เกาตีนา 41
41
โยเซบ แก มเพาะ ฟาโร
1อุ เจ็นนัน เปียะ วาง วัล ฟาโร ก็ ราย มเพาะ นำ มเพาะ ญ็อง อุ ตัก เปล นอก นำไน 2นำ มเพาะ เม็จ งัว เจ็ด นัง งัว นัน เคิญ เลาะลัห อี ทอก โตะ เจ็น นอก นำไน นัน อี ป็อง แญ็น อุ ตัก เปล นอก 3แลว ก็ มี งัว ซีรา พ็อร เจ็ด นัง วัล ไอ มี เลาะ ดอม เตาะ อี ทอก โตะ เจ็น นอก นำไน อี ญ็อง อุ เลิม เคิบ ปึง งัว เคิญ นดิ เปล นอก นัน 4ทาเน งัว ซีรา นัน ก็ ป็อง แอ็ม งัว เคิญ ลิบ ซุด มด เจ็นนัน ฟาโร ก็ ลด นทัน ร็อห ลัก
5ทาเน นำ ก็ ลบ วัล อวย นำ ก็ ลบ ราย มเพาะ วัล ลบ เน นำ มเพาะ เม็จ ซา มี เกา มี นซ็อก เจ็ด นซ็อก เลาะลัห กัด เจน ไท จู นซ็อก 6แลว ก็ มี นซ็อก ซา เจ็ด นซ็อก ทอก โตะ เจ็น เกา นัน วัล ซา เจ็ด นซ็อก นัน ก็ ราม แอ็ม มด มอก แร็ง งกริม ฮอน นทูด#ค 6 งกริม ฮอน ซะบับ เครม เค็ย “แร็ง เล็ห งกริม เจ็น คม” ตัก ปะเทด อียิบ กัน เล็ห งกริม เจ็น คม นัน ก็ ฮอน ซะ ซีเละ ดก พุน เลอะ มเบิล แอ็ม ซะ มด 7แต นซ็อก ซา ราม นัน อี ป็อง แอ็ม นซ็อก ซา เลาะ นัน ลิบ ซุด ทาเน ฟาโร ก็ ลด ร็อห ลัก นำ เม็จจึด เป็น ราย มเพาะ 8ตัก งกร็อห นำ ก็ ไอ มี เลาะใจ เตาะ นำ ก็ ไล อัห และ ปึง มอ ปรอง เคิบ ปึง อาจาน ทัว ปะเทด อียิบ มด โตะ และ ออ นำ ก็ เลามุน มเพาะ อน อัห ปัง นำ ไล อัห แก แต ไอ มี ซีเอ จางรู แก มเพาะ อน นำ ซัง
9ทาเน ฮัวนา มวด พุย องุน ก็ พุล ลุห นโทล อัง โยเซบ นำ ก็ ไล ฟาโร ฮุนเน “ซีมา มัห เตาะ ดาย เอิญ ลุห ซีเละ เอิญ เลอ ไล มัห เค็ย มี ครำ จางรู แก มเพาะ อุ ตัก เน 10วาง เซ็น นัน มัห ก็ อ็อด อัง เอิญ เคิบ ฮัวนา มวด แอง คนม นอ มัห ก็ เญ็บ เยอะ เติล ลุก ตัก เจิง ฮัวนา ทฮาน ตี รักซา มัห 11-12ตัก ลุก นัน มี ครำ ฮีบรู มี ล็อง อุ เลิม เคิบ เยอะ นำ เป็น ลูกนอง ฮัวนา ทฮาน ตี รักซา มัห มี มี แจ็ล นัน เยอะ ก็ ราย มเพาะ เลิม แต มเพาะ เยอะ มี ยาง มี ล็อง ฮัก เยอะ ก็ เลามุน มเพาะ อน ตัก นำ ปัง นำ ก็ แก มเพาะ อน ตัก เยอะ เอา นเดย เอา นัน ฮัก 13นำ ไล เยอะ จังนัก ก็ กิว เป็น เล็ห มอก นำ ไล นัน มัห ก็ ระ เอิญ แองกาน มอก เครม แต ฮัวนา มวด แอง คนม นัน มัห ก็ ระ อัห โค็ห แอ็ม งคอ นำ มอก นำ ไล อน นัน ซีเละ ดาย” ล็อง นัน ไล ฟาโร จังนะ
14แลว เอา ล็อง นัน เลามุน อน ฟาโร ปัง แลว ฟาโร ก็ ลด ไล อัห เริล และ โยเซบ ตัก ลุก อัห ก็ จัก และ โยเซบ ตัก ลุก ระ นำ ทอก เวิดๆ โยเซบ ก็ โกน นโซก วัง ทาย คัว เริล และ ฟาโร 15โตะ โยเซบ แลว ฟาโร ก็ ไล นำ ฮุนเน “เอิญ ราย มเพาะ เอิญ ไล อัห แก มเพาะ อน ออ ก็ ไอ มี ซีเอ จางรู แก ซัก มี ล็อง เอิญ เม็จ คาว เค็ย มัห จางรู แก มเพาะ เอิญ ก็ ลด ไล อัห เริล และ มัห นะ” ฟาโร ไล โยเซบ ฮุนนะ
