CHISƆSI 'A SƆ MƆƐ NU 2
2
Yataa Nyina na‑a buɛ min dɔ
1Tee chɛ che‑a kɛn, an ni min chee an dɔ Pɛndekɔsi,#2:1 Pɛndekɔsi ni tee bi duun bɔɛ an na, a ka tee chɛ ma, Chu n na‑a kun bɔ a ɔ bɛnɛ bia tee min ma. mɔɛ miin gbɛɛ na‑a an kai fa ka Chisɔsi a, an na kanden fan ni Chuusaɛn kaina dɔndɔɛ. 2A ya kɔɔɛ a, an‑na sɔnkɔ sɔnkɔ chɛ kuiɛ a min fan banda a, yɔ fia ɛ ma bɔ‑a. An sɔnkɔ sɔnkɔ kuiɛ chɛ, a‑a chenɛ gbu gbɛɛ ya wan, an ni ka kaina. 3Mbɛ an‑na fenɛ n yen yɔ ta man mɛsɛ nu, an fasandenɛ ɛ a ɔ. Mbɛ an fɛn gbɛɛ ni ka nɔ, an fen chɛ n tu‑a wan an na dɔndɔ dɔndɔɛ a. 4Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.
5A tima chɛ a, Chu mɔɛ n sɛsɛ, a ka chɛnyɛ kan kɔ kan dɔ dunya ɔ, an ni wan Chuusaɛn. An ni mɔɛ n fan na, miin ni kooya be Yataa ma. 6An‑na sɔnkɔ sɔnkɔ chɛ kuiɛ a min kɛn, mɔ fanka wa chɛ a kan‑da wan. An sin, an da ɔ gbaa‑a wan gbechee. Koe min na mu, dɔndɔ dɔndɔɛ a, mɔɛ miin kai faen ni ka Chisɔsi a, mɔ ɔ mɔ ni a a min fan, an mbe an nyɔn ta chɛnyɛ koɛ fɔ‑a. 7Chɛ ma‑a wan kamaya koe a mɔɛ chɛ n tena, mbɛ an kɔndɔ fii‑a. Mbɛ an dɔ, “Fen ko e nɛ? Mmɔ ɛ ka mɔɛ miin gbɛɛ koɔ kuiɛ a min tena, Kadidi mɔɛ n fan nɛ. 8Chɛɛ fen ko a mu gbɛ, mmɔ gbɛɛ ɛ an da a kuiɛ ɔ gbɛ‑a, dɔndɔ dɔndɔɛ a mmɔ ta chɛnyɛ koɛ n dɔ? 9Mmɔ ka‑a chɛnyɛ sɛsɛ n fan dɔ. Dɔ n ka‑a Patia, dɔ nu Media, dɔ n sin Ɛdan. Dɔ n ka‑a to Mɛsɔpotemia, dɔ nu Chudia, mbɛ dɔ n ka‑a Kapadosia. Dɔ n bɛɛ ka‑a Pɔndɔsi, an fea Esia a. 10Dɔ n ka‑a wan Fichiya, ni Panfidia. An ka‑a Ichipi, a basan Dibia tanda ɔ a, min mbe Sayini duu kɔ. Mmɔ dɔ n sin ka‑a Domi duu ɔ wan, 11Chu mɔɛ tiki tiki nu, ni chɛ nu miin dɔn‑da bea koe a, Chu n 'na Yataa fai chia fɛ. Mbɛ mmɔ dɔ n sin ka‑a Keti wan, ni Adebia chɛnyɛ n dɔ. Chɛɛ chɛ gbɛɛ ɔ, mmɔ ɛ a a min tena wan an mbe koɔ‑a mmɔ ta chɛnyɛ koɛ n dɔ, a si Yataa 'a wai wa n ma.” 12An gbɛɛ kɔndɔ fiienɛ ni, a ɔ benden ba a. An‑na an nyɔn dɔ tisa wan tɔfɛ tɔfɛ, an dɔ te, “Chɛ e na ma ka gbɛ fen na?”
