LUKA 1
1
1KUONA atĩ andũ aingĩ maanagwata kwandĩka marũa ma maũndũ marĩa tũhingĩirio, 2o ta ũrĩa twaheirũo ũhoro wamo nĩ aira arĩa mameoneire, kuuma o hĩndĩ ĩrĩa maambĩrĩirie gwĩkĩka; nao nĩo maarĩ ndungata cia ũhoro ũcio; 3kuona ũguo-rĩ, niĩ o na niĩ-rĩ, nĩ ũndũ nĩnduĩrĩtie wega maũndũ macio kuuma o rĩrĩa maambĩrĩirie gwĩkwo, nĩnyonete arĩ wega ngwandĩkĩre marũa, wee, Theofilo, mũnene mũgathe, ma gũthingatania maũndũ macio wega o ta ũrĩa mekĩkire, 4nĩ getha ũmenye na ma maũndũ marĩa warutirũo.
5 #
1 Maũ 24.10. Atĩrĩrĩ, matukũ marĩa ma Herode mũthamaki wa Judea, nĩkwarĩ mũthĩnjĩri-Ngai wetagwo Zakaria, warĩ wa ituanĩra rĩrĩa rĩa Abia: nake aarĩ na mũtumia wake wetagwo Elizabethi, wa mũhĩrĩga wa Haruni. 6Nao erĩ nĩmonagwo marĩ athingu nĩ Ngai, na nĩmaathiaga na mĩthiĩre ya kũrũmia maathani mothe ma Mwathani, o na irĩra ciake, matarĩ na ũcuke. 7Nao matiarĩ na mwana, nĩ ũndũ Elizabethi aarĩ thata, na maarĩ akũrũ o erĩ.
8Na gũgĩkinya atĩrĩ, atĩ Zakaria nĩaakorirũo akĩruta wĩra wa mũthĩnjĩri-Ngai hĩndĩ ya ituanĩra rĩake yakinya, 9kũringana na ũrĩa athĩnjĩri-Ngai maamenyerete gwĩkaga. Na gwacukwo mĩtĩ-rĩ, gũgĩtuĩka atĩ nĩwe wa gũtonya hekarũ ya Mwathani thĩinĩ, amũcinĩre ũbumba#1.9 Ũbumba: rora kohoro kaandĩkĩtwo Mat 2.11.. 10Nakĩo kĩrĩndĩ gĩothe nĩkĩahoyagĩra Ngai nja, o thaa ĩo ya gũcina ũbumba. 11Nake Zakaria akiumĩrĩrũo nĩ mũraika wa Mwathani, akĩmuona arũgamĩte mwena-inĩ wa ũrĩo wa kĩgongona kĩrĩa gĩa gũcinĩrũo ũbumba. 12Nake Zakaria aamuona akĩmaka akĩigua guoya. 13Nowe mũraika akĩmwĩra atĩrĩ, Tiga gwĩtigĩra, Zakaria, tondũ gũthaithana gwaku nĩkũiguĩtwo, nake mũtumia waku Elizabethi nĩagagũciarĩra kahĩĩ, nawe nĩũgagatua Johana. 14Ningĩ gũkena nĩũgakena na ũcanjamũke; o na andũ aingĩ nĩmagakena nĩ ũndũ wa gũciarũo gwake. 15#Ndar 6.3.Nĩ gũkorũo nĩagatuwo mũnene nĩ Mwathani, na ndarĩ hĩndĩ akanyua ndibei kana kĩndũ kĩrĩa kĩngĩrĩa mũndũ; nake kũiyũrũo nĩakaiyũrũo nĩ Roho Mũtheru, kuuma o hĩndĩ ĩrĩa akoima nda ya nyina. 16Nake nĩakagarũra andũ aingĩ a mbarĩ ya Isiraeli macoke kũrĩ Mwathani Ngai wao. 17#Mal 4.5,6.Na nĩagathiaga mbere ya Mwathani arĩ na roho na hinya wa Elija, nĩguo akagarũre ngoro cia maithe mendane na ciana ciao, o nao andũ arĩa aremu amagarũre magĩe na ũũgĩ ũrĩa wa andũ athingu; nĩ getha agathondekere Mwathani andũ arĩa mahaarĩirio. 18Nake Zakaria akĩũria mũraika ũcio atĩrĩ, Ngũmenyithio ũhoro ũcio atĩa? Nĩ ũndũ ndĩ mũkũrũ, o na mũtumia wakwa nake nĩaninĩte mĩaka mĩingĩ. 19#Dan 8.16; 9.21.Na mũraika akĩmũcokeria akĩmwĩra atĩrĩ, Niĩ nĩ niĩ Jibiraili, ũrĩa ũrũgamaga harĩ Ngai; na nĩ gũtũmwo ndũmĩtwo ngwarĩrie, ngũrehere ndũmĩrĩri icio njega. 20Na rĩrĩ, nĩũgũkira ũremwo nĩ kwaria o kinya mũthenya ũrĩa maũndũ macio magekĩka, nĩ ũndũ ndũnetĩkia mohoro makwa, o macio makahingio ihinda rĩamo rĩakinya.