16โยเซบ ก็ ซวัล ฟาโร ฮุนเน “เอิญ ไอ มี จางรู แก มเพาะ อน มัห ดาย เอาซาง ฮัก จางรู แก มเพาะ อน ตัก แอ” โยเซบ อัง 17ฟาโร ก็ เลามุน มเพาะ อน นำ ปัง ฮุนเน “เอิญ มเพาะ ญ็อง อุ ตัก เปล นอก นำไน 18เอิญ มเพาะ เม็จ งัว เคิญ เจ็ด นัง เลาะลัห อี ทอก โตะ เจ็น นอก ป็อง แญ็น อุ ตัก เปล นอก นำไน นัน 19เจ็นนัน ก็ โตะ งัว ซีรา พ็อร เจ็ด นัง กรา นัง ไอ มี เลาะ ดอม ซัก มี ติด เอิญ ไอ มี เกย เม็จ งัว ซีรา ฮุนเน ซัก มี ลบ ตัก ปะเทด อียิบ แอ เน 20งัว ซีรา นัน ก็ ป็อง แอ็ม ปึง งัว เคิญ เจ็ด นัง นัน ลิบ ซุด มด 21ซุด อี ป็อง แลว ก็ ควะ ซีรา อุ มอก เครม ไอ มี เม็จ เคิญ เล็ห ซัก มี ติด เจ็นนัน เอิญ ก็ ลด คุล ร็อห ลัก
22เอิญ ก็ ลบ วัล อวย เอิญ ก็ ลบ ราย มเพาะ วัล เอิญ มเพาะ เม็จ ซา มี เกา มี นซ็อก เจ็ด นซ็อก อี ทอก โตะ เลาะลัห นซ็อก กัด เจน ไท จู นซ็อก 23เจ็นนัน ก็ มี ซา ราม เจ็ด นซ็อก ทอก โตะ ตัก เกา นัน วัล ราม แอ็ม มอก แร็ง งกริม ฮอน นทูด 24นซ็อก ซา ราม นัน ก็ คลืด ป็อง แอ็ม นซ็อก ซา กัด เจ็ด นซ็อก นัน ลิบ ซุด แอ็ม มด เอิญ มเพาะ คือนะ ดาย ตัก งกร็อห เอิญ ก็ เลามุน อน ตัก ปึง มอ ปรอง ปัง ก็ ไอ มี ซีเอ จางรู แก มเพาะ อน ตัก เอิญ ซัก มี ล็อง” ฟาโร ไล โยเซบ จังนะ
25โยเซบ ก็ แก มเพาะ อน ตัก ฟาโร ฮุนเน “มเพาะ มัห ตึง เปียะ ลบ นัน ก็ เป็น มี เลือง เดียว ดาย เอาซาง บัก และ แอง ซีวะ นำ ก็ เพีย ระ มัห เม็จ วาล 26มัห มเพาะ เม็จ งัว เคิญ เจ็ด นัง นัน ก็ ซีแล็ม เค็ย เจ็ด วาง นซ็อก ซา กัด เจน เจ็ด นซ็อก นัน ก็ ซีแล็ม เค็ย เจ็ด วาง เมือนนอย มัห มเพาะ เปียะ ลบ เน ก็ เป็น มี เลือง เดียว นัน ดาย 27งัว ซีรา เจ็ด นัง ทอก โตะ แทะ นัน ก็ ซีแล็ม เค็ย เจ็ด วาง ซา ราม เจ็ด นซ็อก นัน ก็ ซีแล็ม เค็ย เจ็ด วาง เมือนนอย ดาย เจ็ด วาง วาล นัน เลาะ ซา แต เจ็ด วาง แทะ นัน ก็ แร็ง เกิ๊ด ซีอ็อจ ดาย” โยเซบ อัง
28โยเซบ ก็ ไล ฟาโร คือเน วัล “เอาซาง กิว ระ เลือง เน เกิด เล็ห นังเลาะ ดาย มอก เอิญ ไล มัห เน เอาซาง ก็ ระ มัห เม็จ แลว 29บัดนะ เจ็ด วาง วาล นัน เลาะ ซา ซีเละ แป กุญ ซา ดก ทัว ปะเทด อียิบ 30แต เจ็ด วาง แทะ นัน วัล ไอ มี เลาะ ซา เตาะ แป ก็ แร็ง เกิ๊ด ซีอ็อจ ซีเละ ดาย ครำ อียิบ ก็ เลอ อัง เจ็ด วาง วาล ตี ดก กุญ ซา นัน ลบ นัน บัดนะ ปะเทด อียิบ ก็ ตุก ซีเละ 31บัดนะ ครำ อียิบ ก็ เลอ อัง เจ็ด วาง ตี เลาะ ซา นัน อัห เลอ แอ็ม ซีเละ เป็น ตัก แร็ง เกิ๊ด ซีอ็อจ นัน 32ตี เอาซาง ระ มัห ราย มเพาะ ตวด ตึง เปียะ ลบ ฮุนเน ก็ ซีแล็ม เค็ย เอาซาง ตัดซิน แลว นำ กิว แอง ซีเละ ไอ ปอ อิง เอาซาง ก็ ระ เลือง เน เกิด เล็ห ซีเละ ดาย
