LEVI 26
26
Tsikhaavi Shichila Khulonda Malako
(Litsu 7:12-24; 28:1-14)
1Mwami Nyasaye yavoola, “Muvuli khwilombela misambwa inoho shifwanani shiakhongwa inoho lichina litakatifu. Muvuli khusinjilitsakhu lichina liakhongwa mu shivala shienyu, khusaala khulio. Ninzi Mwami Nyasaye, uli Nyasaye wenyu. 2Mutsililile khukhola kenyekhanga khulitukhu lianje li Lisabato, khandi muhe Havundu Hatakatifu hanje luyali. Ninzi Mwami Nyasaye.
3“Niiva muliitsa khumenya khulondokhana khu mechitso kaanje, nu khulonda malako kaanje, 4niitsa khumurumila imbula mu tsinyinga tsienyekhanga, nikanyalikha mulimi kwame viraakwa viakwo khandi misala chia matunda kako. 5Viraakwa vienyu viliitsa khuva vinyishi khali kamulombe mutsililile khuchesa imu, nikali matukhu ku khwatuula matunda ki misabibu; khandi mulatsililila khwatuula matunda ki misabibu, nikali matukhu ku khuraaka imu. Muliitsa khuva ni viukhulia viosi via mwenyanga khulia; nu khumenya mu milembe mu shivala shienyu.
6“Niitsa khuchila mumenye mu milembe mu shivala shienyu, nu khukona tsindolo, vuchila khuriakhu mundu. Niitsa khukhunganyinya tsinyama tsindulu tsiumbulimu khurula mu shivala shinu; khali liihe lilivula khuvakhuho. 7Muliitsa khuva ni tsingulu tsiu khukuura vatsiku venyu; navo valiitsa khukhutsa. 8Vandu varanu khurula mu munyi, valiitsa khwilukhanyinya vatsiku imia indala; khandi vandu imia indala khurula mu munyi, valiitsa khuva ni tsingulu tsiu khukuura vandu tsiheelefu likhomi; muliitsa khwiira vatsiku venyu voosi. 9Niitsa khumukasitsa nu khumukhola khwivula vaana vanyishi. Niitsa khurweshitsa shia shindu shiosi khulondokhana khu lilakano lianje lia nakhola na munyi. 10Viraakwa vienyu viamuchesa, viliitsa khuva vinyishi khali khumala muhika mulala. Khali ndio, muliitsa khusiuva ihale wene viraakwa vikhulu, via mwali numwachesa khale, khuhaana vwiyangu khu viraakwa viyia. 11Niitsa khumenya na munyi mu Liheemo Litakatifu, nu khuvula khumwambakhana. 12Niitsa khuva na munyi. Niitsa khuva Nyasaye wenyu; na munyi muliitsa khuva khandi vandu vaanje. 13Ninzi Mwami Nyasaye, uli Nyasaye wenyu, wamurulitsa mu shivala shia Misri, khuvula khuva varukwa va Vamisri. Niitsa khutong'olanyinya minyololo chiavo, khumukhola khuchenda vuchila khukokhomela.”
Shilaamo
(Litsu 28:15-68)
14Navutswa Mwami Nyasaye yavoola, “Niiva muliitsa khwambakhana khuhulishitsa makhuva kaanje, nu khwambakhana khulonda malako kaanje, 15niiva muliitsa khwambakhana khulonda mechitso kaanje nende mivaalo kaanje, khali mukhaywi khulonda malako kaanje, navutswa khumeneka lilakano lia nakhola na munyi, 16niitsa khumusalilitsa. Niitsa khumulerela matiinyu -- lukhutsu luvula vushilishi nende vulwale vumurengo vunyala khumuvekhulitsa tsimoni, nu khumung'ahitsa. Muliitsa khuraaka vukuutsa vwenyu, navutswa vuliitsa khuva vwi shikhaya, shichila vatsiku venyu, navo valiitsa khulia viraakwa vienyu. 17Niitsa khumwambakhana, khu vatsiku venyu vamukuuri. Vandu vamuhimanga, valiitsa khumwamiha munyi. Muliitsa khwilukha vuchila khwilukhanyinywa.
18“Khali niiva kenako koosi, kaliitsa khwikholekha, khuvula khuhulishitsa makhuva kaanje, niitsa khumeeta khumusalilitsa hali saba khanyishi. 19Niitsa khumumala tsingulu tsichilanga numwichinjilila. Imbula iliitsa khuvula khukhuva; khandi shivala shienyu shilitsa khumakana kakaka khuli shivia. 20Muhinzilu kwenyu kwosi, kwa mukholanga ni tsingulu kuliitsa khuva kwi shikhaya; shichila milimi chienyu chiliitsa khuvula khumeela viraakwa, khandi misala khuvula khumeela matunda.
