Omochakano 35
35
Yakobo okogenda Beteli
1 #
Omoch 28:11-17
Rituko erimo Nyasae agateebia Yakobo: “Imoka, otiire ogende omenye Beteli, oagachere Nyasae egesasiimero aroro, Nyasae, oyo okoorokerete ekero kware gotama korwa ase Esau momura omino.”
2Erio Yakobo agateebia abanto baye amo naabwo bonsi baarenge komo: “Rusia emegwekano y’ebinyasae ebigeni b’ebisaku, ebi mobwate ase egati yaino, mwesibie inwe abanyene, moonchorerie chianga chiaino. 3Toimoke totiire gochia Beteli, erinde ing’agachere Nyasae egesasiimero aroro, Nyasae oyonyigwete ekero keria nareenge nobokong’u, akaba amo nainche ase orogendo rwane rwonsi.” 4Barabwo bakaa Yakobo emegwekano y’ebinyasae ebigeni bionsi ebio babwate, na ebigera babeegete ase amato abo, na Yakobo akabitindeka inse y’omote okorokwa omwaloni,#35:4 Omwaloni: oyo nomote (omwaloni — Kiswahili) gose onga buna onde okorokwa Omoaluni (ase ekegusii). oyorenge ang’e na Sekemu.
5Ekero baimogete kogenda orogendo rwabo, okoondokia gokarua ase Nyasae, gokabwata abanto b’emechie eria yabaetanaine; Ase igo tibanyara komonyookia basinto ba Yakobo. 6Yakobo amo nabwo bonsi baarenge nere bagaika omochie o Lusu, Omochie oyio naende noro okorokwa Beteli, oyio ore ime y’ense ya Kaanani 7Agwo akaagacha egesasiimero, Akaaroka aase aria Eli‐Beteli#35:7 Eli‐Beteli: engencho yaye: Nyasae o Beteli (1 Amg 2:1-2) (1 Amg 1:34-37), ekiagera agwo nao Nyasae aorokerete Yakobo, ekero areenge gotama korwa ase oyomwabo. 8Agwo Debora, omoreri o Rebeka, agakwa, agatindekwa inse y’omote okorokwa omwaloni. Aase agwo akarokwa Aloni‐Bakuti.
9Erio naende Nyasae akaorokera Yakobo, ekero Yakobo areenge korwa Padan‐Aramu, Nyasae akamosesenia. 10#Omoch 32:28Agwo Nyasae akamoteebia,
“Erieta riao n’Yakobo,
bono tokorokwa Yakobo naende,
korende nigo orarokwe Israeli.”
Ase igo, akamoroka Israeli. 11#Omoch 17:4-8Naende Nyasae akamoteebia,
“Inche Nyasae Omobui,
genderera gosarara, obuche.
Egesaku na emeganda y’ebisaku nigo erarue asore,
na abarwoti mbarue asore.
12Na ense eye naete Aburaamu na Isaka,
ninkoyee aye na ororeeria rwao rorache korwa magega yao.”
13Erio Nyasae akaimoka akagenda igoro, akarwa asare, agwo ase areenge gokwana nere. 14#Omoch 28:18,19Yakobo agatenenia rigena buna esiiro aase aria Nyasae akwanerete amo nere, akaumora ekeng’wanso gi’ekenyugwa amo namaguta igoro yaye. 15Igo Yakobo akaaroka aase aria Nyasae akwanerete amo nere Beteli.
Ogokwa kwa Raeli
16Erio bagachaaka orogendo rwabo korwa Beteli, ekero batigairie orogendo oroke baike Efarati, Raeli agachaaka kobina ase okoibora, akaba nobokong’u bw’okoibora. 17Ekero areenge koromwa mono, omoiboria akamoteebia: “Toondoka, ekiagera naende nomwana omoisia oraibore.” 18Agwo akaba okogireka ase ogokwa; na ekero areenge ang’e ase ogokwa, Akamoroka omwana oyio Ben‐Oni#35:18 Ben‐Oni: engencho yaye: omwana omomura bw’emechando yane, korende ise akamoroka Benjamini.#35:18 Benjamini: engencho yaye: omwana omomura bw’okoboko kwane gw’okorio (1 Amg 1:38-42) (1 Amg 1:43-54)
19Erio Raeli agakwa, agatindekwa agwo ase enchera ekogenda Efarati, nao Bethlehemu. 20Na Yakobo agatenenia rigena ri’ekeinyorio ase embeera ya Raeli, nao rire goika reero iga. 21Erio Israeli akaimoka, akagenda, agatenenia eema yaye ng’umbu y’omoorobiri o Ederi.
