LIRAANGA 32
32
Yakobo Yirechekha Khwakana na Esau
1Lwa Yakobo yatsililila nu luchendo lwelwe, tsinjelosi tsia Nyasaye tsiakana naye. 2Lwa yalola tsinjelosi tsienetso, yavoola, “Yuku nu mukaanda kwi liihe kwa Nyasaye;” Yakobo yakulikha havundu henaho lira Mahanahimu.
3Yakobo yaruma varumwa khwimila imbeli wewe, khutsia khu amwavo wewe Esau wamenyanga mu shivala shia Edomu. 4Yakobo yavivaalila vavoole, “Inzi, Yakobo, murumishi wowo ulondanga malako koko, mbolelanga muruchi wanje Esau ndi namenyanga na Labani khandi ndi nacheleva khukalukha khutukha lwa nakhitsa nunundi. 5Ndi ni tsing'ombe, tsipunda, makondi, tsimbuli, nende varukwa. Mwami, khurumilanga likhuva nindi ni lisuuvila utsitsanga khukholela malahi.”
6Varumwa venavo vakalukha khu Yakobo, nivavoola, “Khwasimukha nu khutukha khu amwavo wowo Esau, navutswa uranji khale luchendo khwitsa khukhwakanila nende vasikali tsimia tsine.” 7Nalwo lwa Yakobo yaraanga khuria muno khandi naheenda mwoyo. Yakavula vandu va yali nali navo mu mikaanda chivili; yakhola ndio khali makondi keke, tsimbuli, tsing'ombe, nende tsingamia. 8Yakobo yakanakana, “Nikava Esau aliitsa akwane mukaanda mulala nu khukutivitsa, nalwo lwa mukaanda kwa vasikali kuva nu kurikale kuliitsa khwilukha.”
9Khulwa yako, Yakobo yasaala, “Nyasaye wa kuuka wanje Aburahamu, khandi Nyasaye wa tata wanje Isaka, mbulila! Mwami Nyasaye, wambolela, ‘Kalukha mu shivala shioshio khandi mu viikho vovo; nakhukholela malahi.’ 10Khali shindukhane khumanyinywa vulahi vwosi khandi vusuuvilwa vumanyinyi inzi murumishi wowo tawe. Nali vutswa ni indovoshi yanje lwa nambukha Muchela kwa Yorodani, navutswa nunundi nitsi ni vituma vivili via vandu. 11Nuyaanza mbonyinya khurula khu amwavo wanje Esau. Ndi nuvuri aliitsa khukhukwana nu khukhwiira khutsi voosi, vamama nende vaana vavo. 12Navutswa khali yivi mwene wavoola, ‘Ni kilikali, niitsa khukhukholela malahi, khandi nombe vitsukhulu vovo khwivulana mu vunyishi, khuli muyeeshe kuli mu inyanza, kukhanyala khuvula khuvalitswa.’ ”
13Yakobo yakonayo mu vutukhu vwenovo, khandi navukula shihanwa khurula mu vindu via yali nali navio shia aha amwavo wewe Esau: 14yamuha tsimbuli tsikhali tsimia tsivili nende tsimbuli tsikhole makhomi kavili, makondi makhali tsimia tsivili nende makondi mamiiko makhomi kavili, 15tsingamia makhomi kavaka tsishili khuvohwakhu khu muchochi halala ni vimoli vi tsingamia, tsing'ombe makhomi kane tsia maveele halala ni tsichilishi likhomi. 16Yakobo yavukula miruku chienecho navikha mu makhono ka varumishi veve, shia murumishi yasinjilila shiayo shilala, navoolela varumishi veve, “Yimili imbeli wanje, khandi muleshe vwiyangu hakari hishiayo shi miruku chiu khuraanga khandi chiukhumalilikha.” 17Yakobo yavoolela murumishi wimililanga shiayo shiukhuraanga, “Lwa amwavo wanje Esau aliitsa khukhwakanila khandi akhureeve, ‘Uli murumishi wa viina? Utsitsanga hena? Ni viina mwene miruku chili imbeli wowo yichi?’ 18Khutukha umuvoolele, ‘Ni miruku chiu murumishi wowo Yakobo. Ni vihanwa viarumanga khu muruchi wanje Esau, khandi akhulondanga munyuma.’ ” 19Yakobo yavoolela khandi varumishi veve, vasinjililanga shiayo shia khavili nende shia khavaka nende yavo va valondanga inyuma khuvoola makhuva malala mele, niiva valiitsa khwakana na Esau. 20Yakobo yavavoolela katukhananga vamuvoolele “Murumishi wowo akhulondanga munyuma.” Yakobo yasuuvilanga, “Nanyola Esau khuvirila khu vihanwa, khandi lwa mbukana naye, haundi aliitsa khusameha. 21Yakobo yimilitsa vihanwa imbeli wewe mwene, nakona tsindolo mu vutukhu vwenovo mu liheemo lielie havundu ha vandu vamenyanga.”
