ยอน 13
13
เยซู พุจ เจ็ง ลูกนอง ออ
1เจ็นนัน ก็ ควะ มี งิ วัล ซัง เล็ห งิ เทซกาน เปซา นัน เยซู ก็ เม็จจึด เค็ย เล็ห เวลา แลว ตี นำ ต็อง พระ แอ็ม โลก เน ลบ วัล และ เอา ออ ตัก วาง ทึห ญาม นำ อุ ตัก โลก เน นำ ก็ รัก ลูกนอง ออ นำ รัก อัห จำปอ นำ พระ แอ็ม อัห เริล อุ เคิบ เอา ออ ทึห
2ทาเน ก็ เล็ห เวลา ป็อง จะ แจ็ล ตัก งิ เทซกาน เปซา นัน เยซู เคิบ ลูกนอง ก็ ป็อง จะ แจ็ล เลิม ยูดาด ควัน ซีโมน ครำ คารีโอด ก็ ป็อง เลิม เคิบ อัห นัน ทาเน งิ นาน ปรอง ซาตาน ก็ จำใจ ยูดาด วาล แลว ระ นำ ฮักลัง เยซู
3แต เยซู เม็จจึด เอา ออ มอบ จู มบลึ อน ตัก ออ ระ ออ มี อำนาด กวา ซะ ซอ มด เยซู ก็ เม็จจึด แลว เค็ย นัง ออ เล็ห เจ็น เอาซาง เยซู ก็ เม็จจึด แลว เค็ย นัง ออ ลบ วัล เริล อุ เคิบ เอาซาง ตัก วาง นทึห วัล 4เยซู เม็จจึด มด ทาเน นำ ก็ ร็อห ญ็อง นำ ทอก เจ็น โตะ ตี อัห ป็อง จะ นัน นำ ก็ โปลก แอ็ม โกบ นซุบ ออ นำ ก็ เอิด ซีไบ เครด ตัก แง็นแซ็ง ออ 5เจ็นนัน นำ ก็ เอิด ออก เงด ซิห ตัก ซาม นำ ก็ เอิด พุจ เจ็ง ปึง ลูกนอง นำ ก็ อีด เอิด ซีไบ ตี นำ เครด แง็นแซ็ง นัน เจ็ด เจ็ง ลูกนอง ออ ระ ทัง
6ทาเน เยซู ก็ บัก และ พุจ เจ็ง ซีโมน เปโตร เปโตร ก็ ซ็วน เยซู คือเน “ฮีเอิห งกีจ็อง มัห และ พุจ เจ็ง เอิญ ซีเละ เออะ” เปโตร อัง 7เยซู ก็ ซวัล เปโตร “ซะ ตี เอิญ แอง มานะ เน มัห ไอ มี ตัน เคาใจ แต บัดนะ นโดน ซัง มัห เคาใจ เลาะ ดาย” เยซู อัง
8แต เปโตร เทียง เยซู “ไอ เตาะ ดาย มัห พุจ เจ็ง เอิญ ไอ มี กุญ เด็ดคาด ดาย” เปโตร อัง เยซู ก็ ซวัล นำ คือเน “กัน เอิญ ไอ มี พุจ เจ็ง มัห มัห ก็ ไอ แมน ครำ คอง เอิญ เตาะ” เยซู อัง 9เปโตร ก็ ไล เยซู ฮุนเน วัล “ฮีเอิห กัน จังนะ ก็ อำ มัห พุจ เจ็ง เอิญ มาลือ เตาะ ครอ ระ มัห พุจ เจ็ง พุจ ที พุจ มัด พุจ มุห เอิญ มด ดาย” เปโตร อัง
10เยซู ก็ ซวัล เปโตร คือเน “ไอ มี จำเป็น เตาะ ครำ ตี เอิม นอก แลว อัห ก็ ซะอาด มด ตึง นัง แลว นำ พุจ เจ็ง พาลือ ก็ ปอ ซะอาด เลาะ แลว ซำรับ แป ตี เป็น ลูกนอง เอิญ แป ซะอาด แลว แต ไอ แมน จู ล็อง ซะอาด ดาย” เยซู อัง 11เยซู เม็จจึด แลว อีเอ บัก และ ฮักลัง นำ นำ ก็ ลด เค็ย ไอ แมน ซะอาด จู ล็อง
