CHISƆSI 'A SƆ MƆƐ NU 8
8
1Sɔɔ‑a toa si, Sitibin fa koe kɔɔ.
Sɔɔ‑a ko ma gbaaenɛ sa mɔɛ chɛ n ma, miin‑na an kai fa Chisɔsi a
Sitibin fa‑a kɛn, mɔɛ n‑na a kuu sɔ wan ko ma gbaaenɛ sa‑a chɛ n ma Chuusaɛn, miin na‑a an kai fa Chisɔsi a. A ka Chisɔsi 'a sɔ mɔɛ chɛ n ma, mɔɛ tɔɛ chɛ n gbɛɛ miin na‑a an kai fa Chisɔsi a, an dɔ fasan‑da wan a ɔ ben‑da gbɛɛ Chudia chɛnyɛ ɔ, a basan Samayia a. 2Mɔɛ dɔ nu, miin fɔɛ been ni ka Yataa fai koe a, an‑na Sitibin tɔn fan. An sin‑na chinchima di chɛ wan to, a si Sitibin fa koe ma.
3Chɛɛ Sɔɔ bun‑da wan ta si‑a chɔchi mɔɛ n gbu kɔɔ. A ni don fan chen kan kɔ kan na, a ɛ ta‑a mɔɛ chɛ n bia‑a, miin‑na an kai fa Chisɔsi a. A‑a musu n konkon fan, an bɛ mɔ kaima n na, a‑a an da a tɔn pimbi chenɛ a.
Fiipi‑a Yataa 'a sakana bai sa, Samayia chɛnyɛ ɔ
4Chisɔsi fɛ mɔɛ miin na fasan‑da ka a ɔ, an ben ben‑da wan, an‑na Yataa 'a sakana bai chɛndɛ chɛ ɔ yian mɔɛ n na. 5Fiipi ni mɔ dɔndɔ an na mɔɛ chɛ n tɛ ɔ, miin na fasan‑da a ɔ. A yii‑a wan duu dɔndɔ ɔ, Samayia chɛnyɛ ɔ, mbɛ a‑a bai sa a si kunka mansa ma. 6Fanka fanka wa chɛ‑a an too ma sɔ wan chɛndɛ chɛ, a da a bai ma. Koe min na mu, a‑a kamaya ko wa miin ma ka, an ni a ɔ yian tena wan, mbɛ a 'a sakana bai chɛ ka‑a Yataa tena wan. 7Koe min na mu, Fiipi‑a a ma wan, mbɛ nyina yama n ka‑a mɔ sɛsɛ fɛ, an ni miin fɛ. A sin, an nyina yama chɛ n ni yee tɛ wan gbankon, an mbe e na to ka‑a mɔɛ chɛ n fɛ. A‑a namaa n sɛsɛ baun fan, an bɛ tamban tɔɛ n na. 8Chɛ ko a, buɔdia wa dɛgbɛ ni wan an duu chɛ ɔ.
9Chɛɛ kamin dɔndɔ ni wan nɔ, min tɔ ni Saimɔn. Tima ɔ yansama ko a, kamin chɛ na‑a Samayia mɔɛ n na fii wan a 'a nkofo koe n na, a ni miin ma. A na‑a a fɔ wan mɔɛ chɛ n ye, a ɔ, mɔ chenama mu a a. 10Chɛ na‑a a ma wan, mbɛ mɔ ɔ mɔ kan kɔ kan duu chɛ ɔ, an‑na an too ma sɔ a da a bai chɛ ma. A ka mɔ chenama n ma, a ta mɔɛ tɔɛ n tena, an‑na a fɔ, an dɔ te, “Mɔna chɛ, Yataa 'a gbasaya an mbe a ɔ, an mbe min chee Gbasaya Wa.” 11An sin na‑a an too ma sɔ wan a ma. Koe min na mu, tima ɔ yansama ko a, an da ɔ gbaaen fan ni a wan Saimɔn 'na nkofoya a. 12Chɛɛ Fiipi‑a sakana bai chɛndɛ chɛ ɔ yian kɛn an na, a si Yataa 'a mansaya ma, a basan Chisɔsi Chasi tɔɛ a, mɔ sɛsɛ dan‑da wan a a. Mbɛ a‑a yii chɛ an kunɛ ɔ, Yataa chia a, musu nu, an bɛ kai n na. 13Saimɔn wandi gbu wɛɛ, a tima chɛ a, a‑a a kai fa wan Chisɔsi a. Yii chɛ‑a wan a kunɛ ɔ, Yataa chia a, a sin, a nii ma ka ni to Fiipi fɛ. A da ɔ na‑a gbaa wan, a na‑a kamaya ko wa sɛsɛ chɛ n dɔ yen kɛn, Fiipi ni miin ma tena. An koe chɛ n sin ni a ɔ yian tena wan, mbɛ a 'a sakana bai chɛ ka‑a Yataa an tena.
