NDARI 14
14
1Nakĩo kĩrĩndĩ gĩothe gĩkĩanĩrĩra, gĩkĩrĩra na mũgambo mũnene, andũ magĩkĩraara makĩrĩra ũtukũ ũcio. 2Nacio ciana cia Isiraeli ciothe igĩtetera Musa na Haruni, kĩrĩndĩ kĩu gĩothe gĩgĩkĩmera atĩrĩ, Na arĩ korũo nĩ gũkua twakuĩrĩire bũrũri wa Misiri Kana na arĩ korũo nĩ gũkua twakuĩrĩire gũkũ werũ-inĩ ũyũ! 3Ningĩ-rĩ, nĩ kĩ gĩgũtũma Jehova atũtware bũrũri ũcio tũkaninwo na hiũ cia njora? Atumia aitũ, na ciana ciitũ rĩu no a gũtahwo; githĩ ti kaba tũkĩhũndũke tũcoke Misiri? 4Magĩkĩĩrana atĩrĩ, Ukĩrai tũthure mũndũ ũmwe atuĩke mũnene witũ, tũcoke Misiri. 5Hĩndĩ ĩo Musa na Haruni makĩĩgũithia magĩturumithia mothiũ thĩ mbere ya kĩrĩndĩ kĩu gĩothe kĩonganĩte gĩa ciana cia Isiraeli. 6Nake Joshua wa Nuni, na Kalebu wa Jefune, arĩa maarĩ a thiritũ ya acio maathiĩte gũthigana bũrũri ũcio, magĩtembũranga nguo ciao 7magĩkĩarĩria kĩrĩndĩ kĩu gĩothe gĩa ciana cia Isiraeli, magĩkĩĩra atĩrĩ, Bũrũri ũcio wothe twatuĩkanirie tũkĩũthigana-rĩ, nĩ bũrũri mwega mũno makĩria. 8Na kũngĩkorũo Jehova nĩakenagio nĩ ithuĩ, ndarĩ hingo ategũtũtwara bũrũri ũcio, na atũhe ũtuĩke witũ naguo nĩ bũrũri wĩ bũthi wa iria na ũũkĩ. 9#Ahib 3.16.Na rĩrĩ, menyai mũreme Jehova, kana mwĩtigĩre andũ a bũrũri ũcio; nĩ ũndũ nĩo megũtuĩka kandũ gaitũ na rĩrĩ, kĩrĩa kĩmagitagĩra nĩkĩeherete gĩkoima igũrũ rĩao, na Jehova e hamwe na ithuĩ; menyai mũmetigĩre. 10No rĩrĩ, kĩrĩndĩ kĩu gĩothe kĩoiga mahũrũo na mahiga nyuguto-rĩ, ũnene wa Jehova ũgĩkĩoneka nĩ ciana ciothe cia Isiraeli o kũu hema-inĩ-ya-gũtũnganwo.
11Nake Jehova akĩĩra Musa atĩrĩ, Kaĩ andũ aya megũgĩtũũra ma’menete nginya hĩndĩ ĩ? Na nĩ nginya hĩndĩ ĩ megũtũũra maregete kwĩĩ’hoka na ũrĩa ndanakĩringa ciama ikĩonagwo nĩo? 12Nĩngũmahũra na mũthiro na ndĩmaime igai rĩao, njoke ngũtue rũrĩrĩ rũnene mũno arĩ wee, na rũĩ hinya mũno kũmakĩra. 13#Thama 32.11-14.Nake Musa agĩkĩĩra Jehova atĩrĩ, Weka ũguo-rĩ, andũ a Misiri nĩmekũigua ũhoro ũcio, nĩ gũkorũo wee nĩwe waambatirie andũ aya ũkĩmaruta thĩinĩ wao na hinya waku; 14nao nĩmekũhe andũ a bũrũri ũyũ ũhoro wa maũndũ macio, o aya maiguĩte atĩ wee Jehova wĩ hamwe na andũ aya; nĩ ũndũ nĩwĩyonanagia harĩ o mũroranĩtie maitho, na ningĩ itu rĩaku nĩrĩikaraga rĩrũgamĩte igũrũ rĩao; na makĩria atĩ wee nĩũthiaga ũmatongoretie, ũrĩ gĩtugĩ-inĩ gĩa itu mũthenya, o na gĩtugĩ-inĩ kĩa mwaki ũtukũ. 