21Nakĩo kĩrĩndĩ nĩgĩetereire Zakaria, gĩkĩgega nĩ ũrĩa aaikarire mũno hekarũ thĩinĩ. 22Nake oima, ndaigana kũhota kũmaarĩria na kanua; magĩkĩmenya atĩ nĩonete kĩoneki hekarũ thĩinĩ; nake nĩaamahenahenagĩria na moko, agĩikara o ũguo atekũhota kwaria na kanua. 23Na gũgĩkinya atĩrĩ, atĩ aanina matukũ marĩa ma ũtungati wake, akĩinũka gwake.
24Na thutha wa matukũ macio Elizabethi mũtumia wake akĩgĩa ihu, akĩĩhitha mĩeri ĩtano, akiuga atĩrĩ, 25Ũguo nĩguo Mwathani anjĩkĩte matukũ maya anjũthĩrĩirie, nĩguo eherie rũmena rũrĩa ’menetwo nĩ andũ.
26Naguo mweri wake wa ĩtandatũ wakinya-rĩ, mũraika ũcio Jibiraili agĩtũmwo, oimĩte kũrĩ Ngai, athiĩ itũũra rĩa Galili rĩĩtagwo Nazarethi, 27#Mat 1.18.kwĩ mũirĩtu worĩtio nĩ mũndũ wetagwo Jusufu, ũrĩa warĩ wa nyũmba ya Daudi; nake mũirĩtu ũcio etagwo Mariamu. 28Nake mũraika agĩtonya harĩa aarĩ, akĩmũũria atĩrĩ, Wĩ mũhoro, wee wĩ mũrathime mũno? Mwathani arĩ hamwe nawe. 29Nake agĩtangĩka mũno nĩ ũndũ wa ũhoro ũcio, agĩĩciria ũrĩa ngeithi icio itariĩ. 30Nake mũraika akĩmwĩra atĩrĩ, Mariamu, tiga gwĩtigĩra; nĩ gũkorũo nĩũkinyĩirũo nĩ Wega wa Ngai. 31#Mat 1.21.Na atĩrĩrĩ, nĩũkagĩa ihu, ũciare kahĩĩ, nako nĩũgagatua Jesu. 32#2 Sam 7.12,13,16; Isa 9.7.Nake nĩagatuĩka mũnene, ningĩ nĩagetagwo Mũrũ wa Ũrĩa-wĩ-Igũrũ-mũno: nake Mwathani Ngai nĩakamũhe gĩtĩ-gĩa-ũthamaki kĩrĩa gĩa ithe, Daudi; 33nake nĩagathamakagĩra nyũmba ya Jakubu mĩndĩ na mĩndĩ; naguo ũthamaki wake ndũgathira o na rĩ. 34Nake Mariamu akĩũria mũraika atĩrĩ, Kaĩ ũhoro ũcio ũgatuĩka atĩa, nĩ ũndũ ndiũĩ mũndũ mũrũme? 35Nake mũraika akĩmũcokeria akĩmwĩra atĩrĩ, Roho Mũtheru nĩagoka kũrĩ wee, naguo hinya wa Ũrĩa-wĩ-Igũrũ-mũno nĩũgakũringithia kĩĩgunyĩ: na nĩ ũndũ wa ũhoro ũcio, karĩa gagaciarũo nĩgagatuwo gatheru, o Mũrũ wa Ngai. 36O na atĩrĩrĩ, Elizabethi, mũtumia ũrĩa wa mũhĩrĩga wanyu, o nake arĩ na ihu rĩa kahĩĩ, o na aatuĩka nĩ mũkũrũ: naguo mweri ũyũ nĩguo wa ĩtandatũ wa ũcio ũtũire etagwo thata. 37#Kĩam 18.14.Nĩ gũkorũo hatirĩ kiugo o na kĩmwe kiumĩte kwĩ Ngai gĩkaaga kũhinga. 38Nake Mariamu akiuga atĩrĩ, Niĩ-rĩ, ndĩ ngombo ya Mwathani: ndĩroekwo o ta ũguo woiga. Nake mũraika agĩtigana nake, agĩthiĩ.
