DUKU 11
11
Chisɔsi‑a kanɛ chɛ, a si samunɛ ma
(Matiu 6:9-13; 7:7-11)
1Tee dɔndɔ a, Chisɔsi ni wan samun chɛ‑a kaina dɔndɔ. A ban‑da kɛn, a fɛ denɛ dɔndɔ‑a a fɔ wan a ye, a ɔ, “Fa, nn kan samun chɛ koe a, yɔ kai Chɔn‑na a fɛ denɛ n kan buɛ min dɔ.”
2Mbɛ Chisɔsi‑a a fɔ wan an ye, a ɔ, “Ni wo toen mu wo ni samunɛ chɛ, wo a fɔ, wo ɔ,
‘Fa Yataa,
mɔ ɔ mɔ ni tando be i ma.
A ɔ ma yansan to, i ni ma mansa a dunya chɛ gbɛɛ kun ma.
3Nn kɔ nn daun fenɛ a tee ɔ tee a.
4I boo bɔ nn 'na ko yama n dɔ,
a mu min na, miin mbe ko yama n ma nn na, nn bɛɛ nn mbe nn boo bɔ wan an 'na ko yama n dɔ.
I ma dɔn ko ɔ ko ni a ma, nn ni ko yama ma.’ ”
5Mbɛ Chisɔsi‑a a fɔ to, a ɔ, “Ni wo dɔndɔ ta‑a wo dia nyɔɛ dɔndɔ 'a chenɛ a su tɛtɛ ma, mbɛ a ɔ, ‘N bɔ, kuiɛ be n ma biidi sawa a.’ 6A ɔ, ‘N dia nyɔ dɔndɔ an na‑a ka n tena,’ a ɔ, ‘ɛ tachɛ chia an ma.’ A ɔ, ‘Chɛɛ daun fen kan kɔ kan mbe ee n boo ɔ, ɛ min daun.’ 7Chɛɛ ni i dia nyɔɛ chɛ to‑a a 'a chenɛ bu ɔ, mbɛ a ɔ, ‘I ma n ya kɔɔ tawa,’ a ɔ, ‘n ban‑da gbɛ chenɛ da a tɔn‑da, a sin, n mbe gbɛ sa ɔ wan.’ A ɔ, ‘N 'na denɛ n gbɛɛ mbe gbɛ chinɔɛ ɔ wan.’ A ɔ, ‘N mbe ee che to sanche, n kɔɔ sɔ‑a fen kan kɔ kan be koe a i ma.’ ” 8Chisɔsi ɔ te gbɛ, “N ni a ma din wo tena, ni kamin chɛ min mbe ka chinɔɛ ɔ, a ma a kɔɔ sɔ ni, a ni biidi chɛ be a bɔɛ chɛ ma, an 'na dia nyɔncha ko a, ɛ a kɔɔ sɔ‑a wan, a ni a be a ma, koe min na mu, a chii‑a a ma a disa‑a.
9“Chɛ an fɛ mu, n mbe a fɔ tena wo ye, wo a a tun Yataa ɔ tisa koe a fen kɔ fen ko a, ɛ a be‑a wan wo ma. Wo a a tun wo ya a kan koe a chɛndɛ chɛ, wo e min yan tena, wo e a yen‑da wan. Wo a a tun chenɛ da tu koe a, Yataa ɛ a da a ka‑a wan wo ye. 10Koe min na mu, mɔ ɔ mɔ min mbe a a tun‑da Yataa ɔ tisa koe a fen kɔ fen ko a, ɛ a be‑a wan an mɔɛ chɛ ma. Mɔ ɔ mɔ min mbe a a tun‑da a ya a kan‑da fenɛ a chɛndɛ chɛ, ɛ a yen‑da wan. Mɔ ɔ mɔ min mbe a a tun‑da chenɛ da tu koe a, Yataa ɛ a da a ka‑a wan a ye. 11Wo wɛn mu ka den suun kai n na, ni i 'a denɛ‑a i ɔ tisa nyɛ ko a, e ee ka be a ma. 12Ni a‑a i ɔ tisa tɛ chii ko a, e ee chinchima be a ma. 13Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, mmɔ Fa sin gbɛ, min mbe banda bu ɔ, ɛ fen chɛndɛ be‑a wan wo ma, min benden mu wo ta n ma. Ɛ Yataa Nyina be‑a wan chɛ n ma, miin mbe a ɔ tisa‑a a ko a.”
Sitana an mbe ee gbasaya be Chisɔsi ma
(Matiu 12:22-30; Maki 3:20-27)
14Kamin dɔndɔ ni wan nɔ, nyina yama ni min fɛ. An nyina yama chɛ nii dɔn kamin chɛ ni koɔ. Tee dɔndɔ a, Chisɔsi na‑a an nyina yama chɛ gbain fan an kamin chɛ fɛ. A ka‑a kɛn a fɛ, kamin chɛ‑a a kuu sɔ wan gbɛ koɔ‑a. An mɔ fanka chɛ n tɛnɛ‑a wan koe chɛ a. 15Chɛɛ mɔɛ dɔ nu fanka chɛ ɔ, an dɔ, “Nyina yama n 'na mansa chɛ, min tɔ mu Bɛɛsɛbu, an mbe ka gbasaya chɛ be tena a ma, nyina yama n gbain koe a mɔɛ n fɛ.”