15Na rĩrĩ, rĩu ũngĩũraga andũ aya othe o ta marĩ o mũndũ ũmwe-rĩ, ndũrĩrĩ iria ciiguĩte ngumo yaku nĩirĩaria ũhoro, ciuge atĩrĩ, 16Tondũ Jehova nĩaremetwo nĩ gũkinyia andũ aya bũrũri ũrĩa aamerĩire na mwĩhĩtwa atĩ nĩakamahe-rĩ, nĩkĩo amoragĩire werũ-inĩ. 17Na rĩu, ndagũthaitha, ũreke hinya wa Jehova wonwo ũrĩ o mũnene, o ta ũrĩa waaririe ũkiuga ũũ: 18#Thama 20.5,6; 34.6,7; Gũcok 5.9,10; 7.9,10.Jehova ndahiũhaga kũrakara, na nĩaiyũirũo nĩ tha, na nĩwe muohanĩri waganu, o na mahĩtia, na ndangiuga atĩ mũndũ mwaganu nĩ mwega o na atĩa; na nĩwe ũkinyagĩria ciana waganu wa maithe nginya rũciaro rũa gatatũ na rũa kana. 19Ohera andũ aya waganu wao, ndagũthaitha, o ta ũrĩa tha ciaku ciingĩhĩte ningĩ wohere andũ aya o ta ũrĩa ũtũire ũmohagĩra gwata hĩndĩ ĩrĩa maarĩ Misiri, o nginya rĩu. 20Nake Jehova akiuga atĩrĩ, Nĩndakĩmohera, o ta ũguo kiugo gĩaku gĩtariĩ; 21#Ahib 3.18.no rĩrĩ, ti-itherũ o ta ũrĩa niĩ ndũũraga muoyo, na ningĩ o ta ũrĩa thĩ yothe ĩkaiyũra ũnene wa Jehova-rĩ, 22kuona atĩ andũ aya othe, o aya monete ũnene wakwa, o na ciama ciakwa iria ndaringĩire kũu Misiri o na gũkũ werũ-inĩ ũyũ, nĩmangeretie maihinda macio ikũmi, na makarega kũigua ũhoro ũrĩa ndĩmaheaga-rĩ, 23ti-itherũ matikona bũrũri ũcio nderĩire maithe mao na mwĩhĩtwa, kana mũndũ o na ũrĩkũ wa arĩa ma’menete akawona; 24#Josh 14.9-12.no rĩrĩ, Kalebu ndungata yakwa, tondũ roho ũrĩa ũmũgucĩtie nĩ wa mũthemba ũngĩ, na nĩanũmĩrĩire mũno, ũcio nowe ngakinyia bũrũri ũcio egũthiĩte; na wĩgwatĩrũo nĩ mbeũ yake. 25Na rĩrĩ, tondũ Aamaleki, na Aakanaani, matũũraga kĩanda-inĩ-rĩ, rũciũ rokai kũhũndũka, mũcoke werũ-inĩ mũthiĩ mũrorete na njĩra ya Iria Itune.
26Ningĩ Jehova akĩarĩria Musa, na Haruni, akĩmera atĩrĩ, 27Ngũtũũra ngiragĩrĩria maũndũ ma kĩrĩndĩ gĩkĩ kĩũru ũũ nginya hĩndĩ ĩ, o gĩkĩ gĩtindaga gĩkĩndetera? Nĩnjiguĩte gũteta gwa ciana cia Isiraeli, kũrĩa indetagĩra. 28Ciĩre atĩrĩ, Jehova oiga ũũ: O ta ũrĩa niĩ ndũũraga muoyo-rĩ, ti-itherũ maũndũ macio mwaaria, ngĩiguaga na matũ makwa, nomo ngamwĩka. 29#Ahib 3.17.Ciimba cianyu ikagũa gũkũ werũ-inĩ ũyũ, o inyuĩ arĩa othe mwatarirũo, o ta ũrĩa mwaiganire mũgĩtarũo inyuothe kuuma o arĩa maakinyĩtie mĩaka mĩrongo ĩĩrĩ na magakĩria hau; arĩa othe mandeteire-rĩ, makagũa kuo. 30Ti-itherũ inyuĩ mũtigakinya bũrũri ũcio, o ũcio ndoeire guoko gwakwa na igũrũ ngĩĩhĩta ngiuga atĩ nĩmũkaũtũũra, tiga o Kalebu wa Jefune, na Joshua wa Nuni, oiki. 31No rĩrĩ, andũ anyu arĩa anyinyi, o arĩa mwoigire atĩ nĩ a gũtahwo-rĩ, nĩo ngakinyia kuo, nao nĩo makamenya bũrũri ũcio inyuĩ mwarega. 