39Nake Mariamu agĩũkĩra matukũ macio, agĩthiĩ ahiũhĩte bũrũri ũrĩa wĩ irĩma nyingĩ, agĩkinya itũũra rĩmwe rĩa Judea; 40agĩtonya nyũmba ya Zakaria, akĩgeithia Elizabethi. 41Na gũgĩtuĩka atĩrĩ, rĩrĩa Elizabethi aaiguire ngeithi icio cia Mariamu, kaana gake gakĩambarara karĩ nda thĩinĩ; nake Elizabethi akĩiyũrũo nĩ Roho Mũtheru, 42akĩanĩrĩra na mũgambo mũnene, akiuga atĩrĩ, Kũrathimwo nĩwe kũrĩ andũ-a-nja othe; o nako karĩa ũgaciara no karathime. 43Na niĩ-rĩ, ũndũ ũyũ ũnyumĩte kũ, atĩ nyina wa Mwathani wakwa oke anjeerere? 44Nĩ ũndũ atĩrĩ, mũgambo wa ngeithi ciaku wakinya matũ-inĩ makwa, kaana nĩkaambarara nda yakwa thĩinĩ, nĩ ũndũ wa gũkena. 45Na gũkena-rĩ, nĩ ũcio wetĩkirie; nĩ gũkorũo maũndũ marĩa erirũo nĩ Mwathani nĩmakahingio. 46Nake Mariamu akiuga atĩrĩ:
Ngoro yakwa nĩĩrakumia Mwathani,
47Naguo roho wakwa nĩũkeneire Ngai Mũhonokia wakwa.
48 #
1 Sam 1.11. Nĩ ũndũ nĩarorete ũrĩa ngombo yake ya mũirĩtu ĩĩnyihĩtie:
Tondũ rĩrĩ, kuuma rĩu njiaro ciothe nĩirĩnduaga mũkenu.
49Nĩ gũkorũo ũrĩa Mũhoti nĩanjĩkĩte maũndũ manene;
Narĩo rĩĩtwa rĩake nĩ rĩtheru.
50Nacio tha ciake ikinyagĩra njiaro na njiaro
Cia arĩa mamwĩtigagĩra.
51Nĩekĩte maũndũ ma hinya na guoko gwake;
Na arĩa metĩĩte, nĩamaharaganĩtie nĩ ũndũ wa mwĩgerero wa ngoro ciao.
52 #
Ayub 5.11; 12.19. Nĩarutĩte aathani itĩ-inĩ ciao cia ũthamaki,
Na agatũũgĩria arĩa ahũthũ.
53Nĩahũnĩtie arĩa ahũtu irio njega;
Nacio itonga nĩaciingatĩte itarĩ na kĩndũ.
54Nĩateithĩtie Isiraeli, ndungata yake,
Aririkaine ũhoro wake wa kũiguanĩra tha,
55 #
Kĩam 17.7. #
1 Sam 2.1-10. O ta ũrĩa erĩire maithe maitũ,
Atĩ nĩakaiguĩra Iburahimu tha o na njiarũa ciake nginya tene na tene.
56Nake Mariamu agĩikara nake ta mĩeri ĩtatũ, agĩcoka akĩinũka kwao.