12แลว เยซู พุจ เจ็ง อัห แลว นำ ก็ ลบ จึห โกบ นซุบ ออ วัล นำ ลบ คุด ป็อง จะ เคิบ อัห นำ ก็ ซ็วน อัห คือเน “ตี เอิญ แอง อน แป เน แป เคาใจ อัน 13แป เค็ย อาจาน ตัก เอิญ แป เค็ย งกีจ็อง ตัก เอิญ วัล ตี แป เค็ย นัน ก็ แคระ แลว ดาย เอิญ กิว เป็น อาจาน แป เอิญ กิว เป็น งกีจ็อง คอง แป นังเลาะ
14ทาเน กัน เอิญ เป็น อาจาน แป กัน เอิญ เป็น งกีจ็อง คอง แป แต เอิญ วัล พุจ เจ็ง แป วัล แป ก็ ต็อง ดอม เอิด จาง ตัก เอิญ แป พุจ เจ็ง นอย ก็ เลาะ ดาย 15เอิญ แอง อน จาง ตัก แป ดอม แลว แป ดอม เอิด จาง ตัก เอิญ ก็ เลาะ ดาย แป แอง เคิบ นอย มอก เอิญ แอง เคิบ แป นัน
16อำ ทือ ญด เตาะ อำ กึด เค็ย นัง ออ มี เกียด แอง ซะ ตำตอย ไอ มี กุญ เอิญ ไล แป ซีเละ นะ ลูกนอง ไอ มี แกะ กวา เอาเลียง ครำ ตี เริล ไล แญง เอาซาง อัห ก็ ไอ มี แกะ กวา ล็อง นัน ตี ไล อัห เริล นัน 17มานะ เน แป เม็จจึด เลาะ แลว เค็ย แป ไอ มี แกะ กวา งกี ออ กัน แป กิว แอง มอก แป เม็จ เน แป ก็ กุญ อุ เลาะ อุ ซุก” ลูกา 22:27
เยซู เค็ย มี ครำ ฮักลัง ออ
มัดทิว 26:20-25, มาระโก 14:17-21, ลูกา 22:21-23
18“ไอ แมน แป กุญ อุ เลาะ อุ ซุก จู ล็อง ดาย เอิญ เม็จ แลว เอิญ เลือก เอิด ซีเอ นังเลาะ เอิญ ก็ เม็จ แลว ซีเอ เป็น ครำ คอง เอิญ ซีเอ ไอ แมน ครำ คอง เอิญ ตัก ปึง แป เน มี มี ล็อง ตี ไอ มี กิว เป็น ครำ คอง เอิญ ก็ มอก แญง เอาซาง เพีย ไล อน แลว เค็ย ‘ล็อง ตี ป็อง จะ เลิม เคิบ เอิญ นำ ก็ ฮักลัง เอิญ วัล’ แญง เอาซาง ไล จังนะ ก็ ต็อง เป็น เล็ห มอก แญง เอาซาง ไล เพลง เอาซาง 41:9
19เลือง อัห ฮักลัง เอิญ เอิญ ก็ เพีย ไล แป แลว เน นเซอะ แป เคาใจ เลาะๆ วาล งวะ กัน แป เม็จ ครำ ฮักลัง เอิญ แลว แป ก็ เจือ เค็ย เอิญ เป็น เมซียา ตี เอาซาง ซันญา โตะ จวย แป เน แป ก็ ไอ มี ซงไซ เตาะ 20เอิญ ไล แป นังเลาะ นะ ญาม ลูกนอง คอง เอิญ เริล ไล แญง เอิญ อน ตัก อัหซอ นัน กัน อีเอ ตอนฮับ ลูกนอง เอิญ ก็ มอก อัห ตอนฮับ เอิญ ฮัก กัน ซีเอ ตอนฮับ เอิญ ก็ มอก อัห ตอนฮับ ล็อง นัน ตี ไล เอิญ โตะ ตัก แป เน” เยซู อัง
21แลว เยซู ไล อัห จังนะ แลว นำ ก็ ตุกใจ ซีเละ นำ ลด ไล อัห ซือๆ ฮุนเน “มี มี ล็อง ตัก ปึง แป เน นำ ฮักลัง เอิญ งวะ” เยซู อัง