32No rĩrĩ, ha ũhoro wanyu-rĩ, ciimba cianyu ikagũa gũkũ werũ-inĩ ũyũ. 33#Atũm 7.36.Nacio ciana cianyu igũtuĩka orũri werũ-inĩ ihinda rĩa mĩaka mĩrongo ĩna, na icokererũo nĩ ũũru wa merirĩria manyu ma waganu, o nginya hĩndĩ ĩrĩa ciimba cianyu igathirĩra gũkũ werũ-inĩ. 34Na rĩrĩ, o ta ũrĩa matukũ maaiganaga marĩa mwathiire gũthigana bũrũri ũcio, naguo ũguo nĩ ta kuuga matukũ mĩrongo ĩna-rĩ, o mũthenya ũmwe ũgũtuĩka mwaka ũmwe, nĩguo mũcokererũo nĩ ũũru wanyu, o mĩaka mĩrongo ĩna, nĩguo ũndũ ũcio ũmũmenyithie ũrĩa nyambĩte gũtiga kũmũhingĩria kĩĩranĩro gĩakwa. 35Niĩ Jehova nĩ niĩ ndoiga ũndũ ũcio, na ti-itherũ ndirĩ hingo itakawĩka kĩrĩndĩ gĩkĩ kĩaganu ũũ, o gĩkĩ gĩcokanĩrĩire hamwe kĩnjũkĩrĩre kĩrĩndĩ gĩkĩ-rĩ, gĩgathirĩra werũ-inĩ ũyũ, na nĩkuo gĩgakuĩra. 36Nao andũ acio Musa aareketie nĩguo magathigane bũrũri ũcio, o arĩa maatũmire kĩrĩndĩ gĩothe kĩmũtetere maacoka, nĩ ũndũ wa ũrĩa maaheanĩte ũhoro mũũru wa bũruri ũcio-rĩ, 37acio maaheanire ũhoro mũũru wa bũrũri ũcio, maakuĩrĩire nĩ mũthiro o hau mbere ya Jehova. 38No rĩrĩ, Joshua wa Nuni, na Kalebu wa Jefune, no-o maatigirũo muoyo thĩinĩ wa andũ acio maathiĩte gũthigana bũrũri ũcio. 39Nake Musa agĩkĩhe andũ acio othe a ciana cia Isiraeli ũhoro ũcio; nao makĩrĩra me na kĩeha kĩnene mũno. 40Ningĩ makĩroka gũũkĩra rũcinĩ tene, makĩambata kĩrĩma, magĩkinya o igũrũ gacũmbĩrĩ, makiugaga atĩrĩ, Tondũ rĩu tũkĩrĩ haha-rĩ, nĩtũkwambata tũthiĩ kũndũ kũu Jehova aatwĩrĩire nĩ gũkorũo nĩtwĩhĩtie. 41Nake Musa akĩmera atĩrĩ, Mũrakĩagarara watho wa Jehova nĩkĩ, kuona atĩ ũndũ ũcio mũrorete ndũngĩrehanĩre wega? 42Tigai gũthiĩ, nĩ ũndũ Jehova ndarĩ thĩinĩ wanyu, nĩguo mũtikahũrũo nĩ thũ cianyu mũninwo. 43Nĩ gũkorũo Aamaleki, o na Akanaani me mbere yanyu, na nĩmũkũninwo na hiũ cia njora nĩ gũkorũo nĩmũhutatĩire Jehova mũkarega kũmũrũmĩrĩra, tondũ ũcio Jehova ndekorũo e hamwe na inyuĩ. 44No-o magĩtua mĩkwa, makĩhaica kĩrĩma, magĩkinya gacũmbĩrĩ; no rĩrĩ, ithandũkũ rĩa kĩrĩkanĩro kĩa Jehova rĩtiigana kuuma hau kĩraaro-inĩ, o na kana Musa akiuma ho. 45Hĩndĩ ĩo Aamaleki na Akanaani arĩa maatũũraga kĩrĩma-inĩ kĩu magĩikũrũka makĩmahũra, makĩmatoria, makĩmakinyia o Horoma.