16Mɔɛ dɔ n sin toen ni an ni Chisɔsi bia a chen kɔ, min‑na a ma, an‑na a ɔ tisa, an dɔ, a ni kamaya koe ma, min mbe a ɔ yian, mbɛ Yataa an‑na gbasaya chɛ be a ma tea tea a. 17Chɛɛ Chisɔsi na‑a a ɔ sɔn fan, an ni an yii na chii tena koe min na. Chɛ an‑na a fɔ, a‑a a fɔ an ye, a ɔ, “Ni chɛɛ ma‑a mɔɛ n tɛ chɛnyɛ kan kɔ kan dɔ, an chɛnyɛ chɛ ɛ yɔn fan. A yɛ to, koɛ ɛ suunɛ min bɛɛ ɔ, an suun chɛ ɛ yɔn fan. 18A chia dɔndɔ gbe chɛ a, ni Sitana 'a wai chɛ mɔɛ n ma‑a butuinɛ chɛ‑a an nyɔn na, a 'a mansaya ee ta ya ɔ ma. N mbe chɛ fɔ tena, a mu min na, wo ɔ, mbɛ nyina yama n 'na mansa, min tɔ mu Bɛɛsɛbu, an mbe gbasaya be tena n ma, nyina yama n gbain koe a mɔɛ n fɛ. 19Wo ta mɔɛ n bɛɛ mbe nyina yama n gbain fan mɔɛ n fɛ. Chɛɛ wo e a fɔ n fan ma, wo ɔ, n mbe a ma tena Bɛɛsɛbu 'a gbasaya an dɔ. Wo ta mɔɛ n gbu mbe koe miin ma tena, an fan mbe a ɔ yian, mbɛ tea ee wo boo ɔ. 20N mbe ee nyina yama n gbain tena mɔɛ n fɛ Bɛɛsɛbu 'a gbasaya ɔ. Chɛɛ n mbe an gbain tena Yataa 'a gbasaya an dɔ. Chɛ‑a a ɔ yian fan, mbɛ Yataa 'a mansaya ɛ gbɛ wo tɛ ɔ.”
21Mbɛ Chisɔsi‑a Sitana ya yɔ kamin gbasayaen ba, a ɔ, “Ni kamin gbasayaen ba, chɛɛ chɛ fenɛ ɛ min boo ɔ, a ma‑a a wandi a chenɛ kun ma fɛn‑da, mɔ ɔ mɔ ee che a kanka‑a. 22Chɛɛ ni mɔɛ min gbasayaen mu a ni ben a ma, a dɛ‑a a ma butuinɛ a, ɛ a boan fan. Ni a‑a a boan, ɛ a 'a chɛɛ chɛ feanka n gbɛɛ bɔ wan a boo ɔ, mbɛ a ta‑a a a, a basan a boo fenɛ n gbɛɛ a, a ni miin ma butuin chɛ tena, mbɛ a‑a an du.
23“Mɔɛ min mbe ee n ko a, n chɛɛ ma nyɔɛ mu a a. Mɔɛ min mbe ee n deman‑da a a kan koe a kaina dɔndɔɛ, ɛ a a fasan‑da wan.”
Chisɔsi‑a tai tɛ, a si nyina yama ma mɔɛ n fɛ
(Matiu 12:43-45)
24Chisɔsi ɔ, “Ni nyina yama ka‑a mɔɛ fɛ, nyina chɛ ɛ ta wan ben ben‑da kaina ɔ gbaa gbaaenɛ ɔ, ɛ a ya a kan‑da kaina ɔ chimaenɛ a, a suin koe a. Chɛɛ a ee kaina ma sɔn. Ɛ si wan, a‑a a yii na chii, a ɔ, ‘N ka‑a kaina, ka wɛ n mbe yɛ to nɔ.’ 25Ni a na‑a, mbɛ a ma Yataa Nyina tan ni mɔɛ chɛ fɛ, a sin mbe ee kun kɔɔ, 26a dɔndɔ gbe ee bea to a fɛ. Chɛɛ ɛ a bɔ nyina yama wɔnfea chee wan, miin yau a ni ben a ma, mbɛ an gbɛɛ ma‑a kamin chɛ fɛ. Chɛ‑a a ma wan gbɛ, kamin chɛ ma buɛ ni yaua kaka, a ni ben a kɔma ma.”
Chisɔsi‑a mɔɛ n yian dua chenama ko a
27Chisɔsi to‑a koɔ an na, mbɛ musu dɔndɔ fanka chɛ tɛ ɔ, a kuiɛ ma sɛenɛ ɔ, a ɔ, “Musu min‑na i suun, mbɛ i‑a a susu min, a duaen ba mu.”
28Chɛɛ Chisɔsi ɔ, “I‑a tea an fɔ ka, chɛɛ miin mbe Yataa 'a bai a min‑da, mbɛ an‑na a ma, yɔ bai chɛ‑a min fɔ an ye a ma koe a, dua chenama wa gbu ɛ ma‑a an fan ma.”