33เจ็นเน เอิญ ครอ ระ มัห เพีย เลือก เอิด ครำ เลาะ ครำ เก็ง เอิด ครำ ตัก มี กำกึด เลาะ มี ปันญา ดก ระ นำ จัดกาน เลือง เน ทัว ปะเทด อียิบ บัดนะ 34ครอ ระ มัห เพีย เลือก เอิด ฮัวนา ระ นำ จัดกาน เก็บ ซา ระ อน ทัว ปะเทด อียิบ บัดนะ กัน พซาซน กุญ ซา ซิบ ทัง ก็ เอิด ตัก พซาซน เปียะ ทัง เก็บ ระ อน ต็อง เก็บ ระ อน ตึง เจ็ด วาง ตัก ควะ เลาะ ซา นัน 35เจ็ด วาง ตี เลาะ ซา นัน ก็ บัก และ เล็ห แลว มัห เพีย ไล อัห เก็บ ซา รอม ระ อน เป็น คอง ลวง ก็ เลาะ มัห ไล อัห รอม ระ อน ตัก เมือง นเดย เมือง นัน ฮัก ระ เป็น ซะ ป็อง อน ตัก พซาซน บัดนะ ต็อง ไล อัห เก็บ ระ อน เลาะๆ 36ซา เน เก็บ รอม ระ อน เป็น ซะ ป็อง ครำ อียิบ ใน เจ็ด วาง ตัก เกิ๊ด ซีอ็อจ บัดนะ นัน กัน แอง ฮุนเน ครำ อียิบ ก็ ไอ มี เปิล เกิ๊ด ซีอ็อจ เตาะ ดาย” โยเซบ ไล ฟาโร จังนะ
โยเซบ เป็น นายก ตัก ปะเทด อียิบ
37โยเซบ ไล ฟาโร เคิบ ปึง ลูกนอง จังนะ อัห ก็ ซอบ อัห จู ล็อง ก็ เลาะใจ ซีเละ 38ฟาโร ก็ ไล อัห ฮุนเน “แอ เอิด โยเซบ เน เป็น ฮัวนา จัดกาน เลือง เก็บ ซา เน นอ แอ และ ครำ ซอ ตี มี ซีมาล เอาซาง อุ เลิม มอก ล็อง เน ก็ ไอ มี เตาะ” ฟาโร ไล อัห จังนะ
39ทาเน ฟาโร ก็ ลด ไล โยเซบ ฮุนเน “เอาซาง ระ มัห เม็จจึด แก ปันฮา เลือง เน มด ฮัก นอ ไอ มี ซีเอ มี กำกึด เลาะ มี ปันญา ดก มอก มัห เน เตาะ 40เจ็นเน เอิญ ก็ ตัง ระ มัห เป็น ฮัวนา จัดกาน เลือง เน มด ปึง พซาซน คอง เอิญ ก็ ต็อง แอง ฮุน มัห ไล อน เว็น แต เอิญ มี ล็อง เดียว แกะ กวา มัห” นำ อัง
41ฟาโร ก็ ลบ ไล โยเซบ ฮุนเน วัล “เอิญ ตัง มัห ระ เป็น ครำ ปกคอง ปะเทด อียิบ มด ดาย” นำ อัง 42ฟาโร ก็ อีด เอิด แวน ออ ตัก มี ตรา#ค 42 ปอก ที นัน มี ตรา ซำรับ พะเจายูฮัว ปำ นังซือ ระ เป็น กด คอง ปะเทด คอง ออ นำ ก็ ซุก อน ตัก ที โยเซบ นำ ก็ อน โกบ นซุบ พา ลินิน#ค 42 พา ลินิน เป็น พา มอก พา ฟาย แต เลาะ กวา ฟาย อัห เอิด เกา มอก เกา งคาน ลินิน อด อิง แลว ก็ เลาะลัห ฮัก เลาะลัห ระ นำ จึห นำ ก็ ซิห อน ซอย ทอง ตัก งคอ โยเซบ 43นำ ก็ ระ โยเซบ เป็น รอง พะเจายูฮัว นำ ระ โยเซบ ต็อก ลด พิเซด คอง ออ มี กัน เลาะลัห นำ ก็ ระ มี ครำ เริล วาล มัด ลด โยเซบ อัห ก็ ไล ปึง พซาซน กราบ ไว โยเซบ ฟาโร ก็ ตัง ระ โยเซบ เป็น นายก ปกคอง ปะเทด อียิบ มด