Currently Selected:
NDARI 14: OGKBIBLE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 2019
NDARI 14
14
1Nakĩo kĩrĩndĩ gĩothe gĩkĩanĩrĩra, gĩkĩrĩra na mũgambo mũnene, andũ magĩkĩraara makĩrĩra ũtukũ ũcio. 2Nacio ciana cia Isiraeli ciothe igĩtetera Musa na Haruni, kĩrĩndĩ kĩu gĩothe gĩgĩkĩmera atĩrĩ, Na arĩ korũo nĩ gũkua twakuĩrĩire bũrũri wa Misiri Kana na arĩ korũo nĩ gũkua twakuĩrĩire gũkũ werũ-inĩ ũyũ! 3Ningĩ-rĩ, nĩ kĩ gĩgũtũma Jehova atũtware bũrũri ũcio tũkaninwo na hiũ cia njora? Atumia aitũ, na ciana ciitũ rĩu no a gũtahwo; githĩ ti kaba tũkĩhũndũke tũcoke Misiri? 4Magĩkĩĩrana atĩrĩ, Ukĩrai tũthure mũndũ ũmwe atuĩke mũnene witũ, tũcoke Misiri. 5Hĩndĩ ĩo Musa na Haruni makĩĩgũithia magĩturumithia mothiũ thĩ mbere ya kĩrĩndĩ kĩu gĩothe kĩonganĩte gĩa ciana cia Isiraeli. 6Nake Joshua wa Nuni, na Kalebu wa Jefune, arĩa maarĩ a thiritũ ya acio maathiĩte gũthigana bũrũri ũcio, magĩtembũranga nguo ciao 7magĩkĩarĩria kĩrĩndĩ kĩu gĩothe gĩa ciana cia Isiraeli, magĩkĩĩra atĩrĩ, Bũrũri ũcio wothe twatuĩkanirie tũkĩũthigana-rĩ, nĩ bũrũri mwega mũno makĩria. 8Na kũngĩkorũo Jehova nĩakenagio nĩ ithuĩ, ndarĩ hingo ategũtũtwara bũrũri ũcio, na atũhe ũtuĩke witũ naguo nĩ bũrũri wĩ bũthi wa iria na ũũkĩ. 9#Ahib 3.16.Na rĩrĩ, menyai mũreme Jehova, kana mwĩtigĩre andũ a bũrũri ũcio; nĩ ũndũ nĩo megũtuĩka kandũ gaitũ na rĩrĩ, kĩrĩa kĩmagitagĩra nĩkĩeherete gĩkoima igũrũ rĩao, na Jehova e hamwe na ithuĩ; menyai mũmetigĩre. 10No rĩrĩ, kĩrĩndĩ kĩu gĩothe kĩoiga mahũrũo na mahiga nyuguto-rĩ, ũnene wa Jehova ũgĩkĩoneka nĩ ciana ciothe cia Isiraeli o kũu hema-inĩ-ya-gũtũnganwo.
11Nake Jehova akĩĩra Musa atĩrĩ, Kaĩ andũ aya megũgĩtũũra ma’menete nginya hĩndĩ ĩ? Na nĩ nginya hĩndĩ ĩ megũtũũra maregete kwĩĩ’hoka na ũrĩa ndanakĩringa ciama ikĩonagwo nĩo? 12Nĩngũmahũra na mũthiro na ndĩmaime igai rĩao, njoke ngũtue rũrĩrĩ rũnene mũno arĩ wee, na rũĩ hinya mũno kũmakĩra. 13#Thama 32.11-14.Nake Musa agĩkĩĩra Jehova atĩrĩ, Weka ũguo-rĩ, andũ a Misiri nĩmekũigua ũhoro ũcio, nĩ gũkorũo wee nĩwe waambatirie andũ aya ũkĩmaruta thĩinĩ wao na hinya waku; 14nao nĩmekũhe andũ a bũrũri ũyũ ũhoro wa maũndũ macio, o aya maiguĩte atĩ wee Jehova wĩ hamwe na andũ aya; nĩ ũndũ nĩwĩyonanagia harĩ o mũroranĩtie maitho, na ningĩ itu rĩaku nĩrĩikaraga rĩrũgamĩte igũrũ rĩao; na makĩria atĩ wee nĩũthiaga ũmatongoretie, ũrĩ gĩtugĩ-inĩ gĩa itu mũthenya, o na gĩtugĩ-inĩ kĩa mwaki ũtukũ. 