MARIKO 7
7
Mechitso ka Vakuuka
(Mat 15:1-9)
1Vandu valala khu Vafarisayo nende veechitsi va Malako vali nivaruli Yerusalemi vakanila halala ha Yesu yali nali. 2Valola valala khu veechi veve nivaliitsanga shiukhulia na makhono kali na mamisu -- nakhwo khuvoola, shivali nivasavi na matsi khuli Vafarisayo venyanga vandu vasave makhono kavo tawe.
3(Vafarisayo nende Vayahudi vandi voosi, valondanga mechitso ka vanyola khurula khu vakuuka vavo: shivaliitsanga shiukhulia nivakhasavi makhono kavo munjila yenyekhanga; 4inoho khuliakhu shindu shiosi nishiruli musokoni nivakhochitsi na matsi tawe. Valondanga miima chindi minyishi chia vanyola, khuli injila indahi yu khwochitsa vikombe, tsinyungu, tsisahani nende vitali#7:4 nende vitali: Mahandiko malala kavula “nende vitali.”.)
5Khulwa yako, Vafarisayo nende veechitsi va Malako vareeva Yesu, “Shichila shina veechi vovo vambakhananga khulonda mechitso ka khwaheelwa na vakuuka veru; navutswa valiitsanga shiukhulia na makhono kali na mamisu?”
6Yesu yavachipa, “Muprofeti Isaya yavoola katoto lwa yaprofeta khulondokhana khu munyi! Munyi muli vandu vikhola kholanga khuva vulunji, khuli yahandika:
‘Nyasaye avoolanga,
vandu yava vambetsanga luyali khuvirila mu makhuva ka vavoolanga vutswa,
navutswa katoto mioyo chiavo chili ihale wene khurula khwinzi.
7Vasaalanga khwinzi mushikhaya;
niveechitsa malako ka vandu valomba khuli veechitsanga malako kaanje!’
8“Mulekhanga haluveka malako ka Nyasaye khumulonde mechitso ka vandu valomba.”
9Yesu yavavoolela, “Muli nu vucheli vukhwambakhana khulonda malako ka Nyasaye khu mutsililile khulonda mechitso kenyu vene! 10Musa yavoola, ‘Muhe tata wenyu nende mama wenyu luyali’; khandi, ‘Mundu unyekanga tata wewe inoho mama wewe, aliitsa khwiirwa.’ 11Navutswa munyi mwechitsanga numuvoola ndi niiva mundu ali ni shindu shianyala khurumishila khukhonya tata wewe, navutswa avoole, ‘Yishi ni Korobani’ (Livoolanga ni shia Nyasaye), 12khu, muvelelanga tsimbavasi mundu mwenoyo, khali navula khukhonya tata wewe inoho mama wewe. 13Khulwa yako, mechitso khulondokhana khu miima chienyu kasisululanga likhuva lia Nyasaye. Kaliho kandi manyishi khuli yaka ka mukholanga.”
Vindu Vilombanga Mundu Khwonekha
(Mat 15:10-20)
14Yesu yalaanga khandi shituma shia vandu khwitsa khuye; navavoolela, “Munyi voosi, mumbulishitsi khandi mumanye. 15Shindu shivulakhuho shinjilanga mu mundu khurula ilwanyi shinyala khumulomba khwonekha, navutswa yeshio shirulanga mu mundu, nashio shimulombanga khwonekha! [ 16Numuli na maroyi ku khuhulila, muhulishitsi!]”#7:16 Mahandiko Matakatifu malala kakhale kavula luvaso lwa 16.
17Lwa Yesu yalekha shituma shia vandu niyinjila munzu, veechi veve vamureeva makhuva khulondokhana khu lukanu lwenolo. 18Yesu yavavoolela, “Ni kilikali, khali munyi kanyala khuva muvula limanya? Mushili khulolakhu ndi shindu shinjilanga mu mundu khurula ilwanyi shishinyala khumulomba khwonekha tawe; 19shichila shishinjilanga mu mwoyo kwekwe tawe, navutswa munda mwemwe, khandi shirula ilwanyi?” (Khulwa yako, Yesu yahuchilila havulavu ndi shia shiukhulia shiosi ni shilahi khulia.)