Mɔɛ n‑na Chisɔsi ɔ tisa kamaya koe ma koe a
(Matiu 12:38-42)
29Mɔ sɛsɛ n na ni kan tena wan tun Chisɔsi ma. Mbɛ a ɔ, “Mɔɛ miin mbe n dɔ tisa‑a, n ni kamaya koe a dan, mɔ yauaen ba mu an mɔ bonda chɛ sima n na. Chɛɛ an mbe ee tɔmɔsi dɔndɔ wɛɛ ma sɔn‑da, mɔɔ dechee Yataa‑a tɔmɔsi min na ben a 'a gbonka chɛ mɔɛ Chona a. 30N fan, Mɔ Gbu 'a Denɛ, n mbe ma‑a wan tɔmɔsi a an mɔɛ chɛ n ko a, yɔ Chona ma‑a buɛ min dɔ suun tɔmɔsi a, Ninifɛ duu ɔ mɔɛ n tena. 31A sin tee min ma Yataa ɛ ma‑a dunya gbɛmbo‑a, musu min ni mansa a Seba chɛnyɛ ɔ, a wɛɛ‑a a kɔɔ sɔ‑a wan, mbɛ a‑a mɔɛ chɛ n yɛi siiya bɔ. A mu min na, a na‑a ka wan dunya danka a, na koe a, a too ma sɔ‑a Sɔɔmon 'na yiimatɛ bai n ma. Mɔɛ yen ko nɛ an tɛ gbɛ min benden mu Sɔɔmon ma, chɛɛ an mbe ee an too ma sɔ tena a ma. 32A sin tima min na Yataa ɛ ma‑a dunya gbɛmbo‑a, Ninifɛ mɔɛ chɛ n mbe an kɔɔ sɔ‑a wan a ka saya ɔ, mbɛ an‑na mɔɛ chɛ n yɛi siiya bɔ. A mu min na, tima min na Chona na‑a Yataa bai sa Ninifɛ mɔɛ chɛ n tena, an‑na an kan kɔ sɔ wan an 'na ko yama n na. Mɔɛ yen ko nɛ mɔɛ dɔndɔɛ chɛ n tɛ gbɛ min benden mu Chona ma, chɛɛ an mbe ee an too ma sɔ tena a ma.”
Chisɔsi‑a tai tɛ, a si dambo manɛ ma
(Matiu 5:15; 6:22-23)
33Chisɔsi ɔ, “Ni mɔ ɔ mɔ‑a dambo a man, a ee a nun, chɛ ma, a ni samba bun a kun ma. Chɛɛ ni mɔ‑a dambo a man, e a si kaina wan, min mbe a ma, ni mɔɛ n don‑da dechee i 'a chenɛ a, an mbe kun fan an ni kaina ɔ yen gbadan. 34Mɔ gbu ya ɛ wan yɔ dambo manɛ a gboo ko a. Ni mɔ ya a kaenɛ ma‑a gboden, a gboo gbɛɛ ɛ ma manɛ an dɔ. Chɛɛ ni a ya a pimbienɛ ma‑a, a gboo gbɛɛ ɛ ma pimbi an dɔ. 35Chɛ an‑na a fɔ, wo wo kun ma fɛn, min mbe a ma, wo ya a ma na pimbi, mbɛ wo to‑a pimbi ɔ. 36Ni wo ya a kaenɛ ma‑a gboden, a dɔndɔ wɛɛ ma te ni, wo e kaina kan kɔ kan dɔ yen fan, yɔ dambo ɛ man buɛ min dɔ taun wo ya ɔ yen koe a.”
Chisɔsi‑a mɔɛ n na si, a si Chu n 'na sawa kan mɔɛ n ma, an bɛ Fayisii n na
(Matiu 23:1-36; Maki 12:38-40)
37Chisɔsi bandenɛ ma koɔ‑a, mɔ dɔndɔ min ni Fayisii a, a‑a a chee wan a 'a chenɛ a, ta koe a an ni daunɛ chɛ an fea a a. Mbɛ an ta‑a, an si‑a, mbɛ an bun‑da daunɛ chɛ‑a. 38Chisɔsi nii ma a boo a ko ni a chia ma, yɔ Fayisii manda‑a a fɔ buɛ min dɔ, a e na to a kuu sɔ‑a daunɛ chɛ‑a. Chɛ na‑a ma wan tɛnɛmaya ko wa a Fayisii chɛ tena. 39Mbɛ Mansa Chisɔsi‑a a fɔ a ye, a ɔ, “Wo wan Fayisii chɛ nu, tea mu a a, wo e wan yɔ kɔpu, min kɔɛ koenɛ ɛ, chɛɛ a bu ɔ nɔɔenɛ ɛ. Wo e nyima yɛnɛ an chɛ dechee mɔɛ n na, chɛɛ wo gbɔsɔen mu dechee wo wandi an ko a, a sin wo faa n dɔ finden mu kaka. 40Wo kun dɔ ban tɔɛ chɛ nu, Yataa min‑na gboo a dan, an‑na faa don bu ɔ, a sin an fea gbɛɛ wakoe ɛ wan sa ɔ a faa ma. 41Chɛɛ wo wo boo fenɛ n be yɔn tɔɛ n ma, wo faa gbɛɛ a. Ni wo‑a chɛ ma, ko kan kɔ kan wo e min ma‑a, ɛ Yataa faa chima‑a wan.
42“Wo wan Fayisii nu, koe min mbe wo tan‑da, a yau gba wo ko a. Ko chɛndɛ yen ko, wo e min ma. Boo fen kan kɔ kan, wo e min sɔn, wo e a du wan si tena tanɛ a, mbɛ wo‑a si tena dɔndɔ be Yataa ma. Boo fenɛ tatayaenɛ wɛɛ, wo e Yataa kɔ wan a ɔ. Chɛɛ wo ma wo gbɔsɔ ni tea koe ma koe a wo bɔɛ n na, a yɛ to, wo ma wo gbɔsɔ ni to koe a Yataa a. Koe chɛ n gbɛɛ, wo an ma. A sin to, wo a a tun wo boo fenɛ n be koe a Yataa ma.
