Okong’anya 23
23
Ayare oboronge na amaya
1 #
Okong’ 20:16; Abal 19:11,12; Okoir 5:20 “Tobaisa gosiarera oborimo, na tobaisa gokengera omokori amabe ase okomobera kirori bw’oborimo. 2Tobaisa koba ensemo y’abare abange kobarigetie gokora amabe, gose tobaisa kobakorera abwo bare abange ogwanchereria na gotanga oboronge ase okoba kirori bw’okoonchorana oboronge. 3#Abal 19:15Tobaisa gwanchereria omonto omotaka ase ekiina kiaye.
4 #
Okoir 22:1-4
“Oise korora eng’ombe y’omobisa oo gose etigere yaye egosira goika omoyeiranerie. 5Korarore etigere y’oyo okogechete yagure negurube ebogoretie, tobaisa koyeetania, korende oyekonye.
6 #
Abal 19:15; Okoir 16:19 “Tobaisa korina omonto omotaka oboronge bwaye, ekero ekiina kiaye gekogambwa. 7Bwetange kegima korwa ase oborimo, na tobaisa kogera omonyaboronge aitwe, ekiagera inche Omonene tingotiga koa omomochi egesusuro. 8Tobaisa gwancha oegwe riaaki, ekiagera riaaki nigo rikoukoria omonto erinde takorora ayare boronge; naende nigo rigosaria ekiina ki’abanyene oboronge.
9 #
Okong’ 22:21; Abal 19:33,34; Okoir 24:17,18; 27:19 “Tobaisa gokorera omomenyi bobe, naki inwe momanyete buna omomenyi akoigwa ase enkoro yaye, ekiagera nainwe abanyene mwarenge abamenyi ase ense ya Misiri.”
Omwaka o gatano na kabere, ne rituko ria gatano na kabere
10 #
Abal 25:1-7
“Ase emiaka etano nomo osimeke na kobusura endagera, na ogese ebiamire, 11korende omwaka o gatano na kabere otige omogondo otimoke, toremwa, korende ebirakine na kwama ase omogondo obitigere abataka, na ebi baratigarie bibe endagera ye ching’iti chi’orosaana. Okore boigo nomogondo oo bw’emesabibu na oyo bw’emezeituni.
12 #
Okong’ 20:9-11; 31:15; 34:21; 35:2; Abal 23:3; Okoir 5:13,14 “Ase amatuko atano na rimo okore emeremo yao, korende ase rituko ria gatano na kabere otimoke, na eng’ombe yao na etigere yao nachirochio chitimoke; naboigo nomosomba oo omomura oiboreire bwoo, na omomenyi oo, nabarabwo batimoke.”
13“Motegerere mono onsi aya nabateebirie na moyabwate. Timwatora amarieta ye chinyasae chinde; ayio taigugwa korwa ase emenwa yaino.”
Amatuko Amanene
(Okong’ 34:18-26; Okoir 16:1-17)
14“Kera omwaka nobe kogontwarera Amatuko Amanene ara gatato. 15#Okong’ 12:14-20; Abal 23:6-8; Omob 28:17-25Ase omotienyi bwa Abibu, omotienyi oyio mwaruete ase ense ya Misiri, Goika orende Rituko Rinene ri’Emegati etabekiri memera ase enchera eyio nagochigeete. Naboigo orie emegati etabekiri memera ase amatuko atano na abere buna nagochigeete. Na monto onde tabaisa gocha ase obosio bwane namaboko amasa.
16 #
Abal 23:15-21; Omob 28:26-31;
Abal 23:39-43
“Naende goika orende Rituko Rinene rie Rigesa ekero okogesa ogotongora gw’okwama kw’omogondo oo gwasimegete na ogakora emeremo.
“Orende boigo Rituko Rinene ri’Ogosangereria Rigesa ri’omoerio bw’omwaka ekero ogosangereria okwama kw’emeremo yao emekong’u gwakorete. 17Ara gatato kera omwaka abanto bao abasacha babe bagocha ase obosio bwane, inche Omonene Nyasae.
18“Tobaisa kondetera amanyinga ’ekeng’wanso amo nomogati obekire ememera. Ebitinya bie chinyama echi nkoruerwa ekeng’wanso ase rituko riane rinene, tibitigara goika bokie rituko rikobwatia.
19 #
Okoir 26:2; Okong’ 34:26; Okoir 14:21 “Goika orente ogotongora okore okuya korwa ase omogondo oo, ase enyomba yane inche Omonene Nyasae oo.
“Tobaisa koiyekera emanwa y’embori ime y’amabeere ’eng’ina.”