20Yesu yatsililila khuvoola, “Shindu shirulanga mu mundu nashio shimulombanga khwonekha. 21Khurula mukari mu mwoyo ku mundu, tsirulamu tsinganakani tsindamanu, vandu khukona halala nivashili khuhilana khuli musatsa nu mukhali, khuhuuva, khwiira, khuheeya, 22vung'wang'wa, vumayanu, vuvehi, khuva ni tsisoni, khushendekha, vwichishi, vwiloli, nende vuyiingwa -- 23vindu vitamanu yivi viosi virulanga mukari mu mundu, khandi navio vilombanga mundu khwonekha.”
Mukhali wi Lisuuvila
(Mat 15:21-28)
24Yesu yarulaho natsia mu lusomo lwa Tiro nende Sidoni#7:24 Sidoni: Mahandiko Matakatifu kakhale kavula “Sidoni”.. Yinjila munzu navula khwenya mundu wosi amanye alimu; navutswa yakhaywa khwivisa. 25Mukhali, wi litimoni liali nilili mu mwana wewe wi shikhana, yahulila makhuva shichila Yesu; niyitsa khuye vwangu, khandi nasikama ha vilenje wewe. 26Mukhali mwenoyo yali Muguriki, mundu wivulwa mu lusomo lwa Foenike, luli mu shivala shia Siria. Yasaya Yesu nayaanza akhunji litimoni khurula mu mwana wi shikhana wewe. 27Navutswa Yesu yachipa, “Leshi vaana valii shiukhulia mbilio. Nu vutamanu khuvukula shiukhulia shia vaana nu khusiuvila tsisiimbwa.”
28Navutswa mukhali mwenoyo yachipa Yesu, “Mwami, khali tsisiimbwa tsili mulwalo mwi imesa tsiliitsanga matonye ka vaana vivale, nivakhalia.”
29Yesu yamuvoolela, “Khulondokhana khuli lwa uvooli, unyala khukalukha ingo; litimoni limali khurula mu mwana wowo wi shikhana.”
30Mukhali mwenoyo yasimukha natsia ingo nanyola mwana wewe nakoni khu shitali; khandi litimoni nilimali khurula mu mwana wewe.
Yesu Yahonyinya Mundu Wikala Maroyi khandi Musilu
31Yesu yakalukha narula mu lusomo lwa Tiro, nakhalakanyila Sidoni khutukha khu Inyanza ya Galilaya, khuvirila mu lusomo lwa Dekapoli. 32Vandu valala valerela Yesu mundu wali niyikala maroyi, khandi muyiingwa; nivamusaya nayaanza avishi makhono keke khuye. 33Yesu yasuunda mundu mwenoyo haluveka khurula mu vandu, nara vitere vievie mu maroyi ku mundu mwenoyo, nasutsa maree, khandi nakumila lulimi lu mundu mwenoyo. 34Yesu yaheenza ikulu mwikulu, niyirulila miuya; navoolela mundu mwenoyo, “Efafatha,” kavoolanga, “Yikukha.”
35Mundu mwenoyo yaraanga khuhulila vwangu, lulimi lwelwe nulwanguha nalomoloma vulahi vwene. 36Yesu yahaana lilako vandu vavuli khuvoolelakhu mundu wosi kali ni kakholeshe; navutswa lwa yatsililila khuvakaya khuvoolekhu mundu wosi, nalwo lwa vakalinditsa. 37Vandu voosi vahulila makhuva kenako vali nilichenya khushila muno, nivavoola, “Ukholi shia shindu shiosi munjila indahi; khali akholanga vandu vikala maroyi vahulila, khali vasilu valomolome.”
