MARIKO 4
4
1 #
Luk 5.1-3. NA rĩngĩ akĩgwata kũruta andũ ũhoro hũgũrũrũ-inĩ cia iria. Na kĩrĩndĩ gĩkĩũngana harĩ we kĩingĩ mũno, agĩgĩtonya marikabu, agĩikara hau iria-inĩ; nakĩo kĩrĩndĩ kĩu gĩothe gĩgĩikara hũgũrũrũ-inĩ cia iria, tĩri-inĩ. 2Akĩmaruta maũndũ maingĩ na ngerekano, agĩkĩmera akĩmarutaga atĩrĩ, 3Iguai: rĩu-rĩ, mũhuri nĩoimagarire agĩthiĩ kũhura mbeũ: 4na gũgĩkinya atĩrĩ, rĩrĩa aahuraga, mbeũ imwe ikĩgũa thĩ mũkĩra-inĩ wa njĩra, nacio nyoni igĩũka ikĩrĩa ikĩinina. 5Na ingĩ ikĩgũa rũnyanjara-inĩ, ikĩaga tĩri mũingĩ ho; ikĩmera o narua, nĩ ũndũ hatiarĩ na tĩri mũriku: 6na riũa rĩaara, ikĩhĩa, na tondũ itiarĩ na mĩri, ikĩũma. 7Na ingĩ ikĩgũa mĩigua-inĩ, nayo mĩigua ĩgĩkũra, ĩgĩcithararia, ikĩaga gũciara. 8Ingĩ nacio ikĩgũa tĩri-inĩ ũrĩa mũnoru, igĩciara, irio icio igĩkũra na ikĩingĩha; imwe ikiuma mĩrongo ĩtatũ, na ingĩ mĩrongo ĩtandatũ, na ingĩ igana. 9Agĩcoka akiuga atĩrĩ, Ũrĩa wĩ na matũ ma kũigua, nĩakĩigue.
10Ningĩ aakorũo e wiki, arĩa maarĩ nake hamwe na arĩa ikũmi na erĩ makĩmũũria ũhoro wa ngerekano icio. 11Nake akĩmera atĩrĩrĩ, Inyuĩ mũrĩ a kũheo ũhoro ũrĩa wa hitho wa ũthamaki wa Ngai: no arĩa angĩ matarĩ a thiritũ yanyu monagio maũndũ mothe na ngerekano: 12#Isa 6.9,10.nĩguo kũrora marorage, na maage kuona; na kũigua maiguage, na maage kũmenya; nĩguo matikae hihi kũgarũrũka ngoro, na moherũo. 13Agĩcoka akĩmoria atĩrĩ, Githĩ mũtikũmenya ngerekano ĩo? ningĩ mũrĩmenyaga atĩa ngerekano iria ingĩ ciothe? 14Mũhuri ũcio nĩ Ũhoro ahuraga. 15Aya nao nĩ arĩa me mũkĩra-inĩ wa njĩra, harĩa Ũhoro ũhurĩtwo: nao maarĩkia kũigua, ihinda o rĩu Shaitani agoka, akaruta Ũhoro ũcio wahandwo thĩinĩ wao. 16Aya nao, o ũndũ ũmwe, nĩ arĩa mahurĩtwo rũnyanjara-inĩ; acio maaigua Ũhoro, maũgwataga o rĩmwe na gĩkeno; 17na matirĩ na mĩri thĩinĩ wao ene, no gũikara maikaikaraga ihinda; rĩrĩ rĩngĩ, kwagĩa thĩna kana kĩnyarirano nĩ ũndũ wa Ũhoro ũcio, o kahinda kanini makahĩngwo. 18Na angĩ nĩ arĩa mahurĩtwo mĩigua-inĩ; acio nĩ arĩa maiguĩte Ũhoro, 19namo mabata ma gũkũ thĩ, na maheni ma ũtonga, na mĩĩto ya maũndũ mangĩ, igĩtonya ngoro ciao, ikahatĩka Ũhoro, naguo ũkaaga gũciara maciaro. 20Nao arĩa angĩ nĩo maahurirũo tĩri-inĩ ũrĩa mũnoru; nĩ ta arĩa maiguaga Ũhoro, makawĩtĩkĩra, magaciara maciaro, amwe makaruta maita mĩrongo ĩtatũ, na angĩ maita mĩrongo ĩtandatũ, na angĩ igana.
