Omochakano 38
38
Abana ba Yuda
1Ekaba ase engaki eria Yuda agatigana n’abamwabo, agatirimboka, agaika ase omonto gete Omoadulamu ore korokwa Hira, bakabwatana nere. 2Aroro Yuda akarora moiseke o Sua, omoiseke bw’Omokaanani gete, akamonyuoma. Bakaba bakorara amo, 3na moiseke o Sua akaba morito, akaibora omwana omoisia, akamoroka Eri. 4Naende akaba morito, akaibora omwana omoisia, akamoroka Onani. 5Akaba morito naende, akaibora omwana omoisia, akamoroka Sela. Yuda nere nao areenge aria Kisibo ekero amoiborerete abana. 6Na Yuda akanyuomeria Eri, omwana oye omotangi, omokungu ore korokwa Tamari. 7Nere Eri, omomura omotangi o Yuda, nigo areenge omobe ase obosio bw’Omonene; ase ayio Omonene akamoita. 8Erio Yuda agateebia Onani: “Motware moka momura omino, erinde omotenenerie egesaku.” 9Korende Onani akamanya ng’a abana abwo agochia koibora tibari gochia korokwa abaye. Kera engaki, arekoba na moka momura omwabo, ekero embego y’oroiboro ere nchera gocha, asomora aitera inse, ng’a erio tabaisa goteneneria oyomwabo egesaku. 10Ayio akorete akaba amabe ase obosio bwa Nyasae Omobui, nere Omonene akamoita. 11Erio Yuda agateebia Tamari, moka momura oye: “Genda omenye buna omoboraka ase omochie o iso goika Sela omwana one akine”; naki nigo oboete ng’a nere nabaise gocha gokwa, buna abamwabo bakwete. Ase igo, Tamari akagenda akamenya o ise.
Okomocha kwa Yuda
12Magega ya amatuko make, moiseke o Sua, moka Yuda, agakwa; Yuda gakoorire okomoreera, agatiira gochia Timuna ase abanachi amarionya be ching’ondi chiaye, amo nomosani oye Hira Omoadulamu. 13Ekero Tamari ateebetigwe ng’a ise biara ’nkogenda akare Timuna konacha ching’ondi chiaye amarionya, 14akarusia chianga chiaye chi’ogokobania, akeboyia chianga na gwetuba obosio bwaye, agaikaransa geita ki’Enaimu, ang’e nenchera ekogenda Timuna; naki nigo arooche ng’a Sela obeire omonto omonene, na tamoeiri amotware.
15Ekero Yuda amorooche, agakaga ng’a nomokuungu omotayayi, ekiagera nigo atubete obosio bwaye. 16Yuda akagobera gochia asare enchera ensemo, akamoteebia: “Inyanchere ’mbe naye,” naki tamanyete gose moka momura oye orenge.
Tamari akamobooria: “Inki orang’e, erinde osoe ase ’nde?”
17Akamoiraneria: “Ninche ngotomera emaanwa egoree korwa ase riicho riane.”
Omokungu oria akamobooria: “Inee! Inki orang’e kebe intenenera goika kwayentomeire?”
18Akamobooria: “Ngento ki origetie nkoe kebe intenenera?”
Akamoiraneria: “Ebonyi yao ere nekemanyererio, na orokini rwao, na enyimbo yao obwate koboko.” Erio akamobia, akaraara nere, na ere akaba morito. 19Erio akaimoka akagenda, akarusia egietubo, akabeeka chianga chiaye chi’ogokobania.
20Yuda akaa omosani oye Omoadulamu emaanwa egoree airere omokungu oria, erinde ere airanie ebinto biria amoete bibe intenenera, korende tamonyora. 21Omoadulamu oria akabooria abanto b’aase aria: “Ng’ai are omokungu oria omotayayi, oyorenge aa Enaimu enchera ensemo?”
Bakamokania: “Omokungu omotayayi tana koba aa.”
