YOHANA 7
7
Yesu nende Vamwavo Veve
1Lwa Yesu yali namali khuvoola makhuva kenako, yachenda chenda mu lusomo lwa Galilaya. Shiyali ni lienya lu khutsia mu lusomo lwa Yudeya tawe, shichila vimilili va Vayahudi venyanga khumwiira. 2Navutswa lwa litukhu liu Mulukha kwa Matiili liali nilili himbi khutukha, 3vamwavo veve vamuvoolela, “Rula havundu hanu utsi mu lusomo lwa Yudeya, khu veechi vovo valole mihinzilu chia wu kholanga. 4Mundu avulakhuho wu kholanga muhinzilu muvwivisi, nikava yenyanga khumanyikhana shia havundu hosi. Lwa wu kholanga vindu yivi, nu vulahi numanyikhane khu vandu voosi mu shivala.” 5Khali vamwavo veve shivasuuvilakhu muye tawe.
6Yesu yavavoolela, “Isaa yanje ishili khutukha, navutswa isaa yenyu iliho shia khase khosi. 7Vandu vu mu shivala shivanyala khumuhima munyi tawe, navutswa vahimanga inzi, shichila nzilililanga khuvavoolela ndi vindu via vakholanga ni vitamanu. 8Munyi mutsi mu mulukha kwenoko; inzi shinyala khutsiamu tawe, shichila isaa yanje ishili khutukha.” 9Lwa Yesu yavoola makhuva kenako, yarikala mu lusomo lwa Galilaya.
Yesu Yatsia mu Mulukha kwa Matiili
10Lwa vamwavo va Yesu vali nivakhatsia mu mulukha kwa matili, Yesu yavalonda khandi. Shiyatsiayo havulavu tawe, navutswa muvwivisi. 11Vimilili va Vayahudi varaanga khukhava Yesu mu mulukha kwenoko; nivareeva vandu vali nivaliyo, “Ni hena ha mundu mwenoyo ali?”
12Valala khu vandu vali nivali mu shituma varaanga khumoonyana vene khulondokhana khu Yesu. Valala khuvo vavoola, “Nu mundu mulahi,” na vandi nivavoola, “Nu mundu mutamanu, akoyanyinyanga vandu.” 13Navutswa mundu avulakhuho walomoloma havulavu makhuva khulondokhana khu Yesu, khulu khuria vimilili va Vayahudi.
14Lwa mulukha kwenoko kwali nu kuli himbi khutukha hakari, Yesu yinjila mu Litempeli naraanga khwechitsa vandu vali nivalimu. 15Vimilili va Vayahudi vali nilichenya, nivireevana vene khuvene, “Mundu uyu anyala khuva yeka hena vindu yivi, neye shiyasomakhu tawe?”
16Yesu yachipa, “Mechitso kaanje shikali kaanje mwene tawe; navutswa karulanga khu Nyasaye wanduma. 17Niiva mundu ali ni lienya liu khukhola ka Nyasaye yenyanga, alamanya nikava mechitso kaanje karulanga khu Nyasaye inoho nomolomanga khulondokhana khu vunyali vwanje mwene. 18Mundu ulomolomanga khulondokhana khu vunyali vwevwe mwene, achelitsanga khwihaanila vukhumi. Navutswa mundu wenyanga mundu wamuruma amuhe vukhumi nunundi nu watoto; khandi vuvehi vuvulakhu muye. 19Musa shiyamuha Malako? Navutswa khali ndio, mundu avulakhuho khu munyi ulondanga Malako! Khulwa yako, shichila shina mwenyanga khunziira?”
20Shituma shia vandu vavoola, “Uli ni litimoni mu yivi! Ni viina ukhavanga khukhwiira?”