22ทาเน ปึง ลูกนอง นำ อัห ก็ ญ็อก งึด ญ็อก เงอ อัห ก็ ดอม มัด นอย อุ อัห ไอ มี เม็จจึด เค็ย เป็น ซีเอ ฮักลัง เยซู 23ทาเน ก็ มี ลูกนอง เยซู มี ล็อง นำ คุด อุ ติๆ เคิบ เยซู นัน นำ เป็น ลูกนอง ตี เยซู รัก ซีเละ นัน นำ คุด อุ ติๆ เคิบ เยซู นัน 24ทาเน ซีโมน เปโตร ก็ เอิด ที จี ซิห ลูกนอง ล็อง นัน ซีโมน ระ ล็อง นัน ซ็วน เยซู เค็ย อีเอ ฮักลัง นำ งวะ
25ลูกนอง ล็อง นัน ก็ นเทก นัง ติ โตะ ตัก เยซู นำ ยอจ ซ็วน เยซู คือเน “งกีจ็อง ซีเอ บ็อห ฮักลัง มัห งวะ” นำ อัง 26เยซู ก็ ซวัล นำ “ดอม งวะ กา งวะ เอิญ เอิด คนมปัง มี งแกรก จิ พุย ตัก นจัห อน นำ ป็อง เป็น ล็อง นัน ฮักลัง เอิญ งวะ” เยซู อัง เจ็นนัน เยซู ก็ เพก เอิด คนมปัง มี งแกรก จิ พุย ตัก นจัห นัน นำ ก็ อน ตัก ยูดาด ควัน ซีโมน ครำ คารีโอด นัน 27ยูดาด ก็ เอิด คนมปัง นัน ป็อง ญาม นำ ป็อง คนมปัง นัน แลว ปรอง ซาตาน ก็ กุด นำ ลด เยซู ก็ ไล นำ คือเน “มัห แอง ซีวะ ก็ มัห เจย เริล แอง เวิดๆ ดาย” เยซู อัง
28อัหซอ ตัก คุด อุ เลิม เคิบ เยซู ตัก โตะ นัน อัห ก็ ไอ มี เคาใจ ตี เยซู ไล ยูดาด แอง ซีวะ นัน 29ทาเน ยูดาด เน เป็น ครำ ก็อง กะเปา เงิน อัห นอ มบรัห เยา เยซู ไล นำ เริล ทน ซะ ป็อง ซำรับ อัห ป็อง ซะลอง งาน นัน มบรัห อัห เยา เยซู ไล นำ เริล จวย ครำ ตุก ครำ ญาก อัห ไอ มี เคาใจ ตี เยซู ไล ยูดาด แอง ซีวะ นัน 30แลว ยูดาด ป็อง คนมปัง นัน แลว ยูดาด เม็จ เยซู ไล ออ เริล นำ ก็ ลด ทอก เริล ออ นำ ทอก เริล บัดซะ ญาม นัน ก็ แจ็ล ม็อญ ซะ แลว
เยซู อน กด แมะ
31แลว ยูดาด ทอก เจ็น ฮ็อง แลว เยซู ก็ ไล อัห ฮุนเน “เอิญ ตี เอาซาง ระ เกิด เป็น ครำ เน มานะ เน เล็ห เวลา แลว ตี ครำ จู ล็อง เม็จ เอิญ กุญ เกียด ออ อัห เม็จ เอิญ กุญ เกียด แลว เอิญ ก็ ระ อัห จู ล็อง เม็จ เกียด เอาซาง วัล 32ท็อบ เอิญ ระ จู ล็อง เม็จ เกียด เอาซาง แลว เอาซาง ก็ ลด อน เกียด ตัก เอิญ วัล
33ควัน เฮย เอิญ รัก แป ซีเละ ดาย เจ็นเน เอิญ ควะ อุ เคิบ แป ไอ มี อิง เตาะ กัน เอิญ ปน เริล แลว แป ก็ โละ และ เอิญ วัล เคิง ตี เอิญ เริล ออ นัน แป เริล ไอ มี กุญ เตาะ ก็ มอก เอิญ เกย ไล ซะ แกะ ครำ ยิว นัน แลว
