซบ เตาะ นำ ก็ เซียใจ ซีเละ นำ ก็ ซาก แร็ห โกบ ออ 30นำ ก็ ไล ปึง ควน ออ ฮุนเน “ฮีเอิห โยเซบ งาล แอ็ม แลว แอง จังนัก เลาะ บ็อห” รูเบน อัง 31อัห เม็จ รูเบน จ็อก คือนะ อัห ก็ ลด มเบิล แปะ มี นัง อัห ก็ เอิด โกบ โยเซบ จุบ ซิห ตัก เมียม แปะ นัน 32อัห ก็ ซับ อน ตัก เอา ออ ดอม อัห จุ ซ็วน เอา ออ ฮุนเน “เอา อิห เม็จ โกบ เน ดาย เน แมน โกบ ควัน มัห อัน บ็อห” อัห อัง
33ยาโคบ ก็ ที ดอม โกบ นัน “ฮีเอิห เน เป็น โกบ ควัน เอิญ ซีเละ อูล พ็อก นำ แลว อี ซาก นำ นจ็อย มด แลว กา” เอา อัห อัง 34เอา อัห ก็ แร็ง เซียใจ ซีเละ นำ ก็ ซาก แร็ห โกบ ออ นำ ลด เอิด พา กะซอบ แซ็ด อุ แร็ง งอม นำ อัง ควัน ออ อิง ซีเละ 35เอา อัห ก็ เญ็ม แร็ง งอม นำ อัง โยเซบ ซีเละ ปึง ควัน นำ ก็ รูบ โตะ ออย นำ แต นำ ไอ มี ระ อัห ออย ออ เตาะ “อำ แป ออย เอิญ เตาะ ระ เอิญ เญ็ม จำปอ เปิล อุ เลิม เคิบ ควัน ออ ก็ เลาะ” เอา อัห อัง
36ทาเน ปึง ปอกา มีเดียน นัน ก็ เอิด โยเซบ เริล ปะเทด อียิบ เล็ห ตัก ปะเทด อียิบ แลว อัห ก็ เท็จ โยเซบ อน ตัก ครำ อียิบ มี ล็อง ซือ ตัก โปทิฟา โปทิฟา เน เป็น ฮัวนา ปึง ทฮาน รักซา พะเจายูฮัว อียิบ
Currently Selected:
เกาตีนา 37: Prai
Highlight
Share
Copy
Want to have your highlights saved across all your devices? Sign up or sign in
Global Partners
เกาตีนา 37
37
โยเซบ ราย มเพาะ
1-2เจ็นเน เป็น เลือง กรอก ยาโคบ ทาเน ยาโคบ ตัก ซือ อิซราเอล นัน นำ ก็ อุ ตัก คานาอัน นัน ตอ วัล คานาอัน นัน เป็น นจุง เครม ตี เอา นำ ม็อด อุ กำนา อัห มี อาซีบ เลียง แกะ เลียง แปะ ญาม นัน ควัน นำ ตัก โยเซบ ควะ นุม อุ โยเซบ อาญุ ซิบเจ็ด วาง นำ ก็ เลียง แกะ เลียง แปะ เลิม เคิบ ปึง นไจ ออ ปึง นไจ นำ นัน อัห เป็น ควัน บิลฮา เคิบ ซิลปา ตัก เป็น ยัห นอย เอา นำ นัน ปึง อัห ก็ อุ เลิม ตัก นัน มด โยเซบ เม็จ ปึง นไจ ออ แอง ซะ ไอ มี เลาะ นำ ก็ โตะ เลามุน อน ตัก เอา ออ ปัง
3อิซราเอล ก็ รัก โยเซบ ดก กวา ปึง นไจ นำ มด ตี นำ รัก โยเซบ ดก กวา ปึง นไจ นำ นัน ก็ เป็น ตัก โยเซบ เกิด ญาม นำ มแบร็ห แลว ทาเน นำ ก็ แอง โกบ นซุบ ดัว ลา อน ตัก โยเซบ 4ปึง นไจ โยเซบ เม็จ เอา ออ รัก โยเซบ ดก กวา ออ อัห ก็ เซ็ห อัง โยเซบ อัห ไอ มี จ็อก เลาะ เคิบ โยเซบ เตาะ
5-8มี มี ลบ นัน โยเซบ ก็ ราย มเพาะ นำ ก็ เลามุน อน ตัก ปึง นไจ ออ ปัง นำ ไล อัห ฮุนเน “แจ็ล เคิน เอิญ ราย มเพาะ เม็จ ปึง แอ กำลัง ซวม ซา อุ ตัก แซ ทาเน มัด ซา คอง เอิญ อี ตัง อุ กรัล แต มัด ซา แป อี เลอะ โตะ แกวด ไว มัด ซา เอิญ มด” นำ อัง นำ เลามุน มเพาะ อน อัห ปัง แลว อัห ก็ เฮง อ็อด เฮง เซ็ห อัง นำ อัห ก็ ซ็วน นำ ฮุนเน “โยเซบ มัห กึด เค็ย ออ เป็น พะเจายูฮัว ปกคอง อิห ซีเละ อัง” อัห อัง เค็ย นำ