13Chɛɛ mɔɛ dɔ n‑na an ma yɛn fan, an dɔ, “N bɔ ka n ye, mɔɛ chɛ n gbɛɛ gbɛ tɔɛ mu.”
Pita‑a bai miin fɔ an mɔɛ chɛ n ye
14Mbɛ Pita sɔ‑a wan, an bɛ a bɔ tan kun ma dɔndɔɛ chɛ n na. Mbɛ a koɔ‑a mɔ fanka wa chɛ tena, a kuiɛ ma sɛenɛ ɛ, a ɔ, “N bɔ Chu mɔɛ nu, ni wo gbɛɛ, wo wɛn mbe nɛ Chuusaɛn duu chɛ ɔ, wo wo too ma sɔ n ma. A sin, n mbe a ɔ yian‑da wan wo a, koe min ma‑a ka. 15Mɔɛ chɛ n gbɛ tɔ ma, yɔ wo‑a wo yii na chii buɛ min dɔ an na. Koe min na mu, banda ɔ ka tima ɔ ma yansan bɛ. 16Chɛɛ koe min ma‑a ka, Yataa 'a gbonka chɛ mɔɛ Chowɛ‑a bai sa wan tee, a si an ma, Yataa 'a gboo ɔ, a ɔ,
17‘Yataa ɔ te, “N mbe koe chɛ an ma‑a, tee dankama chɛ n kɔɔ, dunya e na to ban‑da.”
A ɔ, “N mbe a ma‑a wan n Nyina ni bea mɔ ɔ mɔ fɛ.
Chɛ ɛ a ma‑a wan wo 'a denɛ kaima nu, an bɛ a musuma n na,
an ni n 'na sakana bai chɛndɛ chɛ ɔ yian mɔɛ n na.
Wo 'a kamin tɔngbɔɛ n mbe kamaya koe n dɔ yen‑da wan,
wo 'a chenan kai n bɛɛ, an mbe cho‑a wan cho n na.
18Tea gbu a, ni dunya ma‑a ban‑da tima min na,
n mbe a ma‑a wan, n Nyina ni bea n 'na yɔnɛ n bɛɛ fɛ, a kaima n bɛ a musuma n na,
an sin mbe n 'na sakana bai chɛndɛ chɛ ɔ yian‑da wan mɔɛ n na.
19N mbe kamaya koe n ma‑a wan banda a,
mbɛ n‑na tɔmɔsi n yian dunya ma.
Wo e wii yen‑da wan, ni ta, a basan sisi sɛmbɛndenɛ a.
20Tee ɛ mun‑da wan pimbi a,
mbɛ kau wɛɛ yawa‑a, yɔ wii,
tee chɛ e na che, Mansa Yataa na tee.
Tee wa chɛ, ko chenama n dɔ yen tee chɛ.
21A sin tima chɛ a, mɔ ɔ mɔ, i wɛn mbe Mansa Yataa chee‑a, basan koe a i ma,
e bauncha ma sɔn‑da wan.” ’ ”
22Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma. 23Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ. 24Chɛɛ Yataa‑a a bɔ wan saya 'a mɔnɛ boo ɔ, a‑a a ma, Chisɔsi chɛ‑a a kɔɔ sɔ a ka saya ɔ. Koe min na mu, saya nii che gbasaya din‑da a ma ɛnden bɛɛ a. 25Koe min na mu, Mansa Defidi wandi gbu na‑a chɛ an fɔ, Yataa 'a gboo ɔ, a si Chisɔsi ma, a ɔ,
‘N mbe Mansa Yataa yen fan sɔ ɔ n ya kɔɔ, tima ɔ tima ko a.
Ɛ n baima, chɛ an‑na a fɔ, n ma n gbɔsɔ ni.
26Chɛ‑a a ma wan, n bu ɔ dia‑a,
a sin, n mbe a tando wan buɔdia ɔ.
Mbɛ n fan, n mu wɛɛ mɔ gbu a, min danka mu saya a,
n yii na tɛen fan mu Yataa ma.
27Koe min na mu, i wan Yataa ee n to‑a saya a boo ma.
E ee dɔn‑da i 'a wai chɛ mɔɛ chɛ, n fɛn‑na n fandi be i ma,
n su ni tui kamba ɔ.