57Na rĩrĩ, hingo ya Elizabethi ya gũciara ĩgĩkinya, agĩciara kahĩĩ. 58Nao andũ a itũũra rĩao o na arĩa a mũhĩrĩga wao makĩigua atĩ Mwathani nĩakĩrĩrĩirie kũmũiguĩra tha; nao magĩgĩkena hamwe nake. 59#Alaw 12.3.Na gũgĩkinya atĩrĩ, mũthenya wa ĩnana wakinya, makĩũngana makaruithie kaana kau; makĩenda gũgatua Zakaria o ta ũrĩa ithe etagwo. 60Nowe nyina akĩmacokeria akiuga atĩrĩ, Aca, ti ũguo; no nĩegũtuwo Johana. 61Nao makĩmwĩra atĩrĩ, Hĩ! gũtirĩ mũndũ wa mũhĩrĩga wanyu wĩtagwo ũguo. 62Magĩkĩũria ithe rĩĩtwa rĩrĩa ekwenda gatuwo na ũndũ wa kũmũheneria na moko. 63Nake agĩĩtia kahengere ga kwandĩka, akĩandĩka atĩrĩ, Rĩĩtwa rĩako nĩ Johana. Nao othe makĩgega. 64Nake akĩhingũrũo kanua kahinda o kau, na rũrĩmĩ rũake rũkĩregera, akĩaria akĩgoocaga Ngai. 65Nao andũ othe arĩa maatũire hakuhĩ na kwao makĩguoyoha: na mohoro macio mothe makĩmemerekio bũrũri wa Judea, o kũrĩa guothe kwĩ irĩma. 66Nao arĩa othe maamaiguire makĩmaiga ngoro-inĩ ciao, makĩũranagia atĩrĩ, Kaĩ kaana gaka gagagĩtuĩka mũndũ wa mũthemba ũ? Nĩ ũndũ guoko kwa Mwathani kwarĩ hamwe nako.
67Nake Zakaria, ithe, akĩiyũrũo nĩ Roho Mũtheru, akĩratha ũhoro akiuga atĩrĩ,
68Mwathani Ngai wa Isiraeli arokumio;
Tondũ nĩokĩte kũrora andũ ake akamakũũra,
69Agatũtũũgĩrĩria rũhĩa rũa kũhonokania
Ruumĩte nyũmba-inĩ ya Daudi ndungata yake,
70O ta ũrĩa aanoiga na tũnua twa anabii ake atheru kuuma o kĩambĩrĩria-rĩ,
71Nĩguo tũhonokio kũrĩ thũ ciitũ, na kũrĩ arĩa matũmenaga;
72Nĩ getha aiguĩre maithe maitũ tha,
Na aririkane kĩrĩkanĩro gĩake gĩtheru,
73Naguo mwĩhĩtwa ũrĩa ehĩtĩire Iburahimu, ithe witũ;
74Atĩ nĩagatwĩtĩkĩria, twarĩkia kũhonoka moko-inĩ ma thũ ciitũ,
Tũcoke tũmũtungatagĩre tũtarĩ na guoya,
75Na tũtũũre mbere yake matukũ maitũ mothe tũrĩ atheru na tũrĩ athingu.
76 #
Mal 3.1. O nawe, kaana gaka, nĩũgatuwo mũnabii wa Ũrĩa-wĩ-Igũrũ-mũno:
Nĩ gũkorũo nĩũgathiaga mbere ya Mwathani nĩguo ũkamũthondekagĩre njĩra ciake;
77Ũtũme andũ ake mamenyithio ũhoro wa kũhonokio
Nĩ ũndũ wa kuoherũo mehia mao,
78Tondũ wa tha iria cia Ngai witũ.
Na nĩ ũndũ wacio ũrĩa wĩtagwo Gũkĩa-kuumĩte-Igũrũ nĩagoka gũtũrora,
79 #
Isa 9.2. Nĩ getha aarĩre andũ arĩa maikarĩte nduma-inĩ na kĩĩgunyĩ-inĩ gĩa gĩkuũ;
Na arũngĩrĩrie magũrũ maitũ njĩra-inĩ ya thayũ.
80Nako kaana kau gagĩkũra, gakĩgĩa na hinya o roho-inĩ wako; nake agatũũraga mawerũ-inĩ o kinya mũthenya ũrĩa onithirio andũ a Isiraeli.
