TAUNET 18
18
Kotaachei Abraham malaikaisiek somok
1Kimong’ji Jehovah Abraham eng’ ye negite ketikab Mamre, ye kitebyei eng’ kurgetab emainnyi ko kang’wanit asis; 2ak kitobendo ak kigeer bik somok kotonondos ko kaitoorjigei inendet: ak ye kingogeer, kolabat eng’ kurgetab emainnyi kotorokta icheget, ak kong’uruk agoi ng’ony. 3Ak kole, Kiptaiyandennyu, ngot ko kaanyoru mieindo eng’ taing’ung’, asain ale, amesiirtoe otwogindeng’ung’: 4ingeibwok beek tutigin, si oune kelyekwok, ak omuuny eng’ ketit kel: 5si aibwok amitwogik tutigin, si ogimegitu; ye ibata osiirte: kobwanjini otwogindeng’wong’ agobo noto. Ak kile ichek, Yai ko u yoto kaimwa. 6Ak kichakta Abraham kwo go ole mi Sara eng’ emait, ak kolenji, Chob kerutik somok che bo busiek che tambulul ak ichokyi si ikwanykwany ak ibeel kobwa makatinik che lebelen. 7Ak kilabat Abraham ole mi tuga kwo koget barnotiot ne mie, ak kogochi otwogindet kochob kochokyi. 8Ak konam mwaitab chego, ak chego, ak barnotiondonoto kaga kochob, koipchi konde tainywa; ak kotonon inendet eng’ ole negite ichek eng’ ketit kel. Koamis anyun bichoto.
9Ak kilenji ichek inendet, Mi ano Sara kwondong’ung’? Kolenji, Mi go. 10Ak kimwa inendet kole, Aweekyininge iman eng’ kenyit ne nyonei eng’ betusiechuto; ak keero, sichei kwondong’ung’ Sara werit. Ak kiebe it Sara, komi kurgetab emait, ne kimi batai. 11Ak kiga koosegitu Abraham ak Sara, kiga kotar kenyisiek che chang’; ak kiga kong’et iyotetab Sara. 12Kirori anyun Sara eng’ muguleldanyi, kole, Tos ta abaibaitu ago kogotertera osindo, ak kagoosit agine kiptaiyandennyu? 13Ak kilenji Jehovah Abraham, Amu nee si korori Sara, kole, Tos ta amuchi iman ane asich lakwet, ko kaaositu? 14Tos mi kiy age tugul ne temene Jehovah? Aweekyininge eng’ kenyit ne nyonei, eng’ betusiechuto, eng’ betut ne kaachob, ak kosich Sara werit. 15Kitiiyo anyun Sara, kole, Ma arori; amu kiiywei. Ak kilenji, Achicha; kerori.
Kosaei Abraham agobo Sodom
16King’eetyo anyun bichoto koba eng’ yoto, kotokyigei Sodom: ak kiwa Abraham koboto icheget koyomis. 17Ak kile Jehovah, Tos aung’e Abraham kit ne amache ayai; 18amu tun egu iman Abraham bororiet ne o ne tinyei kimnatet, ak kiberuri bororiosiek tugul che bo ng’ony eng’ inendet? 19Amu kaalewen inendet si komuch koboi lagokyik ak gonnyi che biitu let eng’ inendet, si kobiit korib oretab Jehovah, koyai ne bo iman ak kiruoget; si kobiit kosuldochi Jehovah Abraham kit ne kimwa agobo inendet. 20Ak kile Jehovah, O kateiyetab Sodom ak Gomora, samisen tengekwogikwak mising’; 21kachortege anyun nguno amu noto si ageer ngo kigoyai iman ko u kateiyenywa, ne kigonyonja; ak ngo ma u noto, anai.
