Luka 20
20
1Gaafa toko, ato Yesoni nama barsiise Odu Dansa Mana Waaqa keesati odeesu, qaalole gugurdofi jari Seera beekhu jaarole woliini isati d'ufani 2waan jed'aniini, Atini jabeenna kamiini waan kana nama barsiifta yokhaani eennuti jabeenna kana ch'ufa sii kenne? Nuti himi! 3Inni waan jed'eeni, Anileeni dubbi toko isani gaafad'a, nati hima! 4Batisooni Yohana gubbaa d'ufte mo nama iraa d'ufte? 5Worri mariate waan jed'e, Yo nu, Gubbaa d'ufte jenne, Maafi ind'ugefatiina re? nuuni jed'a. 6Ammo yo nu, Nama iraa d'ufte jenne, nami ch'ufti d'akhaani nu had'a; wonti akanatiifi Yohana raaga sehani. 7Tanaafi worri waan jed'eeni, Nu gara isiini d'ufteefi imbeennu. 8Yesoni waan jed'eeni, Anileeni jabeenna waan kana tolchuuni isaniti inhimu.
Mammaasa oobru zabibu
(Matayo 21.33-46; Mariko 12.1-12)
9 #
Isa 5.1
Jennaani Yesoni mammaasa kana biyyati hime waan jed'e, Nami toko oobru zabibu oobre, hojattuti lakifate lafa d'ibi d'aqe ture. 10Muraansi geennaani garbicha toko aka inni mid'aani oobru isaa galchuufi worra hojattuti erge. Ammo hojattuuni isa d'aante harka duwa galchite. 11Inni garbicha d'ibile erge jennaani isale d'aanani ch'eersani harka duwa galchani. 12Ka sadeesole erge isale mata d'oosani alati baasani. 13Abbaani oobru zabibu waan jed'e, Anini maal tolcha? Eegi, ilma kiyya ka anini jaalad'u erga; hegeri isafa sodaatani. 14Ammo hojattuuni taani isa arginaani wolmariatte waan jette, Kunini ilma d'aalu, koota, inijeemna, aka d'aalti teenna taatu. 15Tanaafi oobru zabibu keesa alati baasani ijeesani.
Abbaani oobru zabibu maani worra tolcha duuba? 16Inni d'ufe hojattu taani balleese oobru nama d'ibiti kenna. Biyyiti waan kana d'ageennaani waan jette, Waan hamaati! 17#Far 118.22 Ammo Yesoni worra millate waan jed'eeni, Maani re, wonti t'aafani kuni?
D'akhaani ijaartuuni tuffatte dide
yayu d'akha ch'ufa ira jabaa tahe.
18Nami d'akha suni irati jigu inch'ach'aba, ka d'akhaani suni irati jiguleeni imbututa.
Waan gaafi gibira baasani
(Matayo 22.15-22; Mariko 12.13-17)
19Qaalole gugurdofi jari Seera beekhuleeni isa qabu fed'ani hojuma suni, ammo biyya sodaatani; wonti akanatiifi aka inni mammaasa kana worraafi jed'e imbeekhani. 20Worri isa eege, dooya erge, ka nama d'uga faakate, ammo sila dubbi afaani isaa fuud'ani harka nama arda suni fiduti isa geesani. 21Worri suni isa gaafate waan jed'e, Aabbo, nu imbeenna aka atini waan d'uga dubbatte nama barsiiftu, nami ch'ufti sii haga tokotuyu, akuma d'uga kara Waaqa nama barsiifta. 22Fullaa mo fullaaniti, yo nu gibira hayyu Kaisari baamnu? 23Ammo Yesoni kiyyiba worraa arginaani waan jed'eeni. 24Me, shilingi toko na agarsiisa. Matafi maqa eennuti irati t'aafisa qaba? Waan jed'ani, Ka Kaisari. 25Duuba Yesoni waan jed'eeni, Yoosi, waan Kaisari Kaisarii baasa, ammo ka Waaqa Waaqaa baasa. 26Worri dubbi suniini nama durati isa qabu dad'abe ammo jecha isaa mamani ch'allisani.
Waan gaafi kaisa hegeri
(Matayo 22.23-33; Mariko 12.18-27)
27 #
Huji 23.8
Sadukayoni gari ta, Kaisi injiru jettu, gara Yeso d'ufte, 28#Qab-Ser 25.5 waan jetteeni, Aabbo, aka Musani t'aafe gula, yo oboleesi nama ka niiti qabu due, ammo ilmaani inqamne, oboleesi isaa niiti suni d'aale oboleesa ufiiti ijoolle d'alchu male. 29Duuba, oboleyaani torbati jira; ka qara niiti fuud'e, ilmaani male due. 30Jennaani ka lameesotifi 31ka sadeesoleeni isi fuute; torbaanu akasuma ilmaani male doote. 32Eege, niitileeni doote. 33Gaafa worri duri due kau, isiini niiti eennu taati? Torbaanu ya isi fuute.
34Yesoni waan worraani jed'e, D'iirafi nad'eeni lafa tana wolfuuti; 35ammo d'iirafi nad'eeni, ta taka tana duisa keesa kaasani, haga hegeri teetu, wolinfuutu. 36Worri aka malaika jira, deebiani induani. Worri ijoolle Waaqati, waan duisa keesaa kaasaniifi. 37#Bah 3.6 Ammo aka worra due kaasani, Musaleeni, fulla waan gurbi bobeetu t'aafani taaniti ya agarsiise, gaafa inni waan Abbo dubbate, inni Waaqa Abrahamutiifi, ka Isaaqotiifi ka Yakobole jed'e. 38Inni Waaqa nama duetiiniti, ammo ka worra jiruti; wonti akanatiifi nami ch'ufti isaafi jira.
39Jari Seera beekhu ka gari waan jed'eeni, Aabbo, aka dansa jette. 40Duuba iti deebiani dubbi d'ibi isa gaafachu sodaatani.
Gaafi waan Kristo
(Matayo 22.41-46; Mariko 12.35-37)
41Yesoni waan worraani jed'e, Nami akami, Kristoni ilma Daudi jed'a? 42#Far 110.1 Wonti akanatiifi Daudini kitaaba Faaru keesati waan jed'e,
Aabbooni waan Abba kiyyaani jed'e,
Gama harka kiyya ka mirga tai,
43haga anini nyaapa kanke
barch'uma miila keti tolchuuti.
44Daudinu, Aabbo isaani jed'e; duuba Kristoni akami dandae ilma isaa taha re?
Yesoni waan jara Seera beekhu hima
(Matayo 23.1-36; Mariko 12.38-40)
45Ato nami ch'ufti d'agayu, inni waan jara ufitiini jed'e, 46Jara Seera beekhu eegad'a, ka woya d'ed'eertuuni yau fed'u, ka fulla gabayati aka nagaya fuud'ani fed'u, ka mana Waaqa iti kad'atani keesati dura tau fed'u, ka barch'uma dansa hojja sagale woliini nyaatani fed'u, 47ka mana nad'eeni hiyyeeyiti wo nyaatu, ka kiyyibe kad'acha d'ed'eertu kad'atu. Yaka taka inargiini worrati murani.
Waan niitiini hiyyeetiini toko baafte
(Mariko 12.41-44)
Currently Selected:
Luka 20: BOR
Highlight
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.
