JOHANA 11
11
King’eeti Lasaro eng’ che kibek
1Ak kimian chito age ne kiguure Lasaro, ne bo Betania, ne bo nganasetab Maria ak chepkamet Marta. 2Ak ki Maria nito ne kiil Kiptaiyat eng’ mwaita, ak kouuse kelyekyik sumeekyik, ne kitinyei ng’etab kamet, Lasaro, ne kimian. 3Kiiyokyi chepkametwogichato inendet ng’olyot, kolenji, Kiptaiyandani, keero, miani inendet ne ichame.
4Ago ye kingogas Jesu noto, kole, Ma bo meet mianoto, ago bo torornatetab Jehovah, ak kilosune Weritab Jehovah noto.
5Ak kichamei Jesu Marta, ak chepkamet, ak Lasaro. 6Kingogas anyun kole miani, kota kotebi betusiek aeng’ eng’ ole kimi. 7Kingobatga nito anyun, kolenji alamalyet, Ongebe Judea kogeny. 8Kolenji alamalyet, Rabbi, kocheng’ei Yahudik kolachin eng’ koik; ak iwendi olindo kogeny? 9Kowol Jesu kole, Tos mami saisiek tamanu ak aeng’ eng’ betut? Ngo wendot chi bet, ko maginachi, amu keerei lapkeiyetab ng’onyuni. 10Ago ngo wendot chi kemoi, kinachi, amu mami lapkeiyet eng’ inendet. 11Komwa tuguchu: ak ye ibata kolenji ichek, Inuuchi choruennyu Lasaro; ago awendi, si ang’eet inendet eng’ ruondo. 12Kolenji anyun alamalyet inendet, Kiptaiyandani, ngot konuuchi, ko kaga ta kosobei. 13Ago kimwaei Jesu agobo meennyi: ak kilen ichek abere mwaei agobo ruondo ne kiga konuuch. 14Kimwachi anyun Jesu ichek komie, kolenji, Kogome Lasaro. 15Ago abaibai agobo okwek amu kima ami olindo, si kobiit oyan; ago ongebe ole mi inendet. 16Kolenji anyun Tomas, ne kiguure Didumo, alamalyet chun alak, Ongebe ak achek, si kobiit kebegu ak inendet.
17Ye kingoit Jesu anyun, konyor kole kiga kotebe kererit betusiek ang’wan. 18Ki negite Betania Jerusalem, ki bo olo bo maelisiek aeng’; 19ak kigabwanji che chang’ che bo Yahudik Marta ak Maria si kogaigai ichek agobo ng’etab kamet.
20Kingogas anyun Marta kole, nyonei Jesu, kwo kotorokta inendet; ago kita kotebi Maria eng’ go. 21Kolenji Marta anyun Jesu, Kiptaiyandani, nda kiimi yu, ta kima komeei werit ne kitupche. 22Ago angen agot nguno ale, kit age tugul ne isome Jehovah, kogonin Jehovah. 23Kolenji Jesu inendet, Ta kong’eetei ng’etab komet. 24Kolenji Marta inendet, Angen ale ng’eetei eng’ ng’eetyet ne bo betutab let. 25Kolenji Jesu, A ng’eetyet, ak sobondo: inendet ne iyana, agot ngo me, ko ta kosobei: 26ak chi age tugul ne sobei ak koyanan ko mameei matiny. Tos iyani inye nito? 27Kolenji, We, Kiptaiyandani; kaayan ale i Kristo, Weritab Jehovah, ne nyonei ng’ony.
28Ak ye kingo kagomwa nito cheboto, kwo, ak koguur Maria, chepkamet, eng’ ung’ot, kole, Mitei yu Konetindet; kuurin. 29Ak ye kingogas noto, kong’eet kochakta kwo ole mi inendet. 30(Ago kitomo koit Jesu nganasanato, ago kita komi ole kiga tuiyechi ak Marta.) 31Kiisub anyun Yahudik cheboto, icheget che kimi koboto inendet eng’ go kogoigoi, ye kingogeer kong’eet Maria, ak kochakta komanda sang’, kolen wendi kererit korirei eng’ oloto.