Chiira na amatebererio
20“Nintome omomalaika agotang’ane na gokorenda ase enchera, agoikie aase aria nakoroiseirie. 21Mwerende ase obosio bwaye, na moigwere aya arabateebie. Tobaisa kwanga komoigwera, ere takomoororera amaabera oyoramoche koigwera ekiagera erieta riane nigo rire ime yaye. 22Korende koramoigwere ere, na gokora ayio onsi nakwanire inche, rirorio nindwanie ababisa bao, ninchande abwo bakogochanda. 23Naki omomalaika one nagotang’ane akoire na kogoikia ase ense y’Abaamori, na Abahiti, na Abaperisi, na Abakanaani, na Abahivi, na Abayebusi, na inche nimbasirie. 24Timosasiima chinyasae chiabo, gose gochikorera; na timokora buna abanto abwo bagokora, korende mosirie kegima emegwekano yabo y’ogosasimwa na moyaiyerie inse amagena abo onsi are aase bagosasimera. 25Momokorere Omonene Nyasae oino, na inche ninsesenie endagera yaino na amaache aino, nindusie amarwaire ase more. 26Ase ense yaino mokuungu onde tari oborito bwaye boragwe, gose onde takoba omogomba; nimbae obogima obotambe.
27“Nintang’anie okwoboyia kwane bosio bwaino, na goichanie na gotantania abanto bonsi abwo morabe mokoumerana nabarabwo; ninkore ababisa baino bonsi baonchoke batame korwa ase more. 28Nintome ebiaramba birase na goseria Abahivi, na Abakanaani, na Abahiti, korwa ase Kaanani bosio bwao. 29Tinkobaseria ase omwaka oyomo, ense ebaise koba bosa, ne ching’iti chi’orosana chimenteke chibachande. 30Nigo ndabaserie ng’ora ng’ora goika momenteke moisane komenya ense eyio. 31Inche ninkobekere orobebe rwao gochakera Enyancha Embariri goikera Enyancha y’Abafilisti, naende korwa ase erooro goika orooche rwa Eufarati, ekiagera nimbeke ababiare b’ense eyio ase amaboko aino, na inwe mobaseerie, batame korwa ase more. 32Tobaisa gokora okobwatana konde gwonsi nabarabwo, gose ne chinyasae chiabo. 33Barabwo tibaamenya ase ense yao, baabaise kogera onkorere ebibe. Onye kogokorera chinyasae chiabo, chirochio nachinyare kogotega.”
Currently Selected:
Okong’anya 23: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021
Okong’anya 23
23
Ayare oboronge na amaya
1 #
Okong’ 20:16; Abal 19:11,12; Okoir 5:20 “Tobaisa gosiarera oborimo, na tobaisa gokengera omokori amabe ase okomobera kirori bw’oborimo. 2Tobaisa koba ensemo y’abare abange kobarigetie gokora amabe, gose tobaisa kobakorera abwo bare abange ogwanchereria na gotanga oboronge ase okoba kirori bw’okoonchorana oboronge. 3#Abal 19:15Tobaisa gwanchereria omonto omotaka ase ekiina kiaye.
4 #
Okoir 22:1-4
“Oise korora eng’ombe y’omobisa oo gose etigere yaye egosira goika omoyeiranerie. 5Korarore etigere y’oyo okogechete yagure negurube ebogoretie, tobaisa koyeetania, korende oyekonye.
6 #
Abal 19:15; Okoir 16:19 “Tobaisa korina omonto omotaka oboronge bwaye, ekero ekiina kiaye gekogambwa. 7Bwetange kegima korwa ase oborimo, na tobaisa kogera omonyaboronge aitwe, ekiagera inche Omonene tingotiga koa omomochi egesusuro. 8Tobaisa gwancha oegwe riaaki, ekiagera riaaki nigo rikoukoria omonto erinde takorora ayare boronge; naende nigo rigosaria ekiina ki’abanyene oboronge.
9 #
Okong’ 22:21; Abal 19:33,34; Okoir 24:17,18; 27:19 “Tobaisa gokorera omomenyi bobe, naki inwe momanyete buna omomenyi akoigwa ase enkoro yaye, ekiagera nainwe abanyene mwarenge abamenyi ase ense ya Misiri.”
Omwaka o gatano na kabere, ne rituko ria gatano na kabere
10 #
Abal 25:1-7
“Ase emiaka etano nomo osimeke na kobusura endagera, na ogese ebiamire, 11korende omwaka o gatano na kabere otige omogondo otimoke, toremwa, korende ebirakine na kwama ase omogondo obitigere abataka, na ebi baratigarie bibe endagera ye ching’iti chi’orosaana. Okore boigo nomogondo oo bw’emesabibu na oyo bw’emezeituni.