44ฟาโร ก็ ไล โยเซบ ฮุนเน “เอิญ เป็น ฟาโร แต เจ็นเน นโดน ครำ อียิบ ก็ ต็อง ปัง แญง มัห ฮัก อัห แอง ซีวะ ก็ ต็อง ปัง มัห มด แลว แต มัห ไล อัห ฮัก” ฟาโร ไล โยเซบ จังนะ
45ฟาโร ก็ ลด และ ซือ อียิบ อน ตัก โยเซบ ซือ แมะ นำ ตัก ซาเฟนาด ปาเนอา ฟาโร ก็ และ อน ยัห ตัก โยเซบ วัล ยัห นำ ซือ ตัก อาเซนัด อาเซนัด เป็น ควัน โปทีเฟรา ตัก เป็น เอา มอ เมือง โอน เจ็นนัน โยเซบ ก็ ทอก เจ็น เจิง ฟาโร นำ ก็ กวา โละ ตวด ดอม ปะเทด อียิบ ทัว มด 46โยเซบ เลิม แองกาน อน ฟาโร ญาม นำ อาญุ ซามซิบ ปี โยเซบ ก็ กวา โละ ตวด ดอม ปะเทด อียิบ ทัว มด
47เจ็นนัน ก็ เล็ห เจ็ด วาง ตี เลาะ ซา นัน เจ็ด วาง นัน เลาะ ซา ซีเละ ดก อัห กุญ ซา ทัว ปะเทด อียิบ 48เจ็ด วาง นัน โยเซบ ก็ ไล อัห เก็บ ซา ตัก พซาซน ทัว ปะเทด อียิบ นัน นำ ก็ รอม ระ อน เป็น คอง ลวง อัห เก็บ ซา ตัก เมือง นเดย ก็ พระ ระ ตัก เมือง นัน ฮัก 49นำ เก็บ ซา กุญ ดก ซีเละ ดก มอก ซาย ตัก อุ เปล นอก ทะเล ไอ มี แป จด เตาะ แร็ง ดก ซีเละ
50วาล ไอ ตัน โตะ วาง เกิ๊ด ซีอ็อจ นัน โยเซบ เคิบ อาเซนัด ก็ กุญ ควัน อัหคล็อง เปียะ ล็อง 51โยเซบ มพึ ซือ ควัน เกา ตัก มานาเซ (มานาเซ ซีแล็ม เค็ย “แอง ระ เลอ แอ็ม”) “เอิญ มพึ ซือ นำ ตัก มานาเซ ก็ เป็น ตัก เอาซาง จวย ระ เอิญ เลอ อัง ซะ ตุก ซะ ญาก มด นำ จวย เอิญ เลอ อัง กรอก เอา ออ” โยเซบ อัง 52ควัน ล็อง ที ซอง นำ มพึ ซือ ตัก เอฟาอิม (เอฟาอิม ซีแล็ม เค็ย “ดก ควัน”) “เอิญ มพึ ซือ นำ ตัก เอฟาอิม ก็ เป็น ตัก เอาซาง จวย ระ เอิญ กุญ ควัน นจะ ควัน ลาน ดก ตัก ปะเทด ตี เอิญ อุ ตุก อุ ญาก เน” นำ อัง
53เจ็นนัน เจ็ด วาง ตัก ดก กุญ ซา นัน ก็ ปน แอ็ม 54ทาเน เจ็ด วาง ตัก เกิ๊ด ซีอ็อจ ก็ เลิม เล็ห มอก โยเซบ เพีย ไล อน นัน ปะเทด ซอ ก็ เกิ๊ด ซะ มด แต ปะเทด อียิบ ควะ มี ซา อุ 55ญาม ครำ อียิบ ไอ มี ซา ป็อง อัห ก็ โตะ ครอ ตัก ฟาโร ฟาโร ก็ ไล อัห ฮุนเน “แป เริล และ ซา ตัก โยเซบ ฮัก ดาย กัน โยเซบ ไล แป แอง จังนัก แป ก็ แอง จังนัน ดาย” ฟาโร ไล ครำ อียิบ จังนะ
56เจ็นนัน ก็ แร็ง เกิ๊ด ซีอ็อจ ทัว ปะเทด อียิบ นัน โยเซบ ก็ เปิด ราน ซา เท็จ ซา อน อัห 57ครำ ดก ปะเทด อัห ก็ เลอะ โตะ ทน ซา ตัก ปะเทด อียิบ นัน มด อัห โตะ ทน ตัก โยเซบ ก็ เป็น ตัก แร็ง เกิ๊ด ซะ ทัว มด จู ตี
Currently Selected:
เกาตีนา 41: Prai
Highlight
Share
Copy
Want to have your highlights saved across all your devices? Sign up or sign in