32Ye kingoit anyun Maria ole mi Jesu, ak kogeer inendet, kobutyi kelyekyik, ak kolenji, Kiptaiyandani, nda kiimi yu, ta kima komeei werit ne kitupche. 33Ye kingogeer Jesu anyun inendet korirei, ak korirtos agichek Yahudik che kigabwa koboto inendet, kogas king’wan eng’ tamirmiriet, koarogen, 34ak kole, Kionde ano? Kolenji, Nyo, Kiptaiyandani, keer. 35Korir Jesu. 36Kole anyun Yahudik, Ogeer anyun-o ole kichamdoi inendet! 37Ago kile alak eng’ ichek, Kiga temene chichi, ne kiyatei konyekab chito ne ki korat, koger si mame agine chichi?
38Kogas anyun Jesu king’wan kogeny eng’ orinnyi konyonei kererit. Ki kebenet, ak kigegere koita kurget. 39Kole Jesu, Oiste koita. Kolenji Marta, chepkametab inendet ne kime, Kiptaiyandani, kogobul: amu koboch ngome ko betusiek ang’wan. 40Kolenji Jesu inendet, Kama amwaun, ale, ngiyani, igeere torornatetab Jehovah? 41Koisto anyun koita. Ak kiyot met Jesu ak kole, Baba, amwaun kongoi ale kaigasa. 42Ak kaanai ale igasa eng’ ui tugul: ago kaamwa ni amu tuiyoni tononi eng’ yuto, si kobiit koyan kole kiiyokwa. 43Ak ye kingo kagomwa ko u noto, komwa eng’ kutit ne o, kole, Lasaro, mong’u. 44Komong’ anyun inendet ne kiga me, ko ratotin eunek ak kelyek eng’ ngoroik che bo kererit; ak kiga kirate togennyi anget. Kolenji Jesu bichoto, Otiach, ak ounde kwo.
45Kiiyan anyun inendet che chang’ che bo Yahudik che kigabwa ole mi Maria, ak kogeer tuguk che kayai Jesu. 46Ago kiba alak ole mi Parisaik, ak komwachi ichek tuguk che kagoyai Jesu.
Kochobei tisiik che eechen kobar
47Kiguur anyun kiruoget tisiik che eechen ak Parisaik, ak kole, Kiyai nee? Amu yaei chichi kaborunoik che chang’. 48Ngot kebagakte inendet ko u ni, koyani inendet bik tugul: asi kobwa Romanik korebenech emennyo ak bororiennyo. 49Ak kilenji age eng’ ichek, ne inendet ko Kaiapa ne ki tisiindet ne o kenyinoto, Mongen okwek kiy age tugul, 50mongen ole mieitu eng’ okwek ngo mechi bik chito agenge, si ma bet bororiet komugul. 51Kima komwaei inegei noto: ago kimaoten amu ki tisiindet ne o kenyinoto, kole, komechi Jesu bororiet; 52ma agobo bororiet inegei, ago si kobiit koyum lagokab Jehovah che yestootin si kobiit koek agenge.
53Koboch betunoto anyun ak kwo tai, koruogot agobo ole bartoi inendet. 54Mata kowendot Jesu anyun eng’ ole toogu eng’ ole mi Yahudik, ago kiwa eng’ oloto kwo emet ne negite surkwen, agoi nganaset ne kiguure Epraim; ak kitebi eng’ oloto koboto alamalyet. 55Kiga korik paska ne bo Yahudik: ak kiba che chang’ eng’ emet kotogosta Jerusalem kotom koit paska, koba koanyinygei. 56Kicheng’ anyun Jesu, ak kolenjigei, kotonondos eng’ hekalut, Obwati nee okwek? Tos olen manyonei inendet igorta? 57Kiga ng’at tisiik che eechen ak Parisaik, kole, ngo nai chi age tugul ole mitei, kobor, si kobiit konam ichek inendet.