21Yesu yavachipa, “Kholi shiloleshitsu shilala, nashio shimali khumuchenyinya voosi. 22Musa yahaana lilako khulondokhana khu shishevo (shikali shiarula khu Musa tawe, navutswa shiarula khu vakuuka venyu). Mushevanga vaana vi shiyayi khulitukhu li Lisabato. 23Niiva mwana alashevwa khulitukhu li Lisabato, khu Lilako lia Musa livuli khumenekwa, shichila shina muli nu vurima shichila khwinzi, lwa mbonyinyi mundu khulitukhu li Lisabato? 24Mukhakhalachi khuli lwa mulolanga vene tawe; navutswa leshi likhalaka lienyu live liu vulunji.”
Vandu Vareeva Niiva Yesu neye Masiha
25Valala khu vandu va Yerusalemi vareeva, “Mundu uyu shianyala khuva wa vimilili va Vayahudi vakhavanga khwiira? 26Loli! Alomolomanga mu vandu havulavu, khandi mundu avulakhuho ulomolomanga shindu shitamanu khulondokhana khuye. Musuuvilanga toto vanyala khuva vamumanyi neye Masiha? 27Navutswa khali ndio, khwamanya wa mundu uyu arulanga. Lwa Masiha aliitsa khwitsa, mundu avulakhuho uliitsa khumanya warulanga.”
28Khulwa yako, Yesu yalaanjilila, lwa yechitsanga mu Litempeli, navoola, “Mwamanya inzi; khandi mwamanya wandulanga toto? Shikali niitsa khuvirila khu vunyali vwanje mwene tawe. Woyo wanduma nu watoto. Shikali mwamumanya tawe; 29navutswa inzi namumanya, shichila narula khuye, khandi neye wanduma.”
30Valala khu vandu vali nivaliho vachelitsa khukumila Yesu, navutswa shivali vanyala tawe; shichila isaa yeye yali nishili khutukha. 31Navutswa vandu vanyishi mu shituma vamusuuvila; nivavoola, “Lwa Masiha aliitsa khwitsa, aliitsa khukhola viloleshitsu vinyishi viene khuvira viu mundu uyu akholanga?”
Valindi vi Litempeli Varumwa Khukumila Yesu
32Valala khu Vafarisayo vahulila shituma shia vandu nivamoonyanga vindu yivi khulondokhana khu Yesu. Vo nende vasalisi vakali varuma valindi vi Litempeli khutsia khumukumila. 33Nalwo lwa Yesu yavoola, “Nzitsanga khumenyakhu na munyi khumatukhu mati konyene, manzi khu woyo wanduma. 34Muliitsa khukhava inzi; navutswa muliitsa khuvula khunyola, shichila shiumunyala khutsia wa nzitsanga tawe.”
35Vimilili va Vayahudi vireevana vene khuvene, “Ni hena wa mundu uyu akanakananga khutsia, wa khunyala khuvula khumunyola? Akanakananga khutsia mu mataala kali mu shivala shia Vaguriki, wa vandu veru vasalana, nu khwechitsa Vaguriki? 36Ni shina shiachelitsanga khumanyinya lwa avooli, ‘Muliitsa khukhava, navutswa muliitsa khuvula khunyola,’ khandi ‘Havundu hamba nindi shiumunyala khutsiayo tawe.’ ”
Virula via Matsi Kahaananga Vulamu
37Khulitukhu liukhumalilikha khandi likali liene liu mulukha, Yesu yasinjila navoola nu mwoyo mukali, “Niiva mundu ahulilanga vuluhu, leshi yitsi khwinzi khandi ang'wi. 38Khuli Mahandiko Matakatifu kavoolanga, ‘Mundu usuuvilanga mwinzi, neye wa virula via matsi kahaananga vulamu virundukha mu mwoyo kwekwe.’ ” 39Yesu yalomoloma makhuva yaka khulondokhana khu Roho, wa yavo voosi vasuuvila muye valiitsa khuva nivanyolanga. Mumatukhu kenako, Roho yali nashili khuhaanwa, shichila Yesu yali nashili khuheelwa vukhumi.
Liavukhana mu Vandu Shichila Yesu
40Lwa valala khu vandu mu shituma vahulila Yesu navoolanga ndio, vavoola, “Ni kilikali, mundu uyu nu muprofeti!”