Global Partners
เกาตีนา 41
41
โยเซบ แก มเพาะ ฟาโร
1อุ เจ็นนัน เปียะ วาง วัล ฟาโร ก็ ราย มเพาะ นำ มเพาะ ญ็อง อุ ตัก เปล นอก นำไน 2นำ มเพาะ เม็จ งัว เจ็ด นัง งัว นัน เคิญ เลาะลัห อี ทอก โตะ เจ็น นอก นำไน นัน อี ป็อง แญ็น อุ ตัก เปล นอก 3แลว ก็ มี งัว ซีรา พ็อร เจ็ด นัง วัล ไอ มี เลาะ ดอม เตาะ อี ทอก โตะ เจ็น นอก นำไน อี ญ็อง อุ เลิม เคิบ ปึง งัว เคิญ นดิ เปล นอก นัน 4ทาเน งัว ซีรา นัน ก็ ป็อง แอ็ม งัว เคิญ ลิบ ซุด มด เจ็นนัน ฟาโร ก็ ลด นทัน ร็อห ลัก
5ทาเน นำ ก็ ลบ วัล อวย นำ ก็ ลบ ราย มเพาะ วัล ลบ เน นำ มเพาะ เม็จ ซา มี เกา มี นซ็อก เจ็ด นซ็อก เลาะลัห กัด เจน ไท จู นซ็อก 6แลว ก็ มี นซ็อก ซา เจ็ด นซ็อก ทอก โตะ เจ็น เกา นัน วัล ซา เจ็ด นซ็อก นัน ก็ ราม แอ็ม มด มอก แร็ง งกริม ฮอน นทูด#ค 6 งกริม ฮอน ซะบับ เครม เค็ย “แร็ง เล็ห งกริม เจ็น คม” ตัก ปะเทด อียิบ กัน เล็ห งกริม เจ็น คม นัน ก็ ฮอน ซะ ซีเละ ดก พุน เลอะ มเบิล แอ็ม ซะ มด 7แต นซ็อก ซา ราม นัน อี ป็อง แอ็ม นซ็อก ซา เลาะ นัน ลิบ ซุด ทาเน ฟาโร ก็ ลด ร็อห ลัก นำ เม็จจึด เป็น ราย มเพาะ 8ตัก งกร็อห นำ ก็ ไอ มี เลาะใจ เตาะ นำ ก็ ไล อัห และ ปึง มอ ปรอง เคิบ ปึง อาจาน ทัว ปะเทด อียิบ มด โตะ และ ออ นำ ก็ เลามุน มเพาะ อน อัห ปัง นำ ไล อัห แก แต ไอ มี ซีเอ จางรู แก มเพาะ อน นำ ซัง
9ทาเน ฮัวนา มวด พุย องุน ก็ พุล ลุห นโทล อัง โยเซบ นำ ก็ ไล ฟาโร ฮุนเน “ซีมา มัห เตาะ ดาย เอิญ ลุห ซีเละ เอิญ เลอ ไล มัห เค็ย มี ครำ จางรู แก มเพาะ อุ ตัก เน 10วาง เซ็น นัน มัห ก็ อ็อด อัง เอิญ เคิบ ฮัวนา มวด แอง คนม นอ มัห ก็ เญ็บ เยอะ เติล ลุก ตัก เจิง ฮัวนา ทฮาน ตี รักซา มัห 11-12ตัก ลุก นัน มี ครำ ฮีบรู มี ล็อง อุ เลิม เคิบ เยอะ นำ เป็น ลูกนอง ฮัวนา ทฮาน ตี รักซา มัห มี มี แจ็ล นัน เยอะ ก็ ราย มเพาะ เลิม แต มเพาะ เยอะ มี ยาง มี ล็อง ฮัก เยอะ ก็ เลามุน มเพาะ อน ตัก นำ ปัง นำ ก็ แก มเพาะ อน ตัก เยอะ เอา นเดย เอา นัน ฮัก 13นำ ไล เยอะ จังนัก ก็ กิว เป็น เล็ห มอก นำ ไล นัน มัห ก็ ระ เอิญ แองกาน มอก เครม แต ฮัวนา มวด แอง คนม นัน มัห ก็ ระ อัห โค็ห แอ็ม งคอ นำ มอก นำ ไล อน นัน ซีเละ ดาย” ล็อง นัน ไล ฟาโร จังนะ
14แลว เอา ล็อง นัน เลามุน อน ฟาโร ปัง แลว ฟาโร ก็ ลด ไล อัห เริล และ โยเซบ ตัก ลุก อัห ก็ จัก และ โยเซบ ตัก ลุก ระ นำ ทอก เวิดๆ โยเซบ ก็ โกน นโซก วัง ทาย คัว เริล และ ฟาโร 15โตะ โยเซบ แลว ฟาโร ก็ ไล นำ ฮุนเน “เอิญ ราย มเพาะ เอิญ ไล อัห แก มเพาะ อน ออ ก็ ไอ มี ซีเอ จางรู แก ซัก มี ล็อง เอิญ เม็จ คาว เค็ย มัห จางรู แก มเพาะ เอิญ ก็ ลด ไล อัห เริล และ มัห นะ” ฟาโร ไล โยเซบ ฮุนนะ