28I‑a chia sa n ye, n mbe a sɔ min fɛ, n ni fɔɛ ma sɔn,
I sin, e n fɛ, n bu ɔ dia‑a a ɔ benden ba a.’ ”
29Mbɛ Pita‑a a fɔ to, a ɔ, “N 'na mɔɛ nu, n mbe na tena ka tea bai an fɔ‑a wo ye, a si mmɔ bemba n ta bemba ma, Mansa Defidi. A fa‑a wan, mbɛ a tɔn‑da. A sin, a kamba ɛ wɛ nɛ sanche sa ɔ mmɔ tɛ ɔ. 30Yataa 'a gbonka chɛ mɔɛ ni a a, a sin na‑a a ɔ sɔn fan, Yataa na‑a tooɔdia min chɛ a a. Yataa na‑a a too ɔ dia wan gbau gbau, mbɛ a wan Defidi gbu cheeya dɔndɔ, ɛ a ma‑a wan mansa chenama a, yɔ Defidi wandi gbu ni buɛ min dɔ. 31Mansa Defidi na‑a a ɔ yen fan, Yataa ni na tena koe min ma‑a ya ɔ ma. Chɛ sin ko a, a wan Defidi‑a bai sa wan, a si kunka mansa chɛ kɔɔ sɔ koe ma saya ɔ. Mansa Defidi‑a a fɔ wan, mbɛ Yataa nii ma Chasi to ni saya a boo ma, a sin ma a ma ni Chasi su ni tui kamba ɔ. 32Chisɔsi wandi gbu ni, Yataa‑a min na sɔ a ka saya ɔ. Nn gbɛɛ sin mu wan sii n na chɛ ko a. 33Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena. 34Koe min na mu, Mansa Defidi wandi gbu nii ma sɛ ni banda bu ɔ, chɛɛ a na‑a a fɔ wan Yataa 'a gboo ɔ, a ɔ,
‘Mansa‑a a fɔ wan n 'na Mansa ye, a ɔ,
“Si nɛ n boo nyima ɔ,
35aan n ni i chɛɛ ma nyɔɛ n don i kɔɔ,
n ni an popoya i ya kɔɔ.” ’ ”
36Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”
37Mɔɛ chɛ n‑na bai chɛ a min kɛn, an faa mɔnɛ‑a wan. An sin‑na a fɔ wan Pita ye, an bɛ a bɔɛ sɔ mɔɛ n na, an dɔ, “Nn 'na mɔɛ nu, nn mbe fen ma gbɛ?”
38Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ. 39Koe min na mu, Yataa na‑a wo too ɔ dia koe chɛ n fan na, wo bɛ wo 'a denɛ n na, a basan chɛ n gbɛɛ a, miin baa ɔ yansan nɛ a. Mɔɛ n gbɛɛ, mmɔ 'a mansa Yataa‑a miin chee, na koe a a tena.”
40Pita koɔ‑a wan an tena tima ɔ yansama ko a, mbɛ a‑a an na si, a ɔ, “Yataa ɛ na tena wan mɔ bonda chɛ sima n na mɔnɛ‑a, miin yau ka yama yama. Chɛ an fɛ mu, wo ni wo tanka an mɔnɛ chɛ ma.” #2:40 wo ni wo tanka - A fɔ buɛ dɔ mende an nɛ: wo dɔn Yataa ni wo tanka. 41Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a. 42Chɛ gbakɔ, mɔɛ chɛ n‑na an too ma sɔ wan kanɛ ma, Chisɔsi 'a sɔ mɔɛ chɛ n ni min chɛ, a si Yataa wakoe ma. Kuiɛ a kanɛ ni wan to an gbɛɛ tɛ ɔ, a sin, an ni daunɛ chɛ wan kaina dɔndɔɛ#2:42 an ni daunɛ chɛ wan kaina dɔndɔɛ - A fɔ buɛ dɔ mende an nɛ: an ni Mansa Chisɔsi 'a daun fenɛ daun fan kaina dɔndɔɛ. tima ɔ tima ko a. An ni bɛn fan to tima ɔ tima ko a, samun chɛ koe a. An‑na an 'na tima gbɛɛ be wan, koe chɛ n gbɛɛ ma koe a.