21 #
Mat 5.15; Luk 11.33. Agĩcoka akĩmera atĩrĩrĩ, Nĩngaarĩ tawa ũrehagwo ũkunĩkĩrio na irebe, kana ũigwo ruungu rũa ũrĩrĩ, githĩ to ũigwo igũrũ handũ haguo? 22#Mat 10.26; Luk 12.2.Tondũ gũtirĩ ũndũ ũhithĩtwo tiga o ũkonanio; na gũtirĩ ũndũ warindirũo tiga o ũkoimĩrio. 23Akorũo mũndũ e na matũ ma kũigua, nĩakĩigue. 24#Mat 7.2; Luk 6.38.Agĩcoka akĩmera atĩrĩ, Mũmenyagĩrĩre ũrĩa mũiguaga: kĩgeri kĩrĩa mũgeranagĩra nakĩo nĩkĩo mũrĩgeragĩrũo nakĩo: na nĩmũrĩkĩragĩrĩrio. 25#Mat 13.12; 25.29; Luk 19.26.Tondũ mũndũ ũrĩa wĩ na indo, nĩwe ũkaheo ingĩ: nake ũrĩa ũtarĩ, nĩagatunyũo o na kĩrĩa e nakĩo.
26Agĩcoka akiuga atĩrĩ, Ũthamaki wa Ngai ũtariĩ ta arĩ, ta mũndũ angĩikia mbeũ tĩri-inĩ; 27na akomage agĩũkagĩra ũtukũ na mũthenya, nacio mbeũ imere na ikũrage, atoĩ we ũrĩa ciĩkũragia. 28Thĩ ĩĩciaragia yo nyene; ĩkaamba kũmeria nguha, na thutha gũgoka igira, na thutha ũcio igira thĩinĩ hakagĩa na hĩndĩ iria njiganu. 29#Joel 3.13.Ningĩ irio cioma, o rĩmwe agaciikia rũhiũ, tondũ hingo nĩ nginyu ya kũgetha.
30Agĩcoka akiuga atĩrĩ, Tũhaananie ũthamaki wa Ngai na kĩ? kana tũheane ũhoro waguo na ngerekano ĩrĩkũ? 31Nĩ ta kahĩndĩ ga karatarĩ, ko kaahandwo tĩri-inĩ, o na gaakorũo ge kanini gũkĩra mbeũ ciothe irĩ thĩ, 32kaahandwo-rĩ, gagakũra gagakĩria irio ciothe cia mũgũnda kũneneha, na gakaruta honge nene; nacio nyoni cia rĩera-inĩ ikahotaga kũraara kĩgunyĩ-inĩ gĩako.
33Na nĩaamaheaga ũhoro na ngerekano nyingĩ ta icio, o ũrĩa mangĩhota kũũigua: 34na ndaamaaragĩria hatarĩ ngerekano: no arutwo ake mwene, acio nĩaamataũragĩra maũndũ mothe rĩrĩa hatarĩ andũ angĩ.
35Na mũthenya o ũcio, hwaĩ-inĩ wakinya, akĩmera, Nĩtũringe mũrĩmo ũrĩa. 36Magĩtigana na kĩrĩndĩ kĩu, makĩmũtwara hamwe nao marikabu-inĩ, o ũguo aatariĩ. Na kwarĩ marikabu ingĩ ciatwaranire hamwe nake. 37Na gũkĩgĩa kĩhuhũkanio kĩnene kĩa rũhuho, namo makũmbĩ ma maĩ magĩĩtonyia o marikabu thĩinĩ, marikabu ĩgĩkĩenda kũiyũra maĩ. 38We nake aarĩ mũthia-inĩ wa thutha wa marikabu, akomeire muuto e toro: makĩmũũkĩria, makĩmwĩra, Mũrutani, githĩ ndũkũũria tũkĩũra? 39Nake agĩũkĩra, agĩkaania rũhuho, na akĩĩra iria atĩrĩ, Kira, ũhorere. Naruo rũhuho rũgĩtuĩka, gũkĩhorera o kũhorera. 40Agĩcoka akĩmoria atĩrĩ, Mũmakĩte nĩkĩ? mũtirĩ mũretĩkia o na rĩu? 41Nao magĩĩtigĩra o mũno, makĩũrania atĩrĩ, Kaĩ mũndũ ũyũ akĩrĩ ũ, kuona atĩ o na rũhuho na iria nĩimũiguaga?