16โยเซบ ก็ ซวัล ฟาโร ฮุนเน “เอิญ ไอ มี จางรู แก มเพาะ อน มัห ดาย เอาซาง ฮัก จางรู แก มเพาะ อน ตัก แอ” โยเซบ อัง 17ฟาโร ก็ เลามุน มเพาะ อน นำ ปัง ฮุนเน “เอิญ มเพาะ ญ็อง อุ ตัก เปล นอก นำไน 18เอิญ มเพาะ เม็จ งัว เคิญ เจ็ด นัง เลาะลัห อี ทอก โตะ เจ็น นอก ป็อง แญ็น อุ ตัก เปล นอก นำไน นัน 19เจ็นนัน ก็ โตะ งัว ซีรา พ็อร เจ็ด นัง กรา นัง ไอ มี เลาะ ดอม ซัก มี ติด เอิญ ไอ มี เกย เม็จ งัว ซีรา ฮุนเน ซัก มี ลบ ตัก ปะเทด อียิบ แอ เน 20งัว ซีรา นัน ก็ ป็อง แอ็ม ปึง งัว เคิญ เจ็ด นัง นัน ลิบ ซุด มด 21ซุด อี ป็อง แลว ก็ ควะ ซีรา อุ มอก เครม ไอ มี เม็จ เคิญ เล็ห ซัก มี ติด เจ็นนัน เอิญ ก็ ลด คุล ร็อห ลัก
22เอิญ ก็ ลบ วัล อวย เอิญ ก็ ลบ ราย มเพาะ วัล เอิญ มเพาะ เม็จ ซา มี เกา มี นซ็อก เจ็ด นซ็อก อี ทอก โตะ เลาะลัห นซ็อก กัด เจน ไท จู นซ็อก 23เจ็นนัน ก็ มี ซา ราม เจ็ด นซ็อก ทอก โตะ ตัก เกา นัน วัล ราม แอ็ม มอก แร็ง งกริม ฮอน นทูด 24นซ็อก ซา ราม นัน ก็ คลืด ป็อง แอ็ม นซ็อก ซา กัด เจ็ด นซ็อก นัน ลิบ ซุด แอ็ม มด เอิญ มเพาะ คือนะ ดาย ตัก งกร็อห เอิญ ก็ เลามุน อน ตัก ปึง มอ ปรอง ปัง ก็ ไอ มี ซีเอ จางรู แก มเพาะ อน ตัก เอิญ ซัก มี ล็อง” ฟาโร ไล โยเซบ จังนะ
25โยเซบ ก็ แก มเพาะ อน ตัก ฟาโร ฮุนเน “มเพาะ มัห ตึง เปียะ ลบ นัน ก็ เป็น มี เลือง เดียว ดาย เอาซาง บัก และ แอง ซีวะ นำ ก็ เพีย ระ มัห เม็จ วาล 26มัห มเพาะ เม็จ งัว เคิญ เจ็ด นัง นัน ก็ ซีแล็ม เค็ย เจ็ด วาง นซ็อก ซา กัด เจน เจ็ด นซ็อก นัน ก็ ซีแล็ม เค็ย เจ็ด วาง เมือนนอย มัห มเพาะ เปียะ ลบ เน ก็ เป็น มี เลือง เดียว นัน ดาย 27งัว ซีรา เจ็ด นัง ทอก โตะ แทะ นัน ก็ ซีแล็ม เค็ย เจ็ด วาง ซา ราม เจ็ด นซ็อก นัน ก็ ซีแล็ม เค็ย เจ็ด วาง เมือนนอย ดาย เจ็ด วาง วาล นัน เลาะ ซา แต เจ็ด วาง แทะ นัน ก็ แร็ง เกิ๊ด ซีอ็อจ ดาย” โยเซบ อัง
28โยเซบ ก็ ไล ฟาโร คือเน วัล “เอาซาง กิว ระ เลือง เน เกิด เล็ห นังเลาะ ดาย มอก เอิญ ไล มัห เน เอาซาง ก็ ระ มัห เม็จ แลว 29บัดนะ เจ็ด วาง วาล นัน เลาะ ซา ซีเละ แป กุญ ซา ดก ทัว ปะเทด อียิบ 30แต เจ็ด วาง แทะ นัน วัล ไอ มี เลาะ ซา เตาะ แป ก็ แร็ง เกิ๊ด ซีอ็อจ ซีเละ ดาย ครำ อียิบ ก็ เลอ อัง เจ็ด วาง วาล ตี ดก กุญ ซา นัน ลบ นัน บัดนะ ปะเทด อียิบ ก็ ตุก ซีเละ 31บัดนะ ครำ อียิบ ก็ เลอ อัง เจ็ด วาง ตี เลาะ ซา นัน อัห เลอ แอ็ม ซีเละ เป็น ตัก แร็ง เกิ๊ด ซีอ็อจ นัน 32ตี เอาซาง ระ มัห ราย มเพาะ ตวด ตึง เปียะ ลบ ฮุนเน ก็ ซีแล็ม เค็ย เอาซาง ตัดซิน แลว นำ กิว แอง ซีเละ ไอ ปอ อิง เอาซาง ก็ ระ เลือง เน เกิด เล็ห ซีเละ ดาย