Currently Selected:
JOHANA 11: BUKUIT
Highlight
Share
Copy
Want to have your highlights saved across all your devices? Sign up or sign in
God's word open for all
©Bible Society of Kenya, 2020
JOHANA 11
11
King’eeti Lasaro eng’ che kibek
1Ak kimian chito age ne kiguure Lasaro, ne bo Betania, ne bo nganasetab Maria ak chepkamet Marta. 2Ak ki Maria nito ne kiil Kiptaiyat eng’ mwaita, ak kouuse kelyekyik sumeekyik, ne kitinyei ng’etab kamet, Lasaro, ne kimian. 3Kiiyokyi chepkametwogichato inendet ng’olyot, kolenji, Kiptaiyandani, keero, miani inendet ne ichame.
4Ago ye kingogas Jesu noto, kole, Ma bo meet mianoto, ago bo torornatetab Jehovah, ak kilosune Weritab Jehovah noto.
5Ak kichamei Jesu Marta, ak chepkamet, ak Lasaro. 6Kingogas anyun kole miani, kota kotebi betusiek aeng’ eng’ ole kimi. 7Kingobatga nito anyun, kolenji alamalyet, Ongebe Judea kogeny. 8Kolenji alamalyet, Rabbi, kocheng’ei Yahudik kolachin eng’ koik; ak iwendi olindo kogeny? 9Kowol Jesu kole, Tos mami saisiek tamanu ak aeng’ eng’ betut? Ngo wendot chi bet, ko maginachi, amu keerei lapkeiyetab ng’onyuni. 10Ago ngo wendot chi kemoi, kinachi, amu mami lapkeiyet eng’ inendet. 11Komwa tuguchu: ak ye ibata kolenji ichek, Inuuchi choruennyu Lasaro; ago awendi, si ang’eet inendet eng’ ruondo. 12Kolenji anyun alamalyet inendet, Kiptaiyandani, ngot konuuchi, ko kaga ta kosobei. 13Ago kimwaei Jesu agobo meennyi: ak kilen ichek abere mwaei agobo ruondo ne kiga konuuch. 14Kimwachi anyun Jesu ichek komie, kolenji, Kogome Lasaro. 15Ago abaibai agobo okwek amu kima ami olindo, si kobiit oyan; ago ongebe ole mi inendet. 16Kolenji anyun Tomas, ne kiguure Didumo, alamalyet chun alak, Ongebe ak achek, si kobiit kebegu ak inendet.
17Ye kingoit Jesu anyun, konyor kole kiga kotebe kererit betusiek ang’wan. 18Ki negite Betania Jerusalem, ki bo olo bo maelisiek aeng’; 19ak kigabwanji che chang’ che bo Yahudik Marta ak Maria si kogaigai ichek agobo ng’etab kamet.
20Kingogas anyun Marta kole, nyonei Jesu, kwo kotorokta inendet; ago kita kotebi Maria eng’ go. 21Kolenji Marta anyun Jesu, Kiptaiyandani, nda kiimi yu, ta kima komeei werit ne kitupche. 22Ago angen agot nguno ale, kit age tugul ne isome Jehovah, kogonin Jehovah. 23Kolenji Jesu inendet, Ta kong’eetei ng’etab komet. 24Kolenji Marta inendet, Angen ale ng’eetei eng’ ng’eetyet ne bo betutab let. 25Kolenji Jesu, A ng’eetyet, ak sobondo: inendet ne iyana, agot ngo me, ko ta kosobei: 26ak chi age tugul ne sobei ak koyanan ko mameei matiny. Tos iyani inye nito? 27Kolenji, We, Kiptaiyandani; kaayan ale i Kristo, Weritab Jehovah, ne nyonei ng’ony.
28Ak ye kingo kagomwa nito cheboto, kwo, ak koguur Maria, chepkamet, eng’ ung’ot, kole, Mitei yu Konetindet; kuurin. 29Ak ye kingogas noto, kong’eet kochakta kwo ole mi inendet. 30(Ago kitomo koit Jesu nganasanato, ago kita komi ole kiga tuiyechi ak Marta.) 31Kiisub anyun Yahudik cheboto, icheget che kimi koboto inendet eng’ go kogoigoi, ye kingogeer kong’eet Maria, ak kochakta komanda sang’, kolen wendi kererit korirei eng’ oloto.