Currently Selected:
MARIKO 4: OGKBIBLE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
MARIKO 4
4
1 #
Luk 5.1-3. NA rĩngĩ akĩgwata kũruta andũ ũhoro hũgũrũrũ-inĩ cia iria. Na kĩrĩndĩ gĩkĩũngana harĩ we kĩingĩ mũno, agĩgĩtonya marikabu, agĩikara hau iria-inĩ; nakĩo kĩrĩndĩ kĩu gĩothe gĩgĩikara hũgũrũrũ-inĩ cia iria, tĩri-inĩ. 2Akĩmaruta maũndũ maingĩ na ngerekano, agĩkĩmera akĩmarutaga atĩrĩ, 3Iguai: rĩu-rĩ, mũhuri nĩoimagarire agĩthiĩ kũhura mbeũ: 4na gũgĩkinya atĩrĩ, rĩrĩa aahuraga, mbeũ imwe ikĩgũa thĩ mũkĩra-inĩ wa njĩra, nacio nyoni igĩũka ikĩrĩa ikĩinina. 5Na ingĩ ikĩgũa rũnyanjara-inĩ, ikĩaga tĩri mũingĩ ho; ikĩmera o narua, nĩ ũndũ hatiarĩ na tĩri mũriku: 6na riũa rĩaara, ikĩhĩa, na tondũ itiarĩ na mĩri, ikĩũma. 7Na ingĩ ikĩgũa mĩigua-inĩ, nayo mĩigua ĩgĩkũra, ĩgĩcithararia, ikĩaga gũciara. 8Ingĩ nacio ikĩgũa tĩri-inĩ ũrĩa mũnoru, igĩciara, irio icio igĩkũra na ikĩingĩha; imwe ikiuma mĩrongo ĩtatũ, na ingĩ mĩrongo ĩtandatũ, na ingĩ igana. 9Agĩcoka akiuga atĩrĩ, Ũrĩa wĩ na matũ ma kũigua, nĩakĩigue.
10Ningĩ aakorũo e wiki, arĩa maarĩ nake hamwe na arĩa ikũmi na erĩ makĩmũũria ũhoro wa ngerekano icio. 11Nake akĩmera atĩrĩrĩ, Inyuĩ mũrĩ a kũheo ũhoro ũrĩa wa hitho wa ũthamaki wa Ngai: no arĩa angĩ matarĩ a thiritũ yanyu monagio maũndũ mothe na ngerekano: 12#Isa 6.9,10.nĩguo kũrora marorage, na maage kuona; na kũigua maiguage, na maage kũmenya; nĩguo matikae hihi kũgarũrũka ngoro, na moherũo. 13Agĩcoka akĩmoria atĩrĩ, Githĩ mũtikũmenya ngerekano ĩo? ningĩ mũrĩmenyaga atĩa ngerekano iria ingĩ ciothe? 14Mũhuri ũcio nĩ Ũhoro ahuraga. 15Aya nao nĩ arĩa me mũkĩra-inĩ wa njĩra, harĩa Ũhoro ũhurĩtwo: nao maarĩkia kũigua, ihinda o rĩu Shaitani agoka, akaruta Ũhoro ũcio wahandwo thĩinĩ wao. 16Aya nao, o ũndũ ũmwe, nĩ arĩa mahurĩtwo rũnyanjara-inĩ; acio maaigua Ũhoro, maũgwataga o rĩmwe na gĩkeno; 17na matirĩ na mĩri thĩinĩ wao ene, no gũikara maikaikaraga ihinda; rĩrĩ rĩngĩ, kwagĩa thĩna kana kĩnyarirano nĩ ũndũ wa Ũhoro ũcio, o kahinda kanini makahĩngwo. 18Na angĩ nĩ arĩa mahurĩtwo mĩigua-inĩ; acio nĩ arĩa maiguĩte Ũhoro, 19namo mabata ma gũkũ thĩ, na maheni ma ũtonga, na mĩĩto ya maũndũ mangĩ, igĩtonya ngoro ciao, ikahatĩka Ũhoro, naguo ũkaaga gũciara maciaro. 20Nao arĩa angĩ nĩo maahurirũo tĩri-inĩ ũrĩa mũnoru; nĩ ta arĩa maiguaga Ũhoro, makawĩtĩkĩra, magaciara maciaro, amwe makaruta maita mĩrongo ĩtatũ, na angĩ maita mĩrongo ĩtandatũ, na angĩ igana.