43“Wo wan Fayisii nu, koe min mbe wo tan‑da, a yau gba wo ko a. Ni wo ta‑a samun chɛ chenɛ a, wo toen mu si tena ma bɛnden ba an na. Ni wo ta‑a machiti wɛɛ ɔ, wo toen mu mɔɛ n ni basɔmaya kɔndɔnɛ chɛ wo a. 44Koe min mbe wo tan‑da, a yau gba wo ko a. A mu min na, wo ma buɛ ee a ɔ yian mɔɛ n na, mbɛ wo sɔnɛ n yau wan. An mbe ee a ɔ sɔn ni wo sɔnɛ n yau wan, chɛɛ ni an gbɛn‑da dechee wo ma, mbɛ wo‑a wo sɔn yama chɛ n chɛ an dɔ, mbɛ an ma‑a yɔ wo e buɛ min dɔ.” #11:44 Bai miin nyɛnden mu Kiisi gboo ɔ, an fasai an nɛ: “wo e wan yɔ kamba, mɔɛ ma min bakoe ɔ sɔn, mbɛ a tachɛ‑a a kun ma.” Chu mɔɛ n 'na manda ɔ, ni mɔɛ tachɛ‑a kamba kun ma, an mɔɛ chɛ ma nyamui‑a Yataa tena.
45Mbɛ Chu n 'na sawa kan mɔ dɔndɔ‑a a fɔ a ye, a ɔ, “Ticha, i 'a bai chɛ n gbɛɛ tu‑a wan nn bɛɛ a, i‑a miin fɔ ka. Main bai n dechee n fan nɛ.”
46Mbɛ Chisɔsi ɔ, “Wo wan sawa kan mɔɛ chɛ n bɛɛ, koe min mbe wo tan‑da, a yau gba wo ko a. Wo e suun feanka fanka ma si wan mɔɛ n kun ma ta koe a, chɛɛ wo wandi gbu ee deman an ma ɛnden bɛɛ a. 47Koe min mbe wo tan‑da, a yau gba wo ko a. A mu min na, wo bemba n ta bemba n‑na Yataa 'a gbonka chɛ mɔɛ miin fa suun, wo sin mbe an kamba n ma bɛn nyima nyima.#11:47 An ni a ɔ yian fan ka, mbɛ baa koo an boo ɔ Yataa 'a gbonka chɛ mɔɛ chɛ n ko a. Chɛɛ a ee ka an sɔnɛ ɔ, koe min na mu, an mbe ee an too ma sɔ gbonka chɛ mɔɛ chɛ n da a bai ma. 48Chɛ‑a a ɔ yian fan, mbɛ wo bɛ wo bemba n ta bemba chɛ n na, wo kuiɛ ɛ dɔndɔ gbe, an ban koe a an boo si koe a gbonka chɛ mɔɛ chɛ n 'na sakana bai n kɔɔ. Koe min na mu, an na‑a an fa wan, mbɛ wo sin mbe an kamba n ma bɛn nyima nyima. 49Chɛ an ko a ni, Yataa min yiima tɛen mu, a‑a a fɔ, a ɔ, ‘N mbe n 'na gbonka chɛ mɔɛ nu, a basan n 'na sɔ mɔɛ n na, n mbe an na ta‑a wan an tena. An mbe an dɔ n fa‑a wan, mbɛ an‑na ko yawaenɛ sa a tɔɛ n ma.’ 50Chɛ an fɛ mu, wo nyɔn sima chɛ nu, Yataa ɛ wo wan tɔɔya‑a, a 'a gbonka chɛ mɔɛ chɛ n fa koe a, a ka suun dunya kuu sɔ tima ma. 51Wo e tɔɔya‑a wan Ebɛɛ 'a saya ko a suun, aan a ta Sakaaya 'a saya ma. An na‑a Sakaaya chɛ fa Yataa 'a kata chɛ an dɔ, Yataa 'a chen chɛ n tɛ yasi minda gbengbe chɛ tena a. N mbe a ma din tena wo tena, tea ɔ, mbɛ wo nyɔn sima chɛ n fan mbe tɔɔya ɔ bia‑a, Yataa 'a gbonka chɛ mɔɛ chɛ n wii chɛ ko a.
52“Wo wan sawa kan mɔɛ chɛ nu, koe min mbe wo tan‑da, a yau gba wo ko a. A mu min na, mɔɛ ɛ bɔ chia min na, a ni Yataa sɔn, wo‑a a ma wo ta a. Wo ee dɔn, mɔɛ miin toen mu an ni Yataa sɔn, an ni an chia chɛ ma sɔn, wo wandi gbu sin ma Yataa sɔn.”
53Mbɛ Chisɔsi bɔ‑a Fayisii chɛ 'a chenɛ a. A bɔ‑a kɛn, Chu n 'na sawa kan mɔɛ chɛ nu, an bɛ Fayisii chɛ n na, an‑na a kuu sɔ wan a ma bɔ‑a a yama yama boo a. A ka a tima chɛ ma, an bun‑da a ɔ tisa‑a tisa n na a si ko sɛsɛ ma, 54an mbe ta‑a butuinɛ chɛ‑a, min mbe a ma, an ni fɛɛ sa a ye, mbɛ an‑na a bia a chen kɔ, a da a bai ɔ.
Currently Selected:
DUKU 11: KONONT
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.