Mɔɛ miin na‑a an kai fa Chisɔsi a, an ni an nyɔn bia buɛ min dɔ
43Yataa ni wan a ma‑a, Chisɔsi 'a sɔ mɔɛ n mbe kamaya koe sɛsɛ ma, a yɛ to, an ni tɔmɔsi sɛsɛ yian fan. Chɛ‑a a ma wan, mɔ ɔ mɔ da a fa‑a gban, an bakoe a. 44Mbɛ mɔɛ miin gbɛɛ na‑a an kai fa ka Chisɔsi a, an ni wan kuiɛ dɔndɔɛ ɔ. An boo fenɛ gbɛɛ ni boo fen dɔndɔɛ an na. 45An ni an boo fenɛ n ma tachɛ wan, mbɛ an‑na an kɔpɔɛ chɛ du an nyɔn ma, yɔ an ma gbɔsɔɛ ni buɛ min dɔ. 46Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ, 47an mbe ta‑a Yataa tando‑a. A sin, mɔɛ n gbɛɛ‑a an yii na chii wan an na, mbɛ mɔ chɛndɛ mu an na. Tee ɔ tee sin na, Mansa Chisɔsi‑a an ma munda mɔɛ n na, miin ni gbɛ bauncha chia ma.
Currently Selected:
CHISƆSI 'A SƆ MƆƐ NU 2: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
CHISƆSI 'A SƆ MƆƐ NU 2
2
Yataa Nyina na‑a buɛ min dɔ
1Tee chɛ che‑a kɛn, an ni min chee an dɔ Pɛndekɔsi,#2:1 Pɛndekɔsi ni tee bi duun bɔɛ an na, a ka tee chɛ ma, Chu n na‑a kun bɔ a ɔ bɛnɛ bia tee min ma. mɔɛ miin gbɛɛ na‑a an kai fa ka Chisɔsi a, an na kanden fan ni Chuusaɛn kaina dɔndɔɛ. 2A ya kɔɔɛ a, an‑na sɔnkɔ sɔnkɔ chɛ kuiɛ a min fan banda a, yɔ fia ɛ ma bɔ‑a. An sɔnkɔ sɔnkɔ kuiɛ chɛ, a‑a chenɛ gbu gbɛɛ ya wan, an ni ka kaina. 3Mbɛ an‑na fenɛ n yen yɔ ta man mɛsɛ nu, an fasandenɛ ɛ a ɔ. Mbɛ an fɛn gbɛɛ ni ka nɔ, an fen chɛ n tu‑a wan an na dɔndɔ dɔndɔɛ a. 4Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.
5A tima chɛ a, Chu mɔɛ n sɛsɛ, a ka chɛnyɛ kan kɔ kan dɔ dunya ɔ, an ni wan Chuusaɛn. An ni mɔɛ n fan na, miin ni kooya be Yataa ma. 6An‑na sɔnkɔ sɔnkɔ chɛ kuiɛ a min kɛn, mɔ fanka wa chɛ a kan‑da wan. An sin, an da ɔ gbaa‑a wan gbechee. Koe min na mu, dɔndɔ dɔndɔɛ a, mɔɛ miin kai faen ni ka Chisɔsi a, mɔ ɔ mɔ ni a a min fan, an mbe an nyɔn ta chɛnyɛ koɛ fɔ‑a. 7Chɛ ma‑a wan kamaya koe a mɔɛ chɛ n tena, mbɛ an kɔndɔ fii‑a. Mbɛ an dɔ, “Fen ko e nɛ? Mmɔ ɛ ka mɔɛ miin gbɛɛ koɔ kuiɛ a min tena, Kadidi mɔɛ n fan nɛ. 8Chɛɛ fen ko a mu gbɛ, mmɔ gbɛɛ ɛ an da a kuiɛ ɔ gbɛ‑a, dɔndɔ dɔndɔɛ a mmɔ ta chɛnyɛ koɛ n dɔ? 9Mmɔ ka‑a