34ทาเน เอิญ ก็ อน กด แมะ ตัก แป วัล กด เน เอิญ ครอ ระ แป รัก นอย แป เม็จ แลว นอ เอิญ รัก แป มอก นเดย ก็ ครอ ระ แป รัก นอย มอก นัน ดาย 35กัน แป กิว รัก นอย มอก นัน ครำ ทัว โลก อัห ก็ เม็จจึด เค็ย แป กิว เป็น ลูกนอง คอง เอิญ อัห เม็จจึด เค็ย แป กิว ดอม เอิด จาง ตัก เอิญ ซีเละ” เยซู อัง
เยซู เพีย ไล อน เค็ย เปโตร มแบล ออ
มัดทิว 26:31-35, มาระโก 14:27-31, ลูกา 22:31-34
36ทาเน ซีโมน เปโตร ก็ ซ็วน เยซู คือเน “งกีจ็อง มัห บัก และ เริล พานเดย บ็อห” เปโตร อัง เยซู ก็ ซวัล นำ “เอิญ ไอ มี งเคาะ ไล แป ดาย ตี เอิญ และ เริล ออ เน แป เริล ไอ มี กุญ บัดนะ นโดน ซัง แป เริล เคิบ เอิญ” เยซู อัง
37เปโตร ก็ เค็ย “งกีจ็อง เฮย ซีวะ เอิญ เริล เคิบ มัห มานะ เน ไอ มี กุญ เอิญ เน พอม เปิล เลิม เคิบ มัห ดาย” เปโตร อัง 38เยซู ก็ ซวัล เปโตร คือเน “เปโตร เฮย มัห พอม เปิล เลิม เคิบ เอิญ นังเลาะ อัง ฮีเอิห เอิญ ไล มัห นังเลาะ นะ แจ็ล เน งวะ วาล ไอ ตัน ตอด ไก มัห ก็ มแบล เค็ย ไอ มี เม็จจึด เอิญ แพะ ลบ” เยซู อัง
Currently Selected:
ยอน 13: Prai
Highlight
Share
Copy
Want to have your highlights saved across all your devices? Sign up or sign in
Global Partners
ยอน 13
13
เยซู พุจ เจ็ง ลูกนอง ออ
1เจ็นนัน ก็ ควะ มี งิ วัล ซัง เล็ห งิ เทซกาน เปซา นัน เยซู ก็ เม็จจึด เค็ย เล็ห เวลา แลว ตี นำ ต็อง พระ แอ็ม โลก เน ลบ วัล และ เอา ออ ตัก วาง ทึห ญาม นำ อุ ตัก โลก เน นำ ก็ รัก ลูกนอง ออ นำ รัก อัห จำปอ นำ พระ แอ็ม อัห เริล อุ เคิบ เอา ออ ทึห
2ทาเน ก็ เล็ห เวลา ป็อง จะ แจ็ล ตัก งิ เทซกาน เปซา นัน เยซู เคิบ ลูกนอง ก็ ป็อง จะ แจ็ล เลิม ยูดาด ควัน ซีโมน ครำ คารีโอด ก็ ป็อง เลิม เคิบ อัห นัน ทาเน งิ นาน ปรอง ซาตาน ก็ จำใจ ยูดาด วาล แลว ระ นำ ฮักลัง เยซู
3แต เยซู เม็จจึด เอา ออ มอบ จู มบลึ อน ตัก ออ ระ ออ มี อำนาด กวา ซะ ซอ มด เยซู ก็ เม็จจึด แลว เค็ย นัง ออ เล็ห เจ็น เอาซาง เยซู ก็ เม็จจึด แลว เค็ย นัง ออ ลบ วัล เริล อุ เคิบ เอาซาง ตัก วาง นทึห วัล 4เยซู เม็จจึด มด ทาเน นำ ก็ ร็อห ญ็อง นำ ทอก เจ็น โตะ ตี อัห ป็อง จะ นัน นำ ก็ โปลก แอ็ม โกบ นซุบ ออ นำ ก็ เอิด ซีไบ เครด ตัก แง็นแซ็ง ออ 5เจ็นนัน นำ ก็ เอิด ออก เงด ซิห ตัก ซาม นำ ก็ เอิด พุจ เจ็ง ปึง ลูกนอง นำ ก็ อีด เอิด ซีไบ ตี นำ เครด แง็นแซ็ง นัน เจ็ด เจ็ง ลูกนอง ออ ระ ทัง