Yakobo Yarulana Minyikha na Nyasaye
22Yakobo yavukha vutukhu mu tsindolo, navukula vakhali veve, vaana vi shikhana veve vavili varukwa nende vaana veve likhomi nu mulala, nivambukha Muchela kwa Yaboku. 23Lwa Yakobo yali niyakhavambushitsa iluchelekha, yambushitsa iluchelekha khali miandu chiechie chia yali nali nachio chiosi; 24navutswa ye wonyene yarikala inyuma.
Khulwa yako, mundu yitsaho manaruula Yakobo munyikha khutukha himbi mu mavwevwe liuva nilishili khwakha. 25Lwa mundu mwenoyo yalola ndi avula tsingulu tsiu khuruula Yakobo munyikha, yatuya shikuumba shiu mulirango, shikuumba shienesho nishirula mu shikuumba shiu vunganyilu vwi vikuumba 26Mundu mwenoyo yavoola “Lekha nzi; vushietsanga.”
Yakobo yamuvoolela, “Shiunyala khutsia, nushili khungasitsa tawe.”
27Mundu mwenoyo yareeva Yakobo, “Lira liolio ni viina?”
Yakobo yamuvoolela, “Nangwangwa Yakobo.”
28Mundu mwenoyo yavoolela Yakobo, “Shiulalaangwakhu lira Yakobo khandi tawe, navutswa ulalaangwa lira Israeli, shichila uruulane minyikha na Nyasaye khandi nende vandu, umali khukuura.”
29Yakobo yavoolela mundu mwenoyo, “Nuyaanza mbolela nunundi lira liolio.” Navutswa mundu mwenoyo yamureeva, “Shichila shina wenyanga khumanya lira lianje?” Mundu mwenoyo yakasitsa Yakobo.
30Yakobo yakulikha havundu henaho lira Penieli, navoola, “Ndoli Nyasaye moni namoni, nikhali shili mwoyo.” 31Liuva liakha lwa Yakobo yali narulanga Penieli, khandi natichilitsanga shilenje shichila lirango lielie. 32Khali matukhu kanu vitsukhulu va Vaisraeli shivaliitsanga inyama ili khu mushii kwi shilenje tawe; shichila naho havundu ha Yakobo yatuuywa.
Currently Selected:
LIRAANGA 32: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
LIRAANGA 32
32
Yakobo Yirechekha Khwakana na Esau
1Lwa Yakobo yatsililila nu luchendo lwelwe, tsinjelosi tsia Nyasaye tsiakana naye. 2Lwa yalola tsinjelosi tsienetso, yavoola, “Yuku nu mukaanda kwi liihe kwa Nyasaye;” Yakobo yakulikha havundu henaho lira Mahanahimu.
3Yakobo yaruma varumwa khwimila imbeli wewe, khutsia khu amwavo wewe Esau wamenyanga mu shivala shia Edomu. 4Yakobo yavivaalila vavoole, “Inzi, Yakobo, murumishi wowo ulondanga malako koko, mbolelanga muruchi wanje Esau ndi namenyanga na Labani khandi ndi nacheleva khukalukha khutukha lwa nakhitsa nunundi. 5Ndi ni tsing'ombe, tsipunda, makondi, tsimbuli, nende varukwa. Mwami, khurumilanga likhuva nindi ni lisuuvila utsitsanga khukholela malahi.”
6Varumwa venavo vakalukha khu Yakobo, nivavoola, “Khwasimukha nu khutukha khu amwavo wowo Esau, navutswa uranji khale luchendo khwitsa khukhwakanila nende vasikali tsimia tsine.” 7Nalwo lwa Yakobo yaraanga khuria muno khandi naheenda mwoyo. Yakavula vandu va yali nali navo mu mikaanda chivili; yakhola ndio khali makondi keke, tsimbuli, tsing'ombe, nende tsingamia. 8Yakobo yakanakana, “Nikava Esau aliitsa akwane mukaanda mulala nu khukutivitsa, nalwo lwa mukaanda kwa vasikali kuva nu kurikale kuliitsa khwilukha.”