Currently Selected:
MARIKO 7: LLLCATHOLIC
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013
MARIKO 7
7
Mechitso ka Vakuuka
(Mat 15:1-9)
1Vandu valala khu Vafarisayo nende veechitsi va Malako vali nivaruli Yerusalemi vakanila halala ha Yesu yali nali. 2Valola valala khu veechi veve nivaliitsanga shiukhulia na makhono kali na mamisu -- nakhwo khuvoola, shivali nivasavi na matsi khuli Vafarisayo venyanga vandu vasave makhono kavo tawe.
3(Vafarisayo nende Vayahudi vandi voosi, valondanga mechitso ka vanyola khurula khu vakuuka vavo: shivaliitsanga shiukhulia nivakhasavi makhono kavo munjila yenyekhanga; 4inoho khuliakhu shindu shiosi nishiruli musokoni nivakhochitsi na matsi tawe. Valondanga miima chindi minyishi chia vanyola, khuli injila indahi yu khwochitsa vikombe, tsinyungu, tsisahani nende vitali#7:4 nende vitali: Mahandiko malala kavula “nende vitali.”.)
5Khulwa yako, Vafarisayo nende veechitsi va Malako vareeva Yesu, “Shichila shina veechi vovo vambakhananga khulonda mechitso ka khwaheelwa na vakuuka veru; navutswa valiitsanga shiukhulia na makhono kali na mamisu?”
6Yesu yavachipa, “Muprofeti Isaya yavoola katoto lwa yaprofeta khulondokhana khu munyi! Munyi muli vandu vikhola kholanga khuva vulunji, khuli yahandika:
‘Nyasaye avoolanga,
vandu yava vambetsanga luyali khuvirila mu makhuva ka vavoolanga vutswa,
navutswa katoto mioyo chiavo chili ihale wene khurula khwinzi.
7Vasaalanga khwinzi mushikhaya;
niveechitsa malako ka vandu valomba khuli veechitsanga malako kaanje!’
8“Mulekhanga haluveka malako ka Nyasaye khumulonde mechitso ka vandu valomba.”
9Yesu yavavoolela, “Muli nu vucheli vukhwambakhana khulonda malako ka Nyasaye khu mutsililile khulonda mechitso kenyu vene! 10Musa yavoola, ‘Muhe tata wenyu nende mama wenyu luyali’; khandi, ‘Mundu unyekanga tata wewe inoho mama wewe, aliitsa khwiirwa.’ 11Navutswa munyi mwechitsanga numuvoola ndi niiva mundu ali ni shindu shianyala khurumishila khukhonya tata wewe, navutswa avoole, ‘Yishi ni Korobani’ (Livoolanga ni shia Nyasaye), 12khu, muvelelanga tsimbavasi mundu mwenoyo, khali navula khukhonya tata wewe inoho mama wewe. 13Khulwa yako, mechitso khulondokhana khu miima chienyu kasisululanga likhuva lia Nyasaye. Kaliho kandi manyishi khuli yaka ka mukholanga.”
Vindu Vilombanga Mundu Khwonekha
(Mat 15:10-20)
14Yesu yalaanga khandi shituma shia vandu khwitsa khuye; navavoolela, “Munyi voosi, mumbulishitsi khandi mumanye. 15Shindu shivulakhuho shinjilanga mu mundu khurula ilwanyi shinyala khumulomba khwonekha, navutswa yeshio shirulanga mu mundu, nashio shimulombanga khwonekha! [ 16Numuli na maroyi ku khuhulila, muhulishitsi!]”#7:16 Mahandiko Matakatifu malala kakhale kavula luvaso lwa 16.
17Lwa Yesu yalekha shituma shia vandu niyinjila munzu, veechi veve vamureeva makhuva khulondokhana khu lukanu lwenolo. 18Yesu yavavoolela, “Ni kilikali, khali munyi kanyala khuva muvula limanya? Mushili khulolakhu ndi shindu shinjilanga mu mundu khurula ilwanyi shishinyala khumulomba khwonekha tawe; 19shichila shishinjilanga mu mwoyo kwekwe tawe, navutswa munda mwemwe, khandi shirula ilwanyi?” (Khulwa yako, Yesu yahuchilila havulavu ndi shia shiukhulia shiosi ni shilahi khulia.)