22Ak kiweeigei bichoto eng’ oloto, koba kotokyigei Sodom: ago kita kotononi Abraham eng’ taitab Jehovah. 23Ak kirikyi Abraham Jehovah, ak koteebe kolenji, Tos iwong’u bik che bo iman koboto che yaachen? 24Ngot komi bik che bo iman konomu eng’ nganaset: ko tos iwong’u amerire nganaset agobo bichoto konom che bo iman che mi oloto? 25Ingolooit eng’ inye, yaet ne u nito, ibar che bo iman koboto che yaachen, si kogergeit che bo iman ak che yaachen; ingolooit eng’ inye: tos mayaei iman Kiruogindet ne bo ng’onyuni komugul? 26Ak kile Jehovah, Ngot anyorji Sodom bik konom che bo iman, arire anyun oloto tugul amu ichek. 27Ak kiwolji Abraham kole, Keero, kaagany ang’alalji Kiptaiyat, ago ane ko a temburiek ak ko a orek kityo: 28tos ngot ko ma biit bik mutu eng’ bik konom che bo iman: ko tos ing’em nganaset komugul amu bik mut che mami? Ak kile, Mang’eme agot anyorji bik artam ak mut. 29Ak kita kong’alalji kogeny kolenji, Ngot anyun kenyorji artam? Kole, Mayae kiy amu choto artam. 30Ak kile, Amat konerech Kiptaiyat, si kota ang’alal: ngot anyun kenyorji sosom? Kole, Mayae kiy, ngot anyorji sosom oloto. 31Ak kile, Keero, kaagany ang’alalji Kiptaiyat: ngot anyun kenyorji tiptem oloton? Kole, Mang’eme amu choto tiptem. 32Ak kile, amat konerech Kiptaiyat, si kota amwa ni kityo: Ngot anyun kenyorji taman oloto? Kole, Mang’eme amu choto taman. 33Kiwa Jehovah anyun bandanyi, ye kingogesgei ng’alalet ne king’alali ak Abraham: ak kiweeigei Abraham kwo oldanyi.
Currently Selected:
TAUNET 18: BUKUIT
Highlight
Share
Copy
Want to have your highlights saved across all your devices? Sign up or sign in
God's word open for all
©Bible Society of Kenya, 2020
TAUNET 18
18
Kotaachei Abraham malaikaisiek somok
1Kimong’ji Jehovah Abraham eng’ ye negite ketikab Mamre, ye kitebyei eng’ kurgetab emainnyi ko kang’wanit asis; 2ak kitobendo ak kigeer bik somok kotonondos ko kaitoorjigei inendet: ak ye kingogeer, kolabat eng’ kurgetab emainnyi kotorokta icheget, ak kong’uruk agoi ng’ony. 3Ak kole, Kiptaiyandennyu, ngot ko kaanyoru mieindo eng’ taing’ung’, asain ale, amesiirtoe otwogindeng’ung’: 4ingeibwok beek tutigin, si oune kelyekwok, ak omuuny eng’ ketit kel: 5si aibwok amitwogik tutigin, si ogimegitu; ye ibata osiirte: kobwanjini otwogindeng’wong’ agobo noto. Ak kile ichek, Yai ko u yoto kaimwa. 6Ak kichakta Abraham kwo go ole mi Sara eng’ emait, ak kolenji, Chob kerutik somok che bo busiek che tambulul ak ichokyi si ikwanykwany ak ibeel kobwa makatinik che lebelen. 7Ak kilabat Abraham ole mi tuga kwo koget barnotiot ne mie, ak kogochi otwogindet kochob kochokyi. 8Ak konam mwaitab chego, ak chego, ak barnotiondonoto kaga kochob, koipchi konde tainywa; ak kotonon inendet eng’ ole negite ichek eng’ ketit kel. Koamis anyun bichoto.