Currently Selected:
LUKA 1: OGKBIBLE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
LUKA 1
1
1KUONA atĩ andũ aingĩ maanagwata kwandĩka marũa ma maũndũ marĩa tũhingĩirio, 2o ta ũrĩa twaheirũo ũhoro wamo nĩ aira arĩa mameoneire, kuuma o hĩndĩ ĩrĩa maambĩrĩirie gwĩkĩka; nao nĩo maarĩ ndungata cia ũhoro ũcio; 3kuona ũguo-rĩ, niĩ o na niĩ-rĩ, nĩ ũndũ nĩnduĩrĩtie wega maũndũ macio kuuma o rĩrĩa maambĩrĩirie gwĩkwo, nĩnyonete arĩ wega ngwandĩkĩre marũa, wee, Theofilo, mũnene mũgathe, ma gũthingatania maũndũ macio wega o ta ũrĩa mekĩkire, 4nĩ getha ũmenye na ma maũndũ marĩa warutirũo.
5 #
1 Maũ 24.10. Atĩrĩrĩ, matukũ marĩa ma Herode mũthamaki wa Judea, nĩkwarĩ mũthĩnjĩri-Ngai wetagwo Zakaria, warĩ wa ituanĩra rĩrĩa rĩa Abia: nake aarĩ na mũtumia wake wetagwo Elizabethi, wa mũhĩrĩga wa Haruni. 6Nao erĩ nĩmonagwo marĩ athingu nĩ Ngai, na nĩmaathiaga na mĩthiĩre ya kũrũmia maathani mothe ma Mwathani, o na irĩra ciake, matarĩ na ũcuke. 7Nao matiarĩ na mwana, nĩ ũndũ Elizabethi aarĩ thata, na maarĩ akũrũ o erĩ.
8Na gũgĩkinya atĩrĩ, atĩ Zakaria nĩaakorirũo akĩruta wĩra wa mũthĩnjĩri-Ngai hĩndĩ ya ituanĩra rĩake yakinya, 9kũringana na ũrĩa athĩnjĩri-Ngai maamenyerete gwĩkaga. Na gwacukwo mĩtĩ-rĩ, gũgĩtuĩka atĩ nĩwe wa gũtonya hekarũ ya Mwathani thĩinĩ, amũcinĩre ũbumba#1.9 Ũbumba: rora kohoro kaandĩkĩtwo Mat 2.11.. 10Nakĩo kĩrĩndĩ gĩothe nĩkĩahoyagĩra Ngai nja, o thaa ĩo ya gũcina ũbumba. 11Nake Zakaria akiumĩrĩrũo nĩ mũraika wa Mwathani, akĩmuona arũgamĩte mwena-inĩ wa ũrĩo wa kĩgongona kĩrĩa gĩa gũcinĩrũo ũbumba. 12Nake Zakaria aamuona akĩmaka akĩigua guoya. 13Nowe mũraika akĩmwĩra atĩrĩ, Tiga gwĩtigĩra, Zakaria, tondũ gũthaithana gwaku nĩkũiguĩtwo, nake mũtumia waku Elizabethi nĩagagũciarĩra kahĩĩ, nawe nĩũgagatua Johana. 14Ningĩ gũkena nĩũgakena na ũcanjamũke; o na andũ aingĩ nĩmagakena nĩ ũndũ wa gũciarũo gwake. 15#Ndar 6.3.Nĩ gũkorũo nĩagatuwo mũnene nĩ Mwathani, na ndarĩ hĩndĩ akanyua ndibei kana kĩndũ kĩrĩa kĩngĩrĩa mũndũ; nake kũiyũrũo nĩakaiyũrũo nĩ Roho Mũtheru, kuuma o hĩndĩ ĩrĩa akoima nda ya nyina. 16Nake nĩakagarũra andũ aingĩ a mbarĩ ya Isiraeli macoke kũrĩ Mwathani Ngai wao. 17#Mal 4.5,6.Na nĩagathiaga mbere ya Mwathani arĩ na roho na hinya wa Elija, nĩguo akagarũre ngoro cia maithe mendane na ciana ciao, o nao andũ arĩa aremu amagarũre magĩe na ũũgĩ ũrĩa wa andũ athingu; nĩ getha agathondekere Mwathani andũ arĩa mahaarĩirio. 18Nake Zakaria akĩũria mũraika ũcio atĩrĩ, Ngũmenyithio ũhoro ũcio atĩa? Nĩ ũndũ ndĩ mũkũrũ, o na mũtumia wakwa nake nĩaninĩte mĩaka mĩingĩ. 19#Dan 8.16; 9.21.Na mũraika akĩmũcokeria akĩmwĩra atĩrĩ, Niĩ nĩ niĩ Jibiraili, ũrĩa ũrũgamaga harĩ Ngai; na nĩ gũtũmwo ndũmĩtwo ngwarĩrie, ngũrehere ndũmĩrĩri icio njega. 20Na rĩrĩ, nĩũgũkira ũremwo nĩ kwaria o kinya mũthenya ũrĩa maũndũ macio magekĩka, nĩ ũndũ ndũnetĩkia mohoro makwa, o macio makahingio ihinda rĩamo rĩakinya.
