Abalawi 3
3
Ekeng’wanso ki’omorembe
1“Omonto kararue ekeng’wanso ki’omorembe ase obosio bwane inche Omonene, nigo ararente eeri gose eng’ombe etari na kemocho ase omobere oye. 2Omonto oyio goika abeeke okoboko kwaye igoro ase omotwe bw’eng’iti eyio ekoruegwa ekeng’wanso, erio ayenyeenyere agwo ase egesoero ki’Eema y’Omosangererekano, na abakuani, abamura ba Aroni, basiarere amanyinga aria ase egesasiimero chinsemo chionsi. 3-4Korwa ase eng’iti y’ekeng’wanso ekio ki’omorembe arusie ebitinya bitubete chinyama chi’enda, n’ebitinya binde bionsi bire ase enda ime, amo ne chinyigo chionsi ibere n’ebitinya bichitubete; n’ebitinya bie riini abirusie amo ne chinyigo. Ebinto ebio bionsi abirue bibe ekeng’wanso ki’ogosaambwa n’omorero ase ’nde inche Omonene. 5Erio abamura ba Aroni babisaambere ase egesasiimero, igoro y’ekeng’wanso ki’ogosaambwa kebeekire ase chinko chiria chire ase omorero. Ekio n’ekengwanso kegosaambwa n’omorero kere ne rimisu rigiya rikongwenera.
6“Omonto kararue ekeng’wanso ki’omorembe ase ’nde inche Omonene, korwa ase riicho rie ching’ondi, gose chimbori, arente eng’iti etari na kemocho ase omobere oye, etuoni gose eaberi. 7Onye okorua eng’ondi ebe ekeng’wanso kiaye, erio ayerue ase obosio bwane. 8Ere goika abeeke okoboko kwaye igoro ase omotwe bw’eng’ondi eyio akorua ebe ekeng’wanso, erio ayenyeenyere agwo bosio bw’Eema y’Omosangererekano. Abamura ba Aroni basiarere amanyinga aria ase egesasiimero chinsemo chionsi. 9-10Korwa ase ekeng’wanso ekio ki’omorembe arue ebitinya, na omokera bwonsi ayobutore kegima korwa ase riuga ri’omogongo, n’ebitinya bitubete chinyama chionsi chi’enda, n’ebitinya binde bionsi bire ase enda ime, ne chinyigo chionsi ibere, amo nebitinya bichitubete; n’ebitinya bie riini abirusie amo ne chinyigo. Ebinto ebio bionsi bibe ekeng’wanso kegosaambwa n’omorero ase ’nde inche Omonene. 11Omokuani otenenerete asaambe ebinto ebio bionsi ase egesasiimero bibe endagera ekoruegwa ekeng’wanso kegosaambwa n’omorero ase ’nde inche Omonene.
12“Onye ekeng’wanso kiaye nembori, ayerue ase obosio bwane, 13na omonto oyio goika abeeke okoboko kwaye igoro ase omotwe bw’embori eyio, erio ayenyeenyere agwo bosio bw’Eema y’Omosangererekano. Abamura ba Aroni basiarere amanyinga aye ase egesasiimero chinsemo chionsi. 14-15Erio korwa ase ekeng’wanso ekio arue ebitinya bionsi ebire ase enda ime, ne chinyigo chionsi ibere, n’ebitinya bie riini abirusie amo ne chinyigo. Ebinto ebio bionsi abirue bibe ekeng’wanso kegosaambwa n’omorero ase ’nde inche Omonene. 16Omokuani abisaambere ase egesasiimero bibe endagera ekoruegwa egosaambwa n’omorero, ere ne rimisu rigiya rikongwenera. Ebitinya bionsi nebiane. 17Oyo nigo oraabe omooroberio ochiikire oragenderere botaambe ebiaare ase ebiaare, aande onsi ase moraabe mokomenya, ng’a timobaisa koria ebitinya, gose konywa amanyinga.”