9Ak kilenji ichek inendet, Mi ano Sara kwondong’ung’? Kolenji, Mi go. 10Ak kimwa inendet kole, Aweekyininge iman eng’ kenyit ne nyonei eng’ betusiechuto; ak keero, sichei kwondong’ung’ Sara werit. Ak kiebe it Sara, komi kurgetab emait, ne kimi batai. 11Ak kiga koosegitu Abraham ak Sara, kiga kotar kenyisiek che chang’; ak kiga kong’et iyotetab Sara. 12Kirori anyun Sara eng’ muguleldanyi, kole, Tos ta abaibaitu ago kogotertera osindo, ak kagoosit agine kiptaiyandennyu? 13Ak kilenji Jehovah Abraham, Amu nee si korori Sara, kole, Tos ta amuchi iman ane asich lakwet, ko kaaositu? 14Tos mi kiy age tugul ne temene Jehovah? Aweekyininge eng’ kenyit ne nyonei, eng’ betusiechuto, eng’ betut ne kaachob, ak kosich Sara werit. 15Kitiiyo anyun Sara, kole, Ma arori; amu kiiywei. Ak kilenji, Achicha; kerori.
Kosaei Abraham agobo Sodom
16King’eetyo anyun bichoto koba eng’ yoto, kotokyigei Sodom: ak kiwa Abraham koboto icheget koyomis. 17Ak kile Jehovah, Tos aung’e Abraham kit ne amache ayai; 18amu tun egu iman Abraham bororiet ne o ne tinyei kimnatet, ak kiberuri bororiosiek tugul che bo ng’ony eng’ inendet? 19Amu kaalewen inendet si komuch koboi lagokyik ak gonnyi che biitu let eng’ inendet, si kobiit korib oretab Jehovah, koyai ne bo iman ak kiruoget; si kobiit kosuldochi Jehovah Abraham kit ne kimwa agobo inendet. 20Ak kile Jehovah, O kateiyetab Sodom ak Gomora, samisen tengekwogikwak mising’; 21kachortege anyun nguno amu noto si ageer ngo kigoyai iman ko u kateiyenywa, ne kigonyonja; ak ngo ma u noto, anai.
22Ak kiweeigei bichoto eng’ oloto, koba kotokyigei Sodom: ago kita kotononi Abraham eng’ taitab Jehovah. 23Ak kirikyi Abraham Jehovah, ak koteebe kolenji, Tos iwong’u bik che bo iman koboto che yaachen? 24Ngot komi bik che bo iman konomu eng’ nganaset: ko tos iwong’u amerire nganaset agobo bichoto konom che bo iman che mi oloto? 25Ingolooit eng’ inye, yaet ne u nito, ibar che bo iman koboto che yaachen, si kogergeit che bo iman ak che yaachen; ingolooit eng’ inye: tos mayaei iman Kiruogindet ne bo ng’onyuni komugul? 26Ak kile Jehovah, Ngot anyorji Sodom bik konom che bo iman, arire anyun oloto tugul amu ichek. 27Ak kiwolji Abraham kole, Keero, kaagany ang’alalji Kiptaiyat, ago ane ko a temburiek ak ko a orek kityo: 28tos ngot ko ma biit bik mutu eng’ bik konom che bo iman: ko tos ing’em nganaset komugul amu bik mut che mami? Ak kile, Mang’eme agot anyorji bik artam ak mut. 29Ak kita kong’alalji kogeny kolenji, Ngot anyun kenyorji artam? Kole, Mayae kiy amu choto artam. 30Ak kile, Amat konerech Kiptaiyat, si kota ang’alal: ngot anyun kenyorji sosom? Kole, Mayae kiy, ngot anyorji sosom oloto. 31Ak kile, Keero, kaagany ang’alalji Kiptaiyat: ngot anyun kenyorji tiptem oloton? Kole, Mang’eme amu choto tiptem. 32Ak kile, amat konerech Kiptaiyat, si kota amwa ni kityo: Ngot anyun kenyorji taman oloto? Kole, Mang’eme amu choto taman. 33Kiwa Jehovah anyun bandanyi, ye kingogesgei ng’alalet ne king’alali ak Abraham: ak kiweeigei Abraham kwo oldanyi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
God's word open for all
©Bible Society of Kenya, 2020