21“Niiva muliitsa khutsililila khumbinganyinya, nu khuvula khuhulishitsa makhuva kaanje, niitsa khumeeta khumusalilitsa khandi hali saba khanyishi. 22Niitsa khumurumila tsinyama tsiumbulimu tsindulu, natsio khwiira vaana venyu, tsiliitsa khumulula miruku chienyu, khali murikale isavu indititi ya vandu, khutukha lwa mihaanda chienyu, chiliitsa khuvula khuva na vandu vanyala khuchendakhu.
23“Niiva khali lwa muliitsa khuva nu mwakhasalilitswa, mwambakhane khuhulishitsa makhuva kaanje, navutswa mutsililile khumbinganyinya, 24niitsa khumwambakhana, khandi musalilitsi hali saba vululu muno khuvira khuli namusalilitsa lukhuraanga, shichila vwoni vwenyu. 25Niitsa khumulerela liihe, khumusalilitsa, shichila mwameneka lilakano lia nakhola na munyi. Niiva muliitsa khwivunjelitsila mu mataala kenyu munyolemu milembe, niitsa khumurumila lukhutsu luvula vushilishi, nu khumukhola khukwa mu makhono ka vatsiku venyu. 26Niitsa khumulerela inzala, khu vandu vakhali likhomi varumishile vutswa lijiko liu mulilu lilala lionyene, khukanda mikati chiosi chia vali nachio. Valiitsa khuchichehitsa, khandi lwa muliitsa khuva numwakhalia chiosi, mulatsililila khuva ni inzala.
27“Khali niiva kenako koosi kaliitsa khuva nikamali khwikholekha, ma mutsililile khumbinganyinya nu khuvula khuhulishitsa makhuva kaanje, 28niitsa khumwambakhana khuvirila mu vurima vwanje; nu khumeeta khumusalilitsa hali saba vululu muno khuvira lukhuraanga yolo. 29Muliitsa khuva ni inzala indulu indamanu muno, khali kamulombe khulia vaana venyu vene. 30Niitsa khusambulanyinya havundu henyu ha musaalilanga khu vikulu, khupomolanyinya vwaali vwa musambilakhu vubani, khandi nilisiuva mivili chienyu khu misambwa chienyu chi shikhaya. 31Niitsa khusambulanyinya mataala kenyu, sambulanyinyi havundu henyu ha musaalanga khwinzi, khandi mbuli khuhuchilila misango chienyu. 32Niitsa khwononyinya vutamanu muno shivala shienyu, khu khali vatsiku venyu vamenyamu valichenya shivala shienesho, ni shimali khutivitswa. 33Niitsa khumulerela liihe, nu khumusalanyinya mu vandu vi tsimbia tsindi. Shivala shienyu shilitsa khung'alwa; khali mataala kenyu kaliitsa khurikala nikapomolwa. 34Nalwo lwa shivala shiliitsa khwikhoyela mihika chi Lisabato khumatukhu koosi ka shivala shienesho shiliitsa khuva nishirikale shiele, khandi lwa muliitsa khuva mu shivala shia vatsiku venyu. Shivala shiliitsa khuva mu milembe nu khutsilila khwikhoyela matukhu ki Lisabato. 35Matukhu koosi ka shivala shienesho shiliitsa khuva nishirikale shiele, shiliitsa khuva mu milembe chiatoto, chia shishili khunyolakhu mumatukhu koosi ki Lisabato, lwa munyi mwamenyamu.
36“Khali yavo vali mu munyi valiitsa khuva nivarikala, niitsa khuvatechelitsa mu mioyo chiavo, lwa valiitsa khuva mu shivala shia vatsiku vavo. Khali lisambu lia vushindu vuhuutsanga, liliitsa khuvakhola khwilukha; navo valiitsa khwilukha khuli mundu wilukhanyinywangwa muliihe; khali muliitsa khukwa, mutsiku navulaho khumuhitsanyinya. 37Muliitsa khwisikarila vene khuvene, khali mundu navulaho khumuhitsanyinya. Muliitsa khuvula tsingulu, tsiu khukwana vatsiku venyu. 38Muliitsa khukhutsila mu shivala, shia vandu vi tsimbia tsindi, nu khuyeveelwa mu vilindwa mu shivala shia vatsiku venyu shienesho. 39Valala khu munyi valiitsa khuva nivarikala mu shivala shia vatsiku venyu, valiitsa khukhutsa shichila vwoni vwavo vene; khandi shichila vwoni vwa vakuuka vavo.