41Vandi vavoola, “Neye Masiha.” Navutswa vandi nivavoola, “Masiha shialiitsa khurula mu lusomo lwa Galilaya tawe! 42Mahandiko Matakatifu kavoolanga ndi Masiha aliitsa khuva mulala khu vitsukhulu vu Mwami Daudi; khandi aliitsa khwivulwa mu litaala lia Betselehemu, lia Daudi yamenyamu.” 43Khulwa yako, valala khu vandu venavo vavukhana mu tsinganakani shichila Yesu. 44Valala khuvo venyanga khumukumila, navutswa mundu avulakhuho khuvo watiila khuye.
Vimilili va Vayahudi Vambakhana Khusuuvila mu Yesu
45Lwa valindi vi Litempeli vakalukha, vasalisi vakali nende Vafarisayo vavareeva, “Shichila shina numuvula khumulera hanu?”
46Valindi venavo vavoola, “Mundu avulakhuho walomoloma vulahi vwene khuli mundu mwenoyo!”
47Vafarisayo vavareeva, “Kanyala khuva wakaata khali munyi khandi? 48Munyala khuva mwamanyakhu mwimilili inoho Mufarisayo usuuvili muye? 49Navutswa shituma shia vandu yishi vali vakorwa Malako ka Musa; khulwa yako, ni valaame!”
50Mulala khu Vafarisayo, wali naliho walaangwangwa Nikodemo, wali niyatsiakhu khale khulola Yesu, yavavoolela, 51“Khulondokhana khu Malako keru, shiukhunyala khukhalachila mundu nu khushili khuhulila makhuva keke khumanye shindu shitamanu shiakholi tawe.”
52Khulwa yako, vachipa Nikodemo, “Nu vulahi, khali yivi urulanga mu lusomo lwa Galilaya? Khali nusoma vulahi vwene mu Mahandiko Matakatifu, unyala khunyola ndi muprofeti shianyala khurula mu lusomo lwenolo tawe.”
Currently Selected:
YOHANA 7: LLLPRO
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
YOHANA 7
7
Yesu nende Vamwavo Veve
1Lwa Yesu yali namali khuvoola makhuva kenako, yachenda chenda mu lusomo lwa Galilaya. Shiyali ni lienya lu khutsia mu lusomo lwa Yudeya tawe, shichila vimilili va Vayahudi venyanga khumwiira. 2Navutswa lwa litukhu liu Mulukha kwa Matiili liali nilili himbi khutukha, 3vamwavo veve vamuvoolela, “Rula havundu hanu utsi mu lusomo lwa Yudeya, khu veechi vovo valole mihinzilu chia wu kholanga. 4Mundu avulakhuho wu kholanga muhinzilu muvwivisi, nikava yenyanga khumanyikhana shia havundu hosi. Lwa wu kholanga vindu yivi, nu vulahi numanyikhane khu vandu voosi mu shivala.” 5Khali vamwavo veve shivasuuvilakhu muye tawe.
6Yesu yavavoolela, “Isaa yanje ishili khutukha, navutswa isaa yenyu iliho shia khase khosi. 7Vandu vu mu shivala shivanyala khumuhima munyi tawe, navutswa vahimanga inzi, shichila nzilililanga khuvavoolela ndi vindu via vakholanga ni vitamanu. 8Munyi mutsi mu mulukha kwenoko; inzi shinyala khutsiamu tawe, shichila isaa yanje ishili khutukha.” 9Lwa Yesu yavoola makhuva kenako, yarikala mu lusomo lwa Galilaya.
Yesu Yatsia mu Mulukha kwa Matiili
10Lwa vamwavo va Yesu vali nivakhatsia mu mulukha kwa matili, Yesu yavalonda khandi. Shiyatsiayo havulavu tawe, navutswa muvwivisi. 11Vimilili va Vayahudi varaanga khukhava Yesu mu mulukha kwenoko; nivareeva vandu vali nivaliyo, “Ni hena ha mundu mwenoyo ali?”