14Chisɔsi 'a sɔ mɔɛ miin ni gbɛ Chuusaɛn, an‑na a a min fan, mbɛ Samayia mɔɛ n‑na an boo si Yataa bai kɔɔ. An‑na chɛ a min kɛn, mbɛ an‑na Pita sɔ, an fea Chɔn n na, ta koe a an tena. 15An sin yii‑a wan nɔ an tena, mbɛ an‑na samunɛ chɛ, min mbe a ma, mɔɛ miin‑na an kai fa Chisɔsi a, Yataa Nyina ni bea an fɛ. 16Koe min na mu, Yataa Nyina nii ma bea nin bɛ an dɔndɔ wɛɛ fɛ. An na‑a yii an chɛ an kunɛ ɔ, Yataa chia a, Mansa Chisɔsi tɔɛ ɔ. 17Mbɛ Pita an fea Chɔn na, an‑na an boo bun mɔɛ chɛ n ma, an‑na samunɛ chɛ, mbɛ Yataa Nyina bea‑a mɔɛ chɛ n fɛ.
18Saimɔn‑na a ɔ yen fan, mbɛ Yataa Nyina bea‑a mɔɛ chɛ n fɛ, kɛn Chisɔsi 'a sɔ mɔɛ chɛ n‑na an boo bun an ma. Chɛ ma‑a kɛn, a toen ni a ni kɔpɔɛ be Pita ma, an fea Chɔn na, an gbasaya chɛ ko a. 19Mbɛ a‑a a fɔ an ye, a ɔ, “Wo gbasaya chɛ be n ma, min mbe a ma, n bɛɛ, ni n‑na n boo bun mɔ ɔ mɔ ma, Yataa Nyina ni bea a mɔɛ chɛ fɛ.”
20Chɛɛ Pita ɔ, “Yataa ni i a ta ta ɔ, i 'a kɔpɔɛ chɛ a i boo ɔ. Koe min na mu, ɛ wan i yii ma, mbɛ e kun fan i ni kɔpɔɛ be, min mbe a ma, Yataa ni gbasaya chɛ be i ma. 21E ee kun mmɔ bɛ ni wai chɛ chɛ, koe min na mu, i faa ɔ ma gbɛ ni Yataa chen kɔɔ. 22Chɛ an fɛ mu, i kan kɔ sɔ i 'a yiinachii yama chɛ a, mbɛ i‑a samunɛ chɛ Mansa Chisɔsi tena. Kɔkɔɛ ɛ chinchin‑da wan i ma, yiinachii yama chɛ ko a. 23Koe min na mu, n‑na a ɔ sɔn fan, mbɛ faa yama an mbe i ɔ, a yɛ to, i ma‑a yɔnɛ a, ko yama boo a.”
24Mbɛ Saimɔn dɔ, “Wo dimu, wo Mansa Yataa fai n ko a, min mbe a ma, wo‑a koe miin gbɛɛ fɔ ka, an ma na ma n na.”
25Pita an fea Chɔn na, an ban‑da wan koe chɛ n gbɛɛ ɔ yian‑da mɔɛ n na, an‑na min dɔ sɔn a si Mansa Chisɔsi ma. Mbɛ an yɛ‑a Chuusaɛn, an mbe ta‑a sakana bai chɛndɛ chɛ ɔ yian‑da mɔɛ n na, duu sɛsɛ n dɔ Samayia chɛnyɛ ɔ.