40“Navutswa vitsukhulu venyu, valiitsa khwiyema havulavu vwoni vwavo, vwoni vwa vakuuka vavo, khuli lwa vali nivanzambakhana khandi khuli lwa vambinganyinya, 41khali kachila nivambakhana, khandi nivaruma mu shivala shia vatsiku vavo. Khali ndio, niiva valiitsa khwichehitsa mu mahaaka kavo, nu khwikanila khurula mu vwoni vwavo; 42nalwo lwa niitsa khwitsushitsa lilakano lianje, lia nakhola na Yakobo, Isaka nende Aburahamu; khandi nzitsushitsi shivala shia nali nalaaka, niitsa khumuha. 43Navutswa lwa valiitsa khuva ihale wene khurula mu shivala shiavo, shivala shienesho shilitsa khwikhoyela matukhu ki Lisabato kashio, lwa shiliitsa khuva shiang'alwa. Mumatukhu kenako, vandu valiitsa khwikanila vutamanu vwavo, lwa vali nivambakhana khulonda mivaalo kaanje nende mechitso kaanje. 44Navutswa khali ndio, lwa valiitsa khuva nivamenyanga mu shivala shia vatsiku vavo, niitsa khulekha khuvambakhana inoho khuvativitsa. Niiva nyala khukhola ndio, ni kilikali niitsa khumeneka lilakano lianje, lia nakhola navo; shichila ninzi Mwami Nyasaye, uli Nyasaye wavo. 45Navutswa shichila vo, niitsa khwitsushitsa lilakano lia nakhola na vakuuka vavo, va narulitsa mu shivala shia Misri, lwa vandu vi tsimbia tsindi vali nivarelekhu tsimoni, nikanyalikha khuva Nyasaye wavo. Ninzi Mwami Nyasaye.”
46Yaka nako mechitso, mivaalo nende malako ku Mwami Nyasaye yavoolela Musa avoolele Vaisraeli khu Shikulu shia Sinai.
Currently Selected:
LEVI 26: LLLCATHOLIC
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013
LEVI 26
26
Tsikhaavi Shichila Khulonda Malako
(Litsu 7:12-24; 28:1-14)
1Mwami Nyasaye yavoola, “Muvuli khwilombela misambwa inoho shifwanani shiakhongwa inoho lichina litakatifu. Muvuli khusinjilitsakhu lichina liakhongwa mu shivala shienyu, khusaala khulio. Ninzi Mwami Nyasaye, uli Nyasaye wenyu. 2Mutsililile khukhola kenyekhanga khulitukhu lianje li Lisabato, khandi muhe Havundu Hatakatifu hanje luyali. Ninzi Mwami Nyasaye.
3“Niiva muliitsa khumenya khulondokhana khu mechitso kaanje, nu khulonda malako kaanje, 4niitsa khumurumila imbula mu tsinyinga tsienyekhanga, nikanyalikha mulimi kwame viraakwa viakwo khandi misala chia matunda kako. 5Viraakwa vienyu viliitsa khuva vinyishi khali kamulombe mutsililile khuchesa imu, nikali matukhu ku khwatuula matunda ki misabibu; khandi mulatsililila khwatuula matunda ki misabibu, nikali matukhu ku khuraaka imu. Muliitsa khuva ni viukhulia viosi via mwenyanga khulia; nu khumenya mu milembe mu shivala shienyu.
6“Niitsa khuchila mumenye mu milembe mu shivala shienyu, nu khukona tsindolo, vuchila khuriakhu mundu. Niitsa khukhunganyinya tsinyama tsindulu tsiumbulimu khurula mu shivala shinu; khali liihe lilivula khuvakhuho. 7Muliitsa khuva ni tsingulu tsiu khukuura vatsiku venyu; navo valiitsa khukhutsa. 8Vandu varanu khurula mu munyi, valiitsa khwilukhanyinya vatsiku imia indala; khandi vandu imia indala khurula mu munyi, valiitsa khuva ni tsingulu tsiu khukuura vandu tsiheelefu likhomi; muliitsa khwiira vatsiku venyu voosi. 9Niitsa khumukasitsa nu khumukhola khwivula vaana vanyishi. Niitsa khurweshitsa shia shindu shiosi khulondokhana khu lilakano lianje lia nakhola na munyi. 10Viraakwa vienyu viamuchesa, viliitsa khuva vinyishi khali khumala muhika mulala. Khali ndio, muliitsa khusiuva ihale wene viraakwa vikhulu, via mwali numwachesa khale, khuhaana vwiyangu khu viraakwa viyia. 11Niitsa khumenya na munyi mu Liheemo Litakatifu, nu khuvula khumwambakhana. 12Niitsa khuva na munyi. Niitsa khuva Nyasaye wenyu; na munyi muliitsa khuva khandi vandu vaanje. 13Ninzi Mwami Nyasaye, uli Nyasaye wenyu, wamurulitsa mu shivala shia Misri, khuvula khuva varukwa va Vamisri. Niitsa khutong'olanyinya minyololo chiavo, khumukhola khuchenda vuchila khukokhomela.”
