Kîam 26
26
Isaaka na Abimeleki mûnene wa Afilisti
1Nî kwagîîre mpara îngî nthîgûrûûne, tiga îrîa yaarî ku îgiiteene rîa Abrahamu. Tontû bûû, Isaaka areeta Gerari kîrî Abimeleki mûnene wa Afilisti. 2MWATHANI nî aamuumîrîîre aramwîra atîrî, “Ûgeeta Misri tûûra nthîgûrû îrîa ngaakwîrîra. 3#Kîam 22.16-18 Ûtûûre ta mûgeni nthîgûrû îîjî, naani ngaagûkaria na ngaakûtharima. Nîkwîthîrwa ngaakwaa nthîgûrû îîjî yonthe, na mpe nchiarwa ciaaku yo, mbûjûrie mûciîtio jûrîa ndaaciîtîîrie abaagu Abrahamu. 4Nkaingîyia nchiarwa ciaaku ta njota na mpe nchiarwa ciaaku nthîgûrû îîjî yonthe. Nayo mîgongo yonthe ya nthîgûrû îkaatharimagwa nîûntû bwa nchiarwa ciaaku. 5Nîkwîthîrwa Abrahamu nî aambathîkîîre na araathîkîra matua jaakwa, na maathana jaakwa, na mawaatho jaakwa na mawîthîre jaakwa.”
6Tontû bûû, Isaaka nî aatûûrîre kûu Gerari. 7#Kîam 12.13; 20.2 Rîrîa arûme ba gûntû kûu, beendere kûmenya mantû ja mwekûrû waawe, Isaaka nî aabeerîre, “Ûûjû nî mwarî wa chiaa,” nîûntû nî aakîraga kûbeera, “Nî mwekûrû waakwa.” Tontû aathûgaanagia atîrî, “Arûme ba gûntû kûu boomba kûmbûraga nîkenda bajûkia Rebeka nîûntû nî ûmûthongi.” 8Îndî rî, nyuma ya Isaaka gûkara gûntû kûu matukû jamaingî, ntukû îmwe Abimeleki mûnene wa Afilisti nî aategereere ndiriceene aroona Isaaka agîtongatonga mwekûrû waawe Rebeka. 9Tontû bûû, Abimeleki areeta Isaaka aramwîra, atîrî, “Anga Rebeka nî mwekûrû waaku? Nîmbi îndî îratûmaga gwe uuga, ûûjû nî mwarî wa nyakwe?” Isaaka aramwîra atîrî, “Nîka ndîrathûgaanagia bwoomba kûmbûraga nîkenda bûmûjûkia.” 10Abimeleki aramûûria atîrî, “Nîatîa ûjû ûtûthîthîrîtie? Këethîra muntû ûmwe weetû nî aathengereere mwekûrû waaku rî, tîka ûrîngîîthîrwa ûtûreetereete mûgiro?” 11Abimeleki ararita waatho, areera antû bonthe ûjû, “Muntû ûreeja kûringithia muntû ûûjû kana mwekûrû waawe no mwanka ooragwe.”
12Isaaka nî aandîre irio nthîgûrû îîu, nawe araketha irio bibingî mono mwakeene jûu. MWATHANI nî aamûtharimîre. 13Aratonga na into bireeta na mbere kwongeereka mwanka araa gîtonga gîkîneene. 14Nawe nî aarî na ndîîthia inyingî cia ng'ondu na cia ng'ombe, na nkombo inyingî. Nabo Afilisti nî baaigîrue rûriitho. 15Tontû bûû, nî baakunîkîre ithima bionthe na mîthetu biranyaara. Ithima biu bieenji nî nthûûmba cia îthe Abrahamu rîrîa aarî mwoyo.
