TAUNET 15
15
Koarorjin Jehovah Abram sigetab lakwet, ak ametab Kanan
1Kingobata tuguchu koityi Abram ng’olyotab Jehovah eng’ ng’ang’utiet, kolenji, Ameiywei, Abram; a long’eng’ung’ ak melektang’ung’, ne o ne siirtoot. 2Kole Abram, Ee Kiptaiyat Jehovah, igona nee, kawe kalilot amatinye lakwa, ak inendet ne tun indii tugukyuk ko Elieser ne bo Damasko? 3Ak kole Abram, Keer anyun-o, ma igona iyotet: ak inendet ne kigisikyi gonnyu ko noto ne tun indii tugukyuk. 4Keero, kiityi inendet ng’olyotab Jehovah kolenji, Ma tun namei chichi tuguguk; ago namei tuguguk ne mong’une bortang’ung’. 5Ak kiimut inendet kwo sang’, ak kolenji, Inyal kipsengwet, iit kecheik, ngo tos imuchi iit: ak kolenji, Tenitu choto lagoguk. 6Ak kiiyan Jehovah; ak kiityi inendet imanda amu noto.
Kigimiti kayomiset
7Ak kilenji, Ane Jehovah ne kiamutun imong’une Ur ne bo Kaldeik, si agonin emoni kobunjin. 8Ak kole, Ee, Kiptaiyat Jehovah, anae nee ale tun bunjina? 9Ak kilenji, Namwa roriat ne bo kenyisiek somok, ak subendo ne bo ng’oror ne bo kenyisiek somok, ak mengit ne bo kenyisiek somok, ak cheptuget ak aruetab tarit. 10Ak kinam chuto tugul, ak kobet, yeityo konde motwet age tugul kotoorjigei motwennyi: ago ma kibet taritik. 11Ak kichorjigei motong’wek banyechato, ak kion Abram.
12Ye kingororoktoi asista, kobutyi Abram ruondo ne nyigis; ak ogeero, kiimu inendet mesundeito ne o. 13Ak kilenji Jehovah Abram, Nai anyun iman ile, egu lagoguk toek eng’ emet ne ma nenywa, ak koot ichek bichoto; ak konyalil ichek eng’ kenyisiek bogol ang’wan; 14ak tun aruokyini bororionoto agine ne tun bendi lagoguk kootei: ak ye ibata noto komong’ koboto tuguk che chang’. 15Ago iwendi inye eng’ kalyet ole mi kwanisieguk; kitubin ye tun ilil. 16Ak tun weegugei kogeny kobwanei yu eng’ ibinda ne bo ang’wan: amu tomo konyi tengektab Amorik. 17Ak kibiit ko u ni, ye kingororoktoi asista, ko kaimenit, kotook mat ne boto iyeto ak mat ne liblibeni ne bunei kwenutab banyechato. 18Ak kiiyomisgei Jehovah betunoto ak Abram, kole, Kiagochi iyoteng’ung’ emoni, koboch ainetab Misri agoi ainet ne o, ne kiguure Euprate: 19kiagochi ichek Kenik, ak Kenisik, ak Kadmonik, 20Ak Hitik, ak Perisik, ak Repaik, 21ak Amorik, ak Kananik, ak Girgasik, ak Jebusik.
Currently Selected:
TAUNET 15: BUKUIT
Highlight
Share
Copy
Want to have your highlights saved across all your devices? Sign up or sign in
God's word open for all
©Bible Society of Kenya, 2020
TAUNET 15
15
Koarorjin Jehovah Abram sigetab lakwet, ak ametab Kanan
1Kingobata tuguchu koityi Abram ng’olyotab Jehovah eng’ ng’ang’utiet, kolenji, Ameiywei, Abram; a long’eng’ung’ ak melektang’ung’, ne o ne siirtoot. 2Kole Abram, Ee Kiptaiyat Jehovah, igona nee, kawe kalilot amatinye lakwa, ak inendet ne tun indii tugukyuk ko Elieser ne bo Damasko? 3Ak kole Abram, Keer anyun-o, ma igona iyotet: ak inendet ne kigisikyi gonnyu ko noto ne tun indii tugukyuk. 4Keero, kiityi inendet ng’olyotab Jehovah kolenji, Ma tun namei chichi tuguguk; ago namei tuguguk ne mong’une bortang’ung’. 5Ak kiimut inendet kwo sang’, ak kolenji, Inyal kipsengwet, iit kecheik, ngo tos imuchi iit: ak kolenji, Tenitu choto lagoguk. 6Ak kiiyan Jehovah; ak kiityi inendet imanda amu noto.
Kigimiti kayomiset
7Ak kilenji, Ane Jehovah ne kiamutun imong’une Ur ne bo Kaldeik, si agonin emoni kobunjin. 8Ak kole, Ee, Kiptaiyat Jehovah, anae nee ale tun bunjina? 9Ak kilenji, Namwa roriat ne bo kenyisiek somok, ak subendo ne bo ng’oror ne bo kenyisiek somok, ak mengit ne bo kenyisiek somok, ak cheptuget ak aruetab tarit. 10Ak kinam chuto tugul, ak kobet, yeityo konde motwet age tugul kotoorjigei motwennyi: ago ma kibet taritik. 11Ak kichorjigei motong’wek banyechato, ak kion Abram.
12Ye kingororoktoi asista, kobutyi Abram ruondo ne nyigis; ak ogeero, kiimu inendet mesundeito ne o. 13Ak kilenji Jehovah Abram, Nai anyun iman ile, egu lagoguk toek eng’ emet ne ma nenywa, ak koot ichek bichoto; ak konyalil ichek eng’ kenyisiek bogol ang’wan; 14ak tun aruokyini bororionoto agine ne tun bendi lagoguk kootei: ak ye ibata noto komong’ koboto tuguk che chang’. 15Ago iwendi inye eng’ kalyet ole mi kwanisieguk; kitubin ye tun ilil. 16Ak tun weegugei kogeny kobwanei yu eng’ ibinda ne bo ang’wan: amu tomo konyi tengektab Amorik. 17Ak kibiit ko u ni, ye kingororoktoi asista, ko kaimenit, kotook mat ne boto iyeto ak mat ne liblibeni ne bunei kwenutab banyechato. 18Ak kiiyomisgei Jehovah betunoto ak Abram, kole, Kiagochi iyoteng’ung’ emoni, koboch ainetab Misri agoi ainet ne o, ne kiguure Euprate: 19kiagochi ichek Kenik, ak Kenisik, ak Kadmonik, 20Ak Hitik, ak Perisik, ak Repaik, 21ak Amorik, ak Kananik, ak Girgasik, ak Jebusik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
God's word open for all
©Bible Society of Kenya, 2020