6ทาเน เยซู ก็ บัก และ พุจ เจ็ง ซีโมน เปโตร เปโตร ก็ ซ็วน เยซู คือเน “ฮีเอิห งกีจ็อง มัห และ พุจ เจ็ง เอิญ ซีเละ เออะ” เปโตร อัง 7เยซู ก็ ซวัล เปโตร “ซะ ตี เอิญ แอง มานะ เน มัห ไอ มี ตัน เคาใจ แต บัดนะ นโดน ซัง มัห เคาใจ เลาะ ดาย” เยซู อัง
8แต เปโตร เทียง เยซู “ไอ เตาะ ดาย มัห พุจ เจ็ง เอิญ ไอ มี กุญ เด็ดคาด ดาย” เปโตร อัง เยซู ก็ ซวัล นำ คือเน “กัน เอิญ ไอ มี พุจ เจ็ง มัห มัห ก็ ไอ แมน ครำ คอง เอิญ เตาะ” เยซู อัง 9เปโตร ก็ ไล เยซู ฮุนเน วัล “ฮีเอิห กัน จังนะ ก็ อำ มัห พุจ เจ็ง เอิญ มาลือ เตาะ ครอ ระ มัห พุจ เจ็ง พุจ ที พุจ มัด พุจ มุห เอิญ มด ดาย” เปโตร อัง
10เยซู ก็ ซวัล เปโตร คือเน “ไอ มี จำเป็น เตาะ ครำ ตี เอิม นอก แลว อัห ก็ ซะอาด มด ตึง นัง แลว นำ พุจ เจ็ง พาลือ ก็ ปอ ซะอาด เลาะ แลว ซำรับ แป ตี เป็น ลูกนอง เอิญ แป ซะอาด แลว แต ไอ แมน จู ล็อง ซะอาด ดาย” เยซู อัง 11เยซู เม็จจึด แลว อีเอ บัก และ ฮักลัง นำ นำ ก็ ลด เค็ย ไอ แมน ซะอาด จู ล็อง
12แลว เยซู พุจ เจ็ง อัห แลว นำ ก็ ลบ จึห โกบ นซุบ ออ วัล นำ ลบ คุด ป็อง จะ เคิบ อัห นำ ก็ ซ็วน อัห คือเน “ตี เอิญ แอง อน แป เน แป เคาใจ อัน 13แป เค็ย อาจาน ตัก เอิญ แป เค็ย งกีจ็อง ตัก เอิญ วัล ตี แป เค็ย นัน ก็ แคระ แลว ดาย เอิญ กิว เป็น อาจาน แป เอิญ กิว เป็น งกีจ็อง คอง แป นังเลาะ
14ทาเน กัน เอิญ เป็น อาจาน แป กัน เอิญ เป็น งกีจ็อง คอง แป แต เอิญ วัล พุจ เจ็ง แป วัล แป ก็ ต็อง ดอม เอิด จาง ตัก เอิญ แป พุจ เจ็ง นอย ก็ เลาะ ดาย 15เอิญ แอง อน จาง ตัก แป ดอม แลว แป ดอม เอิด จาง ตัก เอิญ ก็ เลาะ ดาย แป แอง เคิบ นอย มอก เอิญ แอง เคิบ แป นัน
16อำ ทือ ญด เตาะ อำ กึด เค็ย นัง ออ มี เกียด แอง ซะ ตำตอย ไอ มี กุญ เอิญ ไล แป ซีเละ นะ ลูกนอง ไอ มี แกะ กวา เอาเลียง ครำ ตี เริล ไล แญง เอาซาง อัห ก็ ไอ มี แกะ กวา ล็อง นัน ตี ไล อัห เริล นัน 17มานะ เน แป เม็จจึด เลาะ แลว เค็ย แป ไอ มี แกะ กวา งกี ออ กัน แป กิว แอง มอก แป เม็จ เน แป ก็ กุญ อุ เลาะ อุ ซุก” ลูกา 22:27
เยซู เค็ย มี ครำ ฮักลัง ออ
มัดทิว 26:20-25, มาระโก 14:17-21, ลูกา 22:21-23