Abamura ba Yakobo
22 #
Omoch 49:4
Engaki eria Israeli amenyete ase ense eria, Rubeni akagenda akaraara na Bilia, omokungu o ise, oria o sere-sere, na Israeli akaigwa amang’ana ayio.
Abamura ba Yakobo nigo baarenge ikomi na babere. 23Abana abamura ba Lea nabwo aba: Rubeni, omwana omotangi o Yakobo, na Simioni, na Lawi, na Yuda, na Isakaru, na Sabuloni. 24Abana abamura ba Raeli nabwo Yusufu na Benjamini. 25Abana abamura ba Bilia, omoiseke omosomba o Raeli, nabwo Dani na Nafutali. 26Abana abamura ba Silpa, omoiseke omosomba o Lea, nabwo Gadi na Aseri. Aba nabwo abana abamura Yakobo aiboreretwe agwo Padan‐Aramu.
Ogokwa kwa Isaka
27 #
Omoch 13:18
Yakobo agaika ase omochie o Isaka ise aaria Mamure, ang’e na Kiriati-Ariba, nao Heburoni, agwo ase Aburaamu na Isaka bamenyete buna abamenyi. 28Isaka nigo akoorete emiaka rigana erimo, na emerongo etano na etato (180). 29Erio Isaka ero agakwa, agasangerereka amo nabaanto baye, ore omogotu kegima, omonto bw’emiaka emenge, na abamura baye, Esau na Yakobo, bakamotindeka.
Currently Selected:
Omochakano 35: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021
Omochakano 35
35
Yakobo okogenda Beteli
1 #
Omoch 28:11-17
Rituko erimo Nyasae agateebia Yakobo: “Imoka, otiire ogende omenye Beteli, oagachere Nyasae egesasiimero aroro, Nyasae, oyo okoorokerete ekero kware gotama korwa ase Esau momura omino.”
2Erio Yakobo agateebia abanto baye amo naabwo bonsi baarenge komo: “Rusia emegwekano y’ebinyasae ebigeni b’ebisaku, ebi mobwate ase egati yaino, mwesibie inwe abanyene, moonchorerie chianga chiaino. 3Toimoke totiire gochia Beteli, erinde ing’agachere Nyasae egesasiimero aroro, Nyasae oyonyigwete ekero keria nareenge nobokong’u, akaba amo nainche ase orogendo rwane rwonsi.” 4Barabwo bakaa Yakobo emegwekano y’ebinyasae ebigeni bionsi ebio babwate, na ebigera babeegete ase amato abo, na Yakobo akabitindeka inse y’omote okorokwa omwaloni,#35:4 Omwaloni: oyo nomote (omwaloni — Kiswahili) gose onga buna onde okorokwa Omoaluni (ase ekegusii). oyorenge ang’e na Sekemu.
5Ekero baimogete kogenda orogendo rwabo, okoondokia gokarua ase Nyasae, gokabwata abanto b’emechie eria yabaetanaine; Ase igo tibanyara komonyookia basinto ba Yakobo. 6Yakobo amo nabwo bonsi baarenge nere bagaika omochie o Lusu, Omochie oyio naende noro okorokwa Beteli, oyio ore ime y’ense ya Kaanani 7Agwo akaagacha egesasiimero, Akaaroka aase aria Eli‐Beteli#35:7 Eli‐Beteli: engencho yaye: Nyasae o Beteli (1 Amg 2:1-2) (1 Amg 1:34-37), ekiagera agwo nao Nyasae aorokerete Yakobo, ekero areenge gotama korwa ase oyomwabo. 8Agwo Debora, omoreri o Rebeka, agakwa, agatindekwa inse y’omote okorokwa omwaloni. Aase agwo akarokwa Aloni‐Bakuti.