21Nakĩo kĩrĩndĩ nĩgĩetereire Zakaria, gĩkĩgega nĩ ũrĩa aaikarire mũno hekarũ thĩinĩ. 22Nake oima, ndaigana kũhota kũmaarĩria na kanua; magĩkĩmenya atĩ nĩonete kĩoneki hekarũ thĩinĩ; nake nĩaamahenahenagĩria na moko, agĩikara o ũguo atekũhota kwaria na kanua. 23Na gũgĩkinya atĩrĩ, atĩ aanina matukũ marĩa ma ũtungati wake, akĩinũka gwake.
24Na thutha wa matukũ macio Elizabethi mũtumia wake akĩgĩa ihu, akĩĩhitha mĩeri ĩtano, akiuga atĩrĩ, 25Ũguo nĩguo Mwathani anjĩkĩte matukũ maya anjũthĩrĩirie, nĩguo eherie rũmena rũrĩa ’menetwo nĩ andũ.
26Naguo mweri wake wa ĩtandatũ wakinya-rĩ, mũraika ũcio Jibiraili agĩtũmwo, oimĩte kũrĩ Ngai, athiĩ itũũra rĩa Galili rĩĩtagwo Nazarethi, 27#Mat 1.18.kwĩ mũirĩtu worĩtio nĩ mũndũ wetagwo Jusufu, ũrĩa warĩ wa nyũmba ya Daudi; nake mũirĩtu ũcio etagwo Mariamu. 28Nake mũraika agĩtonya harĩa aarĩ, akĩmũũria atĩrĩ, Wĩ mũhoro, wee wĩ mũrathime mũno? Mwathani arĩ hamwe nawe. 29Nake agĩtangĩka mũno nĩ ũndũ wa ũhoro ũcio, agĩĩciria ũrĩa ngeithi icio itariĩ. 30Nake mũraika akĩmwĩra atĩrĩ, Mariamu, tiga gwĩtigĩra; nĩ gũkorũo nĩũkinyĩirũo nĩ Wega wa Ngai. 31#Mat 1.21.Na atĩrĩrĩ, nĩũkagĩa ihu, ũciare kahĩĩ, nako nĩũgagatua Jesu. 32#2 Sam 7.12,13,16; Isa 9.7.Nake nĩagatuĩka mũnene, ningĩ nĩagetagwo Mũrũ wa Ũrĩa-wĩ-Igũrũ-mũno: nake Mwathani Ngai nĩakamũhe gĩtĩ-gĩa-ũthamaki kĩrĩa gĩa ithe, Daudi; 33nake nĩagathamakagĩra nyũmba ya Jakubu mĩndĩ na mĩndĩ; naguo ũthamaki wake ndũgathira o na rĩ. 34Nake Mariamu akĩũria mũraika atĩrĩ, Kaĩ ũhoro ũcio ũgatuĩka atĩa, nĩ ũndũ ndiũĩ mũndũ mũrũme? 35Nake mũraika akĩmũcokeria akĩmwĩra atĩrĩ, Roho Mũtheru nĩagoka kũrĩ wee, naguo hinya wa Ũrĩa-wĩ-Igũrũ-mũno nĩũgakũringithia kĩĩgunyĩ: na nĩ ũndũ wa ũhoro ũcio, karĩa gagaciarũo nĩgagatuwo gatheru, o Mũrũ wa Ngai. 36O na atĩrĩrĩ, Elizabethi, mũtumia ũrĩa wa mũhĩrĩga wanyu, o nake arĩ na ihu rĩa kahĩĩ, o na aatuĩka nĩ mũkũrũ: naguo mweri ũyũ nĩguo wa ĩtandatũ wa ũcio ũtũire etagwo thata. 37#Kĩam 18.14.Nĩ gũkorũo hatirĩ kiugo o na kĩmwe kiumĩte kwĩ Ngai gĩkaaga kũhinga. 38Nake Mariamu akiuga atĩrĩ, Niĩ-rĩ, ndĩ ngombo ya Mwathani: ndĩroekwo o ta ũguo woiga. Nake mũraika agĩtigana nake, agĩthiĩ.
