Luk 13
13
Irireeni bûtîkeeje gûkua
1Îgiita rîu nî kwaarî na antû bamwe barîa baarî au, na bareera Jesû ûrîa Pilatû ooragîre antû ba kuuma Galili rîrîa baaritagîra Mûrungu kîgongwana. 2Jesû arabeera, “Ka bûkûthûgaania antû bau booragîrwe nîûntû baarî eeyia nkûrûki ya antû bangî bonthe ba kuuma Galili? 3Arî, kîu tîkîo kîaarî gîtûmi! Îndî ga nkûbwîra bwarega kwirira bwinthe bûgakua o tabo. 4Kana ka bûkûthûgaania atî antû barîa îkûmi na banaana booragîrîrwe nî mûnaara jwa Siloamu, jûrîa jwaabamomokere, ka baarî eeyia nkûrûki ya antû bonthe barîa baatûûraga Jerusalemu? 5Arî, kîu tîkîo kîaarî gîtûmi! Îndî ga nkûbwîra bwarega kwirira bwinthe bûgakua o tabo.”
Ngerekano ya mûtî ja mûkûû jûrîa jûtarî na maciara
6Rîu Jesû arabaa ngerekano îîjî, “Kûrî muntû waandîre mûkûû muundeene jwaawe. Rîrîa eetîre gûcwaa nkûû, areethîra jûtîciere noo mbi. 7Muntû ûu areera mûrîmi ûrîa waamenyagîîra muunda jûu atîrî, ‘Nî mbîjete aja mîaka îthatû ngîcwaga nkûû mûkûûne jûjû na gûtî cio ndoona. Tontû bûû, jûrîîke nîûntû ka jûkûrîa muunda ûtheri.’ 8Îndî mûrîmi ûû aramwîra, ‘Mwathi waakwa, tigana naju mwaka jûjû jûnka, mpambe njûciimbûrîre na mbîkîre mboreo. 9Jûkëeja gûciara nkûû mwaka jûu jûngî, jûgakara o, îndî jwarega gûciara noo ûjûrîîke.’”
Jesû kworia mwekûrû waarî kîonje ntukû ya sabatû
10Ntukû îmwe ya sabatû Jesû nî aaritanaga kîromberoone. 11Kûu kîromberoone nî kwaarî na mwekûrû ûmwe waathangîkîtue nî roho înthûûku îrîa yaamwethetie kîonje mîaka îkûmi na înaana. Aarî ûmunîku mûgongo na atîngîûmba kûrûngama ceeni. 12Rîrîa Jesû oonere mwekûrû ûu, aramwîta na aramwîra, “Mwekûrû, ûkworua.” 13Jesû ararîkîîra mwekûrû ûu njara, na mûgongo jwaawe jûrarûngama ceeni na mwekûrû ûu arakumia Mûrungu. 14#Kum 20.9-10; Kûr 5.13-14 Îndî mûrûngamîîri wa kîrombero arathûûra mono akwona Jesû akworia muntû ntukû ya sabatû. Tontû bûû, areera kîrîndî, “Kûrî na ntukû ithanthatû irîa ngûgî îbuîri kûritagwa. Îjageni kworua ntukû iu, îndî bûkeeja kworua ntukû ya sabatû.” 15Mwathani aramûcokeria atîrî, “Buî aciayia! Kûrî ûmwe weenu ûtîthaûraga ndeegwa kana ntigiri yaawe kuuma nkanateene na amiikia kûnyua rûûjî ntukû ya sabatû? 16Mwekûrû ûûjû, ûrîa Nkoma atwîre atheekeete mîaka îkûmi na înaana nî mwarî wa Abrahamu. Ka bûtîkwagîrîte mwekûrû ûûjû aritwa ûkomboone ntukû ya sabatû?” 17Jesû akuuga ûu anthû baawe bonthe baracokerwa nî nthao na antû bangî bonthe baragwîrîrua mantû jameega mono jarîa aathithîrie.
Ngerekano ya mbeeû ya mûthandûkû
(Mat 13.31-32; Mar 4.30-32)
18Jesû arabooria, “Ûnene bwa Mûrungu bûkari atîa? Nîmbi mpûûmba kûbûng'uanithania nayo? 19Nkabûng'ûanithania na gapîndî kaniini ka mûthandûkû karîa muntû ajûkîrie na arakaanda muundeene jwaawe. Gakuuma karakûra na karaa mûtî jûmûnene na nyoni iraaka itara mpang'iine ciaaju.”