9Khulwa yako, Yakobo yasaala, “Nyasaye wa kuuka wanje Aburahamu, khandi Nyasaye wa tata wanje Isaka, mbulila! Mwami Nyasaye, wambolela, ‘Kalukha mu shivala shioshio khandi mu viikho vovo; nakhukholela malahi.’ 10Khali shindukhane khumanyinywa vulahi vwosi khandi vusuuvilwa vumanyinyi inzi murumishi wowo tawe. Nali vutswa ni indovoshi yanje lwa nambukha Muchela kwa Yorodani, navutswa nunundi nitsi ni vituma vivili via vandu. 11Nuyaanza mbonyinya khurula khu amwavo wanje Esau. Ndi nuvuri aliitsa khukhukwana nu khukhwiira khutsi voosi, vamama nende vaana vavo. 12Navutswa khali yivi mwene wavoola, ‘Ni kilikali, niitsa khukhukholela malahi, khandi nombe vitsukhulu vovo khwivulana mu vunyishi, khuli muyeeshe kuli mu inyanza, kukhanyala khuvula khuvalitswa.’ ”
13Yakobo yakonayo mu vutukhu vwenovo, khandi navukula shihanwa khurula mu vindu via yali nali navio shia aha amwavo wewe Esau: 14yamuha tsimbuli tsikhali tsimia tsivili nende tsimbuli tsikhole makhomi kavili, makondi makhali tsimia tsivili nende makondi mamiiko makhomi kavili, 15tsingamia makhomi kavaka tsishili khuvohwakhu khu muchochi halala ni vimoli vi tsingamia, tsing'ombe makhomi kane tsia maveele halala ni tsichilishi likhomi. 16Yakobo yavukula miruku chienecho navikha mu makhono ka varumishi veve, shia murumishi yasinjilila shiayo shilala, navoolela varumishi veve, “Yimili imbeli wanje, khandi muleshe vwiyangu hakari hishiayo shi miruku chiu khuraanga khandi chiukhumalilikha.” 17Yakobo yavoolela murumishi wimililanga shiayo shiukhuraanga, “Lwa amwavo wanje Esau aliitsa khukhwakanila khandi akhureeve, ‘Uli murumishi wa viina? Utsitsanga hena? Ni viina mwene miruku chili imbeli wowo yichi?’ 18Khutukha umuvoolele, ‘Ni miruku chiu murumishi wowo Yakobo. Ni vihanwa viarumanga khu muruchi wanje Esau, khandi akhulondanga munyuma.’ ” 19Yakobo yavoolela khandi varumishi veve, vasinjililanga shiayo shia khavili nende shia khavaka nende yavo va valondanga inyuma khuvoola makhuva malala mele, niiva valiitsa khwakana na Esau. 20Yakobo yavavoolela katukhananga vamuvoolele “Murumishi wowo akhulondanga munyuma.” Yakobo yasuuvilanga, “Nanyola Esau khuvirila khu vihanwa, khandi lwa mbukana naye, haundi aliitsa khusameha. 21Yakobo yimilitsa vihanwa imbeli wewe mwene, nakona tsindolo mu vutukhu vwenovo mu liheemo lielie havundu ha vandu vamenyanga.”
Yakobo Yarulana Minyikha na Nyasaye
22Yakobo yavukha vutukhu mu tsindolo, navukula vakhali veve, vaana vi shikhana veve vavili varukwa nende vaana veve likhomi nu mulala, nivambukha Muchela kwa Yaboku. 23Lwa Yakobo yali niyakhavambushitsa iluchelekha, yambushitsa iluchelekha khali miandu chiechie chia yali nali nachio chiosi; 24navutswa ye wonyene yarikala inyuma.
Khulwa yako, mundu yitsaho manaruula Yakobo munyikha khutukha himbi mu mavwevwe liuva nilishili khwakha. 25Lwa mundu mwenoyo yalola ndi avula tsingulu tsiu khuruula Yakobo munyikha, yatuya shikuumba shiu mulirango, shikuumba shienesho nishirula mu shikuumba shiu vunganyilu vwi vikuumba 26Mundu mwenoyo yavoola “Lekha nzi; vushietsanga.”
Yakobo yamuvoolela, “Shiunyala khutsia, nushili khungasitsa tawe.”
27Mundu mwenoyo yareeva Yakobo, “Lira liolio ni viina?”
Yakobo yamuvoolela, “Nangwangwa Yakobo.”
28Mundu mwenoyo yavoolela Yakobo, “Shiulalaangwakhu lira Yakobo khandi tawe, navutswa ulalaangwa lira Israeli, shichila uruulane minyikha na Nyasaye khandi nende vandu, umali khukuura.”
29Yakobo yavoolela mundu mwenoyo, “Nuyaanza mbolela nunundi lira liolio.” Navutswa mundu mwenoyo yamureeva, “Shichila shina wenyanga khumanya lira lianje?” Mundu mwenoyo yakasitsa Yakobo.
30Yakobo yakulikha havundu henaho lira Penieli, navoola, “Ndoli Nyasaye moni namoni, nikhali shili mwoyo.” 31Liuva liakha lwa Yakobo yali narulanga Penieli, khandi natichilitsanga shilenje shichila lirango lielie. 32Khali matukhu kanu vitsukhulu va Vaisraeli shivaliitsanga inyama ili khu mushii kwi shilenje tawe; shichila naho havundu ha Yakobo yatuuywa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013