16Nîrîo Abimeleki eerîre Isaaka atîrî, “Nandî thaama uume kîrî tuî nîûntû nî ûgîîte inya nkûrûki yeetû.” 17Tontû bûû, Isaaka arathaama gûntû kûu, areeta araamba maema jaawe mûgwanthîîne jwa Gerari, aratûûra ku. 18Isaaka aracoka arathikûra ithima bia rûûjî birîa bieenji îgiita rîa îthe Abrahamu, birîa Afilisti baarî bakûthika na mûthetu nyuma ya Abrahamu agûkua. Ningî arabiîta mariîtwa o jarîa îthe aabiîtîte. 19Nacio nthûûmba cia Isaaka nî cieenjîre kîthima kîa rûûjî rûrwega mûgwanthîîne jûu. 20Îndî arîîthi ba kûu Gerari baratetera kîthima kîu na arîîthi ba Isaaka bakiugaga, “Rûûjî rûrû nî rweetû.” Tontû bûû, Isaaka areeta kîthima kîu Eseki#26.20 Eseki: nî kuuga “gûteta.” nîûntû bwa ûrîa gîateteerwe. 21Arîîthi ba Isaaka baracoka bareenja kîthima kîngî, na kinya kîu nakîo arîîthi ba Gerari baragîtetera. Tontû bûû, Isaaka aragîîta Sitina.#26.21 Sitina: nî kuuga “Ûûthû.” 22Isaaka arathaama antû au na areeta areenja kîthima kîngî, îndî kîu gîtaateterwa. Tontû bûû, aragîîta Rehobothi,#26.22 Rehobothi: nî kuuga “Gûntû gûkwariî.” arauga, “Nandî MWATHANI agûtûthithîria webero nthîgûrûûne îîjî naatuî tûkathegea.”
23Kuuma au, Isaaka nî eetîre Beerisheba. 24MWATHANI aramuumîîra ûtukû o bûu aramwîra, “Nî ni Mûrungu wa abaagu Abrahamu. Ûgákîra nîûntû ndî amwe naagwe. Ngakûtharima na nkathegeyia nchiarwa ciaaku nîûntû bwa nthûûmba yaakwa Abrahamu.” 25Tontû bûû, Isaaka araaka kîritîro kîa igongwana antû au na arathaathayia MWATHANI na gûkumia riîtwa rîaawe. Ningî araamba maema jaawe antû au na nthûûmba ciaawe ireenja kîthima o.
Kîrîkanîro kîa Isaaka na Abimeleki
26 #
Kîam 21.22
Abimeleki arî amwe na Ahuzathi mûmwathi kîrîra, na Fikoli, mûtongeeria wa njûûrî yaawe ya ndwaa nî baaumîre Gezari bareeta kwona Isaaka. 27Isaaka arabooria, “Nîmbi bwejîra kîrî ni na nî bwanthûûrîre na bûrampînga kweenu?” 28Nabo baramwîra, “Nî twoneete na mma atî MWATHANI arî amwe naagwe. Naatuî twauga nî kaaba tûnyue muuma na twîke wîrane naagwe, 29nîkenda ûtîkeeje gûtûthithîria bûbûûî nîûntû kinya tuî tûtaakûthithîria bûbûûî, no mantû jameega akî twakûthithîîrie, tûracoka tûratûma ûthaama na thîîrî, na nandî nî tûkwona MWATHANI nî akûtharimîte.” 30Isaaka arabamaathîra, bararîa na baranyua. 31Bagûûkîîra rûûneene rûkîîrî, nî beekanîîre wîrane, Isaaka arabarekeeria baraciîtîra na thîîrî.
32O ntukû îîu, nthûûmba cia Isaaka nî cieejîre îramwaa nteto cia kîthima kîrîa cieenjîte, iramwîra atîrî, “Tûkwona rûûjî!” 33Nawe areeta kîthima kîu Shiba.#26.33 Shiba: nî kuuga “Mûciîtio” kana “Mûgwanja.” Kîu nîkîo gîtûmi ntûûra îîu îtagwa Beerisheba#26.33 Beerisheba: nî kuuga “kîthima kîa mûciîtio kana kîthima kîa mûgwanja.” mwanka nandî.
Esaû kûgûra aka Ahiti
34Esaû aakinyia mîaka mîrongo îna, nî aagûrîre mûka ûgwîtwa Judîthi, mwarî wa Mûhiti weetagwa Beeri. Ningî aragûra Basemathi, kinya we, mwarî wa Mûhiti weetagwa Eloni. 35Aka bau nî baatûmîre Isaaka na Rebeka bakara batîng'anîri ûtûûroone bwaao.