chɛnyɛ sɛsɛ n fan dɔ. Dɔ n ka‑a Patia, dɔ nu Media, dɔ n sin Ɛdan. Dɔ n ka‑a to Mɛsɔpotemia, dɔ nu Chudia, mbɛ dɔ n ka‑a Kapadosia. Dɔ n bɛɛ ka‑a Pɔndɔsi, an fea Esia a. 10Dɔ n ka‑a wan Fichiya, ni Panfidia. An ka‑a Ichipi, a basan Dibia tanda ɔ a, min mbe Sayini duu kɔ. Mmɔ dɔ n sin ka‑a Domi duu ɔ wan, 11Chu mɔɛ tiki tiki nu, ni chɛ nu miin dɔn‑da bea koe a, Chu n 'na Yataa fai chia fɛ. Mbɛ mmɔ dɔ n sin ka‑a Keti wan, ni Adebia chɛnyɛ n dɔ. Chɛɛ chɛ gbɛɛ ɔ, mmɔ ɛ a a min tena wan an mbe koɔ‑a mmɔ ta chɛnyɛ koɛ n dɔ, a si Yataa 'a wai wa n ma.” 12An gbɛɛ kɔndɔ fiienɛ ni, a ɔ benden ba a. An‑na an nyɔn dɔ tisa wan tɔfɛ tɔfɛ, an dɔ te, “Chɛ e na ma ka gbɛ fen na?”
13Chɛɛ mɔɛ dɔ n‑na an ma yɛn fan, an dɔ, “N bɔ ka n ye, mɔɛ chɛ n gbɛɛ gbɛ tɔɛ mu.”
Pita‑a bai miin fɔ an mɔɛ chɛ n ye
14Mbɛ Pita sɔ‑a wan, an bɛ a bɔ tan kun ma dɔndɔɛ chɛ n na. Mbɛ a koɔ‑a mɔ fanka wa chɛ tena, a kuiɛ ma sɛenɛ ɛ, a ɔ, “N bɔ Chu mɔɛ nu, ni wo gbɛɛ, wo wɛn mbe nɛ Chuusaɛn duu chɛ ɔ, wo wo too ma sɔ n ma. A sin, n mbe a ɔ yian‑da wan wo a, koe min ma‑a ka. 15Mɔɛ chɛ n gbɛ tɔ ma, yɔ wo‑a wo yii na chii buɛ min dɔ an na. Koe min na mu, banda ɔ ka tima ɔ ma yansan bɛ. 16Chɛɛ koe min ma‑a ka, Yataa 'a gbonka chɛ mɔɛ Chowɛ‑a bai sa wan tee, a si an ma, Yataa 'a gboo ɔ, a ɔ,
17‘Yataa ɔ te, “N mbe koe chɛ an ma‑a, tee dankama chɛ n kɔɔ, dunya e na to ban‑da.”
A ɔ, “N mbe a ma‑a wan n Nyina ni bea mɔ ɔ mɔ fɛ.
Chɛ ɛ a ma‑a wan wo 'a denɛ kaima nu, an bɛ a musuma n na,
an ni n 'na sakana bai chɛndɛ chɛ ɔ yian mɔɛ n na.
Wo 'a kamin tɔngbɔɛ n mbe kamaya koe n dɔ yen‑da wan,
wo 'a chenan kai n bɛɛ, an mbe cho‑a wan cho n na.
18Tea gbu a, ni dunya ma‑a ban‑da tima min na,
n mbe a ma‑a wan, n Nyina ni bea n 'na yɔnɛ n bɛɛ fɛ, a kaima n bɛ a musuma n na,
an sin mbe n 'na sakana bai chɛndɛ chɛ ɔ yian‑da wan mɔɛ n na.
19N mbe kamaya koe n ma‑a wan banda a,
mbɛ n‑na tɔmɔsi n yian dunya ma.
Wo e wii yen‑da wan, ni ta, a basan sisi sɛmbɛndenɛ a.
20Tee ɛ mun‑da wan pimbi a,
mbɛ kau wɛɛ yawa‑a, yɔ wii,
tee chɛ e na che, Mansa Yataa na tee.