Shilaamo
(Litsu 28:15-68)
14Navutswa Mwami Nyasaye yavoola, “Niiva muliitsa khwambakhana khuhulishitsa makhuva kaanje, nu khwambakhana khulonda malako kaanje, 15niiva muliitsa khwambakhana khulonda mechitso kaanje nende mivaalo kaanje, khali mukhaywi khulonda malako kaanje, navutswa khumeneka lilakano lia nakhola na munyi, 16niitsa khumusalilitsa. Niitsa khumulerela matiinyu -- lukhutsu luvula vushilishi nende vulwale vumurengo vunyala khumuvekhulitsa tsimoni, nu khumung'ahitsa. Muliitsa khuraaka vukuutsa vwenyu, navutswa vuliitsa khuva vwi shikhaya, shichila vatsiku venyu, navo valiitsa khulia viraakwa vienyu. 17Niitsa khumwambakhana, khu vatsiku venyu vamukuuri. Vandu vamuhimanga, valiitsa khumwamiha munyi. Muliitsa khwilukha vuchila khwilukhanyinywa.
18“Khali niiva kenako koosi, kaliitsa khwikholekha, khuvula khuhulishitsa makhuva kaanje, niitsa khumeeta khumusalilitsa hali saba khanyishi. 19Niitsa khumumala tsingulu tsichilanga numwichinjilila. Imbula iliitsa khuvula khukhuva; khandi shivala shienyu shilitsa khumakana kakaka khuli shivia. 20Muhinzilu kwenyu kwosi, kwa mukholanga ni tsingulu kuliitsa khuva kwi shikhaya; shichila milimi chienyu chiliitsa khuvula khumeela viraakwa, khandi misala khuvula khumeela matunda.
21“Niiva muliitsa khutsililila khumbinganyinya, nu khuvula khuhulishitsa makhuva kaanje, niitsa khumeeta khumusalilitsa khandi hali saba khanyishi. 22Niitsa khumurumila tsinyama tsiumbulimu tsindulu, natsio khwiira vaana venyu, tsiliitsa khumulula miruku chienyu, khali murikale isavu indititi ya vandu, khutukha lwa mihaanda chienyu, chiliitsa khuvula khuva na vandu vanyala khuchendakhu.
23“Niiva khali lwa muliitsa khuva nu mwakhasalilitswa, mwambakhane khuhulishitsa makhuva kaanje, navutswa mutsililile khumbinganyinya, 24niitsa khumwambakhana, khandi musalilitsi hali saba vululu muno khuvira khuli namusalilitsa lukhuraanga, shichila vwoni vwenyu. 25Niitsa khumulerela liihe, khumusalilitsa, shichila mwameneka lilakano lia nakhola na munyi. Niiva muliitsa khwivunjelitsila mu mataala kenyu munyolemu milembe, niitsa khumurumila lukhutsu luvula vushilishi, nu khumukhola khukwa mu makhono ka vatsiku venyu. 26Niitsa khumulerela inzala, khu vandu vakhali likhomi varumishile vutswa lijiko liu mulilu lilala lionyene, khukanda mikati chiosi chia vali nachio. Valiitsa khuchichehitsa, khandi lwa muliitsa khuva numwakhalia chiosi, mulatsililila khuva ni inzala.