Ngerekano ya mûtheega jwa kwimbithia mûgaate
(Mat 13.33)
20Kaîrî arooria, “Nîmbi mpûûmba kûng'uanithania Ûnene bwa Mûrungu nayo? 21Bûkari ta kamûthega ga kwimbithia mûtu jwa gûkaanda mîgaate karîa mwekûrû ajûkîrie na areekîra mûtuune jwa ndebe îmwe na mûtu jûu junthe jûraimba.”
Mpingîro îrîa ncheke
(Mat 7.13-14,21-23)
22Jesû eetîte Jerusalemu nî aakûrûkîrîîre ntûûreene mwanya mwanya akîritanaga. 23Muntû ûmwe aramûûria, “Mwathani, nî antû babakai bakoonokua?” Nawe arabeera, 24“Ciûmieni bûkûrûke na mwari jûrîa mûceke, nîkwîthîrwa babaingî bakageria gûkûrûkîîra ku îndî batîûmba. 25Îgiita rîgakinya na mwene nyomba ainge mwari. Naabuî bûrî oome, bwambîrîrie kûringaringa bûkiugaga, ‘Itû Mwathani, tûrûgûrîre.’ Nawe akabwîra, ‘Ntiijî kûrîa buumîte.’ 26Rîu naabuî bûkaambîrîria kûmwîra, ‘Anga tûtarijaga na tûkanyua tûrî amwe naagwe; ningî nî waaritanaga ntûûreene cieetû.’ 27#Zab 6.8 Îndî akabwîra, ‘Ndîbwîra ntiijî kûrîa buumîte! Umeeni kîrî ni buî bûritaga ngûgî imboru!’ 28#Mat 22.13; 25.30 Rîu nîrîo bûkarîra na gûkabakaba maîgo rîrîa bûkoona Abrahamu na Isaaka na Jakubu na kinya iroria bionthe barî Ûneneene bwa Mûrungu, naabuî bûteei oome. 29#Mat 8.11-12 Antû bakeeja baumîte nteere cionthe cia nthîgûrû: baume bwa gaiti na bwa rûgûrû na bangî baume bwa ûrîo na bwa ûmotho, na bakûrûke Ûneneene bwa Mûrungu, barîe na banyue. 30#Mat 19.30; 20.16; Mar 10.31 Nî mma kûrî bamwe barî mûthia, bakaa ba mbere na kûrî bamwe barî mbere, bakaa ba mûthia.”
Wendo bûrîa Jesû eendeete nabu antû ba Jerusalemu
(Mat 23.37-39)
31Kagiiteene o kau Afarisayo bamwe nî beetîre kîrî Jesû na baramwîra atîrî, “Uma aja na wîte gûntû kûngî, nîûntû Herode nî akwenda gûkûûraga.” 32Nawe arabeera, “Îteeni bwîre mbîrwa îîu atîrî, ‘Ndîînga roho inthûûku na mborie antû naarua na rûûjû na aûke nthirie ngûgî yaakwa. 33Ningî amwe na jau no mwanka mbîte na mbere na rûgendo rwaakwa naarua na rûûjû na aûke, nîûntû gûtîûmbîka kîroria kîûragîrua gûntû kûngî tiga Jerusalemu.’ 34Jerusalemu, Jerusalemu! Gwe ûûraaga iroria na ûkaringa na maiga barîa Mûrungu atûmîte kîrî gwe! Nî jang'ana ngeretie gûcokanîîria antû baaku kîrî ni ta ûrîa ngûkû îcokanagîîria tûcwii twaayo ruungu rwa mathagu jaayo, naagwe ûtîmbîtîkagîîria. 35#Zab 118.26; Jer 22.5 Tontû bûû, ntûûra yeenu îgatigwa îrî îgaanjo. Ndîkwîra na mma atî, kwambîrîria nandî ûtîmboona kaîrî mwanka rîrîa kagiita gagakinya buuge, ‘Nî atharimi ûrîa wîjîte riîtweene rîa Mwathani.’”