9Erio naende Nyasae akaorokera Yakobo, ekero Yakobo areenge korwa Padan‐Aramu, Nyasae akamosesenia. 10#Omoch 32:28Agwo Nyasae akamoteebia,
“Erieta riao n’Yakobo,
bono tokorokwa Yakobo naende,
korende nigo orarokwe Israeli.”
Ase igo, akamoroka Israeli. 11#Omoch 17:4-8Naende Nyasae akamoteebia,
“Inche Nyasae Omobui,
genderera gosarara, obuche.
Egesaku na emeganda y’ebisaku nigo erarue asore,
na abarwoti mbarue asore.
12Na ense eye naete Aburaamu na Isaka,
ninkoyee aye na ororeeria rwao rorache korwa magega yao.”
13Erio Nyasae akaimoka akagenda igoro, akarwa asare, agwo ase areenge gokwana nere. 14#Omoch 28:18,19Yakobo agatenenia rigena buna esiiro aase aria Nyasae akwanerete amo nere, akaumora ekeng’wanso gi’ekenyugwa amo namaguta igoro yaye. 15Igo Yakobo akaaroka aase aria Nyasae akwanerete amo nere Beteli.
Ogokwa kwa Raeli
16Erio bagachaaka orogendo rwabo korwa Beteli, ekero batigairie orogendo oroke baike Efarati, Raeli agachaaka kobina ase okoibora, akaba nobokong’u bw’okoibora. 17Ekero areenge koromwa mono, omoiboria akamoteebia: “Toondoka, ekiagera naende nomwana omoisia oraibore.” 18Agwo akaba okogireka ase ogokwa; na ekero areenge ang’e ase ogokwa, Akamoroka omwana oyio Ben‐Oni#35:18 Ben‐Oni: engencho yaye: omwana omomura bw’emechando yane, korende ise akamoroka Benjamini.#35:18 Benjamini: engencho yaye: omwana omomura bw’okoboko kwane gw’okorio (1 Amg 1:38-42) (1 Amg 1:43-54)
19Erio Raeli agakwa, agatindekwa agwo ase enchera ekogenda Efarati, nao Bethlehemu. 20Na Yakobo agatenenia rigena ri’ekeinyorio ase embeera ya Raeli, nao rire goika reero iga. 21Erio Israeli akaimoka, akagenda, agatenenia eema yaye ng’umbu y’omoorobiri o Ederi.
Abamura ba Yakobo
22 #
Omoch 49:4
Engaki eria Israeli amenyete ase ense eria, Rubeni akagenda akaraara na Bilia, omokungu o ise, oria o sere-sere, na Israeli akaigwa amang’ana ayio.
Abamura ba Yakobo nigo baarenge ikomi na babere. 23Abana abamura ba Lea nabwo aba: Rubeni, omwana omotangi o Yakobo, na Simioni, na Lawi, na Yuda, na Isakaru, na Sabuloni. 24Abana abamura ba Raeli nabwo Yusufu na Benjamini. 25Abana abamura ba Bilia, omoiseke omosomba o Raeli, nabwo Dani na Nafutali. 26Abana abamura ba Silpa, omoiseke omosomba o Lea, nabwo Gadi na Aseri. Aba nabwo abana abamura Yakobo aiboreretwe agwo Padan‐Aramu.
Ogokwa kwa Isaka
27 #
Omoch 13:18
Yakobo agaika ase omochie o Isaka ise aaria Mamure, ang’e na Kiriati-Ariba, nao Heburoni, agwo ase Aburaamu na Isaka bamenyete buna abamenyi. 28Isaka nigo akoorete emiaka rigana erimo, na emerongo etano na etato (180). 29Erio Isaka ero agakwa, agasangerereka amo nabaanto baye, ore omogotu kegima, omonto bw’emiaka emenge, na abamura baye, Esau na Yakobo, bakamotindeka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021