20Yesu yatsililila khuvoola, “Shindu shirulanga mu mundu nashio shimulombanga khwonekha. 21Khurula mukari mu mwoyo ku mundu, tsirulamu tsinganakani tsindamanu, vandu khukona halala nivashili khuhilana khuli musatsa nu mukhali, khuhuuva, khwiira, khuheeya, 22vung'wang'wa, vumayanu, vuvehi, khuva ni tsisoni, khushendekha, vwichishi, vwiloli, nende vuyiingwa -- 23vindu vitamanu yivi viosi virulanga mukari mu mundu, khandi navio vilombanga mundu khwonekha.”
Mukhali wi Lisuuvila
(Mat 15:21-28)
24Yesu yarulaho natsia mu lusomo lwa Tiro nende Sidoni#7:24 Sidoni: Mahandiko Matakatifu kakhale kavula “Sidoni”.. Yinjila munzu navula khwenya mundu wosi amanye alimu; navutswa yakhaywa khwivisa. 25Mukhali, wi litimoni liali nilili mu mwana wewe wi shikhana, yahulila makhuva shichila Yesu; niyitsa khuye vwangu, khandi nasikama ha vilenje wewe. 26Mukhali mwenoyo yali Muguriki, mundu wivulwa mu lusomo lwa Foenike, luli mu shivala shia Siria. Yasaya Yesu nayaanza akhunji litimoni khurula mu mwana wi shikhana wewe. 27Navutswa Yesu yachipa, “Leshi vaana valii shiukhulia mbilio. Nu vutamanu khuvukula shiukhulia shia vaana nu khusiuvila tsisiimbwa.”
28Navutswa mukhali mwenoyo yachipa Yesu, “Mwami, khali tsisiimbwa tsili mulwalo mwi imesa tsiliitsanga matonye ka vaana vivale, nivakhalia.”
29Yesu yamuvoolela, “Khulondokhana khuli lwa uvooli, unyala khukalukha ingo; litimoni limali khurula mu mwana wowo wi shikhana.”
30Mukhali mwenoyo yasimukha natsia ingo nanyola mwana wewe nakoni khu shitali; khandi litimoni nilimali khurula mu mwana wewe.
Yesu Yahonyinya Mundu Wikala Maroyi khandi Musilu
31Yesu yakalukha narula mu lusomo lwa Tiro, nakhalakanyila Sidoni khutukha khu Inyanza ya Galilaya, khuvirila mu lusomo lwa Dekapoli. 32Vandu valala valerela Yesu mundu wali niyikala maroyi, khandi muyiingwa; nivamusaya nayaanza avishi makhono keke khuye. 33Yesu yasuunda mundu mwenoyo haluveka khurula mu vandu, nara vitere vievie mu maroyi ku mundu mwenoyo, nasutsa maree, khandi nakumila lulimi lu mundu mwenoyo. 34Yesu yaheenza ikulu mwikulu, niyirulila miuya; navoolela mundu mwenoyo, “Efafatha,” kavoolanga, “Yikukha.”
35Mundu mwenoyo yaraanga khuhulila vwangu, lulimi lwelwe nulwanguha nalomoloma vulahi vwene. 36Yesu yahaana lilako vandu vavuli khuvoolelakhu mundu wosi kali ni kakholeshe; navutswa lwa yatsililila khuvakaya khuvoolekhu mundu wosi, nalwo lwa vakalinditsa. 37Vandu voosi vahulila makhuva kenako vali nilichenya khushila muno, nivavoola, “Ukholi shia shindu shiosi munjila indahi; khali akholanga vandu vikala maroyi vahulila, khali vasilu valomolome.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society of Kenya, 2013