Tee wa chɛ, ko chenama n dɔ yen tee chɛ.
21A sin tima chɛ a, mɔ ɔ mɔ, i wɛn mbe Mansa Yataa chee‑a, basan koe a i ma,
e bauncha ma sɔn‑da wan.” ’ ”
22Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma. 23Chɛ e na to ma‑a, Yataa wandi gbu na‑a a ɔ bɛn fan gbae a faa gbɛɛ a, mbɛ tima ɛ che‑a wan Chisɔsi ni be wo ma. A sin, wo e a ma‑a wan, mɔɛ miin mbe ee don Yataa 'a sawa kɔɔ, an ni a gbangban kɔn gbengbandenɛ ma, a ni fa nɔ. 24Chɛɛ Yataa‑a a bɔ wan saya 'a mɔnɛ boo ɔ, a‑a a ma, Chisɔsi chɛ‑a a kɔɔ sɔ a ka saya ɔ. Koe min na mu, saya nii che gbasaya din‑da a ma ɛnden bɛɛ a. 25Koe min na mu, Mansa Defidi wandi gbu na‑a chɛ an fɔ, Yataa 'a gboo ɔ, a si Chisɔsi ma, a ɔ,
‘N mbe Mansa Yataa yen fan sɔ ɔ n ya kɔɔ, tima ɔ tima ko a.
Ɛ n baima, chɛ an‑na a fɔ, n ma n gbɔsɔ ni.
26Chɛ‑a a ma wan, n bu ɔ dia‑a,
a sin, n mbe a tando wan buɔdia ɔ.
Mbɛ n fan, n mu wɛɛ mɔ gbu a, min danka mu saya a,
n yii na tɛen fan mu Yataa ma.
27Koe min na mu, i wan Yataa ee n to‑a saya a boo ma.
E ee dɔn‑da i 'a wai chɛ mɔɛ chɛ, n fɛn‑na n fandi be i ma,
n su ni tui kamba ɔ.
28I‑a chia sa n ye, n mbe a sɔ min fɛ, n ni fɔɛ ma sɔn,
I sin, e n fɛ, n bu ɔ dia‑a a ɔ benden ba a.’ ”
29Mbɛ Pita‑a a fɔ to, a ɔ, “N 'na mɔɛ nu, n mbe na tena ka tea bai an fɔ‑a wo ye, a si mmɔ bemba n ta bemba ma, Mansa Defidi. A fa‑a wan, mbɛ a tɔn‑da. A sin, a kamba ɛ wɛ nɛ sanche sa ɔ mmɔ tɛ ɔ. 30Yataa 'a gbonka chɛ mɔɛ ni a a, a sin na‑a a ɔ sɔn fan, Yataa na‑a tooɔdia min chɛ a a. Yataa na‑a a too ɔ dia wan gbau gbau, mbɛ a wan Defidi gbu cheeya dɔndɔ, ɛ a ma‑a wan mansa chenama a, yɔ Defidi wandi gbu ni buɛ min dɔ. 31Mansa Defidi na‑a a ɔ yen fan, Yataa ni na tena koe min ma‑a ya ɔ ma. Chɛ sin ko a, a wan Defidi‑a bai sa wan, a si kunka mansa chɛ kɔɔ sɔ koe ma saya ɔ. Mansa Defidi‑a a fɔ wan, mbɛ Yataa nii ma Chasi to ni saya a boo ma, a sin ma a ma ni Chasi su ni tui kamba ɔ. 32Chisɔsi wandi gbu ni, Yataa‑a min na sɔ a ka saya ɔ. Nn gbɛɛ sin mu wan sii n na chɛ ko a. 33Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena. 34Koe min na mu, Mansa Defidi wandi gbu nii ma sɛ ni banda bu ɔ, chɛɛ a na‑a a fɔ wan Yataa 'a gboo ɔ, a ɔ,
‘Mansa‑a a fɔ wan n 'na Mansa ye, a ɔ,
“Si nɛ n boo nyima ɔ,
35aan n ni i chɛɛ ma nyɔɛ n don i kɔɔ,
n ni an popoya i ya kɔɔ.” ’ ”
36Mbɛ Pita a ɔ te gbɛ, “Chɛ an‑na a fɔ, wo gbɛɛ, wo wɛn mbe ka Isɔɛɛ chɛnyɛ chɛ ɔ, wo ni chɛ ɔ sɔn. Mbɛ tea gbu ko a, Chisɔsi chɛ, wo‑a min gbangban ka kɔn gbengbandenɛ ma, Yataa wandi‑a an ma ka kunka mansa a, wo baun mɔɛ.”