22Ase igo, akairana gochia ase Yuda, akabateebia: “Timonyoreti; naboigo nonya nabaanto b’aase aria nigo bankania ng’a mokuungu motayayi tana kobao.”
23Yuda akabora: “Tiga atware ebinto ebio namoete bibe intenenera, titobaisa gocha kororekana nobosooku. Rora, namotomerete emaanwa egoree, na aye tikwamonyorete.”
24Ekaba magega y’emetienyi etato Yuda ateebetigwe ng’a Tamari, moka momura oye, okorire obotomani bw’obotayayi; amo nayio morito are ase obotayayi.
Erio Yuda akabora: “Mosokie isiko, asambwe nomorero.”
25Gasokiigwe isiko agatoma abanto ase ise biara, bamoteebie: “Omonto omonyene ebinto ebi, nere ong’ete oborito obo.” Naende akabora: “Manya ebonyi eyio ere nekemanyererio, na orokini oro, na enyimbo eye, gose nebiang’o.”
26Erio Yuda akabimanya, akabora: “Ere nomooronge kombua, nigo akora ayio, ekiagera ntamoete Sela, omwana one, amotware.” Erio Yuda tarara nere naende.
27Ekero engaki yaye y’okoibora yachia goika, akarorekana ore ne chibarongo enda yaye ime. 28Ekero areenge koibora, omwana oyomo agatang’ania okoboko isiko, na omoiboria akamosibera okoboko okwo eusi embariri, agateeba: “Oyo nere otanga gosoka isiko.” 29Kairanirie okoboko kwaye, rora, oyomwabo akaromeng’ana, agasoka isiko. Erio omoiboria agateeba: “Naki okoromeng’ana ne chinguru iga?” Ase ayio bakamoroka Peresi#38:29 Peresi: engencho yaye: okoromeng’ana. 30Magega yaye oyomwabo agasoka ore neusi embariri koboko kwaye. Nere akarokwa Zera.#38:30 Zera: engencho yaye aande, ekieni kemonyinga
Currently Selected:
Omochakano 38: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021
Omochakano 38
38
Abana ba Yuda
1Ekaba ase engaki eria Yuda agatigana n’abamwabo, agatirimboka, agaika ase omonto gete Omoadulamu ore korokwa Hira, bakabwatana nere. 2Aroro Yuda akarora moiseke o Sua, omoiseke bw’Omokaanani gete, akamonyuoma. Bakaba bakorara amo, 3na moiseke o Sua akaba morito, akaibora omwana omoisia, akamoroka Eri. 4Naende akaba morito, akaibora omwana omoisia, akamoroka Onani. 5Akaba morito naende, akaibora omwana omoisia, akamoroka Sela. Yuda nere nao areenge aria Kisibo ekero amoiborerete abana. 6Na Yuda akanyuomeria Eri, omwana oye omotangi, omokungu ore korokwa Tamari. 7Nere Eri, omomura omotangi o Yuda, nigo areenge omobe ase obosio bw’Omonene; ase ayio Omonene akamoita. 8Erio Yuda agateebia Onani: “Motware moka momura omino, erinde omotenenerie egesaku.” 9Korende Onani akamanya ng’a abana abwo agochia koibora tibari gochia korokwa abaye. Kera engaki, arekoba na moka momura omwabo, ekero embego y’oroiboro ere nchera gocha, asomora aitera inse, ng’a erio tabaisa goteneneria oyomwabo egesaku. 10Ayio akorete akaba amabe ase obosio bwa Nyasae Omobui, nere Omonene akamoita. 11Erio Yuda agateebia Tamari, moka momura oye: “Genda omenye buna omoboraka ase omochie o iso goika Sela omwana one akine”; naki nigo oboete ng’a nere nabaise gocha gokwa, buna abamwabo bakwete. Ase igo, Tamari akagenda akamenya o ise.