27“Khali niiva kenako koosi kaliitsa khuva nikamali khwikholekha, ma mutsililile khumbinganyinya nu khuvula khuhulishitsa makhuva kaanje, 28niitsa khumwambakhana khuvirila mu vurima vwanje; nu khumeeta khumusalilitsa hali saba vululu muno khuvira lukhuraanga yolo. 29Muliitsa khuva ni inzala indulu indamanu muno, khali kamulombe khulia vaana venyu vene. 30Niitsa khusambulanyinya havundu henyu ha musaalilanga khu vikulu, khupomolanyinya vwaali vwa musambilakhu vubani, khandi nilisiuva mivili chienyu khu misambwa chienyu chi shikhaya. 31Niitsa khusambulanyinya mataala kenyu, sambulanyinyi havundu henyu ha musaalanga khwinzi, khandi mbuli khuhuchilila misango chienyu. 32Niitsa khwononyinya vutamanu muno shivala shienyu, khu khali vatsiku venyu vamenyamu valichenya shivala shienesho, ni shimali khutivitswa. 33Niitsa khumulerela liihe, nu khumusalanyinya mu vandu vi tsimbia tsindi. Shivala shienyu shilitsa khung'alwa; khali mataala kenyu kaliitsa khurikala nikapomolwa. 34Nalwo lwa shivala shiliitsa khwikhoyela mihika chi Lisabato khumatukhu koosi ka shivala shienesho shiliitsa khuva nishirikale shiele, khandi lwa muliitsa khuva mu shivala shia vatsiku venyu. Shivala shiliitsa khuva mu milembe nu khutsilila khwikhoyela matukhu ki Lisabato. 35Matukhu koosi ka shivala shienesho shiliitsa khuva nishirikale shiele, shiliitsa khuva mu milembe chiatoto, chia shishili khunyolakhu mumatukhu koosi ki Lisabato, lwa munyi mwamenyamu.
36“Khali yavo vali mu munyi valiitsa khuva nivarikala, niitsa khuvatechelitsa mu mioyo chiavo, lwa valiitsa khuva mu shivala shia vatsiku vavo. Khali lisambu lia vushindu vuhuutsanga, liliitsa khuvakhola khwilukha; navo valiitsa khwilukha khuli mundu wilukhanyinywangwa muliihe; khali muliitsa khukwa, mutsiku navulaho khumuhitsanyinya. 37Muliitsa khwisikarila vene khuvene, khali mundu navulaho khumuhitsanyinya. Muliitsa khuvula tsingulu, tsiu khukwana vatsiku venyu. 38Muliitsa khukhutsila mu shivala, shia vandu vi tsimbia tsindi, nu khuyeveelwa mu vilindwa mu shivala shia vatsiku venyu shienesho. 39Valala khu munyi valiitsa khuva nivarikala mu shivala shia vatsiku venyu, valiitsa khukhutsa shichila vwoni vwavo vene; khandi shichila vwoni vwa vakuuka vavo.
40“Navutswa vitsukhulu venyu, valiitsa khwiyema havulavu vwoni vwavo, vwoni vwa vakuuka vavo, khuli lwa vali nivanzambakhana khandi khuli lwa vambinganyinya, 41khali kachila nivambakhana, khandi nivaruma mu shivala shia vatsiku vavo. Khali ndio, niiva valiitsa khwichehitsa mu mahaaka kavo, nu khwikanila khurula mu vwoni vwavo; 42nalwo lwa niitsa khwitsushitsa lilakano lianje, lia nakhola na Yakobo, Isaka nende Aburahamu; khandi nzitsushitsi shivala shia nali nalaaka, niitsa khumuha. 43Navutswa lwa valiitsa khuva ihale wene khurula mu shivala shiavo, shivala shienesho shilitsa khwikhoyela matukhu ki Lisabato kashio, lwa shiliitsa khuva shiang'alwa. Mumatukhu kenako, vandu valiitsa khwikanila vutamanu vwavo, lwa vali nivambakhana khulonda mivaalo kaanje nende mechitso kaanje. 44Navutswa khali ndio, lwa valiitsa khuva nivamenyanga mu shivala shia vatsiku vavo, niitsa khulekha khuvambakhana inoho khuvativitsa. Niiva nyala khukhola ndio, ni kilikali niitsa khumeneka lilakano lianje, lia nakhola navo; shichila ninzi Mwami Nyasaye, uli Nyasaye wavo. 45Navutswa shichila vo, niitsa khwitsushitsa lilakano lia nakhola na vakuuka vavo, va narulitsa mu shivala shia Misri, lwa vandu vi tsimbia tsindi vali nivarelekhu tsimoni, nikanyalikha khuva Nyasaye wavo. Ninzi Mwami Nyasaye.”
46Yaka nako mechitso, mivaalo nende malako ku Mwami Nyasaye yavoolela Musa avoolele Vaisraeli khu Shikulu shia Sinai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society of Kenya, 2013