DUKU 11
11
Chisɔsi‑a kanɛ chɛ, a si samunɛ ma
(Matiu 6:9-13; 7:7-11)
1Tee dɔndɔ a, Chisɔsi ni wan samun chɛ‑a kaina dɔndɔ. A ban‑da kɛn, a fɛ denɛ dɔndɔ‑a a fɔ wan a ye, a ɔ, “Fa, nn kan samun chɛ koe a, yɔ kai Chɔn‑na a fɛ denɛ n kan buɛ min dɔ.”
2Mbɛ Chisɔsi‑a a fɔ wan an ye, a ɔ, “Ni wo toen mu wo ni samunɛ chɛ, wo a fɔ, wo ɔ,
‘Fa Yataa,
mɔ ɔ mɔ ni tando be i ma.
A ɔ ma yansan to, i ni ma mansa a dunya chɛ gbɛɛ kun ma.
3Nn kɔ nn daun fenɛ a tee ɔ tee a.
4I boo bɔ nn 'na ko yama n dɔ,
a mu min na, miin mbe ko yama n ma nn na, nn bɛɛ nn mbe nn boo bɔ wan an 'na ko yama n dɔ.
I ma dɔn ko ɔ ko ni a ma, nn ni ko yama ma.’ ”
5Mbɛ Chisɔsi‑a a fɔ to, a ɔ, “Ni wo dɔndɔ ta‑a wo dia nyɔɛ dɔndɔ 'a chenɛ a su tɛtɛ ma, mbɛ a ɔ, ‘N bɔ, kuiɛ be n ma biidi sawa a.’ 6A ɔ, ‘N dia nyɔ dɔndɔ an na‑a ka n tena,’ a ɔ, ‘ɛ tachɛ chia an ma.’ A ɔ, ‘Chɛɛ daun fen kan kɔ kan mbe ee n boo ɔ, ɛ min daun.’ 7Chɛɛ ni i dia nyɔɛ chɛ to‑a a 'a chenɛ bu ɔ, mbɛ a ɔ, ‘I ma n ya kɔɔ tawa,’ a ɔ, ‘n ban‑da gbɛ chenɛ da a tɔn‑da, a sin, n mbe gbɛ sa ɔ wan.’ A ɔ, ‘N 'na denɛ n gbɛɛ mbe gbɛ chinɔɛ ɔ wan.’ A ɔ, ‘N mbe ee che to sanche, n kɔɔ sɔ‑a fen kan kɔ kan be koe a i ma.’ ” 8Chisɔsi ɔ te gbɛ, “N ni a ma din wo tena, ni kamin chɛ min mbe ka chinɔɛ ɔ, a ma a kɔɔ sɔ ni, a ni biidi chɛ be a bɔɛ chɛ ma, an 'na dia nyɔncha ko a, ɛ a kɔɔ sɔ‑a wan, a ni a be a ma, koe min na mu, a chii‑a a ma a disa‑a.
9“Chɛ an fɛ mu, n mbe a fɔ tena wo ye, wo a a tun Yataa ɔ tisa koe a fen kɔ fen ko a, ɛ a be‑a wan wo ma. Wo a a tun wo ya a kan koe a chɛndɛ chɛ, wo e min yan tena, wo e a yen‑da wan. Wo a a tun chenɛ da tu koe a, Yataa ɛ a da a ka‑a wan wo ye. 10Koe min na mu, mɔ ɔ mɔ min mbe a a tun‑da Yataa ɔ tisa koe a fen kɔ fen ko a, ɛ a be‑a wan an mɔɛ chɛ ma. Mɔ ɔ mɔ min mbe a a tun‑da a ya a kan‑da fenɛ a chɛndɛ chɛ, ɛ a yen‑da wan. Mɔ ɔ mɔ min mbe a a tun‑da chenɛ da tu koe a, Yataa ɛ a da a ka‑a wan a ye. 11Wo wɛn mu ka den suun kai n na, ni i 'a denɛ‑a i ɔ tisa nyɛ ko a, e ee ka be a ma. 12Ni a‑a i ɔ tisa tɛ chii ko a, e ee chinchima be a ma. 13Ni wo wɛn sɔnɛ yau ka, ni wo kosan fan fen chɛndɛ n be‑a wo 'a denɛ n ma, mmɔ Fa sin gbɛ, min mbe banda bu ɔ, ɛ fen chɛndɛ be‑a wan wo ma, min benden mu wo ta n ma. Ɛ Yataa Nyina be‑a wan chɛ n ma, miin mbe a ɔ tisa‑a a ko a.”
Sitana an mbe ee gbasaya be Chisɔsi ma
(Matiu 12:22-30; Maki 3:20-27)
14Kamin dɔndɔ ni wan nɔ, nyina yama ni min fɛ. An nyina yama chɛ nii dɔn kamin chɛ ni koɔ. Tee dɔndɔ a, Chisɔsi na‑a an nyina yama chɛ gbain fan an kamin chɛ fɛ. A ka‑a kɛn a fɛ, kamin chɛ‑a a kuu sɔ wan gbɛ koɔ‑a. An mɔ fanka chɛ n tɛnɛ‑a wan koe chɛ a. 15Chɛɛ mɔɛ dɔ nu fanka chɛ ɔ, an dɔ, “Nyina yama n 'na mansa chɛ, min tɔ mu Bɛɛsɛbu, an mbe ka gbasaya chɛ be tena a ma, nyina yama n gbain koe a mɔɛ n fɛ.”