Fiipi bɛn‑da mɔ chenama dɔndɔ a, min ka‑a Itiopia chɛnyɛ ɔ
26Mbɛ Mansa Yataa‑a maeka sɔ Fiipi tena. Mbɛ a‑a a fɔ Fiipi ye, a ɔ, “I ma bɛn, i ni yii denka ɔ, chia chɛ a, min kaen mu Chuusaɛn duu ɔ. Ta, aan a che Kasa fuinɛ ma. Chia chɛ mu fuinɛ ma chia an na.” 27-28Mbɛ Fiipi‑a a kɔɔ sɔ, mbɛ a ta‑a chia chɛ a. Mbɛ a yen ko, a tima dɔndɔ gbe chɛ a, kai#8:27-28 Bai miin nyɛnden mu Kiisi gboo ɔ, an fasai an nɛ: “kai busienɛ.” dɔndɔ ni wan nɔ, min na‑a ka Itiopia chɛnyɛ ɔ. A ni ben tena wan a chia dɔndɔ gbe chɛ a, a yɛ a waa a. Mɔ chenama ni a a Itiopia chɛnyɛ ɔ, mansa de chɛ 'a kɔpɔɛ kun ma. A na‑a ka samun chɛ tena wan Chuusaɛn, a ɛ yɛ‑a Itiopia. A ni si ɔ mɔto gbingbi an dɔ, soo n mbe min sawan. A ni kɛn si ɔ mɔto gbingbi chɛ ɔ, a ni wan gboo kan‑da, Yataa 'a gbonka chɛ mɔɛ Aisaya na‑a min nyɛn. 29Mbɛ Yataa Nyina‑a a fɔ Fiipi ye, a ɔ, “I ma tundu gbɛdɛn mɔto gbingbi chɛ baima.” 30Fiipi wɛɛ‑a bui sa wan a a mɔto chɛ tena, mbɛ a‑a a a min, mɔɛ ɛ Aisaya 'a gboo chɛ kan‑da. Mbɛ Fiipi‑a kamin chɛ ɔ tisa, a ɔ, “E gboo chɛ ɔ gbɛ tena wan chɛndɛ chɛ, e ka min kan‑da?”
31Mbɛ a ɔ, “N mbe ee che a ɔ gbɛ‑a, mɔɔ ni mɔɛ‑a n sɔ chia ma.” Mbɛ a gbu‑a a fɔ Fiipi ye, a ɔ, a ni sɛ mɔto gbingbi chɛ ɔ, a ni si a baima. 32A ni ka kaina min kan‑da Yataa 'a gboo chɛ ɔ, an nii nɛ:
“An ta‑a wan a a, a fa koe a yɔ sa,
A yɛ to, bai ɔ bai ma bɔ ni a da a.
yɔ sa tɔngbɔɛ ma maun buɛ, ni an ma‑a a ti tɛ‑a a a.
33An‑na baa bɔ wan a ma.
A sin, mɔ ɔ mɔ ma dɔn ni, a 'a tea fɔ koe a.
Mɔ ee che bai fɔ‑a, a si a 'a den ma,
a mu min na, an‑na a wandi gbu ta fɔɛ ya wan banda kun ma.”