Currently Selected:
Abalawi 3: EKGE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021
Abalawi 3
3
Ekeng’wanso ki’omorembe
1“Omonto kararue ekeng’wanso ki’omorembe ase obosio bwane inche Omonene, nigo ararente eeri gose eng’ombe etari na kemocho ase omobere oye. 2Omonto oyio goika abeeke okoboko kwaye igoro ase omotwe bw’eng’iti eyio ekoruegwa ekeng’wanso, erio ayenyeenyere agwo ase egesoero ki’Eema y’Omosangererekano, na abakuani, abamura ba Aroni, basiarere amanyinga aria ase egesasiimero chinsemo chionsi. 3-4Korwa ase eng’iti y’ekeng’wanso ekio ki’omorembe arusie ebitinya bitubete chinyama chi’enda, n’ebitinya binde bionsi bire ase enda ime, amo ne chinyigo chionsi ibere n’ebitinya bichitubete; n’ebitinya bie riini abirusie amo ne chinyigo. Ebinto ebio bionsi abirue bibe ekeng’wanso ki’ogosaambwa n’omorero ase ’nde inche Omonene. 5Erio abamura ba Aroni babisaambere ase egesasiimero, igoro y’ekeng’wanso ki’ogosaambwa kebeekire ase chinko chiria chire ase omorero. Ekio n’ekengwanso kegosaambwa n’omorero kere ne rimisu rigiya rikongwenera.
6“Omonto kararue ekeng’wanso ki’omorembe ase ’nde inche Omonene, korwa ase riicho rie ching’ondi, gose chimbori, arente eng’iti etari na kemocho ase omobere oye, etuoni gose eaberi. 7Onye okorua eng’ondi ebe ekeng’wanso kiaye, erio ayerue ase obosio bwane. 8Ere goika abeeke okoboko kwaye igoro ase omotwe bw’eng’ondi eyio akorua ebe ekeng’wanso, erio ayenyeenyere agwo bosio bw’Eema y’Omosangererekano. Abamura ba Aroni basiarere amanyinga aria ase egesasiimero chinsemo chionsi. 9-10Korwa ase ekeng’wanso ekio ki’omorembe arue ebitinya, na omokera bwonsi ayobutore kegima korwa ase riuga ri’omogongo, n’ebitinya bitubete chinyama chionsi chi’enda, n’ebitinya binde bionsi bire ase enda ime, ne chinyigo chionsi ibere, amo nebitinya bichitubete; n’ebitinya bie riini abirusie amo ne chinyigo. Ebinto ebio bionsi bibe ekeng’wanso kegosaambwa n’omorero ase ’nde inche Omonene. 11Omokuani otenenerete asaambe ebinto ebio bionsi ase egesasiimero bibe endagera ekoruegwa ekeng’wanso kegosaambwa n’omorero ase ’nde inche Omonene.
12“Onye ekeng’wanso kiaye nembori, ayerue ase obosio bwane, 13na omonto oyio goika abeeke okoboko kwaye igoro ase omotwe bw’embori eyio, erio ayenyeenyere agwo bosio bw’Eema y’Omosangererekano. Abamura ba Aroni basiarere amanyinga aye ase egesasiimero chinsemo chionsi. 14-15Erio korwa ase ekeng’wanso ekio arue ebitinya bionsi ebire ase enda ime, ne chinyigo chionsi ibere, n’ebitinya bie riini abirusie amo ne chinyigo. Ebinto ebio bionsi abirue bibe ekeng’wanso kegosaambwa n’omorero ase ’nde inche Omonene. 16Omokuani abisaambere ase egesasiimero bibe endagera ekoruegwa egosaambwa n’omorero, ere ne rimisu rigiya rikongwenera. Ebitinya bionsi nebiane. 17Oyo nigo oraabe omooroberio ochiikire oragenderere botaambe ebiaare ase ebiaare, aande onsi ase moraabe mokomenya, ng’a timobaisa koria ebitinya, gose konywa amanyinga.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2021