9เจ็นนัน โยเซบ ก็ ลบ ราย มเพาะ วัล นำ ก็ ลบ เลามุน อน ตัก ปึง นไจ ออ ปัง วัล ฮุนเน “ปัง ดาย แจ็ล เคิน เอิญ ลบ ราย มเพาะ วัล ลบ เน เอิญ มเพาะ เม็จ งิ เม็จ ซวัะ เม็จ ซีเม็ญ ซิบเอ็ด และ อี เลอะ กราบ ไว เอิญ” นำ อัง 10แต แลว โยเซบ เลามุน มเพาะ อน ตัก เอา ตัก ควน นไจ ออ ปัง แลว ยาโคบ ก็ โป โยเซบ ฮุนเน “ก็ มัห มเพาะ ซีวะ จังนะ ตี มัห มเพาะ มอก เน ก็ ซีแล็ม เค็ย ซีวะ บ็อห มัห กึด เค็ย บัดนะ เอา เคิบ เม เคิบ ควน นไจ มัห ต็อง กราบ ไว มัห จำ ซิก อัง” เอา นำ อัง 11ปึง นไจ นัน ก็ เฮง เคิบ คอย โยเซบ แต เอา นำ กึด เลือง เน อุ ใน ใจ ออ ฮัก
อัห เท็จ แอ็ม โยเซบ
12อุ เจ็นนัน วัล ปึง นไจ นำ ก็ มพอล นอย เอิด แกะ เอิด แปะ คอง เอา เริล เลียง นดิ เมือง เซเคม อัห ก็ เลียง แกะ อุ ตัก นัน 13ทาเน เอา โยเซบ ตัก ซือ อิซราเอล นัน นำ ก็ ไล โยเซบ ฮุนเน “มัห เริล ดอม อ็อญ ปึง นไจ ออ วาล ดาย อัห เลียง แปะ เลียง แกะ อุ ตัก เมือง เซเคม” เอา นำ อัง “เออะ ดิห” โยเซบ อัง
14นำ ไล โยเซบ ฮุนเน วัล “มัห เริล ดอม อ็อญ ปึง นไจ ออ วาล ดาย มัห เริล ดอม ปึง แปะ ปึง แกะ ดอม อ็อญ เป็น จังนัก แด มัห ก็ ลบ วัล โตะ ไล เอิญ ดาย” เอา นำ อัง ยาโคบ ไล โยเซบ เริล เจ็น ลงลุก เฮโบรน พด เล็ห ตัก เมือง เซเคม 15โยเซบ ก็ เริล โตะ เคิด ลงลุก เซเคม นำ ก็ กวา โละ และ นไจ ออ ตาม แซ ตาม นโจ พานัน ก็ ไอ มี เม็จ ทาเน ก็ มี อัหคล็อง มี ล็อง ปัก เม็จ นำ โละ นโดน โละ นแด็ห อุ เอา นัน ก็ ซ็วน โยเซบ ฮุนเน “มัห โละ ซีวะ เออะ” เอา นัน อัง 16โยเซบ ก็ ซวัล นำ เค็ย “เอิญ โละ และ นไจ ออ อัห เริล เลียง แปะ เลียง แกะ อุ พานเดย บ็อห ครอ เคิบ มัห ไล เอิญ ดาย” โยเซบ อัง
17เอา นัน ก็ เค็ย “ปน อัห แลว เอิญ เม็จ อัห อู นอย อง เริล งวัล โดทาน” เอา นัน อัง โยเซบ ก็ เคริบ และ นไจ ออ ตัก โดทาน นำ ก็ เม็จ อัห ควะ อุ นดิ งวัล โดทาน นังเลาะ
18ทาเน ปึง นไจ นำ เม็จ โตะ โยเซบ ญาม นำ ควะ อุ เยอะ ซะ นัน ไอ มี ตัน นำ ติ โตะ ตัก อัห ตัน อัห ก็ มพอล นอย มเบิล แอ็ม นำ 19“บอซะนัน ตัก มัน ราย มเพาะ โตะ แลว” อัห อัง เค็ย นอย 20“แอ็ห แอ มเบิล กวาง แอ็ม นำ ตัก งกุก พาเน#ค 20 งกุก เป็น งกุก ตี อัห เพิก ระ นอก เมียะ ญวล เล็ห อุ ตัก นัน แอ ก็ เค็ย อูล พ็อก ป็อง แอ็ม นำ แลว แอ ดอม อ็อญ เจือ มเพาะ นัน กิว เป็น จังนัก” อัห อัง
21ทาเน รูเบน เม็จ อัห อู นอย จังนะ นำ ก็ ซีรอก จวย โยเซบ นำ ไอ มี ซีรอก ระ อัห มเบิล ควน ออ นำ ก็ ไล อัห ฮุนเน “แอ อำ มเบิล นำ ดาย 22อำ มเบิล ควน ออ เตาะ แอ มพลิห ระ นำ ตัก งกุก จุ พาเน ก็ ปอ นอ อำ มเบิล นำ เตาะ” รูเบน อัง แต รูเบน ซีรอก จวย ควน ออ นำ ซีรอก ซับ ควน ออ วัล โตะ และ เอา