34Mbɛ mɔ chenama chɛ‑a a fɔ Fiipi ye, a ɔ, “A fɔ wɛ n ye, Yataa 'a gbonka chɛ mɔɛ chɛ ɛ bai chɛ sa tena ka a si mɔɛ min ma. Ɛ a sa tena, a si a wandi an ma, chɛ ma, a sien mu mɔ dɔ mende an ma?” 35Mbɛ Fiipi‑a an kaina chɛ fasai kamin chɛ ye, a ni ka kaina min kan tena. Mbɛ a‑a sakana bai chɛndɛ chɛ ɔ yian kamin chɛ a, a si Chisɔsi ma. 36-37Mbɛ an mbe kɛn ta‑a chia chɛ a, an che‑a wan kaina, yii ni kaina min. Mbɛ Itiopia mɔ chenama chɛ‑a a fɔ Fiipi ye, a ɔ, “Yii yen ko nɛ. Ko ɔ ko ɛ wan nɔ, min mbe i ka‑a to yii chɛ‑a n kunɛ ɔ, Yataa chia a?”#8:36-37 Bai chɛ n fan saen mu a kun ma gboo kɔma chɛ dɔ n dɔ. An bai chɛ n dɔ: Mbɛ Fiipi ɔ, “N mbe kun fan, n ni yii chɛ i kunɛ ɔ, Yataa chia a, ni i‑a i kai fa Chisɔsi a i faa gbɛɛ a.” Mbɛ kai chɛ wɛɛ‑a a fɔ Fiipi ye, a ɔ, “N danden fan mu a a, mbɛ Chisɔsi Chasi a mu Yataa 'a denɛ a.”
38Mbɛ kamin chɛ‑a a fɔ, a ɔ, soo chɛ ni sɔ, mbɛ a sɔ‑a. Mbɛ an fea Fiipi a, an puin‑da, an yii‑a yii chɛ ɔ. Mbɛ Fiipi‑a yii chɛ mɔ chenama chɛ kunɛ ɔ, Yataa chia a. 39An fea chɛ gbɛɛ bɔ‑a kɛn yii chɛ ɔ, mbɛ Yataa Nyina‑a Fiipi a tuin. Kai chɛ ma a yen ni to, mbɛ a wɛɛ‑a a 'a tachɛ a tun a ma. A bu ɔ diama wa ni gbɛ, ɛ ta‑a. 40Chɛɛ Fiipi‑a a wandi yen fan gbɛ duu dɔndɔ ɔ, an mbe min chee, an dɔ, Asotɔsi. A sin ben‑da wan nɔ ma, a ɛ ta‑a sakana bai chɛndɛ chɛ sa‑a duu kan kɔ kan dɔ, aan a che Sisayea duu ɔ.
Currently Selected:
CHISƆSI 'A SƆ MƆƐ NU 8: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
CHISƆSI 'A SƆ MƆƐ NU 8
8
1Sɔɔ‑a toa si, Sitibin fa koe kɔɔ.
Sɔɔ‑a ko ma gbaaenɛ sa mɔɛ chɛ n ma, miin‑na an kai fa Chisɔsi a
Sitibin fa‑a kɛn, mɔɛ n‑na a kuu sɔ wan ko ma gbaaenɛ sa‑a chɛ n ma Chuusaɛn, miin na‑a an kai fa Chisɔsi a. A ka Chisɔsi 'a sɔ mɔɛ chɛ n ma, mɔɛ tɔɛ chɛ n gbɛɛ miin na‑a an kai fa Chisɔsi a, an dɔ fasan‑da wan a ɔ ben‑da gbɛɛ Chudia chɛnyɛ ɔ, a basan Samayia a. 2Mɔɛ dɔ nu, miin fɔɛ been ni ka Yataa fai koe a, an‑na Sitibin tɔn fan. An sin‑na chinchima di chɛ wan to, a si Sitibin fa koe ma.
3Chɛɛ Sɔɔ bun‑da wan ta si‑a chɔchi mɔɛ n gbu kɔɔ. A ni don fan chen kan kɔ kan na, a ɛ ta‑a mɔɛ chɛ n bia‑a, miin‑na an kai fa Chisɔsi a. A‑a musu n konkon fan, an bɛ mɔ kaima n na, a‑a an da a tɔn pimbi chenɛ a.