16Mɔɛ dɔ n sin toen ni an ni Chisɔsi bia a chen kɔ, min‑na a ma, an‑na a ɔ tisa, an dɔ, a ni kamaya koe ma, min mbe a ɔ yian, mbɛ Yataa an‑na gbasaya chɛ be a ma tea tea a. 17Chɛɛ Chisɔsi na‑a a ɔ sɔn fan, an ni an yii na chii tena koe min na. Chɛ an‑na a fɔ, a‑a a fɔ an ye, a ɔ, “Ni chɛɛ ma‑a mɔɛ n tɛ chɛnyɛ kan kɔ kan dɔ, an chɛnyɛ chɛ ɛ yɔn fan. A yɛ to, koɛ ɛ suunɛ min bɛɛ ɔ, an suun chɛ ɛ yɔn fan. 18A chia dɔndɔ gbe chɛ a, ni Sitana 'a wai chɛ mɔɛ n ma‑a butuinɛ chɛ‑a an nyɔn na, a 'a mansaya ee ta ya ɔ ma. N mbe chɛ fɔ tena, a mu min na, wo ɔ, mbɛ nyina yama n 'na mansa, min tɔ mu Bɛɛsɛbu, an mbe gbasaya be tena n ma, nyina yama n gbain koe a mɔɛ n fɛ. 19Wo ta mɔɛ n bɛɛ mbe nyina yama n gbain fan mɔɛ n fɛ. Chɛɛ wo e a fɔ n fan ma, wo ɔ, n mbe a ma tena Bɛɛsɛbu 'a gbasaya an dɔ. Wo ta mɔɛ n gbu mbe koe miin ma tena, an fan mbe a ɔ yian, mbɛ tea ee wo boo ɔ. 20N mbe ee nyina yama n gbain tena mɔɛ n fɛ Bɛɛsɛbu 'a gbasaya ɔ. Chɛɛ n mbe an gbain tena Yataa 'a gbasaya an dɔ. Chɛ‑a a ɔ yian fan, mbɛ Yataa 'a mansaya ɛ gbɛ wo tɛ ɔ.”
21Mbɛ Chisɔsi‑a Sitana ya yɔ kamin gbasayaen ba, a ɔ, “Ni kamin gbasayaen ba, chɛɛ chɛ fenɛ ɛ min boo ɔ, a ma‑a a wandi a chenɛ kun ma fɛn‑da, mɔ ɔ mɔ ee che a kanka‑a. 22Chɛɛ ni mɔɛ min gbasayaen mu a ni ben a ma, a dɛ‑a a ma butuinɛ a, ɛ a boan fan. Ni a‑a a boan, ɛ a 'a chɛɛ chɛ feanka n gbɛɛ bɔ wan a boo ɔ, mbɛ a ta‑a a a, a basan a boo fenɛ n gbɛɛ a, a ni miin ma butuin chɛ tena, mbɛ a‑a an du.
23“Mɔɛ min mbe ee n ko a, n chɛɛ ma nyɔɛ mu a a. Mɔɛ min mbe ee n deman‑da a a kan koe a kaina dɔndɔɛ, ɛ a a fasan‑da wan.”
Chisɔsi‑a tai tɛ, a si nyina yama ma mɔɛ n fɛ
(Matiu 12:43-45)
24Chisɔsi ɔ, “Ni nyina yama ka‑a mɔɛ fɛ, nyina chɛ ɛ ta wan ben ben‑da kaina ɔ gbaa gbaaenɛ ɔ, ɛ a ya a kan‑da kaina ɔ chimaenɛ a, a suin koe a. Chɛɛ a ee kaina ma sɔn. Ɛ si wan, a‑a a yii na chii, a ɔ, ‘N ka‑a kaina, ka wɛ n mbe yɛ to nɔ.’ 25Ni a na‑a, mbɛ a ma Yataa Nyina tan ni mɔɛ chɛ fɛ, a sin mbe ee kun kɔɔ, 26a dɔndɔ gbe ee bea to a fɛ. Chɛɛ ɛ a bɔ nyina yama wɔnfea chee wan, miin yau a ni ben a ma, mbɛ an gbɛɛ ma‑a kamin chɛ fɛ. Chɛ‑a a ma wan gbɛ, kamin chɛ ma buɛ ni yaua kaka, a ni ben a kɔma ma.”
Chisɔsi‑a mɔɛ n yian dua chenama ko a
27Chisɔsi to‑a koɔ an na, mbɛ musu dɔndɔ fanka chɛ tɛ ɔ, a kuiɛ ma sɛenɛ ɔ, a ɔ, “Musu min‑na i suun, mbɛ i‑a a susu min, a duaen ba mu.”
28Chɛɛ Chisɔsi ɔ, “I‑a tea an fɔ ka, chɛɛ miin mbe Yataa 'a bai a min‑da, mbɛ an‑na a ma, yɔ bai chɛ‑a min fɔ an ye a ma koe a, dua chenama wa gbu ɛ ma‑a an fan ma.”