12 #
Okong’ 20:9-11; 31:15; 34:21; 35:2; Abal 23:3; Okoir 5:13,14 “Ase amatuko atano na rimo okore emeremo yao, korende ase rituko ria gatano na kabere otimoke, na eng’ombe yao na etigere yao nachirochio chitimoke; naboigo nomosomba oo omomura oiboreire bwoo, na omomenyi oo, nabarabwo batimoke.”
13“Motegerere mono onsi aya nabateebirie na moyabwate. Timwatora amarieta ye chinyasae chinde; ayio taigugwa korwa ase emenwa yaino.”
Amatuko Amanene
(Okong’ 34:18-26; Okoir 16:1-17)
14“Kera omwaka nobe kogontwarera Amatuko Amanene ara gatato. 15#Okong’ 12:14-20; Abal 23:6-8; Omob 28:17-25Ase omotienyi bwa Abibu, omotienyi oyio mwaruete ase ense ya Misiri, Goika orende Rituko Rinene ri’Emegati etabekiri memera ase enchera eyio nagochigeete. Naboigo orie emegati etabekiri memera ase amatuko atano na abere buna nagochigeete. Na monto onde tabaisa gocha ase obosio bwane namaboko amasa.
16 #
Abal 23:15-21; Omob 28:26-31;
Abal 23:39-43
“Naende goika orende Rituko Rinene rie Rigesa ekero okogesa ogotongora gw’okwama kw’omogondo oo gwasimegete na ogakora emeremo.
“Orende boigo Rituko Rinene ri’Ogosangereria Rigesa ri’omoerio bw’omwaka ekero ogosangereria okwama kw’emeremo yao emekong’u gwakorete. 17Ara gatato kera omwaka abanto bao abasacha babe bagocha ase obosio bwane, inche Omonene Nyasae.
18“Tobaisa kondetera amanyinga ’ekeng’wanso amo nomogati obekire ememera. Ebitinya bie chinyama echi nkoruerwa ekeng’wanso ase rituko riane rinene, tibitigara goika bokie rituko rikobwatia.
19 #
Okoir 26:2; Okong’ 34:26; Okoir 14:21 “Goika orente ogotongora okore okuya korwa ase omogondo oo, ase enyomba yane inche Omonene Nyasae oo.
“Tobaisa koiyekera emanwa y’embori ime y’amabeere ’eng’ina.”
Chiira na amatebererio
20“Nintome omomalaika agotang’ane na gokorenda ase enchera, agoikie aase aria nakoroiseirie. 21Mwerende ase obosio bwaye, na moigwere aya arabateebie. Tobaisa kwanga komoigwera, ere takomoororera amaabera oyoramoche koigwera ekiagera erieta riane nigo rire ime yaye. 22Korende koramoigwere ere, na gokora ayio onsi nakwanire inche, rirorio nindwanie ababisa bao, ninchande abwo bakogochanda. 23Naki omomalaika one nagotang’ane akoire na kogoikia ase ense y’Abaamori, na Abahiti, na Abaperisi, na Abakanaani, na Abahivi, na Abayebusi, na inche nimbasirie. 24Timosasiima chinyasae chiabo, gose gochikorera; na timokora buna abanto abwo bagokora, korende mosirie kegima emegwekano yabo y’ogosasimwa na moyaiyerie inse amagena abo onsi are aase bagosasimera. 25Momokorere Omonene Nyasae oino, na inche ninsesenie endagera yaino na amaache aino, nindusie amarwaire ase more. 26Ase ense yaino mokuungu onde tari oborito bwaye boragwe, gose onde takoba omogomba; nimbae obogima obotambe.
27“Nintang’anie okwoboyia kwane bosio bwaino, na goichanie na gotantania abanto bonsi abwo morabe mokoumerana nabarabwo; ninkore ababisa baino bonsi baonchoke batame korwa ase more. 28Nintome ebiaramba birase na goseria Abahivi, na Abakanaani, na Abahiti, korwa ase Kaanani bosio bwao. 29Tinkobaseria ase omwaka oyomo, ense ebaise koba bosa, ne ching’iti chi’orosana chimenteke chibachande. 30Nigo ndabaserie ng’ora ng’ora goika momenteke moisane komenya ense eyio. 31Inche ninkobekere orobebe rwao gochakera Enyancha Embariri goikera Enyancha y’Abafilisti, naende korwa ase erooro goika orooche rwa Eufarati, ekiagera nimbeke ababiare b’ense eyio ase amaboko aino, na inwe mobaseerie, batame korwa ase more. 32Tobaisa gokora okobwatana konde gwonsi nabarabwo, gose ne chinyasae chiabo. 33Barabwo tibaamenya ase ense yao, baabaise kogera onkorere ebibe. Onye kogokorera chinyasae chiabo, chirochio nachinyare kogotega.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021