32Ye kingoit anyun Maria ole mi Jesu, ak kogeer inendet, kobutyi kelyekyik, ak kolenji, Kiptaiyandani, nda kiimi yu, ta kima komeei werit ne kitupche. 33Ye kingogeer Jesu anyun inendet korirei, ak korirtos agichek Yahudik che kigabwa koboto inendet, kogas king’wan eng’ tamirmiriet, koarogen, 34ak kole, Kionde ano? Kolenji, Nyo, Kiptaiyandani, keer. 35Korir Jesu. 36Kole anyun Yahudik, Ogeer anyun-o ole kichamdoi inendet! 37Ago kile alak eng’ ichek, Kiga temene chichi, ne kiyatei konyekab chito ne ki korat, koger si mame agine chichi?
38Kogas anyun Jesu king’wan kogeny eng’ orinnyi konyonei kererit. Ki kebenet, ak kigegere koita kurget. 39Kole Jesu, Oiste koita. Kolenji Marta, chepkametab inendet ne kime, Kiptaiyandani, kogobul: amu koboch ngome ko betusiek ang’wan. 40Kolenji Jesu inendet, Kama amwaun, ale, ngiyani, igeere torornatetab Jehovah? 41Koisto anyun koita. Ak kiyot met Jesu ak kole, Baba, amwaun kongoi ale kaigasa. 42Ak kaanai ale igasa eng’ ui tugul: ago kaamwa ni amu tuiyoni tononi eng’ yuto, si kobiit koyan kole kiiyokwa. 43Ak ye kingo kagomwa ko u noto, komwa eng’ kutit ne o, kole, Lasaro, mong’u. 44Komong’ anyun inendet ne kiga me, ko ratotin eunek ak kelyek eng’ ngoroik che bo kererit; ak kiga kirate togennyi anget. Kolenji Jesu bichoto, Otiach, ak ounde kwo.
45Kiiyan anyun inendet che chang’ che bo Yahudik che kigabwa ole mi Maria, ak kogeer tuguk che kayai Jesu. 46Ago kiba alak ole mi Parisaik, ak komwachi ichek tuguk che kagoyai Jesu.
Kochobei tisiik che eechen kobar
47Kiguur anyun kiruoget tisiik che eechen ak Parisaik, ak kole, Kiyai nee? Amu yaei chichi kaborunoik che chang’. 48Ngot kebagakte inendet ko u ni, koyani inendet bik tugul: asi kobwa Romanik korebenech emennyo ak bororiennyo. 49Ak kilenji age eng’ ichek, ne inendet ko Kaiapa ne ki tisiindet ne o kenyinoto, Mongen okwek kiy age tugul, 50mongen ole mieitu eng’ okwek ngo mechi bik chito agenge, si ma bet bororiet komugul. 51Kima komwaei inegei noto: ago kimaoten amu ki tisiindet ne o kenyinoto, kole, komechi Jesu bororiet; 52ma agobo bororiet inegei, ago si kobiit koyum lagokab Jehovah che yestootin si kobiit koek agenge.
53Koboch betunoto anyun ak kwo tai, koruogot agobo ole bartoi inendet. 54Mata kowendot Jesu anyun eng’ ole toogu eng’ ole mi Yahudik, ago kiwa eng’ oloto kwo emet ne negite surkwen, agoi nganaset ne kiguure Epraim; ak kitebi eng’ oloto koboto alamalyet. 55Kiga korik paska ne bo Yahudik: ak kiba che chang’ eng’ emet kotogosta Jerusalem kotom koit paska, koba koanyinygei. 56Kicheng’ anyun Jesu, ak kolenjigei, kotonondos eng’ hekalut, Obwati nee okwek? Tos olen manyonei inendet igorta? 57Kiga ng’at tisiik che eechen ak Parisaik, kole, ngo nai chi age tugul ole mitei, kobor, si kobiit konam ichek inendet.
Currently Selected:
:
Highlight
Share
Copy
Want to have your highlights saved across all your devices? Sign up or sign in
God's word open for all
©Bible Society of Kenya, 2020