18“ไอ แมน แป กุญ อุ เลาะ อุ ซุก จู ล็อง ดาย เอิญ เม็จ แลว เอิญ เลือก เอิด ซีเอ นังเลาะ เอิญ ก็ เม็จ แลว ซีเอ เป็น ครำ คอง เอิญ ซีเอ ไอ แมน ครำ คอง เอิญ ตัก ปึง แป เน มี มี ล็อง ตี ไอ มี กิว เป็น ครำ คอง เอิญ ก็ มอก แญง เอาซาง เพีย ไล อน แลว เค็ย ‘ล็อง ตี ป็อง จะ เลิม เคิบ เอิญ นำ ก็ ฮักลัง เอิญ วัล’ แญง เอาซาง ไล จังนะ ก็ ต็อง เป็น เล็ห มอก แญง เอาซาง ไล เพลง เอาซาง 41:9
19เลือง อัห ฮักลัง เอิญ เอิญ ก็ เพีย ไล แป แลว เน นเซอะ แป เคาใจ เลาะๆ วาล งวะ กัน แป เม็จ ครำ ฮักลัง เอิญ แลว แป ก็ เจือ เค็ย เอิญ เป็น เมซียา ตี เอาซาง ซันญา โตะ จวย แป เน แป ก็ ไอ มี ซงไซ เตาะ 20เอิญ ไล แป นังเลาะ นะ ญาม ลูกนอง คอง เอิญ เริล ไล แญง เอิญ อน ตัก อัหซอ นัน กัน อีเอ ตอนฮับ ลูกนอง เอิญ ก็ มอก อัห ตอนฮับ เอิญ ฮัก กัน ซีเอ ตอนฮับ เอิญ ก็ มอก อัห ตอนฮับ ล็อง นัน ตี ไล เอิญ โตะ ตัก แป เน” เยซู อัง
21แลว เยซู ไล อัห จังนะ แลว นำ ก็ ตุกใจ ซีเละ นำ ลด ไล อัห ซือๆ ฮุนเน “มี มี ล็อง ตัก ปึง แป เน นำ ฮักลัง เอิญ งวะ” เยซู อัง
22ทาเน ปึง ลูกนอง นำ อัห ก็ ญ็อก งึด ญ็อก เงอ อัห ก็ ดอม มัด นอย อุ อัห ไอ มี เม็จจึด เค็ย เป็น ซีเอ ฮักลัง เยซู 23ทาเน ก็ มี ลูกนอง เยซู มี ล็อง นำ คุด อุ ติๆ เคิบ เยซู นัน นำ เป็น ลูกนอง ตี เยซู รัก ซีเละ นัน นำ คุด อุ ติๆ เคิบ เยซู นัน 24ทาเน ซีโมน เปโตร ก็ เอิด ที จี ซิห ลูกนอง ล็อง นัน ซีโมน ระ ล็อง นัน ซ็วน เยซู เค็ย อีเอ ฮักลัง นำ งวะ
25ลูกนอง ล็อง นัน ก็ นเทก นัง ติ โตะ ตัก เยซู นำ ยอจ ซ็วน เยซู คือเน “งกีจ็อง ซีเอ บ็อห ฮักลัง มัห งวะ” นำ อัง 26เยซู ก็ ซวัล นำ “ดอม งวะ กา งวะ เอิญ เอิด คนมปัง มี งแกรก จิ พุย ตัก นจัห อน นำ ป็อง เป็น ล็อง นัน ฮักลัง เอิญ งวะ” เยซู อัง เจ็นนัน เยซู ก็ เพก เอิด คนมปัง มี งแกรก จิ พุย ตัก นจัห นัน นำ ก็ อน ตัก ยูดาด ควัน ซีโมน ครำ คารีโอด นัน 27ยูดาด ก็ เอิด คนมปัง นัน ป็อง ญาม นำ ป็อง คนมปัง นัน แลว ปรอง ซาตาน ก็ กุด นำ ลด เยซู ก็ ไล นำ คือเน “มัห แอง ซีวะ ก็ มัห เจย เริล แอง เวิดๆ ดาย” เยซู อัง