Fiipi‑a Yataa 'a sakana bai sa, Samayia chɛnyɛ ɔ
4Chisɔsi fɛ mɔɛ miin na fasan‑da ka a ɔ, an ben ben‑da wan, an‑na Yataa 'a sakana bai chɛndɛ chɛ ɔ yian mɔɛ n na. 5Fiipi ni mɔ dɔndɔ an na mɔɛ chɛ n tɛ ɔ, miin na fasan‑da a ɔ. A yii‑a wan duu dɔndɔ ɔ, Samayia chɛnyɛ ɔ, mbɛ a‑a bai sa a si kunka mansa ma. 6Fanka fanka wa chɛ‑a an too ma sɔ wan chɛndɛ chɛ, a da a bai ma. Koe min na mu, a‑a kamaya ko wa miin ma ka, an ni a ɔ yian tena wan, mbɛ a 'a sakana bai chɛ ka‑a Yataa tena wan. 7Koe min na mu, Fiipi‑a a ma wan, mbɛ nyina yama n ka‑a mɔ sɛsɛ fɛ, an ni miin fɛ. A sin, an nyina yama chɛ n ni yee tɛ wan gbankon, an mbe e na to ka‑a mɔɛ chɛ n fɛ. A‑a namaa n sɛsɛ baun fan, an bɛ tamban tɔɛ n na. 8Chɛ ko a, buɔdia wa dɛgbɛ ni wan an duu chɛ ɔ.
9Chɛɛ kamin dɔndɔ ni wan nɔ, min tɔ ni Saimɔn. Tima ɔ yansama ko a, kamin chɛ na‑a Samayia mɔɛ n na fii wan a 'a nkofo koe n na, a ni miin ma. A na‑a a fɔ wan mɔɛ chɛ n ye, a ɔ, mɔ chenama mu a a. 10Chɛ na‑a a ma wan, mbɛ mɔ ɔ mɔ kan kɔ kan duu chɛ ɔ, an‑na an too ma sɔ a da a bai chɛ ma. A ka mɔ chenama n ma, a ta mɔɛ tɔɛ n tena, an‑na a fɔ, an dɔ te, “Mɔna chɛ, Yataa 'a gbasaya an mbe a ɔ, an mbe min chee Gbasaya Wa.” 11An sin na‑a an too ma sɔ wan a ma. Koe min na mu, tima ɔ yansama ko a, an da ɔ gbaaen fan ni a wan Saimɔn 'na nkofoya a. 12Chɛɛ Fiipi‑a sakana bai chɛndɛ chɛ ɔ yian kɛn an na, a si Yataa 'a mansaya ma, a basan Chisɔsi Chasi tɔɛ a, mɔ sɛsɛ dan‑da wan a a. Mbɛ a‑a yii chɛ an kunɛ ɔ, Yataa chia a, musu nu, an bɛ kai n na. 13Saimɔn wandi gbu wɛɛ, a tima chɛ a, a‑a a kai fa wan Chisɔsi a. Yii chɛ‑a wan a kunɛ ɔ, Yataa chia a, a sin, a nii ma ka ni to Fiipi fɛ. A da ɔ na‑a gbaa wan, a na‑a kamaya ko wa sɛsɛ chɛ n dɔ yen kɛn, Fiipi ni miin ma tena. An koe chɛ n sin ni a ɔ yian tena wan, mbɛ a 'a sakana bai chɛ ka‑a Yataa an tena.
14Chisɔsi 'a sɔ mɔɛ miin ni gbɛ Chuusaɛn, an‑na a a min fan, mbɛ Samayia mɔɛ n‑na an boo si Yataa bai kɔɔ. An‑na chɛ a min kɛn, mbɛ an‑na Pita sɔ, an fea Chɔn n na, ta koe a an tena. 15An sin yii‑a wan nɔ an tena, mbɛ an‑na samunɛ chɛ, min mbe a ma, mɔɛ miin‑na an kai fa Chisɔsi a, Yataa Nyina ni bea an fɛ. 16Koe min na mu, Yataa Nyina nii ma bea nin bɛ an dɔndɔ wɛɛ fɛ. An na‑a yii an chɛ an kunɛ ɔ, Yataa chia a, Mansa Chisɔsi tɔɛ ɔ. 17Mbɛ Pita an fea Chɔn na, an‑na an boo bun mɔɛ chɛ n ma, an‑na samunɛ chɛ, mbɛ Yataa Nyina bea‑a mɔɛ chɛ n fɛ.