15Na rĩrĩ, rĩu ũngĩũraga andũ aya othe o ta marĩ o mũndũ ũmwe-rĩ, ndũrĩrĩ iria ciiguĩte ngumo yaku nĩirĩaria ũhoro, ciuge atĩrĩ, 16Tondũ Jehova nĩaremetwo nĩ gũkinyia andũ aya bũrũri ũrĩa aamerĩire na mwĩhĩtwa atĩ nĩakamahe-rĩ, nĩkĩo amoragĩire werũ-inĩ. 17Na rĩu, ndagũthaitha, ũreke hinya wa Jehova wonwo ũrĩ o mũnene, o ta ũrĩa waaririe ũkiuga ũũ: 18#Thama 20.5,6; 34.6,7; Gũcok 5.9,10; 7.9,10.Jehova ndahiũhaga kũrakara, na nĩaiyũirũo nĩ tha, na nĩwe muohanĩri waganu, o na mahĩtia, na ndangiuga atĩ mũndũ mwaganu nĩ mwega o na atĩa; na nĩwe ũkinyagĩria ciana waganu wa maithe nginya rũciaro rũa gatatũ na rũa kana. 19Ohera andũ aya waganu wao, ndagũthaitha, o ta ũrĩa tha ciaku ciingĩhĩte ningĩ wohere andũ aya o ta ũrĩa ũtũire ũmohagĩra gwata hĩndĩ ĩrĩa maarĩ Misiri, o nginya rĩu. 20Nake Jehova akiuga atĩrĩ, Nĩndakĩmohera, o ta ũguo kiugo gĩaku gĩtariĩ; 21#Ahib 3.18.no rĩrĩ, ti-itherũ o ta ũrĩa niĩ ndũũraga muoyo, na ningĩ o ta ũrĩa thĩ yothe ĩkaiyũra ũnene wa Jehova-rĩ, 22kuona atĩ andũ aya othe, o aya monete ũnene wakwa, o na ciama ciakwa iria ndaringĩire kũu Misiri o na gũkũ werũ-inĩ ũyũ, nĩmangeretie maihinda macio ikũmi, na makarega kũigua ũhoro ũrĩa ndĩmaheaga-rĩ, 23ti-itherũ matikona bũrũri ũcio nderĩire maithe mao na mwĩhĩtwa, kana mũndũ o na ũrĩkũ wa arĩa ma’menete akawona; 24#Josh 14.9-12.no rĩrĩ, Kalebu ndungata yakwa, tondũ roho ũrĩa ũmũgucĩtie nĩ wa mũthemba ũngĩ, na nĩanũmĩrĩire mũno, ũcio nowe ngakinyia bũrũri ũcio egũthiĩte; na wĩgwatĩrũo nĩ mbeũ yake. 25Na rĩrĩ, tondũ Aamaleki, na Aakanaani, matũũraga kĩanda-inĩ-rĩ, rũciũ rokai kũhũndũka, mũcoke werũ-inĩ mũthiĩ mũrorete na njĩra ya Iria Itune.
26Ningĩ Jehova akĩarĩria Musa, na Haruni, akĩmera atĩrĩ, 27Ngũtũũra ngiragĩrĩria maũndũ ma kĩrĩndĩ gĩkĩ kĩũru ũũ nginya hĩndĩ ĩ, o gĩkĩ gĩtindaga gĩkĩndetera? Nĩnjiguĩte gũteta gwa ciana cia Isiraeli, kũrĩa indetagĩra. 28Ciĩre atĩrĩ, Jehova oiga ũũ: O ta ũrĩa niĩ ndũũraga muoyo-rĩ, ti-itherũ maũndũ macio mwaaria, ngĩiguaga na matũ makwa, nomo ngamwĩka. 29#Ahib 3.17.Ciimba cianyu ikagũa gũkũ werũ-inĩ ũyũ, o inyuĩ arĩa othe mwatarirũo, o ta ũrĩa mwaiganire mũgĩtarũo inyuothe kuuma o arĩa maakinyĩtie mĩaka mĩrongo ĩĩrĩ na magakĩria hau; arĩa othe mandeteire-rĩ, makagũa kuo. 30Ti-itherũ inyuĩ mũtigakinya bũrũri ũcio, o ũcio ndoeire guoko gwakwa na igũrũ ngĩĩhĩta ngiuga atĩ nĩmũkaũtũũra, tiga o Kalebu wa Jefune, na Joshua wa Nuni, oiki. 31No rĩrĩ, andũ anyu arĩa anyinyi, o arĩa mwoigire atĩ nĩ a gũtahwo-rĩ, nĩo ngakinyia kuo, nao nĩo makamenya bũrũri ũcio inyuĩ mwarega. 