28อัหซอ ตัก คุด อุ เลิม เคิบ เยซู ตัก โตะ นัน อัห ก็ ไอ มี เคาใจ ตี เยซู ไล ยูดาด แอง ซีวะ นัน 29ทาเน ยูดาด เน เป็น ครำ ก็อง กะเปา เงิน อัห นอ มบรัห เยา เยซู ไล นำ เริล ทน ซะ ป็อง ซำรับ อัห ป็อง ซะลอง งาน นัน มบรัห อัห เยา เยซู ไล นำ เริล จวย ครำ ตุก ครำ ญาก อัห ไอ มี เคาใจ ตี เยซู ไล ยูดาด แอง ซีวะ นัน 30แลว ยูดาด ป็อง คนมปัง นัน แลว ยูดาด เม็จ เยซู ไล ออ เริล นำ ก็ ลด ทอก เริล ออ นำ ทอก เริล บัดซะ ญาม นัน ก็ แจ็ล ม็อญ ซะ แลว
เยซู อน กด แมะ
31แลว ยูดาด ทอก เจ็น ฮ็อง แลว เยซู ก็ ไล อัห ฮุนเน “เอิญ ตี เอาซาง ระ เกิด เป็น ครำ เน มานะ เน เล็ห เวลา แลว ตี ครำ จู ล็อง เม็จ เอิญ กุญ เกียด ออ อัห เม็จ เอิญ กุญ เกียด แลว เอิญ ก็ ระ อัห จู ล็อง เม็จ เกียด เอาซาง วัล 32ท็อบ เอิญ ระ จู ล็อง เม็จ เกียด เอาซาง แลว เอาซาง ก็ ลด อน เกียด ตัก เอิญ วัล
33ควัน เฮย เอิญ รัก แป ซีเละ ดาย เจ็นเน เอิญ ควะ อุ เคิบ แป ไอ มี อิง เตาะ กัน เอิญ ปน เริล แลว แป ก็ โละ และ เอิญ วัล เคิง ตี เอิญ เริล ออ นัน แป เริล ไอ มี กุญ เตาะ ก็ มอก เอิญ เกย ไล ซะ แกะ ครำ ยิว นัน แลว
34ทาเน เอิญ ก็ อน กด แมะ ตัก แป วัล กด เน เอิญ ครอ ระ แป รัก นอย แป เม็จ แลว นอ เอิญ รัก แป มอก นเดย ก็ ครอ ระ แป รัก นอย มอก นัน ดาย 35กัน แป กิว รัก นอย มอก นัน ครำ ทัว โลก อัห ก็ เม็จจึด เค็ย แป กิว เป็น ลูกนอง คอง เอิญ อัห เม็จจึด เค็ย แป กิว ดอม เอิด จาง ตัก เอิญ ซีเละ” เยซู อัง
เยซู เพีย ไล อน เค็ย เปโตร มแบล ออ
มัดทิว 26:31-35, มาระโก 14:27-31, ลูกา 22:31-34
36ทาเน ซีโมน เปโตร ก็ ซ็วน เยซู คือเน “งกีจ็อง มัห บัก และ เริล พานเดย บ็อห” เปโตร อัง เยซู ก็ ซวัล นำ “เอิญ ไอ มี งเคาะ ไล แป ดาย ตี เอิญ และ เริล ออ เน แป เริล ไอ มี กุญ บัดนะ นโดน ซัง แป เริล เคิบ เอิญ” เยซู อัง
37เปโตร ก็ เค็ย “งกีจ็อง เฮย ซีวะ เอิญ เริล เคิบ มัห มานะ เน ไอ มี กุญ เอิญ เน พอม เปิล เลิม เคิบ มัห ดาย” เปโตร อัง 38เยซู ก็ ซวัล เปโตร คือเน “เปโตร เฮย มัห พอม เปิล เลิม เคิบ เอิญ นังเลาะ อัง ฮีเอิห เอิญ ไล มัห นังเลาะ นะ แจ็ล เน งวะ วาล ไอ ตัน ตอด ไก มัห ก็ มแบล เค็ย ไอ มี เม็จจึด เอิญ แพะ ลบ” เยซู อัง
Currently Selected:
:
Highlight
Share
Copy
Want to have your highlights saved across all your devices? Sign up or sign in
Global Partners