Currently Selected:
Luk 13: KIMERUBIBLE
Highlight
Share
Copy
Want to have your highlights saved across all your devices? Sign up or sign in
KIMERU BIBLE WITH DC
©Bible Society of Kenya, 2009, 218
Luk 13
13
Irireeni bûtîkeeje gûkua
1Îgiita rîu nî kwaarî na antû bamwe barîa baarî au, na bareera Jesû ûrîa Pilatû ooragîre antû ba kuuma Galili rîrîa baaritagîra Mûrungu kîgongwana. 2Jesû arabeera, “Ka bûkûthûgaania antû bau booragîrwe nîûntû baarî eeyia nkûrûki ya antû bangî bonthe ba kuuma Galili? 3Arî, kîu tîkîo kîaarî gîtûmi! Îndî ga nkûbwîra bwarega kwirira bwinthe bûgakua o tabo. 4Kana ka bûkûthûgaania atî antû barîa îkûmi na banaana booragîrîrwe nî mûnaara jwa Siloamu, jûrîa jwaabamomokere, ka baarî eeyia nkûrûki ya antû bonthe barîa baatûûraga Jerusalemu? 5Arî, kîu tîkîo kîaarî gîtûmi! Îndî ga nkûbwîra bwarega kwirira bwinthe bûgakua o tabo.”
Ngerekano ya mûtî ja mûkûû jûrîa jûtarî na maciara
6Rîu Jesû arabaa ngerekano îîjî, “Kûrî muntû waandîre mûkûû muundeene jwaawe. Rîrîa eetîre gûcwaa nkûû, areethîra jûtîciere noo mbi. 7Muntû ûu areera mûrîmi ûrîa waamenyagîîra muunda jûu atîrî, ‘Nî mbîjete aja mîaka îthatû ngîcwaga nkûû mûkûûne jûjû na gûtî cio ndoona. Tontû bûû, jûrîîke nîûntû ka jûkûrîa muunda ûtheri.’ 8Îndî mûrîmi ûû aramwîra, ‘Mwathi waakwa, tigana naju mwaka jûjû jûnka, mpambe njûciimbûrîre na mbîkîre mboreo. 9Jûkëeja gûciara nkûû mwaka jûu jûngî, jûgakara o, îndî jwarega gûciara noo ûjûrîîke.’”
Jesû kworia mwekûrû waarî kîonje ntukû ya sabatû
10Ntukû îmwe ya sabatû Jesû nî aaritanaga kîromberoone. 11Kûu kîromberoone nî kwaarî na mwekûrû ûmwe waathangîkîtue nî roho înthûûku îrîa yaamwethetie kîonje mîaka îkûmi na înaana. Aarî ûmunîku mûgongo na atîngîûmba kûrûngama ceeni. 12Rîrîa Jesû oonere mwekûrû ûu, aramwîta na aramwîra, “Mwekûrû, ûkworua.” 13Jesû ararîkîîra mwekûrû ûu njara, na mûgongo jwaawe jûrarûngama ceeni na mwekûrû ûu arakumia Mûrungu. 14#Kum 20.9-10; Kûr 5.13-14 Îndî mûrûngamîîri wa kîrombero arathûûra mono akwona Jesû akworia muntû ntukû ya sabatû. Tontû bûû, areera kîrîndî, “Kûrî na ntukû ithanthatû irîa ngûgî îbuîri kûritagwa. Îjageni kworua ntukû iu, îndî bûkeeja kworua ntukû ya sabatû.” 15Mwathani aramûcokeria atîrî, “Buî aciayia! Kûrî ûmwe weenu ûtîthaûraga ndeegwa kana ntigiri yaawe kuuma nkanateene na amiikia kûnyua rûûjî ntukû ya sabatû? 16Mwekûrû ûûjû, ûrîa Nkoma atwîre atheekeete mîaka îkûmi na înaana nî mwarî wa Abrahamu. Ka bûtîkwagîrîte mwekûrû ûûjû aritwa ûkomboone ntukû ya sabatû?” 17Jesû akuuga ûu anthû baawe bonthe baracokerwa nî nthao na antû bangî bonthe baragwîrîrua mantû jameega mono jarîa aathithîrie.
Ngerekano ya mbeeû ya mûthandûkû
(Mat 13.31-32; Mar 4.30-32)
18Jesû arabooria, “Ûnene bwa Mûrungu bûkari atîa? Nîmbi mpûûmba kûbûng'uanithania nayo? 19Nkabûng'ûanithania na gapîndî kaniini ka mûthandûkû karîa muntû ajûkîrie na arakaanda muundeene jwaawe. Gakuuma karakûra na karaa mûtî jûmûnene na nyoni iraaka itara mpang'iine ciaaju.”