33เจ็นเน เอิญ ครอ ระ มัห เพีย เลือก เอิด ครำ เลาะ ครำ เก็ง เอิด ครำ ตัก มี กำกึด เลาะ มี ปันญา ดก ระ นำ จัดกาน เลือง เน ทัว ปะเทด อียิบ บัดนะ 34ครอ ระ มัห เพีย เลือก เอิด ฮัวนา ระ นำ จัดกาน เก็บ ซา ระ อน ทัว ปะเทด อียิบ บัดนะ กัน พซาซน กุญ ซา ซิบ ทัง ก็ เอิด ตัก พซาซน เปียะ ทัง เก็บ ระ อน ต็อง เก็บ ระ อน ตึง เจ็ด วาง ตัก ควะ เลาะ ซา นัน 35เจ็ด วาง ตี เลาะ ซา นัน ก็ บัก และ เล็ห แลว มัห เพีย ไล อัห เก็บ ซา รอม ระ อน เป็น คอง ลวง ก็ เลาะ มัห ไล อัห รอม ระ อน ตัก เมือง นเดย เมือง นัน ฮัก ระ เป็น ซะ ป็อง อน ตัก พซาซน บัดนะ ต็อง ไล อัห เก็บ ระ อน เลาะๆ 36ซา เน เก็บ รอม ระ อน เป็น ซะ ป็อง ครำ อียิบ ใน เจ็ด วาง ตัก เกิ๊ด ซีอ็อจ บัดนะ นัน กัน แอง ฮุนเน ครำ อียิบ ก็ ไอ มี เปิล เกิ๊ด ซีอ็อจ เตาะ ดาย” โยเซบ ไล ฟาโร จังนะ
โยเซบ เป็น นายก ตัก ปะเทด อียิบ
37โยเซบ ไล ฟาโร เคิบ ปึง ลูกนอง จังนะ อัห ก็ ซอบ อัห จู ล็อง ก็ เลาะใจ ซีเละ 38ฟาโร ก็ ไล อัห ฮุนเน “แอ เอิด โยเซบ เน เป็น ฮัวนา จัดกาน เลือง เก็บ ซา เน นอ แอ และ ครำ ซอ ตี มี ซีมาล เอาซาง อุ เลิม มอก ล็อง เน ก็ ไอ มี เตาะ” ฟาโร ไล อัห จังนะ
39ทาเน ฟาโร ก็ ลด ไล โยเซบ ฮุนเน “เอาซาง ระ มัห เม็จจึด แก ปันฮา เลือง เน มด ฮัก นอ ไอ มี ซีเอ มี กำกึด เลาะ มี ปันญา ดก มอก มัห เน เตาะ 40เจ็นเน เอิญ ก็ ตัง ระ มัห เป็น ฮัวนา จัดกาน เลือง เน มด ปึง พซาซน คอง เอิญ ก็ ต็อง แอง ฮุน มัห ไล อน เว็น แต เอิญ มี ล็อง เดียว แกะ กวา มัห” นำ อัง
41ฟาโร ก็ ลบ ไล โยเซบ ฮุนเน วัล “เอิญ ตัง มัห ระ เป็น ครำ ปกคอง ปะเทด อียิบ มด ดาย” นำ อัง 42ฟาโร ก็ อีด เอิด แวน ออ ตัก มี ตรา#ค 42 ปอก ที นัน มี ตรา ซำรับ พะเจายูฮัว ปำ นังซือ ระ เป็น กด คอง ปะเทด คอง ออ นำ ก็ ซุก อน ตัก ที โยเซบ นำ ก็ อน โกบ นซุบ พา ลินิน#ค 42 พา ลินิน เป็น พา มอก พา ฟาย แต เลาะ กวา ฟาย อัห เอิด เกา มอก เกา งคาน ลินิน อด อิง แลว ก็ เลาะลัห ฮัก เลาะลัห ระ นำ จึห นำ ก็ ซิห อน ซอย ทอง ตัก งคอ โยเซบ 43นำ ก็ ระ โยเซบ เป็น รอง พะเจายูฮัว นำ ระ โยเซบ ต็อก ลด พิเซด คอง ออ มี กัน เลาะลัห นำ ก็ ระ มี ครำ เริล วาล มัด ลด โยเซบ อัห ก็ ไล ปึง พซาซน กราบ ไว โยเซบ ฟาโร ก็ ตัง ระ โยเซบ เป็น นายก ปกคอง ปะเทด อียิบ มด