37Mɔɛ chɛ n‑na bai chɛ a min kɛn, an faa mɔnɛ‑a wan. An sin‑na a fɔ wan Pita ye, an bɛ a bɔɛ sɔ mɔɛ n na, an dɔ, “Nn 'na mɔɛ nu, nn mbe fen ma gbɛ?”
38Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ. 39Koe min na mu, Yataa na‑a wo too ɔ dia koe chɛ n fan na, wo bɛ wo 'a denɛ n na, a basan chɛ n gbɛɛ a, miin baa ɔ yansan nɛ a. Mɔɛ n gbɛɛ, mmɔ 'a mansa Yataa‑a miin chee, na koe a a tena.”
40Pita koɔ‑a wan an tena tima ɔ yansama ko a, mbɛ a‑a an na si, a ɔ, “Yataa ɛ na tena wan mɔ bonda chɛ sima n na mɔnɛ‑a, miin yau ka yama yama. Chɛ an fɛ mu, wo ni wo tanka an mɔnɛ chɛ ma.” #2:40 wo ni wo tanka - A fɔ buɛ dɔ mende an nɛ: wo dɔn Yataa ni wo tanka. 41Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a. 42Chɛ gbakɔ, mɔɛ chɛ n‑na an too ma sɔ wan kanɛ ma, Chisɔsi 'a sɔ mɔɛ chɛ n ni min chɛ, a si Yataa wakoe ma. Kuiɛ a kanɛ ni wan to an gbɛɛ tɛ ɔ, a sin, an ni daunɛ chɛ wan kaina dɔndɔɛ#2:42 an ni daunɛ chɛ wan kaina dɔndɔɛ - A fɔ buɛ dɔ mende an nɛ: an ni Mansa Chisɔsi 'a daun fenɛ daun fan kaina dɔndɔɛ. tima ɔ tima ko a. An ni bɛn fan to tima ɔ tima ko a, samun chɛ koe a. An‑na an 'na tima gbɛɛ be wan, koe chɛ n gbɛɛ ma koe a.
Mɔɛ miin na‑a an kai fa Chisɔsi a, an ni an nyɔn bia buɛ min dɔ
43Yataa ni wan a ma‑a, Chisɔsi 'a sɔ mɔɛ n mbe kamaya koe sɛsɛ ma, a yɛ to, an ni tɔmɔsi sɛsɛ yian fan. Chɛ‑a a ma wan, mɔ ɔ mɔ da a fa‑a gban, an bakoe a. 44Mbɛ mɔɛ miin gbɛɛ na‑a an kai fa ka Chisɔsi a, an ni wan kuiɛ dɔndɔɛ ɔ. An boo fenɛ gbɛɛ ni boo fen dɔndɔɛ an na. 45An ni an boo fenɛ n ma tachɛ wan, mbɛ an‑na an kɔpɔɛ chɛ du an nyɔn ma, yɔ an ma gbɔsɔɛ ni buɛ min dɔ. 46Tee ɔ tee a, an ni bɛn fan kaina dɔndɔ Yataa 'a kata ɔ. An sin ni daunɛ chɛ wan an nyɔn tɛ ɔ an 'na chenɛ n na. An ni daun chɛ n chɛ faaɔgbɛ an dɔ, ni buɔdia ɔ, 47an mbe ta‑a Yataa tando‑a. A sin, mɔɛ n gbɛɛ‑a an yii na chii wan an na, mbɛ mɔ chɛndɛ mu an na. Tee ɔ tee sin na, Mansa Chisɔsi‑a an ma munda mɔɛ n na, miin ni gbɛ bauncha chia ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.