Currently Selected:
Kîam 26: KIMERUBIBLE
Highlight
Share
Copy
Want to have your highlights saved across all your devices? Sign up or sign in
KIMERU BIBLE WITH DC
©Bible Society of Kenya, 2009, 218
Kîam 26
26
Isaaka na Abimeleki mûnene wa Afilisti
1Nî kwagîîre mpara îngî nthîgûrûûne, tiga îrîa yaarî ku îgiiteene rîa Abrahamu. Tontû bûû, Isaaka areeta Gerari kîrî Abimeleki mûnene wa Afilisti. 2MWATHANI nî aamuumîrîîre aramwîra atîrî, “Ûgeeta Misri tûûra nthîgûrû îrîa ngaakwîrîra. 3#Kîam 22.16-18 Ûtûûre ta mûgeni nthîgûrû îîjî, naani ngaagûkaria na ngaakûtharima. Nîkwîthîrwa ngaakwaa nthîgûrû îîjî yonthe, na mpe nchiarwa ciaaku yo, mbûjûrie mûciîtio jûrîa ndaaciîtîîrie abaagu Abrahamu. 4Nkaingîyia nchiarwa ciaaku ta njota na mpe nchiarwa ciaaku nthîgûrû îîjî yonthe. Nayo mîgongo yonthe ya nthîgûrû îkaatharimagwa nîûntû bwa nchiarwa ciaaku. 5Nîkwîthîrwa Abrahamu nî aambathîkîîre na araathîkîra matua jaakwa, na maathana jaakwa, na mawaatho jaakwa na mawîthîre jaakwa.”
6Tontû bûû, Isaaka nî aatûûrîre kûu Gerari. 7#Kîam 12.13; 20.2 Rîrîa arûme ba gûntû kûu, beendere kûmenya mantû ja mwekûrû waawe, Isaaka nî aabeerîre, “Ûûjû nî mwarî wa chiaa,” nîûntû nî aakîraga kûbeera, “Nî mwekûrû waakwa.” Tontû aathûgaanagia atîrî, “Arûme ba gûntû kûu boomba kûmbûraga nîkenda bajûkia Rebeka nîûntû nî ûmûthongi.” 8Îndî rî, nyuma ya Isaaka gûkara gûntû kûu matukû jamaingî, ntukû îmwe Abimeleki mûnene wa Afilisti nî aategereere ndiriceene aroona Isaaka agîtongatonga mwekûrû waawe Rebeka. 9Tontû bûû, Abimeleki areeta Isaaka aramwîra, atîrî, “Anga Rebeka nî mwekûrû waaku? Nîmbi îndî îratûmaga gwe uuga, ûûjû nî mwarî wa nyakwe?” Isaaka aramwîra atîrî, “Nîka ndîrathûgaanagia bwoomba kûmbûraga nîkenda bûmûjûkia.” 10Abimeleki aramûûria atîrî, “Nîatîa ûjû ûtûthîthîrîtie? Këethîra muntû ûmwe weetû nî aathengereere mwekûrû waaku rî, tîka ûrîngîîthîrwa ûtûreetereete mûgiro?” 11Abimeleki ararita waatho, areera antû bonthe ûjû, “Muntû ûreeja kûringithia muntû ûûjû kana mwekûrû waawe no mwanka ooragwe.”
12Isaaka nî aandîre irio nthîgûrû îîu, nawe araketha irio bibingî mono mwakeene jûu. MWATHANI nî aamûtharimîre. 13Aratonga na into bireeta na mbere kwongeereka mwanka araa gîtonga gîkîneene. 14Nawe nî aarî na ndîîthia inyingî cia ng'ondu na cia ng'ombe, na nkombo inyingî. Nabo Afilisti nî baaigîrue rûriitho. 15Tontû bûû, nî baakunîkîre ithima bionthe na mîthetu biranyaara. Ithima biu bieenji nî nthûûmba cia îthe Abrahamu rîrîa aarî mwoyo.