21 #
Mat 5.15; Luk 11.33. Agĩcoka akĩmera atĩrĩrĩ, Nĩngaarĩ tawa ũrehagwo ũkunĩkĩrio na irebe, kana ũigwo ruungu rũa ũrĩrĩ, githĩ to ũigwo igũrũ handũ haguo? 22#Mat 10.26; Luk 12.2.Tondũ gũtirĩ ũndũ ũhithĩtwo tiga o ũkonanio; na gũtirĩ ũndũ warindirũo tiga o ũkoimĩrio. 23Akorũo mũndũ e na matũ ma kũigua, nĩakĩigue. 24#Mat 7.2; Luk 6.38.Agĩcoka akĩmera atĩrĩ, Mũmenyagĩrĩre ũrĩa mũiguaga: kĩgeri kĩrĩa mũgeranagĩra nakĩo nĩkĩo mũrĩgeragĩrũo nakĩo: na nĩmũrĩkĩragĩrĩrio. 25#Mat 13.12; 25.29; Luk 19.26.Tondũ mũndũ ũrĩa wĩ na indo, nĩwe ũkaheo ingĩ: nake ũrĩa ũtarĩ, nĩagatunyũo o na kĩrĩa e nakĩo.
26Agĩcoka akiuga atĩrĩ, Ũthamaki wa Ngai ũtariĩ ta arĩ, ta mũndũ angĩikia mbeũ tĩri-inĩ; 27na akomage agĩũkagĩra ũtukũ na mũthenya, nacio mbeũ imere na ikũrage, atoĩ we ũrĩa ciĩkũragia. 28Thĩ ĩĩciaragia yo nyene; ĩkaamba kũmeria nguha, na thutha gũgoka igira, na thutha ũcio igira thĩinĩ hakagĩa na hĩndĩ iria njiganu. 29#Joel 3.13.Ningĩ irio cioma, o rĩmwe agaciikia rũhiũ, tondũ hingo nĩ nginyu ya kũgetha.
30Agĩcoka akiuga atĩrĩ, Tũhaananie ũthamaki wa Ngai na kĩ? kana tũheane ũhoro waguo na ngerekano ĩrĩkũ? 31Nĩ ta kahĩndĩ ga karatarĩ, ko kaahandwo tĩri-inĩ, o na gaakorũo ge kanini gũkĩra mbeũ ciothe irĩ thĩ, 32kaahandwo-rĩ, gagakũra gagakĩria irio ciothe cia mũgũnda kũneneha, na gakaruta honge nene; nacio nyoni cia rĩera-inĩ ikahotaga kũraara kĩgunyĩ-inĩ gĩako.
33Na nĩaamaheaga ũhoro na ngerekano nyingĩ ta icio, o ũrĩa mangĩhota kũũigua: 34na ndaamaaragĩria hatarĩ ngerekano: no arutwo ake mwene, acio nĩaamataũragĩra maũndũ mothe rĩrĩa hatarĩ andũ angĩ.
35Na mũthenya o ũcio, hwaĩ-inĩ wakinya, akĩmera, Nĩtũringe mũrĩmo ũrĩa. 36Magĩtigana na kĩrĩndĩ kĩu, makĩmũtwara hamwe nao marikabu-inĩ, o ũguo aatariĩ. Na kwarĩ marikabu ingĩ ciatwaranire hamwe nake. 37Na gũkĩgĩa kĩhuhũkanio kĩnene kĩa rũhuho, namo makũmbĩ ma maĩ magĩĩtonyia o marikabu thĩinĩ, marikabu ĩgĩkĩenda kũiyũra maĩ. 38We nake aarĩ mũthia-inĩ wa thutha wa marikabu, akomeire muuto e toro: makĩmũũkĩria, makĩmwĩra, Mũrutani, githĩ ndũkũũria tũkĩũra? 39Nake agĩũkĩra, agĩkaania rũhuho, na akĩĩra iria atĩrĩ, Kira, ũhorere. Naruo rũhuho rũgĩtuĩka, gũkĩhorera o kũhorera. 40Agĩcoka akĩmoria atĩrĩ, Mũmakĩte nĩkĩ? mũtirĩ mũretĩkia o na rĩu? 41Nao magĩĩtigĩra o mũno, makĩũrania atĩrĩ, Kaĩ mũndũ ũyũ akĩrĩ ũ, kuona atĩ o na rũhuho na iria nĩimũiguaga?
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019