Mɔɛ n‑na Chisɔsi ɔ tisa kamaya koe ma koe a
(Matiu 12:38-42)
29Mɔ sɛsɛ n na ni kan tena wan tun Chisɔsi ma. Mbɛ a ɔ, “Mɔɛ miin mbe n dɔ tisa‑a, n ni kamaya koe a dan, mɔ yauaen ba mu an mɔ bonda chɛ sima n na. Chɛɛ an mbe ee tɔmɔsi dɔndɔ wɛɛ ma sɔn‑da, mɔɔ dechee Yataa‑a tɔmɔsi min na ben a 'a gbonka chɛ mɔɛ Chona a. 30N fan, Mɔ Gbu 'a Denɛ, n mbe ma‑a wan tɔmɔsi a an mɔɛ chɛ n ko a, yɔ Chona ma‑a buɛ min dɔ suun tɔmɔsi a, Ninifɛ duu ɔ mɔɛ n tena. 31A sin tee min ma Yataa ɛ ma‑a dunya gbɛmbo‑a, musu min ni mansa a Seba chɛnyɛ ɔ, a wɛɛ‑a a kɔɔ sɔ‑a wan, mbɛ a‑a mɔɛ chɛ n yɛi siiya bɔ. A mu min na, a na‑a ka wan dunya danka a, na koe a, a too ma sɔ‑a Sɔɔmon 'na yiimatɛ bai n ma. Mɔɛ yen ko nɛ an tɛ gbɛ min benden mu Sɔɔmon ma, chɛɛ an mbe ee an too ma sɔ tena a ma. 32A sin tima min na Yataa ɛ ma‑a dunya gbɛmbo‑a, Ninifɛ mɔɛ chɛ n mbe an kɔɔ sɔ‑a wan a ka saya ɔ, mbɛ an‑na mɔɛ chɛ n yɛi siiya bɔ. A mu min na, tima min na Chona na‑a Yataa bai sa Ninifɛ mɔɛ chɛ n tena, an‑na an kan kɔ sɔ wan an 'na ko yama n na. Mɔɛ yen ko nɛ mɔɛ dɔndɔɛ chɛ n tɛ gbɛ min benden mu Chona ma, chɛɛ an mbe ee an too ma sɔ tena a ma.”
Chisɔsi‑a tai tɛ, a si dambo manɛ ma
(Matiu 5:15; 6:22-23)
33Chisɔsi ɔ, “Ni mɔ ɔ mɔ‑a dambo a man, a ee a nun, chɛ ma, a ni samba bun a kun ma. Chɛɛ ni mɔ‑a dambo a man, e a si kaina wan, min mbe a ma, ni mɔɛ n don‑da dechee i 'a chenɛ a, an mbe kun fan an ni kaina ɔ yen gbadan. 34Mɔ gbu ya ɛ wan yɔ dambo manɛ a gboo ko a. Ni mɔ ya a kaenɛ ma‑a gboden, a gboo gbɛɛ ɛ ma manɛ an dɔ. Chɛɛ ni a ya a pimbienɛ ma‑a, a gboo gbɛɛ ɛ ma pimbi an dɔ. 35Chɛ an‑na a fɔ, wo wo kun ma fɛn, min mbe a ma, wo ya a ma na pimbi, mbɛ wo to‑a pimbi ɔ. 36Ni wo ya a kaenɛ ma‑a gboden, a dɔndɔ wɛɛ ma te ni, wo e kaina kan kɔ kan dɔ yen fan, yɔ dambo ɛ man buɛ min dɔ taun wo ya ɔ yen koe a.”
Chisɔsi‑a mɔɛ n na si, a si Chu n 'na sawa kan mɔɛ n ma, an bɛ Fayisii n na
(Matiu 23:1-36; Maki 12:38-40)
37Chisɔsi bandenɛ ma koɔ‑a, mɔ dɔndɔ min ni Fayisii a, a‑a a chee wan a 'a chenɛ a, ta koe a an ni daunɛ chɛ an fea a a. Mbɛ an ta‑a, an si‑a, mbɛ an bun‑da daunɛ chɛ‑a. 38Chisɔsi nii ma a boo a ko ni a chia ma, yɔ Fayisii manda‑a a fɔ buɛ min dɔ, a e na to a kuu sɔ‑a daunɛ chɛ‑a. Chɛ na‑a ma wan tɛnɛmaya ko wa a Fayisii chɛ tena. 39Mbɛ Mansa Chisɔsi‑a a fɔ a ye, a ɔ, “Wo wan Fayisii chɛ nu, tea mu a a, wo e wan yɔ kɔpu, min kɔɛ koenɛ ɛ, chɛɛ a bu ɔ nɔɔenɛ ɛ. Wo e nyima yɛnɛ an chɛ dechee mɔɛ n na, chɛɛ wo gbɔsɔen mu dechee wo wandi an ko a, a sin wo faa n dɔ finden mu kaka. 40Wo kun dɔ ban tɔɛ chɛ nu, Yataa min‑na gboo a dan, an‑na faa don bu ɔ, a sin an fea gbɛɛ wakoe ɛ wan sa ɔ a faa ma. 41Chɛɛ wo wo boo fenɛ n be yɔn tɔɛ n ma, wo faa gbɛɛ a. Ni wo‑a chɛ ma, ko kan kɔ kan wo e min ma‑a, ɛ Yataa faa chima‑a wan.
42“Wo wan Fayisii nu, koe min mbe wo tan‑da, a yau gba wo ko a. Ko chɛndɛ yen ko, wo e min ma. Boo fen kan kɔ kan, wo e min sɔn, wo e a du wan si tena tanɛ a, mbɛ wo‑a si tena dɔndɔ be Yataa ma. Boo fenɛ tatayaenɛ wɛɛ, wo e Yataa kɔ wan a ɔ. Chɛɛ wo ma wo gbɔsɔ ni tea koe ma koe a wo bɔɛ n na, a yɛ to, wo ma wo gbɔsɔ ni to koe a Yataa a. Koe chɛ n gbɛɛ, wo an ma. A sin to, wo a a tun wo boo fenɛ n be koe a Yataa ma.