16Nîrîo Abimeleki eerîre Isaaka atîrî, “Nandî thaama uume kîrî tuî nîûntû nî ûgîîte inya nkûrûki yeetû.” 17Tontû bûû, Isaaka arathaama gûntû kûu, areeta araamba maema jaawe mûgwanthîîne jwa Gerari, aratûûra ku. 18Isaaka aracoka arathikûra ithima bia rûûjî birîa bieenji îgiita rîa îthe Abrahamu, birîa Afilisti baarî bakûthika na mûthetu nyuma ya Abrahamu agûkua. Ningî arabiîta mariîtwa o jarîa îthe aabiîtîte. 19Nacio nthûûmba cia Isaaka nî cieenjîre kîthima kîa rûûjî rûrwega mûgwanthîîne jûu. 20Îndî arîîthi ba kûu Gerari baratetera kîthima kîu na arîîthi ba Isaaka bakiugaga, “Rûûjî rûrû nî rweetû.” Tontû bûû, Isaaka areeta kîthima kîu Eseki#26.20 Eseki: nî kuuga “gûteta.” nîûntû bwa ûrîa gîateteerwe. 21Arîîthi ba Isaaka baracoka bareenja kîthima kîngî, na kinya kîu nakîo arîîthi ba Gerari baragîtetera. Tontû bûû, Isaaka aragîîta Sitina.#26.21 Sitina: nî kuuga “Ûûthû.” 22Isaaka arathaama antû au na areeta areenja kîthima kîngî, îndî kîu gîtaateterwa. Tontû bûû, aragîîta Rehobothi,#26.22 Rehobothi: nî kuuga “Gûntû gûkwariî.” arauga, “Nandî MWATHANI agûtûthithîria webero nthîgûrûûne îîjî naatuî tûkathegea.”
23Kuuma au, Isaaka nî eetîre Beerisheba. 24MWATHANI aramuumîîra ûtukû o bûu aramwîra, “Nî ni Mûrungu wa abaagu Abrahamu. Ûgákîra nîûntû ndî amwe naagwe. Ngakûtharima na nkathegeyia nchiarwa ciaaku nîûntû bwa nthûûmba yaakwa Abrahamu.” 25Tontû bûû, Isaaka araaka kîritîro kîa igongwana antû au na arathaathayia MWATHANI na gûkumia riîtwa rîaawe. Ningî araamba maema jaawe antû au na nthûûmba ciaawe ireenja kîthima o.
Kîrîkanîro kîa Isaaka na Abimeleki
26 #
Kîam 21.22
Abimeleki arî amwe na Ahuzathi mûmwathi kîrîra, na Fikoli, mûtongeeria wa njûûrî yaawe ya ndwaa nî baaumîre Gezari bareeta kwona Isaaka. 27Isaaka arabooria, “Nîmbi bwejîra kîrî ni na nî bwanthûûrîre na bûrampînga kweenu?” 28Nabo baramwîra, “Nî twoneete na mma atî MWATHANI arî amwe naagwe. Naatuî twauga nî kaaba tûnyue muuma na twîke wîrane naagwe, 29nîkenda ûtîkeeje gûtûthithîria bûbûûî nîûntû kinya tuî tûtaakûthithîria bûbûûî, no mantû jameega akî twakûthithîîrie, tûracoka tûratûma ûthaama na thîîrî, na nandî nî tûkwona MWATHANI nî akûtharimîte.” 30Isaaka arabamaathîra, bararîa na baranyua. 31Bagûûkîîra rûûneene rûkîîrî, nî beekanîîre wîrane, Isaaka arabarekeeria baraciîtîra na thîîrî.
32O ntukû îîu, nthûûmba cia Isaaka nî cieejîre îramwaa nteto cia kîthima kîrîa cieenjîte, iramwîra atîrî, “Tûkwona rûûjî!” 33Nawe areeta kîthima kîu Shiba.#26.33 Shiba: nî kuuga “Mûciîtio” kana “Mûgwanja.” Kîu nîkîo gîtûmi ntûûra îîu îtagwa Beerisheba#26.33 Beerisheba: nî kuuga “kîthima kîa mûciîtio kana kîthima kîa mûgwanja.” mwanka nandî.
Esaû kûgûra aka Ahiti
34Esaû aakinyia mîaka mîrongo îna, nî aagûrîre mûka ûgwîtwa Judîthi, mwarî wa Mûhiti weetagwa Beeri. Ningî aragûra Basemathi, kinya we, mwarî wa Mûhiti weetagwa Eloni. 35Aka bau nî baatûmîre Isaaka na Rebeka bakara batîng'anîri ûtûûroone bwaao.
Currently Selected:
:
Highlight
Share
Copy
Want to have your highlights saved across all your devices? Sign up or sign in
KIMERU BIBLE WITH DC
©Bible Society of Kenya, 2009, 218