18Saimɔn‑na a ɔ yen fan, mbɛ Yataa Nyina bea‑a mɔɛ chɛ n fɛ, kɛn Chisɔsi 'a sɔ mɔɛ chɛ n‑na an boo bun an ma. Chɛ ma‑a kɛn, a toen ni a ni kɔpɔɛ be Pita ma, an fea Chɔn na, an gbasaya chɛ ko a. 19Mbɛ a‑a a fɔ an ye, a ɔ, “Wo gbasaya chɛ be n ma, min mbe a ma, n bɛɛ, ni n‑na n boo bun mɔ ɔ mɔ ma, Yataa Nyina ni bea a mɔɛ chɛ fɛ.”
20Chɛɛ Pita ɔ, “Yataa ni i a ta ta ɔ, i 'a kɔpɔɛ chɛ a i boo ɔ. Koe min na mu, ɛ wan i yii ma, mbɛ e kun fan i ni kɔpɔɛ be, min mbe a ma, Yataa ni gbasaya chɛ be i ma. 21E ee kun mmɔ bɛ ni wai chɛ chɛ, koe min na mu, i faa ɔ ma gbɛ ni Yataa chen kɔɔ. 22Chɛ an fɛ mu, i kan kɔ sɔ i 'a yiinachii yama chɛ a, mbɛ i‑a samunɛ chɛ Mansa Chisɔsi tena. Kɔkɔɛ ɛ chinchin‑da wan i ma, yiinachii yama chɛ ko a. 23Koe min na mu, n‑na a ɔ sɔn fan, mbɛ faa yama an mbe i ɔ, a yɛ to, i ma‑a yɔnɛ a, ko yama boo a.”
24Mbɛ Saimɔn dɔ, “Wo dimu, wo Mansa Yataa fai n ko a, min mbe a ma, wo‑a koe miin gbɛɛ fɔ ka, an ma na ma n na.”
25Pita an fea Chɔn na, an ban‑da wan koe chɛ n gbɛɛ ɔ yian‑da mɔɛ n na, an‑na min dɔ sɔn a si Mansa Chisɔsi ma. Mbɛ an yɛ‑a Chuusaɛn, an mbe ta‑a sakana bai chɛndɛ chɛ ɔ yian‑da mɔɛ n na, duu sɛsɛ n dɔ Samayia chɛnyɛ ɔ.
Fiipi bɛn‑da mɔ chenama dɔndɔ a, min ka‑a Itiopia chɛnyɛ ɔ
26Mbɛ Mansa Yataa‑a maeka sɔ Fiipi tena. Mbɛ a‑a a fɔ Fiipi ye, a ɔ, “I ma bɛn, i ni yii denka ɔ, chia chɛ a, min kaen mu Chuusaɛn duu ɔ. Ta, aan a che Kasa fuinɛ ma. Chia chɛ mu fuinɛ ma chia an na.” 27-28Mbɛ Fiipi‑a a kɔɔ sɔ, mbɛ a ta‑a chia chɛ a. Mbɛ a yen ko, a tima dɔndɔ gbe chɛ a, kai#8:27-28 Bai miin nyɛnden mu Kiisi gboo ɔ, an fasai an nɛ: “kai busienɛ.” dɔndɔ ni wan nɔ, min na‑a ka Itiopia chɛnyɛ ɔ. A ni ben tena wan a chia dɔndɔ gbe chɛ a, a yɛ a waa a. Mɔ chenama ni a a Itiopia chɛnyɛ ɔ, mansa de chɛ 'a kɔpɔɛ kun ma. A na‑a ka samun chɛ tena wan Chuusaɛn, a ɛ yɛ‑a Itiopia. A ni si ɔ mɔto gbingbi an dɔ, soo n mbe min sawan. A ni kɛn si ɔ mɔto gbingbi chɛ ɔ, a ni wan gboo kan‑da, Yataa 'a gbonka chɛ mɔɛ Aisaya na‑a min nyɛn. 29Mbɛ Yataa Nyina‑a a fɔ Fiipi ye, a ɔ, “I ma tundu gbɛdɛn mɔto gbingbi chɛ baima.” 30Fiipi wɛɛ‑a bui sa wan a a mɔto chɛ tena, mbɛ a‑a a a min, mɔɛ ɛ Aisaya 'a gboo chɛ kan‑da. Mbɛ Fiipi‑a kamin chɛ ɔ tisa, a ɔ, “E gboo chɛ ɔ gbɛ tena wan chɛndɛ chɛ, e ka min kan‑da?”