43“Wo wan Fayisii nu, koe min mbe wo tan‑da, a yau gba wo ko a. Ni wo ta‑a samun chɛ chenɛ a, wo toen mu si tena ma bɛnden ba an na. Ni wo ta‑a machiti wɛɛ ɔ, wo toen mu mɔɛ n ni basɔmaya kɔndɔnɛ chɛ wo a. 44Koe min mbe wo tan‑da, a yau gba wo ko a. A mu min na, wo ma buɛ ee a ɔ yian mɔɛ n na, mbɛ wo sɔnɛ n yau wan. An mbe ee a ɔ sɔn ni wo sɔnɛ n yau wan, chɛɛ ni an gbɛn‑da dechee wo ma, mbɛ wo‑a wo sɔn yama chɛ n chɛ an dɔ, mbɛ an ma‑a yɔ wo e buɛ min dɔ.” #11:44 Bai miin nyɛnden mu Kiisi gboo ɔ, an fasai an nɛ: “wo e wan yɔ kamba, mɔɛ ma min bakoe ɔ sɔn, mbɛ a tachɛ‑a a kun ma.” Chu mɔɛ n 'na manda ɔ, ni mɔɛ tachɛ‑a kamba kun ma, an mɔɛ chɛ ma nyamui‑a Yataa tena.
45Mbɛ Chu n 'na sawa kan mɔ dɔndɔ‑a a fɔ a ye, a ɔ, “Ticha, i 'a bai chɛ n gbɛɛ tu‑a wan nn bɛɛ a, i‑a miin fɔ ka. Main bai n dechee n fan nɛ.”
46Mbɛ Chisɔsi ɔ, “Wo wan sawa kan mɔɛ chɛ n bɛɛ, koe min mbe wo tan‑da, a yau gba wo ko a. Wo e suun feanka fanka ma si wan mɔɛ n kun ma ta koe a, chɛɛ wo wandi gbu ee deman an ma ɛnden bɛɛ a. 47Koe min mbe wo tan‑da, a yau gba wo ko a. A mu min na, wo bemba n ta bemba n‑na Yataa 'a gbonka chɛ mɔɛ miin fa suun, wo sin mbe an kamba n ma bɛn nyima nyima.#11:47 An ni a ɔ yian fan ka, mbɛ baa koo an boo ɔ Yataa 'a gbonka chɛ mɔɛ chɛ n ko a. Chɛɛ a ee ka an sɔnɛ ɔ, koe min na mu, an mbe ee an too ma sɔ gbonka chɛ mɔɛ chɛ n da a bai ma. 48Chɛ‑a a ɔ yian fan, mbɛ wo bɛ wo bemba n ta bemba chɛ n na, wo kuiɛ ɛ dɔndɔ gbe, an ban koe a an boo si koe a gbonka chɛ mɔɛ chɛ n 'na sakana bai n kɔɔ. Koe min na mu, an na‑a an fa wan, mbɛ wo sin mbe an kamba n ma bɛn nyima nyima. 49Chɛ an ko a ni, Yataa min yiima tɛen mu, a‑a a fɔ, a ɔ, ‘N mbe n 'na gbonka chɛ mɔɛ nu, a basan n 'na sɔ mɔɛ n na, n mbe an na ta‑a wan an tena. An mbe an dɔ n fa‑a wan, mbɛ an‑na ko yawaenɛ sa a tɔɛ n ma.’ 50Chɛ an fɛ mu, wo nyɔn sima chɛ nu, Yataa ɛ wo wan tɔɔya‑a, a 'a gbonka chɛ mɔɛ chɛ n fa koe a, a ka suun dunya kuu sɔ tima ma. 51Wo e tɔɔya‑a wan Ebɛɛ 'a saya ko a suun, aan a ta Sakaaya 'a saya ma. An na‑a Sakaaya chɛ fa Yataa 'a kata chɛ an dɔ, Yataa 'a chen chɛ n tɛ yasi minda gbengbe chɛ tena a. N mbe a ma din tena wo tena, tea ɔ, mbɛ wo nyɔn sima chɛ n fan mbe tɔɔya ɔ bia‑a, Yataa 'a gbonka chɛ mɔɛ chɛ n wii chɛ ko a.
52“Wo wan sawa kan mɔɛ chɛ nu, koe min mbe wo tan‑da, a yau gba wo ko a. A mu min na, mɔɛ ɛ bɔ chia min na, a ni Yataa sɔn, wo‑a a ma wo ta a. Wo ee dɔn, mɔɛ miin toen mu an ni Yataa sɔn, an ni an chia chɛ ma sɔn, wo wandi gbu sin ma Yataa sɔn.”
53Mbɛ Chisɔsi bɔ‑a Fayisii chɛ 'a chenɛ a. A bɔ‑a kɛn, Chu n 'na sawa kan mɔɛ chɛ nu, an bɛ Fayisii chɛ n na, an‑na a kuu sɔ wan a ma bɔ‑a a yama yama boo a. A ka a tima chɛ ma, an bun‑da a ɔ tisa‑a tisa n na a si ko sɛsɛ ma, 54an mbe ta‑a butuinɛ chɛ‑a, min mbe a ma, an ni fɛɛ sa a ye, mbɛ an‑na a bia a chen kɔ, a da a bai ɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
New Testament in Kono © The Bible Society of Sierra Leone, 2006.