12Valala khu vandu vali nivali mu shituma varaanga khumoonyana vene khulondokhana khu Yesu. Valala khuvo vavoola, “Nu mundu mulahi,” na vandi nivavoola, “Nu mundu mutamanu, akoyanyinyanga vandu.” 13Navutswa mundu avulakhuho walomoloma havulavu makhuva khulondokhana khu Yesu, khulu khuria vimilili va Vayahudi.
14Lwa mulukha kwenoko kwali nu kuli himbi khutukha hakari, Yesu yinjila mu Litempeli naraanga khwechitsa vandu vali nivalimu. 15Vimilili va Vayahudi vali nilichenya, nivireevana vene khuvene, “Mundu uyu anyala khuva yeka hena vindu yivi, neye shiyasomakhu tawe?”
16Yesu yachipa, “Mechitso kaanje shikali kaanje mwene tawe; navutswa karulanga khu Nyasaye wanduma. 17Niiva mundu ali ni lienya liu khukhola ka Nyasaye yenyanga, alamanya nikava mechitso kaanje karulanga khu Nyasaye inoho nomolomanga khulondokhana khu vunyali vwanje mwene. 18Mundu ulomolomanga khulondokhana khu vunyali vwevwe mwene, achelitsanga khwihaanila vukhumi. Navutswa mundu wenyanga mundu wamuruma amuhe vukhumi nunundi nu watoto; khandi vuvehi vuvulakhu muye. 19Musa shiyamuha Malako? Navutswa khali ndio, mundu avulakhuho khu munyi ulondanga Malako! Khulwa yako, shichila shina mwenyanga khunziira?”
20Shituma shia vandu vavoola, “Uli ni litimoni mu yivi! Ni viina ukhavanga khukhwiira?”
21Yesu yavachipa, “Kholi shiloleshitsu shilala, nashio shimali khumuchenyinya voosi. 22Musa yahaana lilako khulondokhana khu shishevo (shikali shiarula khu Musa tawe, navutswa shiarula khu vakuuka venyu). Mushevanga vaana vi shiyayi khulitukhu li Lisabato. 23Niiva mwana alashevwa khulitukhu li Lisabato, khu Lilako lia Musa livuli khumenekwa, shichila shina muli nu vurima shichila khwinzi, lwa mbonyinyi mundu khulitukhu li Lisabato? 24Mukhakhalachi khuli lwa mulolanga vene tawe; navutswa leshi likhalaka lienyu live liu vulunji.”
Vandu Vareeva Niiva Yesu neye Masiha
25Valala khu vandu va Yerusalemi vareeva, “Mundu uyu shianyala khuva wa vimilili va Vayahudi vakhavanga khwiira? 26Loli! Alomolomanga mu vandu havulavu, khandi mundu avulakhuho ulomolomanga shindu shitamanu khulondokhana khuye. Musuuvilanga toto vanyala khuva vamumanyi neye Masiha? 27Navutswa khali ndio, khwamanya wa mundu uyu arulanga. Lwa Masiha aliitsa khwitsa, mundu avulakhuho uliitsa khumanya warulanga.”
28Khulwa yako, Yesu yalaanjilila, lwa yechitsanga mu Litempeli, navoola, “Mwamanya inzi; khandi mwamanya wandulanga toto? Shikali niitsa khuvirila khu vunyali vwanje mwene tawe. Woyo wanduma nu watoto. Shikali mwamumanya tawe; 29navutswa inzi namumanya, shichila narula khuye, khandi neye wanduma.”
30Valala khu vandu vali nivaliho vachelitsa khukumila Yesu, navutswa shivali vanyala tawe; shichila isaa yeye yali nishili khutukha. 31Navutswa vandu vanyishi mu shituma vamusuuvila; nivavoola, “Lwa Masiha aliitsa khwitsa, aliitsa khukhola viloleshitsu vinyishi viene khuvira viu mundu uyu akholanga?”