Ngerekano ya mûtheega jwa kwimbithia mûgaate
(Mat 13.33)
20Kaîrî arooria, “Nîmbi mpûûmba kûng'uanithania Ûnene bwa Mûrungu nayo? 21Bûkari ta kamûthega ga kwimbithia mûtu jwa gûkaanda mîgaate karîa mwekûrû ajûkîrie na areekîra mûtuune jwa ndebe îmwe na mûtu jûu junthe jûraimba.”
Mpingîro îrîa ncheke
(Mat 7.13-14,21-23)
22Jesû eetîte Jerusalemu nî aakûrûkîrîîre ntûûreene mwanya mwanya akîritanaga. 23Muntû ûmwe aramûûria, “Mwathani, nî antû babakai bakoonokua?” Nawe arabeera, 24“Ciûmieni bûkûrûke na mwari jûrîa mûceke, nîkwîthîrwa babaingî bakageria gûkûrûkîîra ku îndî batîûmba. 25Îgiita rîgakinya na mwene nyomba ainge mwari. Naabuî bûrî oome, bwambîrîrie kûringaringa bûkiugaga, ‘Itû Mwathani, tûrûgûrîre.’ Nawe akabwîra, ‘Ntiijî kûrîa buumîte.’ 26Rîu naabuî bûkaambîrîria kûmwîra, ‘Anga tûtarijaga na tûkanyua tûrî amwe naagwe; ningî nî waaritanaga ntûûreene cieetû.’ 27#Zab 6.8 Îndî akabwîra, ‘Ndîbwîra ntiijî kûrîa buumîte! Umeeni kîrî ni buî bûritaga ngûgî imboru!’ 28#Mat 22.13; 25.30 Rîu nîrîo bûkarîra na gûkabakaba maîgo rîrîa bûkoona Abrahamu na Isaaka na Jakubu na kinya iroria bionthe barî Ûneneene bwa Mûrungu, naabuî bûteei oome. 29#Mat 8.11-12 Antû bakeeja baumîte nteere cionthe cia nthîgûrû: baume bwa gaiti na bwa rûgûrû na bangî baume bwa ûrîo na bwa ûmotho, na bakûrûke Ûneneene bwa Mûrungu, barîe na banyue. 30#Mat 19.30; 20.16; Mar 10.31 Nî mma kûrî bamwe barî mûthia, bakaa ba mbere na kûrî bamwe barî mbere, bakaa ba mûthia.”
Wendo bûrîa Jesû eendeete nabu antû ba Jerusalemu
(Mat 23.37-39)
31Kagiiteene o kau Afarisayo bamwe nî beetîre kîrî Jesû na baramwîra atîrî, “Uma aja na wîte gûntû kûngî, nîûntû Herode nî akwenda gûkûûraga.” 32Nawe arabeera, “Îteeni bwîre mbîrwa îîu atîrî, ‘Ndîînga roho inthûûku na mborie antû naarua na rûûjû na aûke nthirie ngûgî yaakwa. 33Ningî amwe na jau no mwanka mbîte na mbere na rûgendo rwaakwa naarua na rûûjû na aûke, nîûntû gûtîûmbîka kîroria kîûragîrua gûntû kûngî tiga Jerusalemu.’ 34Jerusalemu, Jerusalemu! Gwe ûûraaga iroria na ûkaringa na maiga barîa Mûrungu atûmîte kîrî gwe! Nî jang'ana ngeretie gûcokanîîria antû baaku kîrî ni ta ûrîa ngûkû îcokanagîîria tûcwii twaayo ruungu rwa mathagu jaayo, naagwe ûtîmbîtîkagîîria. 35#Zab 118.26; Jer 22.5 Tontû bûû, ntûûra yeenu îgatigwa îrî îgaanjo. Ndîkwîra na mma atî, kwambîrîria nandî ûtîmboona kaîrî mwanka rîrîa kagiita gagakinya buuge, ‘Nî atharimi ûrîa wîjîte riîtweene rîa Mwathani.’”
Currently Selected:
:
Highlight
Share
Copy
Want to have your highlights saved across all your devices? Sign up or sign in
KIMERU BIBLE WITH DC
©Bible Society of Kenya, 2009, 218