44ฟาโร ก็ ไล โยเซบ ฮุนเน “เอิญ เป็น ฟาโร แต เจ็นเน นโดน ครำ อียิบ ก็ ต็อง ปัง แญง มัห ฮัก อัห แอง ซีวะ ก็ ต็อง ปัง มัห มด แลว แต มัห ไล อัห ฮัก” ฟาโร ไล โยเซบ จังนะ
45ฟาโร ก็ ลด และ ซือ อียิบ อน ตัก โยเซบ ซือ แมะ นำ ตัก ซาเฟนาด ปาเนอา ฟาโร ก็ และ อน ยัห ตัก โยเซบ วัล ยัห นำ ซือ ตัก อาเซนัด อาเซนัด เป็น ควัน โปทีเฟรา ตัก เป็น เอา มอ เมือง โอน เจ็นนัน โยเซบ ก็ ทอก เจ็น เจิง ฟาโร นำ ก็ กวา โละ ตวด ดอม ปะเทด อียิบ ทัว มด 46โยเซบ เลิม แองกาน อน ฟาโร ญาม นำ อาญุ ซามซิบ ปี โยเซบ ก็ กวา โละ ตวด ดอม ปะเทด อียิบ ทัว มด
47เจ็นนัน ก็ เล็ห เจ็ด วาง ตี เลาะ ซา นัน เจ็ด วาง นัน เลาะ ซา ซีเละ ดก อัห กุญ ซา ทัว ปะเทด อียิบ 48เจ็ด วาง นัน โยเซบ ก็ ไล อัห เก็บ ซา ตัก พซาซน ทัว ปะเทด อียิบ นัน นำ ก็ รอม ระ อน เป็น คอง ลวง อัห เก็บ ซา ตัก เมือง นเดย ก็ พระ ระ ตัก เมือง นัน ฮัก 49นำ เก็บ ซา กุญ ดก ซีเละ ดก มอก ซาย ตัก อุ เปล นอก ทะเล ไอ มี แป จด เตาะ แร็ง ดก ซีเละ
50วาล ไอ ตัน โตะ วาง เกิ๊ด ซีอ็อจ นัน โยเซบ เคิบ อาเซนัด ก็ กุญ ควัน อัหคล็อง เปียะ ล็อง 51โยเซบ มพึ ซือ ควัน เกา ตัก มานาเซ (มานาเซ ซีแล็ม เค็ย “แอง ระ เลอ แอ็ม”) “เอิญ มพึ ซือ นำ ตัก มานาเซ ก็ เป็น ตัก เอาซาง จวย ระ เอิญ เลอ อัง ซะ ตุก ซะ ญาก มด นำ จวย เอิญ เลอ อัง กรอก เอา ออ” โยเซบ อัง 52ควัน ล็อง ที ซอง นำ มพึ ซือ ตัก เอฟาอิม (เอฟาอิม ซีแล็ม เค็ย “ดก ควัน”) “เอิญ มพึ ซือ นำ ตัก เอฟาอิม ก็ เป็น ตัก เอาซาง จวย ระ เอิญ กุญ ควัน นจะ ควัน ลาน ดก ตัก ปะเทด ตี เอิญ อุ ตุก อุ ญาก เน” นำ อัง
53เจ็นนัน เจ็ด วาง ตัก ดก กุญ ซา นัน ก็ ปน แอ็ม 54ทาเน เจ็ด วาง ตัก เกิ๊ด ซีอ็อจ ก็ เลิม เล็ห มอก โยเซบ เพีย ไล อน นัน ปะเทด ซอ ก็ เกิ๊ด ซะ มด แต ปะเทด อียิบ ควะ มี ซา อุ 55ญาม ครำ อียิบ ไอ มี ซา ป็อง อัห ก็ โตะ ครอ ตัก ฟาโร ฟาโร ก็ ไล อัห ฮุนเน “แป เริล และ ซา ตัก โยเซบ ฮัก ดาย กัน โยเซบ ไล แป แอง จังนัก แป ก็ แอง จังนัน ดาย” ฟาโร ไล ครำ อียิบ จังนะ
56เจ็นนัน ก็ แร็ง เกิ๊ด ซีอ็อจ ทัว ปะเทด อียิบ นัน โยเซบ ก็ เปิด ราน ซา เท็จ ซา อน อัห 57ครำ ดก ปะเทด อัห ก็ เลอะ โตะ ทน ซา ตัก ปะเทด อียิบ นัน มด อัห โตะ ทน ตัก โยเซบ ก็ เป็น ตัก แร็ง เกิ๊ด ซะ ทัว มด จู ตี
Currently Selected:
:
Highlight
Share
Copy
Want to have your highlights saved across all your devices? Sign up or sign in
Global Partners