32No rĩrĩ, ha ũhoro wanyu-rĩ, ciimba cianyu ikagũa gũkũ werũ-inĩ ũyũ. 33#Atũm 7.36.Nacio ciana cianyu igũtuĩka orũri werũ-inĩ ihinda rĩa mĩaka mĩrongo ĩna, na icokererũo nĩ ũũru wa merirĩria manyu ma waganu, o nginya hĩndĩ ĩrĩa ciimba cianyu igathirĩra gũkũ werũ-inĩ. 34Na rĩrĩ, o ta ũrĩa matukũ maaiganaga marĩa mwathiire gũthigana bũrũri ũcio, naguo ũguo nĩ ta kuuga matukũ mĩrongo ĩna-rĩ, o mũthenya ũmwe ũgũtuĩka mwaka ũmwe, nĩguo mũcokererũo nĩ ũũru wanyu, o mĩaka mĩrongo ĩna, nĩguo ũndũ ũcio ũmũmenyithie ũrĩa nyambĩte gũtiga kũmũhingĩria kĩĩranĩro gĩakwa. 35Niĩ Jehova nĩ niĩ ndoiga ũndũ ũcio, na ti-itherũ ndirĩ hingo itakawĩka kĩrĩndĩ gĩkĩ kĩaganu ũũ, o gĩkĩ gĩcokanĩrĩire hamwe kĩnjũkĩrĩre kĩrĩndĩ gĩkĩ-rĩ, gĩgathirĩra werũ-inĩ ũyũ, na nĩkuo gĩgakuĩra. 36Nao andũ acio Musa aareketie nĩguo magathigane bũrũri ũcio, o arĩa maatũmire kĩrĩndĩ gĩothe kĩmũtetere maacoka, nĩ ũndũ wa ũrĩa maaheanĩte ũhoro mũũru wa bũruri ũcio-rĩ, 37acio maaheanire ũhoro mũũru wa bũrũri ũcio, maakuĩrĩire nĩ mũthiro o hau mbere ya Jehova. 38No rĩrĩ, Joshua wa Nuni, na Kalebu wa Jefune, no-o maatigirũo muoyo thĩinĩ wa andũ acio maathiĩte gũthigana bũrũri ũcio. 39Nake Musa agĩkĩhe andũ acio othe a ciana cia Isiraeli ũhoro ũcio; nao makĩrĩra me na kĩeha kĩnene mũno. 40Ningĩ makĩroka gũũkĩra rũcinĩ tene, makĩambata kĩrĩma, magĩkinya o igũrũ gacũmbĩrĩ, makiugaga atĩrĩ, Tondũ rĩu tũkĩrĩ haha-rĩ, nĩtũkwambata tũthiĩ kũndũ kũu Jehova aatwĩrĩire nĩ gũkorũo nĩtwĩhĩtie. 41Nake Musa akĩmera atĩrĩ, Mũrakĩagarara watho wa Jehova nĩkĩ, kuona atĩ ũndũ ũcio mũrorete ndũngĩrehanĩre wega? 42Tigai gũthiĩ, nĩ ũndũ Jehova ndarĩ thĩinĩ wanyu, nĩguo mũtikahũrũo nĩ thũ cianyu mũninwo. 43Nĩ gũkorũo Aamaleki, o na Akanaani me mbere yanyu, na nĩmũkũninwo na hiũ cia njora nĩ gũkorũo nĩmũhutatĩire Jehova mũkarega kũmũrũmĩrĩra, tondũ ũcio Jehova ndekorũo e hamwe na inyuĩ. 44No-o magĩtua mĩkwa, makĩhaica kĩrĩma, magĩkinya gacũmbĩrĩ; no rĩrĩ, ithandũkũ rĩa kĩrĩkanĩro kĩa Jehova rĩtiigana kuuma hau kĩraaro-inĩ, o na kana Musa akiuma ho. 45Hĩndĩ ĩo Aamaleki na Akanaani arĩa maatũũraga kĩrĩma-inĩ kĩu magĩikũrũka makĩmahũra, makĩmatoria, makĩmakinyia o Horoma.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 2019