Valindi vi Litempeli Varumwa Khukumila Yesu
32Valala khu Vafarisayo vahulila shituma shia vandu nivamoonyanga vindu yivi khulondokhana khu Yesu. Vo nende vasalisi vakali varuma valindi vi Litempeli khutsia khumukumila. 33Nalwo lwa Yesu yavoola, “Nzitsanga khumenyakhu na munyi khumatukhu mati konyene, manzi khu woyo wanduma. 34Muliitsa khukhava inzi; navutswa muliitsa khuvula khunyola, shichila shiumunyala khutsia wa nzitsanga tawe.”
35Vimilili va Vayahudi vireevana vene khuvene, “Ni hena wa mundu uyu akanakananga khutsia, wa khunyala khuvula khumunyola? Akanakananga khutsia mu mataala kali mu shivala shia Vaguriki, wa vandu veru vasalana, nu khwechitsa Vaguriki? 36Ni shina shiachelitsanga khumanyinya lwa avooli, ‘Muliitsa khukhava, navutswa muliitsa khuvula khunyola,’ khandi ‘Havundu hamba nindi shiumunyala khutsiayo tawe.’ ”
Virula via Matsi Kahaananga Vulamu
37Khulitukhu liukhumalilikha khandi likali liene liu mulukha, Yesu yasinjila navoola nu mwoyo mukali, “Niiva mundu ahulilanga vuluhu, leshi yitsi khwinzi khandi ang'wi. 38Khuli Mahandiko Matakatifu kavoolanga, ‘Mundu usuuvilanga mwinzi, neye wa virula via matsi kahaananga vulamu virundukha mu mwoyo kwekwe.’ ” 39Yesu yalomoloma makhuva yaka khulondokhana khu Roho, wa yavo voosi vasuuvila muye valiitsa khuva nivanyolanga. Mumatukhu kenako, Roho yali nashili khuhaanwa, shichila Yesu yali nashili khuheelwa vukhumi.
Liavukhana mu Vandu Shichila Yesu
40Lwa valala khu vandu mu shituma vahulila Yesu navoolanga ndio, vavoola, “Ni kilikali, mundu uyu nu muprofeti!”
41Vandi vavoola, “Neye Masiha.” Navutswa vandi nivavoola, “Masiha shialiitsa khurula mu lusomo lwa Galilaya tawe! 42Mahandiko Matakatifu kavoolanga ndi Masiha aliitsa khuva mulala khu vitsukhulu vu Mwami Daudi; khandi aliitsa khwivulwa mu litaala lia Betselehemu, lia Daudi yamenyamu.” 43Khulwa yako, valala khu vandu venavo vavukhana mu tsinganakani shichila Yesu. 44Valala khuvo venyanga khumukumila, navutswa mundu avulakhuho khuvo watiila khuye.
Vimilili va Vayahudi Vambakhana Khusuuvila mu Yesu
45Lwa valindi vi Litempeli vakalukha, vasalisi vakali nende Vafarisayo vavareeva, “Shichila shina numuvula khumulera hanu?”
46Valindi venavo vavoola, “Mundu avulakhuho walomoloma vulahi vwene khuli mundu mwenoyo!”
47Vafarisayo vavareeva, “Kanyala khuva wakaata khali munyi khandi? 48Munyala khuva mwamanyakhu mwimilili inoho Mufarisayo usuuvili muye? 49Navutswa shituma shia vandu yishi vali vakorwa Malako ka Musa; khulwa yako, ni valaame!”
50Mulala khu Vafarisayo, wali naliho walaangwangwa Nikodemo, wali niyatsiakhu khale khulola Yesu, yavavoolela, 51“Khulondokhana khu Malako keru, shiukhunyala khukhalachila mundu nu khushili khuhulila makhuva keke khumanye shindu shitamanu shiakholi tawe.”
52Khulwa yako, vachipa Nikodemo, “Nu vulahi, khali yivi urulanga mu lusomo lwa Galilaya? Khali nusoma vulahi vwene mu Mahandiko Matakatifu, unyala khunyola ndi muprofeti shianyala khurula mu lusomo lwenolo tawe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013