31Mbɛ a ɔ, “N mbe ee che a ɔ gbɛ‑a, mɔɔ ni mɔɛ‑a n sɔ chia ma.” Mbɛ a gbu‑a a fɔ Fiipi ye, a ɔ, a ni sɛ mɔto gbingbi chɛ ɔ, a ni si a baima. 32A ni ka kaina min kan‑da Yataa 'a gboo chɛ ɔ, an nii nɛ:
“An ta‑a wan a a, a fa koe a yɔ sa,
A yɛ to, bai ɔ bai ma bɔ ni a da a.
yɔ sa tɔngbɔɛ ma maun buɛ, ni an ma‑a a ti tɛ‑a a a.
33An‑na baa bɔ wan a ma.
A sin, mɔ ɔ mɔ ma dɔn ni, a 'a tea fɔ koe a.
Mɔ ee che bai fɔ‑a, a si a 'a den ma,
a mu min na, an‑na a wandi gbu ta fɔɛ ya wan banda kun ma.”
34Mbɛ mɔ chenama chɛ‑a a fɔ Fiipi ye, a ɔ, “A fɔ wɛ n ye, Yataa 'a gbonka chɛ mɔɛ chɛ ɛ bai chɛ sa tena ka a si mɔɛ min ma. Ɛ a sa tena, a si a wandi an ma, chɛ ma, a sien mu mɔ dɔ mende an ma?” 35Mbɛ Fiipi‑a an kaina chɛ fasai kamin chɛ ye, a ni ka kaina min kan tena. Mbɛ a‑a sakana bai chɛndɛ chɛ ɔ yian kamin chɛ a, a si Chisɔsi ma. 36-37Mbɛ an mbe kɛn ta‑a chia chɛ a, an che‑a wan kaina, yii ni kaina min. Mbɛ Itiopia mɔ chenama chɛ‑a a fɔ Fiipi ye, a ɔ, “Yii yen ko nɛ. Ko ɔ ko ɛ wan nɔ, min mbe i ka‑a to yii chɛ‑a n kunɛ ɔ, Yataa chia a?”#8:36-37 Bai chɛ n fan saen mu a kun ma gboo kɔma chɛ dɔ n dɔ. An bai chɛ n dɔ: Mbɛ Fiipi ɔ, “N mbe kun fan, n ni yii chɛ i kunɛ ɔ, Yataa chia a, ni i‑a i kai fa Chisɔsi a i faa gbɛɛ a.” Mbɛ kai chɛ wɛɛ‑a a fɔ Fiipi ye, a ɔ, “N danden fan mu a a, mbɛ Chisɔsi Chasi a mu Yataa 'a denɛ a.”
38Mbɛ kamin chɛ‑a a fɔ, a ɔ, soo chɛ ni sɔ, mbɛ a sɔ‑a. Mbɛ an fea Fiipi a, an puin‑da, an yii‑a yii chɛ ɔ. Mbɛ Fiipi‑a yii chɛ mɔ chenama chɛ kunɛ ɔ, Yataa chia a. 39An fea chɛ gbɛɛ bɔ‑a kɛn yii chɛ ɔ, mbɛ Yataa Nyina‑a Fiipi a tuin. Kai chɛ ma a yen ni to, mbɛ a wɛɛ‑a a 'a tachɛ a tun a ma. A bu ɔ diama wa ni gbɛ, ɛ ta‑a. 40Chɛɛ Fiipi‑a a wandi yen fan gbɛ duu dɔndɔ ɔ, an mbe min chee, an dɔ, Asotɔsi. A sin ben‑da wan nɔ ma, a ɛ ta‑a sakana bai chɛndɛ chɛ sa‑a duu kan kɔ kan dɔ, aan a che Sisayea duu ɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.