Okomocha kwa Yuda
12Magega ya amatuko make, moiseke o Sua, moka Yuda, agakwa; Yuda gakoorire okomoreera, agatiira gochia Timuna ase abanachi amarionya be ching’ondi chiaye, amo nomosani oye Hira Omoadulamu. 13Ekero Tamari ateebetigwe ng’a ise biara ’nkogenda akare Timuna konacha ching’ondi chiaye amarionya, 14akarusia chianga chiaye chi’ogokobania, akeboyia chianga na gwetuba obosio bwaye, agaikaransa geita ki’Enaimu, ang’e nenchera ekogenda Timuna; naki nigo arooche ng’a Sela obeire omonto omonene, na tamoeiri amotware.
15Ekero Yuda amorooche, agakaga ng’a nomokuungu omotayayi, ekiagera nigo atubete obosio bwaye. 16Yuda akagobera gochia asare enchera ensemo, akamoteebia: “Inyanchere ’mbe naye,” naki tamanyete gose moka momura oye orenge.
Tamari akamobooria: “Inki orang’e, erinde osoe ase ’nde?”
17Akamoiraneria: “Ninche ngotomera emaanwa egoree korwa ase riicho riane.”
Omokungu oria akamobooria: “Inee! Inki orang’e kebe intenenera goika kwayentomeire?”
18Akamobooria: “Ngento ki origetie nkoe kebe intenenera?”
Akamoiraneria: “Ebonyi yao ere nekemanyererio, na orokini rwao, na enyimbo yao obwate koboko.” Erio akamobia, akaraara nere, na ere akaba morito. 19Erio akaimoka akagenda, akarusia egietubo, akabeeka chianga chiaye chi’ogokobania.
20Yuda akaa omosani oye Omoadulamu emaanwa egoree airere omokungu oria, erinde ere airanie ebinto biria amoete bibe intenenera, korende tamonyora. 21Omoadulamu oria akabooria abanto b’aase aria: “Ng’ai are omokungu oria omotayayi, oyorenge aa Enaimu enchera ensemo?”
Bakamokania: “Omokungu omotayayi tana koba aa.”
22Ase igo, akairana gochia ase Yuda, akabateebia: “Timonyoreti; naboigo nonya nabaanto b’aase aria nigo bankania ng’a mokuungu motayayi tana kobao.”
23Yuda akabora: “Tiga atware ebinto ebio namoete bibe intenenera, titobaisa gocha kororekana nobosooku. Rora, namotomerete emaanwa egoree, na aye tikwamonyorete.”
24Ekaba magega y’emetienyi etato Yuda ateebetigwe ng’a Tamari, moka momura oye, okorire obotomani bw’obotayayi; amo nayio morito are ase obotayayi.
Erio Yuda akabora: “Mosokie isiko, asambwe nomorero.”
25Gasokiigwe isiko agatoma abanto ase ise biara, bamoteebie: “Omonto omonyene ebinto ebi, nere ong’ete oborito obo.” Naende akabora: “Manya ebonyi eyio ere nekemanyererio, na orokini oro, na enyimbo eye, gose nebiang’o.”
26Erio Yuda akabimanya, akabora: “Ere nomooronge kombua, nigo akora ayio, ekiagera ntamoete Sela, omwana one, amotware.” Erio Yuda tarara nere naende.
27Ekero engaki yaye y’okoibora yachia goika, akarorekana ore ne chibarongo enda yaye ime. 28Ekero areenge koibora, omwana oyomo agatang’ania okoboko isiko, na omoiboria akamosibera okoboko okwo eusi embariri, agateeba: “Oyo nere otanga gosoka isiko.” 29Kairanirie okoboko kwaye, rora, oyomwabo akaromeng’ana, agasoka isiko. Erio omoiboria agateeba: “Naki okoromeng’ana ne chinguru iga?” Ase ayio bakamoroka Peresi#38:29 Peresi: engencho yaye: okoromeng’ana. 30Magega yaye oyomwabo agasoka ore neusi embariri koboko kwaye. Nere akarokwa Zera.#38:30 Zera: engencho yaye aande, ekieni kemonyinga
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021