39Nake Mariamu agĩũkĩra matukũ macio, agĩthiĩ ahiũhĩte bũrũri ũrĩa wĩ irĩma nyingĩ, agĩkinya itũũra rĩmwe rĩa Judea; 40agĩtonya nyũmba ya Zakaria, akĩgeithia Elizabethi. 41Na gũgĩtuĩka atĩrĩ, rĩrĩa Elizabethi aaiguire ngeithi icio cia Mariamu, kaana gake gakĩambarara karĩ nda thĩinĩ; nake Elizabethi akĩiyũrũo nĩ Roho Mũtheru, 42akĩanĩrĩra na mũgambo mũnene, akiuga atĩrĩ, Kũrathimwo nĩwe kũrĩ andũ-a-nja othe; o nako karĩa ũgaciara no karathime. 43Na niĩ-rĩ, ũndũ ũyũ ũnyumĩte kũ, atĩ nyina wa Mwathani wakwa oke anjeerere? 44Nĩ ũndũ atĩrĩ, mũgambo wa ngeithi ciaku wakinya matũ-inĩ makwa, kaana nĩkaambarara nda yakwa thĩinĩ, nĩ ũndũ wa gũkena. 45Na gũkena-rĩ, nĩ ũcio wetĩkirie; nĩ gũkorũo maũndũ marĩa erirũo nĩ Mwathani nĩmakahingio. 46Nake Mariamu akiuga atĩrĩ:
Ngoro yakwa nĩĩrakumia Mwathani,
47Naguo roho wakwa nĩũkeneire Ngai Mũhonokia wakwa.
48 #
1 Sam 1.11. Nĩ ũndũ nĩarorete ũrĩa ngombo yake ya mũirĩtu ĩĩnyihĩtie:
Tondũ rĩrĩ, kuuma rĩu njiaro ciothe nĩirĩnduaga mũkenu.
49Nĩ gũkorũo ũrĩa Mũhoti nĩanjĩkĩte maũndũ manene;
Narĩo rĩĩtwa rĩake nĩ rĩtheru.
50Nacio tha ciake ikinyagĩra njiaro na njiaro
Cia arĩa mamwĩtigagĩra.
51Nĩekĩte maũndũ ma hinya na guoko gwake;
Na arĩa metĩĩte, nĩamaharaganĩtie nĩ ũndũ wa mwĩgerero wa ngoro ciao.
52 #
Ayub 5.11; 12.19. Nĩarutĩte aathani itĩ-inĩ ciao cia ũthamaki,
Na agatũũgĩria arĩa ahũthũ.
53Nĩahũnĩtie arĩa ahũtu irio njega;
Nacio itonga nĩaciingatĩte itarĩ na kĩndũ.
54Nĩateithĩtie Isiraeli, ndungata yake,
Aririkaine ũhoro wake wa kũiguanĩra tha,
55 #
Kĩam 17.7. #
1 Sam 2.1-10. O ta ũrĩa erĩire maithe maitũ,
Atĩ nĩakaiguĩra Iburahimu tha o na njiarũa ciake nginya tene na tene.
56Nake Mariamu agĩikara nake ta mĩeri ĩtatũ, agĩcoka akĩinũka kwao.