23-24ทาเน โตะ โยเซบ ตัก อัห แลว อัห ก็ เล็ว เญ็บ เอิด โยเซบ อัห ก็ เล็ว โปลก แอ็ม โกบ นซุบ นำ นัน อัห มพลิห ระ นำ ตัก งกุก ทังๆ ตัก ไอ มี ออก นัน 25อัห มพลิห นำ ตัก งกุก แลว อัห ก็ คุด ป็อง จะ ญาม อัห คุด ป็อง จะ อุ นัน ก็ พวม โตะ ปอกา อิซมาเอล อัห เป็น ปอกา โตะ เจ็น ปะเทด กีเลอาด อัห และ เริล กา ตัก ปะเทด อียิบ อัห เอิด ยา ซียุม เอิด กวาง ตี มี กา มี ญิม อัห ตาง ตัก อูด โตะ
26ทาเน ยูดา ก็ ไล ควน ไล นไจ ฮุนเน “แป เฮย กัน แอ ลอด มเบิล ควน ออ ไอ มี ระ เอา เม็จ ก็ ไอ มี คิ ซีวะ ซัง 27แอ เท็จ นำ อน ตัก ปอกา อิซมาเอล เน ก็ เลาะ แอ อำ มเบิล นำ เตาะ นำ เป็น ควน แอ เคิบ ตับ เคิบ แซ็ง อำ มเบิล นำ เตาะ” ยูดา อัง อัห ก็ ปัง แญง ยูดา ญาม อัห เท็จ โยเซบ นัน รูเบน ไอ มี ควะ อุ เคิบ อัห 28ทาเน ก็ ติ โตะ ปอกา ครำ มีเดียน#ค 28 ครำ อิซมาเอล แกด ลบ อัห เค็ย ครำ มีเดียน เป็น ตัก อัห เป็น ควันงา อับราฮัม เมือนนอย อัห พาน เริล ติ ซะ นัน ปึง นไจ นัน ก็ เด็ง เอิด โยเซบ เจ็น งกุก เท็จ อน ตัก ปอกา อัห กุญ เงิน มี ซาว เซเคล#ค 28 เงิน มี ซาว เซเคล นัน เป็น ญิม อัห เท็จ อัหคล็อง นุม ญาม นัน ปอกา อิซมาเอล นัน ก็ เอิด โยเซบ เริล ปะเทด อียิบ
29ทาเน รูเบน ก็ วัล โตะ ดอม และ โยเซบ ตัก งกุก ก็ ไอ มี เม็จ ควะ โยเซบ เตาะ นำ ก็ เซียใจ ซีเละ นำ ก็ ซาก แร็ห โกบ ออ 30นำ ก็ ไล ปึง ควน ออ ฮุนเน “ฮีเอิห โยเซบ งาล แอ็ม แลว แอง จังนัก เลาะ บ็อห” รูเบน อัง 31อัห เม็จ รูเบน จ็อก คือนะ อัห ก็ ลด มเบิล แปะ มี นัง อัห ก็ เอิด โกบ โยเซบ จุบ ซิห ตัก เมียม แปะ นัน 32อัห ก็ ซับ อน ตัก เอา ออ ดอม อัห จุ ซ็วน เอา ออ ฮุนเน “เอา อิห เม็จ โกบ เน ดาย เน แมน โกบ ควัน มัห อัน บ็อห” อัห อัง
33ยาโคบ ก็ ที ดอม โกบ นัน “ฮีเอิห เน เป็น โกบ ควัน เอิญ ซีเละ อูล พ็อก นำ แลว อี ซาก นำ นจ็อย มด แลว กา” เอา อัห อัง 34เอา อัห ก็ แร็ง เซียใจ ซีเละ นำ ก็ ซาก แร็ห โกบ ออ นำ ลด เอิด พา กะซอบ แซ็ด อุ แร็ง งอม นำ อัง ควัน ออ อิง ซีเละ 35เอา อัห ก็ เญ็ม แร็ง งอม นำ อัง โยเซบ ซีเละ ปึง ควัน นำ ก็ รูบ โตะ ออย นำ แต นำ ไอ มี ระ อัห ออย ออ เตาะ “อำ แป ออย เอิญ เตาะ ระ เอิญ เญ็ม จำปอ เปิล อุ เลิม เคิบ ควัน ออ ก็ เลาะ” เอา อัห อัง
36ทาเน ปึง ปอกา มีเดียน นัน ก็ เอิด โยเซบ เริล ปะเทด อียิบ เล็ห ตัก ปะเทด อียิบ แลว อัห ก็ เท็จ โยเซบ อน ตัก ครำ อียิบ มี ล็อง ซือ ตัก โปทิฟา โปทิฟา เน เป็น ฮัวนา ปึง ทฮาน รักซา พะเจายูฮัว อียิบ
Currently Selected:
:
Highlight
Share
Copy
Want to have your highlights saved across all your devices? Sign up or sign in
Global Partners