57Na rĩrĩ, hingo ya Elizabethi ya gũciara ĩgĩkinya, agĩciara kahĩĩ. 58Nao andũ a itũũra rĩao o na arĩa a mũhĩrĩga wao makĩigua atĩ Mwathani nĩakĩrĩrĩirie kũmũiguĩra tha; nao magĩgĩkena hamwe nake. 59#Alaw 12.3.Na gũgĩkinya atĩrĩ, mũthenya wa ĩnana wakinya, makĩũngana makaruithie kaana kau; makĩenda gũgatua Zakaria o ta ũrĩa ithe etagwo. 60Nowe nyina akĩmacokeria akiuga atĩrĩ, Aca, ti ũguo; no nĩegũtuwo Johana. 61Nao makĩmwĩra atĩrĩ, Hĩ! gũtirĩ mũndũ wa mũhĩrĩga wanyu wĩtagwo ũguo. 62Magĩkĩũria ithe rĩĩtwa rĩrĩa ekwenda gatuwo na ũndũ wa kũmũheneria na moko. 63Nake agĩĩtia kahengere ga kwandĩka, akĩandĩka atĩrĩ, Rĩĩtwa rĩako nĩ Johana. Nao othe makĩgega. 64Nake akĩhingũrũo kanua kahinda o kau, na rũrĩmĩ rũake rũkĩregera, akĩaria akĩgoocaga Ngai. 65Nao andũ othe arĩa maatũire hakuhĩ na kwao makĩguoyoha: na mohoro macio mothe makĩmemerekio bũrũri wa Judea, o kũrĩa guothe kwĩ irĩma. 66Nao arĩa othe maamaiguire makĩmaiga ngoro-inĩ ciao, makĩũranagia atĩrĩ, Kaĩ kaana gaka gagagĩtuĩka mũndũ wa mũthemba ũ? Nĩ ũndũ guoko kwa Mwathani kwarĩ hamwe nako.
67Nake Zakaria, ithe, akĩiyũrũo nĩ Roho Mũtheru, akĩratha ũhoro akiuga atĩrĩ,
68Mwathani Ngai wa Isiraeli arokumio;
Tondũ nĩokĩte kũrora andũ ake akamakũũra,
69Agatũtũũgĩrĩria rũhĩa rũa kũhonokania
Ruumĩte nyũmba-inĩ ya Daudi ndungata yake,
70O ta ũrĩa aanoiga na tũnua twa anabii ake atheru kuuma o kĩambĩrĩria-rĩ,
71Nĩguo tũhonokio kũrĩ thũ ciitũ, na kũrĩ arĩa matũmenaga;
72Nĩ getha aiguĩre maithe maitũ tha,
Na aririkane kĩrĩkanĩro gĩake gĩtheru,
73Naguo mwĩhĩtwa ũrĩa ehĩtĩire Iburahimu, ithe witũ;
74Atĩ nĩagatwĩtĩkĩria, twarĩkia kũhonoka moko-inĩ ma thũ ciitũ,
Tũcoke tũmũtungatagĩre tũtarĩ na guoya,
75Na tũtũũre mbere yake matukũ maitũ mothe tũrĩ atheru na tũrĩ athingu.
76 #
Mal 3.1. O nawe, kaana gaka, nĩũgatuwo mũnabii wa Ũrĩa-wĩ-Igũrũ-mũno:
Nĩ gũkorũo nĩũgathiaga mbere ya Mwathani nĩguo ũkamũthondekagĩre njĩra ciake;
77Ũtũme andũ ake mamenyithio ũhoro wa kũhonokio
Nĩ ũndũ wa kuoherũo mehia mao,
78Tondũ wa tha iria cia Ngai witũ.
Na nĩ ũndũ wacio ũrĩa wĩtagwo Gũkĩa-kuumĩte-Igũrũ nĩagoka gũtũrora,
79 #
Isa 9.2. Nĩ getha aarĩre andũ arĩa maikarĩte nduma-inĩ na kĩĩgunyĩ-inĩ gĩa gĩkuũ;
Na arũngĩrĩrie magũrũ maitũ njĩra-inĩ ya thayũ.
80Nako kaana kau gagĩkũra, gakĩgĩa na hinya o roho-inĩ wako; nake agatũũraga mawerũ-inĩ o kinya mũthenya ũrĩa onithirio andũ a Isiraeli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019